ചൂണ്ടുവിരലിലെ വിഭവങ്ങള്‍

2010 ജൂലൈമുതല്‍ അക്കാദമിക വിഭവങ്ങളുമായി ഈ വിദ്യാഭ്യാസ ബ്ലോഗ് ...പ്രയോജനപ്പെടുത്തുക, പ്രയോഗിക്കുക, പ്രചോദിപ്പിക്കുക, പ്രചരിപ്പിക്കുക.. ചൂണ്ടുവിരലില്‍ പങ്കിട്ട വിഭവമേഖലകള്‍....> 1.അധ്യാപക ശാക്തീകരണം ,2. വായനയുടെ വഴി ഒരുക്കാം, 3.എഴുത്തിന്‍റെ തിളക്കം, 4.വിദ്യാഭാസ ഗുണനിലവാരം- സംവാദം,5. മികവ്, 6.ശിശുസൌഹൃദ വിദ്യാലയം, 7.സര്‍ഗാത്മക വിദ്യാലയം, 8.നിരന്തര വിലയിരുത്തല്‍, 9.ഗണിതപഠനം, 10.വിദ്യാഭ്യാസ അവകാശ നിയമം, 11.ദിനാചരണങ്ങള്‍, 12.പാര്‍ശ്വവത്കരിക്കപ്പെടുന്നവര്‍, 13. രക്ഷിതാക്കളും സ്കൂളും, 14. കളരി, 15. ക്ലാസ് അന്തരീക്ഷം/ക്രമീകരണം, 16.ഇംഗ്ലീഷ് പഠനം, 17.ഒന്നാം ക്ലാസ്, 18. ശാസ്ത്രത്തിന്റെ പാത, 19.ആവിഷ്കാരവും ഭാഷയും, 20. പ്രത്യേക പരിഗണന അര്‍ഹിക്കുന്ന കുട്ടികള്‍, 21. ഐ ടി സാധ്യതകള്‍, 22. പഠനറിപ്പോര്‍ട്ടുകള്‍, 23.പഠനമാധ്യമം 24. ഭൌതികസൌകര്യങ്ങളില്‍ മികവ്, 25.അക്കാദമികസന്ദര്‍ശനം, 26.ഗ്രാഫിക് ഓര്‍ഗനൈസേഴ്സ്, 27.പ്രഥമാധ്യാപകര്‍.,28. ബാല, 29. വളരുന്ന പഠനോപകരണം,30. കുട്ടികളുടെ അവകാശം, 31. പത്രങ്ങള്‍ സ്കൂളില്‍, 32.പാഠ്യപദ്ധതി,33. ഏകീകൃത സിലബസ്, 34.ഡയറ്റ് .35.ബി ആര്‍ സി,36. പരീക്ഷ ,37. പ്രവേശനോത്സവം,38. IEDC, 39.അന്വേഷണാത്മക വിദ്യാലയങ്ങളുടെ ലോകജാലകം, 40. കലാവിദ്യാഭ്യാസം, 41.പഞ്ചായത്ത്‌ വിദ്യാഭ്യാസ സമിതി, 42. പഠനോപകരണം, 43.പാഠ്യപദ്ധതി പരിഷ്കരണം, 44. ചൂണ്ടുവിരല്‍,45. ടി ടി സി, 46.പുതുവര്‍ഷം, 47.പെണ്‍കുട്ടികളുടെ ശാക്തീകരണം, 48. ക്രിയാഗവേഷണം,49. ടീച്ചിംഗ് മാന്വല്‍, 50. പൊതുവിദ്യാഭ്യാസസംരക്ഷണം, 51.ഫീഡ് ബാക്ക്, 52.സ്റ്റാഫ് റൂം, 53. കുട്ടികളുട അവകാശം,54. കൃഷിയും പഠനവും,55. നോട്ട് ബുക്ക് ആകര്‍ഷകവും സമഗ്രവും, 56.പഠനയാത്ര, 57. വിദ്യാബ്ലോഗുകള്‍,58. സാമൂഹികശാസ്ത്രം, 59. സ്കൂള്‍ അസംബ്ലി, 60.സ്കൂള്‍ റിസോഴ്സ് (റിസേര്‍ച്) ഗ്രൂപ്പ് - ,61.പ്രതിഫലനാത്മകക്കുറിപ്പ്, 62. ബദല്‍പാഠങ്ങള്‍, 63.മെന്ററിംഗ്,64. വര്‍ക്ക്ഷീറ്റുകള്‍ ക്ലാസില്‍, 65.വിലയിരുത്തല്‍, 66. സാമൂഹിക ശാസ്ത്രാന്തരീക്ഷം, 67.അനാദായം, 68.എ ഇ ഒ , 69.കായികവിദ്യാഭ്യാസം,70. തിയേേറ്റര്‍ സങ്കേതം പഠനത്തില്‍, 71.നാടകം, 72.നാലാം ക്ലാസ്.73. പാഠാവതരണം, 74. മോണിറ്ററിംഗ്, 75.വിദ്യാഭ്യാസ ചിന്തകള്‍, 76.സഹവാസ ക്യാമ്പ്, 77. സ്കൂള്‍ സപ്പോര്‍ട്ട് ഗ്രൂപ്പ്,78.പ്രദര്‍ശനം,79.പോര്‍ട്ട്‌ ഫോളിയോ...80 വിവിധജില്ലകളിലൂടെ... പൊതുവിദ്യാഭ്യാസത്തിന്റെ കരുത്ത് അറിയാന്‍ ചൂണ്ടുവിരല്‍...tpkala@gmail.com.

Thursday, May 30, 2013

ലോകപരിസ്ഥിതി ദിനം- 2013


വിദ്യാലയശാക്തീകരണത്തിനുളള പിന്തുണാക്കുറിപ്പ്-2
ഡയറ്റ് ഇടുക്കി

ലോകപരിസ്ഥിതി ദിനാചരണപ്രവര്‍ത്തനങ്ങള്‍  2013
      ഈ വര്‍ഷത്തെ പരിസ്ഥിതിദിന പ്രമേയം
ചിന്തിക്കൂ ഭക്ഷിക്കൂ സംരക്ഷിക്കൂ
(THINK, EAT.SAVE)

എന്താണ് പ്രമേയത്തിന്റെ പ്രസക്തി?
      ലോകത്ത് പ്രതിദിനം അഞ്ചുവയസില്‍ താഴെയുളള എത്ര കുട്ടികള്‍ പട്ടിണിമൂലം മരിക്കുന്നുണ്ടാകും?ഇരുപതിനായിരം കുഞ്ഞുങ്ങള്‍  ! എല്ലാ ദിവസം ഏഴുപേരില്‍ ഒരാള്‍ കൊടും പട്ടിണിയനുഭവിക്കുന്നു. അതേ സമയം 1.3 ബില്യണ്‍ ടണ്‍ (1 ബില്യണ്‍ എത്ര എന്ന് കുട്ടികളെ   എങ്ങനെ മനസിലാക്കിക്കും?  ) ആഹാരസാധനങ്ങള്‍ പാഴാക്കുന്നു. പട്ടിണി മൂലം കുട്ടികള്‍ മരിക്കുന്ന ഭൂമിയില്‍ ഭക്ഷണം പാഴാക്കുന്നത് ശരിയോ?
      ആഹാരം പാഴാകുന്നുവെന്നു പറഞ്ഞാല്‍ മറ്റു വിഭവങ്ങള്‍ പാഴാക്കുന്നു എന്നാണര്‍ഥം. ഉദാഹരണത്തിന് ഒരു ലിറ്റര്‍ പാലുണ്ടാകാന്‍ ആയിരം ലിറ്റര്‍ ജലം വേണമത്രേ! ലോകത്ത് മൊത്തം ആഹാരോല്പാദനത്തിന്, ആവാസയോഗ്യമായ ഭൂമിയുടെ ഇരുപത്തിയഞ്ച് ശതമാനം ഉപയോഗിക്കുന്നു. ഇതിന് എഴുപത് ശതമാനം ശുദ്ധജലം ആവശ്യമായി വരുന്നു. വനനശീകരണം  ഹരിതഗൃഹവാതകോല്പാദനം എന്നിവയും നടക്കുന്നു. ജൈവവൈവിധ്യശോഷണമാണ് മറ്റൊരു പാര്‍ശ്വഫലം. ഇത്തരം പ്രത്യാഘാതങ്ങള്‍ നമ്മുടെ ആഹാരസാധനങ്ങളുടെ ഉല്പാദനവുമായി ബന്ധപ്പെട്ടുണ്ടാകന്നുവെന്ന് നിങ്ങള്‍ ആലോചിച്ചിട്ടുണ്ടോ? ഭക്ഷിക്കുന്നതിനു മുമ്പ് ആലോചിക്കുക എന്നു പറഞ്ഞതിന്റെ സാംഗത്യം വ്യക്തമായല്ലോ. ഇത്തരമൊരു തിരിച്ചറിവ് ഭക്ഷണസാധനങ്ങള്‍ അറിഞ്ഞോ അറിയാതെയോ പാഴാക്കുന്നതിനെ തടയും. ഫലമോ ഭക്ഷണം ലാഭിക്കും. അതായത് ചിന്തിക്കുക, ഭക്ഷിക്കുക, സംരക്ഷിക്കുക എന്നത് ലോകത്തിന്റെ പരിസ്ഥിതി സംരക്ഷിക്കാനാവശ്യമായ ജീവിത വീക്ഷണമാണ്.

എന്താണ് നമ്മള്‍ക്ക് ചെയ്യാന്‍ കഴിയുക?
1. ആഹാരം പാഴാക്കുന്നുണ്ടോ? സര്‍വേ?
വീട്ടില്‍  ഇന്നലെ / ഈ ആഴ്ച ആഹാരം പാഴായോ? ഇനം അളവ്, ആഹാരം പാഴാക്കിയത് ശ്രദ്ധയില്‍പെട്ട്  ഏതെങ്കിലും മറ്റു സന്ദര്‍ഭങ്ങളും  വീട്ടിലുളളവര്‍ക്ക് പറയാനുണ്ടാകും. ഏതൊക്കെ വിധത്തിലാണ് ആഹാരം പാഴാകുന്നത് എന്നും. ഈ വിവരങ്ങള്‍ ക്ലാസില്‍ ക്രോഡീകരിക്കണം. അതേ പോലെ വിദ്യാലയത്തില്‍ ഭക്ഷണം പാഴാകുന്നുണ്ടോ? കാരണം ?വീട്ടില്‍ നിന്നും കൊണ്ടു വന്ന ആഹാരം പൂര്‍ണമായി കഴിക്കാത്തവര്‍ , ഉച്ചഭക്ഷണം മിച്ചം വന്നോ? തുടങ്ങിയ വിവരങ്ങളും അങ്ങനെ സംഭവിച്ചെങ്കില്‍ അതിന്റെ കാരണങ്ങളും പരിഹാരവും കണ്ടെത്തുക.
2.   നാട്ടറിവുകള്‍ ശേഖരിക്കല്‍
പലവിധത്തിലാണ് ഭക്ഷണസാധനങ്ങള്‍ കേടുകൂടാതെ വളരെ നാള്‍ സൂക്ഷിച്ചുവെച്ച്  ഉപയോഗിക്കുന്നത്. ഏതെല്ലാം വിധത്തില്‍ ഏതെല്ലാം സാധനങ്ങള്‍ സൂക്ഷിക്കുന്നു. പ്രായമായവരില്‍       നിന്നും വിവരം ശേഖരിക്കൂ. ഇന്നിവയില്‍ ഏതെല്ലാം രീതികള്‍ പ്രയോജനപ്പെടുത്തുന്നു എന്നും   കണ്ടെത്തൂ.
ഭക്ഷണം ദീര്‍ഘകാലത്തേക്കു സൂക്ഷിക്കുന്ന രീതി
ഭക്ഷണസാധനങ്ങള്‍
ഇന്ന് ഈ രീതി നിങ്ങളുടെ വീട്ടില്‍ ഉപയോഗിക്കുന്നുണ്ടോ
ഉണക്കി
1.  മരച്ചീനി
2.   

















3. പ്രദര്‍ശനം
      പലവിധത്തില്‍ കേടുകൂടാതെ സൂക്ഷിച്ച ആഹാരസാധനങ്ങളുടെ പ്രദര്‍ശനം സംഘടിപ്പിക്കല്‍. രീതികള്‍ ഡെമോമ്‍സ്ട്രേറ്റ് ചെയ്യല്‍, പാചകക്കുറിപ്പകളുടെ പതിപ്പ് തയ്യാറാക്കല്‍
4. ചിത്ര /ചാര്‍ട്ട് പ്രദര്‍ശനം
      അമിതാഹാരം മൂലമുളള ആരോഗ്യ പ്രശ്നരങ്ങള്‍, ഭക്ഷണം പാഴാകുന്നതിന്റെ ചിത്രങ്ങള്‍, പട്ടിണിയുടെ ഭീകരത ബോധ്യപ്പെടുത്താവുന്ന ചിത്രങ്ങള്‍
5. നാടന്‍ വിഭവങ്ങളും ജൈവവൈവിധ്യവും
      നമ്മുടെ ആഹാരവുമായി ബന്ധപ്പെട്ട സസ്യ ജന്തു വൈവിധ്യം കണ്ടെത്തല്‍ പ്രോജക്ട്. ഉദാഹരണം എത്ര തരം വാഴകള്‍? വാഴയില്‍ നിന്നുളള ആഹാര സാധനങ്ങള്‍ 
സസ്യം
ആഹാരത്തിന്റെ പേര്
കൂടുതല്‍ കാലം സൂക്ഷിക്കാവുന്നത്
നെല്ലിനങ്ങള്‍ (….........)
ചോറ്, ഇഡ്ഢലി, പുട്ട്, ദോശ, അപ്പം, അവല്‍,അട, പായസം,കഞ്ഞി,കൊഴക്കട്ട....
അവല്‍..








6. ഭക്ഷണ പരിസ്ഥിതി ക്വിസ്
      ഭക്ഷണം, പരിസ്ഥിതി സംരക്ഷണം എന്നിവയുമായി ബന്ധപ്പെട്ട ക്വിസ്
7. ജൈവവൈവിധ്യശോഷണം നടക്കുന്നുണ്ടോ? പഠനം
      നാട്ടില്‍ പണ്ടുണ്ടായിരുന് നഏതെല്ലാം സസ്യങ്ങള്‍ ഇപ്പോള്‍ അപൂര്‍വമായി? ഏഴിലം പാല? കാഞ്ഞിരം? കൂവളം? പേഴ്? പൂവരശ്? മരുതി? നറുനീണ്ടി?... സസ്യങ്ങളുടെ ചിത്രങ്ങളും പ്രയോജനവും അപൂര്‍വമാകാനുളള കാരണവും നിര്‍ദ്ദേശങ്ങളും റിപ്പോര്‍ട്ടില്‍ ഉണ്ടാകണം. പഠനറിപ്പോര്‍ട്ട് സ്കൂള്‍ തല സെമിനാറില്‍ അവതരിപ്പിക്കണം. മികച്ചവ സബ്ജില്ലാതല സെമിനാറില്‍ അവതരിപ്പിക്കണം.
8. വിദ്യാലയം പരിസ്ഥിതി സൗഹൃദമാക്കല്‍
      കുട്ടികളുടെ പാര്‍ലമെന്റ് കൂടി വിദ്യാലയപരിസ്ഥിതി നയം രൂപീകരിക്കട്ടെ.ലക്ഷ്യങ്ങളും പ്രവര്‍ത്തനപദ്ധതിയും ചുമതലാവിഭജനവും സൂചിപ്പിക്കണം. എന്തെല്ലാം പ്രവര്‍ത്തനസാധ്യതകള്‍?
·         പരിസര ശുചീകരണം,
·         പ്ലാസ്റ്റിക് വിമുക്തവിദ്യാലയം,
·         പ്ലാസ്റ്റിക്കിന്റെ ഉപയോഗം കുറയക്കുന്നതിനുളള തന്ത്രങ്ങള്‍,
·         ജലസംരക്ഷണത്തിനുളള പ്രായോഗിക മാര്‍ഗങ്ങള്‍,
·         പരിസ്ഥിതി അവബോധം സൃഷ്ടിക്കുന്നതിനുളള പരിപാടികള്‍,
·         ഹരിത സേനയുടെ പ്രവര്‍ത്തനം,
·         പരിസ്ഥിതി ബുളളറ്റിന്‍ ബോര്‍ഡ്,
·         വിവധ ക്ലാസുകളിലെ പരിസ്ഥിതി പാഠങ്ങളും തുടര്‍ പ്രവര്‍ത്തനങ്ങളും പരിഗണിച്ച് വര്‍ഷം മുഴുവന്‍ നീളുന്ന പ്രവര്‍ത്തനപരിപാടി രൂപപ്പെടുത്തല്‍..
·         പരിസഥിതി സഹവാസ ക്യാമ്പ്.
·         അതിഥിക്ലാസുകള്‍... കൂടുതല്‍ സാധ്യതകള്‍ അന്വേഷിക്കട്ടെ.
9. മഴയും ജലക്ഷാമവും ഊര്‍ജപ്രതിസന്ധിയും
      ചര്‍ച്ച, സെമിനാര്‍, ഉപന്യാസ രചനാമത്സരം ഇവ സംഘടിപ്പിക്കാം. മഴക്കുഴികള്‍ വീട്ടിലും വിദ്യാലയത്തിലും നിര്‍മിക്കാം. ജലോപയോഗം കുറയ്ക്കുന്നതിനുളള പ്രവര്‍ത്തനമാതൃകകള്‍ ആലോചിക്കാം. കാലാവസ്ഥാ വ്യതിയാനം മൂലമുണ്ടാകാവുന്ന പ്രശ്നങ്ങളെക്കുറിച്ച് വിവരം ശേഖരിക്കാം.
10. നാടകം, കാര്‍ട്ടൂണ്‍, കാവ്യശില്പം,പാവനാടകം, കഥാപ്രസംഗം
      പരിസ്ഥിതി സംരക്ഷണം, ഭക്ഷണം പാഴാക്കുന്നതിന്റെ സാമൂഹിക പാരിസ്ഥിതിക പ്രശ്നങ്ങള്‍ ഇവയെ ആധാരമാക്കി നാടകം രചിക്കുന്നതിനും അവതരിപ്പിക്കുന്നതിനും അവസരം ഒരുക്കാം. പരിസ്ഥിതി കഥകള്‍ , ലേഖനങ്ങള്‍ എന്നിവ സമാഹരിക്കാം.
11.        വസ്തുക്കളുടെ പുനരുപയോഗം (ഒന്നും പാഴല്ല )
12.        പരിസ്ഥിതി സിനിമാ പ്രദര്‍ശനം
13.        പരിസ്ഥിതി പത്രവാര്‍ത്താശേഖരം
14.        പരിസ്ഥിതി ആല്‍ബനിര്‍മാണം
15.പരിസ്ഥിതിദിനാചരണവും വിഷയ പഠനവും ( എല്ലാ വിഷയങ്ങളും പരിസ്ഥിതി പ്രമേയമാക്കി ജൂണ്‍ അഞ്ചിന് പഠിപ്പിക്കാന്‍ ആലോചിക്കണം. ദിനാചരണങ്ങളെ വിഷയപഠനവുമായി ഉദ്ഗ്രഥിക്കുന്നതിന്റെ ട്രൈ ഔട്ട് ആകട്ടെ ഇത്തവണത്തെ പരിസ്ഥിതിദിനാചരണം)
ഗണിതം
നാം ഒരു ദിവസം കഴിക്കുന്ന ഭക്ഷണത്തിന്റെ ചെലവെത്ര? ഭക്ഷണം ലിസ്റ്റ് ചെയ്യല്‍. ഹോട്ടല്‍ വിലയനുസരിച്ച് വിലയിടല്‍. എങ്കില്‍ ഒരു മാസത്തെ ഒരു വര്‍ഷത്തെ ചെലവ് എത്ര വരും? സമീകൃതാഹാരം ചേരുവ അളവുകള്‍ പട്ടിക തയ്യാറാക്കല്‍ (അളവ് പഠനം ) ഉച്ചക്കഞ്ഞിഗണിതം.ഭക്ഷണത്തിലെ ഇനങ്ങളുടെ അനുപാതം കണക്കാക്കല്‍ ,പച്ചക്കറിക്കൃഷി തടമൊരുക്കല്‍ തുടങ്ങി ഭക്ഷണധാരണയും ഗണിതധാരണയും  രൂപീകരിക്കല്‍.
ഇംഗ്ലീഷ് /ഹിന്ദി
പരിസ്ഥിതി സംബന്ധമായ വാര്‍ത്താ ചിത്രങ്ങളെ ആധാരമാക്കിയുളള ചര്‍ച്ചയില്‍ നിന്നും വിവരണം തയ്യാറാക്കല്‍, ചിത്രത്തിലെ സംഭവത്തിനു മുമ്പും ശേഷവും നടന്നകാര്യങ്ങള്‍ ഗ്രൂപ്പില്‍‌ ആലോചിക്കല്‍, കഥ വികസിപ്പിക്കല്‍, നാടകമാക്കി അവതരിപ്പിക്കല്‍,പരിസ്ഥിതിദിനാചരണം വാര്‍ത്ത ,ഡയറി, റിപ്പോര്‍ട്ട് തയ്യാറാക്കല്‍ .
മലയാളം
പരിസഥിതി കവിതകള്‍ അവതരണം, ആസ്വാദനക്കുറിപ്പ്, വായനാക്കുറിപ്പ്, പ്രഭാഷണം, പരിസ്ഥിതി ദിനത്തിലെ പത്രവാര്‍ത്തകള്‍ ലേഖനങ്ങള്‍ ഇവ വായിച്ച് ലഘുലേഖ തയ്യാറാക്കല്‍.
കലാവിദ്യാഭ്യാസം .
ചിത്രരചന, കാര്‍ട്ടൂണ്‍ രചന, രംഗാവിഷ്കാരം,
പ്രവൃത്തിപരിചയം
ബാഡ്ജ് നിര്‍മാണം, പേപ്പര്‍ ബാഗ്  നിര്‍മാണം, കൂടുതല്‍ സാധ്യത ആലോചിക്കുക

പരിസ്ഥിതി പോര്‍ട്ട് ഫോളിയോ ഓരോ കുട്ടിക്കും.
അത് ക്ലാസ് പിടി എ വിലയിരുത്തട്ടെ.

Wednesday, May 22, 2013

ആ അനുഭവസാന്നിദ്ധ്യം മനസില്‍ അസ്തമിക്കില്ല.


ശ്രീലാലിന്‍ ആദരവ്

എന്റെ സ്നേഹിതന്‍ ശ്രീലാല്‍ ഓര്‍മയായി.
അദ്ദേഹത്തെ പരിചയപ്പെടുന്നത് നെല്ലിക്കാല സര്‍ക്കാര്‍ എല്‍ പി സ്കൂളില്‍ വ്യത്യസ്തമായ പ്രവര്‍ത്തനം നടത്തിയ അധ്യാപകനെന്ന നിലയിലാണ്.

പുതിയ പാഠ്യപദ്ധതി വന്നപ്പോള്‍ അതിന്റെ റിസോഴ്സ് പേഴ്സണായി
പരിശീലിപ്പിക്കുന്ന കാര്യങ്ങള്‍‌ സ്വന്തം വിദ്യാലയത്തില്‍ പ്രയോഗിച്ചു ബോധ്യപ്പെടുന്നതിനും ബോധ്യപ്പെടുത്തുന്നതിനും ശ്രീലാല്‍ എപ്പോഴും ശ്രദ്ധിച്ചിരുന്നു.
വിദ്യാലയങ്ങള്‍ അനാദായകരമെന്നു പറഞ്ഞ് അടച്ചുപൂട്ടാന്‍ തീരുമാനിച്ചപ്പോള്‍ എം എല്‍ എ മാരുടെ വസതികളിലേക്കു പടുകൂറ്റന്‍ ജനകീയ മാര്‍ച്ച് സംഘടിപ്പിക്കുന്നതില്‍ ശ്രീലാല്‍ മുന്നിലുണ്ടായിരുന്നു.
പോരാട്ടത്തിന്റെ സൗമ്വും ശക്തവുമായ മുഖം
ശ്രീലാല്‍ പ്രഥമാധ്യാപകനായപ്പോള്‍ ഞാന്‍ പറഞ്ഞു ഒരു വിദ്യാലയം കൂടി തിളങ്ങാന്‍ പോകുന്നു
പുല്ലാട് ഗവ യു പി സ്ഖൂളില്‍ ഉച്ചയ്ക്കാണ് ഞാന്‍ ചെല്ലുന്നത്.
ആ സ്കൂളിന്‍ ചരിത്രത്തില്‍ സ്ഥാനമുണ്ട്. പണ്ട് അധസ്ഥിതര്‍ക്ക് വിദ്യാലയ പ്രവേശനം നല്‍കി എന്നതിന്റെ പേരില്‍ തീവെച്ച വിദ്യാലയമാണ്. അയ്യങ്കാളിപ്പട പ്രതിരോധസമരം നടത്തിയതും മറ്റും ചരിത്രം. വെളളിക്കരച്ചോതിയുടെ സ്വപ്നങ്ങള്‍ വിദ്യാലയത്തിന്റ അടിത്തറയിലുണ്ട്.
ശ്രീലാല്‍ എന്നെയും കൂട്ടി കമ്പ്യൂട്ടര്‍ ലാബിലേക്ക് പോയി.
അവിടെ കുട്ടികള്‍ പത്രം തയ്യാറാക്കുന്നു. ഒറ്റപ്പേജ് പത്രം. ഓരോ ആഴ്ചയും പത്രമുണ്ടാകും. ക്ലാസ് പത്രവും ഉണ്ട്. സ്കൂള്‍ പത്രവും. ടൈപ്പിംഗും എഡിറ്റിംഗും ഫോട്ടോ സന്നിവേശവും എല്ലാം കുട്ടികള്‍. അത് ഭാഷാപരമായ പ്രവര്‍ത്തനവും ഐ ടി പഠനവുമാണ്. ഐ ടി പഠനത്തെ വേറിട്ട വിഷയമായി കാണാതെ വിഷയങ്ങളുമായി ഉദ്ഗ്രഥിക്കണം എന്ന സമീപനത്തിന്റെ പ്രായോഗികത.
അവിടെ കുട്ടികളുടെ ഇംഗ്ലീഷ് ക്യാമ്പ് നടന്നു. അതിന്റെ ആവേശം വിദ്യാലയത്തില്‍ കാണാന്‍ കഴി‍ഞ്ഞു. വിദ്യാലയത്തെ പഠനോപകരണമാക്കുന്ന പ്രവര്‍വത്തനം നടക്കുകയായിരുന്നു. ക്ലാസ് നിലവാരത്തിന് അനുസരിച്ചുളള ചിത്രങ്ങള്‍ മാത്രം മതി എന്നു തീരുമാനിച്ചിരുന്നു. ആ ചിത്രങ്ങള്‍ എങ്ങനെ പ്രയോജനപ്പെടുത്തണമെന്ന് അധ്യാപകരുമായി ആലോചിച്ച് കൂടുതല്‍ പഠനമൂല്യമുളളവ തെരഞ്ഞെടുത്തു. എനിക്കിഷ്ടമായി. തടികൊണ്ടുളള വിഭജനമറ ബിഗ്പിക്ചറിന്റെ പിന്‍പ്രതലമാക്കിയിരിക്കുന്നു. ഓരോ ക്ലബ്ബിനും പ്രത്യേകം പ്രദര്‍ശന ബോര്‍ഡുകള്‍. അവയാകട്ടെ സജീവത പ്രതിഫലിപ്പിക്കുന്നുണ്ട്. കോര്‍ണര്‍ ,ഷെല്‍ഫ് ഒരിടത്ത് ക്ലാസ് ലാബാക്കി മാറ്റി.മറ്റൊരിടത്ത് റിസോഴ്സ് ‍ഷെല്‍ഫ്.. ആ ഷെല്‍ഫ് സ്ഥലവിനിയോഗത്തിന്റെ നല്ലൊരു ഉദാഹരണം കൂടിയാണ്.ഓരോ യൂണിറ്റ് കഴിയുമ്പോഴുമുളള പഠനത്തെളിവുകള്‍ പലരൂപങ്ങളില്‍ ക്ലാസില്‍ കണ്ടു.
കെ എസ് ടി എ, ശാസ്ത്രസാഹിത്യപരിഷത് എന്നീ സംഘടനകളുടെ ജില്ലാതല പ്രവര്‍ത്തകന്‍ കൂടിയായിരുന്ന ശ്രീലാല്‍ ഇപ്പോള്‍ നമ്മോടൊപ്പമില്ല.പുതിയ അക്കാദമിക വര്‍ഷം ആരംഭിക്കാന്‍ ദിവസങ്ങള്‍ മാത്രമുളളപ്പോഴാണ് ശ്രീലാല്‍ വിട്ടുപിരിഞ്ഞത്.(21/05/13)
അധ്യാപനത്തെ അക്കാദമിക സമരമായി കണ്ട ശ്രീലാല്‍ നല്‍കിയ പ്രചോദനം ,ജനാധിപത്യപരമായ സമീപനം, സൗമ്യമായ ഇടപെടല്‍, സൗഹൃദത്തിന്റെ ദീപ്തമായ അനുഭവം …....
അതെ ശ്രീലാല്‍ ഒരു അധ്യാപകനായിരുന്നു.
ആ അനുഭവസാന്നിദ്ധ്യം മനസില്‍ അസ്തമിക്കില്ല.


Thursday, May 16, 2013

ആന്ധ്രപ്രദേശത്ത് നിന്നും പഠിക്കാനുണ്ട്

1.
ആന്ധയിലെ നല്‍ഗൊണ്ട ജില്ലയിലാണ് Narkatpally .
അവിടെ ഒരു പെണ്‍കുട്ടി.
ആറാം ക്ലാസുകാരി.
അവള്‍ക്ക് എപ്പോഴും മ്ലാനമുഖം.
യാതൊരു ഉല്ലാസവുമില്ല.
അവളെ വില്‍ക്കാനുളളതാണെന്നവള്‍ക്കറിയാം.
കൂട്ടുകാര്‍ക്കറിയാം.
അധ്യാപകര്‍ക്കറിയാം.
നാട്ടുകാര്‍ക്കറിയാം.
അവളുടെ വീട്ടില്‍ നാലു പെണ്‍മക്കള്‍.
നാലാമത്തേത് ആണ്‍കുട്ടിയാകണമെന്ന് മാതാപിതാക്കള്‍ ആഗ്രഹിച്ചു.
പിറന്നത് പെണ്ണ്.
അവള്‍ ശാപവചനങ്ങളാലാണ് വരവേറ്റപ്പെട്ടത്.
അപ്പോഴേ അച്ഛന്‍ പ്രഖ്യാപിച്ചു :-
"ഇവളെ എനിക്കു വേണ്ട . വില്ക്കും. എന്നിട്ടൊരാണ്‍ കുട്ടിയെ വാങ്ങും.”
വില്‍ക്കാന്‍ വേണ്ടി വളര്‍ത്തുകയാണ്.
ഇതിനിടയില്‍ ഒരാണ്‍കുട്ടിയെ വാങ്ങി പോസ്റ്റ് ഫില്‍ ചെയ്തു.
അവള്‍ അധിക തസ്തികയിലാണ്.
ഔദാര്യത്തിന്റെ തണലില്‍.
അവഗണിക്കപ്പെട്ട കുരുന്നുജീവിതം.
ഒരു ദിവസം അവളെ വിളിക്കാനായി പിതാവ് വിദ്യാലയത്തിലെത്തി. ക്ലാസിലേക്കു ചെന്നു. അവിടെ അവള്‍ നാടകം കളിക്കുന്നു. ക്സാസ് മുഴുവന്‍ അതില്‍ ലയിച്ചിരിക്കുകയാണ്. അതു കഴിഞ്ഞിട്ടാകാം എന്ന് പിതാവ് തീരുമാനിച്ചു. അയാള്‍ ആ നാടകം കാണുകയാണ്. മനസിലാകാത്ത ഭാഷയിലാണ് നാടകം. തന്റെ കുട്ടി ഇംഗ്ലീഷില്‍ സംസാരിക്കുന്നു. നന്നായി അഭിനയിക്കുന്നു. നാടകം കഴിഞ്ഞപ്പോള്‍ ക്ലാസിന്റെ അനുമോദനം. അയാളും കൈയടിച്ചു പോയി. എന്നിട്ട് ക്ലാസധ്യാപികയെ വിളിച്ചു പറഞ്ഞു. "ടീച്ചറേ ഇവളെ ഞാന്‍ പഠിപ്പിച്ച് ടീച്ചറാക്കും ..ആര്‍ക്കും കൊടുക്കില്ല.."
അങ്ങനെ അവള്‍ക്ക് അന്നു മുതല്‍ അച്ഛനേയും അമ്മയേയും തരിച്ചു കിട്ടി. ജീവിതവും പ്രതീക്ഷകളും.
2.
നാല്‌ഗൊണ്ട ജില്ലാകളക്ടര്‍ മാധ്യമക്കാരെ വിളിച്ചിരിക്കുകയാണ്. ഡയറ്റില്‍ ഒരു ശില്പശാല നടക്കുന്നു. കാണണം
ചാനലുകാരും പത്രക്കാരും അത്ഭുതപ്പെട്ടു
പത്തിരുപത്താറ് കുട്ടികള്‍ തയ്യാറാക്കിയ ഇംഗ്ലീഷ് പാഠങ്ങള്‍.! ചിത്രീകരണവും കുട്ടികള്‍ തന്നെ. അടുത്ത ദിവസം ജനം അറിഞ്ഞത് പുതിയ പഠനരീതിയെ വാനോളം പുകഴ്ത്തുന്ന വാര്‍ത്താ വിശേഷങ്ങള്‍
3.
ഡല്‍ഹിയില്‍ നിന്നും ജോയിന്റ് റിവ്യൂ മിഷന്‍ ആന്ധ്ര സന്ദര്‍ശിച്ചു. നാല്ഗൊണ്ടയിലുമെത്തി. അവരുടെ അഭിനന്ദനങ്ങള്‍. ആവേശം. ഡില്‍ഹിയിലിതു അവര്‍ പങ്കിട്ടു. കേട്ടറിഞ്ഞ ജപ്പാന്‍കാരന്‍ നാല്ഗൊണ്ടയിലെത്തി. പ്രൈമറികുട്ടികളുമായി സംവദിച്ചു
"ഞാനെവിടെ നിന്നാ വരുന്നതെന്നു പറയാമോ?”
കുട്ടികള്‍- "അമേരിക്ക"
"എങ്ങനെ മനസിലായി?”
"യു ആര്‍ വൈറ്റ്"
ഒരു കുട്ടി തിരുത്തി
"ജപ്പാന്‍ ഓര്‍ ചൈന"
"എങ്ങനെ മനസിലായി"
"യുവര്‍ ഫേസ്"
ഇത്തരത്തില്‍ കുട്ടികളോട് തെലുങ്കിലല്ലാതെ ഏറെ നേരം സംസാരിച്ച അദ്ദേഹത്തിന് അതിശയം.
ചോദ്യങ്ങളെല്ലാം കുട്ടികള്‍ക്കു മനസിലാക്കാന്‍ കഴിയുന്നു. ചെറുവാക്യങ്ങളില്‍ പ്രതികരിക്കാനും..
ഒരു വര്‍ഷം കൊണ്ടുളള നേട്ടമാണിതെന്നറിഞ്ഞപ്പോള്‍...!
4.
  • ഡോ. കെ എന്‍ ആനന്ദന്‍ ജില്ലാ കളക്ടര്‍ക്കു കൊടുത്ത വാക്കു പാലിച്ചു. "ഒരു വര്‍ഷം തരൂ. പ്രകടമായ മാറ്റം ബോധ്യപ്പെടുത്താം." ജില്ലാ കളക്ടര്‍ തൃപ്തനാണ്. അധ്യാപകരെ വിലക്കുകളും തര്‍ക്കങ്ങളും രാഷ്ട്രീയ ദുഷ്ടലാക്കോടെയുളള എതിര്‍പ്പുകളുമാല്ലാതെ കിട്ടി. അവര്‍ കേരളത്തെ പഠിപ്പിക്കുന്ന പാഠമിതാണ് -” ഒരു പുതിയരീതി വരുമ്പോള്‍ അവിശ്വസിക്കാതെ മുന്‍വിധിയില്ലാതെ വെളളം ചേര്‍ക്കാതെ പ്രയോഗിച്ചു നോക്കുക. എന്തു ഫലം എന്നു അറിയാമല്ലോ.ബോധ്യപ്പെട്ടാല്‍ വക്താക്കളാവുക.”                             52 വിദ്യാലയങ്ങളില്‍ ഇംഗ്ലീഷ് പഠനരീതി നടപ്പിലാക്കി വിജയിപ്പിച്ച ആനന്ദന്‍മാഷിനെ ആ സംസ്ഥാനം ബഹുമാനിക്കുന്നു. 
5.
  • ഡയറ്റാണ് ജില്ലയിലെ അക്കാദമിക പ്രവര്‍ത്തനങ്ങള്‍ക്ക് ചുക്കാന്‍ പിടിച്ചത്. എസ് എസ് എ ഫണ്ടിംഗ് ഏജന്‍സി മാത്രം. ഫാക്കല്‍റ്റിയംഗങ്ങള്‍. പ്രില്‍സിപ്പല്‍ എല്ലാവരും നിറഞ്ഞു നിന്നു. വിദ്യാലയങ്ങളില്‍ സാന്നിദ്ധ്യമായി. ശില്പശാലകളില്‍ അധ്യാപകര്‍ക്കൊപ്പം പഠിതാക്കളായി.അവധിദിനങ്ങള്‍ പോലും അക്കാദമികദിനങ്ങളാക്കി. SPACE എന്ന പരിപാടി ഇംഗ്ലീഷ് പഠനത്തിന്റെ വിജയമാതൃകയായി.
6.
  • അധ്യാപകര്‍ക്ക് ആത്മവിശ്വാസം കിട്ടിയത് പാഠപുസ്തകത്തിന്റെ അടിമകളാകേണ്ട എന്ന നിലപാടാണ്. പാഠപുസ്തകമല്ല ഭാഷയാണ് പഠിപ്പിക്കുന്നതെന്ന് വീണ്ടും വീണ്ടും ബോധ്യപ്പെടുത്തി. പാഠത്തിലെ ചിത്രങ്ങള്‍ പ്രയോജനപ്പെടുത്തി കുട്ടികള്‍ പാഠങ്ങള്‍ നിര്‍മിക്കാന്‍ തുടങ്ങി. ഡയറ്റിന്റെ ന്യൂസ് ലറ്ററില്‍ അതിനെക്കുറിച്ചിങ്ങനെ വിവരിച്ചു
From Pictures to Descriptions and Conversations
  • SPACE has evolved an effective process for generating descriptions, conversations and rhymes from the pictures given in the textbooks.
  • The focused interaction based on one of the pictures in the unit leads to the oral and written production of these discourses in the whole class.
  • Based on this input the children work in groups and produce their own descriptions and conversations.
  • In the next step each child produces these discourses based on other pictures in the textbook.
  • The process does not end here. Additional inputs are given to them for conceiving an idea and drawing their choice characters (animals and birds) and develop descriptions and conversations based on these illustrations.
  • Here also it begins with the whole class production
  • Let us interact with the children by asking them questions which will make them think and come out with their own ideas.
  • which in turn leads to the group products and finally, to the individual products.

നമ്മള്‍ക്കും പാഠപുസ്തകത്തില്‍ നിന്നും സ്വതന്ത്രരായിക്കൂടേ? തീരുമാനം അവരവര്‍ എടുക്കണം.
പ്രക്രിയയുടെ തെളിവിടമാണ് പാഠശാല
പഠനത്തിന്റെ തെളിവുകളെക്കുറിച്ചുളള കൃത്യതയാണ് മറ്റൊരു പ്രധാനസംഗതി. അധ്യാപര്‍ മൊബൈല്‍ ഫോണിനെ പോര്‍ട്ട്ഫോളിയോ ആക്കി. ക്ലാസില്‍ നടത്തുന്ന കുട്ടികളുടെ അവതരണങ്ങള്‍ റിക്കാര്‍ഡ് ചെയ്തു.കുട്ടികള്‍ക്കു അവരുടെ ഭാഷാപാടവും വീണ്ടും കേള്‍ക്കാനുളള അവസരം വലിയ പ്രചോദനം നല്കി. പരിശീലനത്തില്‍ വരുമ്പോള്‍ മൊബൈല്‍ കൊണ്ടു വരും. പങ്കിടല്‍. എന്റം ക്ലാസും മുന്നില്‍ത്തന്നെ എന്നതിന്റെ ജിബി കണക്കിന് തെളിവ്. നമ്മുടെ ബിഗ്പിക്ചറും അവിടെ ഹിറ്റായി
വിദ്യാലയത്തിലെ മാറ്റം ഇങ്ങനെ കാണാം
The changes visible in most of the classes are:
  1. Group products displayed in the form of charts.
  2. Pictures drawn by teachers for interaction
  3. Big canvas and cut-outs of the figures depicted in the textbooks.
  4. Children sitting in groups and sharing their reading experience with others.
  5. Better interaction between the teacher and the learners.
  6. Team work of the staff
  7. Performance of children recorded by teachers using cell-phones.
Most schools are now working hard to help the learners their own discourses in English.
They are also willing to share the achievements of the learners with the parent community.
-Source- DIET News letter

തിയേറ്റര്‍ പഠനസങ്കേതമായി
പാഠങ്ങളെല്ലാം നാടകാവതരണത്തിനുളള അസംസ്കൃതവസ്തുക്കളായിട്ടാണ് കുട്ടികള്‍ കാണുന്നത്. അവര്‍ക്ക് ആത്മാവിഷ്കാരത്തിന് അവസരം കിട്ടിയപ്പോള്‍ പഠനം ഉല്ലാസപ്രദമായി. ഭയരഹിതമായി. വെല്ലുവിളിയുളളതായി. സഹവര്‍ത്തിതമായി.അനായാസമായി. പാഠങ്ങള്‍ യാന്ത്രികമായി വായിക്കേണ്ട കാര്യമില്ല. പാഠത്തിലെ സംഭാഷണങ്ങള്‍ കാണാതെ പഠിച്ച് പറയേണ്ട ആവശ്യമില്ല. ( തുടക്കത്തില്‍ അങ്ങനെയായിരുന്നു.അധ്യാപകര്‍ ട്രാക്കില്‍ വന്നപ്പോള്‍ കുട്ടികളും മാറി)

Why Theatre in English Class?

  1. The classroom theatre can yield as much pedagogic mileage
  2. It caters to the development of multiple intelligences
  3. It engages all children psychologically well as emotionally.
  4. It creates sustainable linguistic experience.
  5. It provides space for the spontaneous production of language.
  6. It makes the textbook come alive.
  7. It promotes collaboration and co-operation among the learners
  8. It paves way for deeper understanding of the lessons.
  9. It helps the learners read the text analytically and critically


The classroom theatre will have immediate impact on the parents.
  • The school authorities can invite the parents to watch the theatrical performance of their children.
  • They can watch them performing the drama and the choreography ; they can listen to the stories narrated by the children.
  • Teachers can also show the parents the creative work done by the children.
  • Parents will be excited to watch the performance of their children.
  • The message that children in Govt. schools are performing English drama will certainly spread among the parents which in due course will gain credibility for the main stream education among the parent community.

ഒന്നു മുതല്‍ അഞ്ചുവരെ ക്ലാസുകളിലെ മിക്ക പാഠങ്ങളും കഥകളാണ്.അതിനാല്‍ത്തന്നെ വേഗം ക്ലാസ്റൂം തിയേറ്റര്‍ സാധ്യമാകും.
  • എവിടെയാണ് ഈ കഥ നടന്നത്? ( സ്ഥലം. നഗരം,ഗ്രാമം, വീട്, കാട്, വയല്‍, പര്‍വതം....)
  • ആരൊക്കായാണ് കഥാപാത്രങ്ങള്‍?
  • എന്തൊക്കെയാണ് സംഭവങ്ങള്‍? അതിന്റെ ക്രമം?
  • ഓരോ കഥാപാത്രവും ചിന്തിച്ചതും പറഞ്ഞതും പ്രവര്‍ത്തിച്ചതും എന്തെല്ലാം?
  • തുടങ്ങിയ ചോദ്യങ്ങളിലൂടെ കഥയെ നാടകഫ്രെയിമിലേക്കു കൊണ്ടു പോകണം.
കുട്ടികള്‍ ഗ്രൂപ്പില്‍ നാടകം ആസൂത്രണം ചെയ്യണംഒരു ഗ്രൂപ്പ് നാടകം അവതരിപ്പിക്കണം.
അതിന്മേല്‍ ചര്‍ച്ച നടക്കണം. എങ്ങനെ?
Initiate a discussion on the drama
  • Did the actors include all the dialogues in the story?
  • Did they add any dialogues of their own?
  • Did the group act out all the events in the story?
  • Did they add any events?
  • Could the audience understand where the events were taking place?
  • All the groups have already planned the drama. Do you want to make any changes in the plan before presenting the drama?
Let the groups to rework on the drama if necessary.
Ask one more group to act out the drama.
Initiate further discussion.
  • What are your observations on the present performance?
  • How many scenes will be required? Why?
  • Do you want to include some actions in the drama? .
  • What are the slots where you can include them?
  • How will you state the mood of a character at a certain moment in the drama?
  • How can we improve the presentation?
Initiate a discussion on the indicators for the performance of the drama.
Consolidate the indicators on a flip chart.
Ask the remaining groups to present the drama.
Give positive feedback .

Once children get used to performing dramas based on the stories given in the textbook they can develop dramas from texts that are not stories.
For this they have to identify the themes of the lessons.
From these themes plots can be developed which in turn can yield dramas.
The transition from Text- book to Theatre will be a pleasant experience for the learners at all levels.

അധ്യാപക ശാക്തീകരണത്തിനും തിയേറ്റര്‍ സങ്കേതം
അധ്യാപകരുടെ വാക്കുകള്‍.
W e hesitated to perform the drama because of several reasons.
For example, we never performed a drama, that too an English drama.
Also, we were not sure of our English.
The theatre workshop instilled a lot of confidence in us.
Now we can perform drama in English spontaneously, we are confident that we will be able to make our children do the same.’”

ഈ കുറിപ്പ് നിങ്ങളെ എങ്ങനെ സ്വാധീനിച്ചുവെന്നറിയാന്‍ താല്പര്യമുണ്ട്. (തിരിച്ചറിവ് പ്രവര്‍ത്തനമാണ്.)

മെയ് 12ന്റെ മാതൃഭൂമി ആഴ്ചപ്പതിപ്പില്‍
കെ എന്‍ ജയശീലന്‍ ഇംഗ്ലീഷ് പഠനത്തെക്കുറിച്ച് സംസാരിച്ചത് വായിക്കക. പ്രതികരണം കുറിക്കുക