ജൈവവൈവിധ്യ ഉദ്യാനവും വിദ്യാലയ പ്രവര്‍ത്തനങ്ങളും

ജൂണ്‍ അഞ്ച് പരിസ്ഥിതി ദിനത്തോടെ വിദ്യാലയങ്ങളില്‍ ഹരിതപാഠങ്ങള്‍ ആരംഭിക്കുകയായി

• എന്തെല്ലാം പ്രവര്‍ത്തനങ്ങളാണ് ഏറ്റെടുക്കേണ്ടത്?
• എങ്ങനെ ജാവവൈവിധ്യ ഉദ്യാനം നിര്‍മിക്കാം?

ഒട്ടേറെ പേര്‍ അന്വേഷിക്കുന്നു

ചില സാധ്യതകള്‍ പങ്കിടാം

ജൂണ്‍

• ജൈവവൈവിധ്യ ഉദ്യാനം സംബന്ധിച്ച് സ്കൂള്‍ തലത്തില്‍ കാഴ്ചപ്പാട് രൂപീകരിക്കണം. ഒരു കരട് കര്‍മപദ്ധതി തയ്യാറാക്കുകയും വേണം
• നാട്ടിലുളള സസ്യങ്ങളുടെ ലിസ്റ്റ് തയ്യാറാക്കണം. അതില്‍ ഏതെല്ലാം സ്കൂള്‍ വളപ്പിലേക്ക് വേണം എന്നു നിശ്ചയിക്കണം. സ്കൂളിന് ലഭ്യമായ സ്ഥലസൗകര്യങ്ങള്‍ പരിഗണിച്ചാവണം ഇത് . ഒരു ഹരിതസമിതി രൂപീകരിക്കാം. കുട്ടികളും അധ്യാപകരും എസ് എം സി പ്രവര്‍ത്തകരും പ്രാദേശിക പരിസ്ഥിതി പ്രവര്‍ത്തകരുമെല്ലാം അടങ്ങുന്നതായാല്‍ നന്ന്. ജനപ്രതിനിധിയും വേണം.
  
• ജൂണില്‍ മഴക്കൊയ്തുത്സവമാണ്. മഴക്കുഴി നിര്‍മാണം വീട്ടിലും വിദ്യാലയത്തിലും നടത്തണം. ഇതിനായി പ്രചരണപ്രവര്‍ത്തനം ജൂണ്‍ ഒന്നിനു തന്നെ ആരംഭിക്കണം
• എത്ര മഴക്കുഴികള്‍ സ്കൂള്‍ വളപ്പില്‍ എവിടെയെല്ലാം ആകാം എന്നു തീരുമാനിക്കണം അത് സുരക്ഷ ഉറപ്പാക്കി എങ്ങനെ നിര്‍മിക്കാം പരിപാലിക്കാം എന്നു ആലോചിക്കേണ്ടതുണ്ട്. (മഴക്കുഴികളില്‍ മാലിന്യങ്ങള്‍ നിക്ഷേപിക്കരുത്. കുഴികളില്‍ മണ്ണുനിറയുമ്പോള്‍ കോരിമാറ്റുകയും വേണം. )
• വൃക്ഷവത്കരണമാണ് പരിസ്ഥിതിദിനത്തില്‍ നിര്‍ദേശിച്ചിട്ടുളള മറ്റൊരു പ്രവര്‍ത്തനം. സ്കൂളിനു ലഭ്യമാകുന്ന വൃക്ഷങ്ങളില്‍ പ്രിതിനിധ്യ സ്വഭാവത്തോടെ ഇനങ്ങള്‍ സ്കൂള്‍ വളപ്പില്‍ നടാം. പക്ഷേ ഇതുകൊണ്ടു മാത്രം ജൈവവൈവിധ്യ ഉദ്യാനമാകില്ല
• ഓരോ കുട്ടിയും ഓരോ സസ്യം എന്നു തീരുമാനിക്കാം. അവ വേറിട്ടതാവുകയും വേണം. സസ്യങ്ങളുടെ ലിസ്റ്റ് തയ്യാറാക്കി ഓരോ ക്ലാസിനുമായി നല്‍കിയാല്‍ മതി. ക്ലാസ് പി ടി എ വിളിച്ചു ചേര്‍ത്ത് ലിസ്റ്റ് അവതരിപ്പിക്കുന്നത് കൂടുതല്‍ നന്നാകും. അപ്പോള്‍ ആര്‍ക്കൊക്കെ എവിടെ നിന്നെല്ലാം അവ സംഘടിപ്പിക്കാം എന്നു തീരുമാനിക്കാനും കഴിയും
• ഇങ്ങനെ ശേഖരിച്ചവ ജനപങ്കാളിത്തത്തോടെ നടണം

ജൂലൈ

• പരമാവധി നാടന്‍ മരത്തൈകള്‍, വിത്തുകള്‍ എന്നി ശേഖരിക്കല്‍, നടല്‍ ( മരങ്ങളുടെ ലിസ്റ്റ് ചുവടെ)
• ഭൗതികസൗകര്യങ്ങള്‍ അനുകൂലമാക്കല്‍
• ജലസംരക്ഷണ പ്രവര്‍ത്തനങ്ങള്‍
• മാലിന്യസംസ്കരണപ്രവര്‍ത്തനങ്ങള്‍
• ശലഭോദ്യാനം ലക്ഷ്യമിട്ടുളള സസ്യങ്ങള്‍ നടീല്‍
• കാമ്പസിനെ പാഠപുസ്തകമാക്കല്‍- അക്കാദമിക പ്ലാന്‍ തയ്യാറാക്കല്‍

ആഗസ്റ്റ്

• ഓണസദ്യക്കുളള വിഭവങ്ങള്‍ ലക്ഷ്യമിട്ടുളള പച്ചക്കറികൃഷി
• സ്കൂള്‍ ഉച്ചഭക്ഷണപരിപാടിയുമായി വിഷരഹിതപച്ചക്കറികൃഷിയെ ബന്ധിപ്പിക്കല്‍

സെപ്തം ബര്‍

• നാടന്‍ പൂക്കള്‍ മാത്രം ഉപയോഗിച്ചുളള അത്തപ്പൂക്കളം
• പൂക്കള്‍- പഠനപ്രോജക്ട്
• ഔഷധത്തോട്ട നിര്‍മാണം

ഒക്ടോബര്‍

• ചെറുകുളം- നിര്‍മാണം
• ആവാസവ്യവസ്ഥ പഠനം
• ശലഭ നിരീക്ഷണം

നവംബര്‍

 ഏതു പ്രവര്‍ത്തനം ചെയ്യുന്നതിനും ആവശ്യബോധം സൃഷ്ടിക്കണം. പഠനപ്രവര്‍ത്തനത്തിന്‍റെ തലത്തില്‍ തന്നെ കാണണം.

• പക്ഷിനിരീക്ഷണം ( വിശദവിവരങ്ങള്‍ക്ക് പക്ഷിനിരീക്ഷണം നോക്കുക)
• പക്ഷികളെ ആകര്‍ഷിക്കുന്നതിനുളള പ്രവര്‍ത്തനങ്ങള്‍

ഡിസംബര്‍

• പ്രകൃതിപഠനയാത്രകള്‍
• ജൈവവൈവിധ്യ ഉദ്യാനം വിപുലീകരണം

ജനുവരി

• ജൈവവൈിധ്യരജിസ്റ്റര്‍ തയ്യാറാക്കല്‍ (Format 1 - National Biodiversity Authority )
• സ്കൂള്‍
• വീട്
• നാട്
• പ്രാദേശിക വൃക്ഷകാനേഷുമാരി

പ്രവര്‍ത്തനക്രമം മാറ്റാം. കൂട്ടിച്ചേര്‍ക്കാം. പങ്കുവെക്കാം. 
അനുബന്ധം
മൂന്നു തരം നിലയിലാകും നമ്മള്‍. 1. പേരറിയാം. പക്ഷേ മരത്തെ തിരിച്ചറിയാന്‍ കഴിയുന്നില്ല. 2. മരമറിയാം പക്ഷേ പേരറയില്ല. 3. ഇങ്ങനെ ഒരു മരത്തെക്കുറിച്ച് കേട്ടിട്ടില്ല. അപ്പോള്‍ കുട്ടികളോ? അതിനാല്‍ ഓരോ മരത്തെയും പരിചയപ്പെടുത്തൂ. ചിത്രം കാണിക്കൂ. അതിനു ശേഷമാകട്ടെ അവയെ വളര്‍ത്തല്‍

കേരളത്തിലെ മരങ്ങൾ

കേരളത്തിൽ കാണപ്പെടുന്ന മരങ്ങൾ അക്ഷരമാല ക്രമത്തിൽ
അ - ആ	അകിൽ • അകത്തി • അങ്കോലം • അത്തി • അമ്പഴം • അരണമരം • അരയാഞ്ഞിലി • അരയാൽ • അരിനെല്ലി • അലക്കുചേര് • അശോകം • ആഞ്ഞിലി • ആത്ത • ആനത്തൊണ്ടി • ആനെക്കാട്ടിമരം • ആമത്താളി • ആരംപുളി • ആൽമരം • ആവൽ • ആഴാന്ത • ആറ്റിലിപ്പ • ആറ്റുതേക്ക് • ആറ്റുനൊച്ചി • ആറ്റുഞാവൽ • ആറ്റുമയില • ആറ്റുവഞ്ചി •
ഇ- ഓ	ഇത്തി • ഇത്തിയാൽ • ഇരുമ്പകം • ഇരുൾ • ഇലഞ്ഞി • ഇലന്ത • ഇലപ്പൊങ്ങ് • ഇലവ് • ഇലിപ്പ • ഈന്തപ്പന • ഈഴചെമ്പകം • ഉങ്ങ് • ഉദി • ഉന്നം • എരുമനാക്ക് • ഏഴിലം‌പാല • ഒതളം • ഒടുക്ക് • ഓടമരം •
ക	കടുക്ക • കണിക്കൊന്ന • കമ്പകം • കമ്പിളി • കരിങ്ങാലി • കരിങ്ങോട്ട • കരിന്തകര • കരിമരം • കരിമരുത് • കരിഞ്ഞാവൽ • കരിഞ്ഞിക്കട • കരിമ്പന • കരിവേങ്ങ • കരുവാളി • കരിവേലം • കല്ലാവി • കൽ‌പ്പൈൻ • കല്ലാൽ • കല്ലിലവ് • കൽമരം • കശുമാവ് • കറുത്തവാറ്റിൽ • കർപ്പൂരം • കാഞ്ഞിരം • കാട്ടിന്ത • കാട്ടുകടുക്ക • കാട്ടുകമുക് • കാട്ടുകൊന്ന • കാട്ടുതുവര • കാട്ടുതേയില • കാട്ടുപുന്ന • കാട്ടുമരോട്ടി • കാനപ്പാല • കാരക്കൊങ്ങ് • കാരപ്പൊങ്ങ് • കാരമരം • കാരാഞ്ഞിലി • കാരാൽ • കാരി • കാവളം • കാറ്റാടി മരം • കുങ്കുമപ്പൂമരം • കുടപ്പന • കുടംപുളി • കുടമാൻപാരിമരം • കുണ്ഡലപ്പാല • കുരങ്ങുമഞ്ഞൾ • കുമ്പിൾ • കുളപ്പുന്ന • കുളമാവ് • കൂനമ്പാല • കൂവളം • കൃഷ്ണനാൽ • കൊക്കോ • കോർക്കുമരം • കോവിദാരം •
ഗ - ഞ	ഗുൽഗുലു • ഗുൽ‌മോഹർ • ചടച്ചി • ചന്ദനം • ചന്ദനവേമ്പ് • ചരക്കൊന്ന • ചാവണ്ടി • ചിന്നകിൽ • ചിറ്റാൽ • ചീനി • ചുരുളി • ചുവന്നകിൽ • ചുവന്ന മന്ദാരം • ചൂണ്ടപ്പന • ചെമ്പകം • ചെമ്മരം • ചെറുകൊന്ന • ചെറുതുവര • ചെറുപുന്ന • ചേര് • ചോരപ്പൈൻ • ചോലവേങ്ങ • ജാതി • ജാക്കറാന്ത • ഞമ • ഞാവൽ • ഞാറ • ഞാഴൽ •
ത - ന	തണൽമുരിക്ക് • തണ്ടിടിയൻ • തണ്ണിമരം • തമ്പകം • താന്നി • തിരുക്കള്ളി • തീറ്റിപ്ലാവ് • തുടലി • തെള്ളിമരം • തെള്ളിപ്പൈൻ • തെണ്ട് • തൊണ്ടി • തേക്ക് • തേക്കൊട്ട • തേരകം • ദന്തപത്രി • നരിവേങ്ങ • നവതി • നാഗമരം • നാങ്ക് • നായ്ക്കമ്പകം • നായ്‌ക്കുമ്പിൾ • നായ്‌ത്തമ്പകം • നീരാൽ • നീർക്കടമ്പ് • നീർക്കുരുണ്ട • നീർമരുത് • നീർമാതളം • നീർവാക • നീർ‌വാളം • നീറോലി • നെടുനാർ • നെന്മേനിവാക • നെല്ലി •
പ	പച്ചവാറ്റിൽ • പച്ചിലമരം • പടപ്പ • പട്ടിപ്പുന്ന • പട്ടുതാളി • പതിമുകം • പനച്ചി • പമ്പരകുമ്പിൾ • പമ്പരം • പരുവ • പരുവമരം • പലകപ്പയ്യാനി • പവിഴമല്ലി • പശക്കൊട്ടമരം • പാച്ചോറ്റി • പാതിരി • പാരിജാതം • പാല • പാലി • പാറപ്പൂള • പിണർ • പിനാറി • പീലിവാക • പുന്ന • പുന്നപ്പ • പുളിച്ചക്ക • പുളി • പുളിവാക • പൂതംകൊല്ലി • പൂത്തിലഞ്ഞി • പൂപ്പാതിരി • പൂവം • പൂവരശ്ശ് • പെരുമരം • പെരുമ്പൽ • പേര • പേരാൽ • പേഴ് • പൈൻ • പൊരിപ്പൂവണം • പൊട്ടവാക • പൊരിയൻ • പൊന്തൻവാക • പ്ലാവ് • പ്ലാശ് •
ഫ - മ	ബദാം • ബാൽസ • ബ്ലാങ്കമരം • മഞ്ചാടി • മഞ്ജനാത്തി • മഞ്ഞക്കടമ്പ് • മഞ്ഞക്കൊന്ന • മഞ്ഞമന്ദാരം • മട്ടിമരം • മണിമരുത് • മതഗിരിവേമ്പ് • മരോട്ടിമരം • മലങ്കാര • മലന്തുടലി • മലന്തെങ്ങ് • മലമഞ്ചാടി • മലമ്പരത്തി • മലമ്പുന്ന • മലമ്പുളി • മലമ്പൊങ്ങ് • മലമന്ദാരം • മലയകത്തി • മലവിരിഞ്ഞി • മലവേമ്പ് • മഹാഗണി • മഴമരം • മാഞ്ചിയം • മാതളം • മഴുക്കാഞ്ഞിരം • മാവ് • മുഞ്ഞ • മുരിക്ക് • മുള • മുള്ളുവേങ്ങ • മുള്ളിലം • മുള്ളിലവ് • മൂങ്ങാപ്പേഴ് • മൂട്ടികായ് • മൈല •
യ - സ	രക്തചന്ദനം • രുദ്രാക്ഷം • വയില • വക്ക • വഞ്ചി • വട്ട • വട്ടക്കുമ്പിൾ • വഴന • വരച്ചി • വരിമരം • വല്ലഭം • വിടന • വിരി • വില്ലൂന്നി • വിളാത്തിമരം • വീട്ടി • വീമ്പ് • വെങ്കടവം • വെടങ്കുരുണ • വെടിനാർ • വെടിപ്ലാവ് • വെൺമുരിക്ക് • വെന്തേക്ക് • വെള്ളക്കടമ്പ് • വെള്ളദേവതാരം • വെള്ളപ്പൈൻ • വെള്ളമരുത് • വെള്ളകിൽ • വെള്ളവാക • വെള്ളവാറ്റിൽ • വെള്ളവേലം • വെള്ളീട്ടി • വേങ്ങ • വേപ്പ് • വ്രാളി • ശീമപ്ലാവ് • ശീമപ്പഞ്ഞി • ശീമപ്പൂള • ശിംശപ (അക്കേഷ്യ, യൂക്കാലിപ്റ്റസ് തുടങ്ങിയ ചില ഇനങ്ങള്‍ ഒഴിവാക്കിയിട്ടുണ്ട്)