പുസ്തകക്കുടുക്കയിലൂടെ സമ്പൂര്‍ണഹോം ലൈബ്രറി പദ്ധതി സാക്ഷാത്കരിച്ച വിദ്യാലയം

• വിദ്യാലയത്തിലെ എല്ലാ കുട്ടികളുടെയും വീട്ടില്‍ ലൈബ്രറി ഒരുക്കിഅപൂര്‍വ നേട്ടമാണ് വന്മുകം-എളമ്പിലാട് എം.എൽ.പി.സ്കൂളിന്റെ (ചിങ്ങപുരം,കോഴിക്കോട് )  വിവരം ചൂണ്ടുവിരലില്‍ പങ്കിട്ടിരുന്നു. ഇവിടെ ക്ലിക് ചെയ്താല്‍ വിശദാംശം കിട്ടും.
  എല്ലാ കുട്ടികള്‍ക്കും വീട്ടുലൈബ്രറിയുമായി ഒരു വിദ്യാലയം )...
• ഇതാ അതേ പാതയില്‍ മറ്റൊരു വിദ്യാലയം  
• പുസ്തകക്കുടുക്ക എന്ന പുത്തൻ ആശയത്തിലൂടെ സംസ്ഥാനത്തിനു ആകെ മാതൃകയായി ഗവണ്മെന്റ് എൽ പി എസ്‌ തോട്ടയ്ക്കാട് .പുസ്തകകുടുക്കകളിലൂടെ വിദ്യാലയത്തിലെ മുഴുവൻ കൂട്ടുകാരുടെയും വീടുകളിൽ ലൈബ്രറി ഒരുക്കിയ  വിദ്യാലയമായി മാറുകയാണ് ഗവണ്മെന്റ് എൽ പി എസ്‌ തോട്ടയ്ക്കാട്. 
   
  • കഴിഞ്ഞ വർഷത്തെ വയനദിനത്തിലാണ് കുട്ടികൾക്ക് മുഴുവൻ പുസ്തകക്കുടുക്കകൾ സമ്മാനമായി നൽകിയത്. അതിൽ വീഴുന്ന നാണയത്തുട്ടുകൾ ചേർത്തുവച്ച് സ്വന്തമായി പുസ്തകങ്ങൾ വാങ്ങി വീടുകളിൽ ലൈബ്രറി സജ്ജമാക്കുകയും അതിലൂടെ പുതിയൊരു വായന സംസ്കാരത്തിന് തുടക്കമിടുകയും ആയിരുന്നു പദ്ധതിയുടെ ലക്ഷ്യം. 
  • നാളുകൾ കൊണ്ട് ശേഖരിക്കുന്ന തുക കൊണ്ട് സ്വന്തമാക്കുന്ന പുസ്തകങ്ങൾ കുട്ടികൾ നെഞ്ചോടു ചേർത്തു വായിക്കും എന്ന പ്രതീക്ഷ തന്നെയാണ് അധ്യാപകരെ ഈ വ്യത്യാസതമായ പ്രവർത്തനത്തിന് പ്രേരിപ്പിക്കുച്ചത്. 
  • നിറഞ്ഞ പുസ്തകകുടുക്കകളുമായി രക്ഷകർത്താക്കളും കുട്ടികളും കഴിഞ്ഞ മാർച്ചു മാസം തിരികെ വിദ്യാലയത്തിലെത്തി നാണയങ്ങൾ എണ്ണുന്ന കാഴ്ച കൗതുകകരമായിരുന്നു. 
  • തുടർന്ന് കേരള സർക്കാർ സംസ്കാരിക വകുപ്പിന്റെ ബുക്ക്‌ മാർക്ക് പുസ്തകവണ്ടി വിദ്യാലയത്തിലെത്തുകയും അമ്മയും കുട്ടിയും അധ്യാപകരും ചേർന്നു ഓരോരുത്തർക്കും വേണ്ട പുസ്തകങ്ങൾ തെരഞ്ഞെടുക്കുകയും ചെയ്തു
  • വിദ്യാലയത്തിൻറെ സമ്പൂർണ ഹോം ലൈബ്രറി പ്രഖ്യാപനം  ശ്രീ എഴാച്ചേരി രാമചന്ദ്രൻ നിർവഹിച്ചു. വിദ്യാലയത്തിലെ വിവിധ ക്ലാസ്സുകളിലെ കൂട്ടുകാർ തയ്യാറാക്കിയ വായന പതിപ്പുകളുടെ പ്രകാശനവും നടന്നു. അമ്മമാരെ മികച്ച വായനക്കാരാക്കുവാൻ തയ്യാറാക്കിയ 'അമ്മ വായന പതിപ്പ് പ്രൊഫസർ ഡോ :ആർ പ്രകാശ് നിർവഹിച്ചു. പുസ്തകകുടുക്കയിലൂടെ ഏറ്റവും കൂടുതൽ പുസ്തകങ്ങൾ സ്വന്തമാക്കിയ രണ്ടാം ക്ലാസുകാരി പ്രാർത്ഥന സുരേഷിനെ ചടങ്ങിൽ ആദരിച്ചു. ഇത്തരത്തിൽ ക്ലാസ്സ്‌ ലൈബ്രറി, വിദ്യാലയ ലൈബ്രറി, കൂടാതെ വീടുകളിലും കൂടി ലൈബ്രറി ഒരുക്കി സ്വതന്ത്ര വായനക്ക് കൂടുതൽ അവസരങ്ങൾ തീർത്തു