ആമുഖം
വിലയിരുത്തലിനെക്കുറിച്ച് തന്നെയാണ് ഈ കുറിപ്പും. ലോകത്ത് വിദ്യാഭ്യാസ ഗുണതയില്‍ മുന്നില്‍ നില്‍ക്കുന്ന ഒരു രാജ്യത്തിലെ ( ആസ്ത്രേലിയ )മാതൃകയാണ് പരിചയപ്പെടുത്തുന്നത്.ഇത്തിരി വട്ടം മാത്രം ചിന്തിച്ചാല്‍ പോരല്ലോ.
ഇതു വായിക്കുമ്പോള്‍ അധ്യാപകസഹായിയെക്കുറിച്ചുളള നമ്മുടെ സങ്കല്പങ്ങള്‍ പൊളിയും.
പ്രതീക്ഷിത പഠനോല്പന്നത്തിന്റെ മാതൃക സഹിതമാണ് അധ്യാപകര്‍ക്കുളള സാമഗ്രി തയ്യാറാക്കിയിരിക്കുന്നത്. പ്രത്യേക പരിഗണന അര്‍ഹിക്കുന്നവരെ ഈ യൂണിറ്റില്‍ എങ്ങനെ സമീപിക്കണം എന്നതിനു പ്രത്യേക മാര്‍ഗരേഖ. കുട്ടിക്കു വിലയിരുത്താനും അധ്യാപികക്ക് വിലയിരുത്താനുമുളള ഉപാധികള്‍ (രണ്ടു റൂബ്രിക്സ്), ഏതെല്ലാം ഗുണതാസവിശേഷതകളാണ് പരിഗണിക്കേണ്ടതെന്നും അവയില്‍ പിന്നാക്കം പോയാലെങ്ങനെ ഇടപെടണമെന്നുമുളള നിര്‍ദ്ദേശങ്ങള്‍, ഉയര്‍ന്ന നിലവാരക്കാരെ പരിഗണിച്ചുളള പ്രവര്‍ത്തനങ്ങള്‍. സമൂഹത്തിലെ പ്രശ്നങ്ങളുമായി ബന്ധിപ്പിച്ചുളള അവതരണം , സാധ്യതകള്‍ പരിചയപ്പെടുത്തുന്നു. പുതിയ നൂറ്റാണ്ടിലെ അധ്യാപകര്‍ മൗസ് ചലിപ്പിക്കാനും നെറ്റ് ഉപയോഗിക്കാനും അറിയാവുന്നവരാകണം. റിസോഴ്സ് മുഴുവന്‍ നെറ്റില്‍ കിട്ടും. (ഈ കുറിപ്പിലെ ലിങ്കില്‍ നിന്നും ലഭിക്കുന്നത് ആസ്ത്രേലിയയിലെ റിസോഴ്സുകളാണ് .ഇംഗ്ലീഷിലായത് അതിനാല്‍)
ഊര്ജം എന്ന പ്രമേയമാണ് പഠിക്കേണ്ടത്. പ്രൈമറിതലത്തിലെ ഉളളടക്കമാണ്.
അധ്യാപര്‍ക്കുളള സഹായസാമഗ്രി പരിചയപ്പെടൂ
1.അധ്യാപനത്തിനു മുമ്പ്
കുട്ടി എന്താണ് ആര്‍ജിക്കേണ്ടെതെന്നതില്‍ വ്യക്തത അധ്യാപികയ്കുണ്ടാകണംനേടേണ്ട ശാസ്ത്രധാരണകള്‍
- ഊര്‍ജമെന്നാലെന്താണ്
എന്നതിനെക്കുറിച്ചുളള
സാമാന്യധാരണ
- ഊര്‍ജമെങ്ങനെയെല്ലാം
ഉപയോഗിക്കപ്പെടുന്നു
പ്രയോജനപ്പെടുന്നു എന്ന
ധാരണ
- ഊര്ജം
വിവധരൂപങ്ങളിലുണ്ട് (പ്രകാശം,
വൈദ്യുതി,
താപം,
ചലനം,
ശബ്ദം,
സംഭരിക്കപ്പെട്ടവ
(battery, spring, petrol…).ഊര്ജം പാഴാക്കരുത്
- മറ്റുളളവരുടെ ചോദ്യങ്ങളോടും യുക്തിപൂര്‍വം പ്രതികരിക്കാനും അന്വേഷണത്തിലേക്കു വാതില്‍ തുറന്നിടുന്ന ചോദ്യങ്ങള്‍ ഉന്നയിക്കാനുമുളള കഴിവ്
- നിരീക്ഷിക്കാനും നിരീക്ഷണവിവരങ്ങള്‍ ലിഖിതമായും ചിത്രീകരണത്തിലൂടെയും രേഖപ്പെടുത്താനുമുളള കഴിവ്
- നിരീക്ഷണവിധേയമായവയിലെ ബന്ധങ്ങള്‍ കണ്ടെത്താനും അര്‍ഥം നല്ഡകാനുമുളള കഴിവ്
- ശാസ്ത്രഭാഷയില്‍ ആശയവിനിമയം നടത്താനുളള കഴിവ്
- സ്വതന്ത്രമായും
സഹവര്‍ത്തിത രീതിയിലും
പ്രവര്‍ത്തിക്കാനുളള കഴിവ്.
മൂന്നു ഭാഗമുളള പ്രവര്‍ത്തനമാണിത്. മൂന്നാമത്തേത് വിലയിരുത്തല്‍ പ്രവര്‍ത്തനം കൂടിയാണ്
വിദ്യാര്‍ഥികള്‍ക്കുളള വിഭവങ്ങള്‍
ഭാഗം ഒന്നില്‍ ഉപയോഗിക്കേണ്ടത്ഒരു വര്‍ക് ഷീറ്റാണ് . കുട്ടികള്‍ ഊര്‍ജരൂപങ്ങളേയും ഉപയോഗത്തേയും പൊരുത്തപ്പെടുത്തണം
What are the different forms of energy? How is energy used? Where does the energy come from? (pdf,100kb)
ഭാഗം രണ്ടില്‍ ഉപയോഗിക്കേണ്ടത്
സ്വന്തം വീട്ടിലെ ഊര്‍ജോപയോഗം സംബന്ധിച്ച വിവരങ്ങള്‍ എഴുതാനുളളത്.
Finding out: what uses energy in my home? (doc,14kb)
ഭാഗം മൂന്നില്‍ ഉപയോഗിക്കേണ്ടത്
കുട്ടികള്‍ ചെയ്യേണ്ട പ്രോജക്ടിനെക്കുറിച്ച് ചിന്തിക്കുന്നതിനു സഹായകമായ പ്രസക്തചോദ്യങ്ങള്‍ .ഇത് വലിയതായി ഫോട്ടോകോപ്പി എടുത്ത് ക്ലാസില്‍ ഉചിതമായ സമയത്ത് പ്രദര്‍ശിപ്പിക്കണം. അല്ലെങ്കില്‍ ഓരോ ഗ്രൂപ്പിനും കോപ്പി കൊടുക്കണം
Using and saving energy at home (doc,13kb)
കുട്ടികള്‍ക്കുളള വിലയിരുത്തല്‍ റൂബ്രിക്സ്
(a) കുട്ടികള്‍ക്ക് അവരെ വിലയിരുത്താനുപയോഗിക്കുന്ന വിജയമാനദണ്ഡങ്ങളെക്കുറിച്ച് (success criteria )വ്യക്തതയുണ്ടാകണം.അധ്യാപിക അതിലെ എല്ലാ പദാവലികളും കുട്ടികള്‍ക്ക് നല്ലവണ്ണം മനസിലാക്കിക്കൊടുക്കണം
(b) സ്വയം വിലയിരുത്തല്‍ പ്രക്രിയ നന്നായി നടത്താന്‍ അധ്യാപിക കുട്ടികളെ സഹായിക്കണം
Student rubric for energy task (doc,40kb)
അധ്യാപകര്‍ക്കുളള വിഭവങ്ങള്‍
ഊര്ജം എന്ന ആശയം അത്ര ലളിതമല്ല. ഈ തലത്തില്‍ നമ്മുക്ക് ചൂടാക്കാന്‍ താപം വേണം.ഉപകരണങ്ങള്‍ പ്രവര്‍ത്തിപ്പിക്കാന്‍ വൈദ്യുതി വേണം ഇങ്ങനെ ചില കാര്യങ്ങള്‍ ചെയ്യാന്‍ ,നടക്കാന്‍ താപം, പ്രകാശംചിലത് ആവശ്യമുണ്ട് എന്ന തരത്തില്‍ കാര്യകാരണബന്ധത്തോടെ ഊര്‍ജത്തെ അറിയാനാണ് അവസരമൊരുക്കേണ്ടത്. കുട്ടികള്‍ അവരുടെ നിത്യജീവിതത്തിലെ വിവിധസന്ദര്‍ഭങ്ങളില്‍ വിവധ ഊര്‍ജരൂപങ്ങളെങ്ങനെ പ്രയോജനപ്പെടുന്നു എന്ന ധാരണയിലെത്താന്‍ കഴിവു നേടണം. ഊര്‍ജസ്രോതസ്സുകളെന്തെല്ലാമെന്നാലോചിക്കാനും അവയുടെ ലഭ്യത കുറഞ്ഞാലെന്തു സംഭവിക്കുമെന്നു പ്രവചിക്കാനും കഴിയണം. അവരുടെ നിത്യജിവിതത്തിലെ വിവേകരഹിതമായ ഊര്‍ജോപയോഗത്തെ പരിശോധിക്കാനും ഉപയോഗം കുറയ്കേണ്ടതിന്റെ ആവശ്യകത തിരിച്ചറിയാനും പരിഹാരസാധ്യതകള്‍ നിര്‍ദ്ദേശിക്കാനും കഴിവുളളവരായി മാറണം. ഈ സൈറ്റില്‍ പോയാല്‍ ഊര്‍ജമാനേജ്മെന്റുമായി ബന്ധപ്പെട്ട വിവരങ്ങള്‍ അധ്യാപകര്‍ക്കു ലഭിക്കും ഇതു പ്രയോജനപ്പെടുത്താവുന്നതാണ്. www.originenergy.com.au/efficiency
അധ്യാപികയ്ക്കുളള
റൂബ്രിക്സ്
ശാസ്ത്രധാരണ,
വിവരങ്ങള്‍ക്ക്
അര്‍ഥപൂര്‍ണമായ വിശദീകരണം
നല്‍കല്‍, അറിവിന്റെ
പ്രയോഗം, ആശയവിനിയക്ഷമത
എന്നിവ പരിഗണിച്ചാണ് ഈ
റൂബ്രിക്സ്
കുട്ടികള്‍ക്ക്
ഫീഡ് ബാക്ക് നല്‍കാനും ഈ ഈ
റൂബ്രിക്സ് ഉപയോഗിക്കണം
പ്രത്യേക
പരിഗണന
പ്രത്യേക
പരിഗണന അര്‍ഹിക്കുന്ന കുട്ടികളെ
എങ്ങനെ പരിഗണിക്കണം എന്നറിയാനുളള
വിശദമായ മാര്‍ഗരേഖ ഇതാ
കുട്ടികളില്‍
നിന്നും പ്രതീക്ഷിക്കുന്ന
പഠനോല്പന്നത്തിന്റെ മാതൃക
അധ്യാപകര്‍ക്ക്
വ്യക്തത നല്‍കുന്നതിനും
പ്രതീക്ഷിത പഠനനേട്ടം
ഉറപ്പാക്കുന്നതിനും ഇത്തരം
മാതൃകകള്‍ സഹായകമാണ്.
അവ്യക്തതയുളള
കുട്ടികള്‍ക്ക് ചിലപ്പോള്‍
പ്രവര്‍ത്തനപുരോഗതിയുടെ
തടസ്സഘട്ടങ്ങളില്‍ ഈ സാമ്പില്‍
ദിശാബോധം നല്‍കും.
ഇതേ
പോലെ അനുകരിക്കാന്‍
നിര്‍ദ്ദേശിക്കുകയല്ലല്ലോ
വേണ്ടത്.വിജയമാനദണ്ഡങ്ങള്‍
ബോധ്യപ്പെടാനും ഇത്തരം
മാതൃകകള്‍ പ്രയോജനപ്പെടും.ഇത്തരം
മാതൃകകള്‍ എന്തിന് എങ്ങനെ
ഉപയോഗിക്കണമെന്നതിനെക്കുറിച്ചുളള
വിശദാംശങ്ങള്‍ക്ക് ഈ
link.ക്ലിക്
ചെയ്യുക2.കുട്ടികളെ സജ്ജമാക്കല്‍
എന്താണ് ചെയ്യേണ്ടതെന്നും ( പ്രവര്‍ത്തനങ്ങളുടെ സ്വഭാവം) എങ്ങനെ വിലയിരുത്തപ്പെടുമെന്നും കുട്ടികളെ ബോധ്യപ്പെടുത്തണം. റൂബ്രിക്സ് അവര്‍ക്ക് നല്‍കണം.പ്രവര്‍ത്തനങ്ങളുടെ തുടര്‍ച്ചയും രീതിയും ഏതോക്കെയെന്നും അവര്‍ മനസിലാക്കണം.ഭാഗം ഒന്ന്
വിവിധ ഊര്‍ജരൂപങ്ങള്‍ ഏതെല്ലാമാണ് ? ഊര്ജം എങ്ങനെ ഉപയോഗിക്കപ്പെടുന്നു?പ്രവര്‍ത്തനം ഒന്ന്
തിയെറ്റര്‍ ഗയിം. ചലിക്കാത്ത ലോകം . തുടര്‍ന്ന് വിശകലനചര്‍ച്ച ക്ലാസിലെ പൊതു ചര്‍ച്ചയിലൂടെ ഊര്ജം എന്താണെന്നുളള അവരുടെ ആശയം പുറത്തെടുക്കണം. ദിശാഗതിച്ചര്‍ച്ചയിലൂടെ താപം പ്രകാശം, വൈദ്യുതി തുടങ്ങിയ എല്ലാ ഊര്‍ജരൂപങ്ങളും ഉദാഹരണങ്ങള്‍ വിശകലനം ചെയ്തു അവര്‍തന്നെ കണ്ടെത്താനവസരം ഒരുക്കണം
ഉന്നയിക്കേണ്ട ചോദ്യം/ പ്രശ്നംഎവിടെ നിന്നാണ് ഈ ഊര്ജം വരുന്നത്? ലഭിക്കുന്നത്?
കറങ്ങുന്ന പങ്ക,കാറ്റാടികള്‍ , കീ കൊടുത്തു മുറുക്കിയ കളിപ്പാട്ടം,ചെണ്ട, ടോര്‍ച്ച്,തുടങ്ങിയ നിരവധി ഉദാഹരണങ്ങളിലേക്ക് കുട്ടികളോടൊപ്പം ചിന്തിക്കുക. അവരുടെ യുക്തി ചിന്തയെ പ്രോത്സാഹിപ്പിക്കുക. ഒരു കുട്ടി ക്ലാസില്‍ വന്ന് നിന്നു ചാടട്ടെ.ക്രമേണ ചാട്ടത്തിന്റെ താളം അയയുന്നതെന്തുൊണ്ട്? ടോര്‍ച്ച് തുടര്‍ച്ചയായി കത്തിച്ചു വെച്ചാല്‍ എന്തു സംഭവിക്കും? ഓടിയ നീന്തിയ അനുഭവങ്ങള്‍ അവതരിപ്പിക്കട്ടെ
പ്രവര്‍ത്തനം
രണ്ട്
ഊര്‍ജക്കളി
ഊര്‍ജക്കാര്‍ഡുകള്‍
തയ്യാറാക്കല്‍.കാര്‍ഡിന്റെ
ഒരു വശത്ത് ഊര്‍ജരൂപവും
മറുവശത്ത് ആ ഊര്ജം ഉപയോഗിച്ചു
പ്രവര്‍ത്തിക്കുന്ന വസ്തുവിന്റെ
ചിത്രമോ വിവരമോ എഴുതണം.
ഊര്‍ജക്കളിയാണ്.
കാര്‍ഡിന്റെ
ഒരു വശം കാണിച്ചാല്‍ മറുവശത്തെ
ഊഹിച്ചു പറയണം.
സംഘമായോ
ടീമായോ കളിക്കാം.പ്രവര്‍ത്തനം മൂന്ന്
കുട്ടികള്‍ക്കുളള പ്രതികരണപത്രിക
ഒരു പഠനപ്രശ്നമായി അവതരിപ്പിക്കണം
'What uses energy and where does it come from?' (pdf,100kb)വ്യക്തിഗതമായോ രണ്ടംഗ ടീമായോ ചെയ്യാം. ഇതു പൂര്‍ത്തീകരിച്ചു കഴിഞ്ഞാല്‍ പരസ്പരം പങ്കിടണം. കൈമാറി പരിശോധിക്കണം.
അനൗപചാരികമായി വിലയിരുത്താനുളള അവസരം ഇതിലൂടെ കിട്ടും. അധ്യാപകി വാചികമായ ഫീഡ് ബാക്ക് നല്‍കണം.
ഭാഗം രണ്ട്
ഊര്‍ജത്തിന്റെ ഉപയോഗം വീട്ടിലും ചുറ്റുപാടും
പ്രവര്‍ത്തനം നാല്
'Finding out: Ways energy is used in and around my home' (doc,14kb)ഇതു പൂര്‍ത്തീകരിക്കുന്നതിനായി ഗ്രൂപ്പ് പ്രവര്‍ത്തനം ഒരു ഘട്ടത്തില്‍ അനുവദിക്കാം.ഗ്രൂപ്പിലേക്കു വരുന്നതിനു മുമ്പുളള വിവരശേഖരണത്തിന്റെ ചിലഭാഗങ്ങള്‍ വീട്ടില്‍ നിന്നുമാകാം.
ഭാഗം മൂന്ന്
ഊര്‍ജത്തിന്റെ ഉപയോഗവും സംരക്ഷണവുംകുട്ടികള്ക്ക് നല്‍കേണ്ട പ്രവര്‍ത്തന സൂചനകള്‍
- നമ്മുടെ വീട്ടിലെ ഊര്‍ജ ഉപയോഗവും സംരക്ഷണത്തിനുളള നിര്‍ദ്ദേശങ്ങളും സംബന്ധിച്ച് നമ്മളോരോരുത്തരുടേയും കണ്ടെത്തലുകള്‍ മറ്റുളളവരുമായി പങ്കിടാന്‍ പോവുകയാണ്. ഏതു രീതിയിലെന്നു തീരുമാനിക്കേണ്ടതുണ്ട്.
- വ്യക്തിഗതമായി ആശയവിനിമയത്തിനുളള ഫോര്‍മാറ്റ് കുട്ടികള്‍ തയ്യാറാക്കണം. അതിലെ ഉളളടക്കവിന്യാസം സമഗ്രത എന്നിവ പരിഗണിക്കാന്‍ സഹായകമായി, കുട്ടികളുടെ ചിന്തയെ നയിക്കുന്ന കുടയുന്ന ചില ചോദ്യങ്ങള്‍ ഉന്നയിക്കണം. യാതൊരു കാരണവശാലും ഏകീകൃതഫോര്‍മാറ്റ് നിര്‍ബന്ധിക്കരുത്.തനതായ ചിന്തയ്ക്ക് ആശയക്രമീകരണത്തിന് അവസരം.
- ബ്രോഷറുകളാകാം,
ചിത്രകഥയാകാം,
ചിത്രങ്ങളാകാം,
പോസറ്ററുകളാകാംഏതു
ഫോര്‍മാറ്റായാലും കൃത്യമായ
ധാരണയെ പൂര്‍ണമായും
പ്രതിഫലിപ്പിക്കുന്നതാകണം
- കുട്ടികള്‍ക്ക്
അവര്‍ ശേഖരിച്ച വിവരങ്ങള്‍
,ചര്‍ച്ച
ചെയ്ത കാര്യങ്ങള്‍ ഇവ
പ്രയോജനപ്പെടുത്തി നിര്‍ദിഷ്ട
പ്രവര്‍ത്തനം പൂര്‍ത്തിയാക്കാം.ആരുടെ
മുമ്പാകെയാണ് അവതരിപ്പിക്കുന്നതെന്ന
കാര്യത്തിലും നല്ല ധാരണ വേണം.
സദസ്സിനെ
അറിഞ്ഞും മാനിച്ചുമുളള ഗംഭിര
അവതരണം ലക്ഷ്യമിടണം
- ഉപയോഗിക്കാനിടയുളള
പദാവലികള്‍ കുട്ടികളെക്കൊണ്ടപ
പറയിച്ച് ബോര്‍ഡിലോ ചാര്‍ട്ടിലോ
എഴുതിയിട്ടാല്‍ അവര്‍
തയ്യാറാക്കുന്ന ബ്രോഷറുകളിലും
പോസറ്ററുകളിലും അക്ഷരത്തെറ്റു
വരുത്താതിരിക്കാന്‍ അവരെ
സഹായിക്കും
- കരട്
തയ്യാറാക്കിയതിന് (
ഡമ്മി)
അസല്‍
തയ്യാറാക്കാനാണ് കുട്ടികള്‍
ശീലിക്കേണ്ടത്
വിലയിരുത്തലിനെ കുട്ടികളുടെ പഠനമുന്നേറ്റത്തിനായി ഉപയോഗിക്കല്‍
കുട്ടികളുടെ ധാരണകള്‍ നൈപുണികള്‍ എന്നിവ സംബന്ധിച്ചു ലഭിച്ച വിവരങ്ങള്‍ കുട്ടികളുടെ പഠനത്തികവിനെ ലക്ഷ്യം വെച്ചും അധ്യയനത്തികവിനെ മുന്നില്‍ക്കണ്ടും പ്രയോജനപ്പെടുത്തണം. നിദാനനിര്‍ണയവിശകലനഗ്രിഡ് അധ്യാപിക ഉപയോഗിക്കണം (മാതൃകdiagnostic grid (doc, 15kb)പ്രതീക്ഷിത നിലവാരത്തിനെ മുന്നില്‍ കണ്ട് ലളിതമായ രേഖപ്പെുത്തല്‍ നടത്തിയാ്‍ മതിയാകും. അക്ഷരങ്ങള്‍ കൊമ്ട് നിലവാരത്തെ പ്രതിനിധാനം ചെയ്യാം, ഏതു മേഖലയിലാണ് കുട്ടിക്ക് കൂടുതല്‍ പിന്തുണ അനിവാര്യമായിരിക്കുന്നതെന്ന് ഈ ഗ്രിഡ് വിളിച്ചോതും. പ്രതീക്ഷിത പഠനനേട്ടവുമായി ബന്ധിപ്പിച്ചാണ് അദ്യാപിക ഇതിനെ സമീപിക്കേണ്ടത്.പൂരിപ്പിച്ച ഒരു ഗ്രിഡ്ഡിന്റെ മാതൃക നോക്കുക
Sample diagnostic grid (doc,16kb)
പ്രതീക്ഷിത നേട്ടം കൈവരിക്കാനാവാത്തവര്‍ക്ക്
ശാസ്ത്രധാരണ,
വിവരങ്ങള്‍ക്ക്
അര്‍ഥപൂര്‍ണമായ വിശദീകരണം
നല്‍കല്‍, അറിവിന്റെ
പ്രയോഗം, ആശയവിനിയക്ഷമത
എന്നിവ കണക്കിലെടുത്താണല്ലോ
കുട്ടിയുടെ കഴിവിനെ നാം
വിലയിരുത്തിയത്. ഈ
ഓരോ മോഖലയിലും പിന്നാക്കം
നില്‍ക്കുന്നവരുണ്ടാകും
.അപ്പോള്‍
നാം എന്താണ് ചെയ്യേണ്ടത്?
മേഖല
ഒന്ന് -ശാസ്ത്രധാരണ
കുട്ടികള്‍
ഇതില്‍ പിന്നിലാണെങ്കില്‍
ക്ലാസ് മുറിയിലെ ഊര്‍ജരൂപങ്ങളിലേക്ക്
ശ്രദ്ധ കൊണ്ടുവരണം.
വിവധ
ഊര്‍ജരൂപങ്ങള്‍ പ്രയോജനപ്പെടുത്തുന്ന
ദൃശ്യങ്ങള്‍,
ഫിലിമുകള്‍
,മോഡലുകള്‍
എന്നിവ ഒരുക്കണം.
അവ
വിശകലനം ചെയ്യാന്‍ സഹപഠിതാവായി
ഒപ്പം നില്‍ക്കണം.കുട്ടിയുടെ
പങ്കാളിത്തത്തോടെ ഒരു പ്രദര്‍ശനം
സംഘടിപ്പിക്കാം.
ചെറു
വിവരണങ്ങള്‍,
ലേബലുകള്‍
തയ്യാറാക്കി അവ മറ്റുളളവര്‍ക്കു
മുമ്പാകെ പരിചയപ്പെടുത്താനവസരം
നല്‍കണം.
( ക്ലാസില്‍
ഇതുവരെ ഉപയോഗിച്ചതാവരുത്.
പുതുമയുളളതാവണം
പരിചയപ്പെടുത്തുന്ന വസ്തുക്കള്‍)
മേഖല രണ്ട് മൂന്ന് -വിവരങ്ങള്‍ക്ക് അര്‍ഥപൂര്‍ണമായ വിശദീകരണം നല്‍കലും അറിവിന്റെ പ്രയോഗവും
ഈ മേഖലകളില്‍ കുട്ടികള്‍ പിന്നാക്കമായാല്‍ എന്തു ചെയ്യും?ഉദാഹരണത്തിന് വിവരങ്ങള്‍ ശേഖരിക്കുന്നതിനും ശേഖരിച്ച വിവരങ്ങള്‍ ക്രമീകരിക്കുന്നതിനും പ്രയാസമുളള വര്‍ ഉണ്ടാകും. കുട്ടികളുമായി ഒത്തിരുന്ന് വീടിനകത്തേയും പുറത്തേയും ഓരോരോ മുറിയിലേയും വസ്തുക്കള്‍ അവരുടെ മനസില്‍ കൊണ്ടുവന്ന് ലിസ്റ്റ് ചെയ്യാന്‍ സഹായിച്ച് ഒരു ഊര്‍ജരൂപം പരിഗണിച്ച് ഓരോരോ നിറമുളള പേനകൊണ്ട് അടിവരയിട്ട് അതു പിന്നെ തരംതിരിച്ചെഴുതാന്‍ അവസരം നല്‍കാം.ചില ഊര്‍ജരൂപങ്ങളില്ലെങ്കില്‍ എന്താണ് വീട്ടില്‍ സംഭവിക്കുക എന്നുമാലോചിപ്പിക്കാം. ഊര്ജം പാഴാക്കുന്ന സന്ദര്‍ഭങ്ങള്‍ ചിത്രീക്കാനാവശ്യപ്പെടാം. ഊര്‍ജസംരക്ഷണത്തിന് സഹപാഠികള്‍ അവതരിപ്പിച്ചതിനോട് പ്രതികരിക്കാനും വ്യത്യസതമായ മാര്‍ഗം കണ്ടെത്താനും നിര്ദ്ദേശിക്കാംമേഖല നാല്-ആശയവിനിമയക്ഷമത
എന്തുകൊണ്ടാണ് ഈ മേഖലയില്‍ പിന്നാക്കാവസ്ഥ? ശാസ്ത്രീയമയാ പദാവലികള്‍ മനസിലാകാത്തതുകൊണ്ടാണോ? കാര്യകാരണബന്ധം സംബന്ധിച്ച ദുര്‍ബലമായ ധാരണയുളളതിനാലാണോ? ആശയങ്ങളെ ക്രമീകരിക്കാന്‍ പ്രയാസമുളളതിനാലാണോ? എന്താണ് യഥാര്‍ഥ പ്രശ്നമെന്നു മനസിലാക്കി സഹായിക്കണം. ചങ്ങാതിയായ അധ്യാപികയോട് തുറന്നു പറയാനവസരം ലഭിക്കണം. കുട്ടിയുടെ പക്ഷത്തു നിന്നും ചിന്തിക്കുന്നതായി ഭാവിച്ച് കാര്യങ്ങളെ ലളിതമാക്കണം.കുട്ടിയുടെയുക്തിചിന്താ തടസ്സത്തെ മറികടക്കാനുളള ലളിതഉദാഹരണങ്ങളും വിശകലവും നടത്തണം. റിഹേഴ്സല്‍ ചെയ്യാം.
ഒരേ പ്രശ്നമുളള ഒരു കൂട്ടാളിയെ കൂടി നല്‍കാം. സംയുക്താവതരണത്തിന് അവസരം നല്‍കാം.നല്ല ഫീഡ് ബാക്ക് തുടര്‍ച്ചയായി നല്‍കി തിരിച്ചറിവും പ്രചോദനവും ലഭ്യമാക്കാം.മറ്റുളളവര്‍ക്കും കൂട്ടിച്ചേര്‍ക്കാവുന്ന പൂരണസ്വഭാവമുളള അവതരണത്തെയും ആലോചിക്കാം. നിരാശയുളവാക്കാതെ നേട്ടത്തിലേക്കുളള കുതിപ്പിനു കളമൊരുക്കുകയാണ് വേണ്ടത്.
തുടര്‍ പ്രവര്‍ത്തനം
ഉയര്‍ന്ന നിലവാരത്തില്‍ പ്രവര്‍ത്തനം പൂര്‍ത്തീകരിച്ചവര്‍ക്ക്
വിദ്യാലയത്തിലെ ഊര്‍ജോപയോഗം ഓഡിറ്റ് ചെയ്ത് അസംബ്ളിയില്‍ റിപ്പോര്‍ട്ടും നിര്‍ദ്ദേശങ്ങളും അവതരിപ്പിക്കുക
,................................................,,,,,,,,,,,,,,,,,,,,,,,,,,,,,,,,,,,,,,,,,,,,,,...........................................,,,,,,,,,,,,,,,
ഉപസംഹാരം
1.പ്രക്രിയ വിലയിരുത്തല്‍, പോര്‍ട്ട് ഫോളിയോ വിലയിരുത്തല്‍, യൂണിറ്റ് ടെസ്റ്റ് എന്നൊക്കെ പറഞ്ഞു പേടിപ്പിക്കാതെ നേടേണ്ട ശേഷികളെ ആധാരമാക്കി വിജയമാനദണ്ഡങ്ങള്‍ തിട്ടപ്പെടുത്തി കൃത്യമായി കുട്ടിയെ വിലയിരുത്തി പ്രശ്നമുണ്ടെങ്കില്‍ അതത് പ്രശ്നമേഖലകളില്‍ എങ്ങനെ ഇടപെടണമെന്നു സൂചിപ്പിക്കുന്ന യൂണിറ്റ് സ്പെസിഫിക്കായ ഈ അധ്യാപക സഹായി സമഗ്രത പ്രതിഫലിപ്പിക്കുന്നില്ലേ? പേരു മാറ്റിയിടലല്ല. അധ്യാപക സഹായദൗത്യപുസ്തകം ലക്ഷ്യത്തിലേക്കടുപ്പിക്കും വിധമാണോ എന്നു പരിശോധിക്കലാണ് പ്രധാനം.2. അല്ല ഈ ഉദാഹരണത്തിലെ കുട്ടികള്‍ക്ക് എല്ലാം കുത്തി നിറച്ച പാഠപുസ്തകം ഇല്ലല്ലോ?
തകര്‍ന്നു പോകുമോ?
രക്ഷിതാക്കള്‍ ആശങ്കപ്പെടുമോ?
ആശങ്ക അകറ്റാനല്ലേ ആശാനും ആശാട്ടിയും.
എത്തേണ്ടിടത്ത് കുട്ടി എത്തും. കഴിവുനേടും എന്നുറപ്പ് .
ആ ആത്മവിശ്വാസം ഒരു പുസ്തകത്തിനു പ്രദാനം ചെയ്യാനാവില്ല.
ആത്മവിശ്വാസമുളളവര്‍ വഴികള്‍ വെട്ടിത്തുറക്കും.
ഇവിടെ ചര്‍ച്ച ചെയ്ത കാര്യങ്ങള്‍
- വിലയിരുത്തലിന്റെ
പ്രായോഗികതലം ബോധ്യപ്പെടുത്തുന്നതാകണം
അധ്യാപകസഹായിയും പരിശീലനവും
- അധ്യാപകസഹായിയും
നിരന്തരവിലയിരുത്തലും
പഠനപ്രക്രിയയും പഠനനേട്ടവും
തമ്മില്‍ ഇഴയടുപ്പമുണ്ടാകണം
- കുട്ടികള്‍
പിന്നാക്കംനില്‍ക്കുന്ന
മേഖലകളിലെ ഇടപെടല്‍കൃത്യത
നിരന്തര വിലയിരുത്തല്‍
സൂചിപ്പിക്കുന്നവര്‍ യൂണിറ്റ്
സ്പെസിഫിക്കായി പറയണം
- വിലയിരുത്തല്‍
ഉപാധികളുടെ അനുയോജ്യത
പ്രധാനമാണ്.
ഫോട്ടോ
കോപ്പി എടുക്കാന്‍ പാകത്തില്‍
അതു ലഭ്യമാക്കണം.
- പഠനനേട്ടത്തില്‍
വിട്ടുവീഴ്ചയില്ലാത്തതാകണം
വിലയിരുത്തല്‍ എന്നത്
പ്രതിഫലിപ്പിക്കണം
- പാഠപുസ്തകത്തേക്കാള്‍
പ്രധാനം പഠനപ്രക്രിയയും
പഠനനേട്ടവുമാണ്.
- നിത്യജീവിതപ്രശ്നങ്ങളുമായി
ബന്ധിപ്പിക്കുന്ന പഠനം
ആസ്ത്രേലിയയില്‍ അപമാനിക്കപ്പെടുന്നില്ല
Anweshikam kandetham thudangiya vaakukal asleelamayi karuthi parihasikunnavar lokathundaakunna maattangal thirichariyan ethu valare nannu.. Mashe puthiya velicham padarthuka ennum
ReplyDeletesasneham dpanchery
Rakshithakkalkku illatha aashanka pariharikkananu ippol chilarkku vembal.Ellavarkkum sariyethennu ariyam.Palarum kannadachu iruttakki samthripthiyadayukayanu.Paranhukondeyirikkuka...Vasu Choolur
ReplyDeleteആസ്ട്രേലിയയിലെ പ്രൈമറി പാഠപുസ്തകങ്ങളെ കുറിച്ച് അന്വേഷിച്ചപ്പോള്‍ ലഭിച്ച വിവരങ്ങള്‍.....
ReplyDelete*I notice that there is NO recommended textbooks for primary school level in Australia. This means parents will find it very difficult to help their kids. I also find that most primary school books are "exercise" books. You can buy teaching notes (for teachers) at extremely high prices. I suspect this is part of the reason why so many primary school kids lost their basics. Since when they decided to get rid of "textbooks" for primary school level?
*There are plenty of books which could be classed as "text books" available for kids K to 12. Ask the teachers at the school your kids attend and they will recommend books and/or book sellers.
Any reputable book seller (Angus and Robinson, Dymocks etc) will have a supply of books or be able to get some in for you.
Get rid of text books? Never, used every day in every school.
*i completed primary school in 2004 and since probly kindergarten, we were given booklets with a tonne of pages stapled together with lots of different worksheets that were mostly just photo-copied textbook pages.
i guess the schools were tired of the little kids drawing in the textbooks that they pay out $50 each for. haha
*when i was at primary school (5 years ago) we only had a textbook for maths - thats all.
mind you, that's where we got most of the homework that we needed parental help with.
ഈ കമന്റുകളില്‍ നിന്ന് മനസ്സിലാകുന്നത് നമ്മുടെ ഇംഗ്ലീഷ് മീഡിയം ക്ലാസ്സുകളില്‍ ഉപയോഗിക്കുന്നതു പോലെ വിവിധ പ്രസാധകര്‍ തയ്യാറാക്കുന്ന പുസ്തകങ്ങളാണ് അവിടെയും കുട്ടികള്‍ക്കായി പ്രയോജനപ്പെടുത്തുന്നതെന്നാണ്.
വളരെ നന്നായി ബോസ്ഖോ ഇടപെടല്‍. രക്ഷിതാക്കള്‍ മൂലം കുട്ടികള്‍ നേരിടുന്ന സമ്മര്‍ദ്ദത്തെക്കുറിച്ചും റിപ്പോര്‍ട്ടുകളഉണ്ട്. പിസ ( അന്തര്‍ദേശീയ നിലവാരപ്പരീക്ഷയില്‍ അവിടെയുളള കുട്ടികള്‍ മുന്നിലാണ്. സമീപകാലത്ത് മറ്റു ചില രാജ്യങ്ങള്‍ അവരേക്കാല്‍ മുന്നിലെത്തിയെങ്കിലും )അവിടുത്തെ കുട്ടികള്‍ക്ക് അടിസ്ഥാനമില്ലാത്തതുകൊണ്ടാണോ ഈ നിലവാരം.ഇന്ത്യുടെ ലോകനിലവാരം ഏറ്റവും താഴെയാണെന്നോര്‍ക്കണം.ഫിന്‍ലാൻറാണ് മറ്റൊരു മികച്ച രാജ്യം. അവിടെയും സര്‍ക്കാര്‍ നിര്‍ദ്ദേശിക്കുന്ന പാഠപുസ്തകം ഇല്ല. ലോകത്ത് അവിടുത്തെ കുട്ടികള്‍ മുന്നില്‍. അപ്പോള്‍ പാഠപുസ്തകമാണ് നിലവാരത്തെ സ്വാധീനിക്കുന്ന ഘടകമെന്ന ചിന്ത മാറ്റി വെക്കുകയല്ലേ വേണ്ടത്?പഠനപ്രക്രിയ തന്നെയാണ് പ്രധാനം.)
ReplyDeletehttp://www.acara.edu.au/curriculum/worksamples/Foundation_Year_Mathematics_Portfolio_Satisfactory.pdf
ReplyDeleteബോസ്കോ ഇത് കൂടി പരിശോധിക്കുക. അവിടെ കരിക്കുലം കൃത്യമാണ്.മാര്‍ഗരേഖയും മാതൃകകളും ഉണ്ട്. അത്തരമൊരു മാതൃകയാണ് ഇവിടെ ലിങ്കില്‍ ..
സാമൂഹ്യശാസ്ത്രത്തിലെ അവധിക്കാല പരിശീലനത്തില്‍ പാഠപുസ്തകത്തില്‍ content കൂട്ടിയതില്‍ ആഹ്ളാദ ചിത്തരായ അധ്യാപകരെ കണ്ടു.പ്രാചീനശിലായുഗ ചരിത്രം വിശദമായി അഞ്ചാം ക്ലാസില്‍.അഞ്ചാംക്ലാസില്‍ ചരിത്രം എന്ന concept രൂപ്പെടാന്‍ പോലും പാടാണ്.എന്നിട്ടുവേണ്ടേ ശിലായുഗസംസ്ക്കാരം.content കൂട്ടിയതുകൊണ്ട് ഒരു ഗുണമുണ്ട്.ഭൂരിപക്ഷം കുട്ടികളും പഠനത്തില്‍നിന്നും പുറത്താകും.പൊതുവിദ്യാലയങ്ങളുടെ നിലവാരം തകരും.ഇതാണ് ലക്ഷ്യമെന്ന് ആര്‍ക്കാണ് അറിഞ്ഞുകൂടാത്തത്!ഇതിനെ അനുകൂലിക്കുന്ന അധ്യാപകരെ അടുത്തറിഞ്ഞാല്‍ ഒരു കാര്യം മനസിലാകും. ക്ലാസില്‍ പ്രസംഗം മാത്രം കൈമുതലാക്കിയവരാണ് ഇവര്‍.അസ്സല്‍ ബിഹേവിയറിസ്റ്റുകള്‍.എന്നിട്ട് പേര് രക്ഷിതാക്കള്‍ക്ക്.അവര്‍ ഇഷ്ടപ്പെടുമെന്ന്.നിലവിലുള്ള പുസ്തകത്തില്‍ ഉള്ളടക്കം കുറവാണെന്ന് class pta യോഗങ്ങളില്‍ ഒരു രക്ഷിതാവും ഞങ്ങളോട് പരാതി പറഞ്ഞിട്ടില്ല.
ReplyDeleteഈ ലക്കത്തില്‍ നിരന്തര വിലയിരുത്തലും അധ്യാപകസഹായിയുടെ സ്വാഭവവും ആണ് പരിഗണിച്ചത്. പാഠപുസ്തകങ്ങളുടെ ഉളളടക്കവും നിലവാരവും തമ്മില്‍ ബന്ധമുണ്ട്. ഡി പി ഇ പി കാലഘട്ടത്തിലാണ് ശരിക്കും യൂണിറ്റ് ഫ്രെയിം തയ്യാറാക്കി പാഠവും അധ്യാപകസഹായിയും ഒപ്പം വികസിപ്പിച്ച് ട്രൈ ഔട്ട് നടത്തി ഗൗരവത്തോടെ പരിഷ്കരണം നടന്നത്. ആ പുസ്തകങ്ങളുടെ പ്രവര്‍ത്തനാധിഷ്ഠിതസ്വാധീനം ഇപ്പോഴും അധ്യയനപ്രക്രിയയില്‍ നിലനില്‍ക്കുന്നു എന്നതാണ് അതിന്റെ ഗുണത. അന്ന് എസ് സി ഇ ആര്‍ ടി അല്ല അതിനു നേതൃത്വം നല്‍കിയത്. കാരണമായി പറഞ്ഞത് ആ സ്ഥാപനത്തിലെ അന്നത്തെ അക്കാദമികദുര്‍ബലതയാണ്.രജിസ്റ്ററുകളും ഡ്യൂട്ടി സര്‍ട്ടിപ്പിക്കറ്റും നല്‍കലായിരുന്നു പണി.ഫാക്കല്‍റ്റി അംഗങ്ങള്‍ ക്ലാസെടുക്കുകയോ നയിക്കുകയോ ചെയ്യില്ല.ഇപ്പോള്‍ മാറിയോ എന്നറിയില്ല.ഏതായാലും പുസ്തകം ട്രൈ ഔട്ട് ചെയ്യാതെ ഉളളടക്കം കുട്ടിയുടെ മേല്‍ അടിച്ചുകൂട്ടുന്നത് ശരിയാണോ എന്നു പരിശോധിക്കണം. ഗവേഷണപിന്തുണയുണ്ടെങ്കില്‍ കുഴപ്പമില്ല.ശാസ്തരത്തിന്റെ അധ്യാപിക പറഞ്ഞത് എട്ടാം ക്ലാസ് ഏഴായി എന്നാണ്.ഞാന്‍ എല്ലാ പുസ്തകങ്ങളും കണ്ടിട്ടില്ല. രണ്ടുഭാഗവും അധ്യാപകസഹായിയും കണ്ടിട്ടു പ്രതികരിക്കാം.പക്ഷേ നിരന്തര വിലയിരുത്തലിനെക്കുറിച്ച് കൃത്യതയോടെ പറഞ്ഞി്ട്ടില്ല എന്നാണ് മനസിലാക്കുന്നത്. ആദ്യ യൂണിറ്റിനെ ആധാരമാക്കി പറയാമായിരുന്നു.
ReplyDeleteവിവരശേഖരണത്തിനു നിരവധി മാര്‍ഗങ്ങള്‍ ഇന്ന് ലഭ്യമാണ്.അതുകൊണ്ടുതന്നെ പാഠപുസ്തകങ്ങള്‍ അധ്യാപകനെ സംബന്ധിച്ച് പ്രസക്തമായ ഒന്നല്ല. ഉള്ളടക്കം ഏത് പഠനതന്ത്രം ഉപയോഗിച്ചും വിനിമയം ചെയ്യാനുള്ള സ്വാതന്ത്ര്യവും അധ്യാപകനുള്ള സാഹചര്യത്തില്‍ പാഠപുസ്തകം എന്ന ഇത്തിരിവട്ടത്തെ ചുറ്റിപ്പറ്റി മാത്രം ചര്‍ച്ചകള്‍ പോകുന്നത് ശരിയാണോ?
ReplyDeleteഎന്നാല്‍ കുട്ടിയെയും രക്ഷിതാവിനേയും സംബന്ധിച്ച് വിവരശേഖരണത്തിനുള്ള ശേഷി എത്രമാത്രമുണ്ട് എന്നത് നമുക്കറിയാവുന്നതാണ്. വൈദ്യുതി ബന്ധം പോലുമില്ലാത്ത വീടുകളിലെ കുട്ടികള്‍ ഇന്റര്‍നെറ്റ് പരതി ഉള്ളടക്കം കണ്ടെത്തുമെന്ന് കരുതാനാവില്ല. അധ്യാപകര്‍ വേണ്ടരീതിയില്‍ ഉത്തരവാദിത്തം നിറവേറ്റാത്ത സാഹചര്യത്തിലും കുട്ടിക്കും രക്ഷിതാവിനും ആശ്രയമാകുന്നത് പാഠപുസ്തകമല്ലാതെ മറ്റെന്താണ്?
പ്രിയ ബോസ്കോ,താങ്കളുടെ പ്രതികരണത്തില്‍ തന്നെ ഉത്തരമുണ്ടെന്നു തോന്നുന്നു.ഒന്ന്) വൈദ്യുതി ബന്ധം പോലുമില്ലാത്ത വീടുകളിലെ കുട്ടികള്‍ ഇന്റര്‍നെറ്റ് പരതി ഉള്ളടക്കം കണ്ടെത്തുമെന്ന് കരുതാനാവില്ല.( വിദ്യാലയങ്ങളില്‍ അത്തരം സംവിധാനം ക്രമീകരിക്കാന്‍ കേരളത്തിനു കഴിയും.തദ്ദേശസ്വയംഭരണസ്ഥാപനങ്ങള്‍ തീരമാനിച്ചാല്‍ മതി.കോഴവാങ്ങി നിയമനം നടത്തുന്ന മാനേജ്മെന്റുകള്‍ക്കും വേണമെന്നു വെച്ചാല്‍ അസാധ്യമായ കാര്യമല്ല.)
ReplyDeleteരണ്ട്) അധ്യാപകര്‍ വേണ്ടരീതിയില്‍ ഉത്തരവാദിത്തം നിറവേറ്റാത്ത സാഹചര്യത്തിലും കുട്ടിക്കും രക്ഷിതാവിനും ആശ്രയമാകുന്നത് പാഠപുസ്തകമല്ലാതെ മറ്റെന്താണ്?( അധ്യാപകര്‍ വേണ്ടത്ര ഉത്തരവാദിത്വം നിറവേറ്റാത്ത സാഹചര്യമുണ്ടെന്നു താങ്കള്‍ നിരീക്ഷിക്കുന്നു. അത്തരം ആള്‍ക്കാരെകൊണ്ട് നേരാം വണ്ണം പണിയെടുപ്പിക്കാനാണ് സംഘടനകളും വകുപ്പും ശ്രമിക്കേണ്ടത്.രക്ഷിതാക്കള്‍ക്ക് തൃപ്തിയാകുന്നത് "ഉത്തരവാദിത്വം നിറവേറ്റാത്ത അധ്യാപകര്‍" ഉളളടക്കം കൂട്ടിയ പുസ്തകം പഠിപ്പിക്കുമ്പോഴാണെന്ന വാദം അത്ഭുതകരം
നേടേണ്ട ശാസ്ത്ര നൈപുണികള്‍ (science skills)
ReplyDeleteമറ്റുളളവരുടെ ചോദ്യങ്ങളോടും യുക്തിപൂര്‍വം പ്രതികരിക്കാനും അന്വേഷണത്തിലേക്കു വാതില്‍ തുറന്നിടുന്ന ചോദ്യങ്ങള്‍ ഉന്നയിക്കാനുമുളള കഴിവ്
നിരീക്ഷിക്കാനും നിരീക്ഷണവിവരങ്ങള്‍ ലിഖിതമായും ചിത്രീകരണത്തിലൂടെയും രേഖപ്പെടുത്താനുമുളള കഴിവ്
നിരീക്ഷണവിധേയമായവയിലെ ബന്ധങ്ങള്‍ കണ്ടെത്താനും അര്‍ഥം നല്ഡകാനുമുളള കഴിവ്
ശാസ്ത്രഭാഷയില്‍ ആശയവിനിമയം നടത്താനുളള കഴിവ്
സ്വതന്ത്രമായും സഹവര്‍ത്തിത രീതിയിലും പ്രവര്‍ത്തിക്കാനുളള കഴിവ്.