അനുപമം ഈ അധ്യാപനക്കുറിപ്പുകള്‍

അനുപമട്ടീച്ചറുടെ അധ്യാപനക്കുറിപ്പുകളാണ് ഇത്.

കണ്ണൂരില്‍ വെച്ച് ഡോ പുരുഷോത്തമന്‍ എനിക്ക് തന്നത്.

എന്തെല്ലാമോ വ്യത്യസ്തത ഇവയ്കുണ്ട്

ആരെയും കാണിക്കാനോ ബോധ്യപ്പെടുത്താനോ വേണ്ടി തയ്യാറാക്കിയതല്ല ഈ കുറിപ്പുകള്‍

അധ്യാപികയുടെ ആത്മാര്‍ഥതയുടെയും സര്‍ഗാത്മകതയുടെയും കൈയൊപ്പ്

എന്റെ കുട്ടികള്‍ എന്ന രേഖ ടീച്ചര്‍ സൂക്ഷിക്കുന്നുണ്ട്

അതില്‍ ഓരോ കുട്ടിയുടെയും കാര്യങ്ങള്‍ എഴുതിയിട്ടുണ്ട്. കുട്ടിയുടെ കൊച്ചുകൊച്ചു ചോദ്യങ്ങളും രീതികളും മുതല്‍ പഠനമികവും കൂടുതല്‍ ശ്രദ്ധ ആവശ്യമുളള മേഖലകളും പ്രകടമായ മാറ്റങ്ങളും എല്ലാം അതിലെഴുതിയിട്ടുണ്ട്.

ഓരോ കുട്ടിയുടേയും ഫോട്ടോയും

കുമുലേറ്റീവ് റിക്കാര്‍ഡ് അധ്യാപകര്‍ തയ്യാറാക്കണമെന്ന് വിദ്യാഭ്യാസ അവകാശ നിയമം പറഞ്ഞിരുന്നു.  

അതിലേക്ക് തന്റെ സംഭാവന കൂട്ടിച്ചേര്‍ക്കുകയാണ് അനുപമ ടീച്ചര്‍ ചെയ്തത്.

2

ടീച്ചിംഗ് മാന്വലില്‍ നിന്നും ചില പേജുകള്‍ നോക്കുക

എന്താണ് പ്രത്യേകതകള്‍?

 സചിത്രത്തെളിവുകള്‍

 വിശദം വിലയിരുത്തല്‍ പേജ്

 ലേഖനത്തിലേക്ക് നയിക്കുന്ന ബിഗ് ക്യാന്‍വാസ് ഉപയോഗ സൂചന

 ഹോം വര്‍ക്ക് ഇങ്ങനെ റോക്കറ്റായി വീട്ടിലേക്ക് പോയി

 ക്ലാസിലുപയോഗിച്ച കട്ടൗട്ടുകളാവും ചിലപ്പോള്‍ വിലയിരുത്തല്‍ പേജില്‍ സ്ഥാനം പിടിക്കുക

 എഴുതാനും വായിക്കാനും . 

പ്രതീക്ഷിത പ്രതികരണങ്ങളും ചര്‍ച്ചയിലൂടെ ഉരുത്തിരിയുന്നവയും ബോര്‍ഡില്‍ എഴുതണം. അങ്ങനെയുളളവ പ്രത്യേക ബോക്സില്‍ സൂചിപ്പിക്കും. അതാണ് കുഞ്ഞുങ്ങളുടെ വായനാപാഠം

 പാഠം തീരുമ്പോള്‍ പലപ്പോഴായി ക്ലാസില്‍ അവതരിപ്പിച്ചവ ക്രോഡീകരിക്കുന്നു. അവ കുട്ടികള്‍ വീയിക്കുന്നു. ഇത്രയും വായന ഒന്നാം പാഠത്തില്‍ നടന്നിട്ടുണ്ട്

 പഠനോപകരണങ്ങള്‍ ഇവയാണ് ഉപയോഗിച്ചത്. അതിന്റെ ചിത്രം പോരെ വിലയിരുത്തല്‍ പേജില്‍. കുട വൈവിധ്യവും ചിത്രരചനയും എഴുത്തും വായനയും രസകരമായ പഠനാനുഭവം

 പ്രതിഫലനപ്പേജില്‍ വിശദമായ രേഖപ്പെടുത്തില്‍. കുട്ടികളുടെ പ്രശ്നങ്ങളെ എങ്ങനെ സമീപിക്കുന്നുവെന്നു നോക്കുക. അവധി കൊടുത്ത് പഠനനഷ്ടം ഉണ്ടാക്കിയതിന്റെ തിക്തഫലമാണ് കുഞ്ഞുങ്ങള്‍ അൻുഭവിക്കുന്നത്. പാഠങ്ങള്‍ അനന്തമായി നീണ്ടുപോയി...എങ്കിലും

 പരീക്ഷയുടെ ചോദ്യങ്ങള്‍ ടീച്ചിംഗ് മാന്വലില്‍ വെട്ടി ഒട്ടിച്ചിട്ടുണ്ട്. ടീച്ചര്‍ അത് നിറം നല്‍കി ആക്ര‍ഷകമാക്കിയിരിക്കുന്നു. ഓരോ മൂല്യനിര്‍ണയപ്രവര്‍ത്തനത്തിനും ഓരോ പേജ്. അതിന് താഴെ കുട്ടികളുടെ നിലവാരവും. ഇത് പീന്നീട് പഠനപ്രവര്‍ത്തനാസൂത്രണം നടത്തുമ്പോള്‍ പരിഗണിക്കും. കുട്ടിയുടെ വളര്‍ച്ച താരതമ്യം ചെയ്യാനും ഉപയോഗിക്കും

 ക്രോഡീകരിച്ച പട്ടികയും ഉണ്ട്

 കുട്ടിയുടെ അഭിപ്രായങ്ങള്‍ക്ക് വില കല്പിക്കുന്ന അധ്യാപിക

 

ടീച്ചിംഗ് മാന്വലുകളുടെ കെട്ടും മട്ടും മാറ്റേണ്ടതുണ്ട്. രണ്ടു കോളം മൂന്നു കോളം എന്നെല്ലാം യാന്ത്രികമായി വാശിപിടിക്കുന്നതിനു പകരം സര്‍ഗാത്മകമായി അതു തയ്യാറാക്കാന്‍ പ്രചോദനാന്തരീക്ഷം സൃഷ്ടിക്കപ്പെടണം.
ഭാവിയില്‍ ഉപയോഗിക്കാന്‍ സഹായകമായ വിധമാകണം അവയിലെ രേഖപ്പെടുത്തല്‍
അത്തരം അധ്യാപനക്കുറിപ്പുകള്‍ വിദ്യാഭ്യാസ വകുപ്പ് ശേഖരിക്കണം. മാനിക്കണം. അതിന്റെ അടിസ്ഥാനത്തില്‍ കൂടിയാവണം അധ്യാപക ശാക്തീകരണ പരിപാടികള്‍
അനുപമയുടെ അധ്യാപനക്കുറിപ്പുകള്‍ സമ്പൂര്‍ണമാണെന്നല്ല പറയുന്നത്.
പുതിവഴികളുടെ സാധ്യത അത് ചൂണ്ടിക്കാണിക്കുന്നു
എന്റെ കുട്ടികള്‍ എന്ന രേഖകൂടി ചേര്‍ത്തുവെക്കുമ്പോഴാണ് അധ്യാപനാനന്ദം ലഭിക്കുക എന്ന് ഓര്‍മിപ്പിക്കുന്നു

...............................മാതൃഭൂമി കാഴ്ചയില്‍ ( കണ്ണൂര്‍ പതിപ്പ്)11/02/16ന് പ്രസിദ്ധീകരിച്ച കുറിപ്പ് ................