മൊഴിക്കിലുക്കം വ്യക്തിഗത സമാഹാരത്തിൽ എന്തൊക്കെ ? എങ്ങനെ രൂപകല്പന ചെയ്യാം? ഒരു രീതിയാണ് പരിചയപ്പെടുത്തുന്നത്. അധ്യാപകര്ക്ക് കൂടുതല് മികച്ച രീതികള് ആലോചിക്കാം.
കവര് പേജ് ( മൊഴിക്കിലുക്കം 2025-26, കുട്ടിയുടെ പേരും ക്ലാസും, ഫോട്ടോ, വ്യക്തിഗത മികവ് പതിപ്പ്, സ്കൂളിന്റെ പേര്. ഇത്രയും കാര്യങ്ങള് ചേര്ക്കാം.
പേജ് രണ്ട് അധ്യാപികയുടെ കുറിപ്പ് ( കുട്ടിയുടെ കഴിവില് കേന്ദ്രീകരിച്ചുള്ള കുറിപ്പാകണം. എക്കാലവും കുട്ടി സൂക്ഷിച്ചുവെക്കുന്ന വാക്യങ്ങളാകണം.)
പേജ് മൂന്ന് രക്ഷിതാവിന്റെ കുറിപ്പ് ( അതും പ്രചോദനാത്മകവും ഒന്നാം ക്ലാസിലെ പഠനത്തെ സൂചിപ്പിക്കുന്നതുമാകണം.)
പേജ് നാല് -ഉള്ളടക്ക പേജ് ( എന്തെല്ലാമാണ് കുട്ടിയുടെ മികവിന്റെ തെളിവുകളായി ഉള്പ്പെടുത്തിയത് അവയുടെ പേര് എഴുതി പേജ് നമ്പരും സൂചിപ്പിക്കണം.
കുഞ്ഞുവർത്തമാനം ( പേജ് 5,6 -രണ്ട് രചനകള്)
കഥാക്കുറിപ്പ് ( പേജ് 7,8- രണ്ട് രചനകള്)
കുട്ടിപ്പത്രം ( പേജ് 9 ഒന്ന്)
രചനോത്സവകഥ ( പേജ് 10.11 രണ്ട് രചനകള്)
സംയുക്ത ഡയറി ( പേജ് 12,13 വൈവിധ്യമുള്ള നാല് രചനകള്)
കാര്ട്ടൂണ്ഡയറി ( പേജ് 14, 15 രണ്ട് രചനകള്)
ചിത്രവിവരണം. ( പേജ് 15,16 രണ്ട് രചനകള്)
ചിത്രകഥ ( ഒരു കഥ)
കുട്ടിപാട്ട് ( കുട്ടിപ്പാട്ട് പുസ്തകമോ തിരഞ്ഞെടുത്ത പാട്ടുകളോ ആകാം)
മറ്റ് പ്രസക്തമായ രചനകള് ( ഉദാ- ഡ്രോണിനെഴുതിയ കത്ത്, സാങ്കല്പിക ഡയറി.)
പതിപ്പ് ആകര്ഷകമാകണം. ക്ലാസ് പി ടി എ കൂടി ആലോചന നടത്തണം. കവര് പേജ് അധ്യാപകരോ ക്ലാസ് പി ടി എ അംഗങ്ങളോ രൂപകല്പന ചെയ്യുന്നതാണ് നന്ന്. പരമാവധി ചെലവ് കുറഞ്ഞ രീതികളേ ആലോചിക്കാവൂ. എ ഫോര് പേപ്പര് ഉപയോഗിക്കുകയാണ് നല്ലത്. കുട്ടിയുടെ തിരഞ്ഞെടുത്ത രചനകള് അതില് ഒട്ടിച്ചാല് മതിയാകും. അതിനായി കുട്ടികളെക്കൊണ്ട് പകര്ത്തി എഴുതിക്കേണ്ടതില്ല. വെട്ടിത്തിരുത്തും പഴകിയതിന്റെ അടയാളങ്ങളും ഒക്കെ കാണും. അത് ആധികാരികതയുടെ തെളിവായി കണ്ടാല് മതി.
രചനകള് ടൈപ്പ് ചെയ്യാന് രക്ഷിതാക്കള്ക്ക് അറിയുമെങ്കില് ടൈപ്പ് ചെയ്ത രചനകള് ഉള്പ്പെടുത്താം. കുട്ടിയുടെ കൈയക്ഷരത്തിലുള്ളത് ഇടം പേജിലും വലം പേജില് ടൈപ്പ് ചെയ്തതും എന്ന രീതി ആലോചിക്കാം.
എപ്പോള് പതിപ്പ് നിര്മ്മാണം തുടങ്ങണം?
ഫെബ്രുവരി മൂന്നാം വാരം മുതല് തിരഞ്ഞെടുപ്പ് പ്രക്രിയ ആരംഭിക്കണം.
രക്ഷിതാക്കളുടെ സഹായം തേടണം.
ക്ലാസ് പി ടി എയില് വച്ച് തിരഞ്ഞെടുപ്പ് നടത്തുന്നത് ടീച്ചറുടെ അധ്വാനം ലഘൂകരിക്കും.
ഓരോ കുട്ടിയെക്കുറിച്ചുമുള്ള കുറിപ്പ് ടീച്ചര് എഴുതിത്തുടങ്ങണം. ( പതിപ്പ് പ്രകാശനത്തിന്റെ അന്ന് മാത്രം അതിലെ ഉള്ളടക്കം മറ്റുള്ളവര് അറിഞ്ഞാല് മതി.)
രക്ഷിതാക്കളും എഴുതി തരട്ടെ. വൈവിധ്യം വരണം. മാതൃക നല്കേണ്ടതില്ല. ഒന്നാം ക്ലാസിലെ കുട്ടിയുടെ പഠനത്തെക്കുറിച്ചും കുട്ടിയെക്കുറിച്ചുമാണ് എഴുതേണ്ടത് എന്നത് പ്രത്യേകം ഓര്മ്മിപ്പിക്കണം.
ഇവിടെ ഒരു സാധ്യത പങ്കിടുകയാണ്. എല്ലാ രചനകളും ഉള്പ്പെടുത്തിയിട്ടില്ല.
|
|
|
|
|
|
|
|
|
|
|
|
|
|
|
|
സംയുക്തഡയറി |
സംയുക്തഡയറി |
No comments:
Post a Comment
പ്രതികരിച്ചതിനു നന്ദി