നാല് |
|
|
|
പ്രവര്ത്തനം -പുലരിക്കുണ്ടൊരു കുപ്പായം
പഠനലക്ഷ്യങ്ങള്
കവിതയുടെ ആശയമുള്ക്കൊണ്ട് തുടര്വരികള് കൂട്ടിച്ചേര്ക്കുന്നു
പ്രതീക്ഷിത സമയം 30 മിനിറ്റ്
പൂരിപ്പിക്കാമോ?
പഠനക്കൂട്ടത്തില് ചൊല്ലിയ ശേഷം ഒരു വരി പൂരിപ്പിച്ച് അവതരിപ്പിക്കുന്നു
പകലിന്നുണ്ടൊരു കുപ്പായം ( പകല് പൂവ് വിരിയില്ലേ? പൂക്കളുമായി ബന്ധപ്പെടുത്തി ആലോചിച്ചാലോ?)
പൂക്കള് ചിരിക്കും കുപ്പായംപൂവഴകുള്ളൊരു കുപ്പായം
പൂക്കള് നിറയും കുപ്പായം
…………………………….
( പകല് ആകാശം തെളിയില്ലേ? ആകാശവുമായി ബന്ധപ്പെടുത്തി ആലോചിച്ചാലോ?)
പകലിന്നുണ്ടൊരു കുപ്പായം
നീലാകാശക്കുപ്പായം
പഞ്ഞിമേഘക്കുപ്പായം
വെണ്മേഘക്കുപ്പായം
……………………..
തുടര്ന്ന് ക്ലാസില് എല്ലാവരും ചേര്ന്ന് പാടുന്നു
വസ്ത്രവുമായി ബന്ധപ്പെട്ട വാക്കുകള് പറയാം. 10 മിനിറ്റ്
ചിന്തയെ നയിക്കുന്ന ചോദ്യങ്ങള് ഉന്നയിക്കണം.
കുട്ടികള് പറയുന്നു
വസ്ത്രത്തിലുള്ളത് ( ബട്ടണ്, പോക്കറ്റ്, കോളര്..)
വസ്ത്രമുണ്ടാക്കാന് ( തുന്നല്ക്കാര്, സൂചി, നൂല്, മെഷീന്..)
വസ്ത്രം കിട്ടുന്നത് ( വസ്ത്രക്കടകള്, കടയിലെ ജോലിക്കാര്)
വസ്ത്രം വൃത്തിയായി സൂക്ഷിക്കാന് ( കഴുകണം, സോപ്പ്, സോപ്പ് പൊടി, തേപ്പുപെട്ടി...)
തുടര്ന്ന് തനിച്ചെഴുത്ത് ( കൂടുതല് പിന്തുണ ആവശ്യമുള്ളവരെ സഹായിക്കണം) 20 മിനിറ്റ്
എഴുതിയ ശേഷം കുട്ടികള് ഓരോരുത്തരായി ഓരോ വാക്ക് വീതം ബോര്ഡില് എഴുതണം
എഡിറ്റിംഗ്
ടീച്ചറെഴുത്ത്
പ്രവര്ത്തനം -എന്റെ വിദ്യാലയം വൃത്തിയുള്ള വിദ്യാലയം
പഠനലക്ഷ്യങ്ങള്
വിദ്യാലയവും പരിസരവും നിരീക്ഷിച്ച് പരിസരശുചിത്വം വിലയിരുത്തി ശുചീകരണ പ്രവര്ത്തനങ്ങളില് ഏര്പ്പെടുന്നു
പരിസരശുചിത്വത്തിന്റം പ്രാധാന്യം സൂചിപ്പിക്കുന്ന അറിയിപ്പ് ബോര്ഡുകള് തയ്യാറാക്കുന്നു
നമ്മുടെ വിദ്യാലയത്തിന് ശുചിത്വത്തിന് സമ്മാനം കിട്ടുമോ? എന്തെല്ലാം കാര്യങ്ങളാണ് അതിന് വേണ്ടത്?
കുട്ടികളുമായി ചര്ച്ച
അവരുടെ അഭിപ്രായങ്ങള് ബോര്ഡില് എഴുതണം
തുടര്ന്ന് പഠനക്കൂട്ടങ്ങളായി വിദ്യാലയ പരിസരം ചുറ്റിനടന്ന് നിരീക്ഷിക്കല്
നിരീക്ഷണക്കുറിപ്പ് തയ്യാറാക്കല് ( പഠനക്കൂട്ടത്തില് ആലോചിച്ച് വ്യക്തിഗതമായി എഴുതണം)
നിരീക്ഷണക്കുറിപ്പ് എങ്ങനെ?
നിരീക്ഷിച്ച സ്ഥലത്തിന്റെ പേര്
കണ്ട കാര്യങ്ങള് ( ശുചിത്വം ഉണ്ടോ? ഇല്ലെങ്കില് എന്താണ് പ്രശ്നം?)
ചിത്രവും വരയ്കാം.
കണ്ട കാര്യങ്ങള് പങ്കിടല്
ഓരോ പഠനക്കൂട്ടവും പങ്കിടണം- ഒരേ സ്ഥലത്തെക്കുറിച്ച് കൂടുതല് നിരീക്ഷണം നടത്തിയാതാര്?
ഓരോ പഠനക്കൂട്ടവും അറിയിപ്പ് ബോര്ഡ് തയ്യാറാക്കല്
പെയ്യട്ടങ്ങനെ പെയ്യട്ടെ പാഠത്തില് പരസ്യപ്പലക നിര്മ്മിച്ചത് ഓര്മ്മിപ്പിക്കുന്നു.
പരസ്യബോര്ഡില് എല്ലാവരുടെയും പങ്കാളിത്തം ഉറപ്പാക്കാന്
കൂട്ടായി ആലോചിച്ച് എഴുതേണ്ട കാര്യം തീരുമാനിക്കല്
എല്ലാവരും അവരവരുടെ ബുക്കില് എഴുതല്
പരസ്പരം പരിശോധിക്കല്
ചാര്ട്ടിന്റെ അഞ്ചിലൊരു ഭാഗം എല്ലാ പഠനക്കൂട്ടത്തിനും നല്കുന്നു
പെന്സിലും സ്കെയിലും ഉപയോഗിച്ച് വരി ചരിയാതിരിക്കാന് വരയിടുന്നു.
ഒരാള് ഒരക്ഷരം വീതം വലുപ്പത്തില് എഴുതല്. എല്ലാവരുടെയും കൈയക്ഷരം നിര്ബന്ധം.
എഴുതിയത് പരസ്പരം പ്രദര്ശിപ്പിക്കല്
കട്ടിയുള്ള പ്രതലത്തില് ഒട്ടിച്ച് സ്കൂള് അസംബ്ലിയില് പ്രകാശനം.
പല സ്ഥലങ്ങളിലായി സ്ഥാപിക്കല്
കുഞ്ഞെഴുത്ത് പുസ്തകത്തിലും അറിയിപ്പ് വാക്യം എഴുതണം.
പ്രവര്ത്തനം -രചനോത്സവം (ഋതികയുടെ കുഞ്ഞുടുപ്പ്- കുഞ്ഞെഴുത്ത് )
പഠനലക്ഷ്യങ്ങള്
കഥ സ്വന്തമായി വായിച്ച് കഥയുടെ ബാക്കി ഭാഗം പൂരിപ്പിക്കുന്നു.
പ്രതീക്ഷിത സമയം
പ്രക്രിയാവിശദാംശങ്ങള്
ഘട്ടം ഒന്ന്
വിലയിരുത്തല് പ്രവര്ത്തനം
സഹായം ആവശ്യമുള്ളവരൊഴികെയുള്ളവര് വ്യക്തിഗതമായി വായിച്ച് കഥ എഴുതണം.
സഹായം ആവശ്യമുളളവരുമായി ടീച്ചര് ഒത്തിരിക്കുന്നു
ഓരോ വരിയായി ഓരോരുത്തര് വായിക്കണം ( സഹായം നല്കാം)
ഏതെല്ലാം തരം വേഷങ്ങളാണ് കുഞ്ഞുടുപ്പ് കണ്ടത്? ഉത്തരവാക്യങ്ങള് കണ്ടെത്തി അടിവരയിടുക
കുഞ്ഞുടുപ്പിന്റെ വിഷമം കണ്ട് ആരെല്ലാമാണ് സഹായിച്ചത്? ഉത്തര വാക്കുകള്ക്ക് അടിയില് വരയിടുക
മഴവില്ലും പൂക്കളും പൂമ്പാറ്റയും മഞ്ചാടിമുത്തുകളുമെല്ലാം കുഞ്ഞുടുപ്പിനെ അണിയിച്ചൊരുക്കിയപ്പോള് ഋതിക എന്തായിരിക്കും പറഞ്ഞിട്ടുണ്ടാവുക?
ഹായ് ചന്തമുളള കുഞ്ഞുടുപ്പ്
ഹായ് പൂക്കളുള്ള കുഞ്ഞുടുപ്പ്
ഹായ് മഴവില്ലിന് നിറമുള്ള കുഞ്ഞുടുപ്പ്
ഹായ് മഞ്ചാടിമുത്തുള്ള കുഞ്ഞുടുപ്പ്
ഉത്തരവാക്യങ്ങള് എല്ലാവരും എഴുതണം. മറ്റു കുട്ടികള് സ്വന്തമായി എഴുതിയിട്ടുണ്ടാകും.
അവ പങ്കിടണം
ഘട്ടം രണ്ട്
വീട്ടില് നിന്നും പുറപ്പെട്ട കുപ്പായമാണോ ഇപ്പോഴുള്ളത്? കുപ്പായത്തില് നിറയെ പൂക്കളും പൂമ്പാറ്റുകളുമല്ലേ? ലോകത്താര്ക്കുമില്ലാത്ത കുപ്പായവുമായി ഋതിക.
പിന്നെ എന്തെല്ലാമാകും സംഭവിച്ചിരിക്കുക?
അത് കഥയായി എഴുതിക്കൊണ്ട് വരണേ?
ഒഴിവ് സമയം കുട്ടികള് എഴുതട്ടെ.
കൂടുതല് സഹായം ആവശ്യമുള്ളവര് ടീച്ചറോട് അവരുടെ ആശയം പറഞ്ഞ ശേഷം സഹായത്തോടെ എഴുതട്ടെ.
………………………………………
No comments:
Post a Comment
പ്രതികരിച്ചതിനു നന്ദി