319 ആരുടെ കുപ്പായം?- മൂന്നാം ദിവസം

ദിവസം	പ്രവര്‍ത്തനങ്ങള്‍
മൂന്ന്	കുഞ്ഞുടുപ്പ് നിര്‍മ്മിക്കാം കുപ്പായപ്പാട്ട് സാങ്കല്പിക ഡയറി

പ്രവര്‍ത്തനം -കുഞ്ഞുടുപ്പ് നിര്‍മ്മിക്കാം പഠനലക്ഷ്യങ്ങള്‍ പേപ്പര്‍ ഉപയോഗിച്ചുള്ള നിര്‍മ്മാണ പ്രവര്‍ത്തനങ്ങളില്‍ ഏര്‍പ്പെടുന്നു പ്രതീക്ഷിത സമയം : 30 മിനിറ്റ് പ്രക്രിയാവിശദാംശങ്ങള്‍ എല്ലാവരും പുസ്തകത്തിലെ കുഞ്ഞുടുപ്പിന്റെ ചിത്രം നിരീക്ഷിക്കുന്നു. എന്തു സാധനം കൊണ്ടാണ് ആ ഉടുപ്പ് നിര്‍മിച്ചതെന്ന് പറയാമോ? കടലാസ് കൊണ്ട് ഉടുപ്പുണ്ടാക്കാനറിയാമോ? A4പേപ്പറിന്റെ നാലിലൊന്ന് ഭാഗം നല്‍കുന്നു. അത് വര്‍ക്ക് ബുക്കിലെ ഉടുപ്പിന്റെ മുകളില്‍ വെച്ച് ചിത്രത്തിന്റെ അതിരിലൂടെ വരയ്കുന്നു. പകുതിക്ക് വലതുഭാഗം വരച്ചാല്‍മതി എന്നിട്ട് പേപ്പര്‍ കുത്തനെ മടക്കി ആ വരയിലൂടെ മുറിക്കണം. വെട്ടാന്‍ സഹായിക്കാം. ( ഒന്നിച്ച് വെച്ച് വെട്ടാം) ഓരോരുത്തര്‍ക്കും ഉടുപ്പ് കിട്ടിയാല്‍ അവര്‍ക്ക് അതില്‍ ഇഷ്ടമുള്ള നിറം നല്‍കാം. പടം വരയ്കാം പ്രവര്‍ത്തനം -ഒത്തുപാടാം. പഠനലക്ഷ്യങ്ങള്‍ കവിത താളത്തില്‍ ചൊല്ലി അവതരിപ്പിക്കുന്നു പ്രതീക്ഷിത സമയം 10 മിനിറ്റ് പ്രക്രിയാവിശദാംശങ്ങള്‍ കുപ്പായം വരച്ച് നിറം നല്‍കിയശേഷം എല്ലാവരും ഒത്തുപാടുന്നു ( വായ്താരി ബോര്‍ഡില്‍ എഴുതിയിടണം) തിത്താ തിന്തക തെയ്താരാ തിന്തക തിന്തക തെയ്താരാ- തക തിത്താ തിന്തക തെയ്താരാ തിന്തക തിന്തക തെയ്താരാ എനിക്കുണ്ടൊരു കുപ്പായം നിനക്കുണ്ടൊരു കുപ്പായം പുള്ളിപ്പൂവുള്ള കുപ്പായം എന്റെ കുപ്പായം മിന്നുംമഞ്ഞ കുപ്പായം നിന്റെ കുപ്പായം തിത്താ തിന്തക തെയ്താരാ തിന്തക തിന്തക തെയ്താരാ- തക തിത്താ തിന്തക തെയ്താരാ തിന്തക തിന്തക തെയ്താരാ എനിക്കുണ്ടൊരു കുപ്പായം നിനക്കുണ്ടൊരു കുപ്പായം കുങ്കുമച്ചോപ്പുള്ള കുപ്പായം എന്റെ കുപ്പായം നീലാമ്പല്‍ നിറമുള്ള കുപ്പായം നിന്റെ കുപ്പായം തിത്താ തിന്തക തെയ്താരാ തിന്തക തിന്തക തെയ്താരാ- തക തിത്താ തിന്തക തെയ്താരാ തിന്തക തിന്തക തെയ്താരാ എനിക്കുണ്ടൊരു കുപ്പായം നിനക്കുണ്ടൊരു കുപ്പായം ……………………………. …………………………….. എന്തൊരു ചന്തം കുപ്പായം നമ്മുടെ കുപ്പായം. ആരും കൊതിക്കും കുപ്പായം നമ്മുടെ കുപ്പായം ( കുട്ടികളുടെ ആശയവും കൂട്ടിച്ചേര്‍ക്കാം) തുടര്‍ന്ന് വരികള്‍ കൂട്ടിച്ചേര്‍ത്ത് കുട്ടിപ്പാട്ട് പുസ്തകത്തില്‍ ചേര്‍ക്കാന്‍ നിര്‍ദേശിക്കണം ചാര്‍ട്ടില്‍ പാട്ടിലെ വരികള്‍ എഴുതിയിടുന്നത് കൂടുതല്‍ പിന്തുണ ആവശ്യമുള്ളവര്‍ക്ക് സഹായകമാകും. അവരെക്കൊണ്ട് കണ്ടെത്തല്‍ വായന നടത്തിക്കാം.

പ്രവര്‍ത്തനം- സാങ്കല്പിക ഡയറി ( മൊഴിക്കിലുക്കം റിഹേഴ്സല്‍ ) (തനിച്ചെഴുത്ത്) പഠനലക്ഷ്യങ്ങള്‍ കഥയിലെ കഥാപാത്രമായി സങ്കല്പിച്ച് ഡയറി എഴുത്തുന്നു പ്രതീക്ഷിത സമയം രണ്ട് പിരീഡ് പ്രക്രിയാവിശദാംശങ്ങള്‍ സാങ്കല്പിക ഡയറിയുടെ മാതൃക പരിചയപ്പെടുത്തുന്നു . സവിശേഷതകള്‍ ചര്‍ച്ച ചെയ്യുന്നു. ഋതിക അന്ന് വൈകിട്ട് അമ്മയുടെ അടുത്തെത്തി . അമ്മ ചോദിച്ചു. മോളെ ഡയറി എഴുതണ്ടേ? വേണം എന്തെല്ലാം കാര്യങ്ങളാണ് എഴുതുക? ഒന്നു പറയാമോ? ഓരോരുത്തരും ഓരോ കാര്യം വീതം പറയണം ഋതികയായി സങ്കല്പിച്ചാണ് പറയേണ്ടത് ടീച്ചര്‍ക്ക് ഉദാഹരണം പറയാം ഞാനിന്ന് വൈകിട്ട് കടല്‍ക്കരയില്‍ പോയി. കുട്ടികളെല്ലാവരും പറഞ്ഞ ശേഷം പാഠപ്പുസ്തകം പേജ് 144നോക്കാന്‍ പറയുന്നു. അതിലെ ചിത്രം കണ്ടോ ? അക്കാര്യം പറഞ്ഞവരാരാണ്? ഇന്നത്തെ ഡയറിയിലെ ചിത്രം അതാണ്. സോഫിയേച്ചിയും ഋതികയും തമ്മിലുള്ള സംഭാഷണം കൂടി എഴുതണം. അവര്‍ പോകുന്ന കടയുടെ പേര് എഴുതിയത് വായിക്കണേ വ്യക്തിഗതമായി എഴുതുന്നു കൂടുതല്‍ പിന്തുണ ആവശ്യമുള്ളവര്‍ ടീച്ചര്‍ അവരെ അടുത്ത് വിളിക്കുന്നു ഓരോ വാക്യമായി പറയിക്കുന്നു അത് എല്ലാവരും എഴുതുന്നു. സംശയമുളള അക്ഷരം പിന്തുണബുക്കില്‍ തെളിവെടുത്തെഴുതാനായി ( ആ അക്ഷരം വരുന്ന മറ്റൊരു വാക്ക്ഃ എഴുതിക്കാണിക്കുന്നു. അക്ഷരം കണ്ടെത്തുന്നു എഴുതുന്നു. കുറുവാക്യങ്ങള്‍ മതി. സാധ്യതാ വാക്യങ്ങള്‍ ( കൂടുതല്‍ പിന്തുണ ആവശ്യമുള്ളവര്‍) ഞാനിന്ന് കടല്‍ക്കരയില്‍ പോയി സോഫിയേച്ചിയെ കണ്ടു മീന്‍ ഹോട്ടലില്‍ വിറ്റു സോഫിയേച്ചിയെ സഹായിച്ചു ഞങ്ങള്‍ ഔഷധശാലയില്‍ പോയി മരുന്ന് വാങ്ങി അമ്മ എനിക്ക് പുത്തനുടുപ്പ് തന്നു ഞാനത് ജിയക്ക് കൊടുത്തു ഉടുപ്പ് എന്നോട് റ്റാറ്റ പറഞ്ഞു ഞാനും കൈവീശി എഴുതിയ ശേഷം കൂട്ടുവായന 20 മിനിറ്റ് തുടര്‍ന്ന് പഠനക്കൂട്ടങ്ങളായി ഇരുന്ന് ഓരോരുത്തരും സാങ്കല്പിക ഡയറി വായിക്കുന്നു. കൂടുതല്‍ പിന്തുണ ആവശ്യമുള്ളവരും പഠനക്കൂട്ടത്തിന്റെ ഭാഗമാകണം വായന കഴിഞ്ഞ് പരസ്പരം വിലയിരുത്തണം ആരൊക്കെ എഴുതിയത് നന്നായിട്ടുണ്ട് ഇനിയും എന്തെങ്കിലും കൂട്ടിച്ചേര്‍ക്കാനുണ്ടോ? എഡിറ്റിംഗ് 20 മിനിറ്റ് തുടര്‍ന്ന് എഴുതിയത് പരിശോധിച്ച് എഡിറ്റിംഗ് നടത്തണം. നറുക്ക് കിട്ടുന്നവര്‍ ക്ലാസില്‍ ഡയറി വായിക്കണം. ടീച്ചര്‍ക്കും ഡയറി അവതരിപ്പിക്കാം.