പ്രകൃതിയെ പാഠപുസ്തകമാക്കാം 2

 ചെറിയ ക്ലാസിലെ കുട്ടികളോട് എങ്ങനെ തുടങ്ങണം. ഇത്തരം പ്രവര്‍ത്തനങ്ങളാകും ഉചിതം

എത്രയോപൂമ്പാറ്റകളെ നാം കണ്ടിരിക്കുന്നു. ഒന്നു വരയ്കാന്‍ നോക്കൂ. ഏത് പൂമ്പാറ്റയെ വരയ്കണം. നിറം തിട്ടമില്ല. കാരണം ശ്രദ്ധിച്ചിട്ടില്ല. നിരീക്ഷിച്ചിട്ടില്ല . സാരമില്ല ചിത്രം നോക്കി വരച്ചാല്‍ മതി.

ജൈവവൈവിധ്യ ഉദ്യാനത്തിന്റെ ഭാഗമായി ശലഭോദ്യാനം നിര്‍മിക്കേണ്ടതുണ്ട്

ശലഭങ്ങള്‍ വരും

അപ്പോള്‍ തുടങ്ങിയാല്‍ മതിയോ ശലഭ നിരീക്ഷണം

പോര ശലഭോദ്യാന നിര്‍മിതി തന്നെ ശലഭപഠനത്തിന്റെ ഒരു ആവശ്യമായി വരണം

അതിന് ചെറിയ ക്ലാസില്‍ തന്നെ തുടങ്ങണം

ഇങ്ങനെയാണ് തുടങ്ങിയത്

ആദ്യം പേപ്പര്‍ ക്രാഫ്റ്റ്

ചിത്രശലഭങ്ങളെ നിര്‍മിച്ചു

നിറം നല്‍കല്‍

അതിനു ശേഷം വെളളനിറമുളള ഒറിഗാമി ചിത്രശലഭങ്ങളെ നല്‍കി

അവയ്ക് യഥാര്‍ഥ ശലഭങ്ങളുടെ നിറം നല്‍കണം.

അറിയില്ല

പടം കാണിച്ചു.

അതു നോക്കി നിറം നല്‍കി. ( ആദ്യ ചിത്രം നോക്കുക)

നരിവരയനും ചെഞ്ചോരത്തുഞ്ചനുമെല്ലാം പരിചിതമായി

നിരീക്ഷണം

ഇനി പുറത്തുപോയി നിരീക്ഷിക്കണം. അവയുടെ പ്രത്യേകതകള്‍ കുറിച്ചുവെക്കണം.

പൂമ്പാറ്റകളെ നിരീക്ഷിക്കുമ്പോള്‍ എന്തൊക്കെയാണ് ശ്രദ്ധിക്കേണ്ടത്?( ക്ലാസ് നിലവാരം അനുസരിച്ച് പരിഗണനകള്‍ കൂട്ടുകയോ കുറയ്കുകയോ ചെയ്യണം)
ഒന്ന് , രണ്ട് ക്ലാസുകള്‍

1. ചിറകിലെ നിറങ്ങള്‍
2. ശലഭത്തിന്റെ വലുപ്പം
3. വന്നിരിക്കുന്ന പൂക്കള്‍ 
4. മറ്റു പ്രത്യേകതകള്‍
5.  .................................

മൂന്ന് , നാല് ക്ലാസുകാര്‍ 

1. ചിറകിലെ നിറങ്ങള്‍ . നിറങ്ങള്‍ നോക്കിയാണ് പൂമ്പാറ്റകളെ തിരിച്ചറിയുക.
   1. ചിറകിന്റെ പുറത്തും അടിയിലും കാണുന്ന നിറങ്ങള്‍ ഒരേപോലെ ആണോ?.
   2. ശലഭം ഇരിക്കുമ്പോള്‍ കാണാത്ത നിറങ്ങള്‍ പറക്കുമ്പോള്‍ ഉണ്ടോ?.
   3. മുന്‍ ചിറകിലെയും പിന്‍ചിറകിലെയും നിറങ്ങള്‍ക്കു വ്യത്യാസമുണ്ടോ?.
   4. ചിറകുകളില്‍ വരകളോ പുള്ളികളോ മറ്റ് അടയാളങ്ങളോ ഉണ്ടോ
2. ചിറകിന്റെ ആകൃതി
   1. ചിറകോരം വൃത്താകൃതിയിലോ കോണാകൃതിയിലോ?
      

      
   2. പിന്‍ചിറക് നീണ്ട് വാല്‍പോലെയാണോ?
3. ഒറ്റയ്ക്കാണോ അതോ കൂട്ടമായിട്ടാണോ സഞ്ചരിക്കുന്നത്
   1. കൂട്ടമായിട്ടാണെങ്കില്‍ ഒരു കൂട്ടത്തില്‍ ഏതാണ്ട് എത്രയെണ്ണം ?
4. എല്ലാ ശലഭങ്ങളും ഒരേ രീതിയിലാണോ പറക്കുന്നത്? (തെന്നിപ്പറക്കുന്നവ, ഒഴുകിപ്പറക്കുന്നവ, മിന്നിമറഞ്ഞ് പറക്കുന്നവ, ഉയര്‍ന്നും താണും പറക്കുന്നവ....)
5. ശലഭങ്ങള്‍ വന്നിരിക്കുന്ന ചെടികളേതൊക്കെ?
    അഞ്ചുമുതലുളള ക്ലാസുകാര്‍ 
   മുകളില്‍ സൂചിപ്പിച്ചവയ്ക് പുറമേ ചുവടെ നല്‍കിയിട്ടുളളതും പരിഗണിക്കണം
6. പൂമ്പാറ്റകള്‍ സന്ദര്‍ശിക്കുന്ന ചെടിയുടെ ഇലകളില്‍ അവയുടെ മുട്ടകളോ പുഴുക്കളോ പ്യൂപ്പയോ ഉണ്ടോ?
   1. മുട്ടകളുണ്ടെങ്കില്‍ അവയുടെ നിറവും ആകൃതിയും എണ്ണവും
   2. പുഴുവിനെ കണ്ടാല്‍ അതിന്റെ നിറവും വലിപ്പവും രൂപവും ആഹാരവും
   3. പ്യൂപ്പയുണ്ടെങ്കില്‍ അതിന്റെ നിറവും വലിപ്പവും രൂപവും
   4. മുട്ട വിരിഞ്ഞ് പുഴുവായത് എത്ര ദിവസംകൊണ്ടാണ്?
   5. പുഴു പ്യൂപ്പയാകാനും പ്യൂപ്പ പൊട്ടിച്ച് ശലഭം പുറത്തുവരാനും എത്ര നാളെടുത്തു?
7. ചിത്രശലഭങ്ങളെ കാണുന്ന സമയം ( കാലത്തും വൈകീട്ടും കാണുന്നവ. ഉച്ചവെയിലത്തു കാണുന്നവ)
8. ചിത്രശലഭങ്ങളെത്തുന്ന കാലം ഏത്?

നിരീക്ഷണത്തിന് ഇറങ്ങുമ്പോള്‍
  എന്തൊക്കെ കരുതണം

• നോട്ട് ബുക്ക് :നിരീക്ഷണക്കുറിപ്പുകള്‍ക്ക്.
• പെന്‍സിലും മായിക്കാനുളള റബറും: ചിത്രശലഭങ്ങളുടെ രേഖാചിത്രം വരയ്ക്കണം. ചിറകിലെ പ്രധാനനിറങ്ങള്‍ അടയാളപ്പെടുത്തണം.
• കൈപ്പുസ്തകം:ചിത്രശലഭങ്ങളെ തിരിച്ചറിയാന്‍ സഹായിക്കുന്നത് .

അന്വേഷണം

എന്തിനാണ് പൂമ്പാറ്റകള്‍ പൂക്കള്‍ സന്ദര്‍ശിക്കുന്നത്?

പൂക്കളും പൂമ്പാറ്റകളും പരസ്​പരം സഹകരിച്ചുകഴിയുന്നു. പ്രകൃതിയിലെ ഇത്തരം ബന്ധങ്ങളെയാണ് സഹജീവനം (Symbiosis) എന്നു വിളിക്കുന്നത്.

പൂക്കള്‍ പൂമ്പാറ്റകള്‍ക്ക് നറുതേന്‍ നല്കുന്നു.

പകരം പൂക്കളുടെ പരാഗണത്തിനു പൂമ്പാറ്റകള്‍ സഹായിക്കുന്നു.

തേന്‍ നുകരുമ്പോള്‍ പൂമ്പൊടികള്‍ പൂമ്പാറ്റകളുടെ ദേഹത്തു പറ്റിപ്പിടിക്കും. ഇവ വീണ്ടും ചെന്നിരിക്കുന്ന പൂക്കളില്‍ പൂമ്പൊടികള്‍ എത്തും. ഇങ്ങനെയാണ് പൂമ്പാറ്റകള്‍ പൂക്കളില്‍ പരാഗണം നടത്തുന്നത്.
 ശലഭോദ്യാനം ഒരുക്കല്‍
ഈ അനുഭവങ്ങള്‍ ശലഭോദ്യാന നിര്‍മിതിയിലേക്ക് വികസിപ്പിക്കണം.
വായന നടക്കണം. ശലഭപാര്‍ക്ക് എങ്ങനെ എന്ന് തീരുമാനിക്കണം
കഴിയുമെങ്കില്‍ തട്ടേക്കാട് പോലെയുളള പ്രദേശങ്ങളിലെ ശലഭോദ്യാനങ്ങള്‍ ഒരു ടീം സന്ദര്‍ശിക്കണം

ശലഭപാര്‍ക്ക് നിര്‍മാണത്തിനുളള പടവുകള്‍

1. ഏതൊക്കെയാണ് നമ്മുടെ നാട്ടിലെ ശലഭങ്ങള്‍ . അവ ആഹാരമാക്കുന്ന സസ്യങ്ങള്‍, മുട്ടയിടുന്നതും പുഴുക്കള്‍ ആഹാരമാക്കുന്നതുമായ സസ്യങ്ങള്‍ എന്നിവയെക്കുറിച്ച് വായിച്ച് മനസിലാക്കുക. നിരീക്ഷണം നടത്തുക
2. ശലഭങ്ങള്‍ ആഹാരമാക്കുന്ന സസ്യങ്ങളെക്കുറിച്ച് അന്വേഷിക്കുക. അവ നാട്ടിലെവിടെ ഉണ്ടെന്നു മനസിലാക്കുക
3. ശലഭങ്ങള്‍ മുട്ടയിടുന്നതും പുഴുക്കള്‍ ആഹാരമാക്കുന്നതുമായ സസ്യങ്ങള്‍ പരിചയപ്പെടുക. അവയെക്കുറിച്ച് പഠിക്കുക. എവിടെ ഉണ്ടെന്നു മനസിലാക്കുക
4. പറ്റിയ സ്ഥലം കണ്ടെത്തുക
5. ചെടികള്‍ നടുന്നതിനു ഒരു രൂപരേഖ വരച്ചുണ്ടാക്കുക
6. വിത്തുകളോ തൈകളോ സംഘടിപ്പിക്കുക
7. നടുക, പരിചരിക്കുക
8. ചെടികള്‍ വളര്‍ന്നുകഴിഞ്ഞാല്‍ ശലഭങ്ങള്‍ വരും. നിരീക്ഷിക്കുക. ആസ്വദിക്കുക. സംരക്ഷിക്കുക

സ്റ്റാമ്പ് ശേഖരണം 

അനുബന്ധം 1

അനുബന്ധം2

കേരളത്തിലെ ശലഭങ്ങൾ

ക്ലിക് ചെയ്യുക . കണ്ടെത്തുക

കിളിവാലൻ ചിത്രശലഭങ്ങൾ (പാപ്പിലിയോണിഡേ)	കൃഷ്ണശലഭം  · നാട്ടുമയൂരി  · നീലക്കുടുക്ക  · നാട്ടുകുടുക്ക  · വഴനപ്പൂമ്പാറ്റ  · നാരകക്കാളി  · നാട്ടുറോസ്‌  · ചക്കരശലഭം  · വരയൻ വാൾവാലൻ  · നാരകശലഭം  · ബുദ്ധമയൂരി  · പുള്ളിവാലൻ  · മലബാർ റാവൺ  · മലബാർ റോസ്‌  · ചുട്ടിമയൂരി  · ചുട്ടിക്കറുപ്പൻ  · ഗരുഡശലഭം  · പുള്ളിവാൾവാലൻ  · വിറവാലൻ
പീത-ശ്വേത ചിത്രശലഭങ്ങൾ (പീറിഡേ)	കാബേജ്‌ ശലഭം  · ചോക്ലേറ്റ്‌ ആൽബട്രോസ്‌  · ആൽബട്രോസ്‌  · മഞ്ഞപ്പാപ്പാത്തി  · നാട്ടുപാത്ത  · നാടോടി  · ചെഞ്ചോരത്തുഞ്ചൻ  · ഇരുളൻ നാടോടി  · ചെഞ്ചിറകൻ  · വിലാസിനി  · വൻചെമ്പഴുക്ക ശലഭം  · മഞ്ഞത്തകരമുത്തി  · കാട്ടുപാത്ത  · ചെറുചോരത്തുഞ്ചൻ  · തകരമുത്തി  · പീതാംബരൻ  · നീലഗിരി പാപ്പാത്തി  · ചോലവിലാസിനി  · കരീര വെളുമ്പൻ  · ചോരത്തുഞ്ചൻ  · വെള്ള പഫിൻ  · പൊട്ടുവെള്ളാട്ടി  · പുള്ളി ആൽബട്രോസ്‌  · കുഞ്ഞിപ്പാപ്പാത്തി  · ചെമ്പഴുക്ക ശലഭം  · പുള്ളി പഫിൻ  · പൊട്ടില്ലാ മഞ്ഞപ്പാപ്പാത്തി  · മുപ്പൊട്ടൻ പാപ്പാത്തി  · വരയൻ ആൽബട്രോസ്‌  · വെൺചെഞ്ചിറകൻ  · മഞ്ഞച്ചെഞ്ചിറകൻ
നീലി ചിത്രശലഭങ്ങൾ (ലൈക്കനിഡേ)	അപൂർവ്വ തളിർനീലി  · കോമാളി വെള്ളിവരയൻ  · കാപ്പിരി കരിവേലനീലി  · വരയൻ കോമാളി  · മർക്കട ശലഭം  · നീലവരയൻ കോമാളി  · പട്ട നീലാംബരി  · വരയൻ നീലാംബരി  · കരിവേലനീലി  · വാലൻ നീലംബരി  · കാട്ടുഗോമേദകം  · യവന തളിർനീലി  · അക്കേഷ്യ നീലി  · പൊട്ടുവാലാട്ടി  · കോകിലൻ  · പേരനീലി  · നാട്ടുവേലിനീലി  · വെള്ളിവാലൻ  · നാട്ടുവരയൻനീലി  · ഗോമേദകം  · നാട്ടുകോമാളി  · പാണലുണ്ണി  · റെഡ്‌ഫ്ലാഷ്‌  · ചെമ്പൻ വെള്ളിവരയൻ  · വെള്ളിവരയൻ  · മണിവർണ്ണൻ  · കനിത്തുരപ്പൻ  · കരിംപൊട്ടുവാലാട്ടി  · ഇരുളൻ പുൽനീലി  · ഇരുളൻ കോമാളി  · ഇരുൾ വരയൻനീലി  · തമിൾ തളിർനീലി  · ചുരുൾവാലൻ  · നീലകൻ  · പയർനീലി  · രത്നനീലി  · മുറിവരയൻ തളിർനീലി  · സൂര്യശലഭം  · ഇൻഡിഗോ ഫ്ലാഷ്‌  · വൻചതുർവരയൻനീലി  · വൻപേരനീലി  · വൻതളിർനീലി  · ചെറുപുൽനീലി  · കാട്ടുവേലിനീലി  · ലൈലാക്‌ വെള്ളിവരയൻ  · നാരകനീലി  · നീൾവെള്ളിവരയൻ  · സഹ്യാദ്രി ഫ്ലാഷ്‌  · മലയൻ  · തളിർനീലി  · കാട്ടു പൊട്ടുവാലാട്ടി  · ഇരുതലച്ചി  · നീലഗിരി നീലി  · വരയൻനീലി  · ഓർക്കിഡ്‌ നീലി  · ചതുർവരയൻനീലി  · പുൽനീലി  · പട്ടാണിനീലി  · നീലാംബരി  · വേലിനീലി  · സമതല നീലാംബരി  · നാട്ടുമാരൻ  · കത്തിവാലൻ  · ആട്ടക്കാരി  · ചേരാ വെള്ളിവരയൻ  · വനകോകിലൻ  · മുനവരയൻനീലി  · ഇലനീലി  · ചെങ്കോമാളി  · ചോണൻ ശലഭം  · റോസി തളിർനീലി  · മോതിരവരയൻ നീലി  · നീലിച്ചെമ്പൻ വെള്ളിവരയൻ  · ശിവസൂര്യശലഭം  · വെൺനീലകൻ  · രജതാംബരി  · രജതനീലി  · വെള്ളി അക്കേഷ്യനീലി  · സ്ലേറ്റ്‌ ഫ്ലാഷ്‌  · മണിമാരൻ  · ചെറുമാരൻ  · പൊട്ടുവെള്ളാംബരി  · വാലില്ലാവരയൻനീലി  · ചിന്നപുൽനീലി  · മുനസൂര്യശലഭം  · തെളിവരയൻനീലി  · വെള്ളിനീലി  · ശ്വേതാംബരി  · ഇരുളൻ വേലിനീലി  · വെള്ളിവരയൻനീലി  · കുഞ്ഞിവാലൻ  · സീബ്ര നീലി  · മങ്ങിയ കരിവേലനീലി
തുള്ളൻ ചിത്രശലഭങ്ങൾ (ഹെസ്പിരിഡേ)	ചെമ്പൻ പുള്ളിച്ചാടൻ  · നേർവരയൻ ശരശലഭം  · പുള്ളിപ്പരപ്പൻ  · മഞ്ഞവരയൻ ശരവേഗൻ  · കരിമ്പരപ്പൻ  · പൊട്ടില്ലാ ശരശലഭം  · തവിടൻ ആര  · പൊന്തച്ചാടൻ  · വരയൻ പരപ്പൻ  · ചെങ്കുറുമ്പൻ  · ചീനപ്പൊട്ടൻ  · പുള്ളിയാര  · നാട്ടുവരയൻ ആര  · വരയൻ ചാത്തൻ  · ചെങ്കണ്ണി  · കുഞ്ഞിപ്പരപ്പൻ  · നാട്ടുപരപ്പൻ  · നാട്ടുപുള്ളിപ്പരപ്പൻ  · വെള്ളപ്പരപ്പൻ  · ഈറ്റ ശരശലഭം  · പുള്ളി ശരശലഭം  · ചെമ്പൻ ശരശലഭം  · കാട്ടുതുള്ളൻ  · മലബാർ പുള്ളിപ്പരപ്പൻ  · പനന്തുള്ളൻ  · കാട്ടുപുൽച്ചാടൻ  · ചേരാച്ചിറകൻ  · ചെമ്പരപ്പൻ  · വൻചെങ്കണ്ണി  · സുവർണ്ണപ്പരപ്പൻ  · വെള്ളച്ചാത്തൻ  · ആര രാജൻ · നാട്ടുപൊട്ടൻ  · പുള്ളിച്ചാടൻ  · മഞ്ഞവരയൻ ശരവേഗൻ  · കാനറ ശരശലഭം  · പെരുവരയൻ ശരശലഭം  · തവിടൻ ശരശലഭം  · ചേകവൻ  · വേലിതുള്ളൻ  · ചെമ്പൻ ശരവേഗൻ  · ഇരുൾവരയൻ ശരശലഭം  · പൊന്നാര ശലഭം  · തീവാലൻ ആര  · നാട്ടുപുൽത്തുള്ളൻ  · പനങ്കുറുമ്പൻ  · വരയൻ ആര  · മഞ്ഞ പനന്തുള്ളൻ  · ഇളംമഞ്ഞപ്പൊട്ടൻ  · പനഞ്ചെങ്കണ്ണി  · മഞ്ഞപ്പൊട്ടൻ  · ഫിലിപ്പൈൻ ശരശലഭം  · കാട്ടുവരയൻ ആര  · നാട്ടു പനന്തുള്ളൻ  · ചിന്ന പുൽച്ചാടൻ  · പുള്ളിച്ചാത്തൻ  · ശരശലഭം  · സഹ്യാദ്രി ശരവേഗൻ  · ചെറുവരയൻ ശരശലഭം  · കുഞ്ഞിക്കുറുമ്പൻ  · നാട്ടുചിന്നൻ  · ചുട്ടിപ്പരപ്പൻ  · പാറപ്പരപ്പൻ  · ഹിമപ്പരപ്പൻ  · സഹ്യാദ്രി ചിന്നൻ  · കാട്ടുപുള്ളിപ്പരപ്പൻ  · മഞ്ഞപ്പുൽത്തുള്ളൻ  · മലശരവേഗൻ  · നാട്ടുമരത്തുള്ളൻ  · വർണ്ണപ്പരപ്പൻ  · പുള്ളിശരവേഗൻ  · വിന്ധ്യൻ കാട്ടുതുള്ളൻ  · ഇലമുങ്ങിശലഭം  · മെയ്‌മെഴുക്കൻ  · വെള്ളിവരയൻ ആര  · പാണ്ടൻ ശരവേഗൻ  · സ്വർണ്ണമരത്തുള്ളൻ  · പളനിപ്പൊട്ടൻ
രോമപാദ ചിത്രശലഭങ്ങൾ (നിംഫാലി‍ഡേ)	ചിത്രകൻ  · പുള്ളി നവാബ്‌  · സുവർണ്ണ ഓക്കിലശലഭം  · ചെറുപഞ്ചനേത്രി  · മുളന്തവിടൻ  · പൂച്ചക്കണ്ണി  · കനിത്തോഴൻ  · അഗ്നിവർണ്ണൻ  · കരിരാജൻ  · പുളിയില ശലഭം  · ഒറ്റവരയൻ സർജന്റ്‌  · നീലരാജൻ  · നീല കനിത്തോഴൻ  · നീല നവാബ്‌  · നീലനീലി  · നീലക്കടുവ  · ഇരുവരയൻ പൊന്തചുറ്റൻ  · ചോക്കളേറ്റ്‌ ശലഭം  · ഇളം പൊന്തചുറ്റൻ  · ക്ലിപ്പർ  · ഗദച്ചുണ്ടൻ  · കളർ സാർജന്റ്‌  · വെള്ളിലത്തോഴി  · ചുണ്ടൻശലഭം  · തവിടൻ  · ആവണച്ചോപ്പൻ  · അരളിശലഭം  · കരിയില ശലഭം  · പഞ്ചനേത്രി  · നാൽക്കണ്ണി  · നരിവരയൻ  · പുലിത്തെയ്യൻ  · നവാബ്‌  · ഓലക്കണ്ടൻ  · പൊന്തചുറ്റൻ  · സർജന്റ്‌  · മുക്കണ്ണി  · മലന്തവിടൻ  · സുവർണ്ണ ശലഭം  · ചൊട്ടശലഭം  · കരിനീലക്കടുവ  · ഇരുളൻ കരിയിലശലഭം  · ഇരുൾ വരയൻ തവിടൻ  · പാൽവള്ളി ശലഭം  · പുലിവരയൻ  · കനിവർണ്ണൻ  · പൂങ്കണ്ണി  · തെളിനീലക്കടുവ  · വൻചൊട്ട ശലഭം  · വൻ കരിയിലശലഭം  · പേഴാളൻ  · വയൽക്കോത  · ചോലരാജൻ  · രത്നനേത്രി  · ജോക്കർ  · ആൽശലഭം  · പുള്ളിക്കുറുമ്പൻ  · ചിന്നത്തവിടൻ  · നീൾവരയൻ തവിടൻ  · വനദേവത  · ഭൂപടശലഭം  · കറുപ്പൻ  · നീലഗിരി നാൽക്കണ്ണി  · നീലഗിരിക്കടുവ  · ചിത്രാംഗദൻ  · ചിത്രിത  · വരയൻ തവിടൻ  · ഓലരാജൻ  · പളനി നാൽക്കണ്ണി  · മയിൽക്കണ്ണി  · എരിക്കുതപ്പി  · തീക്കണ്ണൻ  · ചെങ്കണ്ണൻ തവിടൻ  · കനിരാജൻ  · വയങ്കതൻ  · ഓക്കില ശലഭം  · ലെയ്‌സ്‌ ശലഭം  · ചെറുപുള്ളിപ്പൊന്തചുറ്റൻ  · ചെറുപുലിത്തെയ്യൻ  · മുളങ്കാടൻ  · തെക്കൻ ചോലപ്പൊന്തചുറ്റൻ  · ചുവപ്പുവരയൻ സർജന്റ്‌  · വരയൻകടുവ  · ചോലപ്പൊന്തചുറ്റൻ  · തമിൾ തവിടൻ  · മരന്തവിടൻ  · മരോട്ടി ശലഭം  · തീച്ചിറകൻ  · ചെമ്പഴകൻ  · ഈറ്റ ശലഭം  · ഗിരിശൃംഗൻ  · വെള്ളി നാൽക്കണ്ണി  · പുള്ളിത്തവിടൻ  · പീതനീലി  · മഞ്ഞപ്പൊന്തചുറ്റൻ

(വരൂ, നമുക്ക് പൂമ്പാറ്റകളെ നിരീക്ഷിക്കാം എന്ന പുസ്തകത്തിനോടും വിക്കി പീഡിയയോടും ജൈവവൈവിധ്യ പഠനത്തിനായുളള വിവിധ ഏജന്‍സികളോടും കടപ്പാട്)