കൂട്ടെഴുത്തിൻ്റെ ഒന്നാന്തരം മാതൃക

 

കൂട്ടെഴുത്ത് എന്തിന്?

1️⃣ കുട്ടികൾ പല പ0നശൈലിയുള്ളവരും പലപഓന വേഗതയുള്ളവരുമാണ്. അതായത് എല്ലാവരും ഒരേ കാലയളവിൽ ഒരേ രീതിയിലുള്ള അനുഭവത്തിലൂടെ പ്രത്യേക കഴിവ് ആർജിക്കണമെന്നില്ല

2️⃣ എല്ലാ കുട്ടികളും ഒരേ കുടുംബ സാഹചര്യമുള്ളവരല്ല. വീട്ടിൽ പിന്തുണ കിട്ടുന്നവരും കിട്ടാത്തവരുമുണ്ട്

3️⃣ സഹവർത്തിത പഠനം സാമൂഹിക ജ്ഞാന നിർമിതി വാദത്തിലെ പ്രധാന ആശയമാണ്. പക്ഷേ അതിന്റെ പ്രായോഗിക രൂപം ഒന്നാം ക്ലാസിൽ വികസിപ്പിച്ചില്ല

4️⃣ വികാസത്തിന്റെ സമീപ മണ്ഡലം ZPD എന്ന ആശയപ്രകാരം സ്വപ്രയത്നത്താൽ എത്തിച്ചേരാവുന്ന തലവും മറ്റുള്ളവരുടെ പിന്തുണയോടെ എത്തിച്ചേരാവുന്ന ഉയർന്ന തലവും ഉണ്ട്. ഈ സാധ്യമായ ഉയർന്ന തലത്തിലെത്താനുള്ള പിന്തുണ ഓരോ വ്യക്തിക്കും വ്യത്യസ്തമാണ്

5️⃣ ബഹുനിലവാര ക്ലാസിൽ എല്ലാ നിലവാരക്കാരെയും അഭിസംബോധന ചെയ്യുന്ന പ്രവർത്തനങ്ങളാണ് വേണ്ടത്

6️⃣ വൈകാരിക പശ്ചാത്തലമില്ലാത്ത സാഹചര്യത്തിലാണ് പ0നം നന്നായി നടക്കുക.കുട്ടികളുടെ ഗ്രൂപ്പ് പ്രവർത്തന കൂട്ടായ്മയും സന്തോഷവും നൽകുന്നു

7️⃣ എഡിറ്റിംഗ് എന്നത് കേവലം തെറ്റുതിരുത്തൽ മാത്രമല്ല. സ്വന്തം രചനകളെ മോണിറ്റർ ചെയ്യേണ്ടതുണ്ട്.ഈ ശേഷി വളർത്താൻ ബോധപൂർവ്വം ഇടപെടേണ്ടതുണ്ട്. കുട്ടികൾ പരസ്പരം വായിച്ചു നോക്കി തിരുത്തൽ വരുത്തുന്ന പ്രക്രിയ പ്രോത്സാഹിപ്പിക്കണം.

8️⃣ പങ്കാളിത്ത പഠനൽപന്നം ഗ്രൂപ്പിലെ എല്ലാവർക്കും അഭിമാനം നൽകും.വ്യക്തിപരമായ പരാജയം ഇല്ല

9️⃣ മറ്റുള്ളവർ കൂടി വായിക്കണമെന്നതിനാൽ കൂടുതൽ വ്യക്തതയോടെയും ഭംഗിയായും എഴുതാൻ നിർബന്ധിതരാകും

🔟 സംയുക്ത ഡയറിയിൽ വീട്ടിൽ പിന്തുണ കിട്ടാത്തവരുണ്ട്. അവർക്ക് ക്ലാസിൽ പിന്തുണ ലഭിക്കേണ്ടതുണ്ട്. പിന്തുണയുടെ ദാരിദ്ര്യം അവരുടെ വളർച്ച മുരടിപ്പിച്ചു കൂടാ.

മുകളിൽ സൂചിപ്പിച്ച കാര്യങ്ങൾ കൂട്ടെഴുത്തിന്റെ പ്രാധാന്യം വ്യക്തമാക്കുന്നു

കൂട്ടെഴുത്ത് രീതി ട്രൈ ചെയ്ത ഈ അനുഭവങ്ങൾ കൂടുതൽ തെളിച്ചം നൽകും

വായിക്കൂ

ട്രൈ ഈ ക്ലാസ് വളരെ ഫലപ്രദമായിരുന്നു. നമ്മുടെ നാട്ടിലെയും വിദ്യാലയത്തിലെയും വാർത്തകൾ കുട്ടികൾ പറഞ്ഞിരുന്നു. 

• നമ്മൾ ഒരിക്കലും പ്രതീക്ഷിക്കാത്ത വാർത്തകൾ എല്ലാം കുഞ്ഞു ഭാവനയിലൂടെ അവർ പറഞ്ഞു.. 
• ഗ്രൂപ്പ് പ്രവർത്തനത്തിലൂടെ പരസ്പരം സഹായിച്ചും സഹകരിച്ചും അവരുടേതായ ഭാഷകളിൽ കുട്ടികൾ എഴുതുന്നതും... പരസ്പര സഹായത്തോടെയുള്ള തെറ്റുകൾ തിരുത്തുന്നതും കാണുമ്പോൾ ഒത്തിരി സന്തോഷം തോന്നി.. 
• ചിത്രരചനയിൽ ഒന്നാമതായ കുട്ടിയുടെയും.... പുതിയ അടുക്കള പണിക്കായി തറക്കല്ലിട്ടതും... ജെസിബി വന്നതും എല്ലാം അവിടെ വലിയ വാർത്തകളായി.. ഇന്നലത്തെ ശക്തമായ മഴയെക്കുറിച്ചും.... തന്റെ വീട്ടിലെ ഒരു മരം വീണതിനെക്കുറിച്ചും യാസീൻ പറഞ്ഞത്.... കൂട്ടുകാർ ഏറ്റെടുത്തു... 
  
  
  
• ഉച്ചയ്ക്ക് 2. 15ന് ആരംഭിച്ച പ്രവർത്തനം... 3.15 ന് മുമ്പായി പൂർത്തിയായി. 
• എല്ലാവരുടെയും പങ്കാളിത്തവും.. കുട്ടികളുടെ ഉത്സാഹവും എന്നെ അത്ഭുതപ്പെടുത്തി... 
• ഇടയ്ക്ക് കിട്ടിയ ഇന്റർവെൽ സമയത്ത്... ഒരു ഗ്രൂപ്പിൽ എഴുതിയ വാർത്തയുമായി... മറ്റ് അധ്യാപകരെ കാണിക്കാൻ.... കുട്ടികളിൽ ഉണ്ടായിരുന്ന ആവേശത്തിനും.. അതിരില്ലാത്ത സന്തോഷത്തിനും... ഉള്ള തെളിവ് തന്നെയായിരുന്നു.
  
  
  
• തങ്ങളുടെ ആശയങ്ങൾ പറഞ്ഞ് എഴുതുമ്പോൾ ചില ചിഹ്നങ്ങൾ മാറിപ്പോകുന്നതും... അപ്പോൾ തന്നെ ആ ഗ്രൂപ്പിലെ കൂട്ടുകാർ ഇടപെട്ടതും ഏറെ സന്തോഷം നൽകി.. 
• ട്രൈ ഈ ക്ലാസ് ആരംഭിക്കുമ്പോൾ... കുട്ടികളിൽ നിന്ന് വാർത്തകൾ കിട്ടുമോ... 🤔... ആ വാർത്തയുടെ രൂപത്തിൽ എഴുതാൻ കഴിയുമോ... 🤔 എന്നെല്ലാം... എനിക്ക് ആശങ്കയുണ്ട്... 
• പെൻസിൽ ഉപയോഗിച്ച് വരകൾക്കിടയിൽ... ഭംഗിയായി എഴുതാൻ കുട്ടികൾക്ക് കഴിഞ്ഞിരുന്നു... 
  
  
  
• ചിത്രം വരയ്ക്കുന്നതിന് ഉപയോഗിക്കാനായി നൽകിയ കളർ പെൻസിലുകളും സ്കെച്ചുകളും ഉപയോഗിച്ച് അവർ തന്നെ അതിനു മുകളിലൂടെ എഴുതുന്നത്... കണ്ടപ്പോൾ... സന്തോഷം തോന്നി. 
• എല്ലാം കഴിഞ്ഞ് അവസാനത്തെ പത്രത്തിന്റെ സമയം... കുട്ടികളുമായി... വാർത്തകളെക്കുറിച്ചും ഇന്നത്തെ എഴുത്ത് അനുഭവത്തെക്കുറിച്ചും ചർച്ചചെയ്തു..
•  "ടീച്ചറേ, ഞങ്ങൾക്ക് നല്ല സന്തോഷമായി..." ചിലർ പ്രതികരിച്ചു. "എനിക്ക് നല്ല ഇഷ്ടമായി..."... അഭിമാനമായി എന്ന്... ശ്രീഹർഷ് പറഞ്ഞപ്പോൾ.... ആഴ്ചയിൽ ഒരിക്കലെങ്കിലും .. ഒന്നാം ക്ലാസിൽ നിന്ന്... ഇങ്ങനെ ഒരു പത്രം.. ഇനിമുതൽ തയ്യാറാക്കണമെന്ന്.. തോന്നി.

CGEM സ്കൂൾ ചേലക്കര

BRC.. പഴയന്നൂർ

വടക്കാഞ്ചേരി..( ഉപജില്ല)

2

ക്ലാസ്സിൽ ഇന്നത്തെ പത്രം വായനക്കായി നൽകി. പത്രത്തിൽ എന്തെല്ലാം വാർത്തകൾ ചർച്ച നടത്തി. നമുക്കും ഒരു പത്രം തയ്യാറാക്കാം എന്ന് പറഞ്ഞപ്പോ അവർക്ക് ആവേശമായി. ക്ലാസ്സിലെയും സ്കൂളിലെയും നാട്ടിലെയും വിശേഷങ്ങൾ ഉൾപ്പെടുത്തി ചർച്ച നടന്നു. 5 പേരുള്ള ഗ്രൂപ്പുകളാക്കി . ഓരോ ഗ്രൂപ്പിനും അവർ അവതരിപ്പിച്ച വിഷയവുമായി ബന്ധമുള്ള വാർത്തകൾ എഴുതാൻ അവസരം നൽകി. പ്രയാസമുള്ളവരെ സഹായിക്കാൻ മറ്റുള്ളവർ താൽപര്യം കാണിച്ചിരുന്നു. 

കുട്ടികൾ കൂടുതലുള്ളതിനാൽ ഓരോരുത്തർക്കും എഴുതുമ്പോൾ തന്നെ വേണ്ട പിന്മാറ്റം സാധിച്ചില്ല. പിന്നീട് ഓരോ ഗ്രൂപ്പിലും ചെന്ന തെറ്റുകൾ തിരുത്താൻ സഹായിച്ചു. ആശയപരമായ എഡിറ്റിംഗും ചർച്ചയും നടത്തി. ഓരോ ഗ്രൂപ്പിലെയും ഒന്നോ രണ്ടോ കുട്ടികൾ അത് മറ്റൊരു A4 തീയിലേക്ക് മാറ്റി എഴുതി. തലകെട്ടും നൽകി ആവശ്യമുള്ള ചിത്രങ്ങൾ വരച്ചു. ചാർട്ടിൽ ഒട്ടിച്ച് പത്രം തയ്യാറാക്കി. ഹെഡ് മാസ്റ്റർ കുട്ടികൾക്ക് നൽകി പ്രകാശനം ചെയ്തു.

നേട്ടങ്ങൾ

* പുസ്തകത്തിൽ കുട്ടികൾ തനിച്ചെഴുതുന്നതിൽ നിന്നും വ്യത്യസ്തമായി പത്രവാർത്തകൾ സംഘം ചേർന്ന് എഴുതിയപ്പോൾ പരസ്പരം സഹായിക്കാനും തെറ്റുതിരുത്താനുമുള്ള സാഹചര്യമുണ്ടായി.

* സ്വന്തം ആശയങ്ങൾ വാർത്തകളാക്കി മാറ്റാൻ ഒന്നാം ക്ലാസുകാർക്കും സാധിക്കുന്നു.

* കുട്ടികൾ എഴുതിയത് വായിക്കാൻ ശ്രമിക്കുന്നു.

പ്രയാസങ്ങൾ

* കുട്ടികളുടെ എണ്ണക്കൂടുതൽ ഓരോ കുട്ടിയെയും എഡിറ്റിംഗിന് വേണ്ടി കൂടുതൽ സമയം വരുന്നു.

എഎം യുപിഎസ് പാറക്കൽ

3

പ്രവർത്തന സമയം - 2 pm - 4 pm

കുട്ടികളുടെ എണ്ണം - 43

ഹാജരാകാത്തവർ - 6

നിലവിൽ -37

10 ഗ്രൂപ്പുകൾ (3,4 കുട്ടികൾ വീതം)

സ്വന്തം ഉൽപന്നം കുട്ടികൾ വായിച്ചു.

ഉണ്ടായ നേട്ടങ്ങൾ

• കുട്ടികൾക്ക് ധാരാളം ആശയങ്ങൾ ഉണ്ടായിരുന്നതിനാൽ നല്ല പ്രതികരണം ആയിരുന്നു. ഇനിയും ഇതുപോലുള്ള പ്രവർത്തനങ്ങൾ നൽകിയാൽ നല്ലതായിരിക്കും

നേരിട്ട പ്രയാസങ്ങൾ

• സമയം കൂടുതൽ വേണ്ടി വന്നു. 10 ഗ്രൂപ്പുകൾ ഉണ്ടായിരുന്നതാവാം കാരണം. ഓരോ ഗ്രൂപ്പുകാരേയും വിളിച്ച് എഡിറ്റിംഗ് നടത്തിയപ്പോഴാണ് ബുദ്ധിമുട്ട് തോന്നിയത്. ഗ്രൂപ്പുകളുടെ എണ്ണം കുറച്ചാൽ കുഴപ്പമില്ലായിരുന്നു. ഓരോ ഗ്രൂപ്പുകാരും എഡിറ്റിംഗ് വളരെ നല്ല രീതിയിൽ നടത്തി. സമയക്കുറവുകാരണം ഒരു ഗ്രൂപ്പ് എഴുതിയത് മറ്റൊരു ഗ്രൂപ്പിന് വായിക്കുവാൻ അവസരം കിട്ടിയില്ല. ഇന്ന് നടത്താം.

SHGUPS Karthedom