അണ്‍ എയ്ഡഡില്‍ നിന്നും തിരിച്ചൊഴുക്ക്, അധ്യാപകര്‍ക്ക് ഉത്തരവാദിത്തമേറുന്നു

കേരളത്തിലെ വിവിധജില്ലകളിലെ പ്രവേശനപ്രവണതകളാണ് ചുവടെ. മുന്‍ വര്‍ഷങ്ങളിലിത്തരം വാര്‍ത്തകളില്ലായിരുന്നു. പൊതുവിദ്യാഭ്യാസ മേഖലയിലെ ഉണര്‍വ് രക്ഷിതാക്കള്‍ മനസിലാക്കാന്‍ തുടങ്ങിയിരിക്കുന്നു. അതിന്റെ പ്രതിഫലനമാണിത്

• വൈത്തിരി ഉപജില്ലയിലെ 17 വിദ്യാലയങ്ങളിലെ ഒന്നാം ക്ളാസിൽ അഡ്മിഷൻ കഴിഞ്ഞ വർഷത്തെ എണ്ണം മറികടന്നു കഴിഞ്ഞു. മാറി ചേര്‍ന്നവര്‍ 376
• കല്പറ്റ മുനിസിപ്പാലിറ്റി യിലെ. Unaided school കളിൽ. കൊഴിഞ്ഞ് പോക്ക് രൂക്ഷം. 6പൊതുവിദ്യാലയങ്ങളുലായി Unaided സ്കൂളുകളിലെ 91 കുട്ടികളെ മാറ്റിച്ചേര്ത്തു
• മാനന്തവാടി ഉപജില്ലയില്‍ 3 അണ്‍എയ്ഡഡ് വിദ്യാലയങ്ങല്‍ പ്രവര്‍ത്തനമവസാനിപ്പിച്ചു. ലഭ്യമായ വിവരങ്ങളുടെ അടിസ്ഥാനത്തില്‍ അണ്‍എയ്ഡഡിനെ വിട്ട് എല്‍ പി യില്‍ 123ഉം യു പി യില്‍ 167ഉം വിദ്യാര്‍ത്ഥികള്‍ പൊതുവിദ്യാലയങ്ങളില്‍ ചേര്‍ന്നു.
• ആറ്റിങ്ങൽ BRC പരിധിയിൽ ഉൾപ്പെട്ട പൊതുവിദ്യാലയങ്ങളിൽ ഇന്നുവരെ 986 കുട്ടികൾCBSE ,UN AIDED വിദ്യാലയങ്ങളിൽ നിന്ന് വന്നു ചേർന്നു
• മതിലകംBRC യിലെ മതിലകം പഞ്ചായത്തിൽ മാത്രം 223 കുട്ടികൾunaided ൽ നിന്നും പൊതു വിദ്യാലയങ്ങളിലേക്ക് ഈ മാസം വന്നു ചേർന്നു.മറ്റ് 4 പഞ്ചായത്തുകളിലും 78, 45,63,82 എന്ന രീതിയിൽ ചേർന്നതായി പ്രാഥമിക വിവരം.
• തുറവുർ ഉപജില്ല (ആലപ്പുഴ ജില്ല) യിലെ എന്റെ ( Asokakumar Revathy ) വിദ്യാലയത്തിൽ 2മുതൽ 4 വരെ ക്ലാസുകളിലേക്ക് ഈ വർഷം 25 കുട്ടികൾ അൺ എയ്ഡഡ് വിദ്യാലയങ്ങളിൽ നിന്നും വന്നു ചേർന്നു.
• തൃശൂർ യു ആർ സി യിൽ 1300 സി ബി എസ് ഇ കുട്ടികൾ പൊതുവിദ്യാലയത്തിലേക്ക്
  

ജൈവവൈവിധ്യ ഉദ്യാനവും വിദ്യാലയ പ്രവര്‍ത്തനങ്ങളും

ജൂണ്‍ അഞ്ച് പരിസ്ഥിതി ദിനത്തോടെ വിദ്യാലയങ്ങളില്‍ ഹരിതപാഠങ്ങള്‍ ആരംഭിക്കുകയായി

• എന്തെല്ലാം പ്രവര്‍ത്തനങ്ങളാണ് ഏറ്റെടുക്കേണ്ടത്?
• എങ്ങനെ ജാവവൈവിധ്യ ഉദ്യാനം നിര്‍മിക്കാം?

ഒട്ടേറെ പേര്‍ അന്വേഷിക്കുന്നു

ചില സാധ്യതകള്‍ പങ്കിടാം

ഒന്നാം ക്ലാസുകാരെ ഒന്നാന്തരം വായനക്കാരാക്കിയ പ്രേമചന്ദ്രന്‍മാഷ്

ഒന്നാം ക്ലാസിലെ കുട്ടി ഒന്നാം ടേമിൽ പുസ്തകം വായിക്കുമോ?

വായനക്കുറിപ്പ് എഴുതുമോ'.

സംശയമുണ്ട് അല്ലേ?

പ്രേമചന്ദ്രന്‍ പ്രീതിക്കുളങ്ങര ടി എം എല്‍ പി എസില്‍ (2016 മെയ് 20 )

പ്രേമചന്ദ്രന്‍ മാഷ് പ്രീതിക്കുളങ്ങരയിലെ പുതുരക്ഷിതാക്കളോട് ചോദിച്ചു

അവര്‍ക്കെല്ലാം സംശയം.  
അത്രയും വായിക്കുമോ? അധ്യാപകര്‍ക്കും സംശയം

പ്രേമചന്ദ്രന്‍ അനുഭവം വിവരിച്ചപ്പോള്‍ ഞാന്‍ ലാപ്ടോപ്പില്‍ ടൈപ്പ് ചെയ്തതാണ് ഈ കുറിപ്പ്

പ്രവേശനോത്സവ പൂര്‍വ ക്ലാസ് പി ടി എയുായി പ്രീതിക്കുളങ്ങര സ്കൂള്‍

സവിശേഷം ഈ വരവേല്‍പ്പ്

ഇന്ന് പ്രീതിക്കുളങ്ങര സ്കൂളില്‍ സവിശേഷമായ രണ്ടുമൂന്നു ചടങ്ങുകള്‍ നടന്നു

അതിലൊന്ന് അണ്‍ എയിഡഡ് വിദ്യാലയങ്ങളില്‍ നിന്നും പ്രതീക്കുളങ്ങര സ്കൂളിലേക്ക് പ്രവേശനം തേടിയെത്തിയ കുട്ടികളെ വരവേല്‍ക്കല്‍ ചടങ്ങായിരുന്നു. ജില്ലാ പഞ്ചായത്ത് വിദ്യാഭ്യാസ സ്റ്റാന്‍ഡിംഗ് കമ്മറ്റി അധ്യക്ഷന്‍ ആ കരുന്നുകളെ സ്വീകരിച്ചു

കഴിഞ്ഞ വര്‍ഷം പ്രവേശനോത്സവത്തിനും കേരളത്തിനാകെ മാതൃകയായ വര്‍ഷാന്ത്യത്തെ ബാലോത്സവത്തിനും ഞാന്‍ ആ സ്കൂളിലുണ്ടായിരുന്നു. ഈ ചടങ്ങിനും പങ്കെടുക്കാനായത് ഭാഗ്യം

പ്രകൃതിയെ പാഠപുസ്തകമാക്കാം 2

 ചെറിയ ക്ലാസിലെ കുട്ടികളോട് എങ്ങനെ തുടങ്ങണം. ഇത്തരം പ്രവര്‍ത്തനങ്ങളാകും ഉചിതം

എത്രയോപൂമ്പാറ്റകളെ നാം കണ്ടിരിക്കുന്നു. ഒന്നു വരയ്കാന്‍ നോക്കൂ. ഏത് പൂമ്പാറ്റയെ വരയ്കണം. നിറം തിട്ടമില്ല. കാരണം ശ്രദ്ധിച്ചിട്ടില്ല. നിരീക്ഷിച്ചിട്ടില്ല . സാരമില്ല ചിത്രം നോക്കി വരച്ചാല്‍ മതി.

ജൈവവൈവിധ്യ ഉദ്യാനത്തിന്റെ ഭാഗമായി ശലഭോദ്യാനം നിര്‍മിക്കേണ്ടതുണ്ട്

പ്രകൃതിയെ ഒന്നാം ക്ലാസുകാര്‍ എങ്ങനെ പഠനോപകരണമാക്കും? 1

ഈ വര്‍ഷത്തെ ഒന്നാം ക്ലാസ് അധ്യാപകപരിശീലനം സര്‍ഗാത്മകമായ അധ്യാപനാലോകനകള്‍ക്ക് വഴിയൊരുക്കി.

ഗണിതപഠനത്തിലാണ് ഏറെ മുന്നോട്ട് പോയത്

സംഖ്യാബോധം ഉണ്ടാക്കുന്നതിനായി സാധാരണ ക്ലാസില്‍ സംഖ്യാസൂര്യന്‍ വരയ്കുകയോ മഞ്ചാടിക്കുരു പോലെ ചില വസ്തുക്കള്‍ ഉപയോഗിക്കുകയോ ആണ് ചെയ്യുക

ജൈവവൈവിധ്യ ഉദ്യാനത്തിന്റെ ആലോചന നടക്കുന്ന വര്‍ഷമാണ്

കാമ്പസിനെ പാഠപുസ്തകമാക്കണം

കുട്ടിയുടെ പഠനം ക്ലാസിനു പുറത്തേക്ക് വ്യാപിക്കണം

ചുറ്റു പാടുകളില്‍ നിന്നും ഗണിതം പഠിക്കണം

പ്രകൃതി നടത്തം പ്രീപ്രൈമറിയിലെ ഒരിനമാണ്. ഒന്നാം ക്ലാസിലെത്തുമ്പോള്‍ അതില്ലാതാകുന്നു. പ്രകൃതിയില്‍ നിന്നും അടര്‍ത്തി മാറ്റി പഠിപ്പിക്കാന്‍ തുടങ്ങുന്നതിന്‍റെ ആദ്യ പാഠങ്ങളാണ് പലപ്പോഴും ഒന്നിലേത്.

ഈ പരിമിതി മറികടക്കണം

പ്രകൃതിനടത്തം തിരികെ വരണം

ഒന്നാം ക്ലാസില്‍

ആ നടത്തത്തിനു ലക്ഷ്യങ്ങള്‍ തീരുമാനിക്കാം

കുട്ടിയുടെ ജിജ്ഞാസയെ ഉണര്‍ത്താം.

ചില ചോദ്യങ്ങളാകാം

• ഒരു ഓലയില്‍ എത്ര ഓലക്കാലുകള്‍,
• വാഴയില്‍ എത്ര ഇലകള്‍,
• പൂവില്‍ എത്ര ഇതളുകള്‍ ,
• ഒരു കുലയില്‍ എത്ര പൂക്കള്‍,
• ഏത് കുലയില്‍ കൂടുതല്‍ പൂക്കള്‍ / മാങ്ങകള്‍,
• ഒരു പടലയില്‍ എത്ര പഴം,
• കറിവേപ്പിലകളിലെ ചെറുപിരിവുകളായുളള ഇലകളുടെ എണ്ണം എത്രയാ?

ഇത്തരം ചോദ്യങ്ങള്‍ ഓരോ പ്രകൃതി നടത്തത്തിനു മുമ്പായും നടക്കണം

 ജൈവവൈവിധ്യം അധ്യാപക പരിശീലനത്തിൽ സജീവ ചർച്ചയായി
ചെറുവത്തൂരിൽ ഒരു പടി കൂടി മുന്നേറി
നാട്ടിലെ വൈവിധ്യം അനുഭവ തലത്തിലേക്ക് കൊണ്ടുവന്നു
ചെറുവത്തൂർ ഉപജില്ല പല കാര്യങ്ങളിലും മാതൃക കാട്ടുന്നവരാണ്.
ഈ മാതൃകയും ഗംഭീരം

ഇനി വിദ്യലയവളപ്പിലേക്ക് നാട്ടുമാവുകൾ വരട്ടെ.

വേദന ഒപ്പുന്ന അധ്യാപകമനസ്

ഗീതടീച്ചറുടെ ഒന്നാം ക്ലാസിനെക്കുറിച്ച് ചൂണ്ടുവിരല്‍ പണ്ടൊരിക്കല്‍ എഴുതിയിരുന്നു.

ആ ക്ലാസനുഭവം ഒരു വീഡിയോയിലൂടെ സംസ്ഥാനമാകെ പങ്കുവെച്ചതുമാണ്

വിദ്യാഭ്യാസ അവകാശനിയമം നടപ്പിലാക്കിയശേഷവും കുട്ടികള്‍ വിദ്യാലയത്തിലെത്താതിരിക്കുന്നു.

ഇത് ടീച്ചറെ അലട്ടി. വര്‍ഷത്തില്‍ ഒന്നോ രണ്ടോ തവണ എനിക്ക് ഫോണ്‍ വരാറുണ്ട്. എന്തു ചെയ്യാനാകും എന്നു ചോദിച്ച്

ഈ ടീച്ചര്‍ ഓരോ കുട്ടിയെയും സ്കൂളിലെത്തിക്കാന്‍ ( സ്വന്തം സ്കൂളിലല്ല ഏതെങ്കിലും സമീപ വിദ്യാലയത്തില്‍) പാടുപെടും. വാര്‍ത്ത നോക്കുക

അനാഥാലങ്ങളില്‍ പഠിക്കുന്ന കുട്ടികള്‍ നേരിടുന്ന പ്രശ്നങ്ങളാണ് ഒരിക്കല്‍ കുട്ടികള്‍ ടീച്ചറോട് പറഞ്ഞത്. മനുഷ്യത്വമില്ലാത്ത പെരുമാറ്റങ്ങള്‍

ഈ വാര്‍ത്ത പൊതുവിദ്യാലയത്തിലെ അധ്യാപികയുടെ ജനപക്ഷ സമീപനത്തിന്റെ തെളിവാണിത്

ഇതേപോലെ നിരവധി അധ്യാപകര്‍ പൊതുവിദ്യാലയങ്ങളിലുണ്ട്.

അണ്‍എയ്ഡഡ് വിദ്യാലയങ്ങളില്‍ കാണാനാകാത്ത സമീപനം

മാനവികത

തുടരുക ടീച്ചര്‍ തുടരുക