എന്തിനാണ് അച്ചടിച്ച് പ്രകാശിപ്പിക്കുന്നത്?
ഒന്നാം ക്ലാസിലെ കുട്ടികൾ സ്വതന്ത്ര രചയിതാക്കളായി മാറുന്നത് ചരിത്ര രേഖയാക്കാൻ
കുട്ടിയുടെ എഴുത്തു വളർച്ചക്ക് രക്ഷിതാവിൻ്റെ പ്രതിദിന പിന്തുണ സഹായകമായതിൽ രക്ഷിതാവ് അഭിമാനിക്കാൻ
ഒന്നാം ക്ലാസ് വിദ്യാലയത്തിൻ്റെ അഭിമാനമായി മാറിയത് സമൂഹവുമായി പങ്കിടാൻ
അക്കാദമിക മാസ്റ്റർ പ്ലാൻ നടപ്പിലാക്കി ഗുണനിലവാര മികവ് ഉറപ്പാക്കുന്നതിൻ്റെ തെളിവ് എന്ന നിലയിൽ
സംയുക്ത ഡയറി അച്ചടിച്ച് പ്രകാശിപ്പിക്കുന്നതിന് എന്തെല്ലാം ചെയ്യണം?
എത്ര കുട്ടികൾ ഉണ്ട്? എങ്കിൽ ഒരാൾക്ക് എത്ര രചന അനുവദിക്കാം എന്ന് തീരുമാനിക്കൽ. പ്രഎല്ലാ കുട്ടികൾക്കും തുല്യ എണ്ണം. വിവേചനം പാടില്ല.)
ഓരോ കുട്ടിയുടെയും രചനകൾ തെരഞ്ഞെടുക്കണം. ഒന്നിലധികം ഉണ്ടെങ്കിൽ വ്യത്യസ്ത കാലയളവും പ്രമേയവും പരിഗണിക്കണം. ഇത് വളർച്ച ബോധ്യപ്പെടാൻ സഹായകം.
രചനകളിൽ തീയതി നിർബന്ധം
കുട്ടിയുടെ രചനയിൽ തെറ്റു വരാം. രക്ഷിതാവിൻ്റെ നീല മഷിയും. അവ പകർത്തിയെഴുതിക്കേണ്ടതില്ല. എന്നാൽ ടൈപ് ചെയ്യുന്നത് ശരിയായ രീതിയിലാകണം.
രചനാ വിഷയങ്ങളുടെ ലിസ്റ്റ് തയ്യാറാക്കണം. (മഴ, ആഘോഷം, വാഹനം, വളർത്തുജീവികൾ, യാത്ര, കുടുംബം, പക്ഷികൾ… എന്നിങ്ങനെ)
ഉള്ളടക്കപ്പേജ് തയ്യാറാക്കി അതനുസരിച്ച് ഡയറിക്രമീകരിക്കണം
തെരഞ്ഞെടുത്ത ഡയറികൾ സ്കാൻ ചെയ്യൽ (മൊബൈലിൽ സ്കാൻ ചെയ്താൽ മതി. തെളിച്ചം കിട്ടും)
ഇനി ഓരോ ഡയറിയിലെയും ഉള്ളടക്കം ടൈപ്പ് ചെയ്യുക.
ടൈപ്പ് ചെയ്യുമ്പോൾ കുട്ടിയുടെ പേരും ചേർക്കുക.
കുട്ടികളിൽ നിന്നും ഫോട്ടോ ശേഖരിക്കുക. ഒരേ വലുപ്പത്തിലാക്കണം. ക്ലോസപ്പ് ഫോട്ടോ നല്ലത്. രക്ഷിതാക്കൾ സഹിതമുള്ളത് വേണ്ട.
ഡയറിയുടെ പേര് നിശ്ചയിക്കുക
കവർചിത്രം തീരുമാനിക്കുക
കവർ പേജിലെ മാറ്റർ തീരുമാനിക്കുക ( അതേ ഉള്ളടക്കം തന്നെ ആദ്യ പേജിലും നൽകണം ) വർഷം, സ്കൂൾ, ക്ലാസ്, ഡിവിഷൻ എന്നിവ വേണം.
ആമുഖം, അവതാരിക ഇവ തയ്യാറാക്കുക (ആശംസകൾ ഒഴിവാക്കാം. ഇല്ലെ?)
സാങ്കേതികജ്ഞാനം ഉള്ള ഒരാളെക്കൊണ്ട് പേജ് സെറ്റ് ചെയ്യുക. (DTP വർക് ചെയ്യുന്നവരുടെ സേവനം തേടാം, തനിയെയും ചെയ്യാം )
പേജ് നമ്പർ ഇടണം
കവർ കട്ടിക്കടലാസ്, കളർ
പോക്കറ്റ് ഡയറി വലുപ്പത്തിൽ സെറ്റ് ചെയ്തു തരാൻ DTP വർക് ചെയ്യുന്നവർ സഹായിക്കും.സാധാരണ വലുപ്പവും ആകാം. മടക്കു ഡയറി രീതിയും (അക്കോഡിയൻ)
ചെലവു കുറഞ്ഞ രീതി:
ഗൂഗിൾ ഡോക്കിൽ ചെയ്യുന്നവർ നാലു കൊളം ഒരു പേജിൽ (വരിയും നിരയും രണ്ടു വീതം) നിർമ്മിക്കുക. വലത്തേ കോളത്തിൽ സ്കാൻ ചെയ്ത ഇമേജ് ഉൾച്ചേർക്കുക. ഇടത്തേ കോളത്തിൽ മാറ്ററും കുട്ടിയുടെ ഫോട്ടോയും. ഇങ്ങനെ മുഴുവൻ പേജും സെറ്റ് ചെയ്ത് PDF ആക്കുക.
ഇരുപുറവും പ്രിൻ്റ് ചെയ്യുക
സ്റ്റാപ്ളർ ചെയ്യുക
വശങ്ങൾ ലവലിലാക്കുക
വ്യക്തിഗത ഡയറികൾ
ഏതെങ്കിലും കുട്ടിയുടെ മാത്രമായി ഡയറി പ്രകാശിപ്പിക്കൽ രണ്ടാം ഘട്ടമായി ആലോചിക്കാം
No comments:
Post a Comment