ഒന്നൊരുക്കം രണ്ടാം ദിവസം

1

പാവയാണെന് അറിഞ്ഞപ്പോൾ  എല്ലാർക്കും സന്തോഷം..

രണ്ടാം ദിവസത്തെ  പ്രവർത്തനങ്ങൾ തുടങ്ങിയത് കഥയുടെ ബാക്കി പറഞ്ഞു കൊണ്ടാണ്...  ബലൂണ് പൊട്ടിയത് ആണ് എല്ലാവർക്കും ഇഷ്ടയത്.

ചെടിയെ ഭംഗിയാക്കാൻ ചുവന്ന വർണിഷ് പേപ്പർ ആണ് കൊടുത്തത്.. വരയിലൂടെ  കീറാൻ പറഞ്ഞപ്പോ ഇത് risk aa എന്ന് ഒരു മിടുക്കി.. പക്ഷെ എല്ലാവർക്കും ഇഷ്ടം ഒട്ടിക്കാൻ. 

ചുവപ്പും മഞ്ഞയും ഫുഡ്‌ കളറിൽ ആണ് പരീക്ഷണം നടത്തിയത്. പൂക്കളുടെ നിറം മാറിയിട്ടുണ്ട്..

ഇന്നത്തെ കഥയും രസകരമായി.. പരുന്തിന്റെ കൈയിലുള്ളത് പാവയാണെന് അറിഞ്ഞപ്പോൾ  എല്ലാർക്കും സന്തോഷം..

പരുന്തിനെ നിറം കൊടുക്കാൻ നൽകിയപ്പോൾ കൂടുതൽ സന്തോഷം..

ഒരാൾ കറുപ്പ് നിറം കൊടുക്കുന്നത് കണ്ടപ്പോൾ ചോദിച്ചു എന്താ കറുപ്പ്?? ആ കറുപ്പ് eagle ഉണ്ട് എന്ന് 🙂. ശരിയാണ്.

ചെറുതിൽ നിന്ന് വലുതിലേക്ക്  എന്ന പ്രവർത്തനം ഒരാൾ തന്നെ എല്ലാം  വെക്കാൻ ഉള്ള ശ്രമമാണ് ആദ്യം നടത്തിയത്..   പിന്നീട് വ്യക്തമായി.

 Passing the ball  കളിക്കുമ്പോൾ 

പ്രത്യേക പരിഗണന ആവശ്യമുള്ള കുട്ടികൾ ബോൾ മറ്റുള്ളവർക്ക് നൽകിയില്ല. അടുത്ത ആൾ പിടിച്ചു വാങ്ങേണ്ടി വന്നു. 

ശ്രീജ

Glps kunnamkulam

2

 ക്ലാസ് വാട്സാപ്പ് ഗ്രൂപ്പിൽ രക്ഷിതാക്കളുടെ നല്ല പ്രതികരണം

1. ഇന്ന് എല്ലാ പ്രവർത്തനങ്ങളും പൂർത്തിയാക്കി.

2. ചെടിയെ ഭംഗിയാക്കാം എന്ന പ്രവർത്തനം ആസൂത്രണം ചെയ്തപ്പോൾ കുട്ടികൾക്ക് ചെയ്യാൻ കഴിയുമോ എന്ന ടെൻഷനിൽ ആയിരുന്നു. എന്റെ ക്ലാസ്സിലെ 23 കുട്ടികളിൽ  5 പേരൊഴികെ ബാക്കി എല്ലാവരും നല്ല രീതിയിൽ  ഏറ്റെടുത്തു. അതിൽ തന്നെ 3പേർ  വളരെ പെട്ടന്ന് തന്നെ 5 എണ്ണം വീതം ഉണ്ടാക്കി എന്നെ അത്ഭുതപ്പെടുത്തി

3. പിന്തുണ ആവശ്യമായവർക്ക്  ഡോട്ടുകൾ  നന്നായി  press ചെയ്ത് വരച്ചുകൊടുത്തു.

4. ഇന്നലെ  ക്ലാസ്സ് വിശേഷം  പങ്കിട്ട് കുറച്ചു കഴിഞ്ഞപ്പോഴേക്കും കുട്ടികളുടെ മീൻ ഉണ്ടാക്കുന്ന വീഡിയോയും പരീക്ഷണം ചെയ്യുന്ന വീഡിയോയും വന്നു. 

5. കുട്ടികൾ വളരെ നന്നായി ഇന്നലത്തെ പ്രവർത്തനം ഏറ്റെടുത്തു വെന്ന് രക്ഷിതാക്കളുടെ പ്രതികരണങ്ങളിൽ നിന്ന് മനസ്സിലായി.

ദേവി 

Glps karad

3

കരുതലിന് ഫലം കിട്ടി.

 ഇന്നലെ എനിക്ക് 2 പ്രവർത്തനങ്ങൾ ചെയ്യാൻ സാധിച്ചില്ല. ഇന്ന് വളരെ കരുതൽ ആയി പോയി.ചെടിയെ ഭംഗിയാക്കാം enna പ്രവർത്തനം 15 കുട്ടികൾ ചെയ്തു 4 പേർക് സഹായം ആവശ്യം വന്നു മറ്റു കുട്ടികൾ തന്നെ അവരെ സഹായിച്ചു. കഥ, കവിത, വലുതിൽ നിന്നും ചെറുതിലേക് എല്ലാം നന്നായി ചെയ്യാൻ സാധിച്ചു. ഇന്നലത്തെ പ്രവർത്തനം രക്ഷിതാക്കൾ നല്ല അഭിപ്രായം പറഞ്ഞു. മഴ pattu padipichu വീഡിയോ അയച്ചു തന്നു 

Chanthini 

Alps

4

പ്രത്യേക പരിഗണന വേണ്ടവരെ ചേർത്തു പിടിച്ചു

എല്ലാ പ്രവർത്തനങ്ങളും ഇന്ന് പൂർത്തിയാക്കാൻ കഴിഞ്ഞു.

*ആദ്യം  ഇന്നലെ പാളിപ്പോയ  കുമിള -വൻ വിജയമായി. എനിക്കും കുട്ടികൾക്കും സന്തോഷം  

*ഇന്നത്തെ പാട്ട് മണ്ണിലുരുണ്ടു നനഞ്ഞ...  നല്ല അഭിനയത്തിലൂടെ പാടാൻ കഴിഞ്ഞിട്ടുണ്ട്. 

* ഇന്നത്തെ ചെടിയെ ഭംഗിയാക്കാം എന്ന പ്രവർത്തനം വളരെ ആസ്വദിച്ചു ചെയ്തു. 

മലയാള മീഡിയം-ക്ലാസിലാകെ 13 കുട്ടികൾ. അതിൽ രണ്ട്  കുട്ടികൾ  സംസാരിക്കാൻ കഴിയാത്ത ഭിന്നശേഷി കുട്ടികൾ .  അതിലൊരു കുട്ടി ചിത്രം മുറിച്ച് കൊടുത്തപ്പോൾ ഒട്ടിച്ചു. ഹൈപ്പർ കുട്ടി ഇതിനൊന്നും വഴങ്ങുന്നില്ല.സൂബ ഡാൻസ് കളിപ്പിച്ച് ഇപ്പോൾ അവൻ ചെറിയ രീതിയിൽ ഇരുത്തം കിട്ടിയിട്ടുണ്ട്. ഒരാൾ ബീഹാർ കുട്ടി. ജൂൺ 18 നേ എത്തിക്കൂ എന്ന് പറഞ്ഞു.  ബാക്കിയെല്ലാരും   താൽപര്യത്തോടെ ചെയ്തു .

വെള്ളനിറത്തിലുള്ള പൂക്കൾ മുല്ല മാത്രമേ കുട്ടികൾ കണ്ടിട്ടുള്ളു. കൂടുതൽ പൂക്കൾ പരിചയപ്പെടുത്തി.

നിറമാറ്റം കൃത്യത വന്നിട്ടില്ല.അതുകൊണ്ട് വീട്ടിൽ ചെയ്തു നോക്കിവരാനും നാളെ വീണ്ടും ക്ളാസിൽ ചെയ്യാം എന്നും പറഞ്ഞിട്ടുണ്ട്.

കനം ,വലുപ്പം തിരിച്ചറിയൽ ആദ്യം 4 പേർക്ക് നല്ല സഹായം വേണ്ടി വന്നു. കാരണം ശ്രദ്ധ വളരെ പിന്നിലാണ്. ഇതിൽ  ഒരു കുട്ടിയ്ക്ക്   പല തവണ ആവർത്തിക്കേണ്ടി വരുന്നു. പിന്നെ നന്നായി ചെയ്തു. ഈ 2 ദിവസം കൊണ്ട് കുട്ടികളിൽ നല്ല മാറ്റം കണ്ടു. നല്ല പ്രവർത്തനങ്ങൾ

ലളിത 

പാലക്കാട്.

5

വീഡിയോയും ഫോട്ടോയും കാണുമ്പോൾ രക്ഷിതാക്കൾ പ്രതികരിക്കുന്നു.

•  വയനാട് ജില്ലയിലെ ഓടപ്പള്ളം ഗവൺമെന്റ് ഹൈസ്കൂളിലെ ഒന്നാം ക്ലാസിൽ 19 കുട്ടികളാണ് ഉള്ളത്. 
• ഒന്നൊരുക്കം രണ്ടാം ദിവസം എല്ലാ പ്രവർത്തനങ്ങളും പൂർത്തീകരിക്കാൻ സാധിച്ചു 
• കുട്ടികൾ വളരെ സന്തോഷത്തോടുകൂടിയാണ് അതിനെ സ്വീകരിച്ചത്.
•  കഥ പറയൽ കഥ പൂർത്തീകരിക്കൽ കുട്ടികൾക്ക് വളരെ പ്രയാസമായി തോന്നി പലരും അതിനോട് പ്രതികരിച്ചില്ല. കഥയുടെ ആദ്യഭാഗം പറയുമ്പോൾ കുറേക്കൂടി ഭംഗിയായി പറയാത്തത് കൊണ്ടായിരിക്കാം ചിലപ്പോൾ... ആറു കുട്ടികൾ മാത്രമാണ് കഥ പൂർത്തിയാക്കാൻ ശ്രമിച്ചത്. 
• പൂവ് ഉണ്ടാക്കുന്ന പ്രവർത്തനം കത്രിക ഇല്ലാതെ നടത്താൻ സാധിക്കില്ല എന്ന് കുട്ടികൾ പറഞ്ഞു. ഒന്ന് രണ്ട് തവണ കാണിച്ചു കൊടുക്കേണ്ടി വന്നു. എന്നിട്ടും നാല് പേർക്ക് പിന്തുണ ആവശ്യമായി. 
• സംസാരിക്കാനും ഇടപഴകാനും മടി കാണിക്കുന്ന കുട്ടികൾ പോലും ആക്ടിവിറ്റുകൾ വളരെ ഉത്സാഹത്തോടെയും സന്തോഷത്തോടെയും ചെയ്തു. 
• ഗണിതത്തിന്റെ പ്രവർത്തനം മൂന്നു ഗ്രൂപ്പുകളും പൂർത്തിയാക്കിയില്ല.  
• വിശേഷങ്ങൾ പങ്കിട്ടത് രക്ഷിതാക്കൾക്ക് വേറിട്ട അനുഭവമായി തോന്നി. കുട്ടികളോട് കൂടുതൽ വിശേഷങ്ങൾ ചോദിച്ചറിഞ്ഞതായി രക്ഷിതാക്കൾ തന്നെ പറഞ്ഞു. വീഡിയോയും ഫോട്ടോയും കാണുമ്പോൾ രക്ഷിതാക്കൾ പ്രതികരിക്കുന്നു.
• ഗോത്ര വിഭാഗത്തിൽനിന്ന് മൂന്നു കുട്ടികളാണ് ഉണ്ടായിരുന്നത്. ആദ്യമാദ്യം മടിച്ചു നിന്നു. ഒന്നാം ദിവസത്തെ അനുഭവം അവർക്ക് ഉണ്ടായിരുന്നല്ലോ. ഇന്ന് കുറെക്കൂടെ ആക്ടീവാണ്. വാചിക പ്രതികരണങ്ങൾ കുറവാണ്

ഹസീന എയു 

ഓടപ്പള്ളം ഗവൺമെന്റ് ഹൈസ്കൂൾ വയനാട്

6

മണ്ണിൽ വീണ മഴത്തുള്ളിയെ  ഞങ്ങളും രംഗആവിഷ്കാരമാക്കി 

ഇന്ന് എല്ലാ പ്രവർത്തനങ്ങളും പൂർത്തിയാക്കി 

കോഴിക്കുഞ്ഞുങ്ങളെ പരുന്ത്  കൊണ്ടുപോയോ എന്ന് ചോദിച്ചപ്പോൾ എല്ലാവരുടെ മുഖത്തും സങ്കടം ആയിരുന്നു (മിക്കവരുടെയും വീട്ടിൽ കോഴി വളർത്തൽ ഉണ്ട് പരുന്ത് റാഞ്ചുക സാധാരണമായിരിക്കാം )

എന്തായാലും പരുന്തിനോട് ഭയങ്കര ദേഷ്യമായിരിന്നു പിന്നീട് അത് പാവ യാണെന്നറിഞ്ഞപ്പോൾ മുഖത്ത് സന്തോഷം വിടർന്നു 

മണ്ണിൽ വീണ മഴത്തുള്ളിയെ  ഞങ്ങളും രംഗആവിഷ്കാരമാക്കി 

Rajitha

VRUP school muthukurussi

7

നല്ല പിന്തുണ വേണ്ടവരുണ്ട്

 ഇന്നു  എല്ലാ പ്രവർത്തങ്ങൾ പൂർത്തിയാക്കാൻ സാധിച്ചു, കഥ വളരെ ശ്രദ്ധയോടെ കേട്ടിരുന്നു,,, എനിക്ക് 4കുട്ടികൾ ഉണ്ട് അവരിൽ ഒരാൾക്ക് നല്ല പിന്തുണ ആവശ്യം ആണ്,, ബാക്കി കുഞ്ഞുങ്ങൾക് കേൾക്കുന്ന കഥകൾ അവിയിൽ നിന്നു ചോദിച്ച ചോദ്യങ്ങൾ എന്നിവക്ക് കൃത്യമായ മറുപടി നൽകി, മുന്നറിവ് പരിശോധിക്കാൻ ഇന്നലെ പാടിയ പാട്ടുകൾ വീണ്ടും അവർ പാടികേൾപ്പിച്ചു. മലയാളം, ഇംഗ്ലീഷ്, maths പ്രവർത്തങ്ങൾ ഇന്നത്തെ പൂർത്തിയാക്കി,,, പൂക്കൾ നിർമ്മിക്കാനും മറ്റു പ്രവർത്തങ്ങൾക്ക് എല്ലാം തന്നെ സന്തോഷത്തോടെ ഏറ്റെടുത്തു അവർ,, ഒരാൾക്ക് എല്ലാകാര്യത്തിലും പിന്തുണയും കൊടുത്തു 🥰കളികൾ വളരെ രസകരമായി അവർ ചെയ്തു,,

MDUPS വെള്ളാറ മേമല 

പത്തനംതിട്ട (വെണ്ണികുളം സബ്ജില്ല )

8

ഇന്നലെ വീട്ടിൽ ക്ലാസിലെ വിശേഷങ്ങളെ പറയാനുണ്ടായിരുന്നുള്ളു .

 ഇന്നത്തെ എല്ലാ പ്രവർത്തനങ്ങളും പൂർത്തിയാക്കാൻ സാധിച്ചു. 12 പേരിൽ 9 പേർ ഇന്ന് വന്നു. മഴത്തുള്ളിയുടെ പാട്ട് അഭിനയത്തിലൂടെ പാടി അവതരിപ്പിച്ചു. കുട്ടികൾ പാടിയ വീഡിയോ ക്ലാസ്സ് ഗ്രൂപ്പിൽ ഷെയർ ചെയ്തു നൽകി. ചെടിയെ ഭംഗിയാക്കാൻ എന്ന പ്രവർത്തനം ആസ്വാദിച്ച് മനോഹരമായി ചെയ്തു .രണ്ട് ചാർട്ടുകളിൽ ചെടി വരച്ച് ചുമരിൽ ഒട്ടിച്ചിരുന്നു. 9 പേരും പേപ്പർ കീറി ഒട്ടിച്ചു. ആവശ്യമായ പിന്തുണ നൽകി.

നിറം മാറുന്ന പൂവ് എന്ന പ്രവർത്തനത്തിൽ ഫുഡ് കളർ , ഫാബ്രിക് പെയിന്റ് എന്നിവ ഉപയോഗിച്ചു. നേരിയ നിറവ്യത്യാസം കാണാൻ കഴിഞ്ഞു. കുട്ടികൾ സ്വയം കളർ കലക്കി , പൂക്കൾ അതിലിട്ടു. എല്ലാവരും വളരെ സന്തോഷത്തിലായിരുന്നു.

 കല്ല് വലിപ്പമനുസരിച്ച് ക്രമീകരിക്കാൻ കുറച്ചധികം സമയം വേണ്ടിവന്നു.പ്രവർത്തനം പലതവണ ആവർത്തിച്ചു.

      അക്കിടി പറ്റിയ പരുന്തിന്റെ കഥ ആസ്വദിച്ചു കേട്ടു . കോഴിക്കുഞ്ഞിനെ റാഞ്ചിയെടുത്ത ഭാഗം വന്നപ്പോൾ അവരുടെ സങ്കടം മുഖത്ത് കാണാമായിരുന്നു റാഞ്ചി എടുത്തത് കളിപ്പാവയാണ് എന്നറിഞ്ഞപ്പോൾ പെട്ടെന്ന് മുഖഭാവം മാറി സന്തോഷം നിറഞ്ഞു

സ്വതന്ത്രവേളയിൽ കുട്ടികൾ കൂടുതലും ക്ലാസിൽ പഠിച്ച കഥകളും പാട്ടുകളും ആണ് അവതരിപ്പിച്ചത് കഥകൾ അവരുടെ വാക്യങ്ങളിൽ മനോഹരമായി അവതരിപ്പിച്ചു അവ ക്ലാസ് ഗ്രൂപ്പുകളിൽ നൽകി രക്ഷിതാക്കൾ വളരെ സന്തോഷത്തിലാണ്. ഇന്നലെ വീട്ടിൽ ക്ലാസിലെ വിശേഷങ്ങളെ പറയാനുണ്ടായിരുന്നുള്ളു .

വിജില വർഗ്ഗീസ്, ഗവ. യു പി എസ് ആഞ്ഞിലിപ്ര

അനുബന്ധം: 

1 രക്ഷിതാവിൻ്റെ പ്രതികരണം

വളരെ നല്ല പ്രതികരണമാണ് കുട്ടിയിൽ നിന്നും ലഭിക്കുന്നത്. വീട്ടിൽ വന്നാൽ ക്ലാസിലെ കഥ കേൾക്കാനെ നേരമുള്ളു ഇപ്പോൾ. ക്രാഫ്റ്റ് വർക്ക്, കഥ, കുമിള പറപ്പിക്കൽ മഴത്തുള്ളിയുടെ യാത്ര എന്നുതുടങ്ങി ഒട്ടേറെ വിശേഷങ്ങൾ... 

വളരെ സന്തോഷം... 

സ്‌റ്റെഫിൻ വളരെ ഹാപ്പി !!!

രക്ഷിതാക്കളായ ഞങ്ങളും ഹാപ്പി!!!

(Nb.: പലപ്പോഴും പ്രതികരണങ്ങൾ ഇടുവാൻ സാധിക്കാതെ പോകുന്നു ക്ഷമിക്കുക)

അനുബന്ധം 2

ഫ്ലിപ് ബുക്ക് തയ്യാറാക്കി രക്ഷിതാക്കൾക്ക് പങ്കിടുന്നുണ്ട്.

 flip book തയ്യാറാക്കുന്ന വിധം

✨വർക്ക് ക്ലാരിറ്റിയോടെ ഫോട്ടോ എടുക്കുക

✨ എല്ലാ Photo കളും ചേർത്ത് Pdf ആക്കുക (eg - DOC Scanner )

✨ document ൽ Pdf save ചെയ്യുക

✨ ഗൂഗിളിൽ Flip HTML 5 എടുത്ത് Login ചെയ്യുക. (https://fliphtml5.com)

✨ Create Now -> file upload

✨ file convert ആകുന്നതുവരെ wait ചെയ്യുക.

✨ ശേഷം സൈഡിൽ കാണുന്ന ഓപ്ഷനുകളിൽ നിന്ന് (Design, Theme......) ആവശ്യമായവ തെരഞ്ഞെടുത്ത് OK കൊടുക്കുക.

✨ Link Open ചെയ്ത് Share ചെയ്യുക

✨ flipbook ready

9

ഇൻ്റർവെൽ ആകുന്നതോ ഉച്ചയാകുന്നതോ ഒന്നും ഞങ്ങൾ അറിയുന്നേയില്ല

മൂന്നാം ദിവസം*

ഇന്ന് നാല് പ്രവർത്തനങ്ങളാണ് പൂർത്തിയാക്കിയത്.

ഇന്നലെ പൂർത്തിയാക്കാൻ കഴിയാതിരുന്ന മീൻ നിർമ്മാണവും ചെടിയെ ഭംഗിയാക്കാം, കുമിള പറത്തൽ,passing the ball എന്നീ പ്രവർത്തനങ്ങളാണ് ഇന്ന് നടത്തിയത്. മീൻ നിർമ്മാണത്തിന് കുറെയധികം സമയം വേണ്ടി വന്നു. എല്ലാവരും വാലും ചിറകും പശ തേച്ച് തനിയെ ഒട്ടിച്ചു. ചെതുമ്പലുകൾ വരച്ചു ചേർത്തു കാഴ്ചപരിമിതിയുള്ള അനുഷയ്ക്കു മാത്രമാണ് ഞാൻ കാര്യമായ പിന്തുണ നൽകിയത്.

പശ തേച്ച് നീലച്ചാർട്ടിൽ ഒട്ടിച്ചതും അവർ തന്നെ. തുടർന്ന് ചെടിയെ ഭംഗിയാക്കാം എന്ന പ്രവർത്തനം. കൈ കൊണ്ട് പൂക്കൾ മുറിച്ചെടുക്കാൻ കുട്ടികൾക്ക് പ്രയാസമായിരിക്കുമെന്നാണ് ഞാൻ കരുതിയത്. ആദ്യം ഒന്നു രണ്ടു പേരുടെ പേപ്പറുകൾ കീറിപ്പോയെങ്കിലും അനുക്ഷയൊഴികെ എല്ലാവരും തനിയെ പൂക്കൾ കീറിയെടുത്തു.

ഇലകൾക്ക് അവർ തന്നെ നിറം നൽകുകയും പൂക്കൾ ഒട്ടിക്കുകയും ചെയ്തു. അനുഷയു ഇലയ്ക്ക് നിറം കൊടുത്തു

വളരെ ഇഷ്ടത്തോടെയാണ് കുട്ടികൾ പ്രവർത്തനങ്ങളിൽ ഏർപ്പെടുന്നത് എന്നതാണ് ഏറ്റവും സന്തോഷിപ്പിച്ചത്. ഇൻ്റർവെൽ ആകുന്നതോ ഉച്ചയാകുന്നതോ ഒന്നും ഞങ്ങൾ അറിയുന്നേയില്ല.🥰

ഉച്ചയ്ക്കു ശേഷം കുമിള പറത്തൽ പ്രവർത്തനം.കുമിള പറത്താൻ കുട്ടികൾ മത്സരിച്ചു. വ്യത്യസ്ത ആകൃതികളിലൂടെ കുമിള പറത്തുമ്പോഴുള്ള വ്യത്യാസം, പഞ്ചസാര ചേർക്കുമ്പോൾ കുമിളയുടെ വലുപ്പ വ്യത്യാസം ഇവ കുട്ടികൾക്ക് ബോധ്യപ്പെടാൻ കഴിഞ്ഞില്ല എന്നത് ഈ പ്രവർത്തനത്തിൻ്റെ പരിമിതിയായോ എന്ന് സംശയം തോന്നി.

ഇംഗ്ലീഷുമായി ബന്ധപ്പെട്ട passing the ball എന്ന പ്രവർത്തനത്തോടെ ഇന്നത്തെ പ്രവർത്തനങ്ങൾ അവസാനിച്ചു.

രക്ഷിതാക്കളും തൃപ്തരാണ്. അവരുടെ പ്രതികരണങ്ങളിൽ നിന്ന് അത് മനസ്സിലാകുന്നു.

സന്നദ്ധതാ പ്രവർത്തനങ്ങളുടെ ആവശ്യകത ആദ്യ ക്ലാസ് പി ടി എയിൽ പരിചയപ്പെടുത്തിയത് എന്തുകൊണ്ടും നന്നായി.

അനുബന്ധം:

രക്ഷിതാക്കളുടെ പ്രതികരണങ്ങൾ

ആദ്യം തന്നെ ടീച്ചറിന് ഒരായിരം നന്ദി. എന്റെ മകൾ നല്ല ഉൽസാഹത്തോടെയാണ് രാവിലെ സ്കൂളിലേക്ക് ഇറങ്ങുന്നത്. ആ സ്കൂളിനെക്കാൾ ഈ സ്കൂളാണ് എനിക്ക് ഇഷ്ടമെന്ന് അവളൊന്നും പറയാറുണ്ട്.. തീർച്ചയായും ടീച്ചറിന്റെ ഈ പ്രവർത്തനം ഞാൻ ഏറെ ഇഷ്ട്ടപ്പെടുന്നു... കാരണം മുലപ്പാലിന്റെ ഗന്ധം മാറാത്ത,, അമ്മയുടെ മടിത്തട്ടിൽ നിന്ന് മാറിനിൽക്കാത്ത കുഞ്ഞോമനകളാണ് ഒന്നാം ക്ലാസ്സിലെ മക്കൾ.. അവരെ കളിയിലൂടെ അറിവിലേക്ക് ക്ഷണിക്കുന്ന.. അവരുടെ അമ്മയായി കളിക്കൂട്ടുകാരിയായി കൂടെ നിൽക്കുന്ന ടീച്ചർ അവർക്കൊന്നും പ്രിയപ്പെട്ടതാവട്ടെ

2

 രാവിലെ മുതൽ വൈകുന്നേരം വരെ അവരെ കൂടെ നിന്ന്, അത് കഴിഞ്ഞ് അവരുടെ വിശേഷങ്ങൾ ഓരോ അക്ഷരങ്ങളായി ടൈപ് ചെയ്ത് ഞങ്ങൾക്ക് മനസ്സിലാക്കി തരുമ്പോൾ നിങ്ങൾ അവർക്ക് വേണ്ടി എത്രത്തോളം ആത്മാർഥത കാണിക്കുന്നുണ്ടെന്ന് മനസ്സിലാക്കാൻ സാധിക്കുന്നുണ്ട്.നന്ദി 🥰

ബിന്നി ഐരാറ്റിൽ

ജി ഡബ്ല്യു എൽ പി എസ് ബേള,കാസറഗോഡ്

10

 പരുന്ത് എപ്പോഴും വട്ടത്തിലാണല്ലോ പറക്കാറ് ! എന്താ കാരണം ടീച്ചറേ?

 ഇന്ന് ചെമ്പരത്തി പൂവ് നിർമ്മാണത്തിന് പിന്തുണ ആവശ്യമില്ലാതെ എല്ലാ കുട്ടികളും ഭംഗിയായി ചെയ്തു. ചുവപ്പ് കളർ പേപ്പർ നൽകിയപ്പോൾ വീട്ടിലെ ചെമ്പരത്തി മഞ്ഞ, വെള്ള എന്നീ കളറിലാണെന്ന് പറഞ്ഞവർക്ക് അതേ കളർ പേപ്പർ നൽകി.

പൂക്കൾ എണ്ണി. സ്വന്തം നിർമ്മിച്ച പൂക്കൾ അടുത്ത ഗ്രൂപ്പിന് അവർ തന്നെ തൊട്ട് കാണിച്ചു കൊടുക്കുന്നുണ്ടായിരുന്നു.

കുഞ്ഞൻ തുള്ളി മഴത്തുള്ളി പാട്ട് ഓഡിയോ കേൾപ്പിച്ചപ്പോൾ തന്നെ  താളം പിടിച്ചു അഭിനയിക്കാൻ കഴിയുമോ ചോദിച്ചപ്പോൾ തന്നെ  ബെഞ്ചിൽ നിന്നും ഓടി വന്നുഎല്ലാവരും ക്ലാസിൽ പാട്ട് പാടി അഭിനയിച്ചു .വീഡിയോ പിടിച്ചു

നിറം മാറുന്ന പൂവ്

രക്ഷിതാക്കൾ വെള്ള പൂവ് നൽകി സഹായിച്ചു 3 ഗ്ലാസിൽ ഫുഡ് കളറിൽ പൂക്കൾ ഇട്ടു നോക്കി മാറ്റം ചെറിയ തോതിൽ മാത്രമാണ് കണ്ടത്

passing the ball വളരെ ആവേശമായി ആസ്വദിച്ചു പെയ്തു

അക്കിടി പറ്റിയ പരുന്ത്

കഥ വളരെ കൗതുകമായി. ചെറിയ കോഴിക്കുഞ്ഞിനെ ദൂരേ നിന്നും പരുന്ത് എങ്ങിനെയാ കാണുന്നത്? എന്ന ചോദ്യം എനിക്കിഷ്ട്ടമായി കാര്യം പറഞ്ഞ് മനസ്സിലാക്കി കൊടുത്തു പരുന്ത് എപ്പോഴും വട്ടത്തിലാണല്ലോ പറക്കാറ് എന്നായിരുന്നു അടുത്ത ചോദ്യം.

പരുന്തിനെ പ്രിൻറ് എടുത്തപ്പോൾ പ്രിൻ്റർ തകരാർ ആയതിനാൽ ചാർട്ടിൽ ഞാൻ വരച്ചു . അവർ അവ നോക്കി വരച്ചു കളർ ചെയ്തു

ചെറുത് വലുത് പ്രവർത്തനം ചെയ്തില്ല. പകരം ഇന്നലെ പൂർത്തിയാക്കാത്ത മീനിന് ചിറക് വാൽ നിർമ്മാണവും ചാർട്ടിൽ ഒട്ടിക്കലുമായിരുന്നു നല്ല ഭംഗിയായി പൂർത്തിയാക്കി

ഞാനിന്നൊരു കഥ പറഞ്ഞ് തന്നില്ലേ നിങ്ങൾക്ക് അറിയാവുന്ന കഥകൾ എനിക്ക് വാട്സ് ആപ്പിൽ പറഞ്ഞ് തരുമോ വീട്ടിൽ എത്തിയിട്ട് എന്ന് പറഞ്ഞിട്ടാണ് ക്ലാസ് അവസാനിപ്പിച്ചത്

GMLPS കൂമണ്ണ

11

41 പൂക്കൾ ഒന്നിച്ചു വിരിഞ്ഞപ്പോൾ ആഹാ കാണാൻ എന്തു ചേല്!

 സന്നദ്ധത പ്രവർത്തനം രണ്ടാം ദിവസം

ഇന്ന് കുട്ടികൾക്കെല്ലാം വളരെ സന്തോഷമായിരുന്നു. ആദ്യം ഇന്നലെ പഠിച്ച മഴപ്പാട്ട് പാടി. എല്ലാവർക്കും നന്നായി പാടാൻ സാധിക്കുന്നുണ്ട്. മഴത്തുള്ളി ഉരുണ്ട് ഉരുണ്ടിട്ടെങ്ങോപോയ് എന്ന പാട്ടും പാടി തിമിർത്തു. തുടർന്ന് ചെമ്പരത്തിപ്പൂവ് നിർമ്മാണം നടന്നു. ചെമ്പരത്തി പൂവിന്റെ കട്ട്ഔട്ട് കുട്ടികൾക്ക് നൽകി. കുട്ടികൾ അത് ഉപയോഗിച്ച് ചുവന്ന പേപ്പറിൽ വരച്ച് കൈകൊണ്ട് കീറിയെടുത്തു. മൂന്ന് പേർക്ക് മാത്രമേ പിന്തുണ വേണ്ടി വന്നുള്ളൂ. രണ്ടുപേപ്പറിലായി ചെമ്പരത്തിച്ചെടി വരച്ചു നൽകി. ചെടിയിൽ 41 പൂക്കൾ ഒന്നിച്ചു വിരിഞ്ഞപ്പോൾ ആഹാ കാണാൻ എന്തു ചേല്!

പരുന്തിന്റെ കഥ കുട്ടികൾ വളരെയധികം ആസ്വദിച്ചു. പരുന്തിന്റെ വിശേഷങ്ങൾ പറയാൻ അവർ തിരക്കു കൂട്ടി. കുട്ടികൾ കൂടുതൽ ആയതു A4 ന്റെ പകുതിയിലാണ് പരുന്തിന്റെ ചിത്രം പ്രിന്റടുത്ത് നൽകിയത്. എല്ലാ കുട്ടികളും വളരെ മനോഹരമായ നിറം നൽകി.

വെള്ള പൂവിന്റെ നിറം മാറുന്ന പ്രവർത്തനം കുട്ടികളിൽ ഏറെ കൗതുകം ഉണർത്തി. മഞ്ഞ,ചുവപ്പ് എന്നീ നിറങ്ങളിലേക്ക് വെള്ള പൂക്കൾ മാറിയപ്പോൾ കുട്ടികൾക്ക് ഏറെ ഇഷ്ടമായി.

ഗണിതകളി രണ്ടുപ്രാവശ്യം കളിച്ചപ്പോഴാണ് എല്ലാവർക്കും മനസ്സിലായത്. മൂന്നാമത്തെ പ്രാവശ്യം നാല് ഗ്രൂപ്പുകാരും വാശിയേറിയ  മത്സരമാണ് കാഴ്ചവെച്ചത്. 

Passing the ball ആക്ടിവിറ്റി വളരെനന്നായി തന്നെ ചെയ്യാൻ സാധിച്ചു. ഇമാജിനറി വസ്തുക്കൾ പാസ്‌ ചെയ്യാൻ അവർക്ക് യാതൊരു ബുദ്ധിമുട്ടും അനുഭവപ്പെട്ടില്ല. കളിച്ചുകളിച്ച് 4 30 ആയത് ഞങ്ങൾ അറിഞ്ഞതേയില്ല. ദേശീയഗാനം ചൊല്ലുന്നത് കേട്ടാണ് ഞങ്ങൾ കളി നിർത്തിയത്. രണ്ടാം ദിവസം ഞങ്ങൾ ഹാപ്പി😍

ഷാഹിന, ജി എം എൽ പി എസ് വടക്കാങ്ങര മങ്കട, മലപ്പുറം

 12

കഥയിൽ പ്രവചനത്തിന് സാധ്യത തുറന്നിട്ടപ്പോൾ

ഇന്ന് മണ്ണിൽ വീണ മഴത്തുള്ളിയുടെ പാട്ട് പാടി ചുവട് വെച്ചു. നിലത്ത് കിടന്ന് ഉരുളുന്നത് കാണാൻ എന്തൊരു രസമായിരുന്നു.! മനം നിറഞ്ഞ് ആസ്വദിക്കുന്നുണ്ടായിരുന്നു അവർ. പിന്നെയും പിന്നെയും ചെയ്തു ഈ പ്രവർത്തനം. 

ചെടിയിൽ ചെമ്പരത്തിപ്പൂവ് ഒട്ടിക്കുന്ന പ്രവർത്തനത്തിൽ ചെമ്പരത്തിപ്പൂവ് എങ്ങനെ മുറിച്ചെടുക്കും എന്ന് ഞാൻ ചോദ്യമിട്ടു. കത്രിക കൊണ്ട് എന്ന് മറുപടി. പക്ഷെ കത്രിയില്ല എന്തു ചെയ്യും എന്ന് ഞാൻ. കൈ കൊണ്ടു കീറിയെടുത്താൽ മതി എന്ന് സയ്യിദ് ഖാലിദ് സെഹൻ ജമലുല്ലെയ്‌ലി. അങ്ങനെ എല്ലാവരും കീറാൻ തുടങ്ങി. പല ആകൃതിയിൽ ഉള്ള ചെമ്പരത്തികൾ ഉണ്ടായിരുന്നു 😄. അതെല്ലാം അവർ തന്നെ ചാർട്ടിലെ ചെടിയിൽ ഒട്ടിച്ചു. എന്ത് ഭംഗിയായിട്ടാണ് അവർ അത് ചെയ്തത്. ഞാൻ വരച്ച ചെടിയെ ചന്തമാക്കിയത് അവരുടെ കുഞ്ഞിക്കൈകൾ കൊണ്ടു കീറിയെടുത്ത ചെമ്പരത്തികളായിരുന്നു.😍

വെള്ളപ്പൂവ് ഫുഡ്‌ കളറിൽ മുക്കിയിട്ടു. കുറേ സമയം കഴിഞ്ഞു ഞങ്ങൾ നോക്കിയപ്പോൾ നേരിയതായി മാത്രമേ നിറം മാറിയിട്ടുള്ളു. 

പരുന്തിന്റെ കഥയിൽ  ചോദ്യം ഇട്ടു. പിന്നീട് എന്ത് സംഭവിച്ചിരിക്കും എന്ന്. എല്ലാവരും കൂടി പറഞ്ഞു കോഴിക്കുട്ടിയെ പരുന്ത് കൊത്തിത്തിന്നു എന്ന്. പരുന്ത് അങ്ങനെ ചെയ്തത് നിങ്ങൾക്ക് ഇഷ്ടമായോ എന്ന് ഞാൻ. ആർക്കും ഇഷ്ടപ്പെട്ടിട്ടില്ല. എന്നാൽ പിന്നെ കോഴിക്കുഞ്ഞ് എന്താവും ചെയ്തിട്ടുണ്ടാവുക എന്ന് ചോദിച്ചപ്പോൾ സഹൽ പറയുന്നു അത് ഓടി അമ്മയുടെ അടുത്ത് പോയി ഒളിച്ചു എന്ന്. അതുമായി ബന്ധപ്പെട്ട് കുറേ സാധ്യതകൾ വന്നു. പിന്നെ മോഡ്യൂളിലെ കഥയിലൂടെ ഞാൻ അവരെ കൊണ്ടു പോയി. പരുന്തിന് ഭംഗിയായി നിറം നൽകി. അതു കഴിഞ്ഞു കളിക്കാൻ പുറത്തിറങ്ങിയപ്പോൾ ആ പരുന്ത് ആകാശത്ത് കൂടെ പറന്നു പോകുന്നത് അവർ എന്നെ വിളിച്ച് കാണിച്ചു തന്നു. വീഡിയോ എടുക്കാൻ റെഡി ആയപ്പോഴേക്ക് പരുന്ത് പോയി 😄. അത് നല്ല സന്തോഷം ഉള്ള ഒരു അനുഭവം ആയി.

കല്ല് വലിപ്പ ക്രമത്തിൽ വെക്കുന്നത് ആവേശം നിറഞ്ഞ ഒരു കളിയായിരുന്നു. പിന്നെയും പിന്നെയും കളിക്കാൻ എന്നോട് ആവശ്യപ്പെട്ടെങ്കിലും എവിടെ സമയം? സ്വതന്ത്രവേളയിൽ പാട്ടുകൾ പാടി, കഥകൾ പറഞ്ഞു. പുറത്തു പോയി ഇഷ്ടമുള്ള കളികൾ കളിച്ചു. Passing the ball കളിച്ചപ്പോൾ നല്ല സന്തോഷം. Walk walk നടത്താൻ സമയം കിട്ടിയില്ല. ഇന്നലെ നടത്താൻ കഴിയാത്ത കുമിള പറത്തൽ ഇന്ന് ചെയ്തു. പക്ഷെ കുമിള വന്നില്ല.  പാത്രം കഴുകുന്ന liquid എടുത്താൽ കുമിള വരും എന്ന് കുട്ടികൾ എനിക്ക് പരിഹാരം പറഞ്ഞു തന്നു. 

നാളെ ഞങ്ങൾ അങ്ങനെ ചെയ്യും. 

ഇന്നും നല്ല സന്തോഷം.

പ്രസന്ന എ.പി 

ജി.എൽ.പി.എസ് പലകപ്പറമ്പിൽ.

മങ്കട, മലപ്പുറം

13

രക്ഷകർത്താക്കൾ വളരെ മികച്ച അഭിപ്രായങ്ങൾ പറഞ്ഞു 🙏

 എനിക്ക് ഏറേ സന്തോഷം നിറഞ്ഞ ദിനമായിരുന്നു. ഇന്നത്തെ പ്രവർത്തനങ്ങളിൽ കുട്ടികൾ വളരെ രസിച്ചു ആസ്വദിച്ചു ചെയ്തു. രണ്ടാം ദിനം തന്നെ കുട്ടികളും, രക്ഷിതാക്കളും ഞാനും വളരെ അടുത്തു. കുമിള പറത്തൽ എന്റെ ക്ലാസിലെ വയ്യാത്ത 2 പേരുണ്ട്  അവർ വളരെ ആസ്വദിച്ചു ശ്രദ്ധയോടെ ഇരുന്നു കണ്ടു, ഇന്നുണ്ടായിരുന്ന 21 പേരും കയ്യടിച്ചു രസിച്ചു. അടുത്ത ക്ലാസ്സായ രണ്ടാം ക്ലാസ്സുകാർ ഞങ്ങൾക്കും ചെയ്യണമെന്ന് എന്നോട് ആവശ്യപ്പെട്ടു.

മീൻ നിർമ്മാണ പ്രവർത്തനം കുറച്ച് കൂടുതൽ സമയം എടുത്താണ് ചെയ്തത് കുട്ടികൾക്ക് ആസ്വാദ്യകരമായിരുന്നു. ക്ലാസ്സ് ഗ്രൂപ്പിലിട്ടപ്പോൾ രക്ഷകർത്താക്കൾ വളരെ മികച്ച അഭിപ്രായങ്ങൾ പറഞ്ഞു 🙏

Jessy Dominic

തുമ്പോളി,ആലപ്പുഴ

14

കഥാവേള തുടങ്ങി

 ഇന്ന് തുടങ്ങിയപ്പോൾ തന്നെ വീട്ടിൽ നിന്നും കഥ കൊണ്ട് വന്നു എന്ന് അവർ പറഞ്ഞു അവരുടെ കഥാവേളയ്ക്ക് ശേഷം ആണ് ക്ലാസ് തുടങ്ങിയത്. അവരുടെ കഥ മറ്റുള്ളവരുടെ മുന്നിൽ പറഞ്ഞതിൻ്റെ  അഭിമാനത്തോടെ ആയിരുന്നു ക്ലാസ്സിൽ ഇരുന്നത്. തുടർന്ന് പാട്ട് കൂടി ആയപ്പോൾ ക്ലാസ്  ഒന്നുകൂടി ഉണർവ്വ് ആയി. പൂവിൻ്റെ നിർമ്മാണം വളരെ ആവേശത്തോടെ ആണ് കുട്ടികൾ ചെയ്തത് പേപ്പർ കൈവച്ച് മുറിക്കുന്നതിൽ ആദ്യം അല്പം പ്രയാസം നേരിട്ടു . കൂടുതൽ പേപ്പർ നൽകി ആ പ്രശ്നം പരിഹരിച്ചു. ചെമ്പരത്തി പൂവ് ചെടിയിൽ നിറഞ്ഞപ്പോൾ കുട്ടികളുടെ സന്തോഷം  ഒന്ന് കാണേണ്ടത് ആയിരുന്നു. പൂവിൻ്റെ നിറം മാറൽ അല്പം സമയം എടുത്തു ചെയ്തപ്പോൾ ആണ് കുറച്ച് നിറം വെള്ളപൂവിൽ ആയത്. അതിനു ശേഷം ആ പൂവ് ആ നിറത്തിൽ തന്നെ ഇട്ടു വച്ച് . അതു മറക്കാതെ അവർ വൈകിട്ട് നോക്കി ഇച്ചിരി കൂടി നിറ വ്യത്യാസം കണ്ടപ്പോൾ എൻ്റെ മുഖത്ത് ആയിരുന്നു സന്തോഷം വിടർന്നത്. അക്കിടിപറ്റിയ പരുന്തിൻ്റെ കഥ കേട്ടപ്പോൾ പല അമളിപറ്റിയ കഥയും കുഞ്ഞു മക്കളിൽ നിന്നും വന്നു. പരുന്തിന് പല നിറങ്ങൾ നൽകിയ കൂട്ടുകാരിയോട് ഇതെന്താ നിറത്തിൽ വീണ പൂവിനെ പോലെ എന്ന് ചോദിച്ചപ്പോൾ ആണ് മുന്നേ നടത്തിയ പരീക്ഷണം വിജയിച്ചു എന്ന് എനിക്ക് ഉറപ്പായത്. 4 കുട്ടികൾ മാത്രം ആയതിനാൽ കല്ല് പറക്കുന്ന ഗെയിം ഗ്രൂപ്പിന് പകരം വ്യക്തിഗതം ആക്കി നൽകി. ഒരാൾക്ക് മാത്രം ആണ് ആദ്യം കല്ലിൻ്റെ വലുപ്പത്തിൽ സംശയം വന്നത്. കൂടുതൽ വസ്തുക്കൾ നൽകി കൂടുതൽ അവസരം നൽകിയപ്പോൾ ശരിയായി. അതിന് ശേഷം ഈ ഗെയിം ഒന്ന് കൂടി നടത്തിയപ്പോൾ ക്ലിയർ ആയി. എടുത്തു പറയേണ്ട ഒന്നാണ് കഴിഞ്ഞ ദിവസം സമയ പരിധി മൂലം മാറ്റിവച്ച കുമിള പറത്തൽ വളരെ വിജയകരമായി ചെയ്തു. കുട്ടികൾ എന്തോ വലിയ നിധി കിട്ടിയത് പോലെ ആയിരുന്നു. 

 രക്ഷിതാക്കൾ കഴിഞ്ഞ ദിവസം ഇട്ട ഗ്രൂപ്പിലെ മെസ്സേജ് വലിയ reply ഒന്നും തന്നില്ല. ഞാൻ തന്നെ അതിൽ സൂപ്പർ എന്നൊക്കെ പറഞ്ഞപ്പോൾ രണ്ടുപേർ ഇമോജി ഇട്ടു. തുടർന്ന് ഇതിൽ മാറ്റം വരും എന്ന് വിശ്വസിക്കുന്നു. 

അൻസി .N R

GLPS പാണയം 

ആറ്റിങ്ങൽ സബ്ജില്ല

15

ഓരോ ദിവസത്തെയും എല്ലാ പ്രവർത്തനങ്ങളും ചെയ്യാൻ സമയക്കുറവ് നേരിടുന്നു.

91 96452 22955: എല്ലാം വിശദമായി ചെയ്യാൻ ആഗ്രഹം ഉണ്ട്. ഓരോ ദിവസത്തെയും എല്ലാ പ്രവർത്തനങ്ങളും ചെയ്യാൻ സമയക്കുറവ് നേരിടുന്നു. എങ്കിലും കഴിയാത്ത പ്രവർത്തനങ്ങൾ പിറ്റേ ദിവസം ചെയ്ത് ഒപ്പ 'മെത്തുന്നു. പ്രവർത്തനങ്ങൾ എല്ലാം മികച്ചവ തന്നെ '👍

16

കുട്ടികളുടെ കഴിവുകൾ തിരിച്ചറിയാൻ ഏറെ സഹായിക്കുന്ന പ്രവർത്തനങ്ങൾ.

+91 91885 45883: ഇന്ന് ക്ലാസ് തുടങ്ങിയത് ഇന്നലത്തെ വീട്ടുവിശേഷം പറഞ്ഞു കൊണ്ടായിരുന്നു. 3 പേർ വീട്ടിൽ പോയി കഥ പറഞ്ഞു കൊടുത്തിട്ടുണ്ട്. പാട്ട് എല്ലാവരും പാടി കൊടുത്തു. ഞാൻ ക്ലാസിൽ എത്തിയതും അവർ മഴയുടെ പാട്ട് പാടാൻ തുടങ്ങി.

* അവർക്ക് ആദ്യത്തെ പാട്ട് വളരെ ഇഷ്ടപ്പെട്ടു. പ്രത്യേകിച്ച് ഉരുണ്ടുരുണ്ടി.... ആ വരികൾ. വൈകുന്നേരം വരെ ചൊല്ലി നടക്കുന്നുണ്ടായിരുന്നു.

* * ചെമ്പരത്തി വിചാരിച്ചതിലും ഭംഗിയാക്കി പലരും. പിന്തുണ ആവശ്യമുള്ള ഒരാൾക്ക് ആദ്യത്തേത് മുറിച്ചു കൊടുത്തു പിന്നീട് സ്വയം ചെയ്തു.

* * ചെറുതും വലുതും 2 പേർക്ക് പിന്തുണ വേണ്ടി വന്നു. ചെറിയ ചില ചോദ്യങ്ങളിലൂടെ ശരിയായി ചെയ്യാൻ സാധിച്ചു.

* കുട്ടികളുടെ കഴിവുകൾ തിരിച്ചറിയാൻ ഏറെ സഹായിക്കുന്ന പ്രവർത്തനങ്ങൾ. പരുന്തിന് നിറം നൽകുമ്പോൾ ഒരാൾ ചോദിച്ചത് ചിറകിന്റെ കളർ ഞാൻ ശ്രദ്ധിച്ചിട്ടില്ല ടീച്ചർ ഒന്നു പറഞ്ഞു തരുമോ എന്നാണ്... ഒരാൾ വളരെ മനോഹരമായി നിറം നൽകി. എല്ലാവരും വളരെ ഉത്സാഹത്തോടെ പ്രവർത്തനങ്ങൾ ഏറ്റെടുത്തു. പ്രവർത്തനങ്ങൾ ഏറെ ഉപകാരപ്രദമായവയാണ്.

17

കുട്ടികൾക്ക് ഇന്നത്തെ മഴപ്പാട്ടാണ് കൂടുതൽ ഇഷ്ടപ്പെട്ടത്

91 94962 95310: ഇന്നലത്തെ മഴപ്പാട്ടോടുകൂടിയാണ് ഇന്നത്തെ ക്ലാസ് ആരംഭിച്ചത്. പക്ഷേ കുട്ടികൾക്ക് ഇന്നത്തെ മഴപ്പാട്ടാണ് കൂടുതൽ ഇഷ്ടപ്പെട്ടത്. ചെടിയെ ഭംഗിയാക്കാം എന്നുള്ള പ്രവർത്തനം അവർക്ക് വളരെയധികം ഇഷ്ടപ്പെട്ടു. പരുന്തിന്റെ കഥയും അവർക്ക് വളരെയധികം ഇഷ്ടപ്പെട്ടു. ഭംഗിയായി നിറം നൽകുകയും ചെയ്തു. നിറം മാറുന്ന പൂവ് എന്ന പ്രവർത്തനത്തിൽ പൂക്കളുടെ നിറത്തിൽ ചെറിയ മാറ്റം ഉണ്ടായല്ലോ.പക്ഷേ അത് കഴുകിയാൽ പോകും എന്നാണ് അൻദേവിക അഭിപ്രായപ്പെട്ടത്

.