ആത്മവിശ്വാസത്തോടെ തേവലപ്പുറം സ്കൂള്‍ സമൂഹത്തിനു മുമ്പാകെ ...

"ഞാന്‍ വെല്ലുവിളിക്കുകയാണ്. എന്റെ മക്കളെ നിങ്ങള്‍ക്ക് പരിശോധിക്കാം. ഏതു കാര്യങ്ങള്‍ നിങ്ങള്‍ പറഞ്ഞാലും അതവര്‍ എഴുതിയും വായിച്ചും പറഞ്ഞും നിങ്ങളെ ബോധ്യപ്പെടുത്തും.....ഒരാശങ്കയുമില്ലാതെ.. ചമ്മലൊട്ടുമില്ലാത്ത രീതിയില്‍.. അത്തരമൊരവസ്ഥയിലേക്ക് എന്റെ കുട്ടികളെ എത്തിക്കാന്‍ കഴിഞ്ഞതിനു പിന്നില്‍ ഒന്നാം ക്ലാസ് കൈകാര്യം ചെയ്യുുന്ന സീനടീച്ചറാണെന്ന കാര്യം എനിക്ക് അഭിമാനത്തോടെ പറയാന്‍

കഴിയും..എന്റെ സഹപ്രവര്‍ത്തകരായ ഓരോ ടീച്ചറെക്കുറിച്ചും എനിക്കു പറയാനുണ്ട്. ഞങ്ങളുടെ മനോജ്, ഏതെങ്കിലും ഒരു പത്രത്തില്‍ ഒരു പ്രവര്‍ത്തനം കണ്ടാല്‍ അതു ഞങ്ങളുടെ കുഞ്ഞുങ്ങള്‍ക്കെങ്ങനെ പ്രയോജനപ്പെടുത്താം, പൊതുസമൂഹവുമായി നമ്മുടെ വിദ്യാലയത്തെ ഏതെല്ലാം തരത്തില്‍ ബന്ധപ്പെടുത്താം എന്നെപ്പോഴും ആലോചിക്കുന്ന ശ്രീ മനോജ് സാര്‍, കുട്ടികളുടെ പഠനോല്പന്നങ്ങള്‍ വളരെ മോനഹരമായി പ്രദര്‍ശിപ്പിക്കാനും മനോജ് സാര്‍ ഉത്സാഹം കാണിക്കുന്നു. ലതടീച്ചര്‍, ഓരോ കുട്ടിയുടേയും കുടംബസാഹചര്യം അറിഞ്ഞ് കുട്ടികളെ അറിഞ്ഞ് പ്രവര്‍ത്തിക്കുന്നതില്‍ മിടുക്കുളള അധ്യാപികയാണ്. ഇതുപോലെ ഭംഗിയായി പ്രവര്‍ത്തിക്കുന്ന അധ്യാപകരെ ഞാന്‍ കണ്ടിട്ടില്ല.സുശീല ടീച്ചറിന്റെയും നയനട്ടീച്ചറിന്റെയും ദേവപ്രിയ ടീച്ചറിന്റെയും പ്രവര്‍ത്തനം കലാരംഗത്ത് മികച്ച പ്രകടനം നടത്താന്‍ സഹായകമായി.”

തേവലപ്പുറം ഗവ എല്‍ പി സ്കൂളിലെ പ്രഥമാധ്യാപികയായ സീനത്ത് ടീച്ചര്‍, സമീപത്തെ വായനശാലയുടെ മുറ്റത്ത് ചേര്‍ന്ന കോര്‍ണര്‍ പി ടി എയില്‍ പങ്കെടുത്ത നാട്ടുകാരോട് തന്റെ വിദ്യാലയത്തിന്റെ കരുത്ത് പ്രഖ്യാപിക്കുക്കയാണ്. ആത്മവിശ്വാസത്തോടെ ചങ്കുറപ്പോടെ തന്റെ വിദ്യാലയത്തിലെ മികച്ച അധ്യാപനത്തെക്കുറിച്ച് പരസ്യമായി പറയാന്‍ കഴിയുക വലിയൊരു കാര്യമാണ്. സീനത്ത് ടീച്ചറുടെ പ്രസംഗം അതേ പോലെ ഇവിടെ പകര്‍ത്തുകയാണ്..

വിദ്യാലയം കാണാന്‍ കുരുന്നുകളെത്തി

അടുത്ത വര്‍ഷം ചേരേണ്ട വിദ്യാലയത്തെ ഒന്നു കണ്ടു ബോധ്യപ്പെടാനാണവര്‍ വന്നത്.

വ്യത്യസ്തവും ആവേശകരവുമായിരുന്നു ആ വിരുന്നുവരവ്

കരുന്നുകള്‍ വന്ന് ഒന്നാം ക്ലാസിലെ കാഴ്ചകള്‍ കണ്ടു

• ചുമരുനിറയെ ആകര്‍ഷകമായ ചിത്രങ്ങള്‍
• കോര്‍ണര്‍ ഷെല്‍ഫുകളില്‍ സചിത്രപുസ്തകങ്ങള്‍
• ക്ലാസിന്റെ പിന്നില്‍ നിറയെ കുട്ടികള്‍ വരച്ചതും ശേഖരിച്ചതും നിര്‍മിച്ചതുമായ ഉല്പന്നങ്ങള്‍
• ബിഗ് പിക്ചറില്‍ കൗതുകം
• വലിയ മൂന്നു ബോര്‍ഡുകള്‍ ഒന്ന് വെളള. ഒന്നു കറുപ്പ്, മറ്റൊന്ന് ചുവപ്പ്
• നിരവധിപഠനോപകരണങ്ങള്‍

വിസ്മയം കൊണ്ട് കണ്ണുകള്‍ വിടര്‍ന്നു .

പിന്നെ സൈക്കളുകളില്‍ ഒരു സവാരി

ടീച്ചറുമാരുടെ കുശലം പറച്ചിലില്‍ മാധുര്യം

അമ്മമാര്‍ ചോദിച്ചു- ഇഷ്ടമായോ?

കുട്ടികള്‍ അമ്മമാരോട് പറഞ്ഞു.

കൊളളാം,ഇഷ്ടപ്പെട്ടു

ഇന്നലെ പത്തു കുട്ടികളുടെ അമ്മമാര്‍ സമ്മതപത്രം എഴുതിക്കൊടുത്തു

പ്രവേശനോത്സവത്തിനുമുമ്പുളള വിദ്യാലയം കാണല്‍ പരിപാടി പുതുമനിറഞ്ഞത്.

ജില്ലാ പഞ്ചായത്ത് വൈസ് പ്രസിഡന്റ് ശ്രീമതി രേജേശ്വരിയും ഈ മംഗളമുഹൂര്‍ത്തത്തിനു സാക്ഷ്യം വഹിക്കാനുണ്ടായിരുന്നു.

ആലപ്പുഴ ജില്ലയിലെ കലവൂര്‍ ടാഗോര്‍ മെമ്മേറിയല്‍ പഞ്ചായത്ത് എല്‍ പി സ്കൂളിലാണ് ഈ പ്രവര്‍ത്തനം നടന്നത്. അവധിക്കാല കുഞ്ഞിക്കൂട്ടം ക്യാമ്പ് നടത്താനുളള ആലോചനയിലാണ് സ്കൂള്‍. ജനകീയമോണിറ്ററിംഗിന്റെ അണിയറ പ്രവര്‍ത്തനങ്ങളാരംഭിച്ചത്രേ.

( ഈ വിദ്യാലയത്തെക്കുറിച്ചുളള നാലാമത്തെ പോസ്റ്റാണിത് )

ഈ പരീക്ഷണമേളയില്‍ എല്ലാവര്‍ക്കും അവസരം

എല്ലാവര്‍ക്കും അവസരം എന്നത് അവകാശമാണ്. ഓരോ കുട്ടിയേയുും പരിഗണിക്കുന്ന വിദ്യാലയങ്ങളുണ്ട്. എല്ലാവര്‍ക്കും ശാസ്ത്രപരീക്ഷണാനുഭവം ഒരുക്കി കുടശ്ശനാട് ഗവ എസ്‍ വി എച് എസിലെ എല്‍ പി വിഭാഗം മാതൃകകാട്ടി.അതിന്റെ വിശദാംശങ്ങള്‍ വായിക്കൂ....

ലഘുപരീക്ഷണ മേള

ഗവ എസ് വി എച്ച് എസ് കുടശ്ശനാട്

( എല്‍ പി വിഭാഗം)

ലക്ഷ്യങ്ങള്‍

1. എല്‍ പി വിഭാഗം വിദ്യാര്‍ഥികളില്‍ ശാസ്ത്രപരീക്ഷണ നൈപുണി വികസിപ്പിക്കുക
2. ശാസ്ത്രപഠനതാല്പര്യം വളര്‍ത്തുക
3. ഒന്നു മുതല്‍ നാലുവരെ ക്ലാസുകളിലെ എല്ലാ കുട്ടികള്‍ക്കും പരീക്ഷണം ചെയ്യുന്നതിന് അവസരം സൃഷ്ടിക്കുക

പ്രവര്‍ത്തനങ്ങള്‍

1. എസ്‍ ആര്‍ ജിയില്‍ ഓരോ ക്ലാസിലേക്കുമുളള പരീക്ഷണങ്ങള്‍ നിശ്ചയിച്ചു
2. ഓരോ കുട്ടിയും ഏതു പരീക്ഷണം ചെയ്യണമെന്നു ക്ലാസുകളില്‍ ധാരണയായി.
3. 
   അതത് ക്ലാസുകളിലെ കുട്ടികള്‍ക്ക് പരീക്ഷണം ചെയ്യുന്നതിന് അവസരം ഒരുക്കി
4. പരീക്ഷണമേളയില്‍ വിശദീകരിക്കുന്നതിനും ചാര്‍ട്ട് തയ്യാറാക്കുന്നതിനും കുട്ടികളെ സജ്ജമാക്കി
5. യു പി വിഭാഗത്തിലെയും ഹൈസ്കൂളിലേയും കുട്ടികളെ ലഘുപരീക്ഷണമേള കാണുന്നതിനു ക്ഷണിച്ചു
6. 28/10/2014 ന് എല്‍ പി വിഭാഗത്തിനായി നടത്തിയ ലഘുപരീക്ഷണ മേള നടത്തി

   ക്രമനമ്പര്‍	ക്ലാസ്	കുട്ടികളുടെ എണ്ണം	പരീക്ഷണങ്ങളുടെ എണ്ണം
   1	IV	26	26
   2	III	13	13
   3	II	9	9
   4	I	13	13
   ആകെ		61	61

നേട്ടങ്ങള്‍

1. കുട്ടികള്‍ക്ക് വളരെയേറെ താല്പര്യവും അറിവും നല്കുന്നതായിരുന്നു എല്‍ പിയിലെ ഓരോ കുട്ടിയ്ക്കും ഓരോ ലഘുപരീക്ഷണം എന്ന രീതിയില്‍ എല്ലാവരേയും പങ്കെടുപ്പിച്ചുകൊണ്ടുള്ള ഈ മേള.
2. ശാസ്ത്രമേളകളില്‍ മിടുക്കന്‍മാര്‍ക്കു മാത്രം ലഭിച്ചിരുന്ന ഈ അപൂര്‍വ്വ അവസരം എല്ലാവര്‍ക്കും ലഭ്യമാക്കിയത് ഈ മേളയുടെ പ്രത്യേകതയായി കരുതുന്നു.
3. ശാസ്ത്രപരീക്ഷണങ്ങള്‍ മുതിര്‍ന്ന ക്ലാസുകളിലെ കുട്ടികളോടു വിശദീകരിക്കുവാന്‍ എല്ലാവര്‍ക്കും കഴിഞ്ഞു എന്നത് വലിയൊരു നേട്ടമാണ്.
4. ശാസ്ത്ര പരീക്ഷണങ്ങള്‍ നടത്താനുള്ള കൗതുകം അത്ഭുതാവഹമായിരുന്നു.
5. ഓരോ കുട്ടിയും അവന്റെയും കൂട്ടുകാരുടേയും പരീക്ഷണവും പരീക്ഷണരീതിയും നിരീക്ഷണങ്ങളും ഇപ്പോഴും വ്യക്തമായി ഓര്‍മ്മിക്കുന്നുണ്ട്. ശാസ്ത്ര തത്വങ്ങളും.
6. മേള സന്ദര്‍ശിച്ച യു പി ക്ലാസിലെ കുട്ടികള്‍ക്കും വളരെ പ്രയോജനപ്രദമായി.
7. ഈ മേള ശാസ്ത്രത്തിന്റെ വിസ്മയകരമായ ലോകത്തേക്ക് കുട്ടികളെ നയിക്കുന്നതിനു സഹായിച്ചു

അനുബന്ധം -ഓരോ ക്ലാസിലേയും ഓരോ കുട്ടിയും ചെയ്ത പരീക്ഷണങ്ങളുടെ വിശദാംശങ്ങള്‍

ക്ലാസ് നാലു്