രണ്ടാം ദിവസം
സൂചിത്തുമ്പി
പാട്ടരങ്ങ്
10
മിനിറ്റ്
എല്ലാദിവസവും ക്ലാസ് ആരംഭിക്കുന്നത് ഉറുമ്പുപാട്ട് പാടിക്കൊണ്ടാകണം. ലാ ലാലാ ലാലലേ..
പുസ്തകം നോക്കി വരികള് പാടി ഏറ്റു പാടുന്ന രീതി സ്വീകരിക്കാം
കൂടുതല് പേര്ക്ക് വായനയ്ക് അവസരം
കൂടുതല് പിന്തുണ ആവശ്യമുള്ളവരും വായിച്ചുവെന്ന് ഉറപ്പാക്കണം.
പ്രവര്ത്തനം മൊഴിക്കിലുക്കം റിഹേഴ്സല് അവതരണം
പഠനലക്ഷ്യങ്ങള്
തന്നിരിക്കുന്ന കഥ സ്വന്തമായി വായിച്ച് ആശയം ഗ്രഹിച്ച് ചോദ്യങ്ങള്ക്ക് ഉത്തരം കണ്ടെത്തുന്നു.
പ്രതീക്ഷിത സമയം- മൂന്ന് പിരീഡ്
ഘട്ടം ഒന്ന്
വായനയും കണ്ടെത്തലും
തുമ്പിവിമാനങ്ങള് എന്നതിനെ പാഠമെന്നതിലുപരി ബാലസാഹിത്യരചനയായി കാണണം. ബാലസാഹിത്യ വായനയിലേക്ക് ശ്രദ്ധ ക്ഷണിക്കാന് പലമാര്ഗങ്ങളുണ്ട്
ചിത്രത്തെ ആസ്പദമാക്കി ജിജ്ഞാസ ഉണര്ത്തുന്ന ചോദ്യങ്ങള്
ഏതെങ്കിലും കഥാസന്ദര്ഭം സൂചിപ്പിച്ച് എന്തായിരിക്കും സംഭവിച്ചതെന്ന് ചോദിക്കല്
കുറച്ച് ഭാഗം പറഞ്ഞ് ബാക്കി പ്രവചിക്കാന് ആവശ്യപ്പെടലും അതാണോ സംഭവിച്ചതെന്ന് കണ്ടെത്താനുള്ള വായനയും
…………………………………………..
കടുവത്തുമ്പി
കല്ലന്
തുമ്പി,
കടുവത്തുമ്പി,
സൂചിത്തുമ്പി
എന്നിവയുടെ ചിത്രം കാണിച്ച്
അവയെ പരിചയപ്പെടുത്തുന്നു.
തുടര്ന്ന് പാഠപ്പുസ്തകം പേജ് 133 ലെ അവസാനഭാഗം വായിക്കുന്നു
പറന്നുചെന്ന കടുവത്തുമ്പി വടിവാലുകൊണ്ട് ഒറ്റയടി
കല്ലന് തുമ്പി ഒഴിഞ്ഞുമാറി.
ഊഞ്ഞാല് വള്ളിയില്ത്തട്ടി വടിവാല് ഒടിഞ്ഞുതൂങ്ങി.
എന്തിനായിരിക്കും കടുവത്തുമ്പി കല്ലന് തുമ്പിയെ അടിച്ചത്?
വാല് ഒടിഞ്ഞുതൂങ്ങിയ കടുവത്തുമ്പി പിന്നെ എന്തുചെയ്തുകാണും?
പ്രതികരണങ്ങള്
ശരി വായിച്ചുകണ്ടെത്താം
രണ്ടുപേരുടെ ഗ്രൂപ്പാക്കുന്നു. പേജ് 132. 133 വായിച്ച് എന്താണ് സംഭവിച്ചതെന്ന് കണ്ടെത്തണം. ചിത്രങ്ങളുമായി വരികളെ ബന്ധിപ്പിക്കണം. പൂരിപ്പിക്കാനുള്ളത് പൂരിപ്പിക്കണം. ഏതെങ്കിലും അക്ഷരം പരിചയമില്ലാത്തത് വന്നാല് ടീച്ചറുടെ സഹായം തേടണം.
ഒരാള് ഒരു ഭാഗം വായിച്ചാല് ബാക്കി അടുത്തയാല് വായിക്കണം.
കൂടുതല് പിന്തുണവേണ്ടവരുമായി ടീച്ചര് ഒത്തിരിക്കുന്നു.
എങ്ങനെയാണ് അവരുമായി ഒത്തുവായന നടത്തുക?
ഒരാള് ഒരു വാക്യം വായിക്കാന് ശ്രമിക്കുന്നു. ഉദാ-സൂചിത്തുമ്പി പറന്നുവുന്നു. ആ വാക്യത്തിലെ ഏതെങ്കിലും അക്ഷരം അറിയാത്തതുണ്ടോ എന്ന് ആദ്യം
കല്ലന്തുമ്പി
പരിശോധിച്ച ശേഷം ഉണ്ടെങ്കില് അത് ചൂണ്ടിക്കാട്ടണം. മ്പി. ടീച്ചര് കമ്പി എന്നെഴുതി ക- മ്പി വായിച്ച് തെളിവനുഭവം നല്കുന്നു. കുട്ടി വായിക്കുന്നു. കുട്ടി സാവധാനം വായിക്കണം സ എന്നാണ് പറയുന്നതെങ്കില് സയാണോ സൂ ആണോ എന്ന് ചോദിക്കാം. ചിഹ്നം ചേര്ത്ത് വായിക്കാനാണ് പിന്തുണ നല്കേണ്ടത്.ഇങ്ങനെ പിന്തുണയോടെ ഒരാള് വായിച്ച ശേഷം ടീച്ചര് ആ വാക്യം വായിച്ച് അടുത്ത വാക്യവും ഓരോ അക്ഷരത്തിനും ഊന്നല് നല്കി സാവധാനം വായിക്കും. അപ്പോള് വിരലോടിച്ച് എല്ലാവരും ഒത്തുവായിക്കണം
അതിനടുത്ത വാക്യമാണ് അടുത്തയാള് വായിക്കേണ്ടത്. അടുത്ത വാക്യം വലുതാണെങ്കില് ആദ്യത്തെ ഒന്നോ രണ്ടോ വാക്കുകള് കുട്ടി വായിക്കാന് ശ്രമിച്ചാല് മതി. കുളക്കരയിലെ ഇലത്താവളത്തില് എന്നത് വരെ സഹായം പിന്നീടുള്ള ഹെലിക്കോപ്ടര് പോലെ എന്നത് ടീച്ചര് വായിക്കും സൂചിത്തുമ്പി എന്നത് കുട്ടി വായിക്കും പറന്നിറങ്ങി എന്നതും ടീച്ചര് വായിക്കും. തുടര്ന്ന് എല്ലാവരും ചേര്ന്ന് ആ വാക്യം വായിക്കും
ഒന്നിടവിട്ട വാക്യങ്ങള് ടീച്ചറാണ് വായിക്കുക
എല്ലാവര്ക്കും കൂട്ടിവായനയില് വ്യക്തിഗത പിന്തുണ നല്കുന്ന രീതിയാണ്.
സൂചിത്തുമ്പി, കടുവത്തുമ്പി എന്നിങ്ങനെ ആവര്ത്തിച്ചു വരുന്ന വാക്കുകള് കണ്ടെത്തി അടിവരയിടാന് നിര്ദ്ദേശിക്കാം.
ചിത്രവുമായി വാക്യങ്ങളെ ബന്ധപ്പെടുത്താം. ഉദാ അതിന്റെ കാലുകളില് ഒരു കൊതുകിനെ ഇറുക്കിപ്പിടിച്ചിരുന്നു എന്ന വാക്യത്തിന് ബ്രാക്കറ്റിട്ട് ഒന്നാം ചിത്രവുമായി വരച്ച് യോജിപ്പിക്കാം.
(മറ്റു പഠനക്കൂട്ടത്തിന്റെ പ്രവര്ത്തനം പൂര്ത്തിയായാല് രണ്ടംഗ വായനക്കൂട്ടത്തെ നാലംഗ വായനക്കൂട്ടമാക്കണം. ചിത്രവും വരികളും തമ്മില് ബന്ധിപ്പിക്കുന്ന പ്രവര്ത്തനം നിര്ദ്ദേശിക്കണം ഓരോ ആളും ഓരോ പേജ് വീതം വായിക്കുന്നതിനും നിര്ദ്ദേശിക്കണം)
കൂടുതല് പിന്തുണ ആവശ്യമുള്ളവരുടെ പഠനക്കൂട്ടത്തില് എല്ലാവര്ക്കും ഓരോ വാക്യം വീതം സഹായത്തോടെ വായിക്കാന് അവസരം കിട്ടിക്കഴിഞ്ഞാല് ബാക്കി ഭാഗം ടീച്ചര് വായിക്കുകയും വിട്ടുപോകുന്ന വാക്കുകള് കുട്ടികള് കൂട്ടിച്ചേര്ക്കുകയും ചെയ്താല് മതി. ഉദാഹരണത്തിന് മഞ്ഞ യൂണിഫോമിട്ട …………..പാറി……
ഡ്രും ഡ്രും എന്നത് എല്ലാവരും പൂരിപ്പിക്കണം.
പിന്തുണബുക്കിലെഴുതിക്കാണിക്കണം.
കടുവത്തുമ്പിയുടെ ചിത്രത്തിനടുത്ത് കടുവത്തുമ്പി എന്ന് എഴുതിക്കണം. ത ഇരട്ടിച്ചു എന്ന് ഉറപ്പാക്കണം.
ഘട്ടം രണ്ട്
മൊഴിക്കിലുക്കം അവതരണത്തിന് റിഹേഴ്സല്
മൂന്ന് പേര് വീതമുള്ള പഠനക്കൂട്ടമാക്കുന്നു.
പാഠത്തെ പല ഭാഗങ്ങളാക്കി എല്ലാവരും പുസ്തകത്തില് നമ്പരിടുന്നു.
പേജ് 132 - മൂന്ന് ഭാഗങ്ങള് (1,2,3)
പേജ് 133 - മൂന്ന് ഭാഗങ്ങള് (4,5,6)
പേജ് 134 - രണ്ട് ഭാഗങ്ങള് (7, 8)
പേജ് 135 - മൂന്ന് ഭാഗങ്ങള് (9, 10,11)
തുടര്ന്ന് ക്ലാസിലെ കുട്ടികള് ഒന്ന് മുതല് പതിനൊന്ന് വരെ നമ്പരെടുക്കുന്നു.
ഓരോ പഠനക്കൂട്ടത്തിലും ക്രമമായി നമ്പര് വന്നതിന് ശേഷം അടുത്ത പഠനക്കൂട്ടം എന്ന രീതിയിലാണ് നമ്പരെടുക്കേണ്ടത്.
തങ്ങള്ക്ക് കിട്ടിയ നമ്പര് പ്രകാരമുള്ള ഭാഗം ക്രമമായി ഭാവാത്മകമായി വായിച്ച് അവതരിപ്പിക്കണം. ഇതിനായി പഠനക്കുട്ടത്തില് റിഹേഴ്സല് നടത്തണം.
പരസ്പരം സഹായിക്കണം
ക്ലാസിലെ ഒരു കുട്ടി ആമുഖം അവതരിപ്പിക്കണം. ചര്ച്ചയിലൂടെ ആശയം രൂപപ്പെടുത്തണം. കാണാതെ പഠിച്ചു പറയാതെ മനസ്സില് നിന്നും വരുന്ന രീതിയില് അവതരിപ്പിക്കണം.
പ്രിയപ്പെട്ട രക്ഷിതാക്കളേ
ഞങ്ങള് ഒന്നാം ക്ലാസുകാര് മൊഴിക്കിലുക്കത്തിന്റെ ഭാഗമായി കഥ വായിച്ച് അവതരിപ്പിക്കുകയാണ്. ഓരോ ഭാഗം ഓരോരുത്തര് എന്ന രീതിയിലാണ് അവതരണം
എല്ലാവര്ക്കും സ്വാഗതം.
തുടര്ന്ന് ക്രമമായി വായിച്ച് അവതരിപ്പിക്കണം
ഉച്ചഭാഷിണി സൌകര്യമുള്ള വിദ്യാലയങ്ങള് അത് പ്രയോജനപ്പെടുത്തണം.
ഘട്ടം മൂന്ന്
ക്ലാസ് വായനക്കൂടാരത്തിലുള്ള ബാലസാഹിത്യകൃതി ഓരോ പഠനക്കൂട്ടത്തിന് നല്കുന്നു. അവ ഭാഗങ്ങളാക്കി വിഭജിച്ച് റിഹേഴ്സല് നടത്തി അടുത്ത ദിവസം ക്ലാസില് അവതരിപ്പിക്കണം.
ഘട്ടം നാല്
വീട്ടില് വച്ച് കഥപുസ്തകം തനിയെ വായിച്ച് മൊബൈലില് പകര്ത്തി ക്ലാസ് വാട്സാപ്പ് ഗ്രൂപ്പില് പങ്കിടണം
വായനയില് സഹായം വേണ്ടവര്ക്ക് പിന്തുണവായനാവസരം ഒരുക്കണം.
