ക്ലാസ് പത്രപ്രദര്‍ശനം പരിശീലനാനുഭവമായി

 പ്രഥമാധ്യാപകര്‍ക്ക് വേണ്ടി മാവേലിക്കര ഉപജില്ലയില്‍ നടത്തിയ പരിശീലനപരിപാടിയിലെ ആദ്യ സെഷന്‍ പുതുമയയുളളതായി.  
വിവിധ വിദ്യാലയങ്ങള്‍ പ്രസിദ്ധീകരിച്ച ക്ലാസ് പത്രങ്ങളുടേയും സ്കൂള്‍ പത്രങ്ങളുടേയും പ്രദര്‍ശനമാണ് പരിശീലന തന്ത്രമെന്ന നിലയില്‍ വിജയം കണ്ടത്. 
50 പത്രങ്ങളാണ് പ്രദര്‍ശിപ്പിക്കപ്പെട്ടത്.

നവംബര്‍മാസം ഡയറ്റിന്റെ നേതൃത്വത്തില്‍ നടന്ന പ്രഥമാധ്യാപകപരിശീലനത്തിലാണ് ക്ലാസ് പത്രങ്ങളുടെ സാധ്യത പരിചയപ്പെടുത്തിയത്

• ക്ലാസ് മികവുകള്‍ സമൂഹത്തിലെത്തിക്കുന്നതിന്
• ക്ലാസ് പി ടി എ യില്‍ പങ്കിടുന്നതിന്
• വിദ്യാര്‍ഥികളുടെ രചനാപരമായ കഴിവ് വികസിപ്പിക്കുന്നതിന്
• എഡിറ്റിംഗിലുളള നൈപുണി വികസിപ്പിക്കുന്നതിന്
• വായനയിലെ പിന്നാക്കാക്കാര്‍ക്ക് താല്പര്യജനകമായ വായനാസാമഗ്രി എന്ന നിലയില്‍ ഉപയോഗിക്കുന്നതിന്
• പ്രാദേശികപാഠമെന്ന നിലയില്‍ പ്രയോജനപ്പെടുത്തുന്നതിന്
• വിദ്യാലയ പ്രവര്‍ത്തനങ്ങളുടെ ഡോക്യുമെന്റേഷന്
• വിദ്യാലയമികവുകള്‍ അക്കാദമിക യോഗങ്ങളില്‍ പങ്കിടുന്നതിന്
• കമ്പ്യൂട്ടറില്‍ മലയാളം ടൈപ്പ് ചെയ്യുന്നതിനുളള അധ്യാപകരുടെ ശേഷി വികസിപ്പിക്കുന്നതിന്

വൈവിധ്യമുളള പത്രങ്ങളാണ് വിദ്യാലയങ്ങള്‍ പങ്കിട്ടത്

സ്രാവുകള്‍ ആളുകളായിരുന്നെങ്കില്‍- സ്കൂളുകള്‍ക്കെതിരെ ഒരു താക്കീത്

 

ഈ വീഡിയോ കൂടി കാണുക

https://www.youtube.com/watch?v=s7EQ9Svfxis

സീനത്ത് ടീച്ചറുടെ വിദ്യാലയത്തില്‍

തേവലപ്പുറം എല്‍ പി സ്കൂളിലേക്കുളള വഴി ചോദിച്ച് രണ്ടാം കുറ്റിയില്‍ നിന്നും തിരിഞ്ഞു. റോഡിന്റെ ഇടതുവശത്താണ് വിദ്യാലയം. വണ്ടി വലിയ ഒരു കമാനം കടന്നു മുന്നോട്ടുപോയി. തേവലപ്പുറം എന്ന ബോര്‍ഡായിരുന്നല്ലോ അത്. ചെറിയ ഇടറോഡ്. പ്രധാനറോഡില്‍ നിന്നാല്‍ തന്നെ കാണാം ആകാശനീലയുടെ കുളിര്‍മയുളള ഒരു വിദ്യാലയം. ആകര്‍ഷകം. സമുദ്രത്തിന്റെ പ്രമേയമാണ് സ്കൂള്‍ ഭിത്തിയില്‍. ആ നീലിമയും പ്രമേയവും തെരഞ്ഞെടുത്തത് നന്നായി. ബാല ( വിദ്യാലയം പഠനോപകരണം ) എന്ന ആശയം വികൃതമാക്കപ്പെട്ടിട്ടില്ല.
ആദ്യം കണ്ടത് പുസ്തകത്തൊട്ടിലാണ്. ഉച്ചവായനയ്കാണ് ഈ തൊട്ടില്‍. വായനക്കാര്‍ കൂടുമ്പോള്‍ ഓഫീസില്‍ കയറാം. പ്രഥമാധ്യാപികയുടെ മുറിയില്‍ പുസ്തകങ്ങള്‍ തരം തിരിച്ചുവെച്ചിട്ടുണ്ട് വായിക്കാം.
ഞാന്‍ ഓഫീസ് റൂമിലേക്ക് കയറി.അവിടെ കുട്ടികളുടെ ഉല്പന്നങ്ങളും പുരസ്കാരങ്ങളും .ഒന്നു രണ്ടു ചാര്‍ട്ടുകള്‍ കണ്ണിലുടക്കി. ഒന്നിതായിരുന്നു. എല്ലാവര്‍ക്കും എ ഗ്രേഡ്. ഈ ലക്ഷ്യം എത്രമാത്രം നേടി? ഞാന്‍ സീനത്ത് ടീച്ചറോടു ചോദിച്ചു.

നാടിന് നവ്യാനുഭവമായി സ്കൂളിന്റെ സൗഹൃദസംഗമം

വെട്ടിയാര്‍ ഗവ മുഹമ്മദന്‍ എല്‍ പി സ്കൂളിലെ പ്രഥമാധ്യാപിക വിളിച്ചു

ഈ സ്കൂള്‍ വരെ വരുമോ

എന്തിനാണ് ടീച്ചര്‍?

കോര്‍ണര്‍ പിടി എ സംഘടിപ്പിക്കുന്നതിനെക്കുറിച്ച് ആലോചിക്കാനാണ്

എനിക്ക് ക്രിസ്തുമസ് അവധിക്കേ സമയം കിട്ടൂ . എന്തു ചെയ്യും?

സാരമില്ല അവധിക്കും ഇവിടുത്തെ അധ്യാപകരെത്തും

ആ മറുപടി പ്രധാനം. ഞാന്‍ ഡിസംബര്‍ ഇരുപത്തിനാലാം തീയതി സ്കൂളിലെത്തി

രാവിലെ തന്ന എല്ലാ അധ്യാപകരും വന്നിട്ടുണ്ട്

എസ് എം സി ചെയര്‍പേഴ്സണ്‍ വരാന്‍ അല്പം വൈകും

പി ടി എ വൈസ് പ്രസിഡന്റ് പന്ത്രണ്ടുമണിക്കകം എത്തിച്ചേരും
മുന്നേറാന്‍ മനസുളള വിദ്യാലയം

വിദ്യാലയസൗഹൃദസംഗമം

ഡയറ്റ് സമ്പൂര്‍ണ ഗുണമേന്മാ വിദ്യാലയമാനേജ്മെന്റ് പദ്ധതി നടപ്പിലാക്കുന്ന വിദ്യാലയമാണത്. വിദ്യാലയവും സമൂഹവും തമ്മിലുളള ബന്ധത്തില്‍ ഗുണപരമായ മാറ്റം ഉണ്ടാക്കുക എന്ന ലക്ഷ്യത്തോടെയാണ് കോര്‍ണര്‍ പി ടി എ നടത്താന്‍ സ്കൂള്‍ ആഗ്രഹിക്കുന്നത്

പുതുവത്സരദിനത്തില്‍ തന്നെ പരിപാടി എന്നു തീരുമാനിച്ചു

കോര്‍ണര്‍ പി ടി എയില്‍ ഒതുങ്ങാതെ അല്പം വിപുലമാക്കി നാടിന്റെ ആഘോഷമാക്കാമോ?

എന്റെ ചോദ്യത്തിന് അനുകൂലമായ പ്രതികരണം

പിന്നെ വളരെ വേഗമായി ആസൂത്രണം

വിദ്യാലയസൗഹൃദസംഗമത്തിലേക്ക് ആലോചന വളര്‍ന്നു

ക്ലാസ് പി ടി എയില്‍ എന്താണ് പങ്കിടേണ്ടത്?

ചൂണ്ടുവിരലിലെ കഴിഞ്ഞ ലക്കം കുറിപ്പിനോട് പ്രതികരിച്ച് ശ്രീ അലി ഇങ്ങനെ ചോദിച്ചു

"ക്ലാസ് പി ടി എയില്‍ ഓരോ വിദ്യാര്‍ഥിയുടെയും പഠനപ്രശ്‌നങ്ങള്‍ വിലയിരുത്താറുണ്ടോ?ആ വിലയിരുത്തലുകള്‍ ഓരോ രക്ഷിതാവിനെ എങ്ങിനെയാണ് ബോധ്യപ്പെടുത്താറുള്ളത്?.ബിഎഡില്‍ അനക്‌ഡോട്ട് റെക്കോര്‍ഡിനെ കുറിച്ചൊക്കെ കേട്ടിരുന്നു.ഈ രീതി തുടരുന്ന സ്‌കൂളുകള്‍ ഉണ്ടോ...താങ്കളുടെ അനുഭവം പങ്കുവെക്കുമല്ലോ...”

ക്ലാസ് പി ടി എയില്‍ എന്താണ് പങ്കിടേണ്ടത്?

വിദ്യാഭ്യാസ അവകാശനിയമത്തില്‍, പങ്കിടേണ്ട കാര്യങ്ങളെന്തെല്ലാമെന്ന് കൃത്യമായി സൂചിപ്പിച്ചിട്ടുണ്ട്

1. കുട്ടികളുടെ ഹാജര്‍ നില
2. പഠനപുരോഗതി
3. പഠനശേഷി
4. കുട്ടിയെ സംബന്ധിക്കുന്ന മറ്റു വിവരങ്ങള്‍

അതായത് കുട്ടിയെ സംബന്ധിക്കുന്ന ഇത്രയും വിവരങ്ങള്‍ മാതാപിതാക്കളെ അധ്യാപകര്‍ അറിയിക്കുക എന്നത് കുട്ടിയുടെ അവകാശത്തില്‍ വരും. ഈ പ്രാധാന്യം തിരിച്ചറിഞ്ഞാണോ വിദ്യാലയങ്ങളില്‍ ക്ലാസ് പി ടി എ നടത്തുന്നത്?
ക്ലാസ് പി ടി എ സംഘാടനത്തിന്റെ ചില ഉദാഹരണങ്ങളും സാധ്യതകളും ഇതാ