സ്കൂള്‍ മാനേജ്മെന്റ് കമ്മറ്റിയും വികസനപദ്ധതിയും -1

2012 ലാണ് കേരളത്തിലെ വിദ്യാഭ്യാസവകുുപ്പ് എസ് എം സി പ്രവര്‍ത്തനമാര്‍ഗരേഖ പുറപ്പെടുവിച്ചത്

അതു പ്രകാരം എല്ലാ സര്‍ക്കാര്‍ പ്രൈമറി വിദ്യാലയങ്ങളിലും എസ് എം സി നിലവില്‍ വന്നു.

എസ് എം സിയുടെ ചുമതലയായിരുന്നു വികസനപദ്ധതി രൂപീകരണം

വിദ്യാഭ്യാസവകുപ്പിന്റെ ചുമതലയായിരുന്നു എസ് എം സി ശാക്തീകരണം.

ഇടപെടല്‍ ഒന്ന്.

ഞാന്‍ ഈ മേഖലയില്‍ ഇടപെടുന്നത് പത്തനംതിട്ട എസ് എസ് എയുമായി സഹകരിച്ചാണ്. ചാത്തന്‍തറ വിദ്യാലയത്തില്‍ രണ്ടുദിവസത്തെ ശില്പശാല.

പങ്കാളിത്ത രീതിയില്‍ കുറേ വികസനപ്രശ്നങ്ങള്‍ ചര്‍ച്ച ചെയ്തു.പരിപാടിയാക്കി. അത് ആ വിദ്യാലയത്തിനു മാത്രം ബാധകമായവയായിരുന്നു.പ്രാദേശികപ്രസക്തം.

തിരിച്ചറിവ്

• ഓരോ വിദ്യാലയത്തിനും സവിശേഷമായ പ്രശ്നങ്ങള്‍. എസ് എസ് എയുടെ സ്കൂള്‍പ്ലാന്‍ ഫോര്‍മാറ്റില്‍ അവ ഒതുങ്ങില്ല.)

ചാത്തന്‍തറ പരിപാടിയുടെ തുടര്‍ച്ച ഉണ്ടായില്ല. എസ് എസ് എയ്ക് ഒരു പരിശീലനമോഡ്യൂള്‍ കിട്ടിയാല്‍ മതിയായിരുന്നു. അതുപയോഗിച്ച് എല്ലാ വിദ്യാലയങ്ങള്‍ക്കും പരിശീലനം നല്‍കി അവര്‍ ടാര്‍ജറ്റ് അച്ചീവ് ചെയ്തു!

ഇടപെടല്‍ രണ്ട്.

ഇടുക്കി ഡയറ്റില്‍ ജോലി ചെയ്യുമ്പോഴാണ് അടുത്ത ഇടപെടല്‍

ലാബ് സ്കൂളിലെ എസ് എം സി അംഗങ്ങള്‍ക്ക് വേണ്ടി രണ്ടുദിവസത്തെ ശില്പശാല സംഘടിപ്പിച്ചു.

( ആ വര്‍ഷം എസ് എസ് എ ശിക്ഷാ കാ ഹക്ക് പ്രോഗ്രാം നടത്തിയിരുന്നു. അതിന്റെ തുടര്‍ച്ചയായിട്ടാണ് ഈ ശില്പശാല നടത്തിയത് )

വിദ്യാലയമോണിറ്ററിംഗിലാണ് ഊന്നല്‍ നല്‍കിയത്. വിദ്യാലയപ്രവര്‍ത്തനങ്ങള്‍ മോണിറ്റര്‍ ചെയ്യുക എന്ന എസ് എം സിയുടെ ചുമതല നിര്‍വഹിക്കാന്‍ സഹാകയമായ ചര്‍ച്ചയ്കായിരുന്നു ഊന്നല്‍

തിരിച്ചറിവ്-

• രക്ഷിതാക്കളുടെ ധാരണാനാലവാരം, അധ്യാപകരുടെ മുന്‍വിധിയില്ലാത്ത സഹകരണസമീപനം, പ്രവര്‍ത്തനാസൂത്രണത്തിലെ സൂക്ഷ്മത,തുടര്‍ച്ചയായ പിന്തുണ എന്നിവ ഉണ്ടെങ്കില്‍ മാത്രമേ എസ് എം സി ഫലപ്രദമാകൂ.

ഇടപെടല്‍ മൂന്ന്

ആലപ്പുഴ ഡയറ്റിന്റെ പ്രത്യേക ഗവേഷണപദ്ധതിയുടെ ( സമ്പൂര്‍ണ വിദ്യാലയഗുണമേന്മാ മാനേജ് മെന്റ്) ഭാഗമായി എസ് എം സിയുടെ നിലവിലുളള അവസ്ഥ പഠനവിധേയമാക്കി.

അത്ഭുതപ്പെടുത്തിയ സംഗതി എസ് എം സി ചെയ്യുന്നത് സ്കൂള്‍ പി ടി എ യുടെ ജോലികളാണെന്നതാണ്.!

എസ് എസ് എ ഈ വര്‍ഷവും എസ് എം സി അംഗങ്ങളെ പരിശീലിപ്പിച്ചിരുന്നു. എന്നാല്‍

പരിശീലനസ്വാധീനം വിദ്യാലയങ്ങളില്‍ പ്രതിഫലിച്ചിട്ടില്ല

എന്താണ് കാരണം?

• ബോധവത്കരണവും ശാക്തീകരണവും ഒന്നല്ല
• ഒരു എസ് എം സിയിലെ മൂന്നോ നാലോ അംഗങ്ങളെ പരിശീലിപ്പിച്ചാല്‍ എല്ലാവര്‍ക്കുമുളള പരിശീലനമായി അതു മാറില്ല.
• എസ് എം സി പ്രവര്‍ത്തിപ്പിച്ച് അനുഭവമില്ലാത്തവര്‍ തയ്യാറാക്കുന്ന മോഡ്യൂള്‍ പ്രായോഗികമായ കാര്യങ്ങളില്‍ മൗനം പാലിക്കുന്നത് സ്വാഭാവികം
• സി ആര്‍ സി കോര്‍ഡിനേറ്റര്‍മാര്‍ നടത്തുന്ന എസ് എം സി പരിശീലനം പലേടത്തും ഏല്പിച്ച ചടങ്ങ് പൂര്‍ത്തീകരിക്കലായി മാറി.
• പ്രാദേശികമായ ആവശ്യങ്ങള്‍ കണ്ടെത്തിയതിന്റെ അടിസ്ഥാനത്തിലായിരുന്നില്ല പരിശീലനം.തുടര്‍ പ്രക്രിയ, പിന്തുണ എന്നിവയെക്കുറിച്ച് ധാരണയില്ലാതെ പരിശീലനം .
  ഫോട്ടോ-
  എസ് എം സി യോഗം എങ്ങനെ കൂടാം? ട്രൈ ഔട്ട്
  നിരീക്ഷണഗ്രൂപ്പും നിര്‍വഹണ ഗ്രൂപ്പും

ആലപ്പുഴ ജില്ലയിലെ തെരഞ്ഞെടുത്ത പന്ത്രണ്ട് വിദ്യാലയങ്ങളില്‍ എസ് എം സി ശാക്തീകരണത്തിനും വികസനപദ്ധതിരൂപീകരണത്തിനും ശ്രമിച്ചു

ഓരോ അനുഭവവും പാഠമാക്കി.പ്രായോഗികമായ രീതി വികസിപ്പിക്കാന്‍ ശ്രമിച്ചു. അതിന്റെ വിവരങ്ങളാണ് ഇനി സൂചിപ്പിക്കുന്നത്

അനുഭവം ഒന്ന്- ഒരു വിദ്യാലയത്തിലെ എല്ലാ എസ് എം സി അംഗങ്ങളും സമീപത്തെ മൂന്നു വിദ്യാലയങ്ങളിലെ അഞ്ചു പ്രതിനിധികള്‍ വീതവും ( എല്ലാവരും പങ്കെടുത്ത വിദ്യാലയത്തില്‍ മാത്രമേ വികസനപദ്ധതി രൂപീകരണം നടന്നുളളൂ) -മങ്കൊമ്പ്  ഉപജില്ല

അനുഭവം രണ്ട് - ഒരു വിദ്യാലയത്തിലെ എല്ലാ എസ് എം സി അംഗങ്ങളും മൂന്നു വിദ്യാലയങ്ങളിലെ പകുതി എസ് എം സി അംഗങ്ങളും ( മൂന്നു വിദ്യാലയങ്ങളില്‍ വികസനപദ്ധതി രൂപീകരിച്ചു)- മാവേലിക്കര ഉപജില്ല

അനുഭവം മൂന്ന് - രണ്ടു വിദ്യാലയങ്ങളിലെ എല്ലാ എസ് എം സി അംഗങ്ങളും ( രണ്ടു വിദ്യാലയങ്ങളിലും വികസനപദ്ധതി കരട് രേഖ രൂപീകരിച്ചു)-ചെങ്ങന്നൂര്‍ ഉപജില്ല

അനുഭവം നാല് - രണ്ടു വിദ്യാലയങ്ങളിലെ എല്ലാ എസ് എം സി അംഗങ്ങളും . ഒന്നാം ദിവസം എസ് എം സി ചുമതലകള്‍ ,രണ്ടാം ദിവസം വികസനപദ്ധതി തയ്യാറാക്കല്‍( രണ്ടു വിദ്യാലയങ്ങളിലും വികസനപദ്ധതി രൂപീകരിച്ചു)- കായംകുളം ഉപജില്ല.

അനുഭവം അഞ്ച്- രണ്ടു വിദ്യാലയങ്ങളിലെ എല്ലാ എസ് എം സി അംഗങ്ങളും. പ്രധാന പ്രവര്‍ത്തകര്‍ക്ക് ഒറു ദിവസത്തെ പ്രാഥമികപരിശീലനം. രണ്ടു ദിവസത്തെ വികസനപദ്ധതി രൂപീകരണശില്പശാല

അഞ്ചു് അനുഭവങ്ങളെ വിശകലനം ചെയ്തു.

കണ്ടെത്തലുകള്‍

1. വികസനപദ്ധതി രൂപീകരണത്തിന്റെ പ്രക്രിയ പ്രധാനമാണ്
2. എസ് എം സിയിലെ എല്ലാ അംഗങ്ങള്‍ക്കും പരിശീലനം നല്‍കുന്നത് വികസനപദ്ധതി രൂപീകരണത്തേയും എസ് എം സി പ്രവര്‍ത്തനത്തേയും ഗുണപരമായി സ്വാധീനിക്കും
3. മുകളില്‍ നിന്നുളള നിര്‍ദ്ദേശപ്രകാരം യാന്ത്രികമായി ഒറ്റയടിക്ക് വികസനരേഖ തയ്യാറാക്കാനുളള ശ്രമങ്ങള്‍ ആണ് പലപ്പോഴും നടക്കുന്നത്. എസ് എസ് എ അത്തരം ഇടപെടലുകള്‍ നടത്തിയിരുന്നു. ആ പ്രക്രിയമെച്ചപ്പെടുത്താവുന്നതാണ്
4. വികസനപദ്ധതി രൂപീകരിക്കുന്നതിനു മുമ്പ് വിദ്യാലയം സന്ദര്‍ശിച്ച് പ്രാഥമിക ചര്‍ച്ചകള്‍ നടത്തുന്നത് നല്ലതാണ്
5. ശില്പശാലാ രീതിയില്‍ വിദ്യാലയാധിഷ്ഠിതമായ പ്രക്രിയയാണ് കൂടുതല്‍ ഫലപ്രദം
6. വികസനരേഖയെ സംബന്ധിച്ച് കൃത്യമായ ധാരണ വേണം. ഏതെല്ലാം മേഖലകള്‍ ? എന്തെല്ലാം ലക്ഷ്യങ്ങള്‍? ആ ലക്ഷ്യങ്ങള്‍ നേടുന്നതിനാവശ്യമായ പ്രവര്‍ത്തനം, അവയുടെ നിര്‍വഹണ കാലയളവ് ഇവയെല്ലാം ഉളള ഫ്രെയിം ആണ് വേണ്ടത്. ഉദാഹരണം

മാവേലിക്കര വെട്ടിയാര്‍ മുഹമ്മദന്‍ സ്കൂളിന്റെ വികസനമേഖലകളും ഉപമേഖലകളും

1.ഭൗതികം

1. പൊതുസൗകര്യങ്ങള്‍
   
   
   
2. ക്ലാസ് മുറി
3. ഹരിതവിദ്യാലയം

2.ആരോഗ്യം, പോഷകാഹാരം, ശുചിത്വം

1. ആരോഗ്യ സംരക്ഷണം
2. പോഷകസമൃദ്ധമായ ഉച്ചഭക്ഷണപരിപാടി
3. പച്ചക്കറികൃഷി
4. ശുചിത്വവിദ്യാലയം

3. അക്കാദമികം

1. അടിസ്ഥാനശേഷീവികാസം
   
2. ഇംഗ്ലീഷ് പഠനം
   
3. വായന
   
4. കമ്പ്യൂട്ടര്‍ പഠനം
   
5. ശാസ്ത്രം/ലാബ്/പരീക്ഷണം
   
6. ഒന്നാം തരം ഒന്നാന്തരമാക്കല്‍
   
7. പഠനോപകരണം
   
8. പഠനയാത്ര
   
9. നിരന്തരവിലയിരുത്തല്‍

4.ജനാധിപത്യ സാമൂഹിക വേദികള്‍

1. സ്കൂള്‍ അസംബ്ലി
2. ദിനാചരണങ്ങള്‍
3. ക്ലബ്ബ് പ്രവര്‍ത്തനങ്ങള്‍
4. സാഹിത്യസമാജം
5. സ്കൂള്‍ പാര്‍ലമെന്റ്

5. സംയോജിത വിദ്യാഭ്യാസം

6. സമൂഹപങ്കാളിത്തം

1. വിദ്യാലയസൗഹൃദസമിതി

2. എസ് എം സി

3. ക്ലാസ് പി ടി എ

4. കോര്‍ണര്‍ പി ടി എ

5. പ്രാദേശിക വൈദഗ്ധ്യം പ്രയോജനപ്പെടുത്തല്‍

6. ദിനാചരണങ്ങളും സമൂഹപങ്കാളിത്തവും

7. സ്കൂള്‍ വാര്‍ഷികം

ഇതേ പോലെ തന്നെ ആകണം എല്ലാ വിദ്യാലയങ്ങളും മേഖലകളും ഉപമേഖലകളും തീരുമാനിക്കേണ്ടത് എന്നു വാശി പിടിക്കരുത്

ഓരോ വിദ്യാലയവും സ്വന്തം രീതി സ്വീകരിക്കണം

തുടരും ( അടുത്തലക്കത്തില്‍ വികസനലക്ഷ്യങ്ങളുടെ മാതൃക)