കട്ടപ്പനയിലെ ഒന്നാം ക്ലാസിലെ അധ്യാപകരും രക്ഷിതാക്കളും പറയുന്നതെന്താണ്?

ഞാൻ ഇടുക്കി ജില്ലയിലെ കട്ടപ്പന സെൻറ് ജോർജ് എൽപി സ്കൂളിലെ അധ്യാപികയായ സിസ്റ്റർ ജിൻസി സെബാസ്റ്റ്യൻ ആണ്. ആറു വർഷമായി ഒന്നാം ക്ലാസിലാണ് പഠിപ്പിക്കുക ഇപ്പോൾ ഇവിടെ മൂന്ന് ഡിവിഷനുകളിലായി 83 കുട്ടികളാണ് ഒന്നാം ക്ലാസിൽ പഠിക്കുന്നത്.  

ഒന്നാം ക്ലാസിലെ ഈ വർഷത്തെ പ്രവർത്തനങ്ങളെ വിലയിരുത്തുമ്പോൾ ,

• കഴിഞ്ഞവർഷം തന്നെ സംയുക്ത ഡയറിയും സചിത്ര പുസ്തക വും വളരെ താല്പര്യത്തോടെയാണ് കുട്ടികളും രക്ഷിതാക്കളും വരവേറ്റത്. 

കുഞ്ഞെഴുത്ത്

•  ഈ വർഷം സചിത്രപുസ്തകം കുഞ്ഞെഴുത്ത്എന്ന രീതിയിൽ പുസ്തകമായി കിട്ടിയത് വളരെ ആശ്വാസകരമാണ് .

• കുഞ്ഞെഴുത്തിലൂടെ സമഗ്രമായ ഒരു പഠനം കുഞ്ഞുങ്ങൾ അറിയാതെ തന്നെ അവരിൽഎത്തിക്കാൻ സാധിക്കുന്നു നിറങ്ങൾ ,സ്ഥാനം, ആകൃതി ഇവ മനസ്സിലാക്കുന്നതോടൊപ്പംവരയ്ക്കുക ഒട്ടിക്കുക വെട്ടുക ഇങ്ങനെയുള്ളകാര്യങ്ങളും കുട്ടികൾ വളരെ താല്പര്യത്തോടെയാണ് ചെയ്യുന്നത്.

സംയുക്തഡയറി

• അതുപോലെതന്നെ സംയുക്ത ഡയറി രചനോത്സവം വായന കാർഡ് എല്ലാം നല്ലൊരു ശതമാനം രക്ഷിതാക്കളും കുഞ്ഞുങ്ങളും വളരെ താല്പര്യത്തോടെ ഏറ്റെടുത്ത് ചെയ്യുന്നതായി കാണുന്നു. 
• സംയുക്ത ഡയറിയിലൂടെ കുഞ്ഞുങ്ങളിൽ അക്ഷരങ്ങളും ചിഹ്നങ്ങളും ഉറപ്പിക്കുവാൻ സാധിക്കുന്നു എന്ന് രക്ഷിതാക്കൾ തന്നെ അഭിപ്രായപ്പെടുന്നു.
• സംയുക്ത ഡയറി പരസ്പരം കൈമാറി വായിക്കാൻ അവസരം കൊടുക്കാറുണ്ട്. 
  

രചനോത്സവം

• രചനോത്സവത്തിനായി നൽകുന്ന ചിത്രങ്ങളിലെ കഥയ്ക്കും കഥാപാത്രങ്ങൾക്കും പേരിടാനും അവർക്ക് സാധിക്കുന്നു എന്നത് വളരെ വലിയ കാര്യമാണ്.ചില പേരുകളും  പുതിയ കഥാപാത്രങ്ങളെയുംഒക്കെ കണ്ടപ്പോൾ രക്ഷിതാക്കളെ വിളിച്ചു ചോദിച്ചിട്ടുണ്ട് കുഞ്ഞുങ്ങൾ സ്വയമേ കണ്ടെത്തിയതാണോ ഈ പേരുകൾ എന്ന്.അപ്പോൾ മനസ്സിലാക്കാൻ കഴിഞ്ഞത് അവർ കേട്ടിട്ടുള്ള കഥകളിലേയും പാട്ടുകളിലെയും കഥാപാത്രങ്ങളെയും പേരുകളെയും ഒക്കെ അവർ ഈ കഥയിൽ ചേർത്ത് വയ്ക്കുന്നതായിട്ടാണ്.അങ്ങനെ കുഞ്ഞുങ്ങളുടെ ഭാവനയെയും കലാപരമായ കഴിവുകളെയും ഇതുവഴി വികസിപ്പിക്കാൻ സാധിക്കുന്നു.

ബോര്‍ഡെഴുത്ത്

• അതുപോലെതന്നെ ബോർഡെഴുത്ത് കുഞ്ഞുങ്ങൾക്ക് ഏറെ താല്പര്യമാണ്. വാക്കുകളും വാക്യങ്ങളും എഴുതാനുള്ള അവസരം കൊടുക്കാറുണ്ട്. ശരിയായ എഴുതുന്നവർക്ക് ചാർട്ടിൽ പേരിനു നേരെ സ്റ്റാർ നടത്തുകയും ചെയ്യുന്നു. അത് അവർക്ക് വളരെ പ്രോത്സാഹനം ആണെന്ന് മനസ്സിലാക്കാൻ സാധിച്ചിട്ടുണ്ട്. ഞാൻ പലപ്പോഴും ബോർഡെഴുത്ത് നടത്തുന്നത് ഏതെങ്കിലും ഒരു കാര്യത്തെക്കുറിച്ച് ഉദാ :നിങ്ങൾ എന്തൊക്കെയാ ചെയ്തത് , വഴിയിൽ കണ്ട കാഴ്ച എന്തെങ്കിലുമൊക്കെ ചിലർ ചെറുവാക്യമായും ചിലർ വാക്കുകളും എഴുതും

പരസ്പരസഹായം

• അതുപോലെതന്നെ എൻറെ ക്ലാസിൽ അന്യസംസ്ഥാനക്കാരിയായ ഒരു കുട്ടിയുണ്ട് സംയുക്ത ഡയറി എഴുതാനും മറ്റും സഹപാഠികളായ മറ്റു കുട്ടികൾ അവളെ സഹായിക്കുന്നു.

പാഠപുസ്തകം  

• പരിഷ്കരിച്ച പാഠപുസ്തകത്തിന് ഏറെ നന്മകളുണ്ട് . എങ്കിലും പ്രവർത്തനളുടെ ആധിക്യം ഒരു പ്രശ്നമായി തോന്നുന്നു ഹാൻഡ് ബുക്ക് പ്രകാരമുള്ള എല്ലാ പ്രവർത്തനങ്ങളും ചെയ്തു പോകാൻ സാധിക്കുന്നില്ല .എന്നാൽ ഒന്നും ഉപേക്ഷിക്കുവാനും തോന്നുന്നില്ല .കാരണം കുഞ്ഞുങ്ങൾക്ക് ഏറെ ഉപകാരപ്രദവും താല്പര്യവുമാണ് പ്രവർത്തനങ്ങൾഎന്നതാണ് യാഥാർത്ഥ്യം .
• പിന്നെയും പിന്നെയും ചെറുതായി പാലപ്പമെന്ന യൂണിറ്റ് എടുക്കാൻ ഏറെ സമയം വേണ്ടി വന്നു. പ്രത്യേക പരിഗണന അർഹിക്കുന്ന കുട്ടികളും പിന്നോക്കകാർക്കും പ്രത്യേക സമയം കണ്ടെത്തി ചെയ്യാൻ ശ്രദ്ധിക്കുന്നു. 

രക്ഷിതാക്കളുടെ പിന്തുണ

• എല്ലാറ്റിലും ഉപരിയായി രക്ഷിതാക്കളുടെ പിന്തുണയും , പ്രോത്സാഹനവും ലഭിക്കുന്നത് വലിയ കാര്യമാണ്. 
• അതുപോലെ പ്രധാന അധ്യാപകനായ ദീപു സാർ കഞ്ഞുങ്ങളെ ഇടക്ക് സന്ദർശിച്ച് സംയുക്ത ഡയറി മറ്റും നോക്കി പ്രോത്സാഹിപ്പിക്കുകയും . ഒന്നാം ക്ലാസിലെ പഠനപ്രവർത്തനങ്ങൾക്കു വേണ്ട സാഹചര്യങ്ങൾ ഒരുക്കി തരികയും ചെയ്യുന്നു . 
• ഒന്നാം ക്ലാസിലെ കുഞ്ഞുങ്ങൾക്ക് ലഭിക്കുന്ന ഒരു മികച്ച പഠന രീതി തന്നെയാണ് ഇതെന്ന അഭിപ്രായമാണുള്ളത്
•  രക്ഷിതാക്കളുടെ വിലയിരുത്തലുകള്‍ ചുവടെ
  

 1

 റീഡിങ് കാർഡ് കൊടുത്ത് വിട്ട് വായന ശീലം ഉറപ്പാക്കുന്നു.

എന്റെ മക്കൾ അലമ്കൃത റ്റി ജയേഷ് കൂടാതെ അനാമിത്ര ജയേഷ്. സെൻ ജോർജ് എൽ പി എസ് സ്കൂൾ കട്ടപ്പന ഒന്നാം ക്ലാസ്സ്‌ വിദ്യാർത്ഥിനികൾ ആണ്. ഒന്നാം ക്ലാസ്സ്‌ മുതൽ അക്ഷരങ്ങൾ കൂട്ടി വായിക്കാനും എഴുതാനും പഠിക്കേണ്ടതുണ്ട്. അതിനാൽ ടീച്ചർ ഡയറി കുഞ്ഞുങ്ങളെ സ്വയമേ എഴുതാൻ പ്രോത്സാഹി പ്പിക്കുന്നു. അതുപോലെ റീഡിങ് കാർഡ് കൊടുത്ത് വിട്ട് വായന ശീലം ഉറപ്പാക്കുന്നു. അത് വളരെ വലിയ കാര്യമാണ്. അടുത്ത ഒന്നാണ് കഥയെഴുത്തു. കുഞ്ഞുങ്ങൾ സ്വയമേ കഥക്ക് പേരിട്ടു പല കഥാപാത്രങ്ങളെയും, സ്വയം കണ്ടെത്തി കഥ എഴുതണം. ഇതു മുഖന്തരം കുഞ്ഞുങ്ങളിലെ ഭാവന വളരുകയും, പുതിയ കാര്യങ്ങൾ ചിന്തിക്കുകയും, അതിനെ രൂപാന്തരപ്പെടുത്തുകയും, സ്വയമേ ചെയ്യുന്നു. കൂടാതെ അക്ഷരങ്ങൾ കൂട്ടി എഴുതുവാൻ സഹായിക്കുന്നു. അന്നെന്നുള്ള ഡയറി എഴുതുവാൻ ശ്രെമിക്കുന്നതിനാൽ അന്നെന്നുള്ള കാര്യങ്ങളും കുഞ്ഞുങ്ങൾ ഓർത്തെടുക്കുന്നു. അതിനാൽ ടീച്ചറിന്റെ സപ്പോർട്ടിനും കാര്യാ പ്രാപ്ത്തി ക്കും ഒരുപാട് നന്ദി രേഖ പെടുത്തുന്നു.

Sanumol k. M

Thekkedathu (H)

Kattappna p. O

Kunthalampara

 2

സംയുക്ത ഡയറി എന്ന ഒരു ചെറിയ കാര്യം എന്റെ മകളിൽ ഉണ്ടാക്കിയ മാറ്റം വളരെ വലുതായിരുന്നു. 

 എന്റെ മകൾ അൻവി സേറ ലിബിൻ,  കട്ടപ്പന സെൻറ് ജോർജ് എൽ പി സ്കൂളിലെ 1ാം ക്ലാസ്സ്‌ വിദ്യാർത്ഥിനിയാണ്.ക്ലാസ്സ്‌ ആരംഭിച്ച ആദ്യ മാസങ്ങളിൽ അവൾക്ക് ചിഹ്നങ്ങൾ ചേർത്ത് എഴുതാനോ, വായിക്കാനോ അറിയില്ലായിരുന്നു . ഒരു അമ്മ എന്ന നിലയിൽ എനിക്ക് ഏറ്റവും വിഷമം തോന്നിയ സമയമായിരുന്നു അത്, പക്ഷേ സംയുക്ത ഡയറി എന്ന ഒരു ചെറിയ കാര്യം എന്റെ മകളിൽ ഉണ്ടാക്കിയ മാറ്റം വളരെ വലുതായിരുന്നു. പിന്നീട് അവൾ തനിയെ വായിക്കാനും ചിഹ്നങ്ങൾ ചേർത്ത് എഴുതാനും തുടങ്ങി .ഇപ്പോൾ ന്യൂസ്‌ പപ്പേറുകളും, ബോർഡുകളും ഒക്കെ അവൾ തനിയെ വായിക്കുന്നത് കാണുമ്പോൾ വളരെ സന്തോഷം തോന്നാറുണ്ട്, സ്കൂളിൽ നിന്നും കിട്ടിയിരുന്ന വായന കാർഡ് വായിക്കാൻ അവൾക്ക് വലിയ ഇഷ്ട്ടമായിരുന്നു, ഇപ്പോൾ തുടങ്ങിയ രചനോത്സവം അവൾക്ക് ഭയങ്കര ഇഷ്ട്ടമാണ്. തനിയെ കഥാപാത്രങ്ങൾക്ക് പേര് കൊടുക്കാനും, കഥാപാത്രങ്ങൾക്ക് അനുസരിച്ച് ഓരോ കഥ ഉണ്ടാക്കിയെടുക്കാനും അവൾ ശ്രമിക്കുന്നത്  കാണുമ്പോൾ ഇപ്പോഴത്തെ പഠന രീതികളോടും ഈ ആശയമൊക്കെ കൊണ്ടുവരുന്നവരോടും നല്ല ബഹുമാനം തോന്നാറുണ്ട്.

ഇതിലൊക്കെ ഉപരി കുട്ടികളെ എങ്ങനെയൊക്കെ പഠിപ്പിക്കണം, ഏതു വിഷയം ആണ് അവർക്കു കൂടുതൽ ബുദ്ധിമുട്ട്

ഏതു വിഷയം ആണ് കൂടുതൽ ശ്രദ്ധിക്കേണ്ടത് എന്നു കൃത്യമായി പറഞ്ഞുതരുന്ന അധ്യാപകർ പ്രത്യേകിച്ച് അവളുടെ ക്ലാസ്സ്‌ ടീച്ചർ അർപ്പിത സിസ്റ്റർ ഇവരുടെയൊക്ക നല്ല അദ്ധ്യാപന രീതികളാണ് കുട്ടികളെ ഇതുപോലെ മാറ്റിയെടുക്കുന്നത്. ഇനിയും ഇതുപോലുള്ള പുതിയ പുതിയ ആശയങ്ങൾ മറ്റ് വിഷയങ്ങളിലും കൊണ്ടുവരണം. പ്രത്യേകിച്ച് ഇംഗ്ലീഷിൽ. അത് കുട്ടികൾക്ക് ആ ഭാഷ ഈസിയായി കൈകാര്യം ചെയ്യാൻ സഹായിക്കുമെന്നാണ് എനിക്ക് തോന്നുന്നത് .

സ്നേഹത്തോടെ, രമ്യ ലിബിൻ (അൻവിയുടെ അമ്മ)

St. George LP School, Kattappana

ഇടുക്കി ജില്ല

 3

 ഒന്നാം ക്ലാസിൽ ചേർക്കുന്നത് അവിടുന്ന് നിന്നു അവൾക്ക് അക്ഷരങ്ങൾ കൃത്യമായി അറിയില്ലായിരുന്നു

എന്റെ മകൾ എഫാ സുരേഷ് എന്ന കുട്ടി സെന്റ് ജോർജ് എൽ പി സ്കൂൾ ഒന്നാം ക്ലാസ് വിദ്യാർത്ഥിനിയാണ്, അവളെ ഞങ്ങൾ എൽകെജി യുകെജി, ക്ലാസുകളിൽ  പോയതിനുശേഷം ആണ്  ഒന്നാം ക്ലാസിൽ ചേർക്കുന്നത് അവിടുന്ന് നിന്നു അവൾക്ക് അക്ഷരങ്ങൾ കൃത്യമായി അറിയില്ലായിരുന്നു അതിൽ രക്ഷകർത്താക്കൾ ആയ ഞങ്ങൾക്ക് നല്ല ടെൻഷൻ ഉണ്ടായിരുന്നു മോൾക്ക് നല്ല ഓർമ്മ കുറവാണെന്ന്  ഞങ്ങൾ പറയുമായിരുന്നു ഞങ്ങൾ അത് ടീച്ചറിനോടും പറഞ്ഞിരുന്നു ടീച്ചർ ഞങ്ങളോട് പറഞ്ഞു അവൾക്ക് ഒരു ഓർമ്മക്കുറവും ഇല്ല നിങ്ങൾ കുഞ്ഞിന്റെ കേൾക്കൽ അങ്ങനെ സംസാരിക്കുകയും ചെയ്യരുതെന്ന് പറഞ്ഞു, അവൾ പഠിത്തത്തിൽ ശ്രദ്ധിക്കാത്ത കുറവ് മൂലമാണ് ഇങ്ങനെ ഉണ്ടാകുന്ന എന്ന് പറഞ്ഞു,ഞങ്ങൾ കുഞ്ഞിനോട് പറഞ്ഞു മോന്റെ ടീച്ചർ പറഞ്ഞു, മോന് നല്ല ഓർമ്മയുണ്ടെന്നാണ് ടീച്ചർ പറഞ്ഞതെന്ന്, അത് അവളിൽ നല്ല മാറ്റം ഉണ്ടാക്കി  ഇപ്പോൾ അവൾക്ക് നല്ല രീതിയിൽ വായിക്കുവാനും മുമ്പ് ഉണ്ടായിരുന്നതിനേക്കാൾ എഴുതുവാൻ സാധിച്ചു വരുന്നു  ടീച്ചർ ഓരോ കുഞ്ഞുങ്ങളെയും  വ്യക്തിപരമായി മനസ്സിലാക്കി, അവരുടെ കഴിവുകളും അവരുടെ പോരായ്മകളും മനസ്സിലാക്കി, രക്ഷിതാക്കൾ ആയ നമ്മളെ പറഞ്ഞു മനസ്സിലാക്കി തരുന്നു, എന്റെ മോൾ എപ്പോഴും പറയും, അവളുടെ എന്തു കാര്യങ്ങളും അവൾക്ക് അവളുടെ ടീച്ചറുമായി പറയുവാൻ കഴിയുമെന്ന്, ടീച്ചർ അവൾ പറയുന്ന കേൾക്കാൻ കഴിയുന്നതു തന്നെ അവൾക്ക് വലിയ സന്തോഷമാണ്, എനിക്ക് പറയാൻ ഒരുപാട് കാര്യങ്ങൾ ഉണ്ട്, എല്ലാത്തിനും ടീച്ചറിന് ഒരുപാട് നന്ദി അർപ്പിക്കുന്നു,അതുപോലെതന്നെ  സംയുക്ത ഡയറി എഴുതുന്നതിലൂടെ തന്നെ സ്വയമായി ഇപ്പോൾ എഴുതുവാനും പഠിച്ചു, സംയുക്ത ഡയറി അവളുടെ ജീവിതത്തിൽ ഉണ്ടായിട്ടുള്ള കാര്യങ്ങളാണ്, അവൾ എഴുതുവാൻ ശ്രമിക്കുന്നത്, അതിലൂടെ അന്ന് നടക്കുന്ന കാര്യങ്ങൾ അവൾ വരയ്ക്കുവാനും ശ്രമിക്കുന്നു, അതിലൂടെയാണ്  അവളുടെ വരയ്ക്കാനുള്ള കഴിവ് പൂർണ്ണമായി അറിയാൻ കഴിഞ്ഞത്, ഇതിന്റെ ഭാഗമായി തന്നെയാണ് അവളിൽ കഥാരചന എഴുതുന്ന ഒരു കഴിവും കണ്ടെത്താൻ കഴിഞ്ഞു. കുഞ്ഞുങ്ങളിൽ ഇതുപോലുള്ള കഴിവുകൾ കണ്ടെത്താൻ ടീച്ചർ എടുക്കുന്ന effort ഒന്നും പറഞ്ഞറിയിക്കാൻ പറ്റാത്തതാണ്,  എല്ലാത്തിനും ടീച്ചറിനോട് ഒരുപാട് ഒരുപാട് നന്ദിയും സ്നേഹവും അറിയിക്കുന്നു. 

സുരേഷ്(രക്ഷകർത്താവ്)എഫാ സുരേഷ്, 1Cസെന്റ് ജോർജ് എൽപിഎസ് കട്ടപ്പന, ഇടുക്കി

4

അയ്യോ ഒന്നാം ക്ലാസ്സിൽ  പഠിക്കുന്ന ഇവളെകൊണ്ട് അതിന്  സാധിക്കുമോ  ചിത്രങ്ങൾ നോക്കി കഥ എഴുതാനൊക്ക?

 എന്റെ മകൾ അനിഘ അജിമോൻ എന്ന കുട്ടി കട്ടപ്പന സെൻറ് ജോർജ് എൽ പി സ്കൂളിലെ ഒന്നാം ക്ലാസ്സ്‌ വിദ്യാർത്ഥിനി ആണ്. പുതിയ അധ്യയന വർഷം തുടങ്ങിയപ്പോൾ രക്ഷകർത്താവ് എന്ന നിലയിൽ ഞങ്ങൾക്ക് നല്ല ടെൻഷൻ ആയിരുന്നു. കാരണം മലയാളം എന്ന വിഷയം നല്ല ബുദ്ധിമുട്ടായിരുന്നു അവൾക്ക്. മലയാളം പഠിക്കുന്നതിനെ കുറിച്ച് പറയുമ്പോൾ തന്നെ കരയാൻ തുടങ്ങും. മലയാളം വേണ്ട എന്ന് ടീച്ചറിനോട് ഒന്ന് പറയുമോ എന്നായിരുന്നു അവളുടെ ആവശ്യം. അങ്ങനെയിരിക്കെയാണ് ക്ലാസ്സ്‌ ടീച്ചർ സംയുക്ത ഡയറിയെ കുറിച്ച് പറയുന്നത്. ആദ്യം ഒക്കെ അക്ഷരങ്ങൾ എഴുതികൊടുത്തും പറഞ്ഞുകൊടുത്തുമാണ് എഴുതിയിരുന്നത്. എന്നാൽ പിന്നീട് അവൾ തന്നെ തന്നെ എഴുതാൻ ശ്രമിച്ചു. ഇപ്പോൾ അവൾ നന്നായി ഡയറി എഴുതാനും വായിക്കാനും പടം വരക്കുവാനും തുടങ്ങി. പിന്നീട് രചനോത്സവത്തെ  കുറിച്ചു പറഞ്ഞപ്പോൾ അടുത്ത ആശങ്ക അതായി.

അയ്യോ ഒന്നാം ക്ലാസ്സിൽ  പഠിക്കുന്ന ഇവളെകൊണ്ട് അതിന്  സാധിക്കുമോ  ചിത്രങ്ങൾ നോക്കി കഥ എഴുതാനൊക്ക??? പക്ഷെ ആദ്യത്തെ ഒരു ബുദ്ധിമുട്ട് മാത്രമേ ഈ കാര്യത്തിലും അവൾക്കു ഉണ്ടായിരുന്നുള്ളു..

ആദ്യം കഥ പറയും പിന്നീട് അത് എഴുതി നോക്കി തെറ്റുകൾ വരുന്നത് തിരുത്തികൊടുത്തു. അവളെ ഇങ്ങനൊരു മിടുക്കി ആക്കിയെടുത്തത് അവളുടെ ക്ലാസ്സ്‌ ടീച്ചറായ അർപ്പിത ടീച്ചർ ആണ്. മലയാളം എഴുതുവാനും വായിക്കാനും അക്ഷരങ്ങൾ നല്ല രീതിയിൽ പറഞ്ഞുകൊടുത്തും മലയാളം പഠിക്കുന്നതിനോടുള്ള ഇഷ്ടക്കേടും പേടിയും മാറ്റിയത് ടീച്ചറാണ്. ടീച്ചറിന്റെ ഒരാളുടെ മാത്രം പ്രേരണയും സപ്പോർട്ടും ഉണ്ടായതുകൊണ്ടാണ് ഇപ്പോൾ  മലയാളത്തിൽ അക്ഷരങ്ങൾ കൂട്ടി വായിക്കാനും എഴുതുവാനും അവൾക്കു  സാധിക്കുന്നത്. ഇതിനായി പ്രയത്നിച്ച ടീച്ചറിനോട് എത്ര നന്ദി പറഞ്ഞാലും മതിയാകില്ല.   

എന്ന് ചിപ്പി അജിമോൻ ( രക്ഷകർത്താവ് )      അനിഘ അജിമോൻ    1.B  സെൻറ്. ജോർജ് എൽ പി എസ് കട്ടപ്പന

ഇടുക്കി ജില്ല.

5

പുതിയ പുതിയ വാക്കുകൾ വായിക്കുമ്പോൾ ആ കുഞ്ഞ് മുഖത്ത് കാണുന്ന സന്തോഷം വളരെ വലുതാണ്.

 ഒന്നാം ക്ലാസ്സിൽ പഠനം തുടങ്ങുമ്പോൾ മോൾക്ക്‌ അക്ഷരങ്ങൾ പോലും അറിയില്ലായിരുന്നു. അവൾ എങ്ങനെ എഴുതാനും വായിക്കാനും പഠിക്കും എന്ന ആശങ്കയായിരുന്നു. സംയുക്ത ഡയറി എഴുതിത്തുടങ്ങിയപ്പോൾ ആദ്യമൊക്കെ അക്ഷരങ്ങൾ പലതും എഴുതിക്കൊടുക്കണമായിരുന്നു. വളരെ പെട്ടെന്ന് തന്നെ ഡയറി തനിയെ എഴുതുന്നതിലേക്കു മാറി.അതോടൊപ്പം വായനയും വളർന്നു. പുതിയ പുതിയ വാക്കുകൾ വായിക്കുമ്പോൾ ആ കുഞ്ഞ് മുഖത്ത് കാണുന്ന സന്തോഷം വളരെ വലുതാണ്. അതിൽ വായനക്കാർഡിന്റെ സ്ഥാനവും മുമ്പിലാണ്. രചനോത്സവത്തിലൂടെ കുറച്ചൊക്കെ ഭാവനയും വളരാൻ തുടങ്ങി. കൂട്ടത്തിൽ ടീച്ചറുടെ പ്രോത്സാഹനവും  കൂടിയാവുമ്പോൾ പഠനം താല്പര്യത്തോടെ മുന്നോട്ടു കൊണ്ടു പോവുന്നു. പുതിയ രീതി എന്തു കൊണ്ടും വളരെ വളരെ നല്ലതാണ് .എല്ലാവർക്കും നന്ദി 😊.

റസീന നിഷാദ് (രക്ഷിതാവ് )

നസ്രിയ നിഷാദ് 

സെന്റ് ജോർജ്  സ്കൂൾ കട്ടപ്പന

6

  അവൾക്ക് സന്തോഷത്തോടെയും  താല്പര്യത്തോടെയും ഉള്ള പഠനത്തിന് വഴിയൊരുക്കി

 എന്റെ മകൾ അനന്യ അശോക് ,കട്ടപ്പന സെന്റ് ജോർജ് എൽപി സ്കൂളിൽ  ഒന്നാം ക്ലാസിൽ പഠിക്കുന്നു.  ഒരു രക്ഷിതാവ് എന്ന നിലയിൽ എനിക്ക് പുതിയ അധ്യായന വർഷത്തിൽ നല്ല പേടിയുണ്ടായിരുന്നു  അവൾക്ക് മലയാളത്തിൽ അക്ഷരങ്ങൾ പറഞ്ഞ്  കൂട്ടി വായിക്കുവാനും എഴുതുവാനും സാധിക്കുമായിരുന്നില്ല. മലയാളത്തോട് പൊതുവേ താൽപര്യം കുറവായിരുന്നു . ക്ലാസിൽ പോയി തുടങ്ങിയപ്പോൾ അവളുടെ ക്ലാസ്ടീച്ച റുമായി അവൾ നല്ല കൂട്ടായി . അതിനു ശേഷം ക്ലാസ്സിൽ പോകാൻ നല്ല ഉത്സാഹം ആയിരുന്നു.  മലയാളത്തിന്റെ ഒന്നാം പാഠമായ  പറവകൾ പാറി  പഠിപ്പിച്ചപ്പോൾ തന്നെ അവൾ പക്ഷികളുടെ  തൂവലുകൾ ശേഖരിക്കുവാനും അവയെല്ലാം ഏതു പക്ഷിയുടെതാണെന്ന്  എന്ന്  തരം തിരിച്ചു എഴുതി സ്കൂളിൽ കൊണ്ടുപോകാനും നല്ല ഉത്സാഹം ആയിരുന്നു.  അതിനു ശേഷമാണ്

 പാഠ്യപദ്ധതിയുടെ ഭാഗമായ സംയുക്ത ഡയറി എഴുതി തുടങ്ങിയത് . ആദ്യമൊക്കെ അവൾ എങ്ങനെ ഡയറി എഴുതും എന്ന ടെൻഷൻ ഉണ്ടായിരുന്നു .

  എന്നാൽ എഴുതി  തുടങ്ങിയപ്പോൾ ഓരോ ദിവസത്തെ  കളിയും കാര്യങ്ങളും ഡയറിയിൽ എഴുതാൻ അക്ഷരങ്ങളും ചിഹ്നങ്ങളും ചോദിച്ച് ചോദിച്ച് പെറുക്കി എഴുതി തുടങ്ങി. അടുത്തഘട്ടമായി രചനോത്സവം  ആരംഭിച്ചു . ഓരോ ചിത്രങ്ങളും കണ്ട്  കുഞ്ഞു കുഞ്ഞു കഥകൾ ഉണ്ടാക്കുവാനും അവയിൽ പരാമർശിക്കുന്ന ചിത്രങ്ങൾ വരയ്ക്കുവാനും ശ്രമിച്ചു. അതിനു ശേഷം ടീച്ചർ വായന  കാർഡ് വീട്ടിൽ കൊടുത്തു വിടാറുണ്ടായിരുന്നു. വായന കാർഡിൽ നിന്ന് പുതിയ വാക്കുകളും പുതിയ ചിഹ്നങ്ങളോടു കൂടിയ അക്ഷരങ്ങളും മനസ്സിലാക്കി തുടങ്ങി . ഇത് സ്വതന്ത്രമായി വായനയ്ക്ക് വഴിയൊരുക്കി. കുഞ്ഞെഴുത്ത്   വർക്ക് ബുക്കിൽ പ്രതിപാദിച്ചിരിക്കുന്ന മണ്ണിലും മരത്തിലും  എന്ന പാഠ ഭാഗത്തെ ആസ്പദമാക്കി ഓരോ പക്ഷി മൃഗാദികളുടെയും കൂടുകൾ  നിരീക്ഷിക്കാൻ തുടങ്ങി . അത് ആരുടെ കൂടാണെന്നു ചോദിച്ചു മനസിലാക്കാനും ശ്രമിച്ചു . വ്യത്യസ്തമായി ആശയങ്ങളോടെ  ഉള്ള പഠന മാർഗങ്ങൾ പഠനത്തോടൊപ്പം ചിത്രരചനയിലും കഥാരചനയിലും  നല്ല മാറ്റം വന്നു തുടങ്ങി.  

കൂടാതെ ടീച്ചറിന്റെ  ചിട്ടയായ സ്നേഹത്തോടെയുള്ള ശിക്ഷണവും കരുതലും അവൾക്ക് സന്തോഷത്തോടെയും  താല്പര്യത്തോടെയും ഉള്ള പഠനത്തിന് വഴിയൊരുക്കി      എന്ന്  

രേഷ്മ അശോക് രക്ഷകർത്താവ്

അനന്യ അശോക്

 സെൻ്റ് ജോർജ് എൽ പി സ്കൂൾ കട്ടപ്പന

 ഇടുക്കി ജില്ല

7

ഒന്നാം  ക്ലാസ്സിലെ പഠന പ്രവർത്തനങ്ങൾ എല്ലാം വളരെ മികച്ചതാണ്.

എന്റെ മകൻ ആദിദേവ് എം പി st. ജോർജ് എൽ പി സ്കൂളിലെ 1ആം class വിദ്യാർത്ഥി ആണ്. 1ആം ക്ലാസ്സിലെ പഠന പ്രവർത്തനങ്ങൾ എല്ലാം വളരെ മികച്ചതാണ്. സംയുക്ത ഡയറി, കഥയെഴുത്, വായനക്കാർഡ്, കുട്ടികൾക്ക് സ്വാതന്ത്ര്യം നൽകുന്ന പ്രവർത്തനങ്ങളാണ് എല്ലാം. അക്ഷരങ്ങൾ വേഗം പഠിക്കുകയും, മനസിലാക്കുകയും ചെയുന്നു. എന്റെ മകൻ എങ്ങനെ കഥ എഴുതും വായിക്കും എന്നൊക്കെ എനിക്കും വളരെ ആശങ്ക ഉണ്ടായിരുന്നു, പക്ഷെ വളരെ നല്ല രീതിയിൽ മാറ്റം ഉണ്ടായി, ടീച്ചറുടെ പ്രോത്സാഹനവും വളരെ മികച്ചതാണ്. റോയ്സ് സിസ്റ്ററിനു ഹൃദയം നിറഞ്ഞ നന്ദി. Thank you❤️

8

 പാലപ്പം എന്ന പാഠം പഠിച്ചപ്പോൾ അവൾ പറഞ്ഞു "അമ്മേ എനിക്ക് പാലപ്പം പാലിൽ മുക്കി തിന്നണമെന്ന്"

എന്റെ മകൾ ദേവനന്ദ അജേഷ് ഒന്നാം ക്ലാസ്സിൽ പോയി തുടങ്ങിയപ്പോൾ പല അക്ഷരങ്ങളും ചിഹ്നങ്ങളും അറിയില്ലായിരുന്നു. പുസ്തകം കിട്ടിയപ്പോൾ ഇത് എങ്ങനെ എന്റെ കുഞ്ഞ് പഠിക്കും എന്ന ആശങ്ക എനിക്ക് ഉണ്ടായി. പക്ഷെ എന്നെ അത്ഭുതപെടുത്തികൊണ്ട് അവൾ വളരെ പെട്ടന്നു തന്നെ അക്ഷരങ്ങളും ചിഹ്നങ്ങളും പഠിച്ചു. എഴുതാനും വായിക്കാനും തുടങ്ങി. ഇതിന് ആദ്യം സഹായിച്ചത് ടീച്ചറാണ് പിന്നെ സംയുക്തഡയറിയും. വയനാകാർഡും രചനോത്സവവും കൂടി ആയപ്പോൾ പഠം വരയും, ചിന്തശേഷിയും വർദ്ധിച്ചു. കുഞ്ഞെഴുത്തിലെ ഓരോ പ്രവർത്തനങ്ങളും ഏറ്റവും നന്നായി ചെയ്യാൻ അവൾ ശ്രമിക്കുന്നുണ്ട്. ഓരോ പാഠത്തിലും പഠിക്കുന്ന കാര്യങ്ങൾ അവൾ പിന്നീട് നിരീക്ഷിക്കുവാനും നിർമ്മിക്കുവാനും പ്രാവർത്തികമാക്കുവാനും പരിശ്രമിക്കുന്നുണ്ട്.       ഉദാഹരണം പറഞ്ഞാൽ പാലപ്പം എന്ന പാഠം പഠിച്ചപ്പോൾ അവൾ പറഞ്ഞു "അമ്മേ എനിക്ക് പാലപ്പം പാലിൽ മുക്കി തിന്നണമെന്ന്" ഞാൻ സന്തോഷത്തോടെ ഉണ്ടാക്കി കൊടുക്കുകയും ചെയ്തു. പാഠങ്ങൾ പഠിപ്പിക്കുമ്പോൾ ടീച്ചർ പല പ്രവർത്തനങ്ങളും ചെയ്യിപ്പിക്കുന്നതാണ് എന്റെ മകൾക്ക് ഇത്രയും നല്ല മാറ്റം ഉണ്ടാകാൻ കാരണം. ഒന്നാം ക്ലാസ്സിലെ പഠന പ്രവർത്തനങ്ങൾ വളരെ മികവുറ്റതാണ്. കുഞ്ഞുങ്ങൾക്ക് നല്ലൊരു അടിസ്ഥാനം ലഭിക്കുന്നുണ്ട്. പിറന്നാൾ സമ്മാനം, പിന്നേം പിന്നേം ചെറുതായി പാലപ്പം എന്നി പാഠങ്ങളാണ് അവൾക്ക് ഏറ്റവും ഇഷ്ടം. ടീച്ചറിന്റെ പിന്തുണക്ക് ഒരുപാട് നന്ദി.

രശ്മി ശശികുമാർ 

(രക്ഷകർത്താവ് )

ദേവനന്ദ അജേഷ് 

1.C 

സെന്റ് ജോർജ് എൽ പി സ്കൂൾ കട്ടപ്പന.

9

 കഥയെഴുതുമ്പോൾ സമയമെടുത്ത് വൃത്തിയായി എഴുതുന്നുണ്ട്.

 എന്റെ മകൻ അഭിമന്യു അരുൺകുമാർ  കട്ടപ്പന സെൻറ് ജോർജ് എൽ പി സ്കൂളിലെ ഒന്നാം ക്ലാസ്സ്‌ വിദ്യാർത്ഥി ആണ് .

ഒരു അമ്മ എന്നനിലയിൽ എന്റെ മകന്റെ പഠനത്തിൽ എനിക്ക് ഒരുപാട് ആശങ്ക ഉണ്ടായിരുന്നു.

 അക്ഷരങ്ങൾ പോലും ശരിയായി അറിയില്ലായിരുന്നു അവന് .പക്ഷെ ഈ അധ്യയന വർഷം മുതൽ ഞങ്ങളെ ഞെട്ടിക്കും വിധം ആയിരുന്നു മോന്റെ പെരുമാറ്റം. മലയാള അക്ഷരങ്ങളും ചിഹ്നങ്ങളും അവൻ പെട്ടന്നുതന്നെ മനസിലാക്കി . അവചേർത്ത് വാക്കുകൾ വായിക്കാൻ ശ്രദ്ധിച്ചു തുടങ്ങി. ബാലരമ തുടങ്ങിയ കുഞ്ഞു പുസ്തകങ്ങളുടെ ചിത്രങ്ങൾ മാത്രം കാണാനെടുത്തിരുന്ന ആൾ ഇപ്പൊ അത് ചെറുതായി വായിച്ചു നോക്കാൻ ശ്രമിക്കുന്നു   .

ഡയറി എഴുതുന്നത് അവന്റെ മലയാളം എഴുത്തിന്റെയും വായനയുടെയും മൂർച്ച കൂട്ടി. ചിത്രങ്ങൾ എന്നെ അതിശയിപ്പിക്കും വിധം അവൻ വരച്ചുതുടങ്ങി. കുഞ്ഞുങ്ങളുടെ സർഗ്ഗവാസന വികസിക്കും വിധം ഉള്ള അടുത്ത ടാസ്ക് രചനോത്സവം എന്നെ  ടെൻഷൻ ആക്കി .

ചിത്രങ്ങൾ ടീച്ചർ ഇടുമ്പോൾ ഇത് എങ്ങനെ ഇവർ കഥയുണ്ടാക്കും ഇതിൽ നിന്നും എന്ത് മനസിലാക്കും എന്നൊക്കെയായിരുന്നു. ചിത്രം കാണിച്ച് അവനോട് അത് ചോദിക്കുമ്പോൾ മോൻ പെട്ടന്നുതന്നെ അവന്റെ കുഞ്ഞുമനസ്സിൽ തോന്നിയ ഒരു കഥ എന്നോടുപറയും. അവന്റെ ഉള്ളിലെ ഭാവന വളർത്താൻ ആ പ്രവർത്തനം നല്ലതാണ് എന്ന് മനസിലായി. അതിൽ പടം വരയ്ക്കാനും കളർ ചെയ്യാനും ഉത്സഹമാണ്. ബുക്കിൽ ഉഴപ്പി എഴുതുന്ന ആൾ കഥയെഴുതുമ്പോൾ സമയമെടുത്ത് വൃത്തിയായി എഴുതുന്നുണ്ട്. ഇതിനെല്ലാം ഉപരി ടീച്ചറിന്റെ സപ്പോർട്ടും സ്നേഹവും അവനു ഒരുപാട് സന്തോഷമാണ്.

ടീച്ചർ അവനിൽ നല്ല രീതിയിൽ തന്നെ സ്വാധീനം ചെലുത്തിയിട്ടുണ്ട് ഇപ്പോൾ വായിക്കാനും എഴുതാനും തുടങ്ങിയിട്ടുണ്ടങ്കിൽ ടീച്ചറിന്റെ സ്നേഹവും കരുതലും അതിൽ വലുതുതന്നെയാണ് .

എന്ന് 

വിനീത അരുൺകുമാർ 

രക്ഷകർത്താവ് 

(അഭിമന്യു അരുൺകുമാർ )

ഇടുക്കി ജില്ല

10

 ഒന്നാം ക്ലാസിലെ പുതിയ പാഠ്യപദ്ധതി കാണുമ്പോൾ വളരെയധികം സന്തോഷം.കുട്ടികൾക്ക് വളരെയധികം മികവ് ഇതിലൂടെ ലഭിക്കുന്നു.

 എന്റെ മകൾ അലങ്കൃത സുഭാഷിന്  ഒന്നാം ക്ലാസിൽ പോയി തുടങ്ങിയപ്പോൾ പല അക്ഷരങ്ങളുംഅറിയില്ലായിരുന്നു.ചിഹ്നങ്ങൾ ഒക്കെ ആദ്യം പഠിപ്പിച്ചു തുടങ്ങിയപ്പോൾ ഇത് എങ്ങനെ പഠിക്കും എന്ന്  ടെൻഷൻ ഉണ്ടായിരുന്നു.എഴുത്തിലും വായനയിലും നല്ലൊരു മാറ്റം കൊണ്ടുവരാൻ സംയുക്ത ഡയറിസഹായിച്ചു. ഡയറിയുടെ എഴുത്ത് മൂലമാണ് ചിഹ്നങ്ങൾ കൂടുതൽ പഠിച്ചതും അക്ഷരങ്ങൾ പഠിച്ചതും..വായന കാർഡിന്റെ ഉപയോഗം മൂലം തനിയെ വായിച്ചു പഠിക്കാനുള്ള താൽപര്യം  കൂടി. ഇപ്പോൾ കഥ എഴുതാനും കഥയ്ക്ക് പേര് നൽകാനും പടം വരയ്ക്കാനും ഒക്കെ വളരെയധികം താല്പര്യമാണ്. റോയ്സ് ടീച്ചറിന്റെ പ്രോത്സാഹനം മൂലമാണ് നടന്നത്. അവളുടെ പഠനത്തിലെ മികവ് കാണുമ്പോൾ ഞങ്ങൾക്ക് ഒത്തിരി സന്തോഷമുണ്ട്. ഒന്നാം ക്ലാസിലെ പുതിയ പാഠ്യപദ്ധതി കാണുമ്പോൾ വളരെയധികം സന്തോഷം.കുട്ടികൾക്ക് വളരെയധികം മികവ് ഇതിലൂടെ ലഭിക്കുന്നു.കുട്ടികളുടെ ഇഷ്ടാനുസരണം  അവരെ പഠനത്തിൽ സഹായിക്കുന്ന സിസ്റ്റർ റോയിസ് ഒരായിരം ആശംസകൾ

 എന്ന്  രക്ഷിതാവ് സ്മിത സുഭാഷ്

സെൻ്റ ജോർജ്ജ് എൽ പി. സ്കൂൾ

കട്ടപ്പന, ഇടുക്കി

11

 ടീച്ചറിന്റെ പ്രോത്സാഹനത്തിനു നന്ദി

ഒന്നാം ക്ലാസ്സിൽ പഠിക്കുന്ന എന്റെ മകൻ അശ്വനീതിന് സംയുക്ത ഡയറി എഴുതാൻ തുടങ്ങിയതിൽ പിന്നെടീച്ചർ കൊടുത്തുവിടുന്ന വായനക്കാർഡ് വായിക്കുവാനും മലയാളം പഠിക്കാൻ താല്പര്യം കൂടിയിട്ടുണ്ട്. ചെറിയ വാക്കുകൾ കൂട്ടിവായിക്കുവാനും അറിയില്ലാത്തത് ചോദിച്ചു വായിക്കാനും വായിച്ചുകേൾപ്പിക്കാനും അവനു നല്ല ഇഷ്ടമാണ്.ഇതിനു ടീച്ചറിന്റെ പ്രോത്സാഹനത്തിനു നന്ദി അറിയിക്കുന്നു

അശ്വനീത് രാജേഷ്

1C

സെൻ്റ് ജോർജ്ജ് എൽ പി. സ്കൂൾ , 

കട്ടപ്പന

12

 

പഠനത്തിൽ നല്ല മികവ് 

 എൻറെ മകൾ സാനിയ ടി ആർ കട്ടപ്പന സെൻറ് ജോർജ് എൽപി സ്കൂളിൽ ഒന്നാം ക്ലാസിൽ പഠിക്കുന്നു അവൾക്ക് വായിക്കാനും എഴുതാനും മടിയായിരുന്നു ഇപ്പോൾ ഡയറി എഴുതുകയും കൊച്ചു കൊച്ചു കഥകൾ ഉണ്ടാക്കുകയും ചെയ്യുന്നതുകൊണ്ട് പഠനത്തിൽ നല്ല മികവ് ഉണ്ട് ടീച്ചർമാരുടെ ഭാഗത്തുനിന്ന് ഇങ്ങനെയുള്ള പ്രവർത്തനങ്ങൾ ചെയ്യിപ്പിക്കുന്നത്കൊണ്ട് 

കുട്ടിക്ക് കൂടുതൽ അറിവ് നേടാൻ കഴിയും 

 എന്ന്  രക്ഷിതാവ് 

സീന പി.ജി

സെൻറ് ജോർജ് എൽപി സ്കൂൾ, കട്ടപ്പന, 

ഇടുക്കി

13

എവിടെപ്പോയാലും ബസ്സിന്റെ ബോർഡ്,കടയുടെ പേര് എല്ലാം അവൻ കൂട്ടി വായിക്കാൻ തുടങ്ങി 

 എന്റെ മകൻ ആദിനാഥ് ജയൻ സെന്റ് ജോർജ് എൽ പി സ്കൂളിലെ ഒന്നാം ക്ലാസ് വിദ്യാർത്ഥിയാണ്. ഈ അധ്യായന വർഷം  എഴുതുവാനും വായിക്കുവാനും അറിയാത്തതുകൊണ്ട് അവന്റെ അമ്മ എന്ന നിലയിൽ എനിക്ക് ഭയങ്കര ടെൻഷൻ ആയിരുന്നു. ചിഹ്നങ്ങൾ ചേർത്ത് എഴുതാനും വായിക്കുവാനും അവന് അറിയില്ലായിരുന്നു.സംയുക്ത ഡയറി എഴുതാൻ തന്നെ അവന് മടിയായിരുന്നു.പിന്നെ പിന്നെ അവനിൽ നല്ല മാറ്റം ഉണ്ടായി. അക്ഷരങ്ങൾ എഴുതുവാനും കൂട്ടി വായിക്കുവാനും അവൻ പഠിച്ചു. അതുകൊണ്ട് ഡയറി എഴുതുവാൻ ഉള്ള മടിയും മാറി. എവിടെപ്പോയാലും ബസ്സിന്റെ ബോർഡ്,കടയുടെ പേര് എല്ലാം അവൻ കൂട്ടി വായിക്കാൻ തുടങ്ങി രചനോത്സവത്തിന്റെ പടം കാണിച്ചപ്പോൾ അവന്റെ ഭാവനയിൽ അവൻ അത് കണ്ട് കഥയുണ്ടാക്കി ഇതിനെല്ലാം അവനെ പ്രാപ്തനാക്കുന്നതിൽ അവന്റെ ക്ലാസ് ടീച്ചർ അർപ്പിത ടീച്ചർക്കാണ് വലിയ പങ്ക്. മലയാളം പാഠപുസ്തകത്തിലെ ചിത്രങ്ങൾ വരയ്ക്കാൻ അവന് വലിയ ഇഷ്ടമാണ്.ഈ പുതിയ രീതികൾ ഒക്കെ കുട്ടികളുടെ അറിവിനെയും ബുദ്ധിയേയും വളർത്താൻ ഏറെ സഹായകരമാണ്

എന്ന് രക്ഷകർത്താവ് Asha Jayan

14

 അവന്റെ മാറ്റം ശരിക്കും ഞങ്ങളെ ഞെട്ടിച്ചു.

എന്റെ മകൻ ജോയൽ ജോൺ അനീഷ്‌ കട്ടപ്പന സെന്റ്‌. ജോർജ്   എൽ. പി ലെ ഒന്നാം ക്ലാസ്സ്‌ വിദ്യാർത്ഥി ആണ്. ഒന്നാം ക്ലാസ്സിൽ പോയത്തുട ങ്ങിയപ്പോൾ പല അക്ഷരങ്ങളും അവന് അറിയില്ലാരുന്നു. ഹാൻഡ് റൈറ്റിംഗ് വളരെ മോശമായിരുന്നു. അവൻ എങ്ങനെ വായിക്കാനും എഴുതാനും പഠിക്കും എന്ന് ടെൻഷൻ ആയിരുന്നു. സംയുക്ത ഡയറി എഴുതിത്തുടങ്ങിയപ്പോൾ അവന്റെ മാറ്റം ശെരിക്കും ഞങ്ങളെ ഞെട്ടിച്ചു. അക്ഷരങ്ങളും ചിഹ്നങ്ങളും ചേർത്ത് എഴുതാൻ അവൻ വളരെ വേഗം പഠിച്ചു. കൂടാതെ അവന്റെ ഹാൻഡ് റൈറ്റിങ് വളരെയധികം മെച്ചപ്പെട്ടു. രചനോത്സവവും കൂടി ആയപ്പോൾ അവന്റെ ചിന്തിക്കാനുള്ള കഴിവും പടം വരയും വർദ്ധിച്ചു.വായനാ കാർഡ് വായിക്കാൻ ആദ്യം മടി കാണിച്ചെങ്കിലും ഇപ്പോൾ വായിക്കാനുള്ള താല്പര്യം കൂടി. അവന് ഇത്രയേറെ മാറ്റം ഉണ്ടാകാൻ ക്ലാസ്സ്‌ ടീച്ചർ സിസ്റ്റർ റോയ്സ്ന്റെ പ്രോത്സാഹനം വളരെ വലുതാണ്. സിസ്റ്ററിന്റെ സ്നേഹത്തോടെയുള്ള ശിക്ഷണവും സപ്പോർട്ടും അവന് താല്പര്യത്തോടുള്ള പഠനത്തിന് വഴിയൊരുക്കി. റോയ്സ് സിസ്റ്ററിന് ഒരുപാട് നന്ദി.💓

എന്ന് രക്ഷകർത്താവ് 

Mebi anish.

15

 

ഈ പുതിയ രീതികൾ ഒക്കെ കുട്ടികളുടെ അറിവിനെയും ബുദ്ധിയേയും വളർത്താൻ ഏറെ സഹായകരമാണ്

: എന്റെ മകൻ ആദിനാഥ് ജയൻ കട്ടപ്പന  സെന്റ് ജോർജ് എൽ പി സ്കൂളിലെ ഒന്നാം ക്ലാസ് വിദ്യാർത്ഥിയാണ്. ഈ അധ്യായന വർഷം  എഴുതുവാനും വായിക്കുവാനും അറിയാത്തതുകൊണ്ട് അവന്റെ അമ്മ എന്ന നിലയിൽ എനിക്ക് ഭയങ്കര ടെൻഷൻ ആയിരുന്നു. ചിഹ്നങ്ങൾ ചേർത്ത് എഴുതാനും വായിക്കുവാനും അവന് അറിയില്ലായിരുന്നു.സംയുക്ത ഡയറി എഴുതാൻ തന്നെ അവന് മടിയായിരുന്നു.പിന്നെ പിന്നെ അവനിൽ നല്ല മാറ്റം ഉണ്ടായി. അക്ഷരങ്ങൾ എഴുതുവാനും കൂട്ടി വായിക്കുവാനും അവൻ പഠിച്ചു. അതുകൊണ്ട് ഡയറി എഴുതുവാൻ ഉള്ള മടിയും മാറി. എവിടെപ്പോയാലും ബസ്സിന്റെ ബോർഡ്,കടയുടെ പേര് എല്ലാം അവൻ കൂട്ടി വായിക്കാൻ തുടങ്ങി രചനോത്സവത്തിന്റെ പടം കാണിച്ചപ്പോൾ അവന്റെ ഭാവനയിൽ അവൻ അത് കണ്ട് കഥയുണ്ടാക്കി ഇതിനെല്ലാം അവനെ പ്രാപ്തനാക്കുന്നതിൽ അവന്റെ ക്ലാസ് ടീച്ചർ അർപ്പിത ടീച്ചർക്കാണ് വലിയ പങ്ക്. മലയാളം പാഠപുസ്തകത്തിലെ ചിത്രങ്ങൾ വരയ്ക്കാൻ അവന് വലിയ ഇഷ്ടമാണ്.ഈ പുതിയ രീതികൾ ഒക്കെ കുട്ടികളുടെ അറിവിനെയും ബുദ്ധിയേയും വളർത്താൻ ഏറെ സഹായകരമാണ്

എന്ന് രക്ഷകർത്താവ് Asha Jayan

ആദിനാഥ് ജയൻ

 കട്ടപ്പന സെൻ്റ് ജോർജ് എൽ പി സ്കൂൾ

 ഇടുക്കി ജില്ല
16

 ഇത്രയേറെ മാറ്റങ്ങൾ ഉണ്ടായതിൽ വളരെയേറെ സന്തോഷമുണ്ട്.

എന്റെ മകൾ ആയുക്ത പി ബി, ST GEORGE LPS കട്ടപ്പനയിലെ ഒന്നാം ക്ലാസ്സ്‌ വിദ്യാർത്ഥിനിയാണ്. ഒരു അമ്മ എന്ന നിലയിൽ അവളുടെ പഠനകാര്യത്തിൽ എനിക്ക് ഭയങ്കര ആശങ്ക ആയിരുന്നു. അവൾക്ക് അക്ഷരങ്ങൾ പോലും ശരിയായി അറിയില്ലായിരുന്നു. ഡയറി എഴുതാൻ തുടങ്ങിയതോടെ അവളിൽ ഒത്തിരി മാറ്റം വരാൻ തുടങ്ങി . ഓരോ ദിവസവും നടന്ന കാര്യങ്ങൾ ഓർത്തെടുത്ത് അതിലെ പ്രധാനപ്പെട്ട കാര്യങ്ങൾ എഴുതുവാനും അതോടൊപ്പം  അതിൽ ചിത്രങ്ങൾ വരക്കുന്നതു കൊണ്ട് പഠനത്തോടൊപ്പം കലാപരമായ കഴിവുകൾ ഉയർത്തുന്നതിനും സാധിക്കും .

ചിത്രം കാണിച്ച് കഥ എഴുതിക്കുന്നത് കൊണ്ട് ചിന്തിക്കാനുള്ള കഴിവും ഉണ്ടാക്കുന്നു. എഴുതണം എന്ന ചിന്ത അവളിൽ ഉണ്ടാക്കുന്നു. ഇത്രയേറെ മാറ്റങ്ങൾ ഉണ്ടായതിൽ വളരെയേറെ സന്തോഷമുണ്ട്. ഇതിന് അവളെ പ്രാപ്തയാക്കുന്നതിന് വളരെ  അധികം പങ്കും അർപ്പിത ടീച്ചർക്കാണ്. അവളുടെ പഠനവളർച്ചയിൽ ഇതുപോലുള്ള കാര്യങ്ങൾ വളരെ ഉപയോഗപ്രഥമാണ് 

 നന്ദി ടീച്ചർ 

എന്ന് ആയുക്തയുടെ അമ്മ

ശാരി

 ആയുക്ത പി ബി

 സെൻ്റ് .ജോർജ് എൽ പി സ്കൂൾ കട്ടപ്പന

 ഇടുക്കി ജില്ല

17

ഒരു ദിവസം അവളുടെ ടീച്ചർ ഇല്ലെന്ന് പറഞ്ഞാൽ അവൾക്ക് ഭയങ്കര വിഷമമാണ്

എൻ്റെ മകൾ ആൻമരിയയ്ക്ക് ഒന്നാം ക്ലാസ്സിൽ ചെന്നപ്പോൾ അക്ഷരങ്ങൾ പോലും നന്നായി അറിയില്ലായിരുന്നു. സംയുക്ത ഡയറി എഴുതാൻ തുടങ്ങിയതിൽ മുതലും റോയിസ് ടീച്ചർ കുട്ടികളെ പഠിപ്പിക്കുന്നതുകൊണ്ടും അവൾ അക്ഷരങ്ങളെല്ലാം വായിക്കാനും എഴുതാനും പഠിച്ചു. മാത്രമല്ല ഇപ്പോൾ ഡയറി എഴുതുന്നത് 'തനിയെയാണ്. ആദ്യം ഡയറി എഴുതുമ്പോൾ ഞാൻ അക്ഷരങ്ങൾ പറഞ്ഞ് കൊടുത്തിരുന്നു. എന്നാൽ ഇന്ന് 2 സെൻ്റൻസേ എഴുതുക ഉള്ളൂയെങ്കിലും അവൾ തനിയെയാണ് എഴുതുന്നത്.  അക്ഷരങ്ങൾ കൂട്ടി വായിക്കാനും പഠിച്ചു. കഥയുടെ പടം കാണിച്ചാൽ അതിൽ തനിയെ ആശയങ്ങൾ ഉണ്ടാക്കും. 'ഒരു ദിവസം അവളുടെ ടീച്ചർ ഇല്ലെന്ന് പറഞ്ഞാൽ അവൾക്ക് ഭയങ്കര വിഷമമാണ്. എനിക്ക് റോയിസ് ടീച്ചറിൻ്റെ ക്ലാസ്സിൽ ഇരുന്നാൽ മതിയെന്ന് പറയും                       

റ്റിൻ്റു തോമസ്       

St. George LPS Kattappana

ഇടുക്കി

18

 അച്ചടിച്ചു വച്ച കാര്യങ്ങൾ മനഃപാഠമാക്കി പഠിച്ചു വളർന്നു വന്ന ഒരു തലമുറയിൽ നിന്നും, ജീവിതത്തിൽ മുതൽക്കൂട്ടാകുന്ന രീതിയിലുള്ള വിദ്യാഭ്യാസം കിട്ടട്ടെ ഇനിയുള്ള ഓരോ കുഞ്ഞുങ്ങൾക്കും..

എന്റെ മകൾ വൈഷ്ണവി ജയേഷ് കട്ടപ്പന സെന്റ് ജോർജ് എൽ പി സ്കൂളിലെ ഒന്നാം ക്ലാസ്സ്‌ വിദ്യാർഥിനി ആണ്. സംയുക്ത ഡയറി എന്ന ആശയം പ്രവർത്തികമായതു മുതൽ കുട്ടിയിൽ വന്ന മാറ്റങ്ങളെ കുറിച്ചു ഇതിനു മുൻപൊരു കുറിപ്പിൽ എന്റെ സന്തോഷം ഞാൻ പങ്കു വച്ചിരുന്നു. എങ്കിലും ഒരിക്കൽ കൂടി പറയുകയാണ്... അക്ഷരങ്ങൾ കൂടിച്ചേർന്നാണ് വാക്കുകളായി തീരുന്നതെന്നും, കാണുന്നതും കേൾക്കുന്നതും ഒക്കെ വാക്കുകളായി എഴുതുവാൻകഴിയും എന്നുമൊക്കെ അത്ഭുതത്തോടെ സ്വയം മനസ്സിലാക്കി, വലിയൊരു അക്ഷര ലോകത്തേക്ക് അവൾ സ്വയം പിച്ചവച്ചു നടന്നത് സംയുക്ത ഡയറി എന്ന ആശയം വന്നതു കൊണ്ടാണ്.ഓരോ ദിവസവും കൂടുതൽ നന്നായി മുന്നോട്ടു പോകുന്നത് കാണുമ്പോൾ ഒരുപാട് സന്തോഷം തോന്നുന്നുണ്ട്. ക്ലാസ് ടീച്ചറുടെ പൂർണ പിന്തുണയും,ആത്‍മാർ ത്ഥതയും, കുഞ്ഞുമക്കളോടുള്ള നിറഞ്ഞ സ്നേഹവും കൊണ്ടു മാത്രമാണ് ഈ ആശയം ഇത്രമേൽ വിജയം ആയതെന്നു മനസ്സു നിറഞ്ഞ സന്തോഷത്തോടെ, അതിലേറെ നന്ദിയോടെ എടുത്തു പറയാതെ വയ്യ.

 തൊട്ടടുത്ത നാളുകളിൽ തുടങ്ങിയ രചനോത്സവം, കുട്ടികളിൽ സ്വയം ചിന്തിയ്ക്കുവാനുള്ള കഴിവിനെ വളർത്തും എന്നതിൽ സംശയമില്ല. സ്വയം ചിന്തിച്ചു ആശയങ്ങൾ കണ്ടുപിടിച്ചു അവർ പോലും അറിയാതെ അവർ സ്വയം ചിന്തി യ്ക്കുകയയാണ്, മനസ്സിൽ വന്നത് എഴുതി നോക്കുകയാണ്, സ്വയം വരയ്ക്കാൻ പഠിക്കുകയാണ്, കളർ ചെയ്യാൻ പഠിക്കുകയാണ്.. ഒരുപാട് സന്തോഷം..പുതിയ പഠന രീതികൾക്ക് ആശംസകൾ. 🙏. 🌹🌹... അച്ചടിച്ചു വച്ച കാര്യങ്ങൾ മനഃപാഠമാക്കി പഠിച്ചു വളർന്നു വന്ന ഒരു തലമുറയിൽ നിന്നും, ജീവിതത്തിൽ മുതൽക്കൂട്ടാകുന്ന രീതിയിലുള്ള വിദ്യാഭ്യാസം കിട്ടട്ടെ ഇനിയുള്ള ഓരോ കുഞ്ഞുങ്ങൾക്കും.. എല്ലാ മക്കളെയും സ്വന്തം കുഞ്ഞുങ്ങളായി കണ്ടു, നല്ല മനസോടെ അവരെ കൈ പിടിച്ചുയർത്തുന്ന അർപ്പിത ടീച്ചർക്ക്, നിറഞ്ഞ പ്രാർത്ഥനയോടൊപ്പം ഒരുപാട് നന്ദി. 🙏🙏🙏🌹🌹🌹

സ്നേഹപൂർവ്വം 

അനിഷ. പി. എസ് 

(വൈഷ്ണവിയുടെ അമ്മ )

വൈഷ്ണവി ജയേഷ്

 സെൻ്റ്. ജോർജ് എൽ പി സ്കൂൾ കട്ടപ്പന

 ഇടുക്കി ജില്ല

19

ഒരു രക്ഷിതാവ് എന്നാ നിലയിൽ thank you ടീച്ചർ 🙏

: എന്റെ മകൻ റെയാൻ റ്റി അനൂപ് സെന്റ് ജോർജ്  എൽ പി എസ് സ്കൂൾ കട്ടപ്പന ഒന്നാം ക്ലാസ്സ്‌ വിദ്യാർത്ഥി ആണ് ഒന്നാം ക്ലാസ്സ്‌ എന്നത് എല്ലാകുട്ടികളുടെ വിദ്യാഭാസത്തിന്റ ആദ്യ പടി ആണല്ലോ ഓരോ മാതാപിതകളുടെയും ടെൻഷൻ പോലെ തന്നെ എന്റെ കുഞ്ഞിന്റെ കാര്യത്തിലും എങ്ങനെ ആവും എന്നാ ടെൻഷൻ ഉണ്ടായിരുന്നു ഒന്നാം ക്ലാസ്സിലെ കുഞ്ഞുങ്ങളുടെ ഓരോ പ്രവർത്തനങ്ങളും സംയുക്ത ഡയറിയിൽ തുടങ്ങി വായനകാർഡും, രചനോത്സവും ഒക്കെ കൂടുതൽ അക്ഷരങ്ങളും ചിഹ്നങ്ങളും പഠിക്കാനും തനിയെ വായിക്കാനും  എന്റെ കുഞ്ഞിനെ സഹായിച്ചു മടിയില്ലാതെ ഓരോ പ്രവർത്തനങ്ങളും ചെയ്യാൻ ടീച്ചറുടെ പ്രോത്സാഹനവും അവൻ പ്രചോദനം ആയി ഒരു രക്ഷിതാവ് എന്നാ നിലയിൽ thank you ടീച്ചർ 🙏

(രക്ഷിതാവ് )

റെസി അനൂപ് 

റെയാൻ റ്റി അനൂപ് 

1C

സെന്റ് ജോർജ് എൽ പി എസ് സ്കൂൾ കട്ടപ്പന

20

 പാലപ്പം എന്ന പാഠം പഠിപ്പിച്ചപ്പോൾ ടീച്ചറിന് പാലപ്പം ഉണ്ടാക്കി കൊടുക്കാൻ പറഞ്ഞു

എന്റെ മകൻ അഭിനവ് സുനിൽ  ഒന്നാം  ക്ലാസ്സിൽ പോയി തുടങ്ങിയപ്പോൾ  അവന് അക്ഷരങ്ങളും    അറിയില്ലായിരുന്നു. ഇപ്പോൾ അവൻ അക്ഷരങ്ങളും ചിഹ്നങ്ങളും പറയാനും എഴുതാനും തുടങ്ങി.  ഡയറി എഴുതാൻ ഇഷ്ടമാണ് ടീച്ചർ പറഞ്ഞ്  നമ്മുടെ അനുഭവങ്ങളാണ് എഴുതേണ്ടത്. അവൻ ഓരോ ദിവസവും കണ്ട കാര്യം പറയും ടീച്ചറിനെ അവന് ഭയങ്കര ഇഷ്ടമാണ് ടീച്ചർ ഇന്ന് ഇല്ലെങ്കിൽ സ്കൂളിൽ പോകുന്നില്ല എന്ന് പറയും പാലപ്പം എന്ന പാഠം പഠിപ്പിച്ചപ്പോൾ ടീച്ചറിന് പാലപ്പം ഉണ്ടാക്കി കൊടുക്കാൻ പറഞ്ഞു. ടീച്ചറെ ഒരുപാട് നന്ദി പറയുന്നു

അഭിനവ് സുനിൽ

സെൻ്റ് ജോർജ്ജ് എൽ. പി. സ്കൂൾ കട്ടപ്പന

സുനിൽ പി. ബി (  രക്ഷകർത്താവ് )

21

 .മറ്റൊരു അനുഭവം കുട്ടിയുടെ താത്പര്യം മറ്റു ക്രിയാത്മക വിഷയങ്ങളിലും  (പാട്ട് ,കളി ,ചിത്രരചന)  ഉണ്ട് എന്നതാണ്

എൻറെ മകൾ തൃപ്ത ആർ സെൻറ് ജോർജ് എൽ . പി. സ്കൂൾ കട്ടപ്പനയിൽ ഒന്നാം ക്ലാസ് വിദ്യാർത്ഥിനിയാണ്. മികച്ച പഠന രീതി കാഴ്ചവയ്ക്കുകയും, പഠനനിലവാരം ഉയർന്നു വരുകയും ചെയ്യുന്ന ഒന്നാം ക്ലാസിലെ അധ്യാപകരുടെ പഠന പരിപാടികൾ അഭിനന്ദനം അർഹിക്കുന്നു. അതിൽ ഒന്നാമതായി നിൽക്കുന്നത് 'സംയുക്ത ഡയറി' അക്ഷരങ്ങൾ മനസ്സിൽ പതിയാനും വാക്കുകളാക്കാനും  വാക്യങ്ങൾ ആക്കാനും  വാക്യങ്ങൾ സൃഷ്ടിക്കാനും സംയുക്ത ഡയറി എന്ന ആശയത്തിന് സാധിച്ചു . അടുത്തതായി രചനോത്സവം എന്ന പുതിയ ആശയം കുട്ടിക്ക് ചിന്തിക്കാനുള്ള കഴിവിനെയും കഥാപാത്രങ്ങളിലൂടെ കുട്ടിയുടെ സംവാദന ശൈലിയെയും വളർത്താൻ ഏറെ സഹായിക്കുന്നു . കുട്ടിയുടെ വായനാശീലം ഉയരുകയും അക്ഷരങ്ങൾ എവിടെ കണ്ടാലും അത് കൂട്ടി വായിക്കാൻ ശ്രമിക്കുന്നു എന്നത് സന്തോഷം നൽകുന്നു  .മറ്റൊരു അനുഭവം കുട്ടിയുടെ താത്പര്യം മറ്റു ക്രിയാത്മക വിഷയങ്ങളിലും  (പാട്ട് ,കളി ,ചിത്രരചന)  ഉണ്ട് എന്നതാണ് . കുട്ടിയുടെ കാര്യങ്ങൾ കൂടുതൽ അറിയാൻ ക്ലാസ് പി .ടി .എ . സഹായിക്കുന്നു . ഓരോ കുഞ്ഞു കുഞ്ഞ് പ്രോജക്ടുകൾ ഏൽപ്പിക്കുന്നത് മികച്ച പഠന പരിപാടികളിൽ ഒന്നാണ്. ഇവയിലൂടെ കുട്ടിയിൽ കാണുന്ന മാറ്റം വലുതും , മികവുറ്റതും ആണ് . ഇതിനു പിന്നിലും , മുന്നിലുമായി സ്നേഹത്തോടെ പ്രവർത്തിക്കുന്ന പ്രിയ അധ്യാപകരുടെപ്രോത്സാഹനവും, പിന്തുണയും എടുത്തുപറയേണ്ടതാണ്  .ഒരുപാട് നന്ദി അർപ്പിക്കുന്നു . ഇനിയും ഒത്തിരി പുതിയ രീതിയിലുള്ള പാഠ്യ പദ്ധതികൾ കൊണ്ടുവരണം. മലയാളഭാഷക്കൂടാതെ ആംഗലേയഭാഷയിലും കുട്ടിയുടെ അറിവ് വളരാൻ സഹായിക്കുന്ന പഠന രീതികൾ നടപ്പിലാക്കുന്നത് വളരെ നല്ലതായിരിക്കും എന്ന അഭ്യർത്ഥനയിലൂടെ എൻറെ കുറുപ്പ്   അവസാനിപ്പിക്കുന്നു .

          നന്ദി

 കുട്ടിയുടെ    അമ്മ സജിത               

 മകൾ തൃപ്ത ആർ

സെൻറ് ജോർജ് എൽ പി സ്കൂൾ

കട്ടപ്പന

ഇടുക്കി.

22

 പുതിയ പഠന രീതി  വളരെ പ്രയോജനപ്രദമാണ്...

എന്റെ മകൾ സോനാ നോബിൾ കട്ടപ്പന സെന്റ് ജോർജ് സ്കൂളിലെ ഒന്നാം ക്ലാസ് വിദ്യാർത്ഥിനി ആണ്.ജോബിന ടീച്ചർ ആണ് അവളുടെ ക്ലാസ് ടീച്ചർ., വലിയൊരു മാറ്റം തന്നെ ആണ് സംയുക്ത ഡയറി എഴുതാൻ തുടങ്ങിയതിൽ പിന്നെ ഉണ്ടായത്. തനിയെ എഴുതാനും അറിയാത്ത അക്ഷരങ്ങൾ പഠിച്ചെടുക്കാനും സോനാ ശ്രമിക്കുന്നുണ്ട്. രചനോത്സവം തുടങ്ങിയത് മുതൽ സ്വന്തമായി ചിന്തിക്കാനും ആശയങ്ങൾ രൂപീകരിക്കാനും ശ്രമിക്കുന്നുണ്ട്, എന്റേതായ ചെറിയ സഹായം മാത്രമേ വേണ്ടി വരുന്നുള്ളു. സ്വന്തമായി ചിന്തിച്ച് സ്വന്തം ആശയത്തിൽ ആണ് കഥകൾ എഴുതുകയും വരയ്ക്കുകയും കളർ ചെയ്യുകയും ചെയ്യുന്നത്. ഏറ്റവും പ്രധാന കാര്യം ഈ ചെറിയ ക്ലാസ്സിൽ വച്ചു തന്നെ വായിക്കാനും എഴുതാനും പറ്റുന്നു എന്നതാണ്, പുതിയ പഠന രീതി എല്ലാ കുട്ടികൾക്കും വളരെ പ്രയോജനപ്രദമാണ്... സ്കൂളിൽ പോകാൻ സോനയ്ക്ക് സന്തോഷമാണ്, ഒരു ദിവസം ക്ലാസ് ടീച്ചർ ഇല്ല എങ്കിൽ വളരെ സങ്കടം പറയുന്ന സോനയെ ഞാൻ കാണാറുണ്ട് ഇതിൽ നിന്നും ടീച്ചർ എത്ര കരുതലോടെ, സ്നേഹത്തോടെയാണ് ഓരോ കുട്ടിയേയും ശ്രദ്ധിക്കുന്നതെന്ന് മനസിലാക്കാം., എല്ലാവരുടെയും പേരിൽ ടീച്ചറിന് ഒത്തിരി സ്നേഹത്തോടെ നന്ദിയും ഒപ്പം പ്രാർത്ഥനയും പുതിയ പഠന ആശയത്തിന് ആശംസയും നേരുന്നു 

   ഒത്തിരി സ്നേഹത്തോടെ 

      മാർളി ജോർജ് 

(സോനയുടെ അമ്മ )

23

 എപ്പോഴും ഏതു സമയത്തും സംശയങ്ങൾ പരിഹരിക്കുവാനും നമുക്കുവേണ്ട നിർദ്ദേശങ്ങൾ തരാനും

St ജോർജ് L.P. S കട്ടപ്പനയിലെ ഒന്നാം ക്ലാസ്സ്‌ വിദ്യാർത്ഥിനിയാണ് എന്റെ മകൾ മീതു മനോജ്. അക്ഷരങ്ങൾ അറിയാം എങ്കിലും അവ ചേർത്ത് വാക്കുകളോ വായിക്കുവാനോ  കുഞ്ഞിന് ബുദ്ധിമുട്ടുണ്ടായിരുന്നു. സംയുക്ത ഡയറി  എന്നുമുതലാണോ എഴുതുവാൻ തുടങ്ങിയത് അന്നുമുതൽ ഓരോ അക്ഷരങ്ങളും മനസിലാക്കി വായിക്കുവാനും അവ ഉപയോഗിച്ച് വാക്കുകൾ എഴുതുവാനും തുടങ്ങി. ഹോം വർക്കുകൾ ചെയ്യുവാൻ ആദ്യം പിറകേനടകേണ്ട അവസ്ഥ ആയിരുന്നെങ്കിൽ ഇപ്പോൾ സ്വയം ബുക്കും പേനയും പെൻസിലുമായി വരികയും പേന എന്റെ കൈയിൽ തന്ന് അമ്മേ നമുക്ക് സമുക്ത ഡയറി എഴുതാം എന്ന് പറയുകയും ചെയ്‌യുന്ന അവസ്ഥയിലേക്ക്  ഇന്നെന്റെ മകൾ എത്തിച്ചേർന്നിരിക്കുന്നു .

                 ക്ലാസിലെ പഠനപ്രവർത്തനങ്ങളുടെയും, സമുക്ത ഡയറിയുടെയും, ചിത്രങ്ങളിൽ നിന്നും കഥകൾ കുട്ടികളുടെ ഭാവനയ്ക്ക് അനുസരിച്ചു വികസിപ്പിക്കുന്ന രീതിയിൽ അവരു തന്നെ കഥാപാത്രങ്ങൾക്ക്  പേരികൾ നൽകുകയും കഥക്ക് അവരുടെ മനസ്സിൽ തോന്നുന്ന തലകെട്ടു നൽകുകയും ചെയ്‌യുന്നു.

             ചിത്രങ്ങളോടുകൂടിയ വായനക്കാർഡുകൾ കുട്ടികളുടെ വായന മികവ് വർധിപ്പിക്കുന്നത് വളരെ അധികം സഹായകമാകുന്നുണ്ട്. കൈയിൽകിട്ടുന്ന ചിത്രകഥപുസ്തകങ്ങളിലെ  ചെറിയ ചില വാക്കുകളെങ്കിലും ഇതിനുശേഷം കുഞ്ഞു വായിക്കുവാൻ ശ്രമിക്കുന്നത് എനിക്ക് കാണുവാൻ കഴിഞ്ഞു.

            ഏറ്റവും കൂടുതൽ എടുത്തു പറയേണ്ടത് കുഞ്ഞിന്റെ മാർഗദർശി അവളുടെ ക്ലാസ്സ്‌ ടീച്ചർ റോയ്സ് സിസ്റ്റർനെ കുറിച്ചാണ്. എപ്പോഴും ഏതു സമയത്തും സംശയങ്ങൾ പരിഹരിക്കുവാനും നമുക്കുവേണ്ട നിർദ്ദേശങ്ങൾ തരാനും സിസ്റ്റർ ശ്രദ്ധിക്കാറുണ്ട്. അതുപോലെ കുഞ്ഞിന്റെ പഠനകാര്യങ്ങളിൽ ചെറിയ MINUTE ആയ കാര്യങ്ങളും കണ്ടെത്തി അവ രക്ഷിതാവിനെ അറിയിക്കുവാനും സിസ്റ്റർ പ്രത്യേകം ശ്രദ്ധിക്കാറുണ്ട്. എല്ലാ പ്രവർത്തനങ്ങളും കാര്യക്ഷമമായി ചെയ്‌യുവാൻ സിസ്റ്റർ നൽകുന്ന പ്രോത്സാഹനം കുഞ്ഞിനും ഒപ്പം രക്ഷിതാവെന്ന നിലയിൽ എനിക്കും വളരെ പ്രചോദനകരമാണ്.

       രഞ്ജിത രവീന്ദ്രൻ