ടിപ് ആക്ടിവിറ്റി.
- ഇതിന് അടിക്കുറിപ്പ് തയ്യാറാക്കാമോ? (വ്യക്തിഗതം. )
- ഇതേ പ്രവര്‍ത്തനം പിന്നാക്ക പരിഗണനയോടെ എങ്ങനെ ക്ലാസില്‍ ആസൂത്രണം ചെയ്യും
- വ്യക്തിഗതമായി കുറിക്കുക. ( കുറിച്ചെങ്കില്‍ അടുത്ത വരി വായിക്കാം)
- ക്ലാസില്‍ പ്രതീക്ഷിക്കുന്ന പിന്നാക്കാവസ്ഥകള്‍ എന്തായിരിക്കുമെന്നു ലിസ്റ്റ് ചെയ്യുുക ( പട്ടിക രണ്ടാം കോളവുമായി ഒത്തു നോക്കുക. നിങ്ങള്‍ ആലോചിച്ചതെല്ലാം ഉണ്ടോ? നിങ്ങളുടെ ക്ലാസിന് ഇത് ബാധകമാണോ?)
- ഈ പിന്നാക്കാവസ്ഥ നേരത്തെ ആലോചിച്ചപ്പോള്‍ അഭിസംബോധന ചെയ്തിരുന്നുവോ? ) ചോദ്യം 2)
- എങ്കില്‍ എങ്ങനെ അടിക്കുറിപ്പ് രചന പിന്നാക്ക പരിഗണനയോടെ നടത്തും? ചുവടെയുളള പട്ടികയിലെ മൂന്നാം കോളത്തിലെ ഏതെല്ലാം കാര്യങ്ങളോടും പ്രക്രിയയോടും നിങ്ങള്‍ യോജിക്കുന്നു?
അധ്യാപകര്‍
പറയാനിടയുളളത്
|
പ്രതീക്ഷിക്കുന്ന
പിന്നാക്കാവസ്ഥ
|
പിന്നാക്ക പരിഗണനയോടെ മെച്ചപ്പെടുത്തി അവതരിപ്പിക്കുന്നത്
|
|
1.അടിക്കുറിപ്പ്
എന്താണ് എന്ന്.
അറിയാത്തവര്‍
കാണും
2.അടിക്കുറിപ്പിന്റെ
സവിശേഷതകള്‍ അറിയാത്തവരുണ്ടാകും
3.ആശയം
ഉണ്ടെങ്കിലും എഴുതാത്തവരുണ്ടാകം
4.അപൂര്‍ണമായ
വാക്യങ്ങളില്‍ എഴുതുന്നവര്‍
കാണും
5.എഴുതിയവയില്‍
തെറ്റ് സംഭവിക്കാം (
അക്ഷരം,
കൂട്ടക്ഷരം,
ചിഹ്നം)
6.അക്ഷരങ്ങള്‍
രൂപപരമായ വടിവ് പാലിക്കാതെ
എഴുതുന്നവര്‍ കാണും (
വ,പ)
7.വാക്കുകളുടെ
അകലം പാലിക്കാത്തവരും കാണും
8.വാക്യഘടനാപരമായ
പ്രശ്നങ്ങളും പ്രതീക്ഷിക്കാം
9.
ഇവയൊന്നമല്ലാത്ത
തെറ്റുകളും കാണും
പ്രതീക്ഷിക്കുന്ന
മികവ്
മനോഹരമായ
അടിക്കുറിപ്പ് തയ്യാറാക്കിയവരുണ്ടാകും
(
ആശയതലം)
(ഭാഷാ
തലം)
|
എന്തായിരിക്കാം
ഈ പൂച്ചയ്ക് സംഭവിച്ചത്?
ഈ
രംഗത്തിനു പറ്റിയ അടിക്കുറിപ്പ്
ആലോചിക്കണം.
എഴുതണം
എന്താണ്
അടിക്കുറിപ്പ്?
ഒന്നു
രണ്ടുപേര്‍ പറയുന്നു.
ക്രോഡീകരണം
അടിക്കുറിപ്പിന്റെ
സവിശേഷതകള്‍ ബോര്‍ഡില്‍
രേഖപ്പെടുത്തുന്നു
ചിത്രം
വര അരപ്പേജില്‍
ആശയം
ഉറപ്പാക്കല്‍
(കുട്ടികളുടെ
ഓരോരുത്തരുടെയും അടുത്തെത്തി
എന്താ എഴുതാനാലോചിച്ചത്
എന്നു തിരക്കി ആശയം
ഉണ്ടെന്നുറപ്പാക്കല്‍.)
എഴുത്തുവേളയിലെ
മോണിറ്ററിംഗ്
തത്സമയ
സഹായം (വിശകലന
ചോദ്യങ്ങള്‍,
ചില
താരതമ്യങ്ങള്‍,
മാതൃകകാട്ടല്‍,
ശരിയിലേക്ക്
നയിക്കല്‍)
പൊതുവായി
ഫീഡ് ബാക്ക് നല്‍കല്‍ (
ഉദാ
ചലര്‍ വാക്കുകള്‍ അകലം
പാലിക്കാതെ എഴുതുന്നുണ്ട്.
ശ്രദ്ധിക്കണേ..)
അവതരണം
ഓരോരുത്തരും
ഭാവം ഉള്‍ക്കൊണ്ട് ക്ലാസിനു
മുന്നിലെത്തി അവതരിപ്പിക്കല്‍,
അംഗീകാരം
ബോര്‍ഡെഴുത്ത്
(
എല്ലാവരും
)
എഡിറ്റിംഗ്
(
വാക്യതലം
,പദതലം,
അക്ഷരതലം
)
അംഗീകാരം
നല്ല
രീതിയില്‍ എഴുതിയത് (
പ്രയോഗം,
ആശയം)
അംഗീകരിക്കല്‍.
ചര്‍ച്ച
മെച്ചപ്പെടുത്തി
എഴുതല്‍ (
മോണിറ്ററിംഗ്
)
സൂചകങ്ങളുപയോഗിച്ച്
സ്വയം വിലയരുത്തി ഗ്രേഡ്
അവരവര്‍ തന്നെ നല്‍കല്‍
ഫീഡ്ബാക്ക്
എഴുതല്‍
|
സ്വയം
വിശകലനം ചെയ്യുക.
- പിന്നാക്ക പരിഗണന ഉണ്ടോ?
- എല്ലാ കുട്ടികളുടെയും നോട്ട് ബുക്കില്‍ രചന ഉണ്ടെന്നുറപ്പാക്കിയോ
- അത് മെച്ചപ്പെടുത്തിയതാണെന്ന് ഉറപ്പുണ്ടോ?
- പ്രക്രിയാപരമായ സൂക്ഷ്മതയുണ്ടോ?
- ബോര്‍ഡിന്റെ ഉപയോഗം സൂചിപ്പിച്ചിട്ടുണ്ടോ?
- ഭാഷാപ്രശ്നങ്ങള്‍ പരിഹരിക്കുമോ?
- തത്സമയ വിലയിരുത്തല്‍ നടക്കുന്നുണ്ടോ?
- ക്ലാസിലെ രചനാപരമായ മികവുകള്‍ മറ്റുളളവര്‍ക്ക് മാതൃകയാക്കുന്നുണ്ടോ?
- എന്തായിരിക്കും പ്രതികരണപ്പേജില്‍ എഴുതുക? ( സാധ്യതകള്‍)
- ഒരു അധ്യാപികയുടെ ആസൂത്രണക്കുറിപ്പ്.
ഇതിനെ
മുകളില്‍ നല്‍കിയ ഉദാഹരണത്തിന്റെ
അടിസ്ഥാനത്തില്‍ വിലയിരുത്തുക.
ക്ലാസ്
നാല്,പാഠം
മേളിതം-
ടീച്ചിംഗ്
മാന്വല്‍ തയ്യാറാക്കിയ
തീയതി-30/11/2015
- ലക്ഷ്യം
-വര്‍ണന
- പ്രക്രിയ-കവിത-
വായന-വ്യക്തിഗതം-
ഗ്രൂപ്പില്‍
ഈണം
കണ്ടെത്തി
അവതരണം-
കവിതയിലെ
ആശയം വ്യക്തിഗതമായി രചന-കൈമാറി
വായന-ഗ്രൂപ്പില്‍
മെച്ചപ്പെടുത്തല്‍-
മനസിലാക്കിയ
ആശയത്തെ ആസ്പദമാക്കി ചിത്രം
വരയ്കുന്നു-ഉത്സവത്തെക്കുറിച്ചുളള
വര്‍ണനയും വിവരണവും
തയ്യാറാക്കി അവതരിപ്പിക്കുന്നു-
ചാര്‍ട്ടില്‍
പ്രദര്‍ശിപ്പിക്കുന്നു-ഇവ
തമ്മിലുളള വ്യത്യാസം
കുട്ടികള്‍ തന്നെ
കണ്ടെത്തുന്നു-കേരളത്തിന്റെ
പ്രകൃതിഭംഗിയെക്കുറിച്ച്
കവിതയിലെ ആശയം ഉള്‍ക്കൊണ്ട്
വര്‍ണന
തയ്യാറാക്കുന്നു.
ആലങ്കാരിക
പദപ്രയോഗങ്ങള്‍,
വാക്യഘടന,
അക്ഷരങ്ങള്‍,
ചിഹ്നങ്ങള്‍,
വാക്യങ്ങളുടെ
പരസ്പരബന്ധം
ഇവ വിലയിരുത്തുന്നു.
- ഈ അധ്യാപനക്കുറിപ്പും നിങ്ങളുടെ ടീച്ചിംഗ് മാന്വലെഴുത്തും തമ്മില്‍ എന്താണ് വ്യത്യാസം?
- ................................................
- ...............................................
- .................................................
- .................................................
- വായന-വ്യക്തിഗതം ( വായിക്കാനറിയാത്ത എട്ടു പേര്‍ എന്തു ചെയ്യും? വായിച്ചവരെല്ലാം ആശയം ഗ്രഹിച്ചു എന്നുറപ്പുണ്ടോ? അതിന് മിടുക്കരെ കൊണ്ട് ഉത്തരം പറയിച്ചാല്‍ ആശയഗ്രഹണത്തോടെയുളള വായനാശേഷി ഈ കുട്ടികള്‍ക്ക് കിട്ടുമോ?)
- ഗ്രൂപ്പില്‍ ഈണം കണ്ടെത്തി അവതരണം ( ഈണം കണ്ടെത്തുന്ന പ്രക്രിയ എന്താണ്? വരിയുടെ ആശയം അറിയേണ്ടേ? ഭാവം മനസിലാക്കണ്ടേ? അതിനു നന്നായി പദച്ചേരുവ മനസിലാക്കി വായിക്കണ്ടേ? ഓരോരുത്തരും വായിച്ചുവെന്നുറപ്പുണ്ടോ? ഓരോരുത്തരുടേയും ഈണധാരണയെ ഏകീകരിക്കുന്ന പ്രക്രിയ എന്താണ്?)
- കവിതയിലെ ആശയം വ്യക്തിഗതമായി രചന- ( ആശയം മനസിലാക്കാത്തവരെന്തു ചെയ്യും? എഴുത്തില്‍ പിന്നാക്കമുളളവരെന്തു ചെയ്യും? കവിതയിലെ ആശയം എങ്ങനെ എഴുതണമെന്ന് അറിയാത്തവരെന്തു ചെയ്യും?ടീച്ചര്‍ എന്തു പിന്തുണയായണ് നല്‍കുന്നത്?)
- രചന-കൈമാറി വായന-ഗ്രൂപ്പില്‍ മെച്ചപ്പെടുത്തല്‍- ( എന്താണ് ഗ്രൂപ്പില്‍ നടക്കേണ്ടത്? ഒരാള്‍ സമര്‍ഥ/ന്‍ വായിച്ച് മറ്റുളളവരെക്കൊണ്ട് അംഗീകരിപ്പിക്കലാണോ? കീഴടങ്ങുക, വിധേയരാവുക എന്ന സംസ്കാരമാണോ ഗ്രൂപ്പില്‍ വേണ്ടത്?ടീച്ചര്‍ എന്തു പിന്തുണയായണ് നല്‍കുന്നത്?)
- മനസിലാക്കിയ ആശയത്തെ ആസ്പദമാക്കി ചിത്രം വരയ്കുന്നു ( ഗ്രൂപ്പില്‍ എല്ലാവരും പങ്കുവെച്ച ആശയമാണോ? അതോ കവിതയിലെ ആശയമാണോ? ഞങ്ങള്‍ എല്ലാ ആശയവും മനസിലാക്കി എന്ന് ടീച്ചര്‍ക്ക് ഉറപ്പുണ്ടോ?
- ഉത്സവത്തെക്കുറിച്ചുളള വര്‍ണനയും വിവരണവും തയ്യാറാക്കി അവതരിപ്പിക്കുന്നു- ( ആദ്യം എന്താ എഴുതേണ്ടത്? എന്താ ഇവ തമ്മിലുളള വ്യത്യാസം എന്ന് അറിയില്ലെങ്കിലോ? ഒരോ കാര്യത്തെക്കുറിച്ച് എന്തിനാ വര്‍ണനേം വിവരണോം? ഉത്സവം എങ്ങനെ ഈ സന്ദര്‍ഭത്തില്‍ കടന്നു വന്നു? ടീച്ചര്‍ എന്തു പിന്തുണയായണ് നല്‍കുന്നത്?)
- ചാര്‍ട്ടില്‍ പ്രദര്‍ശിപ്പിക്കുന്നു ഇവ തമ്മിലുളള വ്യത്യാസം കുട്ടികള്‍ തന്നെ കണ്ടെത്തുന്നു ( എല്ലാ കുട്ടികളും എഴുതിയത് ചാര്‍ട്ടില്‍ പ്രദര്‍ശിപ്പിക്കുമോ? അത് തന്നെ പല രീതിയിലാകില്ലേ? എങ്ങനെ താരതമ്യം ചെയ്യും? മാനദണ്ഡങ്ങള്‍ കുട്ടികള്‍ക്ക് വ്യക്തമല്ലല്ലോ? ആദ്യം ഏതു ഘടകം താരതമ്യം ചെയ്യണം? കുട്ടികള്‍ എഴുതിയത് വര്‍ണന ആയില്ലെങ്കില്‍ താരതമ്യം എങ്ങനെ നടക്കും?
- കവിതയിലെ ആശയം ഉള്‍ക്കൊണ്ട് വര്‍ണന തയ്യാറാക്കുന്നു. ( മുകളില്‍ ഉന്നയിച്ച ചോദ്യങ്ങള്‍ക്ക് ഉത്തരമില്ലെങ്കില്‍ ഈ ക്ലാസ് പൊളിയും. അത് ക്ഷണിച്ചു വരുത്തിയതാണ് . ടീച്ചിംഗ് മാന്വല്‍ തന്നെ തെളിവ്.
- ആലങ്കാരിക പദപ്രയോഗങ്ങള്‍, വാക്യഘടന, അക്ഷരങ്ങള്‍, ചിഹ്നങ്ങള്‍, വാക്യങ്ങളുടെ പരസ്പരബന്ധം ഇവ വിലയിരുത്തുന്നു ( ഈ സൂചകങ്ങള്‍ കുട്ടികളുടെ പക്ഷത്തുനിന്നാണോ? വാക്യഘടന എന്നതും അക്ഷരങ്ങള്‍ എന്നതുമെല്ലാം എന്ത് അര്‍ഥമാണ് കുട്ടിക്ക് നല്‍കുന്നത്?)
- -കവിത വായന -വ്യക്തിഗതം- (വ്യക്തിഗതസഹായം , ആദ്യനാലുവരി- എട്ടുപേര്‍ക്ക് തത്സമയപിന്തുണ)
- ഗ്രൂപ്പില്‍ വായന ( ഒരാള്‍ ഒരു വരി വീതം) ഒരാള്‍ ഉച്ചത്തില്‍ വായിക്കുക മററുളളവര്‍ അത് പിന്തുടരുക ( ടീച്ചറുടെ ഇടപെല്‍. പരസ്പരം സഹായിക്കാന്‍, പദച്ചേരുവ മനസിലാകും വിധം സാവധാനം വായിക്കാന്‍, ഉച്ചാരണശ്രദ്ധയ്ക്)
- ഗ്രൂപ്പുകളുടെ ഉച്ചത്തില്‍ വായന-സാവധാനം പദച്ചേരുവ വ്യക്തമാകും വിധം
- ഈണം കണ്ടെത്തി അവതരണം(-ഗ്രൂപ്പില്‍ ഒരാള്‍ രണ്ടു വരി വായിക്കും ഈണം നല്‍കും. മറ്റുളളവരും ഈണം നല്‍കും മെച്ചപ്പെട്ട ഈണം തെരഞ്ഞെടുക്കും. പൊതു അവതരണത്തില്‍ ഒരാള്‍ രണ്ടുവരി ചൊല്ലും ഗ്രൂപ്പംഗങ്ങള്‍ ഏറ്റു ചൊല്ലും. അടുത്ത രണ്ടു വരി അടുത്തയാള്‍,ഇങ്ങനെ എല്ലാവര്‍ക്കും പങ്കാളിത്തം. )
- കവിതയിലെ ആശയം വ്യക്തിഗതമായി എഴുതും മുമ്പ് ( മനസിലായ ആശയങ്ങളുളള വരികളുടെ നേരേ ശരി അടയാളം നല്‍കിയ ശേഷം എഴുതുക.അധ്യാപികയുടെ പിന്തുണ.)
- രചന –കവിതയിലെ ആശയമെഴുതല്‍.( അത് അതേ പോലെ പകര്‍ത്താന്‍ സാധ്യത. കവിതയിലെ ആശയം എങ്ങനെയെല്ലാം എഴുതാം. ഉദാ കേരവൃക്ഷങ്ങള്‍ നിറഞ്ഞനാട്. ( കേരളത്തില്‍ ധാരാളം തെങ്ങുകളുണ്ട്. തെങ്ങുകള്‍ തിങ്ങിനിറഞ്ഞ നാടാണ് കേരളം. കേരളത്തില്‍ ഏറ്റവും കൂടുതല്‍ കാണപ്പെടുന്നത് തെങ്ങുകളാണ്.
- രചനാവേളയില്‍ മോണിറ്ററിംഗ്.
- ബോര്‍ഡില്‍ എഴുതിക്കല്‍-ഒരു വാക്യം- രണ്ടോ മൂന്നോ കുട്ടികള്‍. കുട്ടികളുടെ സഹായത്തോടെ എഡിറ്റിംഗ്
- -കൈമാറി വായന-ഗ്രൂപ്പില്‍ മെച്ചപ്പെടുത്തല്‍- ( നോട്ട് ബുക്ക് -)
- മനസിലാക്കിയ ആശയത്തെ ആസ്പദമാക്കി ചിത്രം വരയ്കുന്നു-
- കവിതയിലെ ആശയം എഴുതിയസ്ഥിതിക്ക് കേരളത്തിന്റെ പ്രകൃതിഭംഗിയെക്കുറിച്ച് വര്‍ണന തയ്യാറാക്കിയാല്‍ മതി.( ഉത്സവത്തിന്റെ വര്‍ണനയും വിവരണവും ആശയക്കുഴപ്പം ഉണ്ടാക്കും.)
- കേരളത്തെക്കുറിച്ച് വര്‍ണന തയ്യാറാക്കിയാലോ? എന്തെല്ലാം കാര്യങ്ങള്‍ പരിഗണിക്കാം..പദസൂര്യന്‍, ബോര്‍ഡില്‍ ആശയഭൂപടം, ചര്‍ച്ച. ഒരിനം എടുത്ത് സവിശേഷതകളിലേക്ക് ( പുഴ-ഒഴുക്ക്, നിറം, ജലസമൃദ്ധി, പശ്ചാത്തലം, പുഴക്കാഴ്ചകള്‍, ജലേത്സവങ്ങള്‍....)ചെക്ക് ലിസ്റ്റ്.
- ലക്ഷ്യത്തിന്റെ അടിസ്ഥാനത്തില്‍ വര്‍ണിക്കേണ്ട പരമാവധി കാര്യങ്ങള്‍ ക്രമീകരിച്ച് എഴുതാന്‍ അവസരം ഉണ്ടോ?( ചിത്രത്തെ , വീഡിയോ ദൃശ്യത്തെ അടിസ്ഥാനമാക്കി കേരളത്തിന്റെ പ്രകൃതി ഭംഗിയെക്കുറിച്ച് ചര്‍ച്ച )
- താരതമ്യത്തിലൂടെയും വിശേഷണ പദങ്ങള്‍ ചേര്‍ത്തും സൂക്ഷ്മാംശങ്ങള്‍ പരിഗണിച്ചും വസ്തുവിന്റെ സവിശേഷതകള്‍ വ്യക്തമാകും വിധം രചന നടത്തുന്നുണ്ടോ (
തെങ്ങോല കാറ്റില്‍ ഇളകുന്നു . എന്നത് ചെറുകാറ്റില്‍ തൊങ്ങോല നൃത്തമാടുന്നുണ്ടായിരുന്നു, തെങ്ങോലകള്‍ ഇളകുന്നതു കണ്ടാല്‍ നമ്മെ മാടി വിളിക്കുകയാണെന്നു തോന്നും എന്നെല്ലാം എഴുതാന്‍ സാധിക്കും. രചനാപരമായ ഇത്തരം സാധ്യതകള്‍ ക്ലാസില്‍ ചര്‍ച ചെയ്ത് വ്യക്തത വരുത്തുന്നതിന് അവസരം) - രചനകളില്‍ വാക്യഭംഗി, ഭാഷാഭംഗി എന്നിവ ശ്രദ്ധിക്കുന്നുണ്ടോ?
- തെറ്റില്ലാത്ത ഭാഷയില്‍ എഴുതുന്നുണ്ടോ?ഇത്തരം സൂക്ഷ്മത പാലിക്കേണ്ടതുണ്ടോ? പൊന്നാഭരണം വേണമെങ്കില്‍ അതിസൂക്ഷ്മത വേണം. ക്ലാസില്‍ പൊന്നുരുക്കണോ വേണ്ടയോ എന്ന് അവരവര്‍ക്ക് തീരുമാനിക്കാം. തീരുമാനത്തില്‍ സൂക്ഷ്മത, ആസൂത്രണത്തില്‍ സൂക്ഷ്മത, അധ്യാപന സൂക്ഷ്മത, വിശകലന സൂക്ഷ്മത എന്നിവ പാലിക്കുന്നവര്‍ കുട്ടികളുടെ നിലവാരത്തെ ഓര്‍ത്ത് തലതാഴ്ത്തേണ്ടി വരില്ല.
5 comments:
Indeed a good idea.
നാലാം ക്ലാസ്സിലെ എല്ലാ ഭാഷാധ്യാപകർക്കും ഉപകാരപ്രദം.ഉചിതമായ സന്ദർഭം തന്നെ.ഓൺലൈൻ ക്ലസ്റ്റർ സ്വഗതാർഹം.SRG യിൽ അവതരിപ്പിക്കും.
അടിക്കുറിപ്പ് തയ്യാറാക്കുക എന്ന പ്രവര്‍ത്തനം രണ്ടിലും നാലിലും ചെയ്തു നോക്കി .ആദ്യം തന്നിരിക്കുന്ന ചിത്രം കാണിച്ച് അടിക്കുറിപ്പ് എഴുതാന്‍ ആവശ്യപ്പെട്ടു .ഈ സന്ദര്‍ഭത്തില്‍ അടിക്കുറിപ്പിനെ സംബന്ധിച്ച് അവര്‍ക്ക് കൃത്യമായ ധാരണ ഉണ്ടായിരുന്നില്ല .ചിലര്‍ രണ്ടു പൂച്ചകള്‍ പുസ്തകം വായിക്കുന്നു ,രണ്ടു പൂച്ചകള്‍ എന്നിങ്ങനെ എഴുതി.കുറേപ്പേര്‍ എഴുതിയില്ലഈ സമയത്ത് പോസ്റ്റില്‍ പറഞ്ഞ പോലെ അടിക്കുറിപ്പ് എന്താണെന്നു വ്യക്തമാക്കി .ഇതിനെ തുടര്‍ന്ന് നേരത്തെ ചാര്‍ട്ടില്‍ തയ്യാറാക്കി വച്ചിരുന്ന 2 ചിത്രങ്ങള്‍ അടിക്കുറിപ്പോടെ പ്രദര്‍ശിപ്പിച്ചു .തുടര്‍ന്ന് 2 ചിത്രങ്ങള്‍ അടിക്കുറിപ്പ് എഴുതിയ ഭാഗം മറച്ചു വച്ച് പ്രദര്‍ശിപ്പിക്കുകയും അവര്‍ക്ക് പറയാന്‍ അവസരം നല്‍കുകയും ചെയ്തു .പിന്നീട് ടീച്ചര്‍ എഴുതിയ അടിക്കുറിപ്പ് വായിക്കാന്‍ നല്‍കി .തുടര്‍ന്ന് അടിക്കുറിപ്പിന്റെ ചര്‍ച്ച ക്രോഡീകരിച്ചു .
തുടര്‍ന്ന് ആദ്യ ചിത്രത്തിന് അടിക്കുറിപ്പ് എഴുതാന്‍ ആവശ്യപെട്ടു .എല്ലാവരും പ്രവര്‍ത്തനത്തില്‍ പങ്കെടുത്തു .തത്സമയ പിന്തുണ വേണ്ടവര്‍ക്ക് നല്‍കി .ഓരോരുത്തരും നോട്ട് ബുക്കില്‍ എഴുതിയത് ബോര്‍ഡില്‍ എഴുതി .ആശയ തലത്തിലും ,വാക്യം /പദം /അക്ഷരം എന്നീ തലങ്ങളിലും എഡിറ്റിംഗ് നടത്തി .മെച്ചപ്പെടുത്താന്‍ അവസരം നല്‍കി .സൂചനകളുടെ അടിസ്ഥാനത്തില്‍ വിലയിരുത്തി .
ചില രചനകള്‍
• ഹോയ് ! ഒരു എലി
• ഹായ് എന്ത് ഭംഗി !
• ഇത് എന്ത് ഭാഷ ?
• ഒന്നും മനസ്സിലാവുന്നില്ലല്ലോ ?
• ഹ ...വലിയ പഠിപ്പിസ്ടാ ന്നാ വിചാരം
അടിക്കുറിപ്പ് എന്നാ വ്യവഹാരരൂപത്തിന്റെ തലത്തിലേക്ക് കുട്ടികളെ എത്തിക്കാന്‍ കഴിഞ്ഞു .ആശയ തലത്തില്‍ രണ്ടാം ക്ലാസ്സുകാരും നാലാംക്ലാസ്സുകാരും തമ്മില്‍ വലിയ വ്യത്യാസം അനുഭവപ്പെട്ടില്ല .
ഓരോരുത്തരും നോട്ട് ബുക്കില്‍ എഴുതിയത് ബോര്‍ഡില്‍ എഴുതി .ആശയ തലത്തിലും ,വാക്യം /പദം /അക്ഷരം എന്നീ തലങ്ങളിലും എഡിറ്റിംഗ് നടത്തി .മെച്ചപ്പെടുത്താന്‍ അവസരം നല്‍കി ഇതിന്റെ വിശദാംശംകൂടി പങ്കിട്ടിരുന്നെങ്കില്‍
ഞങ്ങള്‍ എസ് ആര്‍ ജി കൂടി പിന്നാക്ക പരിഗണനയോടെയുള്ള ആസൂത്രണം ചര്‍ച്ച ചെയ്തു.താങ്കളുടെ നിരീക്ഷണം ശരിയാണ് .അധ്യാപകര്‍ ആസൂത്രണം നടത്തുമ്പോള്‍ പിന്നാക്ക പരിഗണന വേണ്ടത്രയില്ല .മീനാകുമാരി ടീച്ചറുടെ കൂടെ അനുഭവത്തിന്റെ അടിസ്ഥാനത്തില്‍ ആസൂത്രണം നടത്തി .വരും ദിവസങ്ങളില്‍ ചെയ്തു നോക്കും .ഓണ്‍ലൈന്‍ ക്ലസ്ടര്‍ സ്വാഗതാര്‍ഹം തന്നെ .
Post a Comment