ചൂണ്ടുവിരലിലെ വിഭവങ്ങള്‍

2010 ജൂലൈമുതല്‍ അക്കാദമിക വിഭവങ്ങളുമായി ഈ വിദ്യാഭ്യാസ ബ്ലോഗ് ...പ്രയോജനപ്പെടുത്തുക, പ്രയോഗിക്കുക, പ്രചോദിപ്പിക്കുക, പ്രചരിപ്പിക്കുക.. ചൂണ്ടുവിരലില്‍ പങ്കിട്ട വിഭവമേഖലകള്‍....> 1.അധ്യാപക ശാക്തീകരണം ,2. വായനയുടെ വഴി ഒരുക്കാം, 3.എഴുത്തിന്‍റെ തിളക്കം, 4.വിദ്യാഭാസ ഗുണനിലവാരം- സംവാദം,5. മികവ്, 6.ശിശുസൌഹൃദ വിദ്യാലയം, 7.സര്‍ഗാത്മക വിദ്യാലയം, 8.നിരന്തര വിലയിരുത്തല്‍, 9.ഗണിതപഠനം, 10.വിദ്യാഭ്യാസ അവകാശ നിയമം, 11.ദിനാചരണങ്ങള്‍, 12.പാര്‍ശ്വവത്കരിക്കപ്പെടുന്നവര്‍, 13. രക്ഷിതാക്കളും സ്കൂളും, 14. കളരി, 15. ക്ലാസ് അന്തരീക്ഷം/ക്രമീകരണം, 16.ഇംഗ്ലീഷ് പഠനം, 17.ഒന്നാം ക്ലാസ്, 18. ശാസ്ത്രത്തിന്റെ പാത, 19.ആവിഷ്കാരവും ഭാഷയും, 20. പ്രത്യേക പരിഗണന അര്‍ഹിക്കുന്ന കുട്ടികള്‍, 21. ഐ ടി സാധ്യതകള്‍, 22. പഠനറിപ്പോര്‍ട്ടുകള്‍, 23.പഠനമാധ്യമം 24. ഭൌതികസൌകര്യങ്ങളില്‍ മികവ്, 25.അക്കാദമികസന്ദര്‍ശനം, 26.ഗ്രാഫിക് ഓര്‍ഗനൈസേഴ്സ്, 27.പ്രഥമാധ്യാപകര്‍.,28. ബാല, 29. വളരുന്ന പഠനോപകരണം,30. കുട്ടികളുടെ അവകാശം, 31. പത്രങ്ങള്‍ സ്കൂളില്‍, 32.പാഠ്യപദ്ധതി,33. ഏകീകൃത സിലബസ്, 34.ഡയറ്റ് .35.ബി ആര്‍ സി,36. പരീക്ഷ ,37. പ്രവേശനോത്സവം,38. IEDC, 39.അന്വേഷണാത്മക വിദ്യാലയങ്ങളുടെ ലോകജാലകം, 40. കലാവിദ്യാഭ്യാസം, 41.പഞ്ചായത്ത്‌ വിദ്യാഭ്യാസ സമിതി, 42. പഠനോപകരണം, 43.പാഠ്യപദ്ധതി പരിഷ്കരണം, 44. ചൂണ്ടുവിരല്‍,45. ടി ടി സി, 46.പുതുവര്‍ഷം, 47.പെണ്‍കുട്ടികളുടെ ശാക്തീകരണം, 48. ക്രിയാഗവേഷണം,49. ടീച്ചിംഗ് മാന്വല്‍, 50. പൊതുവിദ്യാഭ്യാസസംരക്ഷണം, 51.ഫീഡ് ബാക്ക്, 52.സ്റ്റാഫ് റൂം, 53. കുട്ടികളുട അവകാശം,54. കൃഷിയും പഠനവും,55. നോട്ട് ബുക്ക് ആകര്‍ഷകവും സമഗ്രവും, 56.പഠനയാത്ര, 57. വിദ്യാബ്ലോഗുകള്‍,58. സാമൂഹികശാസ്ത്രം, 59. സ്കൂള്‍ അസംബ്ലി, 60.സ്കൂള്‍ റിസോഴ്സ് (റിസേര്‍ച്) ഗ്രൂപ്പ് - ,61.പ്രതിഫലനാത്മകക്കുറിപ്പ്, 62. ബദല്‍പാഠങ്ങള്‍, 63.മെന്ററിംഗ്,64. വര്‍ക്ക്ഷീറ്റുകള്‍ ക്ലാസില്‍, 65.വിലയിരുത്തല്‍, 66. സാമൂഹിക ശാസ്ത്രാന്തരീക്ഷം, 67.അനാദായം, 68.എ ഇ ഒ , 69.കായികവിദ്യാഭ്യാസം,70. തിയേേറ്റര്‍ സങ്കേതം പഠനത്തില്‍, 71.നാടകം, 72.നാലാം ക്ലാസ്.73. പാഠാവതരണം, 74. മോണിറ്ററിംഗ്, 75.വിദ്യാഭ്യാസ ചിന്തകള്‍, 76.സഹവാസ ക്യാമ്പ്, 77. സ്കൂള്‍ സപ്പോര്‍ട്ട് ഗ്രൂപ്പ്,78.പ്രദര്‍ശനം,79.പോര്‍ട്ട്‌ ഫോളിയോ...80 വിവിധജില്ലകളിലൂടെ... പൊതുവിദ്യാഭ്യാസത്തിന്റെ കരുത്ത് അറിയാന്‍ ചൂണ്ടുവിരല്‍...tpkala@gmail.com.

Monday, October 7, 2019

നിത്യവും ഓരോ രക്ഷിതാവ് പൂര്‍ണസമയം ക്ലാസില്‍!


മുഹമ്മ സി എം എസ് എല്‍ പി എസിലെ ജസ്സിടീച്ചറുടെ ഒന്നാം ക്ലാസിനിത്തവണ ഒരു വിശേഷം
പങ്കിടാനുണ്ട്. എന്താണ് പുതിയ വിശേഷം? ടീച്ചറുടെ ക്ലാസിന്റെ വീഡിയോ സമൂഹമാധ്യമങ്ങളില്‍ പ്രചരിക്കുകയാണ്. ആയിരക്കണക്കിനാളുകള്‍ അത് വീക്ഷിച്ചു. അങ്ങനെ വിദ്യാഭ്യാസ മന്ത്രിയുടെ  ഓഫീസിലുമെത്തി. ഫേസ്ബുക്കില്‍ മന്ത്രിയുടെ പോസ്റ്റും വന്നു. ടീച്ചറെ അറിഞ്ഞവരെല്ലാം അഭിനന്ദിക്കുന്നു. ടീച്ചര്‍ ആലപ്പുഴ ജില്ലയിലെ ഒന്നാം ക്ലാസ് അധ്യാപകരുടെ ആവേശമാണ്. റിസോഴ്സ് പേഴ്സണാണ്. രണ്ടോ മൂന്നോ തവണ ആ വിദ്യാലയത്തെക്കുറിച്ചും ജസി ടീച്ചറെക്കുറിച്ചും ഞാന്‍ എഴുതിയിട്ടുണ്ട്. അതൊന്നുമല്ല ഇപ്പോഴത്തെ വിശേഷം. പിന്നെ? രക്ഷിതാക്കളെ സ്വന്തം ക്ലാസിലെ സജീവസാന്നിധ്യമാക്കുന്ന ഒരു പ്രോജക്ട് ടീച്ചര്‍ ഏറ്റെടുത്തിരിക്കുകയാണ്
"എന്തിനാണ് ഈ പ്രോജക്ട്?"
"ക്ലാസില്‍ നടക്കുന്ന പലതരം പഠനപ്രവര്‍ത്തനങ്ങളെക്കുറിച്ചും രക്ഷിതാക്കള്‍ അജ്ഞരാണ്.
ക്ലാസിലെ ഓരോ കുഞ്ഞിന്റെയും പഠനമികവിനായി അധ്യാപിക നടത്തുന്ന അധ്വാനവും ശ്രദ്ധയും രക്ഷിതാവ് മനസിലാക്കുന്നില്ല.
വീട്ടില്‍ കുട്ടികളെ സഹായിക്കേണ്ട രീതി ക്ലാസിലെ പഠനരീതിക്ക് അനുപൂരകമാകണം. പക്ഷേ രക്ഷിതാക്കള്‍ക്ക് ആ രീതി എന്താണെന്നറിയില്ല
കുട്ടികളുടെ നോട്ടുബുക്കില്‍ എന്തെല്ലാമാണ് വേണ്ടത്. എന്താണുളളത് എന്നു പരിശോധിച്ച് മെച്ചപ്പെടുത്താന്‍ സഹായം നല്‍കാനാകുന്നില്ല.
വിദ്യാലയപ്രവര്‍ത്തനങ്ങളെക്കുറിച്ച് ഏകദേശ ധാരണമാത്രമേയുളളൂ
ഈ പരിമിതികള്‍ മറികടക്കണം". 
അതിനാണ് ജസ്സിടീച്ചര്‍ നൂതനമായ ഒരു പ്രോജക്ട് ആസൂത്രണം ചെയ്തത്.
രക്ഷിതാവായ ര‍ഞ്ജിത ബി ഒക്ടോബര്‍ ഒന്നാതീയതി കുറിച്ചു
"അങ്ങനെ ഒരു ദിവസം ടീച്ചറോടൊപ്പമായിരുന്നു
കുഞ്ഞുങ്ങളുടെ കളിയും ചിരിയും സ്നേഹവും കുറുമ്പും കഴിവും ഒത്തൊരുമയുമൊക്കെ കണ്ടു മനസിലാക്കാന്‍ സാധിച്ചു. മണവും മധുരവും എന്നതായിരുന്നു ഇന്ന് പഠിപ്പിച്ചത്. വിരണമാണ് കുട്ടികള്‍ തയ്യാറാക്കിയത്
ദിനാചരണ പ്രവര്‍ത്തനങ്ങളില്‍ പങ്കാളിയായി
കുട്ടികളുടെ നോട്ട് ബുക്കിലെ എഴുത്ത് അപ്പപ്പോള്‍ വിലയിരുത്താന്‍ ടീച്ചര്‍ക്കൊപ്പം കൂടി.
പഠനപ്രവര്‍ത്തനങ്ങളില്‍ സഹായിച്ചു
ഉച്ചഭക്ഷണം ടീച്ചറോടൊപ്പമായിരുന്നു
വലിയ സ്നേഹമുളള കുട്ടികളാണ്. എന്നോട് അവര്‍ എറെ സ്നേഹത്തോടെ പെരുമാറി
പൂച്ചെണ്ട് നല്‍കിയാണ് എന്നെ ക്ലാസിലേക്ക് സ്വീകരിച്ചത്."
ഈ ടീച്ചറെ കിട്ടിയതില്‍ നമ്മള്‍ രക്ഷിതാക്കള്‍ ഭാഗ്യവാന്‍മാരും ഭാഗ്യവതികളുമായി"
അധ്യാപികയോടൊപ്പം ഒരു ദിനം-ക്ലാസിലെ രക്ഷിതാക്കളുമായി ഈ ആശയം പങ്കിട്ടപ്പോള്‍ നല്ല പ്രതികരണമാണ് ലഭിച്ചത്. ഓരോരുത്തരും അവരവര്‍ക്ക് സൗകര്യമുളള ദിവസം ഏതാണെന്നു പറഞ്ഞു. അതനുസരിച്ച് ഒരു മാസത്തെ പരിപാടി തയ്യാറാക്കി ക്ലാസ് വാട്സാപ്പ് ഗ്രൂപ്പിലിട്ടു. ഓരോ രക്ഷിതാവിന്റെയും സന്ദര്‍ശനവിവരങ്ങള്‍ അന്നന്ന് വാട്സാപ്പ് ഗ്രൂപ്പിലിടും. വിഡോയോ , ഫോട്ടോ, രക്ഷിതാവിന്റെ പ്രതികരണം എന്നിവയാണ് പങ്കിടുന്നത്. പങ്കെടുത്തവര്‍ക്കെല്ലാം ആവേശം.
രക്ഷിതാവ് ഓരോ ദിനവും ക്ലാസിലെത്തുന്നു എന്നത് ക്ലാസ് അധ്യാപികയ്ക് ആവേശവും സന്തോഷവും നല്‍കുന്നുണ്ട്. കാരണം
  • ഓരോ ദിവസവും രക്ഷിതാവിനെ സംതൃപ്തിപ്പെടുത്താനായി മികച്ച ആസൂത്രണം നടത്തേണ്ടിവരുന്നു.
  • അത് സ്വാഭാവികമായി ക്ലാസിലെ വിനിമമയപ്രക്രിയയെ ഫലപ്രദമാക്കും.  
  • ഓരോ ദിവസവും വ്യത്യസ്തമായ തന്ത്രങ്ങള്‍ ഉപയോഗിക്കാന്‍ നിര്‍ബന്ധിതയാകുന്നു. രക്ഷിതാക്കള്‍ അവരുടെ അനുഭവക്കുറിപ്പിടുമ്പോള്‍ വൈവിധ്യാനുഭവങ്ങള്‍ വന്നില്ലെങ്കില്‍ അത് തുടര്‍ന്നുളള ദിവസങ്ങളിലെ സന്ദര്‍ശനത്തെ ബാധിക്കും.  
  • പലതരം പഠതന്ത്രങ്ങള്‍ ക്ലാസില്‍ നടക്കുന്നുണ്ടെന്നറിയുന്നതിനും അവയൊരോന്നിനെക്കുറിച്ചും കുട്ടികളുമായി രക്ഷിതാവ് സംസാരിക്കുന്നതിനും സഹായിക്കുന്നതിനും വേണ്ടിക്കൂടിയാണിത്. അങ്ങനെ അധ്യാപനം ആസ്വാദ്യമായിത്തീരുന്നു.  
  • രക്ഷിതാവ് കുട്ടികളുടെ നോട്ട് ബുക്ക് കാണുമ്പോള്‍ ക്ലാസിലെ പൊതു ചിത്രം കിട്ടും. അതിലൂടെ സ്വന്തം കുട്ടിയുടെ നോട്ട് ബുക്ക് മെച്ചപ്പെടുത്താനുളള ധാരണയും ലഭിക്കും. ഇപ്പോള്‍ സ്വന്തം കുട്ടിയുടെ മാത്രം കാര്യം വെച്ച് ക്ലാസിനെ മനസിലാക്കുകയാണ് ചെയ്യുന്നത്. അതിലൊരു മാറ്റം ഉണ്ടാക്കാനാകുന്നു
  •  മാസത്തിലൊരിക്കല്‍ ക്ലാസ് പി ടി എയ്ക് മാത്രം വരികയും അരദിവസത്തെ ചര്‍ച്ചകൊണ്ട് ഒരു മാസത്തെ അവലോകനവും ആസൂത്രണവും മറ്റും നടത്തുകയും ചെയ്യുന്ന ഇന്നത്തെ രീതിയുടെ പരിമിതിയേയും മറികടക്കാനാകുന്നു


രക്ഷിതാക്കളുടെ പങ്കാളിത്തം വര്‍ധിപ്പിക്കാനായി നിരവധി പ്രവര്‍ത്തനങ്ങളാണ് ഈ വിദ്യാലയം ഈ വര്‍ഷം നടപ്പിലാക്കുന്നത്. കൂടുതല്‍ ആവേശകരമായ പ്രവര്‍ത്തനങ്ങളുടെ വിശേഷങ്ങള്‍ക്കായി കാത്തിരിക്കാം. 
 

No comments: