ചൂണ്ടുവിരലിലെ വിഭവങ്ങള്‍

2010 ജൂലൈമുതല്‍ അക്കാദമിക വിഭവങ്ങളുമായി ഈ വിദ്യാഭ്യാസ ബ്ലോഗ് ...പ്രയോജനപ്പെടുത്തുക, പ്രയോഗിക്കുക, പ്രചോദിപ്പിക്കുക, പ്രചരിപ്പിക്കുക.. ചൂണ്ടുവിരലില്‍ പങ്കിട്ട വിഭവമേഖലകള്‍....> 1.അധ്യാപക ശാക്തീകരണം ,2. വായനയുടെ വഴി ഒരുക്കാം, 3.എഴുത്തിന്‍റെ തിളക്കം, 4.വിദ്യാഭാസ ഗുണനിലവാരം- സംവാദം,5. മികവ്, 6.ശിശുസൌഹൃദ വിദ്യാലയം, 7.സര്‍ഗാത്മക വിദ്യാലയം, 8.നിരന്തര വിലയിരുത്തല്‍, 9.ഗണിതപഠനം, 10.വിദ്യാഭ്യാസ അവകാശ നിയമം, 11.ദിനാചരണങ്ങള്‍, 12.പാര്‍ശ്വവത്കരിക്കപ്പെടുന്നവര്‍, 13. രക്ഷിതാക്കളും സ്കൂളും, 14. കളരി, 15. ക്ലാസ് അന്തരീക്ഷം/ക്രമീകരണം, 16.ഇംഗ്ലീഷ് പഠനം, 17.ഒന്നാം ക്ലാസ്, 18. ശാസ്ത്രത്തിന്റെ പാത, 19.ആവിഷ്കാരവും ഭാഷയും, 20. പ്രത്യേക പരിഗണന അര്‍ഹിക്കുന്ന കുട്ടികള്‍, 21. ഐ ടി സാധ്യതകള്‍, 22. പഠനറിപ്പോര്‍ട്ടുകള്‍, 23.പഠനമാധ്യമം 24. ഭൌതികസൌകര്യങ്ങളില്‍ മികവ്, 25.അക്കാദമികസന്ദര്‍ശനം, 26.ഗ്രാഫിക് ഓര്‍ഗനൈസേഴ്സ്, 27.പ്രഥമാധ്യാപകര്‍.,28. ബാല, 29. വളരുന്ന പഠനോപകരണം,30. കുട്ടികളുടെ അവകാശം, 31. പത്രങ്ങള്‍ സ്കൂളില്‍, 32.പാഠ്യപദ്ധതി,33. ഏകീകൃത സിലബസ്, 34.ഡയറ്റ് .35.ബി ആര്‍ സി,36. പരീക്ഷ ,37. പ്രവേശനോത്സവം,38. IEDC, 39.അന്വേഷണാത്മക വിദ്യാലയങ്ങളുടെ ലോകജാലകം, 40. കലാവിദ്യാഭ്യാസം, 41.പഞ്ചായത്ത്‌ വിദ്യാഭ്യാസ സമിതി, 42. പഠനോപകരണം, 43.പാഠ്യപദ്ധതി പരിഷ്കരണം, 44. ചൂണ്ടുവിരല്‍,45. ടി ടി സി, 46.പുതുവര്‍ഷം, 47.പെണ്‍കുട്ടികളുടെ ശാക്തീകരണം, 48. ക്രിയാഗവേഷണം,49. ടീച്ചിംഗ് മാന്വല്‍, 50. പൊതുവിദ്യാഭ്യാസസംരക്ഷണം, 51.ഫീഡ് ബാക്ക്, 52.സ്റ്റാഫ് റൂം, 53. കുട്ടികളുട അവകാശം,54. കൃഷിയും പഠനവും,55. നോട്ട് ബുക്ക് ആകര്‍ഷകവും സമഗ്രവും, 56.പഠനയാത്ര, 57. വിദ്യാബ്ലോഗുകള്‍,58. സാമൂഹികശാസ്ത്രം, 59. സ്കൂള്‍ അസംബ്ലി, 60.സ്കൂള്‍ റിസോഴ്സ് (റിസേര്‍ച്) ഗ്രൂപ്പ് - ,61.പ്രതിഫലനാത്മകക്കുറിപ്പ്, 62. ബദല്‍പാഠങ്ങള്‍, 63.മെന്ററിംഗ്,64. വര്‍ക്ക്ഷീറ്റുകള്‍ ക്ലാസില്‍, 65.വിലയിരുത്തല്‍, 66. സാമൂഹിക ശാസ്ത്രാന്തരീക്ഷം, 67.അനാദായം, 68.എ ഇ ഒ , 69.കായികവിദ്യാഭ്യാസം,70. തിയേേറ്റര്‍ സങ്കേതം പഠനത്തില്‍, 71.നാടകം, 72.നാലാം ക്ലാസ്.73. പാഠാവതരണം, 74. മോണിറ്ററിംഗ്, 75.വിദ്യാഭ്യാസ ചിന്തകള്‍, 76.സഹവാസ ക്യാമ്പ്, 77. സ്കൂള്‍ സപ്പോര്‍ട്ട് ഗ്രൂപ്പ്,78.പ്രദര്‍ശനം,79.പോര്‍ട്ട്‌ ഫോളിയോ...80 വിവിധജില്ലകളിലൂടെ... പൊതുവിദ്യാഭ്യാസത്തിന്റെ കരുത്ത് അറിയാന്‍ ചൂണ്ടുവിരല്‍...tpkala@gmail.com.

Sunday, October 16, 2016

തത്തമംഗലം സ്കൂളില്‍ പുസ്തകവായനയ്ക് അംഗീകാരം


 തത്തമംഗലത്തെ രണ്ട് വിശേഷങ്ങള്‍ 
ഒന്ന് പഠനപുരോഗതി രേഖയാണ്. വലിയ ഒരു രജിസ്റ്റര്‍. ഒന്നാം ടേം മൂല്യനിര്‍ണയമടക്കം നാലു തവണ കുട്ടികളെ വിലയിരുത്തി. ഓരോ കുട്ടിയുടെയും നിലവാരം സംബന്ധിച്ച ഗ്രേഡും ഗുണാത്മകകുറിപ്പും എഴുതും
ക്ലാസ് പി ടി എയില്‍ പങ്കുവെക്കും
 
വിനീത എസ് എല്‍ 
തതത്തമംഗലം
ജി യു പി എസ്
ആകെ കുട്ടികള്‍ 47
വിവിധ കാലയളവില്‍ നടത്തിയ വിലയിരുത്തലില്‍ വിവിധ ഗരേഡ് നിലവാരത്തിലുളളവര്‍
ഗ്രേഡ്
ഒന്നാം വിലയിരുത്തല്‍
രണ്ടാം വിലയിരുത്തല്‍
മൂന്നാം വിലയിരുത്തല്‍
നാലാം വിലയിരുത്തല്‍






എ
12
10
16
20






ബി
15
11
11
15






സി
13
15
15
11






ഡി
5
8
6
2






ഇ
3
3
0
0























ഓരോ കുട്ടിയെക്കുറിച്ചും കുറിപ്പുകള്‍ ഉണ്ടാകുമെന്നു പറഞ്ഞല്ലോ ഉദാഹരണം നോക്കൂ
അഭിജിത്ത്
  1. മലയാളം നന്നായി വായിക്കാന്‍ കഴിയുന്നുണ്ട്. ചെറിയ തെറ്റുകള്‍ ലേഖനത്തില്‍ വരുത്തുന്നുണ്ട്. ആശയവ്യക്തതയോടെ സ്വതന്ത്ര രചനയ്ക് കഴിയുന്നുണ്ട്. ഇംഗ്ലീഷില്‍ വാക്യമുണ്ടാക്കാന്‍ ശ്രമിക്കുന്നുണ്ട്. വായിക്കാന്‍ കഴിയുന്നുണ്ട്. വസ്തുക്കളെ നിരീക്ഷിച്ച് വര്‍ഗീകരിക്കാന്‍ കഴിയുന്നുണ്ട്. കൂട്ടല്‍ ഒരു സംഖ്യില്‍ നിന്നും ഒരു സംഖ്യ കുറയ്കല്‍ ഉറച്ചിട്ടുണ്ട് .സംഖ്യാവ്യാഖ്യാനം വാചികമായി എഴുതാന്‍ ശ്രമിക്കുന്നുണ്ട്
  2. മലയാളം, ഇംഗ്ലീഷ് എന്നിവ വായിക്കും. ഇംഗ്ലീഷില്‍ സ്വതന്ത്ര രചനയ്ക് കഴിയുന്നില്ല. മലയാളത്തില്‍ കഴിയും.മൂന്നക്ക സംഖ്യകളുടെ വ്യാഖ്യാനവും കൂട്ടലും ഉറച്ചിട്ടുണ്ട്. കോണ്‍വര്‍സേഷന്‍ എഴുതിയാല്‍ തെറ്റുകള്‍ വരാറുണ്ട്. നിരീക്ഷിച്ച് വ്ര്‍ഗീകരിക്കുവാന്‍ കഴിയുന്നുണ്ട്
  3. ഇംഗ്ലീഷിലും മലയാളത്തിലും സംഭാഷണം എഴുതുമ്പോള്‍ ചെയ്യുന്ന പ്രവൃത്തികളും ഇടയില്‍ എഴുതുന്നു.വിവിരണം എഴുതുമ്പോള്‍ വാക്യ രചനാക്രമം പാലിക്കാന്‍ കഴിയുന്നില്ല.മൂന്നക്ക സംഖ്യകളുടെ സങ്കലനം ഉറച്ചിട്ടുണ്ട് . നിരീക്ഷണ വിവിരങ്ങള്‍ എഴുതുമ്പോള്‍ വാക്യങ്ങള്‍ ക്രമീകരിച്ചെഴുതാന്‍ കഴിയുന്നില്ല
  4. മലയാളം ഇംഗ്ലീഷ് പരീക്ഷകള്‍ വളരെ നന്നായി എഴുതിയിട്ടുണ്ട്. ഗണിതത്തിലും പരിസരപഠനത്തിലും ഉറയ്കേണ്ട ശേഷികളില്‍ പട്ടിക പൂര്‍ത്തിയാക്കാം , എണ്ണാം എഴുതാം എന്നിവ ഉറയ്കേണ്ടതുണ്ട്. മനസിലെ ആശയങ്ങള്‍ പരിസരപഠനവുമായി ബന്ധപ്പെട്ടത് ഇംഗ്ലീഷില്‍ എഴുതി അവതരിപ്പിക്കാന്‍ പ്രയാസമുണ്ട്
ഈ വിവരണക്കുറിപ്പുകള്‍ ഓരോ വിലയിരുത്തല്‍ കഴിയുമ്പോഴുമാണ് എഴുതുന്നത്. ഓരോ കുട്ടിയ്കും ഓരോ പേജ് മാറ്റി വെച്ചിരുന്നെങ്കില്‍ വളര്‍ച്ച കൃത്യമായി പ്രതിഫലിപ്പിക്കും വിധം എഴുതാമായിരുന്നു.
എങ്കിലും ഈ പ്രവര്‍ത്തനം ഒരു സാധ്യത തുറന്നിടുന്നു
പഠനപുരോഗതി രേഖയെ കൂടുതല്‍ സര്‍ഗാത്മകമാക്കാനായാല്‍ അത് കേരളത്തില്‍ മുതല്‍ക്കൂട്ടാകും. 
നിങ്ങള്‍ക്ക് ആലോചിക്കാവുന്നതേയുളളൂ. കൂടുതല്‍ അക്കാദമിക മികവ് ആഗ്രഹിച്ച് പ്രവര്‍ത്തിക്കാവുന്നതേയുളളൂ, ലക്ഷ്യം നേടാവുന്നതേയുളളൂ
 
തത്തമംഗലം സ്കൂളില്‍ പുസ്തകവായനയ്ക് അംഗീകാരം
ഞാന്‍ ഈ സ്കൂളിലെ കലവറ, പുത്തകപ്പുര എന്നീ പതിപ്പുകള്‍ പരിശോധിച്ചു. പുത്തകപ്പുരയുടെ കവര്‍ എനിക്ക് ഇഷ്ടമായി
കുട്ടികള്‍ വായിച്ച പുസ്തകങ്ങളെക്കുറിച്ച് അവര്‍ വായനാകാര്‍ഡുകള്‍ ഉണ്ടാക്കുന്നു
അത് സര്‍ഗാത്മകമായ പ്രവര്‍ത്തനമാണ്. സംഗ്രഹമാണ് എഴുതുക. പക്ഷേ പുസ്തകത്തിന്‍റെ ഉളളടക്കത്തെ പ്രതിഫലിപ്പിക്കണം
ഓരോ കുട്ടിയും വ്യത്യസ്തമായ രീതി അന്വേഷിക്കുന്നു എന്നതാണ് ഇവിടെ ശ്രദ്ധിക്കേണ്ട സംഗതി. ഗ്രാഫിക് ഓര്‍ഗനൈസേഴ്സിന്‍റെ സാധ്യത ആ സങ്കേതത്തെക്കുറിച്ച് വേണ്ടത്ര മുന്‍ധാരണയില്ലാത്ത കുട്ടികള്‍ പ്രയോജനപ്പെടുത്തി എന്നതാണ് എന്നെ ആഹ്ലാദിപ്പിക്കുന്നത്
അത് നോക്കൂ

 
 
 

അവധിക്കാല അധ്യാപക പരിശീലനത്തില്‍ ചര്‍ച്ച ചെയ്ത കാര്യങ്ങളുടെ പ്രയോഗരൂപമാണ് നാം കാണുന്നത്
അവധിക്കാല പരിശീലനത്തില്‍ മോഡ്യൂളില്‍ ചര്‍ച്ചചെയ്ത  ആശയം (മോഡ്യൂള്‍ ഭാഗം) ഇതായിരുന്നു.
moduleകുട്ടികളുടെ വായന പ്രോത്സാഹിപ്പിക്കാനും,വായിച്ച ആശയങ്ങളുെട പുനവരവതരണത്തിനും വേണ്ടിയാണ് ഈ പ്രവര്‍ത്തനം  നല്‍കിയത്.വായനാവാരത്തില്‍ തുടങ്ങി വര്‍ഷം മുഴുവന്‍ നീണ്ടു നില്‍ക്കുന്ന പ്രവര്‍ത്തനമായാണ് ഇത് അവതരിപ്പിച്ചത്.ഇപ്രകാരം തയ്യാറാക്കുന്ന വായനാകാര്‍ഡുകള്‍ ഭാവിയില്‍ ലൈബ്രററി കാറ്റലോഗ് ആക്കി മാറ്റാന്‍ കഴിയും. കുട്ടികള്‍ എഴുതിത്തയ്യാറാക്കുന്ന  വായനാകാര്‍ഡുകള്‍ പ്രിന്റ് ചെയ്ത് കാറ്റലോഗ് ആക്കി കമ്പ്യൂട്ടറില്‍ ചെറിയൊരു പ്രോഗ്രാം രൂപത്തില്‍ സൂക്ഷിച്ചാല്‍ ഒരു പുസ്തകം തിരയുമ്പോള്‍ അതിനെക്കുറിച്ചുള്ള ഒരു ഏകദേശരൂപം ലഭിക്കും വിധം ഉപയോഗപ്പെടുത്താമെന്നും പരിശീലനത്തില്‍ ചര്‍ച്ച ചെയ്യുകയുണ്ടായി.എന്നാല്‍ ഇത് സാവകാശം മതിയെന്നും വായനാകാര്‍ഡ് നിര്‍മ്മാണത്തില്‍ കുട്ടികള്‍ പാഠപുസ്തകത്തിനപ്പുറത്ത് പുസ്തകങ്ങള്‍ വായിക്കുന്നു എന്ന് ഉറപ്പാക്കുകയാണ് പ്രധാനലക്ഷ്യമെന്നും പറഞ്ഞിരുന്നു.
 പരിശീലന ആശയങ്ങളുടെ പ്രതിഫലനം  തത്തമംഗലം   ജി.യു.പി സ്കൂളില്‍  വായനാകാര്‍ഡുകള്‍ ബൈന്‍ഡ് ചെയ്തത്
  • യു.പി മലയാളം പരിശീലനാശയങ്ങള്‍ സ്കൂള്‍ എസ്.ആര്‍ജിയില്‍ അവതരിപ്പിച്ചു.
  • ഈ പ്രവര്‍ത്തനം ഒന്നാം ക്ലാസ്സ് മുതല്‍ നടപ്പാക്കാമെന്ന് തീരുമാനിച്ചു
  • എല്ലാ അധ്യാപകരും വായനാകാര്‍ഡ് നിര്‍മ്മിച്ച് സ്വയം പരിശീലിച്ചു
  • എല്ലാകുട്ടികള്‍ക്കും പുസ്തകം വായിക്കാനും വായനാകാര്‍ഡ് നിര്‍മ്മിക്കാനും അവസരം നല്‍കി
  • പുസ്തകത്തിന്റെ കുറവുനികത്താന്‍ പുസ്തകശേഖരണം നടത്തി.
  • ഏതാണ്ട് മുന്നൂറോളം കുട്ടികള്‍ വായിച്ച പുസ്കകത്തെ അടിസ്ഥാനമാക്കി  കാര്‍ഡ് നിര്‍മ്മിച്ചു.
  • പിന്നോക്കക്കാരെ സഹായിക്കാനായി  ഇടക്ക് എഡിറ്റിങ്ങ് പ്രവര്‍ത്തനം നടത്തി.
  • മികച്ചാകാര്‍ഡുകള്‍ ചേര്‍ത്ത് ബൈന്‍ഡ് ചെയ്ത് പുത്തകപ്പുര എന്ന വായനാകാര്‍ഡ് പുസ്തകം രൂപപ്പെടുത്തി.
എല്ലാവരേയും പരിഗണിക്കാനായി  കുറവുകളുള്ളവ ഉള്‍പ്പെടുത്തി കലവറ എന്ന പേരില്‍ രണ്ടാമതൊരു പുസ്കകവും ബൈന്‍ഡുചെയ്തു.
ഈ രണ്ട് വായനാകാര്‍ഡ് പുസ്തകങ്ങളും രക്ഷിതാക്കളുടെ സാന്നിധ്യത്തില്‍ ജനപ്രതിനിധികളും സാഹിത്യപ്രവര്‍ത്തകരും ചേര്‍ന്ന് പ്രകാശനംചെയ്തു.
ഈ വായനാ  പ്രവര്‍ത്തനം  ഇപ്പോഴും തുടരുന്നു
വായനാകാര്‍ഡ് new-doc-27_14 new-doc-27_11

Saturday, October 8, 2016

പരീക്ഷാനന്തര വിശകലനം


ഈ വര്‍ഷത്തെ ടേം പരീക്ഷ അക്കാദമികമായ അന്വേഷണം നടത്തുന്ന അധ്യാപകര്‍ വളരെ ഗൗരവത്തോടെയാണ് കണ്ടത്. പരീക്ഷാനന്തരം അവര്‍ വിശകലനം നടത്തി. മുന്‍ വര്‍ഷത്തേതില്‍ നിന്നും വ്യത്യസ്തം. അതിന്റെ ചില തെളിവുകള്‍ നോക്കൂ
കിളിമാനൂരിലെ ഒന്നാം ക്ലാസ്
ഷാഹിന്‍ അണ് ഈ വിശകലനം നടത്തി കേരളത്തിന് മാതൃക കാട്ടിയത്. അതു നോക്കൂ

 ഓരോ ചോദ്യവുമെടുത്ത് കുട്ടി ഏതു നിലവാരത്തില്‍ നില്‍ക്കുന്നു എന്നു പരിശോധിക്കുകയാണ്


ഇത്തരം വിശകലനം ഒരു ക്ലാസിലോ ഒരു അധ്യാപകിയിലോ ഒതുങ്ങുന്നില്ല
ഷാനി ടീച്ചറുടെ ഇംഗ്ലീഷ് ക്ലാസിലെ വിശകലനം നോക്കുക. ( ക്ലാസ് ഏഴ്)
 

 
 
 
 
പ്രിയ സുഹൃത്തുക്കളേ
ഇതാണ് കേരളത്തിലെ പൊതുവിദ്യാലയത്തിലെ അധ്യാപകരുടെ ഉര്‍ന്ന നിലവാരം.  മറ്റ് ഒട്ടേറെ വിദദ്യാലയത്തില്‍ നിന്നും ഇതുപോലെ ഉദാഹണങ്ങള്‍ പങ്കിടാനുണ്ടാകും. അത് തീര്‍ച്ചയായും നമ്മെ പ്രചോദിപ്പിക്കും
അനുബന്ധം

എന്തിനാണ് കഴിഞ്ഞ വര്‍ഷം ടേം പരീക്ഷ നടത്തിയത്? അതിന്റെ കണ്ടെത്തല്‍ പ്രകാരം തുടര്‍ന്നിടപെടലുകള്‍ നടത്തിയവര്‍ അതു പങ്കിടൂ. ഈ ചോദ്യം അധ്യാപകരോട് ചോദിച്ചപ്പോള്‍ നിശബ്ദതയായിരുന്നു പ്രതികരണം.
എങ്കില്‍ അതിനു മാറ്റം വേണ്ടേ?
പ്രത്യേകിച്ചും പൊതുവിദ്യാലയങ്ങള്‍ മികവിന്റെ കേന്ദ്രങ്ങളാക്കുവാന്‍ തീരുമാനിക്കുമ്പോള്‍?
മാറ്റം വേണം
  • ചോദ്യങ്ങളിലും മാറ്റം വേണം ( നിലവാരം കുറഞ്ഞ ചോദ്യങ്ങള്‍ തയ്യാറാക്കി അസീസ് കമ്മറ്റി നിര്‍ദേശപ്രകാരം പുസ്തകം തയ്യാറാക്കിയവര്‍ കൃത്രിമനിലവാരം സൃഷ്ടിക്കാന്‍ ചോദ്യക്കൂട്ടം എന്ന പുതിയ രീതി കൊണ്ടു വന്നു. ഭിന്ന നിലവാര പരിഗണന എന്ന പേരില്‍ കാണാപാഠം പഠനത്തെ പ്രോത്സാഹിപ്പിച്ചു. ഫലമോ അവര്‍ തന്നെ നിര്‍ദേശിച്ച പഠനനേട്ടത്തെ വിലയിരുത്തുന്നതിനു പകരം പാഠപുസ്തകത്തിലെ വിവരങ്ങളോര്‍ത്തുവെക്കാനുളള കഴിവാണ് പരിശോധിക്കപ്പെട്ടത്. ചില ചോദ്യപേപ്പറുകളില്‍ ഉത്തരം തന്നെ മറ്റു ചോദ്യങ്ങളുടെ രൂപത്തില്‍ വിന്യസിച്ചു.)
  • വിലയിരുത്തല്‍സൂചകങ്ങളിലും മാറ്റം വേണം ( നിലവാര സൂചകങ്ങള്‍ക്ക് കൃത്യതയില്ല. വളര്‍ച്ച പ്രകടമല്ല, ആശയപരവും ഭാഷാപരവുമായ സൂക്ഷ്മതയെ പ്രതിഫലിപ്പിക്കുന്നില്ല. നന്നായി എഴുതിയവര്‍, ഭാഗികമായി എഴുതിയവര്‍ എന്നിങ്ങളെ തോന്നിയ പോലെ വ്യഖ്യാനിക്കാവുന്ന റേറ്റിംഗ് രീതി . എല്ലാ കുട്ടികളും രണ്ടോ മൂന്നോ സ്കോര്‍ സൗജന്യമായി ഓരോ ചോദ്യത്തിലും നേടി. ചോദ്യത്തിന്‍റെ വിശ്വാസ്യത ചോര്‍ന്നു. എന്താണോ വിലയിരുത്തേണ്ടത് അതു തന്നെ വിലയിരുത്തപ്പെടുന്നതാവണം ഉത്തമ ചോദ്യമെന്ന സങ്കല്പത്തെ കീഴേമേല്‍ മറിച്ചു. നാലാം ക്ലാസിലും അഞ്ചിലും ഏഴിലും ഭാഷയില്‍ സമാന സൂചകങ്ങള്‍! വളര്‍ച്ചയെ തടഞ്ഞു. )
  • വിശകലനരീതിയിലും മാറ്റം വേണം ( കേവലം മാര്‍ക്ക് നല്‍കുന്നതിനപ്പുറം ക്ലാസിന്‍റെ ഗുണാത്മക നിലവാരം കണ്ടെത്താന്‍ അധ്യാപകരോട് ആവശ്യപ്പെട്ടില്ല്. അതിനാല്‍ത്തന്നെ അത്തരം വിശകലനം നടന്നുമില്ല)
  • തുടര്‍പ്രവര്‍ത്തനങ്ങളിലും മാറ്റം വേണം ( പരീക്ഷയ്ക് ശേഷമെന്ത് എന്ന ചോദ്ം ഉന്നയിക്കപ്പെടാതെയാണ് പരീക്ഷയുടെ ആസൂത്രണം നടന്നിരുന്നത്. അതിനാല്‍ പരീക്ഷ പരീക്ഷയ്ക് വേണ്ടിയായി മാറി)
ഈ പ്രശ്നങ്ങളെ പരിഹരിക്കാനായിരുന്നു ഇത്തവണ ശ്രമിച്ചത്
പഠനനേട്ടത്തിന്‍റെ വ്യാപ്തി നിശ്ചയിച്ചു
അത് വിലയിരുത്താനുളള സൂചകങ്ങള്‍ വികസിപ്പിച്ചു
ഈ സൂചകങ്ങള്‍ക്കു വഴങ്ങുന്ന ചോദ്യങ്ങള്‍ തയ്യാറാക്കി
ഒന്നു മുതല്‍ ഏഴു വരെ ക്ലാസുകളിലെ വളര്‍ച്ച താരതമ്യം ചെയ്തു
ഒരു പരിധിവരെ ഈ മാറ്റം ഗുണം ചെയ്തിട്ടുണ്ട് എന്നാണ് ഈ രണ്ടു വിശകലന മാതൃകകള്‍ സൂചിപ്പിക്കുന്നത്
ചോദ്യങ്ങള്‍ ഇനിയും മെച്ചപ്പെടേണ്ടതുണ്ട്. ചിലതിനു നിലവാരം കൂടിപ്പോയി എന്നു പരാതി.  അതെല്ലാം പരിഹരിക്കാനാകും
ഗവേഷണാത്മക സംസ്കാരത്തിനു തുടക്കമായല്ലോ
അത് പ്രതീക്ഷ നല്‍കുന്നില്ലോ
  അനുബന്ധം

Tuesday, September 6, 2016

കണക്കിന്റെ കടമ്പ കടക്കാന്‍ -3


 ആരാണോ കുട്ടികള്‍ക്ക് വിദ്യാഭ്യാസം നല്‍കുന്നത് അവര്‍ രക്ഷിതാക്കളേക്കാള്‍ കൂടുതല്‍ ആദരിക്കപ്പെടുന്നു. കാരണം രക്ഷിതാക്കള്‍ ജന്മമാണ് ( ജീവനാണ്) നല്‍കുന്നത്. അധ്യാപകരാകട്ടെ നല്ല ജീവിതത്തിന്റെ കലയാണ് നല്‍കുന്നത്.-
- അരിസ്റ്റോട്ടില്‍

നല്ല ജീവിതത്തെക്കുറിച്ച് എല്ലാ വിഷയക്കാരും ചര്‍ച്ച ചെയ്യണ്ടേ? 
 മനുഷ്യത്വത്തിന്റെ പാഠങ്ങള്‍?  
ജീവിതത്തിന്റെ നേര്‍ക്കാഴ്ചകള്‍? പാവപ്പെട്ടവരുടെ ജീവിതം?  
ഇതെല്ലാം ഗണിതത്തിന് അന്യമാണോ? വര്‍ത്തമാന സമൂഹത്തില്‍ നിന്നും ഗണിതപഠനസാധ്യത അന്വേഷിക്കുന്നതിനുളള ഒരു ശ്രമമാണിവിടെ നടത്തുന്നത്. ഒപ്പം വ്യവകലനത്തിലെ ഗണിതപ്രയാസങ്ങള്‍ക്കുളള പരിഹാരാലോചനയും

Friday, September 2, 2016

കണക്കിന്റെ കടമ്പ കടക്കാന്‍-2


ഈ ലക്കത്തില്‍ സങ്കലനമാണ് പ്രതിപാദ്യം.
സങ്കലനമറിയാത്ത ഒരു കുട്ടി പോലും ക്ലാസില്‍ ഇല്ലെന്നു പറയാനാഗ്രഹിക്കുന്ന അധ്യാപകര്‍ക്ക് വേണ്ടിയാണ് ഈ കുറിപ്പ്.
എണ്ണാനും കൂട്ടാനും എഴുതാനും വായിക്കാനും അറിയില്ലെങ്കില്‍ ഉടന്‍ വര്‍ക് ഷീറ്റ് എന്ന പരിഹാരം നിര്‍ദേശിച്ച് ലക്ഷങ്ങള്‍ അച്ചടിശാലകള്‍ക്ക് കൊടുക്കുന്നവരുണ്ട്. 
ആവര്‍ത്തനം പ്രബലനം എന്നിവ കൊണ്ടുറപ്പിക്കാത്തതിനാലാണ് ആശയരൂപീകരണം നടക്കാത്തതെന്നു കരുതുന്നവരുമുണ്ട്.
ആശയരൂപീകരണപ്രക്രിയ എന്നത് അനുഭവവിശകലനത്തിലൂടെ സംഭവിക്കുന്നതാണ്. യുക്തിപൂര്‍വമായ ഘട്ടങ്ങളും കുട്ടിയുടെ ചിന്താതലത്തിനു വഴങ്ങുന്ന ഉദാഹരണങ്ങളുമില്ലാത്തത് പലപ്പോഴും ആശയരൂപീകരണത്തെ സ്വാധീനിക്കും.

വസ്ത്ര ക്കടയില്‍ പെണ്‍ കുട്ടികള്‍ ചെന്നു. ഇഷ്ടമുളള യൂണിഫോം തെരഞ്ഞെടുക്കാന്‍ കുട്ടികള്‍ക്ക് സ്കൂള്‍ അവകാശം നല്‍കിയിരിക്കുകയാണ്. അവര്‍ കടയിലുളള വസ്ത്രങ്ങള്‍ നോക്കി. പിങ്ക് നിറത്തിലും മഞ്ഞനിറത്തിലും കാവിച്ചുവപ്പിലുമുളള വസ്ത്രങ്ങള്‍ അവര്‍ക്കിഷ്ടപ്പെട്ടു.  ഓരോന്നും എത്ര വീതം ഉണ്ട്. അവരെണ്ണി. സ്കൂളിലെ മൊത്തം പെണ്‍കുട്ടികള്‍ 132 . അതെങ്ങനെ ശരിയാകും മൂന്നുതരം യൂണിഫോം പറ്റുമോ? കുട്ടികള്‍ ആലോചിച്ചു. പൂക്കള്‍ക്കെല്ലാം ഒരു നിറമാണേല്‍ എന്തായിരിക്കും സ്ഥിതി? ബോറ്. നമ്മുടെ സ്കൂള്‍ പൂന്തോട്ടം പോലെയാകട്ടെ. പല നിറങ്ങളാകാം. കൈത്തറിയല്ലേ സന്ദേശം. അതാണ് യൂണിഫോം. മനസാണ പ്രധാനം പുറംമോടിയല്ലഎന്നു ടീച്ചര്‍ പറഞ്ഞത് അവര്‍ ഓര്‍ത്തു..അവര്‍ മൂന്നു നിറങ്ങളും എടുക്കാന്‍ തീരുമാനിച്ചു. എത്ര കുട്ടികള്‍ക്കുളള വസ്ത്രം കിട്ടിക്കാണും?
സാധാരണ ക്ലാസില്‍ സംഭവിക്കുന്നത് എന്താകും?

Monday, August 29, 2016

കണക്കിലെ കടമ്പകള്‍ കടക്കാന്‍-1


ഇരട്ടിമധുരം
മോഡ്യൂള്‍ ഒന്ന്-
  • ഇത് ഗണിതപഠനത്തിലെ പിന്നാക്കാവസ്ഥ പരിഹരിക്കുന്നതിനുളള ചില ഇടപെടല്‍ ചിന്തകളാണ്. നിശ്ചിതമായ ഒരു ക്രമം പാലിക്കാതെയാകാം അവതരണം. ഓരോ തവണയും ഉണ്ടാകുന്ന പ്രശ്നങ്ങള്‍ അപ്പോള്‍ പരിഹരിക്കാന്‍ ശ്രമിക്കുകയോ അടുത്ത ദിവസം അഭിസംബോധന ചെയ്യുകയോ വേണം. ബഹുമുഖബുദ്ധി സിദ്ധാന്തത്തെ എങ്ങനെ പ്രയോജനപ്പെടുത്താമെന്ന ആലോചനയുമുണ്ട്. മൂന്നു മുതല്‍ ഏഴു വരെ ക്ലാസുകളിലെ കുട്ടികളെയാണ് ലക്ഷ്യമിടുന്നത്.
  • ഒന്നാം മോഡ്യൂളില്‍ ഇരട്ടി കണ്ടെത്താന്‍ കഴിയുന്ന കുട്ടിക്ക് രണ്ട്, നാല് , എട്ട് എന്നീ സംഖ്യകളുപയോഗിച്ചുളള ഗുണനം, ഗുണനപട്ടികയുടെ സഹായമില്ലാതെോ ഗണിതപരമായ യുക്തിയുടെ അടിസ്ഥാനത്തില്‍ കണ്ടെത്താനാകും എന്ന ആശയമാണ് അവതരിപ്പിക്കുന്നത്.
  • ചിത്രകലയും പ്രവൃത്തിപരിചയവും മുഖ്യശേഷികളായി പരിഗണിക്കുന്നു. അതായത് ഗണിതം പഠിക്കാനുളള അനുബന്ധ വിഷയമായി നിറുത്താതെ ഈ മൂന്നു വിഷയങ്ങളെയും അര്‍ഹിക്കുന്ന ആദരവ് നല്‍കി സമീപിക്കുന്നു.

Thursday, August 25, 2016

പ്രേംജിത്ത് വിദ്യാഭ്യാസ ചര്‍ച്ചയ്ക് തുടക്കമിടുന്നു

വിദ്യാഭ്യാസ സംരക്ഷണാതര്‍ഥമുളള വിമര്‍ശനങ്ങളും സ്വയം വിമര്‍ശനവും നിര്‍ദേശങ്ങളുമാണിത്. പ്രേംജിത്തിന്റെ ഈ കുറിപ്പ് അതേ പോലെ ചൂണ്ടുവിരല്‍ പ്രസിദ്ധീകരിക്കുകയാണ്. ക്രിയാത്മകമായ ചര്‍ച്ചയും നിര്‍ദേശങ്ങളും കൂട്ടിച്ചേര്‍ക്കലുകളും വിയോജിപ്പും യോജിപ്പുമെല്ലാം പ്രതീക്ഷിക്കുന്നു

Saturday, August 20, 2016

വലപ്പാട് സ്കൂള്‍ അനുഭവസമൃദ്ധം


കോഴിക്കോട് വെച്ചാണ് ശ്രീ രാജന്‍മാഷ് എനിക്ക് വാര്‍ഷികസ്മരണിക തന്നത്. നടക്കാവില്‍ നടന്ന സംസ്ഥാനതല ശില്പശാലയുടെ തിരക്കിനിടയില്‍ അത് വായിക്കാനായില്ല. മടക്കയാത്രയില്‍ ഞാന്‍ അത് മാരാരിക്കുളത്തെ ശ്രീ മോഹന്‍ദാസുമൊരുമിച്ച് വായിച്ചു. പ്രീതിക്കുളങ്ങര സ്കൂളിലെ പി ടി എ പ്രസിഡന്റായ മോഹന്‍ദാസിന്റെ മുഖത്ത് തെളിയുന്ന അതിശയഭാവം ഞാന്‍ ശ്രദ്ധിച്ചു. 
വലപ്പാട് അദ്ദേഹത്തിന് ആവേശം നല്‍കുന്നു. എനിക്കും. 
നടക്കാവിനെക്കുറിച്ച് പറയുമ്പോള്‍ ജിമ്മിസാര്‍ സൂചിപ്പിക്കുന്ന ഒരു കാര്യമുണ്ട് . "നടക്കാവുന്നതേ പറയാവൂ."
അതെ ഇവിടെ നടന്നതാണ് പറയുന്നത്. 
നടക്കുന്നതാണ് പങ്കിടുന്നത്. 
നടത്താവുന്നവയാണ് ..
ഒന്നും അതേ പോലെ ആവര്‍ത്തിക്കപ്പെടരുത്. അനുയോജ്യവത്കരണവും സമ്പുഷ്ടീകരണവും വേണം. കേരളത്തിലെ വിദ്യാലയങ്ങള്‍ക്ക് ഇന്ന് വലപ്പാട് സ്കൂള്‍ ഒരു ചര്‍ച്ചാ വിഷയമാണ്.

Sunday, August 7, 2016

ഒന്ന് രണ്ട് ക്ലാസുകളിലെ ഭാഷാപഠനവും ഐസി ടിയും ഒരു സാധ്യത


മിനിടീച്ചര്‍ അയച്ചുതന്ന കുറിപ്പാണ് ചുവടെ നല്‍കിയിരിക്കുന്നത്. ദേശീയ വിദ്യാഭ്യാസ നയരേഖ 2016 ഐ സി ടി വിദ്യാഭ്യാസത്തില്‍ എങ്ങനെ പ്രയോജനപ്പെടുത്തണമെന്നു സൂചിപ്പിക്കുന്നുണ്ട്. ആചര്‍ച്ചയില്‍ അവര്‍ ശിക്ഷാ പ്രോജക്ടിനെ ഉദാഹരിക്കുന്നു. ചെറിയ ക്ലാസുകളില്‍ ഐ സി ടി ഉയോഗിച്ചു പഠിപ്പിച്ചപ്പോള്‍ നിലവാരം കൂടി എന്നാണ് സൂചന. ( അനുബന്ധം നോക്കുക). ഈ സന്ദര്‍ഭത്തില്‍ മിനിടീച്ചറുടെ ( മിനിമാത്യു -പ്രഥമാധ്യാപിക, വടക്കേ വാഴക്കുളം യു പി എസ്, എറണാകുളം) ഇടപെടലിനു സവിശേഷമായ പ്രാധാന്യമുണ്ട്. പ്രത്യേകിച്ചും വിദ്യാലയങ്ങള്‍ ഹൈടെക് ആക്കുന്ന പ്രക്രിയ പല തലങ്ങളിലും ആരംഭിച്ച പശ്ചാത്തലത്തില്‍. കത്ത് വായിക്കൂ.