ചൂണ്ടുവിരലിലെ വിഭവങ്ങള്‍

2010 ജൂലൈമുതല്‍ അക്കാദമിക വിഭവങ്ങളുമായി ഈ വിദ്യാഭ്യാസ ബ്ലോഗ് ...പ്രയോജനപ്പെടുത്തുക, പ്രയോഗിക്കുക, പ്രചോദിപ്പിക്കുക, പ്രചരിപ്പിക്കുക.. ചൂണ്ടുവിരലില്‍ പങ്കിട്ട വിഭവമേഖലകള്‍....> 1.അധ്യാപക ശാക്തീകരണം ,2. വായനയുടെ വഴി ഒരുക്കാം, 3.എഴുത്തിന്‍റെ തിളക്കം, 4.വിദ്യാഭാസ ഗുണനിലവാരം- സംവാദം,5. മികവ്, 6.ശിശുസൌഹൃദ വിദ്യാലയം, 7.സര്‍ഗാത്മക വിദ്യാലയം, 8.നിരന്തര വിലയിരുത്തല്‍, 9.ഗണിതപഠനം, 10.വിദ്യാഭ്യാസ അവകാശ നിയമം, 11.ദിനാചരണങ്ങള്‍, 12.പാര്‍ശ്വവത്കരിക്കപ്പെടുന്നവര്‍, 13. രക്ഷിതാക്കളും സ്കൂളും, 14. കളരി, 15. ക്ലാസ് അന്തരീക്ഷം/ക്രമീകരണം, 16.ഇംഗ്ലീഷ് പഠനം, 17.ഒന്നാം ക്ലാസ്, 18. ശാസ്ത്രത്തിന്റെ പാത, 19.ആവിഷ്കാരവും ഭാഷയും, 20. പ്രത്യേക പരിഗണന അര്‍ഹിക്കുന്ന കുട്ടികള്‍, 21. ഐ ടി സാധ്യതകള്‍, 22. പഠനറിപ്പോര്‍ട്ടുകള്‍, 23.പഠനമാധ്യമം 24. ഭൌതികസൌകര്യങ്ങളില്‍ മികവ്, 25.അക്കാദമികസന്ദര്‍ശനം, 26.ഗ്രാഫിക് ഓര്‍ഗനൈസേഴ്സ്, 27.പ്രഥമാധ്യാപകര്‍.,28. ബാല, 29. വളരുന്ന പഠനോപകരണം,30. കുട്ടികളുടെ അവകാശം, 31. പത്രങ്ങള്‍ സ്കൂളില്‍, 32.പാഠ്യപദ്ധതി,33. ഏകീകൃത സിലബസ്, 34.ഡയറ്റ് .35.ബി ആര്‍ സി,36. പരീക്ഷ ,37. പ്രവേശനോത്സവം,38. IEDC, 39.അന്വേഷണാത്മക വിദ്യാലയങ്ങളുടെ ലോകജാലകം, 40. കലാവിദ്യാഭ്യാസം, 41.പഞ്ചായത്ത്‌ വിദ്യാഭ്യാസ സമിതി, 42. പഠനോപകരണം, 43.പാഠ്യപദ്ധതി പരിഷ്കരണം, 44. ചൂണ്ടുവിരല്‍,45. ടി ടി സി, 46.പുതുവര്‍ഷം, 47.പെണ്‍കുട്ടികളുടെ ശാക്തീകരണം, 48. ക്രിയാഗവേഷണം,49. ടീച്ചിംഗ് മാന്വല്‍, 50. പൊതുവിദ്യാഭ്യാസസംരക്ഷണം, 51.ഫീഡ് ബാക്ക്, 52.സ്റ്റാഫ് റൂം, 53. കുട്ടികളുട അവകാശം,54. കൃഷിയും പഠനവും,55. നോട്ട് ബുക്ക് ആകര്‍ഷകവും സമഗ്രവും, 56.പഠനയാത്ര, 57. വിദ്യാബ്ലോഗുകള്‍,58. സാമൂഹികശാസ്ത്രം, 59. സ്കൂള്‍ അസംബ്ലി, 60.സ്കൂള്‍ റിസോഴ്സ് (റിസേര്‍ച്) ഗ്രൂപ്പ് - ,61.പ്രതിഫലനാത്മകക്കുറിപ്പ്, 62. ബദല്‍പാഠങ്ങള്‍, 63.മെന്ററിംഗ്,64. വര്‍ക്ക്ഷീറ്റുകള്‍ ക്ലാസില്‍, 65.വിലയിരുത്തല്‍, 66. സാമൂഹിക ശാസ്ത്രാന്തരീക്ഷം, 67.അനാദായം, 68.എ ഇ ഒ , 69.കായികവിദ്യാഭ്യാസം,70. തിയേേറ്റര്‍ സങ്കേതം പഠനത്തില്‍, 71.നാടകം, 72.നാലാം ക്ലാസ്.73. പാഠാവതരണം, 74. മോണിറ്ററിംഗ്, 75.വിദ്യാഭ്യാസ ചിന്തകള്‍, 76.സഹവാസ ക്യാമ്പ്, 77. സ്കൂള്‍ സപ്പോര്‍ട്ട് ഗ്രൂപ്പ്,78.പ്രദര്‍ശനം,79.പോര്‍ട്ട്‌ ഫോളിയോ...80 വിവിധജില്ലകളിലൂടെ... പൊതുവിദ്യാഭ്യാസത്തിന്റെ കരുത്ത് അറിയാന്‍ ചൂണ്ടുവിരല്‍...tpkala@gmail.com.

Wednesday, October 13, 2010

അഭിമാനിക്കാവുന്ന കാര്യങ്ങള്‍ ഓരോ ക്ലാസിലും


"ടീച്ചര്‍, രണ്ടാം ക്ലാസിലെ അഭിമാനിക്കാവുന്ന മറ്റൊരു കാര്യം പറയുമോ?"
ഞങ്ങള്‍ ചോദിച്ചു.
ബിജി ടീച്ചര്‍ കുട്ടികളെ ഒന്ന് നോക്കി.
(അവര്‍ അഭിമാനപാത്രങ്ങള്‍ തന്നെ )
മക്കളെ നമ്മുടെ കഥാ കാര്‍ഡുകളെവിടെ ?
അവര്‍ പുസ്തകസഞ്ചി പരതി.
എല്ലാവര്ക്കും ഉണ്ട് ഓരോ കഥകള്‍.
ടീച്ചറും എടുത്തു കരുതല്‍ ശേഖരം.
കൊച്ചു കൊച്ചു കഥകള്‍..
തളിരിലും യുറീക്കയിലും പൂമ്പാറ്റയിലും മറ്റു ബാലമാസികകളിലും ഒക്കെ വരുന്ന നല്ല നല്ല കഥകള്‍ തെരഞ്ഞെടുക്കും.
കുട്ടികളുടെ നിലവാരത്തിനു യോജിച്ചവ.
അത് പ്ലാസ്ടിക് കവറില്‍ ഇട്ടു സീല്‍ ചെയ്തു കൊടുത്തയക്കും.വായിക്കാന്‍..
കഥകളുടെ ഫോട്ടോ കോപ്പി എടുത്തു കൊടുത്തത് കുട്ടികള്‍ക്ക് ഇഷ്ടമായില്ല. കളര്‍ വേണം.
ഇപ്പോള്‍ എല്ലാവര്ക്കും എന്നും വായിക്കാനുള്ളത് ഉണ്ട്. അത് കൂടി കൂടി വരുന്നു.വായനയും..
"നല്ല പ്രവര്‍ത്തനം.ശരി ടീച്ചര്‍ ഞങ്ങള്‍ പോകട്ടെ.."
ഉടന്‍ അടുത്ത വിശേഷത്തിന്റെ ഫയല്‍ അഴിച്ചു.

"ദേ എന്റെ പോട്ട് ഫോളിയോ ഫയല്‍ കണ്ടോ."
ടീച്ചര്‍ ഓരോ കുട്ടിയുടെയും ഫയല്‍എടുത്തു. ഓരോരോ രചനകള്‍ കാണിച്ചു.
" ഇതു ഈ നില്‍ക്കുന്ന മോളുടെ.
ഇതു കഴിഞ്ഞാഴ്ച ചെയ്തത്. ഈ വര്‍ക്ക്ഷീറ്റ് കുട്ടികള്‍ നന്നായി ചെയ്തു...'
ആവേശത്തോടെ പറയാന്‍ ക്ലാസില്‍ ഒട്ടേറെ ഉണ്ടാവുക .അതാണ്‌ പ്രധാനം. ഈ ടീച്ചര്‍ക്ക് കുട്ടികളെ കുറിച്ച് നല്ലത് മാത്രമേ പറയാനുള്ളൂ.
(ഇന്നലെ ഒരു സ്കൂളില്‍ ചെന്നപ്പോള്‍ ടീച്ചര്‍ക്ക് കുട്ടികളെ കുറിച്ച് ഇരുണ്ടവാക്കുകളേ ഉള്ളൂ ..പ്രകാശമില്ലാത്ത ക്ലാസ്- അവരുടെ മനോഭാവം മാറാതെ തെളിയില്ല)

"ഇനി അടുത്ത ക്ലാസ് കാണാം."
പ്രഥമ അധ്യാപിക നയിച്ചു
അവിടെ ആ മൂന്നാം ക്ലാസില്‍ മനോഹരമായ ചിത്രങ്ങള്‍ ചാര്‍ട്ടില്‍.
ടീച്ചര്‍ വരയ്ക്കുമോ?
ഞാന്‍ ചോദിച്ചു.
ഇല്ല, ഇവ രമ്യയുടെ അച്ഛന്‍ വരച്ചു തന്നതാ.
രമ്യ അപ്പോള്‍ പുഞ്ചിരിച്ചു.
രമ്യയുടെ അച്ഛന്‍ രവി വരയ്ക്കും. അത് മനസ്സിലാക്കിയ മേരിടീച്ചര്‍ആവശ്യമുള്ളപ്പോള്‍ ഒരു കുറിപ്പും ചാര്‍ട്ടും കൊടുത്തയക്കും.വിശദാംശങ്ങള്‍ രമ്യയോട് പറയും (പാഠവും സന്ദര്‍ഭവും )
പിറ്റേന്ന് ആഗ്രഹിച്ച ചിത്രം കിട്ടും.ടീച്ചര്‍ക്ക് എഴുതാനുള്ള സ്ഥലം ഒഴിചിട്ടിരിക്കും.അവിടെ ടീച്ചര്‍ വേര്‍ഷന്‍ ചേര്‍ക്കും ..
സ്വന്തം ക്ലാസിലെ എല്ലാ പിന്തുണാ സാധ്യതകളും പ്രയോജനപ്പെടുത്താനുള്ള ഈ ശ്രമം അഭിനന്ദനീയം.

ഇനി അടുത്ത ക്ലാസില്‍ പോകണ്ടേ? എച് എം ഓര്‍മിപ്പിച്ചു.
ശരി. ഞാന്‍ വേണുമാഷെ വിളിച്ചു . ഞങ്ങള്‍ ഉത്സാഹത്തോടെ നടക്കുമ്പോള്‍ പറഞ്ഞു.
തന്റെ സ്കൂളിലെ ഓരോ ക്ലാസും വിളിച്ചു കാണിക്കാന്‍ ഈ പ്രഥമ അധ്യ്യപിക കാട്ടുന്ന താല്പര്യത്തെ കുറിച്ച്..
ആ സ്കൂളിലെ ഓരോ അധ്യാപികയും അംഗീകരിക്കപ്പെടണം .
അവരെ പ്രചോദിപ്പിക്കാന്‍ കഴിയണം .
അതിനു ഈ അധ്യാപിക വഴിയൊരുക്കുന്നു..
(തുടരും ഹോളി ഫാമിലി യു പി സ്കൂള്‍ വിശേഷങ്ങള്‍ ...)

3 comments:

SREEJA S. said...

എന്റെ രണ്ടാം ക്ലാസ്സിന്റെ അതെ അനുഭവം ...ഒരു വെത്യാസം മാത്രം ഞങള്‍ പ്ലാസ്റ്റിക്‌ കവറിനു പകരം പേപ്പര്‍ കവര്‍ ഉപയോഗിക്കുന്നു

BRC Edapal said...

(ഇന്നലെ ഒരു സ്കൂളില്‍ ചെന്നപ്പോള്‍ ടീച്ചര്‍ക്ക് കുട്ടികളെ കുറിച്ച് ഇരുണ്ടവാക്കുകളേ ഉള്ളൂ ..പ്രകാശമില്ലാത്ത ക്ലാസ്- അവരുടെ മനോഭാവം മാറാതെ തെളിയില്ല)
...............

ഇതിനിടയിലും രജത രേഖ പോലെ ഹോളി ഫാമിലി യു പി സ്കൂള്‍... അനുമോദനങ്ങള്‍

nanmandan said...

കുഞ്ഞു കലാകാരന്മാര്‍ക്ക് അഭിനന്ദനങ്ങള്‍