ചൂണ്ടുവിരലിലെ വിഭവങ്ങള്‍

2010 ജൂലൈമുതല്‍ അക്കാദമിക വിഭവങ്ങളുമായി ഈ വിദ്യാഭ്യാസ ബ്ലോഗ് ...പ്രയോജനപ്പെടുത്തുക, പ്രയോഗിക്കുക, പ്രചോദിപ്പിക്കുക, പ്രചരിപ്പിക്കുക.. ചൂണ്ടുവിരലില്‍ പങ്കിട്ട വിഭവമേഖലകള്‍....> 1.അധ്യാപക ശാക്തീകരണം ,2. വായനയുടെ വഴി ഒരുക്കാം, 3.എഴുത്തിന്‍റെ തിളക്കം, 4.വിദ്യാഭാസ ഗുണനിലവാരം- സംവാദം,5. മികവ്, 6.ശിശുസൌഹൃദ വിദ്യാലയം, 7.സര്‍ഗാത്മക വിദ്യാലയം, 8.നിരന്തര വിലയിരുത്തല്‍, 9.ഗണിതപഠനം, 10.വിദ്യാഭ്യാസ അവകാശ നിയമം, 11.ദിനാചരണങ്ങള്‍, 12.പാര്‍ശ്വവത്കരിക്കപ്പെടുന്നവര്‍, 13. രക്ഷിതാക്കളും സ്കൂളും, 14. കളരി, 15. ക്ലാസ് അന്തരീക്ഷം/ക്രമീകരണം, 16.ഇംഗ്ലീഷ് പഠനം, 17.ഒന്നാം ക്ലാസ്, 18. ശാസ്ത്രത്തിന്റെ പാത, 19.ആവിഷ്കാരവും ഭാഷയും, 20. പ്രത്യേക പരിഗണന അര്‍ഹിക്കുന്ന കുട്ടികള്‍, 21. ഐ ടി സാധ്യതകള്‍, 22. പഠനറിപ്പോര്‍ട്ടുകള്‍, 23.പഠനമാധ്യമം 24. ഭൌതികസൌകര്യങ്ങളില്‍ മികവ്, 25.അക്കാദമികസന്ദര്‍ശനം, 26.ഗ്രാഫിക് ഓര്‍ഗനൈസേഴ്സ്, 27.പ്രഥമാധ്യാപകര്‍.,28. ബാല, 29. വളരുന്ന പഠനോപകരണം,30. കുട്ടികളുടെ അവകാശം, 31. പത്രങ്ങള്‍ സ്കൂളില്‍, 32.പാഠ്യപദ്ധതി,33. ഏകീകൃത സിലബസ്, 34.ഡയറ്റ് .35.ബി ആര്‍ സി,36. പരീക്ഷ ,37. പ്രവേശനോത്സവം,38. IEDC, 39.അന്വേഷണാത്മക വിദ്യാലയങ്ങളുടെ ലോകജാലകം, 40. കലാവിദ്യാഭ്യാസം, 41.പഞ്ചായത്ത്‌ വിദ്യാഭ്യാസ സമിതി, 42. പഠനോപകരണം, 43.പാഠ്യപദ്ധതി പരിഷ്കരണം, 44. ചൂണ്ടുവിരല്‍,45. ടി ടി സി, 46.പുതുവര്‍ഷം, 47.പെണ്‍കുട്ടികളുടെ ശാക്തീകരണം, 48. ക്രിയാഗവേഷണം,49. ടീച്ചിംഗ് മാന്വല്‍, 50. പൊതുവിദ്യാഭ്യാസസംരക്ഷണം, 51.ഫീഡ് ബാക്ക്, 52.സ്റ്റാഫ് റൂം, 53. കുട്ടികളുട അവകാശം,54. കൃഷിയും പഠനവും,55. നോട്ട് ബുക്ക് ആകര്‍ഷകവും സമഗ്രവും, 56.പഠനയാത്ര, 57. വിദ്യാബ്ലോഗുകള്‍,58. സാമൂഹികശാസ്ത്രം, 59. സ്കൂള്‍ അസംബ്ലി, 60.സ്കൂള്‍ റിസോഴ്സ് (റിസേര്‍ച്) ഗ്രൂപ്പ് - ,61.പ്രതിഫലനാത്മകക്കുറിപ്പ്, 62. ബദല്‍പാഠങ്ങള്‍, 63.മെന്ററിംഗ്,64. വര്‍ക്ക്ഷീറ്റുകള്‍ ക്ലാസില്‍, 65.വിലയിരുത്തല്‍, 66. സാമൂഹിക ശാസ്ത്രാന്തരീക്ഷം, 67.അനാദായം, 68.എ ഇ ഒ , 69.കായികവിദ്യാഭ്യാസം,70. തിയേേറ്റര്‍ സങ്കേതം പഠനത്തില്‍, 71.നാടകം, 72.നാലാം ക്ലാസ്.73. പാഠാവതരണം, 74. മോണിറ്ററിംഗ്, 75.വിദ്യാഭ്യാസ ചിന്തകള്‍, 76.സഹവാസ ക്യാമ്പ്, 77. സ്കൂള്‍ സപ്പോര്‍ട്ട് ഗ്രൂപ്പ്,78.പ്രദര്‍ശനം,79.പോര്‍ട്ട്‌ ഫോളിയോ...80 വിവിധജില്ലകളിലൂടെ... പൊതുവിദ്യാഭ്യാസത്തിന്റെ കരുത്ത് അറിയാന്‍ ചൂണ്ടുവിരല്‍...tpkala@gmail.com.

Saturday, October 8, 2011

രസതന്ത്ര വര്‍ഷാചരണത്തില്‍ പരീക്ഷണങ്ങളുമായി കുട്ടികള്‍

രസതന്ത്ര വര്‍ഷാചരണത്തിന്റെ   ഭാഗമായി വിദ്യാലയങ്ങള്‍ പ്രവര്‍ത്തനങ്ങള്‍ ഏറ്റെടുക്കുന്നു. അതില്‍ ശ്രേദ്ധേയമായ ചിലത് ഇന്ന് പങ്കിടുന്നു.






ആയഞ്ചേരി: അന്താരാഷ്ട്ര രസതന്ത്ര വര്‍ഷാചരണത്തിന്റെ ഭാഗമായി ആയഞ്ചേരി റഹ്മാനിയ ഹൈസ്‌കൂള്‍ കുട്ടികള്‍ നടത്തിയ വിവിധ പരീക്ഷണങ്ങള്‍ ശ്രദ്ധേയമായി. 
  • എട്ട്, ഒമ്പത് ക്ലാസുകളിലെ 100 ഓളം കുട്ടികള്‍ പരീക്ഷണ മത്സരത്തില്‍ പങ്കെടുത്തു. 
  • കുട്ടികള്‍ സ്വന്തമായി വസ്തുക്കള്‍ ശേഖരിച്ച് വീട്ടില്‍ പരീക്ഷണം നടത്തിയ ശേഷമാണ് സ്‌കൂളില്‍ മത്സരത്തിനെത്തിയത്. 
എട്ടാംതരത്തില്‍ നിന്നും ഷസ്‌ന സലിം, കെ.എസ്. സ്‌നേഹ, ഭാഗ്യലക്ഷ്മി, അബ്ദുറഹിം എന്നിവരും ഒമ്പതാം ക്ലാസില്‍ നിന്ന് സി.പി.അശ്വന്ത്, എന്‍.എം. അനുശ്രീ, സ്‌നേഹ സോമന്‍, കെ. ഫാത്തിമ എന്നിവരും ജേതാക്കളായി.
കുട്ടികള്‍ക്ക് പുത്തനറിവുമായി രസതന്ത്രോത്സവം

  •  അരിമാവ് പുളിച്ചുപൊങ്ങുന്നതെങ്ങനെ? 
  • മൈദ ഭക്ഷ്യവസ്തു എന്നതിലുപരി പോസ്റ്ററൊട്ടിക്കാനുള്ളതല്ലേ? 
  • കറിപ്പൊടികളില്‍ വിഷപദാര്‍ഥമായ ലെഡ്ക്രോമേറ്റും, ഇഷ്ടികപ്പൊടിയും ചാണകപ്പൊടിയും ചേര്‍ക്കുന്നതാര്? 
  • സുറുമയെഴുതുന്ന മിഴികള്‍ക്ക് ലെഡ് അപകടകാരിയാവുന്നതെങ്ങനെ? 
  • സോപ്പിന്റെയും, പേസ്റ്റിന്റെയും പിന്നിലെ വാണിജ്യ താല്‍പര്യങ്ങളെന്താക്കെ?
നിത്യജീവിതത്തിലെ രസക്കൂട്ടിലലിഞ്ഞ രസതന്ത്രോത്സവം കുരുന്നുകള്‍ക്ക് അവിസ്മരണീയ അനുഭവമായി. ശാസ്ത്ര സാഹിത്യ പരിഷത്തിന്റെ സഹകരണത്തോടെ ഹൊസ്ദുര്‍ഗ് ഗവ. ഹയര്‍ സെക്കന്‍ഡറിയില്‍ രസതന്ത്രോത്സവം സംഘടിപ്പിച്ചത്. 
  • കരയുന്നതിലും ചിരിക്കുന്നതിലും സ്വപ്നം കാണുന്നതിലും പ്രേമിക്കുന്നതില്‍പോലും നടക്കുന്ന രാസതന്ത്ര പ്രവര്‍ത്തനങ്ങള്‍ കുട്ടികള്‍ അനുഭവിച്ചറിഞ്ഞു. പ്രൊഫ. എം ഗോപാലന്‍ ഉദ്ഘാടനം ചെയ്തു. പ്രിന്‍സിപ്പല്‍ പി വി കുഞ്ഞമ്പു അധ്യക്ഷനായി. ഡോ. കെ എം ശ്രീകുമാര്‍ , വി മധുസൂദനന്‍ , പി യു ചന്ദ്രശേഖരന്‍ എന്നിവര്‍ വിവിധ വിഷയങ്ങളില്‍ ക്ലാസെടുത്തു. ടി പി രഘു, എം ഗോവിന്ദന്‍ എന്നിവര്‍ രസതന്ത്ര ക്വിസ് നയിച്ചു. രാജേഷ് പാടി, എ വി പ്രവിരാജ് എന്നിവര്‍ രസതന്ത്രപാട്ടുകളും അവതരിപ്പിച്ചു. ക്വിസ് മത്സരത്തില്‍ അതുല്‍ ഗണേഷ് (ബല്ലാ ഈസറ്റ് ഗവ. ഹയര്‍സെക്കന്‍ഡറി), ശ്രീരാഗ് (പി സ്മാരക ഹയര്‍ സെക്കന്‍ഡറി വെള്ളിക്കോത്ത്), സി എം രജിത് (ഹൊസ്ദുര്‍ഗ് ഗവ. ഹയര്‍സെക്കന്‍ഡറി) എന്നിവര്‍ ജേതാക്കളായി. സി കൃഷ്ണലേഖ സ്വാഗതവും സി ഗംഗാധരന്‍ നന്ദിയും പറഞ്ഞു. 
കൗതുകത്തില്‍വിരിഞ്ഞ പരീക്ഷണം; 'കുട്ടിശാസ്ത്രജ്ഞര്‍' വിസ്മയിപ്പിച്ചു


വിദ്യാര്‍ഥികള്‍ നിത്യ ജീവിതത്തിലെ ശാസ്ത്രം എന്ന വിഷയത്തിലൂന്നി നടത്തിയ പരീക്ഷണങ്ങള്‍ വിസ്മയകാഴ്ചയൊരുക്കി. കൗതുകത്തില്‍ നിന്ന് വിരിഞ്ഞ പരീക്ഷണങ്ങള്‍ വിശദീകരിച്ചും പ്രവര്‍ത്തിപ്പിച്ചും കൈയ്യടി നേടിയപ്പോള്‍ അധ്യാപകര്‍ക്കും രക്ഷിതാക്കാള്‍ക്കും അഭിമാന നിമിഷങ്ങളായി. രസതന്ത്ര വര്‍ഷാഘോഷത്തിന്റെ ഭാഗമായി പറയകാട് ഗവ. യു.പി.സ്‌കൂള്‍ ഹാളിലാണ് വിദ്യാര്‍ഥികള്‍ ശാസ്ത്ര കൗതുകത്തിന്റെ മഴവില്ലുവിരിയിച്ചത്.


വിദ്യാര്‍ഥികളായ നിഥിന്‍, അഖില്‍, സ്വാതികൃഷ്ണ, സല്‍മാന്‍ സിറാജ്, അക്ഷര, സുദര്‍ശന, ശരണ്യ, നസിയ, അഞ്ജുമോള്‍ തുടങ്ങിയവര്‍ കൊച്ചുപരീക്ഷണങ്ങള്‍ അവതരിപ്പിച്ചു. കെ.ബി. സജീവ്, ഹെഡ്മിസ്ട്രസ് കെ.ജി. ശ്രീദേവി എന്നിവര്‍ കുട്ടിശാസ്ത്രജ്ഞരെ അനുമോദിച്ചു. അധ്യാപകരായ എസ്. സീമ, സന്ധ്യ വി.പ്രഭു, കെ.എസ്. ശ്രീലത, കെ.കെ. തിലകദാസ്, വി.പി. മുരളീധരന്‍, എന്‍.എ. മനോജ്കുമാര്‍ എന്നിവര്‍ നേതൃത്വം നല്‍കി.
: ലഹരിവസ്തുക്കളുടെ ദൂഷ്യം ബോധവല്‍ക്കരണ ക്ലാസുകള്‍ക്കപ്പുറം   
പുകവലി ശരീരത്തെ എത്രമാത്രം ബാധിക്കുമെന്ന് തെളിവുസഹിതം ബോധ്യമായപ്പോള്‍ ആദ്യം എയുപി സ്കൂള്‍ വിദ്യാര്‍ഥികള്‍ -അവരൊന്നമ്പരന്നു. പിന്നെ ഉറപ്പിച്ചു വീട്ടിലും നാട്ടിലും ഏവരെയും ഞങ്ങളിത് കാണിച്ചുകൊടുത്ത് ബോധ്യപ്പെടുത്തും. രസതന്ത്രവര്‍ഷത്തോടനുബന്ധിച്ച് മാഡം ക്യൂറി ചരമവാര്‍ഷിക ദിനത്തോടനുബന്ധിച്ച് മലപ്പുറം എയുപി സ്കൂള്‍ കുട്ടികളാണ് ശാസ്ത്രസത്യം പരീക്ഷണത്തിലൂടെ പഠിച്ചത്. നാന്നൂറോളം കുട്ടികള്‍ പരീക്ഷണത്തില്‍ പങ്കാളികളായി. ഏഴാംതരം വിദ്യാര്‍ഥിനി അസ്ന പരീക്ഷണത്തിന് നേതൃത്വം നല്‍കി. ഏഴിലെ ബേസില്‍ ബിജു മാഡം ക്യൂറി അനുസ്മരണ പ്രഭാഷണം നടത്തി.
രസതന്ത്രത്തിന്റെ നാള്‍വഴികള്‍' 
 അന്താരാഷ്ട്ര രസതന്ത്ര വര്‍ഷാചരണത്തിന്റെ ഭാഗമായി കോട്ടയ്ക്കല്‍ ഗവ. രാജാസ് ഹയര്‍സെക്കന്‍ഡറി സ്‌കൂളിലെ സയന്‍സ് ക്ലബ്ബ് തയ്യാറാക്കിയ 'രസതന്ത്രത്തിന്റെ നാള്‍വഴികള്‍' എന്ന ചിത്ര പാനലുകള്‍ പ്രകാശനം ചെയ്തു. സ്‌കൂളില്‍ നടന്ന ചടങ്ങില്‍ സര്‍വ വിജ്ഞാനകോശം മുന്‍ ഡയറക്ടര്‍ പ്രൊഫ. കെ. പാപ്പുട്ടിയാണ് ചിത്രപാനല്‍ പ്രകാശനം ചെയ്തത്. രസതന്ത്ര വര്‍ഷാചരണ ആഘോഷങ്ങള്‍ കാലിക്കറ്റ് സര്‍വലാശാല രസതന്ത്ര വിഭാഗം തലവന്‍ ഡോ. മുഹമ്മദ് ഷാഫി ഉദ്ഘാടനം ചെയ്തു.


പ്രിന്‍സിപ്പല്‍ എം. അബുട്ടി അധ്യക്ഷത വഹിച്ചു. പ്രധാനാധ്യാപകന്‍ കെ. മുഹമ്മദ്, പി.ടി.എ പ്രസിഡന്റ് അബ്ദുല്‍ ഹമീദ്, പി.എ. ഭാഷ്യം, സന്തോഷ്, കെ.വി. ലത, ടോമി മാത്യു എന്നിവര്‍ പ്രസംഗിച്ചു. കണ്‍വീനര്‍ കെ.പി. മനോജ് സ്വാഗതവും സുധ നന്ദിയും പറഞ്ഞു. ജ്യോതി ശാസ്ത്രം, രസതന്ത്ര വര്‍ഷം എന്നീ വിഷയങ്ങളില്‍ ക്ലാസുകളുമുണ്ടായി.


രസതന്ത്ര ചരിത്രം ലളിതമായി പ്രതിപാദിക്കുന്ന 39 പാനലുകളാണ് രസതന്ത്രത്തിന്റെ നാള്‍വഴികള്‍. ജില്ലയിലെ എല്ലാ വിദ്യാഭ്യാസ സ്ഥാപനങ്ങള്‍ക്കും ഐ.വൈ.സി പ്രവര്‍ത്തനങ്ങളുടെ ഭാഗമായി ഈ പാനലുകള്‍ പ്രദര്‍ശനത്തിന് ലഭിക്കും. എസ്.എസ്.എയുടെ നേതൃത്വത്തില്‍ മറ്റ് ജില്ലകളിലേക്കും ഈ പാനലുകള്‍ ലഭ്യമാക്കാനുള്ള പദ്ധതികള്‍ നടന്നുവരികയാണെന്ന് കണ്‍വീനര്‍ കെ.പി. മനോജ് അറിയിച്ചു. കൂടുതല്‍ വിവരങ്ങള്‍ക്ക് ഫോണ്‍: 9446352439
-- 

1 comment:

prem said...

രസതന്ത്രോല്‍സവത്തിന്റെ പുത്തന്‍ അറിവുകള്‍ കുട്ടികള്‍ക്ക് രസകരമാകും. നിത്യ ജീവിതത്തിലെ ഓരോ പ്രവൃത്തിയിലും chemistry യുടെ സാന്നിധ്യമുണ്ടെന്ന് ബോധ്യപ്പെടുത്തല്‍ എന്ത് എളുപ്പം ! ...സ്കൂളിനും ചൂണ്ടുവിരലിനും നന്ദി