ചൂണ്ടുവിരലിലെ വിഭവങ്ങള്‍

2010 ജൂലൈമുതല്‍ അക്കാദമിക വിഭവങ്ങളുമായി ഈ വിദ്യാഭ്യാസ ബ്ലോഗ് ...പ്രയോജനപ്പെടുത്തുക, പ്രയോഗിക്കുക, പ്രചോദിപ്പിക്കുക, പ്രചരിപ്പിക്കുക.. ചൂണ്ടുവിരലില്‍ പങ്കിട്ട വിഭവമേഖലകള്‍....> 1.അധ്യാപക ശാക്തീകരണം ,2. വായനയുടെ വഴി ഒരുക്കാം, 3.എഴുത്തിന്‍റെ തിളക്കം, 4.വിദ്യാഭാസ ഗുണനിലവാരം- സംവാദം,5. മികവ്, 6.ശിശുസൌഹൃദ വിദ്യാലയം, 7.സര്‍ഗാത്മക വിദ്യാലയം, 8.നിരന്തര വിലയിരുത്തല്‍, 9.ഗണിതപഠനം, 10.വിദ്യാഭ്യാസ അവകാശ നിയമം, 11.ദിനാചരണങ്ങള്‍, 12.പാര്‍ശ്വവത്കരിക്കപ്പെടുന്നവര്‍, 13. രക്ഷിതാക്കളും സ്കൂളും, 14. കളരി, 15. ക്ലാസ് അന്തരീക്ഷം/ക്രമീകരണം, 16.ഇംഗ്ലീഷ് പഠനം, 17.ഒന്നാം ക്ലാസ്, 18. ശാസ്ത്രത്തിന്റെ പാത, 19.ആവിഷ്കാരവും ഭാഷയും, 20. പ്രത്യേക പരിഗണന അര്‍ഹിക്കുന്ന കുട്ടികള്‍, 21. ഐ ടി സാധ്യതകള്‍, 22. പഠനറിപ്പോര്‍ട്ടുകള്‍, 23.പഠനമാധ്യമം 24. ഭൌതികസൌകര്യങ്ങളില്‍ മികവ്, 25.അക്കാദമികസന്ദര്‍ശനം, 26.ഗ്രാഫിക് ഓര്‍ഗനൈസേഴ്സ്, 27.പ്രഥമാധ്യാപകര്‍.,28. ബാല, 29. വളരുന്ന പഠനോപകരണം,30. കുട്ടികളുടെ അവകാശം, 31. പത്രങ്ങള്‍ സ്കൂളില്‍, 32.പാഠ്യപദ്ധതി,33. ഏകീകൃത സിലബസ്, 34.ഡയറ്റ് .35.ബി ആര്‍ സി,36. പരീക്ഷ ,37. പ്രവേശനോത്സവം,38. IEDC, 39.അന്വേഷണാത്മക വിദ്യാലയങ്ങളുടെ ലോകജാലകം, 40. കലാവിദ്യാഭ്യാസം, 41.പഞ്ചായത്ത്‌ വിദ്യാഭ്യാസ സമിതി, 42. പഠനോപകരണം, 43.പാഠ്യപദ്ധതി പരിഷ്കരണം, 44. ചൂണ്ടുവിരല്‍,45. ടി ടി സി, 46.പുതുവര്‍ഷം, 47.പെണ്‍കുട്ടികളുടെ ശാക്തീകരണം, 48. ക്രിയാഗവേഷണം,49. ടീച്ചിംഗ് മാന്വല്‍, 50. പൊതുവിദ്യാഭ്യാസസംരക്ഷണം, 51.ഫീഡ് ബാക്ക്, 52.സ്റ്റാഫ് റൂം, 53. കുട്ടികളുട അവകാശം,54. കൃഷിയും പഠനവും,55. നോട്ട് ബുക്ക് ആകര്‍ഷകവും സമഗ്രവും, 56.പഠനയാത്ര, 57. വിദ്യാബ്ലോഗുകള്‍,58. സാമൂഹികശാസ്ത്രം, 59. സ്കൂള്‍ അസംബ്ലി, 60.സ്കൂള്‍ റിസോഴ്സ് (റിസേര്‍ച്) ഗ്രൂപ്പ് - ,61.പ്രതിഫലനാത്മകക്കുറിപ്പ്, 62. ബദല്‍പാഠങ്ങള്‍, 63.മെന്ററിംഗ്,64. വര്‍ക്ക്ഷീറ്റുകള്‍ ക്ലാസില്‍, 65.വിലയിരുത്തല്‍, 66. സാമൂഹിക ശാസ്ത്രാന്തരീക്ഷം, 67.അനാദായം, 68.എ ഇ ഒ , 69.കായികവിദ്യാഭ്യാസം,70. തിയേേറ്റര്‍ സങ്കേതം പഠനത്തില്‍, 71.നാടകം, 72.നാലാം ക്ലാസ്.73. പാഠാവതരണം, 74. മോണിറ്ററിംഗ്, 75.വിദ്യാഭ്യാസ ചിന്തകള്‍, 76.സഹവാസ ക്യാമ്പ്, 77. സ്കൂള്‍ സപ്പോര്‍ട്ട് ഗ്രൂപ്പ്,78.പ്രദര്‍ശനം,79.പോര്‍ട്ട്‌ ഫോളിയോ...80 വിവിധജില്ലകളിലൂടെ... പൊതുവിദ്യാഭ്യാസത്തിന്റെ കരുത്ത് അറിയാന്‍ ചൂണ്ടുവിരല്‍...tpkala@gmail.com.

Friday, October 2, 2015

ഇഗ്ലീഷ് മീഡിയത്തിന്റെ വ്യാപനവും ഇന്ത്യയിലെ പൊതുവിദ്യാലയങ്ങളും


1835 ല്‍ നിന്നും 2035 ലേക്കുളള വിദ്യാഭ്യാസ ദൂരം എന്തായിരിക്കും? ഇനിയും ഇരുപത് വര്‍ഷത്തിനു ശേഷം എന്തു സംഭവിക്കും എന്ന ഇപ്പോഴേ ആലോചിക്കണമോ എന്നു ചോദിച്ചേക്കാം. പ്രവണതകളിങ്ങനെയെങ്കില്‍ എന്തു സംഭവിക്കുമെന്ന് പ്രവചനങ്ങള്‍ നടത്തുന്നത് ചില മുന്‍കരുതലുകള്‍ എടുക്കാന്‍ സഹായിക്കും.1835 ഫെബ്രുവരി രണ്ടിനാണ് പ്രസിദ്ധമായ മെക്കാളെ മിനിറ്റ്സ്. അതേ വര്‍ഷം മാര്‍ച്ച് ഏഴിന് വില്യം ബന്റിക് വിദ്യാഭ്യാസ നയവും പ്രഖ്യാപിച്ചു. ഇന്ത്യാക്കാരെ ഇഗ്ലീഷ്ബോധനമാധ്യമത്തില്‍ പഠിപ്പിക്കാനുളള തീരുമാനം.
മഹാത്മാഗാന്ധി മാതൃഭാഷയില്‍ പഠിക്കണമെന്ന ആശയം അവതരിപ്പിച്ചു. ഗാന്ധിയന്‍ ആദര്‍ശങ്ങള്‍ ഓരോന്നായി പ്രസംഗങ്ങളിലും ബാഹ്യാവരണത്തിലും മാത്രമായി പരിമിതപ്പെടുത്തി ആദര്‍ശഹത്യ നടത്തുന്ന അഭിനവ ഗോഡ്സേമാരായി നടത്തിപ്പുകാര്‍ മാറുന്നതും നാം കാണുന്നു. ഗാന്ധിയോ മെക്കാളെയോ വിജയിക്കുക എന്ന ചോദ്യമാണ് 1835 ല്‍ നിന്നും 2035 ലേക്കുളള വിദ്യാഭ്യാസ ദൂരം ഉന്നയിക്കുക.

1,652 ഭാഷകളുളള രാജ്യമാണ് ഇന്ത്യ.അതില്‍ 47 ഭാഷകള്‍ മാത്രമാണ് ബോധനമാധ്യമമായി ഉപയോഗിക്കുന്നത്. ഈ ഭാഷകള്‍ ഓരോന്നായി വിദ്യാലയങ്ങളില്‍ നിന്നും പടിയിറങ്ങുകയാണ്. കേന്ദ്ര ഏജന്‍സിയുടെ കണക്കുകള്‍ ( മാനവ വിഭവശേഷീ വികസന മന്ത്രാലയത്തിനു കീഴിലുളള National University of Education Planning and Administration ക്രോഡീകരിച്ച District Information System for Education (DISE) ) അപഗ്രഥിച്ച് ദേശീയ മാധ്യമങ്ങള്‍ പങ്കിട്ട ചില കാര്യങ്ങള്‍ ചുവടെ നല്‍കുന്നു.

  • 2010-11 -ദേശീയ തലത്തില്‍ ഒന്നു മുതല്‍ എട്ടാം ക്ലാസ് വരെ ഇംഗ്ലീഷ് മീഡിയത്തില്‍ പഠിക്കുന്ന കുട്ടികളുടെ എണ്ണം രണ്ടുകോടി കവിഞ്ഞു. 2003-04 വര്‍ഷവുമായി തട്ടിച്ചു നോക്കിയാല്‍ 274% വര്‍ധനവ്!
  • ജമ്മു കാശ്മീരും പഞ്ചാബും സര്‍ക്കാര്‍ വിദ്യാലയങ്ങളെ ഔദ്യോഗികമായി തന്നെ ഇംഗ്ലീഷ് മീഡിയക്കുപ്പായമിടുവിച്ചു.
The Times of India, norrag തുടങ്ങിയവയിലെ റിപ്പോര്‍ട്ട് പ്രകാരം ഹിന്ദി സംസ്ഥാനങ്ങളില്‍ ഇംഗ്ലീഷ് മീഡിയം ആധിപത്യം സ്ഥാപിക്കുന്നു.
  • ബീഹാറില്‍ 4,700% വര്‍ധനവ്. അതേ സമയം ഹിന്ദി മീഡിയത്തിന് 18% മാത്രമേ വര്‍ധനവുളളൂ
  • ഉത്തരപ്രദേശില്‍ ഇംഗ്ലീഷ് മീഡിയം 1,000% വര്‍ധനവ് രേഖപ്പെടുത്തി
  • ഹരിയാനയില്‍ 525% വും
  • ഝാര്‍ഖണ്ഡില്‍ 458% വും
  • രാജസ്ഥാനില്‍ 209% വും ഇംഗ്ലീഷ് മീഡിയം സ്കൂളുകള്‍ക്ക് വര്‍ധനവ് .
  • 2.9 കോടി ഇംഗ്ലീഷ് മീഡിയം കുട്ടികളില്‍ 54% ആന്ധ്ര, തമിഴ്നാട്, കേരളം, കാശ്മീര്‍ മഹാരാഷ്ട്ര എന്നീ സംസ്ഥാനക്കാരാണ്.
  • ഹിമാചല്‍ പ്രദേശില്‍ പ്രാദേശിക ഭാഷയില്‍ പഠിക്കുന്ന കുട്ടികളുടെ എണ്ണം 94% ല്‍ നിന്ന് 70 % ആയി കുറഞ്ഞു
  • കേരളത്തില്‍ 90 % ല്‍ നിന്ന് 50 % ലേക്ക് വീഴ്ച ( പകുതിയോളം വിദ്യാര്‍ഥികള്‍ ഇംഗ്ലീഷ് ബോധനമാധ്യമത്തിലായെന്ന് കേന്ദ്രസര്‍ക്കാരിന്റെ കണക്ക് )
  • പഞ്ചാബില്‍ 99% ല്‍ നിന്ന് 59% ലേക്ക് പതനം
  • ആന്ധ്രയില്‍ തെലുങ്ക് മീഡിയം 30% കുറഞ്ഞു.44% വും ഇംഗ്ലീഷ് മീഡിയം സ്കൂളുകളായി.
  • തമിഴ് നാട്ടില്‍ 24% ന്റെ കുറവ് ( (41% വിദ്യാലയങ്ങള്‍ ഇംഗ്ലീഷ് മീഡിയമാണ് )
  • ജമ്മുവില്‍ എല്ലാ കുട്ടികളും ഇംഗ്ലീഷ് മീഡിയത്തില്‍
  • നാഗലാന്റ് ,സിക്കിം, മണിപ്പൂര്‍ 80-90% വും ഇംഗ്ലീഷ് മീഡിയത്തില്‍
  • ഡല്‍ഹിയിലെ പകുതി കുട്ടികളും ഇംഗ്ലീഷ് മീഡിയത്തില്‍
  • ഏറ്റവും കൂടുതല്‍ മീഡിയം മാറ്റം സംഭവിച്ചത് കേരളത്തിലും കാശ്മീരിലും കര്‍ണാടകത്തിലും ( മൂന്നു ക)

കേരളത്തിലെ പൊതുവിദ്യാലയങ്ങളില്‍ മാത്രമല്ല കുട്ടികള്‍ കുറയുന്നത്. പാഠ്യപദ്ധതി മാത്രം മാറ്റിയാല്‍ തീരുന്ന പ്രശ്നവുമല്ല. പാഠ്യപദ്ധതിയെ കുറ്റം പറഞ്ഞ് ശ്രദ്ധ തിരിക്കുന്ന ഏര്‍പ്പാടാണ് ഇവിടെ. കേരളത്തിലെ പകുതിയോളം കുട്ടികള്‍ ഇംഗ്ലീഷ് മാധ്യമത്തിലേക്ക് മാറി എന്ന് വിദ്യാലയങ്ങള്‍ നല്‍കിയ കണക്കുകളെ ക്രോഡീകരിച്ചുളള റിപ്പോര്‍ട്ടാണ് പറയുന്നത്. അതായത് സ്വന്തം ഇഷ്ടപ്രകാരം അല്ലെങ്കില്‍ കുട്ടികളെ ആകര്‍ഷിക്കാനായി,എങ്ങനെയും പിടിച്ചുനില്‍ക്കാനായി വിദ്യാലയങ്ങള്‍ സര്‍ക്കാരിന്റെ അനുമതിയില്ലാതെ വ്യാപകമായി ബോധനമാധ്യമമാറ്റം നടത്തുന്നു. അതിനെ പ്രോത്സാഹിപ്പിക്കാനാണ് എല്ലാവരും ശ്രമിക്കുന്നത്. അപ്പാടെ ഇംഗ്ലീഷ് മീഡിയത്തിലേക്ക് ചുവടുമാറ്റിയ സംസ്ഥാനങ്ങള്‍ക്ക് നിലവാരം ഉറപ്പാക്കാന്‍ കഴിഞ്ഞിട്ടില്ല എന്നത് കാണാതിരിക്കരുത്. ഡല്‍ഹി സര്‍വകലാശാലയിലെ വിദ്യാഭ്യാസ വിഭാഗം മേധാവി ഡോ അനിതാറാംപാല്‍ പറയുന്നു.
"There has been extensive research to show that the number of years for which children study a language does not necessarily translate into them being able to speak or read the language. It is seen that if you show mastery over your first language and can read and write it fluently, you can learn a second language, such as English, a lot faster,"
അണ്‍ എയിഡഡ് വിദ്യാലയങ്ങള്‍ എന്തുകൊണ്ട്?
2005 ല്‍ നടത്തിയ ഒരു പഠനത്തില്‍ (Institute for Human Development Survey (IHDS)2005) നഗരങ്ങളിലെ 51% കുട്ടികളും ഗ്രാമങ്ങളിലെ 21% കുട്ടികളും അണ്‍ എയിഡഡ് വിദ്യാലയങ്ങളെ ആശ്രയിക്കുന്നു ഈ പ്രവണത ഇന്ത്യയിലാകെ ഇപ്പോള്‍ കൂടി വരികയാണ്. ഡല്‍ഹിയിലെ പകുതി വിദ്യാര്‍ഥികളും അണ്‍ എയ്ഡഡ് മേഖലയിലായിക്കഴിഞ്ഞു. മറ്റു സംസ്ഥാനങ്ങളലെ പ്രവണതയും ഒഴുക്ക് വ്യക്തമാക്കുന്നു.
എന്താണ് കാരണം? പലര്‍ക്കും പല അഭിപ്രായങ്ങള്‍ . മുന്‍വിധികള്‍.
  • മധ്യവര്‍ഗത്തിന്റെ താല്പര്യങ്ങള്‍
  • വേഗതയിലുളള നഗരവത്കരണം
  • തൊഴില്‍ മേഖലയിലെ വര്‍ത്തമാനകാലപ്രവണതകള്‍
  • സേവനമേഖലയുടെ വളര്‍ച്ചയും സാധ്യതകളും
  • പുറംരാജ്യങ്ങളിലെ തൊഴില്‍ സാധ്യതകള്‍
  • ഉന്നത വിദ്യാഭ്യാസ രംഗത്തെ സ്വകാര്യ വാണിജ്യവത്കരണം
  • ഇന്റര്‍നെറ്റ്, ദൃശ്യശ്രാവ്യ മാധ്യമങ്ങള്‍, സോഷ്യല്‍മീഡിയ എന്നവയുടെ ഇംഗ്ലീഷാധിപത്യം
  • ടൂറിസം വരുമാനം
ഡല്‍ഹി സര്‍വകലാശാലയിലെ കമലേഷ് ( Kamlesh Narwana ) നടത്തിയ ഒരു ചെറുപഠനത്തിലെ കണ്ടെത്തലുകള്‍ നോക്കുക.
  • സര്‍ക്കാര്‍ മേഖലയിലെയും സ്വകാര്യമേഖലയിലെയും സ്കൂളുകള്‍ ഒരേ ബോധനമാധ്യമം വാഗ്ദാനം ചെയ്തിട്ടും രക്ഷിതാക്കള്‍ സ്വകാര്യ വിദ്യാലയത്തെ തെരഞ്ഞെടുക്കുന്നു. (ഉദാഹരണം ഹിന്ദി ബോധനമാധ്യമമായുളള സര്‍ക്കാര്‍ സ്കൂളില്‍ വിടാതെ അതേ മാധ്യമമുളള സ്വകാര്യ അണ്‍ എയിഡഡ് വിദ്യാലയങ്ങളില്‍ മക്കളെ വിടാന്‍ രക്ഷിതാക്കള്‍ തല്പരരായി)
  • പഠനം നടത്തിയ പ്രദേശത്ത് ഇംഗ്ലീഷ് മീഡിയം സര്‍ക്കാര്‍ സ്കൂളിനേക്കാള്‍ സ്വീകാര്യത ഹിന്ദി മീഡിയം അണ്‍ എയിഡഡ് വിദ്യാലയങ്ങള്‍ക്കുണ്ട്
  • ഇംഗ്ലീഷ് പഠിപ്പിക്കുന്ന അധ്യാപകരില്‍ ഭൂരിപക്ഷത്തിനും ആ ഭാഷ കൈകാര്യം ചെയ്യാനോ ഭേദപ്പെട്ട നിലവാരത്തില്‍ ഇംഗ്ലീഷ് സംസാരിക്കാനോ അറിയില്ല.
  • ഇംഗ്ലീഷ് മാധ്യമവിദ്യാലയങ്ങളിലേക്ക് ആകര്‍ഷിക്കുന്നതിന് കാരണങ്ങള്‍ മധ്യവര്‍ഗ താല്പര്യങ്ങള്‍ ഫീസ് കൊടുക്കാനുളള കഴിവ് ,ഇംഗ്ലീഷ് എന്നിവ മാത്രമല്ല പൊതുവിദ്യാലയങ്ങളെ സംബന്ധിച്ച സമൂഹത്തിനുളള അനുഭവങ്ങളും കാഴ്ചപ്പാടുകളും കൂടി പെടും
  • സ്വകാര്യവിദ്യാലയങ്ങള്‍ കൂടുതല്‍ വിദ്യാഭ്യാസയോഗ്യതയുളള അധ്യാപകരെ നിയമിക്കുന്ന പ്രവണത ദൃശ്യമാണ്.
ഇതില്‍ നിന്നും പൊതുവിദ്യാലയങ്ങളെക്കുറിച്ചുളള കാഴ്ചപ്പാട് മാറ്റിയെടുക്കാനുളള അനുഭവ തലം പ്രധാനമാണെന്നല്ലേ മനസിലാക്കേണ്ടത്. കേരളത്തില്‍ എവിടെയൊക്കെ വ്യത്യസ്തമായി പ്രവര്‍ത്തിക്കുന്ന അന്വേഷണതൃഷ്ണയും അര്‍പ്പണസന്നദ്ധതയും സാമൂഹികബന്ധവുമുളള വിദ്യാലയങ്ങളുണ്ടോ അവിടെല്ലാം അവ തല ഉയര്‍ത്തി നില്‍ക്കുന്നില്ലേ. അവയല്ലേ പാഠമാക്കേണ്ടത്​?
ഇംഗ്ലീഷ് വിദ്യാഭ്യാസത്തിന്റെ സ്ഥിതി
2009 ആഗസ്റ്റ് മാസം CNN ടി വി ചാനല്‍ ഇന്ത്യയില്‍ നടത്തിയ ദേശീയ അഭിപ്രായസര്‍വേയില്‍ , പങ്കെടുത്തതില്‍ 87% പേരും ജിവിതത്തില്‍ വിജയിക്കാന്‍ ഇംഗ്ലീഷ് അനിവാര്യമാണെന്നു കരുതുന്നു. അതായത് സമൂഹം ഇംഗ്ലീഷിന് വളരെ പ്രാധാന്യം നല്‍കുന്നു. ഈ ആവശ്യത്തെ അഭിസംബോധന ചെയ്യുന്നതാണോ നിലവിലുളള ഇംഗ്ലീഷ് വിദ്യാഭ്യാസം
 
NCERT 2012 ല്‍ നടത്തിയ പഠനം ചില തിരിച്ചറിവുകള്‍ നല്‍കും (Teaching of English at Primary level in Government Schools -NCERT 2012)
പഠനത്തിലെ കണ്ടെത്തലുകള്‍ 
  • മിക്കവാറും എല്ലാ ക്ലാസുകളിലും അധ്യാപകകേന്ദ്രിത രീതിയാണ് തുടരുന്നത്. ആവശ്യമായ പഠനവിഭവഭങ്ങള്‍ വിദ്യാലയങ്ങളില്‍ ലഭ്യമല്ല.
  • മറ്റു വിഷയങ്ങളുമായി ബന്ധിപ്പിച്ച് പഠിപ്പിക്കാന്‍ അധ്യാപകര്‍ക്ക് അറിയില്ല.
  • അധ്യാപകര്‍ പാഠപുസ്തകത്തിനപ്പുറം മറ്റൊന്നും പ്രയോജനപ്പെടുത്തുന്നില്ല
  • കുട്ടികള്‍ പ്രചോദിക്കപ്പെടുന്നില്ല
  • കുട്ടികളുടെ ആവശ്യങ്ങളും താല്പര്യങ്ങളും കണക്കിലെടുത്ത് പഠിപ്പിക്കാന്‍ 95% പേര്‍ക്കും കഴിയുന്നില്ല.
  • ചെറിയ ക്ലാസുകളില്‍ പാഠപുസ്തകങ്ങള്‍ എഴുത്തിനും വായനയ്കും മാത്രമാണ് പ്രാധാന്യം
    നല്‍കുന്നത്
  • ഭാഷാനൈപുണികളെ ഉദ്ഗ്രഥിക്കുന്ന രീതിയിലല്ല പാഠപുസ്തകങ്ങള്‍
  • മറ്റു വിഷയങ്ങളുമായുളള ഉദ്ഗ്രഥനവും ഇല്ല
  • കുട്ടികളുടെ വിദ്യാലയജീവിതത്തെയും പുറത്തം യഥാര്‍ഥ ജീവിതത്തെയുംതമ്മില്‍ ബന്ധിപ്പിക്കുന്നില്ല.
  • ടി ടി സി , ബി എഡ് എന്നിവയില്‍ സിദ്ധാന്തവും പ്രയോഗവും തമ്മില്‍ വലിയ വിടവുണ്ട്
  • പ്രായോഗികാനുഭവങ്ങള്‍ക്ക് വേണ്ടത്ര പ്രാധാന്യം കിട്ടുന്നില്ല.
  • കുട്ടികള്‍ക്ക് നല്ല മാതൃകാ നുഭവങ്ങള്‍ പ്രവര്‍ത്തനാധിഷ്ഠിത സമീപനം ഇവ അവഗണിക്കപ്പെടുന്നു
  • അധ്യാപകപരിശീലനങ്ങള്‍ അധ്യാപകരുടെ യഥാര്‍ഥ ആവശ്യങ്ങളെ പരിഗണിക്കുന്നില്ല
  • പ്രഭാഷണാധിഷ്ഠിതരീതിയുടെ വിവധരൂപങ്ങളാണ് ഉപയോഗിക്കുന്നത്
  • ക്ലാസ് റൂം പ്രക്രിയ
  • അച്ചടിച്ച സാമഗ്രികളാല്‍ സമൃദ്ധമായ അന്തരീക്ഷം ( Print rich environment ) ക്ലാസുകളില്‍ ദൃശ്യമല്ല
  • കേട്ടുമനസിലാക്കാനും പറയാനുമുളള നൈപുണി വികസിപ്പിക്കുന്നതിന് വളരെക്കുറച്ച് അവസരങ്ങളേ ക്ലാസിലുളളൂ
  • പാഠം വായിക്കുക, വായിപ്പിക്കുക, ഉത്തരം പറയിക്കുക എന്നതാണ് പൊതുവായ അധ്യാപന സമീപനരീതി
  • പാഠപുസ്തകം മാത്രമാണ് പഠനസാമഗ്രി. പാഠപുസ്തകത്തിനു പുറത്തേക്കുളള ചിന്തയും ആശയവിനിമയവും നടക്കുന്നില്ല

  • അതിനാല്‍ ഭാഷനൈപുണികളില്‍ കുട്ടികള്‍ പ്രാവീണ്യം നേടുന്നില്ല
  • മൗനവായന, കൂട്ടുവായന,ഉച്ചത്തില്‍ വായന എന്നിവയാണ് വായനാ പ്രവര്‍ത്തനങ്ങള്‍ 80% അദ്ധ്യാപകരും ഉച്ചത്തില്‍ വായനയ്ക് പ്രാധാന്യം നല്‍കുന്നു
  • എഴുത്ത് എന്നത് പാഠപുസ്കകത്തിലെ കാര്യങ്ങളോ അധ്യാപിക ബോര്‍ഡില്‍ എഴുതിയതോ പകര്‍ത്തലാണ് .
  • കവിതകള്‍ ഓരോ വരി വരിയായി വാക്കു വാക്കായി പഠിപ്പിക്കുകയാണ് ചെയ്യുന്നത്. ആശയം വിശദീകരിക്കുന്നതിനാണ് ഊന്നല്‍.ആസ്വദിക്കുന്നതിനോ സ്വയം മനസിലാക്കുന്നതിനോ അല്ല.
  • വ്യാകരണ നിയമങ്ങള്‍ കാണാതെ പഠിപ്പിക്കുന്നു.അതു പ്രകാരമുളള അഭ്യാസം ചെയ്യിക്കുന്നു.
  • വ്യാകരണം സന്ദര്‍ഭങ്ങളിലൂടെ മനസിലാക്കുക എന്ന രീതിയോട് അധ്യാപകര്‍ക്ക് യോജിപ്പില്ല
  • ഹോം വര്‍ക്ക് നല്‍കാറുണ്ടെങ്കിലും പരിശോധിക്കാറില്ല.
  • കുട്ടികളുടെ പങ്കാളിത്തം തമിഴ്നാട്ടിലൊഴികെ മറ്റെല്ലായിടത്തും കുറവാണ്
  • ചോദ്യത്തിനുത്തരം പറയിക്കലാണ് ഭാഷാപഠനം എന്നു കരുതുന്നു.
  • കുട്ടികള്‍ ചോദ്യങ്ങള്‍ ഉന്നയിക്കാറില്ല.
ഇന്ത്യയിലെ വിവധ സംസ്ഥാനങ്ങളിലെ കുട്ടികള്‍ ഇംഗ്ലീഷില്‍ പിന്നാക്കമായത് ഈ രീതി പിന്തുടരുന്നത് കൊണ്ടാണെന്ന് എന്‍ സി ഇ ആര്‍ ടി നിരീക്ഷിക്കുന്നു. കേരളത്തില്‍ ഈ രീതി തിരികെകൊണ്ടുവരാന്‍ ആഗ്രഹിക്കുന്ന അധ്യാപകരുണ്ട്. വിദഗ്ധരെന്ന് പറയുന്ന ചിലരും അങ്ങനെ ചിന്തിക്കുന്നു.
ഇംഗ്ലീഷ് പഠനരീതി വിപ്ലവകരമായി പരിവര്‍ത്തിപ്പിക്കാതെ
ഇംഗ്ലീഷ് അധ്യാപകരെ സൃഷ്ടിക്കുന്ന കോഴ്സുകള്‍ ( ഡി എഡ്, ബി എഡ്) പൊളിച്ചെളഴുതാതെ
അധ്യാപകപരിശീലനങ്ങള്‍ ആത്മവിശ്വാസം സൃഷ്ടിക്കും വിധമാക്കാതെ
പാഠപുസ്തകങ്ങള്‍ സംവാദാത്മക പഠനത്തെ നിര്‍ബന്ധിക്കാതെ
ജീവിതവുമായി ബന്ധിപ്പിച്ച് പഠിപ്പിക്കാതെ
ബോധനമാധ്യമം മാത്രം മാറ്റി പരീക്ഷിക്കുന്നത് താല്കാലിക ശമനം നല്‍കിയേക്കാമെങ്കിലും അണ്‍ എയിഡഡ് വിഭാഗം അതിനു മറുതന്ത്രം മെനഞ്ഞാല്‍ പിടിച്ചുനില്‍ക്കാനാവാതെ വരും
എന്താണ് ചെയ്യേണ്ടത്?
  • അടിയന്തിരമായി എല്ലാ വിദ്യാലയങ്ങളിലും ഒരു മികച്ച ഇംഗ്ലീഷ് അധ്യാപിക എന്നതിനു ലക്ഷ്യമിടണം
  • അവര്‍ക്ക് രണ്ടോ മൂന്നോ മാസത്തെ പരിശീലനം സ്റ്റേറ്റ് ഇന്‍സ്റ്റിറ്റ്യൂട്ട് ഓഫ് ഇംഗ്ലീഷ് പോലയെുളള സ്ഥാപനങ്ങള്‍ നല്‍കണം ( പരിശീലന കാലയളവിലേക്ക് അധ്യാപകബാങ്കില്‍ നിന്നും അല്ലെങ്കില്‍ ദിനവേതനാടിസ്ഥാനത്തില്‍ പകരം ആളെ വിദ്യാലയത്തില്‍ നിയമിക്കണം ) പരിശീലനം കഴിഞ്ഞാല്‍ പ്രാപ്തി ഉറപ്പ് എന്നുറപ്പിക്കണം പരിശീലനസ്ഥാപനം.
  • ഈ അധ്യാപിക ഒന്നു മുതല്‍ നാലുവരെ ക്ലാസുകളിലെ ഇംഗ്ലീഷ് കൈകാര്യം ചെയ്യണം.
  • എല്‍ പി തലം മുതല്‍ ഇംഗ്ലീഷ് അധ്യാപകതസ്തിക സൃഷ്ടിക്കണം
  • അതനുസരിച്ച് ഡി എഡ്, ബി എഡ് പുനരാവിഷ്കരിക്കണം
  • എല്‍ പി തലത്തിലെ അനുഭവങ്ങളുടെ അടിസ്ഥാനത്തില്‍ യു പി തലത്തിലും ഇംഗ്ലീഷ് അധ്യാപകതസ്തിക സൃഷ്ടിച്ച് പ്രാപ്തിയുളള അധ്യാപകരെ നിയമിക്കണം.
  • ഇംഗ്ലീഷ് പീരിയഡുകളുടെ എണ്ണം എല്ലാ തലങ്ങളിലും കൂട്ടണം. 
  • ബോധനമാധ്യമത്തിലല്ല ബോധനശാസ്ത്രത്തിലും സൗകര്യങ്ങളിലും ഊന്നല്‍ നല്‍കണം.
അനായാസം ഇംഗ്ലീഷ് കൈകാര്യം ചെയ്യുന്ന മലയാളം മീഡിയം പൊതുവിദ്യാലയങ്ങളിലെ കുഞ്ഞുങ്ങള്‍ നാട്ടില്‍ നിറയുമ്പോള്‍ സമൂഹം തിരിച്ചു ചിന്തിക്കാതിരിക്കില്ല
കേരളപ്പിറവി ദിനത്തില്‍ കസവുസാരിയും വെളളമുണ്ടും ഉടുത്തതുകൊണ്ടോ വളളത്തോളിന്റെ കവിത ആലപിച്ചതുകൊണ്ടോ കേരളസ്നേഹം ആകില്ല
അത് ഭാഷയോടും പ്രകൃതിയോടുമുളള സമീപനത്തിലും വേണം.



13 comments:

suja said...

Well done ,Sir.
Thanks a lot for publishing such a detailed post.
I would like to see more creative comments on this topic from teachers.
All the best

N.Sreekumar said...

കലാധരന്‍ സാര്‍,

യാഥാര്ത്ഥ്യം മനസ്സിലാക്കുവാന്‍ സഹായിച്ച പോസ്റ്റിനു് നന്ദി.
മറ്റു പരിശീലകരും ഇതൊന്നു വായിച്ചിരുന്നുവെങ്കില്‍!

മറ്റൊരു വിഷയവും പഠിക്കാന്‍ ആത്മവിശ്വാസം ഇല്ലാത്തതു കൊണ്ട് മലയാളം പഠിച്ചേക്കാം എന്നു കരുതുന്ന ഭാഷാസ്നേഹികള്‍ ഉണ്ടാകാതിരിക്കട്ടെ.ഭാഷയെ സ്നേഹിക്കുന്ന മിടുക്കര്‍ കടന്നുവരട്ടെ.

Unknown said...

ഇംഗ്ളിഷ് അറിയണമെങ്കില്‍ ഇംഗ്ളിഷ് മീഡിയത്തില്‍ തന്നെ പഠിക്കണം എന്ന തെറ്റിദ്ധാരണ പല രക്ഷിതാക്കള്‍ക്കും ഉണ്ട്. നമ്മുടെ സ്ക്കൂളുകളില്‍ ഫലപ്രദമായ ഇംഗ്ളിഷ് പഠനമാണു വേണ്ടത്., അതിന്ന് ഇംഗ്ളിഷ് മീഡിയം ഒരു പരിഹാരമേയല്ല

jayasree.k said...

ഇന്ത്യയില്‍ മൊത്തമായും കേരളത്തില്‍ പ്രത്യേകിച്ചും ഇംഗ്ലീഷ് മീഡിയം എന്ന ഒരു പൊതു ബോധം സൃഷ്ടിക്കപ്പെട്ടു .അതില്‍ നിന്നൊരു പിറകോട്ട് പോക്ക് ശ്രദ്ധാപൂര്‍വ്വം ചെയ്യേണ്ട ഒന്നാണ് .പൊതു വിദ്യാലയങ്ങള്‍ ആകര്‍ഷകമാകണമെങ്കില്‍ നല്ല ഇംഗ്ലീഷ് ഉറപ്പായി നല്‍കാന്‍ കഴിയണം .ഞങ്ങള്‍ നല്ല ഇംഗ്ലീഷ് തരും .എന്നാല്‍ ഇംഗ്ലീഷ് മീഡിയം അല്ല എന്ന് ഉറക്കെ പറയാന്‍ കഴിയണം .ഇംഗ്ലീഷ് മീഡിയം കുട്ടികളെക്കാള്‍ ആത്മവിശ്വാസത്തോടെ ഇംഗ്ലീഷ് കൈകാര്യം ചെയ്യാന്‍ കഴിയുന്ന കുഞ്ഞുങ്ങള്‍ ആണ് എന്ന് പൊതു ജനമധ്യത്തില്‍ വെല്ലു വിളിക്കാന്‍ കഴിയുന്ന ഒരു കൂട്ടം അധ്യാപകര്‍ ഉണ്ടാവണം .അത്തരം അധ്യാപകര്‍ക്ക്ശക്തിയും താങ്ങും നല്‍കുന്ന കൂട്ടായ്മകള്‍ രൂപപ്പെടണം .

suja said...

Not only English, the teacher should be well versed in all subjects she/he handles, including Malayalam. Malayalam is not an easy topic , as many think. I know many Malayalam professors who are best scholars in English. The in-depth knowledge of the teacher creates a respect among the students and they would definitely pay more attention in the classroom.
And Mathematics is another area ,where all teachers need to be confident.
At cluster meetings, I've seen many teachers talking non stop in Malayalam sessions, but when it comes to English and Maths, very few open their mouth.
English training conducted by CIEFL is enjoyed by those who have influence in BRC s . teachers who really want to pursue higher levels are denied the chance.
When I discussed about these news items with some trainers, they discouraged me saying that " We've got a job and our pension is also assured, why should we interfere with such issues!!"
It is really dangerous. I would like to know the opinion of teachers's unions. pay revision can wait, let's first assure that we've enough students in classrooms!




jayasree.k said...

കൂടാതെ യു പി ക്ലാസ്സുകളില്‍ ഇംഗ്ലീഷ് മീഡിയം ക്ലാസ്സുകളില്‍ ഫലപ്രദമായ രീതിയില്‍ അറിവുനിര്‍മ്മാണ പ്രക്രിയ എങ്ങനെ നടപ്പിലാക്കാം എന്ന ആലോചനയില്‍ തെറ്റില്ല എന്നാണ് എനിക്ക് തോന്നുന്നത് .നാലാം ക്ലാസ് കഴിയുമ്പോഴേക്കും ഇംഗ്ലീഷില്‍ ആത്മ വിശ്വാസത്തോടെയുള്ള ആശയവിനിമയം സാധ്യമാണെങ്കില്‍ വിഷയങ്ങള്‍ ഇംഗ്ലീഷില്‍ വായിക്കാനും വിശദീകരിക്കാനും എഴുതി പ്രകടിപ്പിക്കാനും ബുദ്ധിമുട്ട് വരാന്‍ പാടില്ലല്ലോ .മുതിര്‍ന്നവരായ നമുക്ക് ആശയങ്ങള്‍ ഉണ്ടെങ്കില്‍ ഏതു ഭാഷയിലും പ്രകടിപ്പിക്കാന്‍ പറ്റുന്നുണ്ടല്ലോ .അപ്പോള്‍ ഇംഗ്ലീഷ്ഗ മീഡിയം ക്ലാസുകളിലെ ബോധന രീതിയില്‍ ഗവേഷണ സ്വഭാവതോടെയുള്ള അന്വേഷണങ്ങള്‍ ആണ് വേണ്ടത് .അല്ലാതെ ഇംഗ്ലീഷ് മീഡിയം മലയാളത്തില്‍ പഠിപ്പിച്ചു പാവം രക്ഷിതാക്കളുടെ കണ്ണില്‍ പോടിയിടുംപോഴാണ് അവര്‍ സ്വകാര്യ വിദ്യാലയങ്ങളിലേക്ക് ചേക്കേറുന്നത് .രീതി ശാസ്ത്രം ഇല്ലെങ്കില്‍ കൂടി ആത്മ വിശ്വാസത്തോടെ ഇംഗ്ലീഷ് പറയുന്ന അധ്യാപകര്‍ അവിടെ ഉണ്ട് എന്ന വിശ്വാസത്തില്‍ .

Akbarali Charankav said...

വളരെ നല്ല പോസ്റ്റ്.
സജീവ ചര്‍ച്ച ചെയ്യേണ്ട വിഷയമാണ്. കലാധരന്‍മാഷെ ഇമെയില്‍ ഐഡി ഒന്ന് പങ്കുവെക്കുമോ..?

മധ്യവര്‍ഗത്തിന്‍റെ വളര്‍ച്ച ആണിതില്‍ എനിക്ക് പ്രധാന്യമായി തോന്നിയ ഒരു കാര്യം.അത് അവരടു സാംസ്കാരിക വിദ്യാഭ്യാസ ചിന്തകളില്‍ മാറ്റം വരുത്തിയിട്ടുണ്ട്. എന്‍റെ കുട്ടി ഇംഗ്ലീഷ് സ്കൂളിലാണ് പഠിക്കുന്നത് എന്നത് അഭിമാനമായി കാണുന്ന പഴയ കൊളോണിയല്‍ വിധേയത്തിന്‍റെ മനസ്സും ഇതിലേക്ക് ചേര്‍ത്ത് വായിക്കാം
ആദ്യമൊക്കെ ഫീസ് കൊടുക്കാനും ഭക്ഷണവും വസ്ത്രവും നല്‍കാന്‍ സൗകര്യം കുറവായിരുന്നു.ഇന്ന് ജീവിത നിലവാരം ഏറെ ഉയര്‍ന്നില്ലേ... സ്വാഭാവികമായും അതിനനുസരിച്ച് മനുഷ്യന്‍ മാറുമല്ലോ...അതാണ് കേരളത്തില്‍ കാണുന്നതെന്ന് തോന്നുന്നു. ജമ്മുകാശ്മീരിന്‍റെയും കര്‍ണ്ണാടകത്തിന്‍റെയും പ്രശ്നങ്ങള്‍ എന്താണെന്ന് പോസ്റ്റില്‍ കണ്ടില്ല അതെ കുറിച്ച അന്വേഷണം അനിവാര്യമാണ്.

jayasree.k said...

@ സുജ ,ഞാന്‍ എന്‍റെ എഴാം ക്ലാസ്സിലെ കുട്ടികളോട് "നിങ്ങള്‍ ഇഷ്ടപ്പെടുന്ന ടീച്ചര്‍ക്ക് ഉണ്ടായിരിക്കേണ്ട നന്മകള്‍ എന്തൊക്കെ ?"എന്ന് ഒരു അന്വേഷണം നടത്തി.അത് ക്രോഡീകരിച്ചപ്പോള്‍ ലഭിച്ച പൊതുവായ പ്രതികരണങ്ങള്‍ ഇവയാണ് .
1.അവനവന്‍റെ വിഷയം നന്നായി മനസ്സിലാക്കി കൊടുക്കുന്ന ടീച്ചര്‍ .
2.പിന്നാക്കക്കാരെ നന്നായി പഠിക്കാന്‍ സഹായിക്കുന്ന ടീച്ചര്‍
3.കുട്ടികള്‍ക്ക് പഠിക്കാന്‍ പറ്റുന്ന രീതിയില്‍ പഠിപ്പിച്ചു കൊടുക്കുന്ന ടീച്ചര്‍ (നമ്മള്‍പറയുന്ന പെടഗോഗി കുട്ടിയുടെ സങ്കല്‍പ്പത്തിലും ഉണ്ട് )
4.കുട്ടികള്‍ക്ക് സ്നേഹവും വാത്സല്യവും നല്‍കുന്നവര്‍
5.കുട്ടികളുടെ കുടുംബ പരമായ പ്രശ്നങ്ങള്‍ക്ക് പരിഹാരം കാണാന്‍ സഹായിക്കുന്നവര്‍
6.കുട്ടികള്‍ക്ക് ആവശ്യമായ സാധനങ്ങള്‍ ക്ലാസ്സില്‍ എത്തിച്ചു കൊടുക്കുന്ന ടീച്ചര്‍
7.കുട്ടികള്‍ക്ക് വേണ്ടി മാത്രം കുറച്ചു സമയം മാറ്റി വയ്ക്കുന്ന ടീച്ചര്‍
8.കഴിവുള്ള കുട്ടികളെ കണ്ടെത്തി മുന്നോട്ട് കൊണ്ടുപോകാന്‍ സഹായിക്കുന്നവര്‍
കുട്ടികള്‍ക്ക് അധ്യാപകരെ കുറിച്ച് ഒരുപാട് സ്വപ്‌നങ്ങള്‍ ഉണ്ട് ഉണ്ട് .ഞാന്‍ ഇനിയും ഒരുപാട് മുന്നോട്ട് പോകാനുണ്ട് ,ആഴങ്ങളിലേക്ക് ഇറങ്ങാന്‍ ഉണ്ട് എന്ന സൂചന ലഭിച്ചു .

suja said...

Jayasree teacher,
your students described/defined a teacher perfectly.
those 8 points should be displayed in front of every school and we the teachers must make a self assessment based on these golden points. I teach in 4th standard, my students are not able to express their points like this, still I realize that all students expect these from their teachers. I am also learning lot of things to compete with challenges of present day world. A good teacher is a good learner.
Thanks a lot for sharing .

Muralee Mukundan , ബിലാത്തിപട്ടണം said...

വിശദമായ സർവ്വേകളടക്കം നല്ല വിശകലനം

Unknown said...

കലാധരന്‍ മാഷിന്‍റെ നിരീഷണങ്ങള്‍ പലതും എനിക്ക് പുതിയ വിവരങ്ങള്‍ ലഭിക്കാന്‍ ഇടയായ്തിനു ആദ്യമേ നന്ദി അറിയിക്കുന്നു . കേരളത്തില്‍ മുസ്ലിം ലീഗിലെ മന്തി വിദ്യാഭ്യാസ വകുപ്പ് ഭരിക്കുമ്പോള്‍ ഇതു എത്ര മാത്രം നടപ്പില്‍ വരും എന്ന ചിന്ത എനിക്കുണ്ട് . യൂ ഡി എഫ് സര്‍ക്കാരിന്‍റെ വിദ്യാഭാസ നയം ഇതിനു പര്യാപ്തമാണോ? പൊതു സമൂഹത്തില്‍ വ്യാപകവും , വിപുലവും ആയ ചര്‍ച്ചകള്‍ ,സംവാദങ്ങള്‍ നടക്കേണ്ടതുണ്ട് .
അദ്യാപസം ഘടനകളുടെ നിലപാട് പ്രധാനമാണ് . തിര്‍ച്ചയായും നടപ്പിലക്കെണ്ടാതാണ് മാഷ് പറഞ്ഞ കാര്യങ്ങള്‍ .................

Unknown said...

കലാധരന്‍ മാഷിന്‍റെ നിരീഷണങ്ങള്‍ പലതും എനിക്ക് പുതിയ വിവരങ്ങള്‍ ലഭിക്കാന്‍ ഇടയായ്തിനു ആദ്യമേ നന്ദി അറിയിക്കുന്നു . കേരളത്തില്‍ മുസ്ലിം ലീഗിലെ മന്തി വിദ്യാഭ്യാസ വകുപ്പ് ഭരിക്കുമ്പോള്‍ ഇതു എത്ര മാത്രം നടപ്പില്‍ വരും എന്ന ചിന്ത എനിക്കുണ്ട് . യൂ ഡി എഫ് സര്‍ക്കാരിന്‍റെ വിദ്യാഭാസ നയം ഇതിനു പര്യാപ്തമാണോ? പൊതു സമൂഹത്തില്‍ വ്യാപകവും , വിപുലവും ആയ ചര്‍ച്ചകള്‍ ,സംവാദങ്ങള്‍ നടക്കേണ്ടതുണ്ട് .
അദ്യാപസം ഘടനകളുടെ നിലപാട് പ്രധാനമാണ് . തിര്‍ച്ചയായും നടപ്പിലക്കെണ്ടാതാണ് മാഷ് പറഞ്ഞ കാര്യങ്ങള്‍ .................

Raveedran said...

Children acquire language when they use or interact in the language in a meaningful surroundings...so we need to give our learners enough opportunities to use English in the class room. Let them sing ,play ,tell, speak ,read and write English in a joyful class room atmosphere.. Many of our English class rooms are changed..in this lines n the learners who come out such creative n interactive English classroom started to use English more confidently