ചൂണ്ടുവിരലിലെ വിഭവങ്ങള്‍

2010 ജൂലൈമുതല്‍ അക്കാദമിക വിഭവങ്ങളുമായി ഈ വിദ്യാഭ്യാസ ബ്ലോഗ് ...പ്രയോജനപ്പെടുത്തുക, പ്രയോഗിക്കുക, പ്രചോദിപ്പിക്കുക, പ്രചരിപ്പിക്കുക.. ചൂണ്ടുവിരലില്‍ പങ്കിട്ട വിഭവമേഖലകള്‍....> 1.അധ്യാപക ശാക്തീകരണം ,2. വായനയുടെ വഴി ഒരുക്കാം, 3.എഴുത്തിന്‍റെ തിളക്കം, 4.വിദ്യാഭാസ ഗുണനിലവാരം- സംവാദം,5. മികവ്, 6.ശിശുസൌഹൃദ വിദ്യാലയം, 7.സര്‍ഗാത്മക വിദ്യാലയം, 8.നിരന്തര വിലയിരുത്തല്‍, 9.ഗണിതപഠനം, 10.വിദ്യാഭ്യാസ അവകാശ നിയമം, 11.ദിനാചരണങ്ങള്‍, 12.പാര്‍ശ്വവത്കരിക്കപ്പെടുന്നവര്‍, 13. രക്ഷിതാക്കളും സ്കൂളും, 14. കളരി, 15. ക്ലാസ് അന്തരീക്ഷം/ക്രമീകരണം, 16.ഇംഗ്ലീഷ് പഠനം, 17.ഒന്നാം ക്ലാസ്, 18. ശാസ്ത്രത്തിന്റെ പാത, 19.ആവിഷ്കാരവും ഭാഷയും, 20. പ്രത്യേക പരിഗണന അര്‍ഹിക്കുന്ന കുട്ടികള്‍, 21. ഐ ടി സാധ്യതകള്‍, 22. പഠനറിപ്പോര്‍ട്ടുകള്‍, 23.പഠനമാധ്യമം 24. ഭൌതികസൌകര്യങ്ങളില്‍ മികവ്, 25.അക്കാദമികസന്ദര്‍ശനം, 26.ഗ്രാഫിക് ഓര്‍ഗനൈസേഴ്സ്, 27.പ്രഥമാധ്യാപകര്‍.,28. ബാല, 29. വളരുന്ന പഠനോപകരണം,30. കുട്ടികളുടെ അവകാശം, 31. പത്രങ്ങള്‍ സ്കൂളില്‍, 32.പാഠ്യപദ്ധതി,33. ഏകീകൃത സിലബസ്, 34.ഡയറ്റ് .35.ബി ആര്‍ സി,36. പരീക്ഷ ,37. പ്രവേശനോത്സവം,38. IEDC, 39.അന്വേഷണാത്മക വിദ്യാലയങ്ങളുടെ ലോകജാലകം, 40. കലാവിദ്യാഭ്യാസം, 41.പഞ്ചായത്ത്‌ വിദ്യാഭ്യാസ സമിതി, 42. പഠനോപകരണം, 43.പാഠ്യപദ്ധതി പരിഷ്കരണം, 44. ചൂണ്ടുവിരല്‍,45. ടി ടി സി, 46.പുതുവര്‍ഷം, 47.പെണ്‍കുട്ടികളുടെ ശാക്തീകരണം, 48. ക്രിയാഗവേഷണം,49. ടീച്ചിംഗ് മാന്വല്‍, 50. പൊതുവിദ്യാഭ്യാസസംരക്ഷണം, 51.ഫീഡ് ബാക്ക്, 52.സ്റ്റാഫ് റൂം, 53. കുട്ടികളുട അവകാശം,54. കൃഷിയും പഠനവും,55. നോട്ട് ബുക്ക് ആകര്‍ഷകവും സമഗ്രവും, 56.പഠനയാത്ര, 57. വിദ്യാബ്ലോഗുകള്‍,58. സാമൂഹികശാസ്ത്രം, 59. സ്കൂള്‍ അസംബ്ലി, 60.സ്കൂള്‍ റിസോഴ്സ് (റിസേര്‍ച്) ഗ്രൂപ്പ് - ,61.പ്രതിഫലനാത്മകക്കുറിപ്പ്, 62. ബദല്‍പാഠങ്ങള്‍, 63.മെന്ററിംഗ്,64. വര്‍ക്ക്ഷീറ്റുകള്‍ ക്ലാസില്‍, 65.വിലയിരുത്തല്‍, 66. സാമൂഹിക ശാസ്ത്രാന്തരീക്ഷം, 67.അനാദായം, 68.എ ഇ ഒ , 69.കായികവിദ്യാഭ്യാസം,70. തിയേേറ്റര്‍ സങ്കേതം പഠനത്തില്‍, 71.നാടകം, 72.നാലാം ക്ലാസ്.73. പാഠാവതരണം, 74. മോണിറ്ററിംഗ്, 75.വിദ്യാഭ്യാസ ചിന്തകള്‍, 76.സഹവാസ ക്യാമ്പ്, 77. സ്കൂള്‍ സപ്പോര്‍ട്ട് ഗ്രൂപ്പ്,78.പ്രദര്‍ശനം,79.പോര്‍ട്ട്‌ ഫോളിയോ...80 വിവിധജില്ലകളിലൂടെ... പൊതുവിദ്യാഭ്യാസത്തിന്റെ കരുത്ത് അറിയാന്‍ ചൂണ്ടുവിരല്‍...tpkala@gmail.com.

Friday, June 10, 2011

ഇല്ലാത്തവര്‍ക്കായി ആയിരത്തിലധികം നോട്ടുപുസ്തകങ്ങള്‍

ചിറ്റൂര്‍: ജീവകാരുണ്യപ്രവര്‍ത്തനത്തിന് പുതിയ മാനവും മാതൃകയും നല്‍കി ജംഷീന സ്‌കൂളിന്റെയും നാടിന്റെയും അഭിമാനമായി. ചിറ്റൂര്‍ വിജയമാത കോണ്‍വെന്റിലെ പ്ലസ്ടു സയന്‍സ് ബാച്ചിലെ വിദ്യാര്‍ഥിനിയായ എം.ജെ. ജംഷീന രണ്ടുദിവസംകൊണ്ട് കുട്ടികളില്‍നിന്ന് ശേഖരിച്ചത് ആയിരത്തിലധികം നോട്ടുപുസ്തകങ്ങളും ആയിരത്തഞ്ഞൂറിലധികം പേനകളുമാണ്.

പഠിക്കാന്‍ സാമ്പത്തികബുദ്ധിമുട്ടനുഭവിക്കുന്ന തന്നെപ്പോലെയുള്ള കുട്ടികളെ സഹായിക്കുകയെന്ന ലക്ഷ്യത്തോടെയാണ് ജംഷീന ഈ ദൗത്യം ഏറ്റെടുത്തത്. പാലക്കാട് ഹോളിഫാമിലി വെല്‍നെസ്സ് സെന്ററില്‍ പ്രവര്‍ത്തിക്കുന്ന ജൂനിയര്‍ 'പ്രത്യാശ' ഗ്രൂപ്പിലെ വളണ്ടിയര്‍ കൂടിയാണ് ജംഷീന.
പുതുവര്‍ഷത്തില്‍ പുത്തന്‍നോട്ടുപുസ്തകങ്ങളും പേനയും വാങ്ങുമ്പോള്‍ പാവപ്പെട്ട കുട്ടികള്‍ക്ക് നല്‍കാനായി ഒരു പുസ്തകം അധികം വാങ്ങിവരണമെന്ന് ചങ്ങാതിമാരോട് അഭ്യര്‍ഥിക്കാനായിരുന്നു പ്രത്യാശയുടെ ആഹ്വാനം. അമ്പത് പുസ്തകമാണ് ഓരോ വളണ്ടിയര്‍മാരും ലക്ഷ്യമിട്ടത്. സ്‌കൂളിലെ മുഴുവന്‍ ക്ലാസ്സുകളിലും കയറി ജംഷീന ജീവകാരുണ്യത്തെക്കുറിച്ച് സംസാരിച്ചു.
'നമ്മള്‍ ജീവിക്കുന്നത് എന്തിനുവേണ്ടിയാണ്' എന്ന ചോദ്യം ഉയര്‍ത്തി ജംഷീന നടത്തിയ പ്രസംഗം കുട്ടികള്‍ക്ക് ആവേശമായി. കൂടനിറച്ച് പുസ്തകങ്ങളും പേനയും സെ്കയിലുമൊക്കെയായാണ് അടുത്തദിവസം അവരെത്തിയത്. പ്രിന്‍സിപ്പല്‍ ആനി പോളിന്റെയും രമ, റീന എന്നീ അധ്യാപികമാരുടെയും പിന്തുണയും ജംഷീനയ്ക്കുണ്ടായിരുന്നു.

ജില്ലാ, സംസ്ഥാന തലങ്ങളില്‍ വിവിധ പ്രസംഗമത്സരങ്ങളില്‍ ഒന്നാംസ്ഥാനം നേടിയിട്ടുള്ള ജംഷീനയുടെ ലക്ഷ്യം സിവില്‍ സര്‍വീസാണ്. പുതുനഗരം അയ്യപ്പ തിയേറ്ററിനു സമീപം താമസിക്കുന്ന കൂലിപ്പണിക്കാരനായ അബ്ദുള്‍ജബ്ബാറിന്റെയും നഴ്‌സറി ടീച്ചറായ ഷക്കീനയുടെയും മകളാണ്. സഹോദരി ജസീന ഡിഗ്രി വിദ്യാഥിനിയാണ്. പഠിക്കാനാവശ്യമായ സൗകര്യങ്ങളൊന്നുമില്ലാത്ത ചെറിയ വീട്ടിലാണ് താമസം. മികച്ച വിജയമാണ് പത്താംക്ലാസില്‍ ജംഷീന കൈവരിച്ചത്. ലഭിച്ച പുസ്തകങ്ങളും പേനയും എലപ്പുള്ളി 'സ്‌നേഹതീര'ത്തിലെ രോഗികളുടെ കുട്ടികള്‍ക്കും ചിറ്റൂരിലെ സര്‍ക്കാര്‍സ്‌കൂളുകളില്‍ പഠിക്കുന്ന പാവപ്പെട്ട വിദ്യാര്‍ഥികള്‍ക്കുമായി വിതരണംചെയ്യാനാണ് ജംഷീനയുടെ തീരുമാനം.
------------------------------------------------------------പഠിക്കാന്‍ സാമ്പത്തികബുദ്ധിമുട്ടനുഭവിക്കുന്ന കുട്ടികളെ സഹായിക്കുകയെന്ന ലക്ഷ്യത്തോടെ നിരവധി ഇടപെടല്‍ ഉണ്ടാകണം.അതിനു നാം എന്ത് ചെയ്തു എന്ന് ഓരോ സ്കൂളും ആലോചിക്കണം.ഒപ്പം സംഘടനകളും സമൂഹവും ഭരണകൂടവും .
----------------

--സംസ്ഥാനത്ത് അംഗീകാരമില്ലാതെ പ്രവര്‍ത്തിക്കുന്ന അഞ്ഞൂറിലേറെ സിബിഎസ്ഇ, ഐസിഎസ്ഇ സ്കൂളുകള്‍ക്ക് അനുമതിനല്‍കാന്‍ മന്ത്രിസഭായോഗം തീരുമാനിച്ചു.
  • എല്ലാ വിഭാഗം അധ്യാപക സംഘടനകളും സമരത്തില്‍
  • സമരത്തിലെക്കുള്ള ജൂണ്‍
  • പൊതു വിദ്യാലയങ്ങളെ സംരക്ഷിക്കാന്‍ ഒത്തുള്ള നീക്കം ശക്തിപ്പെടണം.
ഒരു ഓര്‍മപ്പെടുത്തല്‍ കൂടി.
ഉദ്ഘാടനം,ആശംസ ഇവയ്ക്കു വരുന്ന രാഷ്ട്രീയ നേതാക്കളുടെ മക്കള്‍ പൊതു വിദ്യാലയങ്ങളില്‍ ആണെന്ന് ഉറപ്പു വരുത്തണേ..
പെയ്മെന്റ് സീറ്റുകളില്‍ അല്ലെന്നു..

No comments: