ചൂണ്ടുവിരലിലെ വിഭവങ്ങള്‍

2010 ജൂലൈമുതല്‍ അക്കാദമിക വിഭവങ്ങളുമായി ഈ വിദ്യാഭ്യാസ ബ്ലോഗ് ...പ്രയോജനപ്പെടുത്തുക, പ്രയോഗിക്കുക, പ്രചോദിപ്പിക്കുക, പ്രചരിപ്പിക്കുക.. ചൂണ്ടുവിരലില്‍ പങ്കിട്ട വിഭവമേഖലകള്‍....> 1.അധ്യാപക ശാക്തീകരണം ,2. വായനയുടെ വഴി ഒരുക്കാം, 3.എഴുത്തിന്‍റെ തിളക്കം, 4.വിദ്യാഭാസ ഗുണനിലവാരം- സംവാദം,5. മികവ്, 6.ശിശുസൌഹൃദ വിദ്യാലയം, 7.സര്‍ഗാത്മക വിദ്യാലയം, 8.നിരന്തര വിലയിരുത്തല്‍, 9.ഗണിതപഠനം, 10.വിദ്യാഭ്യാസ അവകാശ നിയമം, 11.ദിനാചരണങ്ങള്‍, 12.പാര്‍ശ്വവത്കരിക്കപ്പെടുന്നവര്‍, 13. രക്ഷിതാക്കളും സ്കൂളും, 14. കളരി, 15. ക്ലാസ് അന്തരീക്ഷം/ക്രമീകരണം, 16.ഇംഗ്ലീഷ് പഠനം, 17.ഒന്നാം ക്ലാസ്, 18. ശാസ്ത്രത്തിന്റെ പാത, 19.ആവിഷ്കാരവും ഭാഷയും, 20. പ്രത്യേക പരിഗണന അര്‍ഹിക്കുന്ന കുട്ടികള്‍, 21. ഐ ടി സാധ്യതകള്‍, 22. പഠനറിപ്പോര്‍ട്ടുകള്‍, 23.പഠനമാധ്യമം 24. ഭൌതികസൌകര്യങ്ങളില്‍ മികവ്, 25.അക്കാദമികസന്ദര്‍ശനം, 26.ഗ്രാഫിക് ഓര്‍ഗനൈസേഴ്സ്, 27.പ്രഥമാധ്യാപകര്‍.,28. ബാല, 29. വളരുന്ന പഠനോപകരണം,30. കുട്ടികളുടെ അവകാശം, 31. പത്രങ്ങള്‍ സ്കൂളില്‍, 32.പാഠ്യപദ്ധതി,33. ഏകീകൃത സിലബസ്, 34.ഡയറ്റ് .35.ബി ആര്‍ സി,36. പരീക്ഷ ,37. പ്രവേശനോത്സവം,38. IEDC, 39.അന്വേഷണാത്മക വിദ്യാലയങ്ങളുടെ ലോകജാലകം, 40. കലാവിദ്യാഭ്യാസം, 41.പഞ്ചായത്ത്‌ വിദ്യാഭ്യാസ സമിതി, 42. പഠനോപകരണം, 43.പാഠ്യപദ്ധതി പരിഷ്കരണം, 44. ചൂണ്ടുവിരല്‍,45. ടി ടി സി, 46.പുതുവര്‍ഷം, 47.പെണ്‍കുട്ടികളുടെ ശാക്തീകരണം, 48. ക്രിയാഗവേഷണം,49. ടീച്ചിംഗ് മാന്വല്‍, 50. പൊതുവിദ്യാഭ്യാസസംരക്ഷണം, 51.ഫീഡ് ബാക്ക്, 52.സ്റ്റാഫ് റൂം, 53. കുട്ടികളുട അവകാശം,54. കൃഷിയും പഠനവും,55. നോട്ട് ബുക്ക് ആകര്‍ഷകവും സമഗ്രവും, 56.പഠനയാത്ര, 57. വിദ്യാബ്ലോഗുകള്‍,58. സാമൂഹികശാസ്ത്രം, 59. സ്കൂള്‍ അസംബ്ലി, 60.സ്കൂള്‍ റിസോഴ്സ് (റിസേര്‍ച്) ഗ്രൂപ്പ് - ,61.പ്രതിഫലനാത്മകക്കുറിപ്പ്, 62. ബദല്‍പാഠങ്ങള്‍, 63.മെന്ററിംഗ്,64. വര്‍ക്ക്ഷീറ്റുകള്‍ ക്ലാസില്‍, 65.വിലയിരുത്തല്‍, 66. സാമൂഹിക ശാസ്ത്രാന്തരീക്ഷം, 67.അനാദായം, 68.എ ഇ ഒ , 69.കായികവിദ്യാഭ്യാസം,70. തിയേേറ്റര്‍ സങ്കേതം പഠനത്തില്‍, 71.നാടകം, 72.നാലാം ക്ലാസ്.73. പാഠാവതരണം, 74. മോണിറ്ററിംഗ്, 75.വിദ്യാഭ്യാസ ചിന്തകള്‍, 76.സഹവാസ ക്യാമ്പ്, 77. സ്കൂള്‍ സപ്പോര്‍ട്ട് ഗ്രൂപ്പ്,78.പ്രദര്‍ശനം,79.പോര്‍ട്ട്‌ ഫോളിയോ...80 വിവിധജില്ലകളിലൂടെ... പൊതുവിദ്യാഭ്യാസത്തിന്റെ കരുത്ത് അറിയാന്‍ ചൂണ്ടുവിരല്‍...tpkala@gmail.com.

Monday, June 13, 2011

പത്രവായനയെ പ്രോത്സാഹിപ്പിച്ച് ഇവിടെ പത്രവൃക്ഷം വളരുന്നു

ആറ്റിങ്ങല്‍: വൃക്ഷങ്ങള്‍ പലവിധമുണ്ടെങ്കിലും പത്രവൃക്ഷം എന്ന വൃക്ഷം അയിലം ഗവ. യു.പി. സ്‌കൂളിന് മാത്രം സ്വന്തമാണ്. തൈ നട്ട് നനച്ച് വളര്‍ത്തി വലുതാക്കിയ മരമല്ല ഇത്. മറിച്ച് കുട്ടികളെ പത്രവായനയോടും കൂടുതല്‍ അടുപ്പിക്കുന്നതിനും അവര്‍ക്ക് ആവേശമുണര്‍ത്തുന്നതിനുംവേണ്ടി സ്‌കൂള്‍മുറ്റത്ത് ഇരുമ്പുകമ്പികളിലാണ് ഈ പത്രവൃക്ഷം ഒരുക്കിയിരിക്കുന്നത്.

ശിഖരങ്ങള്‍ക്ക് സമാനമായ കമ്പികളില്‍ കുട്ടികള്‍ക്ക് പത്രം എടുക്കുന്നതിനും വായിക്കുന്നതിനുമായി ഓരോ ദിവസവും രാവിലെ ഇലകള്‍പോലെ തൂക്കിയിടും. ക്ലാസ് റൂമിന് പുറത്ത് കുട്ടികള്‍ക്ക് എപ്പോള്‍വേണമെങ്കിലും ഇത് കാണാനും നോക്കാനും കഴിയും. വെറുതെ വായിച്ചിട്ട് മിണ്ടാതെ പോകാനാകില്ല. കാരണം ഓരോ ദിവസവും ക്ലാസ്സുകളില്‍ അതത് ദിവസത്തെ പത്രവായനയെ അടിസ്ഥാനമാക്കി വാര്‍ത്താധിഷ്ഠിത ക്വിസ് മത്സരമുണ്ടാകും. ഇതില്‍ വിജയിക്കുന്ന ആള്‍ക്ക് സമ്മാനവും നല്‍കും. കഴിഞ്ഞ അധ്യയനവര്‍ഷമാണ് സ്‌കൂളില്‍ പത്രവൃക്ഷം തലനീട്ടിയത്. ഇത്തവണ അത് കൂടുതല്‍ ശക്തവും വിപുലവുമായി. ഓരോദിവസവും പത്രവൃക്ഷത്തിനരികെ ഇപ്പോള്‍ നല്ല തിരക്കാണ്.

പത്രവായനക്കാരുടെ എണ്ണത്തില്‍ കുട്ടികളുടെയിടയില്‍ വലിയ വര്‍ധനയുണ്ടായിട്ടുണ്ട് ഈ വൃക്ഷം നിമിത്തം. ഇതിന് പുറമേ ഈ 'മര'ത്തിന് സമീപത്തായി തന്നെ മാഗസിനുകള്‍, ബാലപ്രസിദ്ധീകരണങ്ങള്‍ എന്നിവയുമുണ്ട്. ഇതിന് കുട്ടിവായനക്കാര്‍ ഏറെയാണെന്ന് അധ്യാപകര്‍ പറയുന്നു.

No comments: