പൊന്നോണ വായന

•  ഓണക്കാലത്ത് മുതിർന്നവർക്കായി ഓണപ്പതിപ്പുകൾ പ്രസിദ്ധീകരിക്കാറുണ്ട്. വായനയുടെ ഓണം അങ്ങനെയാണ് ആഘോഷിക്കുന്നത്.
• വായനയുടെ ആദ്യ പടവുകളിലുള്ള ഒന്നാം ക്ലാസുകാർക്ക് പൊന്നോണ വായന വേണ്ടേ? 
• കേരള പാഠാവലിയിലെ ആദ്യ മൂന്ന് യൂണിറ്റുകളിൽ പരിചയപ്പെട്ട അക്ഷരങ്ങളും ചിഹ്നങ്ങളുമുള്ള വായനസാമഗ്രികൾ ആണ് അവരുടെ സ്വതന്ത്ര വായനയെ പോഷിപ്പിക്കുക.
• ഓണക്കാലത്തെ വിശേഷങ്ങളും കഥകളില്‍ ഉള്‍പ്പെടുത്തിയിട്ടുണ്ട്. കുമ്മാട്ടിക്കളി പാലക്കാട്, തൃശൂര്‍ പ്രദേശങ്ങളിലാണ്. കരടികളി കൊല്ലം ജില്ലയിലും. വടംവലിയും വള്ളംകളിയും അത്തപ്പൂക്കളവും എല്ലാം ചേര്‍ന്ന് കുട്ടിവായനയുടെ പൊന്നോണം തീര്‍ക്കാനാണ് ശ്രമം. 
• ഒരു ദിവസം ഒരു കഥ വീതം വായിക്കട്ടെ.
• ചെറിയ സഹായം നൽകാം.
• കഥകൾ ചുവടെ

1. തേൻ

 

2.  വള്ളംകളി

 3. ആനപ്പുറത്ത്

4. കരടിപ്പാവ

5. വടംവലി

6. കരടിക്കുട്ടി നാട്ടിൽ

7. ടുണ്ടും  പെപ്പരപേ

8. കരടിപ്പൂവ്

9. മീൻകരടി

10. കരടികളി 

11.ഒരു കഥയുണ്ടാക്കൂ. 

 

മാനത്ത് പട്ടം ആസൂത്രണക്കുറിപ്പ് 11

ക്ലാസ് : ഒന്ന്

യൂണിറ്റ് : 3

പാഠത്തിൻ്റെ പേര്  : മാനത്ത് പട്ടം

ടീച്ചറുടെ പേര് : സഞ്ജയ്‌ കെ 

മാച്ചേരി ന്യൂ യു പി സ്കൂൾ 

കണ്ണൂർ നോർത്ത്.

മാനത്ത് പട്ടം ആസൂത്രണക്കുറിപ്പ് 6

കുട്ടികളുടെ എണ്ണം  :.......

ഹാജരായവർ : .......

തീയതി : ..…../ 2025

പിരീഡ് ഒന്ന്

പ്രവര്‍ത്തനം : കങ്കാരു ഓട്ടം

പഠനലക്ഷ്യങ്ങള്‍-

• വിവിധ കളികളിലൂടെ ആവശ്യാനുസരണമുളള ശാരീരിക ചലനം, ഏകോപനം, തീരുമാനമെടുക്കാനുളള കഴിവ്  എന്നിവ നേടുന്നു.

• വിവിധജീവികളുടെ സഞ്ചരണരീതികള്‍ അനുകരിക്കുന്നു

പ്രതീക്ഷിത സമയം - 30 മിനുട്ട്

കരുതേണ്ട സാമഗ്രികള്‍- 4 ബോൾ

പ്രക്രിയാവിശദാംശങ്ങള്‍- 

കങ്കാരു ഓട്ടം (Kangaroo Run)

• കുട്ടികളെ നാല് ഗ്രൂപ്പുകളാക്കുക. നാല് ഗ്രൂപ്പും സ്റ്റാർട്ടിംഗ് ലൈനിന് മൂന്നിൽ വരിവരിയായി നിൽക്കുക. 

• സ്റ്റാർട്ടിംഗ് ലൈനിൽ നിന്നും 5 മീ. അകലെ ഓരോ ഗ്രൂപ്പിനും മൂന്നിലായി ഓരോ കോൺ വയ്ക്കുക. 

• അധ്യാപിക സിഗ്നൽ നൽകുമ്പോൾ ഓരോ ഗ്രൂപ്പിലും തന്നിരിക്കുന്ന ബോൾ വരിയുടെ മുന്നിൽ നിൽക്കുന്ന കുട്ടിയുടെ കാൽമുട്ടിന് ഇടയിൽ വച്ച്, ഇരുകാലുകളും ഉപയോഗിച്ച് ചാടി, മുന്നിൽ വച്ചിരിക്കുന്ന കോൺ വലം വച്ച്, സ്റ്റാർട്ടിംഗ് ലൈനിൽ പൂർത്തീകരിക്കുക. 

• അതിനുശേഷം രണ്ടാമത്തെ കുട്ടി ഈ പ്രവർത്തനം തുടരുക. 

• ഗ്രൂപ്പിലെ എല്ലാ കുട്ടികളും ഇതേ പ്രവർത്തനം ആവർത്തിച്ച്, ആദ്യം ഫിനിഷ് ചെയ്യുന്ന ഗ്രൂപ്പിനെ വിജയിയായി പ്രഖ്യാപിക്കുക

പിരീഡ് രണ്ട്

പ്രവർത്തനം - വര

പഠനലക്ഷ്യങ്ങൾ.  

• തീമുമായി ബന്ധപ്പെട്ട് സ്വയം രൂപപ്പെടുത്തിയതോ നിർദേശിക്കുന്നതോ ആയ സന്ദർഭങ്ങൾ എന്നിവ സ്വതന്ത്രമായി ചിത്രീകരിക്കുന്നു.

• സ്വന്തം ചിത്രങ്ങളിലെ ആശയങ്ങൾ കൂട്ടുകാരുമായി പങ്കിടുന്നു

• കൂട്ടുകാർ വരച്ച ചിത്രങ്ങളിലെ സവിശേഷതകൾ കണ്ടെത്തി വിലയിരുത്തലുകൾ പങ്കിടുന്നു.

• സ്വയം വരച്ചതോ ലഭിച്ചതോ ആയ ചിത്രങ്ങൾക്ക് പ്രകൃതിയിൽ നിന്നും ലഭ്യമായതും അല്ലാത്തതുമായ വസ്തുക്കൾ ഉപയോഗിച്ച്  നിറം നൽകുന്നു. 

പ്രതീക്ഷിത സമയം -30മിനുട്ട്

കരുതേണ്ട സാമഗ്രികള്‍- ചിത്രം വരയ്കുന്നതിനും നിറം നല്‍കുന്നതിനുമുള്ള വസ്തുക്കള്‍

പ്രക്രിയാവിശദാംശങ്ങൾ -

• ഈ പാഠവുമായി ബന്ധപ്പെട്ട് കളിച്ചതോ മറ്റ് ഇഷ്ടപ്പെട്ട കളിയുടെയോ ഏതെങ്കിലും ഒരു രംഗം ചിത്രീകരിക്കണം.

• ആദ്യം ഇഷ്ടപ്പെട്ട കളികളോരോരുത്തരും പറയട്ടെ

• കേട്ടവയിൽ ‍ നിന്നും ഓരോരുത്തർക്കും ഒരു കളി തെരഞ്ഞെടുത്ത് ചിത്രം വരയ്കാം.

• ചിത്രത്തിന്റെ ഭംഗിയിൽ  ടീച്ചർ നിർബന്ധിക്കരുത്.

• വരച്ചത് എന്താണോ  ആ കളിയുടെ പേര് അടിയിൽ ‍ എഴുതണം ( ആവശ്യക്കാർക്ക് സഹായം നൽകാം)

• ഓരോരുത്തരായി വന്ന് ചിത്രം പ്രദർശിപ്പിച്ച് കളിയെക്കുറിച്ച് ഒന്നോ രണ്ടോ കാര്യം പറയണം. ചിത്രത്തിലെ രംഗം വിശദീകരിച്ചാലും മതി.

• ചിത്രങ്ങൾ  ശേഖരിച്ച് പ്രദർശിപ്പിക്കാം. 

• വിവിധതരം കളികളുടെ  ചിത്രങ്ങൾ ‍ പത്രമാസികകളിൽ ‍ നിന്നും ശേഖരിച്ചതും ഇതിനോടൊപ്പം പ്രദർ്ശിപ്പിക്കാം.

  പ്രതീക്ഷിത ഉല്പന്നം-  ചിത്രങ്ങൾ

പിരീഡ് മൂന്ന്

പരസ്പരവിലയിരുത്തൽ

• കുട്ടികളുടെ പരസ്പര വിലയിരുത്തലാണ് നടക്കേണ്ടത്. ഈ യൂണിറ്റിൽ ‍ ഇതുവരെ സചിത്രപുസ്തകത്തിലും പാഠപുസ്തകത്തിലും രേഖപ്പെടുത്തിയവയാണ് വിലയിരുത്തലിന് വിധേയമാക്കേണ്ടത്.

• കുട്ടികളെ നാലുപേരടങ്ങുന്ന ഭിന്നനിലവാരഗ്രൂപ്പുകളാക്കുന്നു

• സചിത്രപുസ്തകത്തിലെ ഈ യൂണിറ്റുമായി ബന്ധപ്പെട്ട് ഓരോ പേജിലും എല്ലാ രേഖപ്പെടുത്തലുകളുമുണ്ടെങ്കിൽ ഓരോ സ്റ്റിക്കർ ‍സ്റ്റാർ ‍ നല്കാം. അവരവരല്ല സ്റ്റാർ ഒട്ടിക്കേണ്ടത്. സഹപാഠികളാണ്.

• ഒരേസമയം എല്ലാവരും ഒരേ പേജ് നിവർത്തി വെച്ച് പരസ്പരം പരിശോധിക്കണം. ആരെങ്കിലും അപൂർണമമായാണ് രേഖപ്പെടുത്തൽ നടത്തിയിട്ടുളളതെങ്കിൽ പൂര്‍ണ്ണമാക്കാന്‍ സഹായിക്കണം. 

വായനപാഠങ്ങള്‍

• ഒന്നാം യൂണിറ്റ് മുതലുള്ള സംഭവങ്ങളെയും മുഖ്യകഥാപാത്രങ്ങളെയും കോര്‍ത്തിണക്കിയുള്ള വായനപാഠങ്ങളാണ്. ഓരോന്നിനും തുടര്‍ച്ചയുണ്ട്. പരിചയപ്പെട്ട മിക്ക അക്ഷരങ്ങളും ചിഹ്നങ്ങളും പരിഗണിച്ചിട്ടുമുണ്ട്.

• പഠനക്കൂട്ടങ്ങളില്‍ കൂട്ടുവായന നടത്താം.

• ചങ്ങല വായനയുടെ പ്രക്രിയ സ്വീകരിക്കാം

• ആശയഗ്രഹണവായനയുടെ തന്ത്രം സ്വീകരിക്കാം ( വായിച്ച് ചിത്രീകരിക്കല്‍)

• കൂടുതല്‍ പിന്തുണ വേണ്ടവര്‍ക്ക് ഉപപാഠമായി ഉപയോഗിക്കാം.

1

മരത്തിൽ പഴം

ചുവന്ന പഴം

പഴം തിന്നാന്‍

പറവ വന്നു

2

പഴത്തിൽ കിളി കൊത്തി.

പഴത്തിന് രുചിയുണ്ട്

കലപില കലപില പാടി

തനതിന തനതിന പാടി

3

പഴവും കൊത്തി പറന്നു

കിളി പറന്നു

ചുണ്ടില്‍ നിന്നും വീണു

പഴം വീണു.

4

വിത്ത് മുളച്ചു

ചെടി വളർന്നു

ഇല വന്നു

ഇല പച്ച.

5

പുഴു വന്ന് തിന്നിട്ടും

ആട് വന്ന് തിന്നിട്ടും

ചെടി വളർന്നു.

തളരാതെ വളർന്നു

6

കൊടും വെയിൽ കൊണ്ടിട്ടും

പെരു മഴ കൊണ്ടിട്ടും

ചെടി വളർന്നു.

തളരാതെ വളർന്നു.

7

ചെടി പൂത്തു

ചേലുള്ള പൂവ്

തേൻ കുടിക്കാൻ

കുരുവി പാറി വന്നു

പൂവ് കാണാൻ

പട്ടം പാറി വന്നു

8

കൂട്ടുകാരേ അത് കണ്ടോ?

കൂട്ടുകാര്‍ മാനത്ത് നോക്കി

അതാ ചേലുള്ള പട്ടം

ആ പട്ടം കിട്ടിയാൽ

പറത്തി കളിക്കാം.

9

പൂവ് വിളിച്ചു

കൂട്ടുകാരേ കൊച്ചു കൂട്ടുകാരേ

ചിങ്ങം പിറന്നു

പൊന്നോണം വരുന്നു

അത്തപ്പൂക്കളം ഇടണ്ടേ?

കൂട്ടുകാർ പൂവ് തേടി പോയി

10

കൂട്ടുകാർ പൂക്കളം തീർത്തു

പൂക്കളം കാണാൻ മാവേലി വരുമോ?

ഇന്ന് വരുമോ?

നാളെ വരുമോ?

കൂട്ടുകാർ കാത്തിരുന്നു

11 

പൊന്നോണ നാളിൽ

പൂക്കളം കാണാൻ വന്നു.

ഇതാരാ?

ഞാൻ മാവേലി.

12

കൂട്ടുകാർ ആർത്ത് പാടി

മാവേലിയും കൂടെ പാടി.

തിരു തിരു തിരു തിരു തിരുവോണം

തക തക തക തക പൊന്നോണം

തക തക തക തക തന്നാരോ

തക തക തക തക തന്നാരോ

അനുബന്ധം

മുന്‍ പാഠങ്ങള്‍ക്ക് ക്ലിക് ചെയ്യുക 

മാനത്ത് പട്ടം- ആസൂത്രണക്കുറിപ്പ് 1

മാനത്ത് പട്ടം ആസൂത്രണക്കുറിപ്പ് - 2

മാനത്ത് പട്ടം ആസൂത്രണക്കുറിപ്പ് 3

മാനത്ത് പട്ടം ആസൂത്രണക്കുറിപ്പ് 4

മാനത്ത് പട്ടം ആസൂത്രണക്കുറിപ്പ് 5

• മാനത്ത് പട്ടം ആസൂത്രണക്കുറിപ്പ് 6
• മാനത്ത് പട്ടം ആസൂത്രണക്കുറിപ്പ് 7
• മാനത്ത് പട്ടം ആസൂത്രണക്കുറിപ്പ് 8
• മാനത്ത് പട്ടം ആസൂത്രണക്കുറിപ്പ് 9
• വിലയിരുത്തലിൻ്റെ പുതുമാതൃക
• മാനത്ത് പട്ടം ആസൂത്രണക്കുറിപ്പ് 10

മാനത്ത് പട്ടം വായന പാഠങ്ങൾ

മാനത്ത് പട്ടം അക്ഷരങ്ങള്‍

മാനത്ത് പട്ടം ആസൂത്രണക്കുറിപ്പ് 10

ക്ലാസ് : ഒന്ന്

യൂണിറ്റ് : 3

പാഠത്തിൻ്റെ പേര്  : മാനത്ത് പട്ടം

ടീച്ചറുടെ പേര് :  രേഷ്മ , 

ഇ പി കെ എൻ എസ് എ എൽ പി സ്കൂൾ കൊളച്ചേരി.

കുട്ടികളുടെ എണ്ണം  :.......

ഹാജരായവർ : .......

തീയതി : ..…../ 2025

പിരീഡ് ഒന്ന്

പ്രവര്‍ത്തനം - അപ്പം ചുട്ട് (വായന)

പഠനലക്ഷ്യങ്ങള്‍.  

• പരിചിതാക്ഷരങ്ങളുളള ലഘുവാക്യങ്ങള്‍, പദങ്ങള്‍ എന്നിവ ഒറ്റയ്കും സഹായത്തോടെയും വായിക്കുന്നു

പ്രതീക്ഷിത സമയം - 40 മിനുട്ട്

കരുതേണ്ട സാമഗ്രികള്‍- പാഠപുസ്തകം, വായനപാഠങ്ങള്‍

പ്രക്രിയാവിശദാംശങ്ങള്‍

ഘട്ടം ഒന്ന് 10 മിനുട്ട്

വായനപാഠം വായിക്കല്‍

ഓ, ഏ എന്നിവയുടെ ചിഹ്നങ്ങളില്‍ കേന്ദ്രീകരിച്ചുള്ള കണ്ടെത്തല്‍ വായന. വായനപാഠം എഴുതിയ ചാര്‍ട്ട് പ്രദര്‍ശിപ്പിക്കുന്നു. ഉത്തരം അറിയാവുന്നവര്‍ കൈ പൊക്കുക

• ണ്ടോ എന്ന അക്ഷരത്തില്‍ അവസാനിക്കുന്ന വരികള്‍ ഏതെല്ലാം?

• ണ്ടേ എന്ന അക്ഷരത്തില്‍ അവസാനിക്കുന്ന വരികള്‍ ഏതെല്ലാം?

• ണ്ടേ വരുന്ന വാക്കിന് അടിയില്‍ വരയും ണ്ടോ വരുന്ന വാക്കിന് വട്ടവും വരയ്കാമോ?

• ട്ടേ എന്ന അക്ഷരം ഏത്ര തവണ പാട്ടിലുണ്ട്? ഏത് വാക്കില്‍

• കോ എന്ന അക്ഷരം എത്ര തവണ? എവിടെല്ലാം? ഏത് വരിയില്‍?

• ച്ചേ എന്ന അക്ഷരം വരുന്ന വാക്കേത്?

നിങ്ങളുണ്ടോ നിങ്ങളുണ്ടോ

മാല കോര്‍ത്ത് കളിക്കാന്‍?

ഞങ്ങളുണ്ടേ ഞങ്ങളുണ്ടേ

മാല കോര്‍ത്ത് കളിക്കാന്‍.

നിങ്ങളുണ്ടോ നിങ്ങളുണ്ടോ

തൊട്ടേ പിടിച്ചേ കളിക്കാന്‍?

ഞങ്ങളുണ്ടേ ഞങ്ങളുണ്ടേ

തൊട്ടേ പിടിച്ചേ കളിക്കാന്‍

ഘട്ടം രണ്ട് 10 മിനുട്ട്

പൂരിപ്പിച്ച് വായിക്കാമോ?

നിങ്ങളുണ്ടോ …………..

…………….. കളിക്കാന്‍?

………….. ……………….

പട്ടം പറത്തി കളിക്കാന്‍

ഓരോ പഠനക്കൂട്ടവും ആലോചിച്ച് പൂരിപ്പിച്ച് വായന നടത്തുന്നു. സന്നദ്ധരായ കുട്ടികള്‍ വന്ന് എഴുതണം.

ഘട്ടം മൂന്ന് 20 മിനുട്ട്

കണ്ടെത്തല്‍ വായന (വാക്യങ്ങൾ)

• ആഹാരസാധനങ്ങളുടെ പേരുള്ള വരികള്‍ എത്രയുണ്ട്?

കണ്ടെത്തല്‍ വായന (വാക്കുകൾ)

• ഒരേ പോലെ അവസാനിക്കുന്ന വാക്കുകള്‍ കണ്ടെത്താമോ? (ചുട്ട്, വാട്ടി, കെട്ടി, പോയ്)

• അപ്പം, അടയും, അതിലേ, ഇതിലേ ഇതുപോലെ ഒരേ പോലെ വരുന്ന വാക്കുകള്‍ വേറെയുണ്ടോ?

കണ്ടെത്തല്‍ വായന (ഊന്നൽ നൽകുന്ന അക്ഷരമുള്ള വരികൾ, വാക്കുകൾ, അക്ഷരങ്ങള്‍)

• ചുട്ട്, വാട്ടി എന്നിവ ട്ട വരുന്ന വാക്കുകളാണ്. വേറെയുണ്ടോ?

• ഏത് അക്ഷരം കൂടുതൽ തവണ?

• ഒരു വരിയില്‍ ഒരക്ഷരം മൂന്നു തവണയുണ്ട് . ഏതാണ് ആ വരി?

• അ, ഇ, തി, ലേ, പോ ഇതിലേത് അക്ഷരമാണ് പാട്ടില്‍ കൂടുതല്‍ തവണയുളളത്?

ക്രമത്തില്‍ വായിക്കല്‍

• ഒരു വരി ഒരാള്‍

• ഒരാള്‍ നിറുത്തിയിടത്ത് നിന്ന് അടുത്തയാള്‍

പറയുന്ന ക്രമത്തിൽ വാക്യങ്ങൾ വായിക്കൽ

• ഇലയില്‍ തുടങ്ങുന്ന വരി മുതല്‍ മൂന്നു വരികള്‍

• അവസാനത്തെ മൂന്നു വരി

• അ യില്‍ തുടങ്ങുന്ന വരികള്‍.

താളാത്മക വായന / നോക്കിച്ചൊല്ലൽ‍

• സഹവര്‍ത്തിത സംഘം

പ്രതീക്ഷിത ഉല്പന്നം- കുട്ടികളുടെ വായന വീഡിയോ

വിലയിരുത്തല്‍

• കണ്ടെത്തല്‍ വായനയുടെ ഓരോ ഘട്ടത്തിലും കുട്ടികള്‍ മാറി മാറി വരുന്നുവെന്ന് ഉറപ്പാക്കിയോ?

• അവസരം കൂടുതല്‍ കിട്ടുന്നകുട്ടികളും കുറവ് കിട്ടുന്ന കുട്ടികളും ഉണ്ടോ?

• കണ്ടെത്തല്‍ വായനയില്‍ സഹായം നല്‍കേണ്ടി വന്നോ? ( കുട്ടികളുടെയും ടീച്ചറുടെയും)

• വായനപ്രവര്‍ത്തനത്തിലെ തിരിച്ചറിവുകള്‍ എന്തെല്ലാമാണ്?

പിരീഡ് രണ്ട്

പ്രവര്‍ത്തനം- ക്ലാസ് എഡിറ്റിംഗ്

പഠനലക്ഷ്യങ്ങള്‍:

• അക്ഷരങ്ങളുടെയും വാക്കുകളുടെയും പുനരനുഭവ സന്ദര്‍ഭങ്ങളില്‍ തെളിവെടുത്ത് എഴുതുന്നതിനും ഒറ്റയ്ക്കും കൂട്ടായും മുതിര്‍ന്നവരുടെ സഹായത്തോടെയും  രചനകള്‍ താരതമ്യം ചെയ്ത് തെറ്റുകൾ തിരുത്തി മെച്ചപ്പെടുത്തുന്നതിനും കഴിയുന്നു.

പ്രതീക്ഷിത സമയം : 30 മിനുട്ട്

പ്രക്രിയാവിശദാംശങ്ങള്‍

• ഇന്ന് നാം വായിച്ചതും എഴുതിയതുമായ വാക്യങ്ങള്‍ പറയാമോ?  പറയിക്കുന്നു.

• ഓരോ പഠനക്കൂട്ടവും ഓരോ വാക്യം വീതം എഴുതുന്നു.

• ആദ്യത്തെ നാല് വരി എഴുതി എഡിറ്റിംഗ് നടത്തിയ ശേഷം അടുത്ത നാല് വരികള്‍ എഴുതിക്കുക. എ‍‍ഡിറ്റ് ചെയ്യുക.

• പൊതിയും, പടിയും എന്നെഴുതിയപ്പോള്‍ ഒ ചിഹ്നത്തിന്റെ ശരിയായ പ്രയോഗം ആ പഠനക്കൂട്ടം നടത്തിയോ?

• അതിലേ പോയ്, ഇതിലേ പോയ് എന്ന് എഴുതിയ പഠനക്കൂട്ടങ്ങള്‍ ഏ, ഓ എന്നീ സ്വരചിഹ്നങ്ങള്‍ ശരിയായി ഉപയോഗിച്ചുവോ?

• അനുസ്വാരമെഴുതിയപ്പോള്‍ ഠ ആയിപ്പോയോ?

• ട്ട എഴുതാന്‍ പ്രയാസം നേരിട്ട കുട്ടികള്‍ക്ക് ആ വാക്കുകള്‍ ( ചുട്ട്, വാട്ടി, കെട്ടി ) എഴുതാന്‍ അവസരം നല്‍കിയോ?

ഘട്ടം ഒന്ന് 10 മിനുട്ട്

പഠനക്കൂട്ടം 1. അപ്പം ചുട്ട്,

പഠനക്കൂട്ടം 2. അടയും ചുട്ട്,

പഠനക്കൂട്ടം 3. ഇലയും വാട്ടി,

പഠനക്കൂട്ടം 4. പൊതിയും കെട്ടി

ഘട്ടം രണ്ട് 10 മിനുട്ട്

പഠനക്കൂട്ടം 1. പടിയും കടന്ന്

പഠനക്കൂട്ടം 2. അതിലേ പോയ്

പഠനക്കൂട്ടം 3. ഇതിലേ പോയ്

പഠനക്കൂട്ടം 4. കിളി കിളി കിക്കിളി

ഘട്ടം മൂന്ന് 10 മിനുട്ട്

• ആര്‍ക്കെല്ലാം വന്ന് ഈ വാക്യങ്ങള്‍ ബോര്‍‍ഡില്‍ എഴുതാം? ( ഏ, ഓ എന്നിവയുടെ ചിഹ്നങ്ങള്‍ക്ക് ഊന്നല്‍)

ആര്‍പ്പോ ഇര്‍റോ

ആര്‍പ്പോ ഇര്‍റോ

ആടി വരൂ കൂട്ടരേ

പാടി വരു കൂട്ടരേ

• എഴുതിയ ശേഷം എഡിറ്റിംഗ്.

പ്രതീക്ഷിത ഉല്പന്നം: ബോര്‍ഡില്‍ കുട്ടികളെഴുതിയത്ത്,മെച്ചപ്പെടു

വിലയിരുത്തല്‍

• ചിഹ്നബോധ്യത്തോടെ എഴുതിയവര്‍ എത്രപേര്‍?

• പരസ്പരം വിലയിരുത്തി മെച്ചപ്പെടുത്താനുളള കഴിവ് കുട്ടികളില്‍ വളര്‍ന്നു വരുന്നുണ്ടോ?

• ബോര്‍‍ഡ് എഡിറ്റിംഗിന് ശേഷം സ്വന്തം ബുക്കിലെ രേഖപ്പെടുത്തല്‍ ഒത്തു നോക്കിയപ്പെള്‍ മെച്ചപ്പെടുത്തല്‍ വേണമെന്ന് തിരിച്ചറിഞ്ഞവരുണ്ടോ?

• ബോര്‍ഡില്‍ വലുപ്പത്തില്‍ എഴുതാന്‍ എത്രപേര്‍ ശ്രദ്ധിച്ചു?

• ആര്‍ക്കൊക്കെയാണ് കൂടുതല്‍ സഹായം തുടര്‍പ്രവര്‍ത്തന

• ങ്ങളില്‍ വേണ്ടത്?

പിരീഡ് മൂന്ന്

പ്രവര്‍ത്തനം - ചിത്രത്തിലെ കളികള്‍  -വാചിക വിവരണം (EVS)

രൂപീകരിക്കേണ്ട ആശയങ്ങള്‍

• പലതരം കളികള്‍നാട്ടിലുണ്ട്. കുട്ടികള്‍ക്കും മുതിര്‍ന്നവര്‍ക്കും പറ്റിയ കളികളുണ്ട്. എല്ലാവരും കളികള്‍ ഇഷ്ടപ്പെടുന്നു.

പഠനലക്ഷ്യങ്ങള്‍

• നാട്ടിലുളള കളികളെക്കുറിച്ച് അന്വേഷിച്ചറിയുന്നു.

• പരിചിതമായ കളികളുടെ പ്രത്യേകതകള്‍ പറയുന്നു

• പല പ്രായക്കാര്‍ഏര്‍ടുന്ന കളികള്‍ക്ക് ഉദാഹരണങ്ങള്‍ കണ്ടെത്തുന്നു

പ്രക്രിയാശേഷികള്‍

• കളികളെ പലരീതിയില്‍തരംതിരിക്കുന്നു.

മനോഭാവം, മൂല്യങ്ങള്‍

• സഹകരണമനോഭാവം

പ്രതീക്ഷിത സമയം - 35 മിനുട്ട്

പ്രക്രിയാവിശദാംശങ്ങള്‍

• പാഠപുസ്തകത്തിലെ ചിത്രങ്ങള്‍ പേജ് 20, 21 (ആര്‍പ്പോ ഇര്‍റോ) നിരീക്ഷിക്കുന്നു. അതില്‍ ഏതെല്ലാം കളികള്‍ പരിചിതമാണ്?

• തുടര്‍ന്ന് ചിത്രത്തിലുളള കളികളില്‍ പരിചിതമായതിനെക്കുറിച്ച് വിവരിക്കണം

• ഒരാള്‍ ഒരു കളിയെക്കുറിച്ച് പറയുന്നു

• കൂട്ടുകാര്‍ക്ക് കൂട്ടിച്ചേര്‍ക്കാന്‍ അവസരം

• ടീച്ചര്‍ക്കും കൂട്ടിച്ചേര്‍ക്കാം.

• കളിക്ക് വേണ്ട മുന്നൊരുക്കം, കളിയുടെ രീതി, നിയമങ്ങളുണ്ടെങ്കില്‍ അത് എന്നിവ വ്യക്തമാക്കണം. മുതിര്‍ന്നവര്‍ കളിക്കുന്നതും കുട്ടികള്‍ കളിക്കുന്നതും ഏതെല്ലാം? ചിത്രത്തിലുളളവ നിരീക്ഷിച്ച് പറയാം. അതിനു ശേഷം അറിയാവുന്ന കൂട്ടിച്ചേര്‍ക്കാം

കളികളുടെ ചിത്രങ്ങള്‍ ഒട്ടിച്ച് ചിത്രപ്പട്ടിക തയ്യാറാക്കാം ( ശേഖരിച്ച് വരാന്‍ നിര്‍ദ്ദേശം നല്‍കണം. അടുത്ത ദിവസം പൂര്‍ത്തിയാക്കും. ചിത്രം കിട്ടാത്തവര്‍ വരച്ച് കൊണ്ടുവന്നാലും മതി. എ ഫോര്‍ പേപ്പറിലാണ് വരയ്കേണ്ടത്)

മുതിര്‍ന്നവര്‍  കളിക്കുന്നവ	കുട്ടികള്‍ കളിക്കുന്നവ
വള്ളംകളി	ഒളിച്ചേ കണ്ടേ കളി കഞ്ഞിയും കറിയും കളി

കൂടുതല്‍ കളികളെക്കുറിച്ച് രക്ഷിതാക്കളോട് അന്വേഷിച്ച് അറിഞ്ഞത് ക്ലാസില്‍ പങ്കിടുന്നു.

എന്തൊക്കെ അന്വേഷിക്കണം?

• വിവിധതരം കളികളും അവയുടെ വിശദാംശങ്ങളും

• കുട്ടികളുടെ കളികള്‍

• ആഘോഷങ്ങളുമായി ബന്ധപ്പെട്ട കളികള്‍

• മുതിര്‍ന്നവരുടെ കളികള്‍

• മത്സരക്കളികള്‍ ( ക്രിക്കറ്റ് പോലെയുളളവ)

എല്ലാ പ്രായത്തിലുളളവരും  വിനോദങ്ങള്‍ ഇഷ്ടപ്പെടുന്നു എന്ന് ക്രോഡീകരിക്കണം.

പ്രതീക്ഷിത ഉല്പന്നം- 

• ക്ലാസില്‍ രൂപപ്പെട്ട ചിത്രപ്പട്ടിക

വിലയിരുത്തല്‍

• കുട്ടികള്‍, മുതിര്‍ന്നവര്‍ തുടങ്ങി എല്ലാപ്രായക്കാരും കളിക്കുന്ന കളികള്‍ക്ക് ഉദാഹരണം പറയാന്‍ എല്ലാ കുട്ടികള്‍ക്കും കഴിവു നേടിയോ?

• തരംതിരിക്കുന്ന പ്രവര്‍ത്തനത്തില്‍ ഓരോ കോളത്തിലേക്കും അനുയോജ്യമായ പേരുകളാണോ അവര്‍ നല്‍കിയത്?

• ചിത്രത്തെ ആസ്പദമാക്കി കളിവിവരണം നടത്തുന്നതിന് എത്രപേര്‍ക്ക് അവസരം ലഭിച്ചു? മറ്റുളളവര്‍ക്ക് അവസരം ലഭിക്കുന്നതിന് എന്താണ് മാര്‍ഗം?

• കുട്ടികള്‍ക്ക്  പരിചിതമല്ലാത്ത (ഉദാഹരണം വള്ളം കളി) കളികള്‍ അവരെ പരിചയപ്പെടുത്തിയതെങ്ങനെ?  ( വീഡിയോ പ്രദര്‍ശനം, ചിത്രവിവരണം, സിമുലേഷന്‍..)

പിരീഡ് നാല്

പ്രവര്‍ത്തനം - അറിയാമോ പറയാമോ? ചോദ്യോത്തരപ്പാട്ട്

പഠനലക്ഷ്യങ്ങള്‍-

1. സംഭാഷണ ഗാനങ്ങൾ, ചോദ്യോത്തരപ്പാട്ടുകൾ എന്നിവ സദസ്സിനു മുമ്പാകെ അവതരിപ്പിക്കുന്നു.

2. പാട്ടുകളുടെയും കവിതകളുടെയും വരികൾ താളം പാലിക്കും വിധം പുതിയ വാക്കുകൾ ചേർത്ത് പൂരിപ്പിക്കുന്നു.

പ്രതീക്ഷിത സമയം - 30 മിനുട്ട്

പ്രക്രിയാവിശദാംശങ്ങള്‍- 

ചോദ്യോത്തരപ്പാട്ടിന്റെ നിബന്ധനകള്‍  അവതരിപ്പിക്കുന്നു

1. ഒരു ഗ്രൂപ്പ് ചോദ്യം പാടി അവതരിപ്പിക്കും

2. അടുത്ത ഗ്രൂപ്പ് ഉത്തരം പാടി അവതരിപ്പിക്കണം

3. വാക്കോ വരിയോ കൂട്ടിച്ചേര്‍ക്കാനുണ്ടെങ്കില്‍ ഉത്തരം പാടുന്ന ഗ്രൂപ്പ് അതും ചെയ്യണം

4. ചോദ്യോത്തരപ്പാട്ട് ആദ്യം ടീച്ചറോടൊപ്പം പാടിയ ശേഷമാണ് ഗ്രൂപ്പായി കളിക്കേണ്ടത്.

5. ചാര്‍ ട്ടിലോ ബോര്‍‍ഡിലോ കളിപ്പാട്ട് എഴുതിയിടും. അത് നോക്കി ചൊല്ലാം.

• ടീച്ചര്‍ കളിപ്പാട്ട് (അറിയാമോ പറയാമോ?) ചാര്‍ട്ടില്‍ നോക്കി പാടുന്നു

• കുട്ടികള്‍ ഏറ്റുവായന നടത്തുന്നു. 

• ആദ്യത്തെ നാലുവരി രണ്ടുതവണ പാടിക്കൊടുത്ത ശേഷം കുട്ടികള്‍ തനിയെ പാടാന്‍ അവസരം നല്‍കണം വീണ്ടും 

അറിയാമോ പറയാമോ

കളിയുടെ പേരു പറയാമോ?

• എന്ന് ഒന്നാം ഗ്രൂപ്പ് പാടുമ്പോള്‍ രണ്ടാം ഗ്രൂപ്പ് കളിയുടെ പേരുകളാണ് പാടി പറയേണ്ടത്. ടീച്ചറുടെ സഹായത്തോടെ.

അറിയാമേ പറയാമേ

കളിയുടെ പേരു പറയാമേ

പാവ കളിക്കല്‍ കളിയാണേ

ചാടിക്കളിയും കളിയാണേ

ചോദ്യ ഗ്രൂപ്പ്

അറിയാമോ പറയാമോ

കളിയുടെ പേര് പറയാമോ?

ഉത്തരഗ്രൂപ്പ്

അറിയാമേ പറയാമേ

കളിയുടെ പേര് പറയാമേ

തൊട്ടു കളിക്കല്‍ കളിയാണേ

വണ്ടിക്കളിയും കളിയാണേ

വള്ളംകളി, പുലിക്കളി, ആടിക്കളി, ഞൊണ്ടിക്കളി തുടങ്ങി പരിചിതമായ അക്ഷരങ്ങള്‍ ഉള്ള ഏതു കളിയുടെ പേരു ചേര്‍ത്തും വിപുലീകരിച്ച് പാടിക്കൊടുക്കാം.

• പാഠപുസ്തകത്തില്‍ രണ്ട് വരി എഴുതിച്ചേര്‍ക്കാമോ?

• തനിച്ചെഴുത്ത്. ( ചാര്‍ട്ടിലുള്ള ഇഷ്ടമുള്ളവരികള്‍)

പ്രതീക്ഷിത ഉല്പന്നം

പാഠപുസ്തകത്തില്‍ കൂട്ടിച്ചേര്‍ത്ത് എഴുതിയ വരികള്‍

വിലയിരുത്തല്‍

• ചോദ്യോത്തരപ്പാട്ട് അവതരിപ്പിക്കുന്നതില്‍ ഓരോ കുട്ടിയുടെയും പങ്കാളിത്തം എങ്ങനെയുറപ്പാക്കി ( ചോദിക്കുന്നതില്‍, ഉത്തരം പറയുന്നതില്‍, വരികള്‍ കൂട്ടിച്ചേര്‍ക്കുന്നതില്‍, ഏറ്റു ചൊല്ലുന്നതില്‍, ചൊല്ലിക്കൊടുക്കുന്നതില്‍)

• ചോദ്യോത്തരപ്പാട്ട് അവതരിപ്പിക്കുന്നതിനു മുമ്പ് റിഹേഴ്സലിന് അവസരം നല്‍കിയിരുന്നോ? സഹവര്‍ത്തിത വായനയും പരസ്പരപിന്തുണയും നടന്നോ?

ചിഹ്നബോധ്യച്ചാര്‍ട്ടില്‍ രേഖപ്പെടുത്തല്‍

കുട്ടിയുടെ പേര്

സാധ്യായ ദിനങ്ങള്‍

ഹാജരായ ദിവസങ്ങള്‍

ആ ാ

ഇ ി

ഈ ീ

ഉ ു

ഊ ൂ

എ െ

ഏ േ

ഒ ൊ

ഓ ോ

ം

്

• സാധ്യായദിനങ്ങള്‍ ജൂണ്‍, ജൂലൈ, ആഗസ്റ്റ് മാസങ്ങളിലേതാണ്.

• ആദ്യത്തെ മൂന്ന് യൂണിറ്റുകളിലെ ചിഹ്നങ്ങളാണ് പരിഗണിക്കുന്നത്.

• മൂന്നാം യൂണിറ്റില്‍ പരിചയപ്പെടുത്തിയ ചിഹ്നങ്ങള്‍ അടുത്ത രണ്ട് യൂണിറ്റുകള്‍ കൊണ്ടാണ് എല്ലാവരും സ്വായത്തമാക്കുക

വായനപാഠം

(ലഭ്യമായ വസ്തുക്കള്‍ ഉപയോഗിച്ച് താളമിട്ട് പാടി വീഡിയോ പങ്കിടുക)

പൊന്നോണം പൊന്നോണം

പാട്ട് പാടാം

കാക്ക വന്നു പാടി

കാ കാ കാ

കുയില്‍ വന്ന് പാടി

കൂ കൂ കൂ

കോഴി വന്ന് പാടി

കോ കൊക്കക്കോ

ആട് വന്ന പാടി

മേ മേ മേ

ആടും കോഴിയും ചേര്‍ന്ന് പാടി

മേ മേ മേ കോ കൊക്കക്കോ

കുയിലും കാക്കയും ചേര്‍ന്ന് പാടി

കാ കാ കൂകൂ കാ കാ കൂ

പൊന്നോണം പൊന്നോണം

പാട്ട് പാടാം