ചൂണ്ടുവിരലിലെ വിഭവങ്ങള്‍

2010 ജൂലൈമുതല്‍ അക്കാദമിക വിഭവങ്ങളുമായി ഈ വിദ്യാഭ്യാസ ബ്ലോഗ് ...പ്രയോജനപ്പെടുത്തുക, പ്രയോഗിക്കുക, പ്രചോദിപ്പിക്കുക, പ്രചരിപ്പിക്കുക.. ചൂണ്ടുവിരലില്‍ പങ്കിട്ട വിഭവമേഖലകള്‍....> 1.അധ്യാപക ശാക്തീകരണം ,2. വായനയുടെ വഴി ഒരുക്കാം, 3.എഴുത്തിന്‍റെ തിളക്കം, 4.വിദ്യാഭാസ ഗുണനിലവാരം- സംവാദം,5. മികവ്, 6.ശിശുസൌഹൃദ വിദ്യാലയം, 7.സര്‍ഗാത്മക വിദ്യാലയം, 8.നിരന്തര വിലയിരുത്തല്‍, 9.ഗണിതപഠനം, 10.വിദ്യാഭ്യാസ അവകാശ നിയമം, 11.ദിനാചരണങ്ങള്‍, 12.പാര്‍ശ്വവത്കരിക്കപ്പെടുന്നവര്‍, 13. രക്ഷിതാക്കളും സ്കൂളും, 14. കളരി, 15. ക്ലാസ് അന്തരീക്ഷം/ക്രമീകരണം, 16.ഇംഗ്ലീഷ് പഠനം, 17.ഒന്നാം ക്ലാസ്, 18. ശാസ്ത്രത്തിന്റെ പാത, 19.ആവിഷ്കാരവും ഭാഷയും, 20. പ്രത്യേക പരിഗണന അര്‍ഹിക്കുന്ന കുട്ടികള്‍, 21. ഐ ടി സാധ്യതകള്‍, 22. പഠനറിപ്പോര്‍ട്ടുകള്‍, 23.പഠനമാധ്യമം 24. ഭൌതികസൌകര്യങ്ങളില്‍ മികവ്, 25.അക്കാദമികസന്ദര്‍ശനം, 26.ഗ്രാഫിക് ഓര്‍ഗനൈസേഴ്സ്, 27.പ്രഥമാധ്യാപകര്‍.,28. ബാല, 29. വളരുന്ന പഠനോപകരണം,30. കുട്ടികളുടെ അവകാശം, 31. പത്രങ്ങള്‍ സ്കൂളില്‍, 32.പാഠ്യപദ്ധതി,33. ഏകീകൃത സിലബസ്, 34.ഡയറ്റ് .35.ബി ആര്‍ സി,36. പരീക്ഷ ,37. പ്രവേശനോത്സവം,38. IEDC, 39.അന്വേഷണാത്മക വിദ്യാലയങ്ങളുടെ ലോകജാലകം, 40. കലാവിദ്യാഭ്യാസം, 41.പഞ്ചായത്ത്‌ വിദ്യാഭ്യാസ സമിതി, 42. പഠനോപകരണം, 43.പാഠ്യപദ്ധതി പരിഷ്കരണം, 44. ചൂണ്ടുവിരല്‍,45. ടി ടി സി, 46.പുതുവര്‍ഷം, 47.പെണ്‍കുട്ടികളുടെ ശാക്തീകരണം, 48. ക്രിയാഗവേഷണം,49. ടീച്ചിംഗ് മാന്വല്‍, 50. പൊതുവിദ്യാഭ്യാസസംരക്ഷണം, 51.ഫീഡ് ബാക്ക്, 52.സ്റ്റാഫ് റൂം, 53. കുട്ടികളുട അവകാശം,54. കൃഷിയും പഠനവും,55. നോട്ട് ബുക്ക് ആകര്‍ഷകവും സമഗ്രവും, 56.പഠനയാത്ര, 57. വിദ്യാബ്ലോഗുകള്‍,58. സാമൂഹികശാസ്ത്രം, 59. സ്കൂള്‍ അസംബ്ലി, 60.സ്കൂള്‍ റിസോഴ്സ് (റിസേര്‍ച്) ഗ്രൂപ്പ് - ,61.പ്രതിഫലനാത്മകക്കുറിപ്പ്, 62. ബദല്‍പാഠങ്ങള്‍, 63.മെന്ററിംഗ്,64. വര്‍ക്ക്ഷീറ്റുകള്‍ ക്ലാസില്‍, 65.വിലയിരുത്തല്‍, 66. സാമൂഹിക ശാസ്ത്രാന്തരീക്ഷം, 67.അനാദായം, 68.എ ഇ ഒ , 69.കായികവിദ്യാഭ്യാസം,70. തിയേേറ്റര്‍ സങ്കേതം പഠനത്തില്‍, 71.നാടകം, 72.നാലാം ക്ലാസ്.73. പാഠാവതരണം, 74. മോണിറ്ററിംഗ്, 75.വിദ്യാഭ്യാസ ചിന്തകള്‍, 76.സഹവാസ ക്യാമ്പ്, 77. സ്കൂള്‍ സപ്പോര്‍ട്ട് ഗ്രൂപ്പ്,78.പ്രദര്‍ശനം,79.പോര്‍ട്ട്‌ ഫോളിയോ...80 വിവിധജില്ലകളിലൂടെ... പൊതുവിദ്യാഭ്യാസത്തിന്റെ കരുത്ത് അറിയാന്‍ ചൂണ്ടുവിരല്‍...tpkala@gmail.com.

Sunday, December 5, 2010

അണ്‍എയിഡഡ് വിദ്യാലയങ്ങള്‍- സംവാദം

ശാസ്ത്ര സാഹിത്യപരിഷത്തിന്റെ പ്രതികരണം ഇന്ന് വന്നു.
മറ്റു സംഘടനകളും അവരുടെ അഭിപ്രായം പ്രകടിപ്പിച്ചിട്ടുണ്ട്.
ഈ വിഷയത്തില്‍ പ്രതികരണങ്ങള്‍ പ്രതീക്ഷിക്കുന്നു.


ശാസ്ത്ര സാഹിത്യ പരിഷത്തിന്റെ പ്രസ്താവനയുടെ പൂര്‍ണരൂപം.(സംഘടനയുടെ ബ്ലോഗില്‍ വന്നത്.).

അണ്‍എയിഡഡ് വിദ്യാലയങ്ങള്‍ക്ക് അംഗീകാരം നല്‍കാനുള്ള തീരുമാനം റദ്ദാക്കുക

മലപ്പുറം, പാലക്കാട്, കോഴിക്കോട്, കാസര്‍ഗോഡ് ജില്ലകളിലായി 41 അണ്‍എയിഡഡ് വിദ്യാലയങ്ങള്‍ക്ക് അംഗീകാരം നല്‍കാന്‍ കേരള സര്‍ക്കാര്‍ തീരുമാനിച്ചതില്‍ ശാസ്ത്ര സാഹിത്യ പരിഷത്ത് ശക്തിയായി പ്രതിഷേധിക്കുന്നു.
മലപ്പുറത്തെ കടുത്ത മുസ്ലീം പിന്നോക്കാവസ്ഥയുള്ള പ്രദേശങ്ങളില്‍ വിദ്യാഭ്യാസ സൗകര്യങ്ങള്‍ വര്‍ദ്ധിപ്പിക്കാനെന്ന പേരിലാണ് സര്‍ക്കാര്‍ ഈ തീരുമാനം കൈക്കൊണ്ടിരിക്കുന്നത്.
മേല്‍പ്പറഞ്ഞ ജില്ലകളിലെ 41 പഞ്ചായത്തുകളില്‍ 46 വാര്‍ഡുകള്‍ പിന്നോക്കം നില്‍ക്കുന്നവയാണെന്നും അവിടങ്ങളിലെ സ്കൂളുകള്‍ക്ക് അംഗീകാരത്തിനായി അപേക്ഷ സമര്‍പ്പിക്കാമെന്നും നേരത്തെ ഗസറ്റ് വിജ്ഞാപനത്തിലൂടെ സര്‍ക്കാര്‍ അറിയിച്ചിരുന്നു. ഇതിനെതിരെ പരിഷത്തിന്റെ ശക്തമായ പ്രചാരണ പ്രക്ഷോഭങ്ങളും നടന്നു.
ഏതു വിഭാഗത്തിന്റേയും വിദ്യാഭ്യാസ പിന്നോക്കാവസ്ഥ പരിഹരിക്കുന്നതിന് അണ്‍എയിഡഡ് വിദ്യാലയങ്ങളേയല്ല ആശ്രയിക്കേണ്ടത്. സാമൂഹ്യമായും സാമ്പത്തികമായും പിന്നോക്കം നില്‍ക്കുന്ന വിഭാഗങ്ങള്‍ക്ക് പണം കൊടുത്ത് പഠിക്കാനാവില്ല. അത്തരം വിഭാഗങ്ങളടക്കം കേരളത്തില്‍ പഠിച്ച് മുന്നേറിയത് പൊതു വിദ്യാലയങ്ങളിലൂടെയാണ്. ചരിത്രപരമായി വളര്‍ന്ന കേരളത്തിന്റെ വിദ്യാഭ്യാസാനുഭവങ്ങള്‍ വിസ്മരിച്ചുകൊണ്ട് മുസ്ലീം പിന്നോക്കാവസ്ഥക്ക് പരിഹാരം അണ്‍എയിഡഡ് വിദ്യാലയങ്ങളാണെന്ന കണ്ടെത്തല്‍ വിചിത്രമാണ്. കച്ചവട വിദ്യാഭ്യാസ ശക്തികള്‍ക്ക് സൗകര്യങ്ങളൊരുക്കാനേ ഈ നടപടി ഉപകരിക്കൂ.
ഇപ്പോള്‍ അംഗീകാരം നല്‍കാന്‍ പോകുന്ന വിദ്യാലയങ്ങളുടെ 1-2 കിലോമീറ്റര്‍ ചുറ്റളവില്‍ എല്‍പി, യൂപി, പൊതുവിദ്യാലയങ്ങളുണ്ട്. ഏതാണ്ടെല്ലാ പഞ്ചായത്തിലും ഹൈസ്കൂളുകളും ഹയര്‍ സെക്കന്ററി സ്കൂളുകളുമുണ്ട്.
ഒന്നില്‍ കൂടുതല്‍ ഹൈസ്കൂളുകളും ഹയര്‍ സെക്കന്ററികളും പ്രവര്‍ത്തിച്ചുവരുന്ന പഞ്ചായത്തുകളും ഇക്കൂട്ടത്തില്‍ പെടുന്നു.
സമീപകാലത്ത് നിലവിലുള്ള പൊതു വിദ്യാലയങ്ങളുടെ തകര്‍ച്ചയിലേക്കാണ് പുതിയ ഗവണ്‍മന്റ് തീരുമാനം കൊണ്ടെത്തിക്കുക. ഗവണ്‍മന്റ് നിര്‍ദ്ദേശിച്ച പഞ്ചായത്തുകളിലെ വാര്‍ഡുകളിലാണ് മുസ്ലീം പിന്നോക്കാവസ്ഥ ഏറെയുള്ളതെന്നു കണ്ടെത്തിയതിന് ഒരു പഠനവും നടന്നതായറിയില്ല. അത്തരം വിവരങ്ങള്‍ വിദ്യാഭ്യാസ വകുപ്പില്‍ നിന്നും ലഭ്യവുമല്ല.
ഏതു മത വിഭാഗത്തിന്റെ വിദ്യാഭ്യാസ പിന്നോക്കാവസ്ഥ പരിഹരിക്കാനും അതത് വിഭാഗങ്ങള്‍ക്ക് കച്ചവട വിദ്യാലയങ്ങള്‍ക്കംഗീകാരം നല്‍കുന്ന പ്രവണത ദൂരവ്യാപകമായി തിരിച്ചടികള്‍ക്കിടയാക്കും. ഏതാനും വര്‍ഷങ്ങള്‍ക്ക് മുമ്പ് കേരളത്തിലെ വിദ്യാഭ്യാസമായി പിന്നോക്കം നില്‍ക്കുന്ന 104 വിദ്യാലയങ്ങളില്‍ പഠനം നടത്തി അവിടങ്ങളിലെ കുട്ടികളുടെ സാമൂഹ്യ-സാമ്പത്തിക സാഹചര്യങ്ങളില്‍ കൂടി ഇടപെടുകയും പഠന പരിചരണ സൗകര്യങ്ങള്‍ചിട്ടപ്പെടുത്തിയുമാണ് വമ്പിച്ച മാറ്റങ്ങള്‍ ഈ സര്‍ക്കാര്‍ തന്നെ നമുക്ക് കാട്ടിത്തന്നത്. ഈ കാഴ്ച്ചപ്പാട് വ്യാപിപ്പിച്ച് കേരളത്തിലെ പൊതു വിദ്യാലയങ്ങളുടെ ഭൗതിക സൗകര്യങ്ങളും ഗുണനിലവാരവും മെച്ചപ്പെടുത്തുന്നതില്‍ കൂടുതല്‍ ശ്രദ്ധിക്കുന്നതിന് പകരം ജാതി മത ശക്തികള്‍ക്കും അണ്‍എയിഡഡ് മേഖലക്കും ശക്തി പകരുന്ന തീരുമാനങ്ങളില്‍ സര്‍ക്കാര്‍ എത്തിച്ചേരുന്നത് അപകടകരമാണ്. ഇത്തരം നടപടികള്‍ മതനിരപേക്ഷ ശക്തികളെ ദുര്‍ബ്ബലപ്പെടുത്താനേ സഹായിക്കൂ. അതുകൊണ്ട് ഈ തീരുമാനം ഉടന്‍ പിന്‍വലിക്കണമെന്ന് പരിഷത്ത് കേരള സര്‍ക്കാരിനോട് അഭ്യര്‍ത്ഥിക്കുന്നു.
ഡോ. കാവുമ്പായി ബാലകൃഷ്ണന്‍

പ്രസിഡന്റ്
ടിപി ശ്രീശങ്കര്‍


ജനറല്‍ സെക്രട്ടറി

3 comments:

Xina Crooning said...

What is wrong with the govt in giving permission for unaided schools????? I don't find anything wrong with it. If the govt and aided schools are on the verge of a close down then blame it on the teachers. Parents know very well what is happening to these schools. How many teachers go to school and teach sincerely????? Duty leaves is given to teachers who belong to teachers unions for youth festivals, for all sorts of 'kala melas'and many teachers go for union campaigning and coolly signs for all the days they absented themselves. (Can u deny this fact????) No body dares to question their doings. So it is best that students go to places where they are taught at least how to read and write. Teaching community is scared of being thrown out of employment. So they are against unaided schools. It is like the malayalam saying "Patti pullu thinnukayum illa, pashune thinnan samathikellum illa."

theeravani said...

പൊതുവിദ്യാഭ്യാസത്തിന്റെ ഗുണനിലവാരം ഉയര്‍ത്താനായി ധീരമായ ഒട്ടനവധി കാര്യങ്ങള്‍ നടപ്പിലാക്കിയ ഇടതുപക്ഷ സര്‍ക്കാറിന്റെ സമീപനങ്ങള്‍ക്ക് തീരെ നിരക്കാത്തതായിപ്പോയി un aided വിദ്യാലയങ്ങള്‍ക്കു അംഗീകാരം നല്‍കിയ ഈ നടപടി.മലബാര്‍ മേഖല ,പ്രത്യേകിച്ചു മലപ്പുറം ജില്ല വിദ്യാഭ്യാസ കാര്യത്തില്‍ അത്രയ്ക്കും പിന്നിലോ?ആണെന്ന് സമ്മതിച്ചാല്‍ത്തന്നെ ഇതാണോ അത് പരിഹരിക്കാനുള്ള നടപടി? ഗുണനിലവാരത്തിന്റെ കാര്യത്തില്‍ പൊതുവിദ്യാലയങ്ങള്‍ മോശമാണെന്നും ,മെച്ചപ്പെട്ട നിലവാരം ഉറപ്പുവരുത്താന്‍ un aided വിദ്യാലയങ്ങള്‍ തന്നെ വേണം എന്നും വിളിച്ചു കൂവുന്നവരെ പിന്തുനയ്ക്കുകയല്ലേ ഇതിലൂടെ സര്‍ക്കാര്‍ ചെയ്തത്?പണമുള്ളവര്‍ക്ക് പഠിക്കാനായി പ്രത്യേകം സ്കൂളുകള്‍ തുടങ്ങുന്നതാണോ പുത്തന്‍ സാമൂഹ്യനീതി?ഇന്നത്തെ 'ദേശാഭിമാനി' 'വാര്‍ത്തയില്‍ പറഞ്ഞതാണ് ഏറെ വിചിത്രം,മലപ്പുറത്ത് യു.ഡി.എഫ്.സര്‍ക്കാര്‍ അംഗീകാരം നിഷേധിച്ച സ്കൂളുകള്‍ക്ക് വൈകിക്കിട്ടിയ നീതിയാനത്രേ ഇത്!ഇവിടങ്ങളില്‍ പഠിക്കുന്നത് അനാഥ കുട്ടികള്‍ ആണുപോലും!തികഞ്ഞ ന്യൂനപക്ഷപ്രീണനം ,അല്ലാതെന്തു പറയാന്‍!ഇതിന്റെ പേരില്‍ വോട്ടുനേടി അധികാരത്തില്‍ തിരിച്ചെത്താം എന്ന് ആരെങ്കിലും ഉപദേശിച്ചി രിക്കുമോ ആവോ! എങ്കില്‍ തെറ്റി,കിട്ടുന്ന വോട്ടുകൂടി പോകുകയായിരിക്കും ഫലം...Xina crooning നെ പോലുള്ളവര്‍ക്ക് പലതും വിളിച്ചുപറയാന്‍ ഒരവസരമായി ...എത്ര അധ്യാപകരാണ് കൃത്യമായി സ്കൂളില്‍ പോയി പഠിപ്പിക്കുന്നതെന്ന് ചോദിക്കുന്ന ഇവര്‍ കുറഞ്ഞപക്ഷം 'ചൂണ്ടുവിരലിന്റെ 'പഴയ പാഠങ്ങള്‍ എങ്കിലും മറിച്ചു നോക്കിയിരുന്നുവെങ്കില്‍!പറ്റുമെങ്കില്‍ കേരളത്തിലെ സര്‍ക്കാര്‍വിദ്യാലയങ്ങളിലെല്ലാം ഒരു മിന്നല്‍ പരിശോധനയും ആവാം !ഇവര്‍ ഉന്നയിക്കുന്ന കാലഹരണപ്പെട്ട മറ്റു വാദങ്ങളെ കുറിച്ചു തല്‍ക്കാലം ഒന്നും പറയുന്നില്ല....

kesavan said...

തന്റെ മക്കള് തന്നെക്കാള് വലിയവര യിതീരണം എന്നാ ആഗ്രഹത്തോടെയാണ് പല രക്ഷിതാക്കളും കടമെടുത്തും,കെട്ടുതാലി പണയം വെച്ചും മക്കളെ അണ് ഐടെദ് വിദ്യാലയങ്ങളില് അയക്കുന്നത്.പക്ഷെ അവര് തല വെച്ച് കൊടുക്കുന്നത് സിംഹത്തിന്റെ വായിലാണ് എന്നവര് അറിയുന്നില്ല .സ്റ്റാറ്റസിനു വേണ്ടിയും,പോങ്ങച്ചതിനുവെണ്ടിയുമാണ് ഇതൊക്കെ ചെയ്യുന്നത്.മൂല്യങ്ങളും മനോഭാവങ്ങളും ലഭികുന്നത് എല്ലാവരും പഠിക്കുന്ന പൊതുവിദ്യലയങ്ങളില് നിന്ന് തന്നെ.വയസ്സുകാലത്ത് വെള്ളം തരനെങ്കിലും നമ്മുടെ മക്കള്ക്ക് സന്മാനസ്സുണ്ടാകണമെങ്കില് അവര് സമൂഹത്തില് പഠിക്കണം.