ചൂണ്ടുവിരലിലെ വിഭവങ്ങള്‍

2010 ജൂലൈമുതല്‍ അക്കാദമിക വിഭവങ്ങളുമായി ഈ വിദ്യാഭ്യാസ ബ്ലോഗ് ...പ്രയോജനപ്പെടുത്തുക, പ്രയോഗിക്കുക, പ്രചോദിപ്പിക്കുക, പ്രചരിപ്പിക്കുക.. ചൂണ്ടുവിരലില്‍ പങ്കിട്ട വിഭവമേഖലകള്‍....> 1.അധ്യാപക ശാക്തീകരണം ,2. വായനയുടെ വഴി ഒരുക്കാം, 3.എഴുത്തിന്‍റെ തിളക്കം, 4.വിദ്യാഭാസ ഗുണനിലവാരം- സംവാദം,5. മികവ്, 6.ശിശുസൌഹൃദ വിദ്യാലയം, 7.സര്‍ഗാത്മക വിദ്യാലയം, 8.നിരന്തര വിലയിരുത്തല്‍, 9.ഗണിതപഠനം, 10.വിദ്യാഭ്യാസ അവകാശ നിയമം, 11.ദിനാചരണങ്ങള്‍, 12.പാര്‍ശ്വവത്കരിക്കപ്പെടുന്നവര്‍, 13. രക്ഷിതാക്കളും സ്കൂളും, 14. കളരി, 15. ക്ലാസ് അന്തരീക്ഷം/ക്രമീകരണം, 16.ഇംഗ്ലീഷ് പഠനം, 17.ഒന്നാം ക്ലാസ്, 18. ശാസ്ത്രത്തിന്റെ പാത, 19.ആവിഷ്കാരവും ഭാഷയും, 20. പ്രത്യേക പരിഗണന അര്‍ഹിക്കുന്ന കുട്ടികള്‍, 21. ഐ ടി സാധ്യതകള്‍, 22. പഠനറിപ്പോര്‍ട്ടുകള്‍, 23.പഠനമാധ്യമം 24. ഭൌതികസൌകര്യങ്ങളില്‍ മികവ്, 25.അക്കാദമികസന്ദര്‍ശനം, 26.ഗ്രാഫിക് ഓര്‍ഗനൈസേഴ്സ്, 27.പ്രഥമാധ്യാപകര്‍.,28. ബാല, 29. വളരുന്ന പഠനോപകരണം,30. കുട്ടികളുടെ അവകാശം, 31. പത്രങ്ങള്‍ സ്കൂളില്‍, 32.പാഠ്യപദ്ധതി,33. ഏകീകൃത സിലബസ്, 34.ഡയറ്റ് .35.ബി ആര്‍ സി,36. പരീക്ഷ ,37. പ്രവേശനോത്സവം,38. IEDC, 39.അന്വേഷണാത്മക വിദ്യാലയങ്ങളുടെ ലോകജാലകം, 40. കലാവിദ്യാഭ്യാസം, 41.പഞ്ചായത്ത്‌ വിദ്യാഭ്യാസ സമിതി, 42. പഠനോപകരണം, 43.പാഠ്യപദ്ധതി പരിഷ്കരണം, 44. ചൂണ്ടുവിരല്‍,45. ടി ടി സി, 46.പുതുവര്‍ഷം, 47.പെണ്‍കുട്ടികളുടെ ശാക്തീകരണം, 48. ക്രിയാഗവേഷണം,49. ടീച്ചിംഗ് മാന്വല്‍, 50. പൊതുവിദ്യാഭ്യാസസംരക്ഷണം, 51.ഫീഡ് ബാക്ക്, 52.സ്റ്റാഫ് റൂം, 53. കുട്ടികളുട അവകാശം,54. കൃഷിയും പഠനവും,55. നോട്ട് ബുക്ക് ആകര്‍ഷകവും സമഗ്രവും, 56.പഠനയാത്ര, 57. വിദ്യാബ്ലോഗുകള്‍,58. സാമൂഹികശാസ്ത്രം, 59. സ്കൂള്‍ അസംബ്ലി, 60.സ്കൂള്‍ റിസോഴ്സ് (റിസേര്‍ച്) ഗ്രൂപ്പ് - ,61.പ്രതിഫലനാത്മകക്കുറിപ്പ്, 62. ബദല്‍പാഠങ്ങള്‍, 63.മെന്ററിംഗ്,64. വര്‍ക്ക്ഷീറ്റുകള്‍ ക്ലാസില്‍, 65.വിലയിരുത്തല്‍, 66. സാമൂഹിക ശാസ്ത്രാന്തരീക്ഷം, 67.അനാദായം, 68.എ ഇ ഒ , 69.കായികവിദ്യാഭ്യാസം,70. തിയേേറ്റര്‍ സങ്കേതം പഠനത്തില്‍, 71.നാടകം, 72.നാലാം ക്ലാസ്.73. പാഠാവതരണം, 74. മോണിറ്ററിംഗ്, 75.വിദ്യാഭ്യാസ ചിന്തകള്‍, 76.സഹവാസ ക്യാമ്പ്, 77. സ്കൂള്‍ സപ്പോര്‍ട്ട് ഗ്രൂപ്പ്,78.പ്രദര്‍ശനം,79.പോര്‍ട്ട്‌ ഫോളിയോ...80 വിവിധജില്ലകളിലൂടെ... പൊതുവിദ്യാഭ്യാസത്തിന്റെ കരുത്ത് അറിയാന്‍ ചൂണ്ടുവിരല്‍...tpkala@gmail.com.

Saturday, August 6, 2011

പരിശീലകരും കളരിയും വിമര്‍ശിക്കപ്പെടുന്നു -1

വിദ്യാഭ്യാസ രംഗത്ത് ക്രിയാത്മക ഇടപെടല്‍ നടത്തുന്ന ഒരാള്‍ എന്ന നിലയില്‍ രാമനുണ്ണി മാഷിന്റെ അഭിപ്രായങ്ങള്‍ ചൂണ്ടുവിരല്‍ എന്നും മാനിക്കും. SUJANIKA ബ്ലോഗ്‌ വിദ്യാഭ്യാസമേഖലയിലെ സജീവ സാന്നിദ്ധ്യമാണ്.
അതിലാണ് എസ് എസ് നടത്തിയ കളരി SUJANIKA വിചാരണയ്ക്ക് വിധേയമാക്കുന്നത്. (സ്വയം വിമര്‍ശനാത്മകമായി കാണാനും കൂടുതല്‍ മുന്നോട്ടു പോകാനും സംവാദങ്ങള്‍ സഹായകം..)
അവ കൂടുതല്‍ ചര്‍ച്ച ചെയ്യപ്പെടണം
അതിനായി ചൂണ്ടു വിരല്‍, SUJANIKA പ്രസിദ്ധീകരിച്ച ബ്ലോഗ്‌ വിഭവം ഇവിടെ പ്രകാശിപ്പിക്കുന്നു.(രണ്ടു ലക്കങ്ങളായി അത് കൊടുക്കുകയാണ്.)
ആദ്യം സ്കൂള്‍ അവസ്ഥയും പരിശീലകരെ ക്കുറിച്ചുള്ള കാഴ്ചപ്പാടും അവര്‍ നല്‍കുന്ന അക്കാദമിക പിന്തുണയെ കുറിച്ചുള്ള നിരീക്ഷണവും നോക്കാം.


SUJANIKA ഇങ്ങനെ എഴുതി.( മഞ്ഞ നിറം ചൂണ്ടുവിരല്‍ കൊടുത്തത്.ചര്‍ച്ചയ്ക്കും ശ്രദ്ധയ്ക്കും)

"LP,UP സ്കൂളുകളുടെ പൊതു അവസ്ഥ:

(1)എന്നും .. ഓഫീസില്‍ പോകേണ്ടിവരുന്ന ഹെഡ്മാസ്റ്റര്‍, ലീവുള്ളവര്‍, ഓരോരോ മീറ്റിങ്ങുകളില്‍ പോകേണ്ടിവരുന്നവര്‍
(2) ഓഫീസ് പണികള്‍ക്ക് ക്ലാര്‍ക്ക് എന്ന സംവിധാനം ഇല്ല
(3)പുസ്തകം, യൂണിഫോം, അരി , ഓണം തുടങ്ങിയ വിശേഷദിവസങ്ങളിലെ അരി, വൃക്ഷത്തയ്യ്,റോഡ് സുരക്ഷ , മയക്കുമരുന്നിനെതിരെ, മന്തുനിവാരണം, വായനാവാരം, ………. ആപ്പീസര്‍മാരുടെ വിസിറ്റുകള്‍- തയ്യാറാക്കേണ്ട നിരവധി രേഖകള്‍, റിക്കാഡുകള്‍
.
..
ഇങ്ങനെ ആളുകള്‍ ശ്വാസം മുട്ടിക്കിടക്കുന്ന ഒരന്തരീക്ഷത്തിലേക്കാണ് കളരിക്കാരുടെ വരവ്. വരുന്നവരോ? അവരില്‍ ചിലരെങ്കിലും
3. പരിശോധകര്‍ / സഹായികള്‍
(1) .. / ഡി.. മുതലായവരുടെ നിര്‍ബന്ധം കൊണ്ട് കളരിക്കാരായവര്‍
(2) വിവിധ സംഘടനകളുടെ നോമിനിമാര്‍
(3) ക്ലാസിലെ ടീച്ചര്‍ക്ക് നേരിട്ടറിയാവുന്നവര്‍
(4) അവരേക്കാള്‍ സര്‍വീസ് കുറഞ്ഞവര്‍ (അതൊരു ഈഗോ പ്രശ്നം!)
(5) മുങ്കാലങ്ങളില്‍ നേരാംവണ്ണം ക്ലസ്റ്ററുകളിലും മീറ്റിങ്ങുകളിലും പങ്കെടുക്കാത്തവര്‍
(6) പരിശോധകന്മാരെപ്പോലെ പെരുമാറുന്നവര്‍ / അതിവിനയം കാണിക്കുന്നവര്‍ (ടീച്ചറേ, ഞാന്‍ ഇവരൊക്കെ നിര്‍ബന്ധിച്ച് വന്നതാടീച്ചര്‍ എടുത്തോളൂഞാന്‍ കുറച്ചു നേരം ഇവിടെ ഇരിക്കാംറിപ്പോര്‍ട്ട് കൊടുക്കണം. അതാ. )
(7) ക്ലാസ്രൂം / സ്കൂള്‍ യാഥാര്‍ഥ്യം പരിഗണിക്കാതെയുള്ള മൊഡ്യൂളുകള്‍ പ്രവര്‍ത്തിപ്പിക്കാന്‍ മാത്രം ബാധ്യതപ്പെട്ടവര്‍
(8) കുട്ടികളുടെ പക്കല്‍ നിന്ന്നല്ല മാഷെന്ന സര്‍ട്ടിഫിക്കറ്റ് ഇതുവരെ ലഭിക്കാത്തവര്‍
(9) സമൂഹത്തില്‍നല്ല മാഷെന്ന ബഹുമതി നേടാത്തവര്‍
(10) സ്കൂളും ക്ലാസും ഒക്കെ ആരംഭിച്ച് കാര്യങ്ങള്‍ തുടങ്ങിക്കഴിഞ്ഞ് 11.30 നും 3.30 നും മറ്റു കേന്ദ്രങ്ങളില്‍ നിന്ന് ഓടിക്കിതച്ച് മാത്രം എത്തുന്നവര്‍- കാര്യങ്ങള്‍ തീരും മുന്‍പ് പോകാന്‍ തിരക്കുള്ളവര്‍- വീട്ടില്‍ വെച്ച് റിപ്പോര്‍ട്ട് തയ്യാറാക്കുന്നവര്‍
(11) തനിക്ക് ചുമതലപ്പെട്ട തന്റെ സ്കൂളിലെ/ ക്ലാസിലെ കാര്യങ്ങള്‍ നന്നായി നോക്കാന്‍ പ്രയോജനപ്പെടുത്തേണ്ട സമയം മുഴുവന്‍ ഇങ്ങനെ പരിശോധനക്കും/ സഹായത്തിനും നടക്കേണ്ടിവരുന്നല്ലോ എന്ന ദുഖമുള്ളവര്‍
(12) താന്‍ സ്കൂളില്‍ നിന്നും പോന്നാല്‍ അവിടത്തെ കുട്ടികളെ നോക്കാനാരുണ്ട് / രക്ഷിതാക്കളോടെന്തു പറയും / പാഠം ഒന്നും ആയിട്ടില്ലല്ലോ എന്നൊക്കെ വ്യാകുലപ്പെടുന്നവര്‍ (രക്ഷിതാക്കളോട് AEO, DEO എന്നൊക്കെ പറഞ്ഞിട്ട് ഒരു കാര്യവുമില്ല. അവര്‍ക്ക് അവരുടെ കുട്ടിയെ പഠിപ്പിക്കാന്‍ ആളെ കിട്ടണം. അല്ലെങ്കില്‍ അതിനു സൌകര്യമുള്ള വേറെ സ്കൂളവര്‍ നോക്കും. ഒരാളും ഇത്തരം പണികള്‍ക്കൊന്നും പോകാത്ത സര്‍ക്കാര്‍/ എയ്ഡഡ് സ്കൂളുകള്‍ അടുത്തുതന്നെ ഉണ്ടല്ലോ)
(13) നടത്തത്തിനൊക്കെ പകരം ഇനി എത്ര ശനി-ഞായര്‍ ക്ലാസുവേണ്ടിവരും എന്നു കണക്ക് കൂട്ടുന്നവര്‍

4. ഇനി വന്നാലോ

ഇനി ഇതൊക്കെ സാരമില്ല എന്നു കരുതി വരുന്നവരില്‍ നിന്ന് വല്ലതും പ്രതീക്ഷിച്ചാലോ:
(1) ദിവസങ്ങളോളം വിദഗ്ദ്ധര്‍ ശ്രമിച്ച് തയ്യാറാക്കിയദിവസങ്ങളോളം പരിശീലനം ലഭിച്ച മൊഡ്യൂള്‍ ഒരു പീസ് കുട്ടികളുടെ മുന്‍പില്‍ അവതരിപ്പിക്കും. പുതിയൊരു മാഷെ കിട്ടിയ സന്തോഷത്തില്‍ കുട്ടികള്‍ കയ്യടിക്കും.
(2) മിക്കപ്പോഴും മൊഡ്യൂള്‍ സാധാരണക്കാരായ അധ്യാപകര്‍ കേട്ടു-പഠിച്ചു-പരിചയമില്ലാത്ത ഒരു പുതിയ വിദ്യാഭ്യാസചിന്തയുടെ ചരുവത്തില്‍ വാര്‍ത്തെടുത്തതാവും. പുതുമ കുട്ടിയേയും അധ്യാപകനേയും അന്ധാളിപ്പിക്കും.
(3) ഒരു പ്രത്യേക യൂണിറ്റ്/ പാഠഭാഗം അതിഗംഭീരമായി ചെയ്തുകാണിക്കും. അതിനുവേണ്ടി ചെലവാക്കിയ മനുഷ്യാധ്വാനവും പണച്ചെലവും രഹസ്യമായിരിക്കും. പാവം നമ്മുടെ മാഷ് ഇതിന്റെ മുന്‍പില്‍ - കുട്ടികളുടെ മുന്‍പില്‍ മാനം കെട്ടു പോകും!
(4) പിന്നെ ചര്‍ച്ച-പരിഹാര നിര്‍ദ്ദേശങ്ങള്‍: അതൊക്കെയും സ്കൂള്‍ സാഹചര്യം അതിന്റെ സജീവതയില്‍ മനസ്സിലാക്കാന്‍ ശ്രമിക്കാത്ത വിദഗ്ദ്ധരുടെ പരിഹാരക്കുറിപ്പുകള്‍.
ടീച്ചര്‍മാര്‍ ഇനിയും ഉഷാറാവണം/ PTA ഉഷാറാവണം/ ഗ്രാമപഞ്ചായത്തിനെക്കൊണ്ട് ചെയ്യിക്കണം/ AEO ട് പറയണം/.അതിന്റെ തീരുമാനം സര്‍ക്കാര്‍ പരിഗണനയിലുണ്ട്..ഉടന്‍ ഉത്തരവ് വരും/ പ്പോ ശരിയാക്കാം/ കഴിഞ്ഞ ക്ലസ്റ്ററില്‍ ഇക്കാര്യം പറഞ്ഞതല്ലേ? നിങ്ങള്‍ ചെയ്യാതിരുന്നതിന്ന് ആരാ കുറ്റക്കാര്‍/ അടുത്തുതന്നെ ഒരു ഇംഗ്ലീഷ് മീഡിയം ഇപ്പോ വരും- അപ്പോ നിങ്ങള്‍ കുടുങ്ങും/
ഇങ്ങനെ സാമദാനഭേദദണ്ഡങ്ങള്‍
പക്ഷെ, കാര്യത്തോടടുക്കുമ്പോള്‍ദണ്ഡംഉണ്ടാവില്ല. (ക്ലസ്റ്ററില്‍ പങ്കെടുക്കാതിരുന്ന ഒരാളേയും ഇന്നുവരെ ഒന്നും ചെയ്തിട്ടില്ല.ക്ലസ്റ്ററില്‍ പങ്കെടുത്തിട്ടും അവിടെനിന്ന് കിട്ട്യതൊന്നും നടപ്പാക്കത്ത ആളേയും ഒന്നും ചെയ്തിട്ടില്ല. ക്ലസ്റ്ററില്‍ പൂര്‍ണ്ണസമയവും നിര്‍ജ്ജീവമായി ഇരുന്നവരും നല്ല സുഹൃത്തുക്കള്‍’)
ഇനി അടുത്തകൊല്ലം കാണാം! മീറ്റിങ്ങ് ശുഭം.
  • പിന്നെ വഴിക്ക് വെച്ച് കണ്ടാല്‍ പോലും കളരിക്കാരന്‍സ്കൂളിന്റെ- ക്ലാസിന്റെ കാര്യം ചോദിക്കില്ല. (അതു മൊഡ്യൂളിലില്ലല്ലോ)"
    -----------------------------------------------------------
    ചൂണ്ടുവിരലിന്റെ പ്രതികരണങ്ങള്‍ ചുവടെ
    ---------------------------------------------------


    . സ്കൂളിന്റെ അവസ്ഥ

ഞാന്‍ പല നല്ല സ്കൂളുകളിലും പോയിട്ടുണ്ട്
അവിടെ കണ്ടത്
  • ഓരോ മാസവും പ്രവര്‍ത്തന കലണ്ടര്‍ തയ്യാറാക്കും
  • പ്രതിവാര ആസൂത്രണം നടത്തും
  • വിവിധ ചുമതലകള്‍ അധ്യാപകര്‍ ഏറ്റെടുക്കും
  • പത്തു മണി മുതല്‍ -ക്ലാസ് സമയം -അവരവരുടെ ക്ലാസില്‍ ഉണ്ടാകും
  • ക്ലാസില്‍ പഠിപ്പിക്കുന്നത് ആസ്വാദ്യകരം എന്ന് കരുതും
  • അധ്യാപനകുറിപ്പുകള്‍ എച് എം മുമ്പാകെ സമര്‍പ്പിക്കും
  • പഠനോപകരണങ്ങള്‍ നിര്‍മിക്കാനുള്ള പണം ഫലപ്രദമായി വിനിയോഗിക്കാന്‍ ശ്രമിക്കും
  • ക്ലാസില്‍ അനുഭവപ്പെട്ട പ്രശ്നങ്ങള്‍ സഹാധ്യാപകരുമായി ചര്‍ച്ച ചെയ്യും
  • അസംബ്ലിയില്‍ പങ്കെടുക്കും
  • എന്നും ഓഫീസില്‍ എന്ന് പറഞ്ഞു മുങ്ങുന്ന എച് എം മാരെ അവജ്ഞയോടെ നോക്കികാണും
  • ക്ലാസ് പി ടി എ കഴിവതും മാസത്തില്‍ ഒരിക്കല്‍ വിളിക്കാന്‍ ശ്രമിക്കും
  • ഹെല്പ് ഡസ്ക് പോലുള്ള പരിപാടികള്‍ ഏറ്റെടുക്കും
  • ദിനാചരണങ്ങള്‍ പഠനാനുഭവം ആയി കാണും
  • കുട്ടികളുടെ ഉല്‍പ്പന്നങ്ങള്‍ പ്രദര്‍ശിപ്പിക്കും
  • നിരന്തര വിലയിരുത്തല്‍ തന്നെ കൊണ്ട് ആവുന്ന വിധം നന്നായി ചെയ്യാന്‍ പരിശ്രമിക്കും
  • ക്ലസ്ടരില്‍ കിട്ടിയ ആശയങ്ങള്‍ പ്രയോഗിച്ചു നോക്കും.
  • സ്കൂളില്‍ ഒരു അക്കാദമിക കൂട്ടായ്മ വളര്‍ത്തിക്കൊണ്ടു വരും.
ഇതിനു അപവാദങ്ങള്‍ ഉണ്ടാകാം.എങ്കിലും ചുമതല നിറവേറ്റുന്ന അധ്യാപകരെ കാണാതെ ശ്വാസം മുട്ടുന്ന അധ്യാപകരെ മാത്രം കാണുന്ന സമീപനം പരിശോധിക്കപ്പെടണം.


. ആരാണ് പരിശീലക ?
മാഷ്‌ എഴുതുമ്പോള്‍ എസ് എസ് എ സംവിധാനം ഹൈസ്കൂള്‍ രീതിയില്‍ അല്ല ഓ എസ് എസ് നടത്തുന്നത് എന്നറിയണം ആയിരുന്നു
ഹൈസ്കൂളില്‍ സ്ഥിരം ടീം ഇല്ല.അവര്‍ ക്ലാസില്‍ പഠിപ്പിക്കുകയും ഓ എസ് എസ് നടത്തുകയും വേണം
എസ് എസ് എ യില്‍ ബി ആര്‍ സി ട്രെയിനര്‍മാര്‍ ഫുള്‍ ടൈം ചുമതലക്കാരാന്.അവര്‍ക്ക് സ്വന്തം സ്കൂളിലെ കുട്ടികളെ ഓര്‍ത്തു വെവലാതിവേണ്ട .ഡപ്പ്യൂട്ടെഷനില്‍ ആണ്.അവര്‍ക്ക് പകരം സ്കൂളില്‍ ആളെ നിയോഗിച്ചിട്ടുണ്ട്.
എന്താണ് ഇവരുടെ ജോലി?
  • പരിശീലനം സംഘടിപ്പിക്കുക.അതിന്റെ മുന്നൊരുക്കം നടത്തുക,
  • അക്കാദമിക പിന്തുണ നല്‍കുക,,അക്കാദമിക അന്വേഷണങ്ങളില്‍ ഏര്‍പ്പെടുക,
  • ശാരീരികമായും മാനസികമായും വെല്ലുവിളി നേരിടുന്ന കുട്ടികള്‍ക്കുള്ള അനുരൂപീകരണ പ്രവര്‍ത്തനങ്ങള്‍ സംഘടിപ്പിക്കുക,
  •   പെണ്‍ കുട്ടികളുടെ ശാക്തീകരനത്തിനുള്ള പ്രവര്‍ത്തനങ്ങള്‍ നടപ്പിലാക്കുന്നതിനു നേതൃത്വം നല്‍കുക, 
  • പിന്നോക്ക വിഭാഗങ്ങളിലെ കുട്ടികളുടെ പഠനനേട്ടം ലക്ഷ്യമാക്കി പഠനവീട് പോലെയുള്ള പരിപാടികള്‍ നടപ്പിലാക്കുക.
  • മൂല്യനിര്‍ണയം നടത്തുന്നതിനുള്ള ടൂളുകള്‍ വികസിപ്പിക്കുക,
  • പഞ്ചായത്ത് വിദ്യാഭ്യാസ സമതികളെ എസ് എസ് ഇ പ്രവര്‍ത്തനങ്ങളില്‍ ബന്ധിപ്പിക്കുക, 
  • സ്കൂള്‍ ഗ്രാന്റ്,ടീച്ചര്‍ ഗ്രാന്റ് തുടങ്ങിയവ ഫലപ്രദമായി വിനിയോഗിക്കാന്‍ സഹായിക്കുക.
  • ക്ലസ്റര്‍ റിസോഴ്സ് സെന്റര്‍ തലത്തില്‍ അക്കാദമിക പ്രവര്‍ത്തനങ്ങള്‍ -ശില്പശാലകള്‍.സെമിനാറുകള്‍,ബോധവത്കരണ ക്ലാസുകള്‍ -സംഘടിപ്പിക്കുക,
  • രക്ഷാകര്‍തൃ ശാക്തീകരനത്തിനുള്ള ആസൂത്രിത പരിപാടികള്‍ നടപ്പിലാക്കുക, 
  • അങ്കണവാടി പ്രവര്‍ത്തകര്‍ക്ക് പരിശീലനം നല്‍കുക.
  • ഇതിനു പുറമേ സര്‍ക്കാര്‍ ചുമതലപ്പെടുത്തുന്ന മറ്റു പരിപാടികളും.(ചൈല്‍ഡ് സെന്‍സസ്,പുസ്തകവിതരണം,എന്റെമരം,സഹവാസ ക്യാമ്പുകള്‍,)
ഇത്രയും വൈവിധ്യമുള്ള പ്രവര്‍ത്തനങ്ങള്‍ ചെയ്യുന്ന ബി ആര്‍ സി ട്രെയിനര്‍മാരെ കുറിച്ച് നല്ല വാക്ക് വേണ്ട.പക്ഷെ അധിക്ഷേപിക്കരുതായിരുന്നു.
ഏതു  മേഖലയില്‍ ആണ് അപവാദങ്ങള്‍ ഇല്ലാത്തത്. മുന്‍ മന്ത്രിമാര്‍ ജയിലില്‍ കിടക്കുന്നു എന്നത് കൊണ്ട് എല്ലാ രാഷ്ട്രീയക്കാരും കള്ളന്മാര്‍ എന്ന് പറയും പോലെ ആയിപ്പോയി SUJANIKAയുടെ സമീപനം.
ഓര്‍ക്കുക കഴിഞ്ഞ രണ്ടു വര്‍ഷങ്ങളിലെ അവധിക്കാല പരിശീലന മോഡ്യൂള്‍ തയ്യാറാക്കിയത് ബി ആര്‍ സി ട്രൈനര്മാരാന്.കെട്ടി ഇറക്കിയ വിദഗ്ദ്ധരല്ല. പഴിവര്ത്തമാനത്തിനു ഈ രണ്ടു വര്‍ഷങ്ങളിലും ഇട കൊടുത്തതുമില്ല.




നിര്‍ബന്ധിച്ചു നിയോഗിക്കപ്പെട്ടവര്‍ ,സംഘടനകളുടെ നോമിനികള്‍, ഇവ ദുരന്തങ്ങള്‍ ആണെങ്കില്‍ പ്രൈമറി വിഭാഗത്തില്‍ അങ്ങനെ ഇല്ല. ആളെ കിട്ടാതെ ബുദ്ധിമുട്ടുകയാണ്.
നിരീക്ഷണങ്ങള്‍ ഏകപക്ഷീയം ആയിപ്പോയില്ലേ ? നന്മയുടെ ഒരു വാക്ക് പോലും ഇവര്‍ക്ക് വേണ്ടി SUJANIKAയില്‍ ഉണ്ടായില്ലല്ലോ


. പിന്നെ ചെന്നാലോ
കളരി ഒരു ചുവടുമാറ്റം ആണ്

  • അധ്യാപികയുടെ ഒപ്പം ട്രെയിനര്‍ നില്‍ക്കുന്നു.
  • കൂട്ടായി പ്ലാന്‍ ചെയ്യുന്നു
  • ആദ്യം ട്രെയിനര്‍ ക്ലാസ് എടുക്കുന്നു- ഒരാഴ്ച
  • അടുത്ത ആഴ്ച അധ്യാപിക ക്ലാസ് എടുക്കുന്നു
  • രണ്ടു പേരും കൂടി അനുഭവങ്ങള്‍ സ്കൂളില്‍ പങ്കിടുന്നു .
  • രക്ഷിതാക്കളെ വിളിച്ചു ബോധ്യപ്പെടുത്തുന്നു
  • സെമിനാറില്‍ അവതരിപ്പിക്കുന്നു.ഇവിടെ എന്താണ് അന്ധാളിപ്പ്.ആഹ്ലാദം അല്ലെ ഉണ്ടാകേണ്ടത്
സ്കൂള്‍ സാഹചര്യം അതിന്റെ സജീവതയില്‍ അനുഭവിച്ചു കൊണ്ട് ആ സ്കൂളിലെ ഒരാളായി മാറി നടത്തുന്ന പ്രക്രിയ .
അതല്ലേ മാഷ്‌ ആഗ്രഹിക്കുന്നത് (
SUJANIKAയും )
ഒരു തളപ്പ് തെങ്ങിനും കമുകിനും എന്ന സമീപനം ഉപേക്ഷിക്കലിനെ സ്വാഗതം ചെയ്യേണ്ടേ.

എല്ലായിടത്തും 100% ഇങ്ങനെ നടന്നു എന്ന് അവകാശം ഇല്ല.
ഒരിടത്തും ഇങ്ങനെ നടന്നില്ല എന്ന് പറഞ്ഞാല്‍  അതൊട്ട്‌  സമ്മതിച്ചു  തരികയുമില്ല. തരികയുമില്ല

ഒട്ടു മിക്കയിടത്തും തൃപ്തികരമായ രീതിയില്‍ നടന്നു എങ്കില്‍ തള്ളിക്കളയാണോ?

8 comments:

bindu v.s said...

സുജനിക പോസ്റ്റ്‌ വീണ്ടു വിചാരമില്ലാത്ത ഒന്നായിപ്പോയി.ഇപ്പോള്‍ അക്കാദമിക രംഗത്ത് നടക്കുന്ന തുടര്‍ ചലനങ്ങള്‍ സ്ഥിര പ്രതിഷ്ഠ കളെ കട പുഴക്കി എറിയാന്‍ പോന്നവയാണ് . കളരി മികച്ച അനുഭവം ,അത് രണ്ടു സന്തോഷങ്ങള്‍ തന്നു .൧. ഒരു വിദ്യാലയത്തിന്റെ ആകെ പ്രവര്‍ത്തനങ്ങളില്‍ അധ്യാപകരോടൊപ്പം സഹായിയായി കൂടാന്‍ കഴിഞ്ഞു .൨.എന്നിലുള്ള അധ്യാപിക യ്ക്ക് ആ ചുമതല ഏറ്റവും ഭംഗിയായി ക്ലാസ് മുറിയില്‍ നിറവേറ്റാന്‍ കഴിഞ്ഞു .അന്വേഷണങ്ങളിലൂടെ മുന്നോട്ടു നീങ്ങിയ അധ്യാപനം .ഇപ്പോള്‍ cluster അഭിമുഖീകരിക്കാന്‍ ഏറെ സന്തോഷം ,ക്ലാസ് റൂം അനുഭവങ്ങള്‍ നല്‍കിയ ആഹ്ലാദവും പരിശീ ലന വേളയില്‍ പറഞ്ഞ കാര്യങ്ങള്‍ നടപ്പാക്കിയതിന്‍ വെളിച്ചവും. തീര്‍ച്ചയായും ചില മേഖലകളില്‍ തെളിച്ചം വേണ്ടതുമുണ്ട് .deputation സമയം കഴിഞ്ഞാല്‍ തിരികെ സ്കൂളില്‍ പോയി ജോലി ചെയ്യാന്‍ കരളുറപ്പ് ഉള്ളവരുടെ എണ്ണം ആണ് കൂടുതല്‍ .ഉഴപ്പി നടക്കാന്‍ ഇഷ്ടപ്പെടുന്നവര്‍ വര്‍ഗ ശ ത്രുക്കള്‍ അല്ലെ ?കളരി വേണമെന്ന് ആവശ്യ പ്പെടുന്ന വിദ്യാലയങ്ങളുടെ എണ്ണം കൂടുന്നുണ്ട് . ഒരു ക്ലാസിലെ മുഴുവന്‍ കുട്ടികളും വായിക്കുകയും എഴുതുകയും ചിന്തിക്കുകയും പറയുകയും ചെയ്യുന്ന അവസ്ഥ കണ്ടു മനസ്സ് നിറഞ്ഞു പടിയിറങ്ങുന്ന ഒരു ട്രെയിനര്‍ അക്കാദമിക രംഗത്തെ അഭിമാനമാണ് .കളരി ..അനുഭവങ്ങള്‍ പങ്കു വച്ചത് സുജനിക ശ്രദ്ധി ക്കണമായിരുന്നു .സുഹൃത്തുക്കള്‍ എത്ര വൈവിധ്യ മാര്‍ന്ന കാഴ്ചകള്‍ ആണ് വരച്ചിട്ടത്. കളരിയോടൊപ്പം .സൈദ്ധാന്തിക അന്വേഷണങ്ങള്‍ നടത്തും. കാരണം പരിശീ ലകര്‍ ഒരു പടി മുന്നില്‍ നില്‍ക്കേണ്ടതുണ്ട് . അതൊരു തെറ്റാണോ ?ഒരു നൂറു ചുമതലകള്‍ വിദ്യാലയവുമായി ഒത്തുചേര്‍ന്നു നടപ്പാക്കാനുണ്ട് .അധ്യാപകര്‍ കാര്യങ്ങള്‍ അന്വേഷിക്കുകയും നടപ്പാക്കല്‍ ഒന്നിച്ചു ഏറ്റെടുക്കുകയും ചെയ്യുന്നു . .ട്രെയിനര്‍ ചെല്ലുന്നത് ആരുടെ മേലും അധികാര പ്രയോഗം നടത്താനല്ലല്ലോ.
മികച്ച സാമൂഹിക ബന്ധം ഉറപ്പിക്കാനും കഴിഞ്ഞു . സുജനിക അധിക്ഷേപിക്കുകയല്ല മറിച്ച് നമുക്കായി ഒരു വെല്ലുവിളി ഉയര്‍ത്തിയിരിക്കുന്നു എന്നാണു കരുതാനാവുക .പേര് പറഞ്ഞു കളരി അനുഭവങ്ങള്‍ പങ്കു വയ്ക്കാന്‍ ഓരോ ട്രെയിനറും മുന്നോട്ടു വരട്ടെ ആ വിദ്യാലയങ്ങളില്‍ .മാഷ്‌ നേരിട്ട് അന്വേഷിക്കട്ടെ .ഞാന്‍ കളരി ചെയ്ത മൂന്നു വിദ്യാലയങ്ങളുടെ പേരുകള്‍ താഴെ ചേര്‍ക്കുന്നു .........1.g.l.p.s perumaathura .-2010-11
2.glps .perumala =============2011-12
3. glps koonthalloor ---------------2011-12

S.V.Ramanunni said...

എന്നും രാവിലെ ആദ്യം നോക്കുന്ന സൈറ്റുകളിൽ ഒന്നാണ് ‘ചൂണ്ടുവിരൽ’. ഇന്ന് വളരെ സന്തോഷം തോന്നി. എന്റെ ഒരു പോസ്റ്റ് ഇത്ര വിശദമായ ഒരു ചർച്ചക്ക് എടുത്തല്ലോ.
എന്റെ സമീപനത്തിലെ പോരായ്മകൾ തിരുത്താൻ ഒരുക്കമാണ്. അതിനു മുൻപ് പ്രതികരണങ്ങൾ ഒക്കെ വരട്ടെ. ബിന്ദു ടീച്ചർ പറയുന്നതുപോലെ എത്രാൾ കാണും?
കലാധരൻ മാഷിന്റെ അനുഭവങ്ങളൊന്നും ഞാൻ ഒരിക്കലും നിഷേധിക്കില്ല. പക്ഷെ, എന്റെ അനുഭവങ്ങളിൽ നിന്നുള്ള രോഷം നിസാരവുമല്ല എന്ന്ഭ്യർഥനകൂടെ.....

S.V.Ramanunni said...

എന്റെ പോസ്റ്റ് ലിങ്ക് ഇതല്ലേ മാഷ് ഉദ്ദേശിച്ചത്: http://sujanika.blogspot.com/2011/07/blog-post.html

കലാധരന്‍.ടി.പി. said...

മാഷ്‌
സുജനിക ബ്ലോഗിലെക്കാണ് ലിങ്ക് കൊടുത്തത് നിര്‍ദ്ദിഷ്ട പോസ്ടിലെക്കല്ല
പ്രതികരണങ്ങള്‍ ,
ചര്‍ച്ച ഒക്കെ നടക്കട്ടെ

കലാധരന്‍.ടി.പി. said...

മനോജ്കുമാര്‍ പെരിന്തല്‍മണ്ണ has left a new comment ":

വിമര്‍ശിക്കുക എന്നതുകോണ്ട് തേജോവധം ചെയ്യലല്ല അര്‍ഥമാക്കുന്നത്.ബി.ആര്‍.സി. പരിശീലകരെല്ലാം ഒന്നിനും കൊള്ളാത്തവരാണെന്ന ധാരണ 'സുജനിക'ക്കെങ്ങനെയാണുണ്ടായത്? 'എന്റെ അനുഭവങ്ങളിൽ നിന്നുള്ള രോഷം നിസാരവുമല്ല' എന്ന് പറയുമ്പോള്‍ സ്വന്തം അനുഭവങ്ങളെ സാമാന്യവത്കരിക്കലായിപ്പോകുന്നു. 'സുജനിക'യുടെ രീതിക്ക് ഇത് ഒട്ടും ചേരുന്നില്ല. കാര്യങ്ങളെ സമഗ്രമായി നിരീക്ഷിച്ച് വിശകലന്ത്മകമായി അവതരിപ്പിക്കാന്‍ 'സുജനിക' ശ്രമിക്കാറുണ്ട്. താങ്കളറിയുക, താങ്കളെ കാണുകയും കേള്‍ക്കുകയും ചെയ്യുന്നവര്‍ തങ്കളുടെ അനുഭവ പരിസരത്തു നില്ക്കുന്നവര്‍ മാത്രമല്ല.


'കളരി' കേരള വിദ്യാഭ്യാസത്തെ ആകമാനം ഇളക്കിമറിച്ചു എന്നൊന്നും ഞങ്ങള്‍ അവകാശപ്പെടുന്നില്ല. പക്ഷെ പ്രത്യാശാജനകമായ ചില ചലനങ്ങള്‍ സൃഷ്ടിക്കാന്‍ ഇതിനായിട്ടുണ്ട്. ഇത് ഏതെങ്കിലും ബി.ആര്‍.സി. പരിശീലക സ്വന്തം നേട്ടമായി ചിത്രീകരിക്കില്ല, മറിച്ച് 'കളരി' വിദ്യാലയങ്ങളിലെ അധ്യാപകരും പരിശീലകരും ഒരേമനസ്സോടെ ഒത്തുചേര്‍ന്നു പ്രവര്‍ത്തിച്ചതുകൊണ്ടാണ് എന്നേ അവകാശപ്പെടൂ. ഇതിനെ കുറച്ചു കാണരുത് സര്‍!

സര്‍ഗാത്മകവും ക്രിയാത്മകവുമായി വിദ്യാഭ്യാസ പ്രവര്‍ത്തനങ്ങള്‍ ആസൂത്രണം ചെയ്യുവാനും നടപ്പിലാക്കുവാനും പ്രാപ്തിയുള്ളവരാണ് ഭൂരിപക്ഷം ബി.ആര്‍.സി. പരിശീലകരും. ഇതിന് അപവാദമുണ്ടാകാം. അത് എല്ലാമേഖലയിലും കാണും. ഇന്ന് സ്കൂളില്‍ പഠിപ്പിക്കുന്ന മുഴുവന്‍ അധ്യാപകരും ഇതിനായി ജീവിതം സമര്‍പ്പിച്ചവരാണെന്നു പറയാനാകുമോ? അധ്യാപനത്തെ ഗവേഷണാത്മകമായി കാണാത്തവര്‍, സ്വന്തം മേഖലയില്‍ കൂടുതല്‍ പഠനത്തിന് തയ്യാറാകാത്തവര്‍... അങ്ങനെ കുറെ പേരില്ലേ? എന്നുവച്ച് കേരളത്തിലെ മുഴുവന്‍ അധ്യാപകരും ഒന്നിനും കൊള്ളാത്തവരാണെന്നു പറയാനാകുമോ? അതുകൊണ്ട് സാമാന്യ വത്കരണം ഇക്കര്യത്തില്‍ വേണ്ട.

ഈ വിഷയം ചര്‍ച്ചക്കെടുത്ത 'ചൂണ്ടുവിരലിന്' അഭിവാദനങ്ങള്‍

കലാധരന്‍.ടി.പി. said...

theeravani has left a new comment 1":

ഉഴപ്പി നടക്കുന്ന ട്രെയിനര്‍ മാരെയായിരിക്കും രാമനുണ്ണിമാഷ്‌ കൂടുതല്‍ കണ്ടിട്ടുനടാവുക..അവര്‍ കളരിയില്‍ ചെല്ലാന്‍ മടിക്കും,ചെന്നാല്‍ ത്തന്നെ സിദ്ധാന്തങ്ങള്‍ പറഞ്ഞു തടി തപ്പാന്‍ നോക്കും,പിള്ളേരുടെ മുന്നില്‍ നിന്ന് പഠിപ്പിക്കാന്‍ നോക്കിയാല്‍ വിയര്‍ക്കും,അധ്യാപികമാരെ കളരിക്ക് പുറത്താക്കും...ഒക്കെ ശരി തന്നെ,കാരണം സ്കൂളില്‍ പോയി പഠിപ്പി ക്കാനുള്ള മടി കൊണ്ടാണല്ലോ ഇത്തരക്കാര്‍ ട്രെയിനര്‍മാരായതും,നേരെ ചൊവ്വേ പഠിപ്പിക്കുന്ന മാഷ മ്മാരോടു സിദ്ധാന്തങ്ങള്‍ വിളമ്പി സ്വയം അപഹാസ്യരായി മാറിയതും!ബിന്ദു പറഞ്ഞത് പോലെ ഇവര്‍ 'വര്‍ഗ ശത്രുക്കള്‍' തന്നെ...എല്ലാവരും അവരെ പ്പോലെ യാണെന്ന് മാഷ്‌ കരുതിയോ?
നല്ല തയ്യാറെടുപ്പോടെ,കച്ച മുറുക്കി വാളുംപരിചയുമായി കളരിയിലേക്കു പോയ ഒരു ചേകോനും ഈ അങ്കത്തില്‍ തോറ്റി ട്ടില്ല!അവരെ തോല്‍പ്പിക്കാന്‍ ഒരു ചന്തുവിനും ആവില്ല മാഷേ....
പിന്നെ സുജനിക ചൂണ്ടിക്കാട്ടിയപോലെ എല്‍.പി.സ്കൂളിലെ പ്രധാനാധ്യാപകരുടെ കാര്യം കഷ്ടമാണേ.....ഒപ്പം മാഷിനു ചാര്‍ജുള്ള ക്ലാസ്സിലെ കുട്ടികളുടെയും..മറ്റു കുട്ടികളെ പ്പോലെ അധ്യാപകന്റെ പൂര്‍ണ്ണ സമയ സേവനം ലഭിക്കാന്‍ ഈ കുട്ടികള്‍ക്കും അവകാശ മില്ലേ?കുട്ടികളെ പഠിപ്പിക്കുന്ന തോടൊപ്പം സ്കൂളിലെ 'അകം' പണിയും,'പുറം പോക്കും' കൂടിയാകുമ്പോള്‍ പാവം പ്രധാനാധ്യാപകന്‍ തന്റെ ക്ലാസ്സിലെ കുട്ടികളോട് എങ്ങനെ നീതി കാണിക്കും?ഇതൊക്കെയല്ലേ ഗൌരവമായി ചര്‍ച്ച ചെയ്യേണ്ട വിഷയങ്ങള്‍?

S.V.Ramanunni said...

സർക്കാർ ‘സേവനത്തിനുള്ള അവകാശം‘ നിയമമാക്കാൻ പോകുന്നു എന്നു കേൾക്കുന്നു....ചിലപ്പോൾ കുട്ടിക്ക് ഗുണം ചെയ്യും!
സർക്കാർ, വകുപ്പ്സംവിധാനങ്ങൾ നന്നായി ആലോചിച്ച് തയ്യാറാക്കുന്നപരിപാടികൾ, അതിലൂടെയൊക്കെ സംസ്ഥാനത്തെ എല്ലാ കുട്ടിക്കും ലഭിക്കേണ്ട പഠനാനുഭവങ്ങൾ ഏതെങ്കിലും ചില സ്കൂളുകളിൽ മാതൃകാപരമായി, അതീവജാഗ്രതയോടെ ലഭിക്കുന്നുണ്ട് എന്നൊക്കെ നമുക്കറിയാം. എന്നാൽ ഇതൊന്നും കാര്യമായി ലഭിക്കാത്ത സ്കൂളുകളും കുട്ടികളും, കൊടുക്കാത്ത മാഷമ്മാരും ഒക്കെ ന്നമുക്ക് ചുറ്റുമുണ്ടെന്ന് മറന്നുള്ള ഒരു ചർച്ചയും നമുക്ക് സമാധാനം തരില്ല. നല്ലതിനെ ഒക്കെ അഭിനന്ദിക്കുന്നുണ്ട്. പോരായ്മകൾ- ആത്യന്തികമായി ബാധിക്കുന്നത് നേരെ കുട്ടികളെയാണ്. അതും വരുടേതല്ലാത്ത കുറ്റം കൊണ്ട്.
സർക്കാർ നിർദ്ദേശിക്കുന്ന പഠനാനുഭവങ്ങൾ സമയബന്ധിതമായി എല്ലാ കുട്ടിക്കും ലഭിച്ചിരിക്കും എന്ന അടിസ്ഥാനത്തിലാണല്ലോ പരീക്ഷ.അതിൽ തോൽക്കുന്ന കുട്ടിയുടെ കൂടെയാണ് എന്റെ ‘വീണ്ടു വിചാരമില്ലയ്മ’കൾ. കിട്ടിയവരെ കുറിച്ചല്ല, കിട്ടാത്ത കുട്ടികളെ കുറിച്ചാണ് ‘രീതി വിട്ട്’ പരിതപിക്കുന്നത്.

അരണി said...

cmaë®n amjnsâ hnaÀi\§Ä C¶mé I­Xv. slUvamÌÀamscçdn¨v klX]n¡m³ hcs«. Fsâ Aë`hw CXmé. 99% slUvamÌÀamêw i\nbmgvNIfn kv¡qfn t]mæ¶nÃ. A©paWnhsc kvIqfn Ccn¡mdpanÃ. kvIqÄ Zn\§fnemWq ChÀ Hm^okv hdvçIÄ sN¿p¶Xv. AXmbXv, æ«nIsf ]Tn¸n¡mëÅ kabw Hm^oknÂ. æ«nbpsS ]Tn¡mëÅ AhImis¯ \ntj[nçIbpw AhdpsS B kabw Ahcn \nì IhÀs¶SpçIbpw sN¿pì ChÀ Fì ]dªm \ntj[n¡m\mætam? NneÀ _n\man A[ym]Isc h¨n«p­v, AXpw ]n Sn F bpsS sNehnÂ!