291.ആഹാ എന്ത് സ്വാദ് ,ആസൂത്രണക്കുറിപ്പ് 2

 

ക്ലാസ്സ്‌: ഒന്ന്

യൂണിറ്റ് : 8-ആഹാ എന്ത് സ്വാദ്

ടീച്ചറിന്റെ പേര് :  വിജിഷ മോൾ വിളയിൽ

ജി എം എൽ പിഎസ്  പരപ്പനങ്ങാടി ടൗൺ

പരപ്പനങ്ങിടി, മലപ്പുറം.

കുട്ടികളുടെ എണ്ണം :26

ഹാജരായവർ:…………...

തീയതി

പീരിയഡ് 1

പ്രവർത്തനം : ഡയറി വായന 

പ്രതീക്ഷിത സമയം 10 മിനിറ്റ്

കുട്ടികളുടെ ഡയറി വായന: 

(ഷാബിൽ, നിയ, നൈഷ , റിസാൻ , സിയ, ഹന്ന, മിർഷ)

• ഡയറി വായന- സവിശേഷ സ്വഭാവമുള്ള ഡയറി

• സവിശേഷ സ്വഭാവമുള്ള ഡയറി ചാർട്ടിൽ പ്രദർശിപ്പിക്കുന്നു. കുട്ടികൾക്ക് വായിക്കാൻ അവസരം നൽകുന്നു. (സന്നദ്ധ വായന, കുട്ടിടീച്ചറുടെ സഹായത്തോടെയുള്ള വായന)

• അക്ഷര ബോധ്യചാർട്ടിൽ അക്ഷരം, ചിഹ്നം എന്നിവ ബോധ്യമാകാത്ത കുട്ടികൾക്ക് നിർദ്ധിഷ്ട അക്ഷരം, ചിഹ്നം വരുന്ന വാക്കുകൾ കണ്ടെത്തൽ വായനയ്ക്ക് അവസരം.)

കാര്‍ട്ടൂണ്‍ ഡയറിയുടെ അവതരണം

രചനോത്സവ കഥയുടെ പങ്കിടല്‍ 

പ്രതീക്ഷിത സമയം 10 മിനിറ്റ്

ചിത്രങ്ങളെ ആസ്പദമാക്കി തയ്യാറാക്കിയ ചിത്രകഥ -അവതരണം.

വായനപാഠവായന (ആനയും മുയലും തമ്മിലുള്ള വായനപാഠ വായന ) 10 മിനിറ്റ്

കഴിഞ്ഞ ടിഎമ്മിൽ നൽകിയ വായന പാഠത്തിൽ പഠനക്കൂട്ടത്തിൽ സംയുക്തവായന. ചോദ്യത്തിന് ഉത്തരം പറയാമോ?

• മുയൽ നല്ല സ്വാദുണ്ടാകും എന്ന് പറയാൻ കാരണം എന്താകും?

• എനിക്ക് എത്തില്ലല്ലോ എന്ന് മുയൽ പറഞ്ഞപ്പോൾ ആന എന്താണ് പറഞ്ഞത് ?

• അവസാനം മുയലിന് മാമ്പഴം കിട്ടിയോ ?

പിരീഡ് രണ്ട്

പ്രവർത്തനം:- ആനയും മൈനയും

പഠനലക്ഷ്യങ്ങൾ

1. മലയാളം ലിപികൾ അംഗീകൃത രീതിയിൽ (അക്ഷരങ്ങളുടെ വലിപ്പം ആലേഖന ക്രമം ) സഹായത്തോടെ എഴുതി തീമുകളുമായി ബന്ധപ്പെട്ട സന്ദർഭങ്ങളിലെ വാക്കുകളും ചെറുവാക്യങ്ങളും പൂർത്തിയാക്കുന്നു.

2. അക്ഷരങ്ങളുടെയും വാക്കുകളുടെയും പുനരനുഭവസന്ദർഭങ്ങളിൽ തെളിവെടുത്തെഴുതുന്നു

3. ഒറ്റയ്ക്കും കൂട്ടായും രേഖപ്പെടുത്തലുകൾ ക്ലാസിൽ രൂപീകരിച്ച മാനദണ്ഡങ്ങളുടെ അടിസ്ഥാനത്തിൽ വിശ കലനം ചെയ്ത് രചനകളിൽ തെറ്റുകൾ തിരുത്തി മെച്ചപ്പെടുത്തുന്നു

4. അക്ഷരങ്ങൾ തമ്മിലും വാക്കുകൾ തമ്മിലും വരികൾ തമ്മിലുമുള്ള അകലം എന്നിവ പാലിച്ച് എഴുതുന്നു.

5. തീമുകളുമായി ബന്ധപ്പെട്ട് നടത്തിയ കരട് രചനകളിലെ വാക്കുകളും ചെറുവാക്യങ്ങളും ഒറ്റയ്ക്കും കൂട്ടായും വായിച്ച് മെച്ചപ്പെടുത്തി എഴുതുന്നു.

6. ലളിതമായ രചനകൾ മറ്റുള്ളവർക്കായി അംഗീകൃത ഉച്ചാരണ മാതൃകകൾ പ്രകാരം വ്യക്തതയോടെ വാ യിക്കുന്നു.

പ്രതീക്ഷിത സമയം 40 മിനിറ്റ്

ഊന്നല്‍ നല്‍കുന്ന ചിഹ്നം- വയുടെ ചിഹ്നം

ഊന്നല്‍ നല്‍കുന്ന കൂട്ടക്ഷരം - ഷ്ട, ന്ധ

കുഞ്ഞെഴുത്ത് പേജ് 63

പഠനക്കൂട്ടങ്ങൾ ചിത്രം നിരീക്ഷിക്കുന്നു.

• ഒന്നാമത്തെ സംഭാഷണം എന്തായിരിക്കും? കൂട്ടായി ആലോചിച്ച് എഴുതുന്നു. 

• ഓരോരുത്തരുടെയും ബുക്കിൽ എഴുതുന്നു. 

• ഓരോ പഠനക്കൂട്ടവും പങ്കിടുന്നു. 

• അവർ പറയുന്നത് ടീച്ചർ ബോർഡിൽ എഴുതണം. 

• ടീച്ചറെഴുതിയതും അവർ എഴുതിയതുമായി പൊരുത്തപ്പെടുത്തി അവരുടെ രേഖപ്പെടുത്തൽ മെച്ചപ്പെടുത്തണം. 

• ആശയം വന്നിട്ടുള്ളവയെല്ലാം അംഗീകരിക്കണം

എല്ലാ പഠനക്കൂട്ടത്തിലും സഹായിക്കാൻ കഴിവുള്ള കുട്ടികളുണ്ടെന്ന് ഉറപ്പാക്കൽ

നാലു പേരുള്ള പഠനക്കൂട്ടത്തിലാണ് എഴുതൽ നടക്കുന്നത്.

സാധ്യത

എന്ത് നല്ല ഗന്ധം

ആഹോ ഓഹോ മാമ്പഴം

ചുവടെയുള്ള വാക്യങ്ങൾ ടീച്ചർ ബോർഡിൽ എഴുതുന്നു. 

ഇനിയുള്ള സംഭാഷണമാണ് ക്രമം തെറ്റിച്ച് നൽകിയിട്ടുള്ളത്. അത് ക്രമപ്പെടുത്തി എഴുതണം

ആന: ഉറപ്പായും വിശ്വസിക്കാം

മൈന: ദുഷ്ടാ, ഉറപ്പായും നിന്നെ വിശ്വസിക്കാമോ?

ആനഃ അടുത്ത തവണ തരാം.

• പഠനക്കൂട്ടത്തിൽ ക്രമം നിശ്ചയിക്കുന്നു. 

• എഴുതുന്നു. 

• എല്ലാവരും എഴുതിയ ശേഷം ക്രമം പങ്കിടുന്നു. ടീച്ചർ എഴുതിയതുമായി കുട്ടികൾ എഴുതിയത് പൊരുത്തപ്പെടുത്തി നോക്കുന്നു

• ശ്വ എഴുതിയത് പരിശോധിക്കുന്നു. ശരിയായി എഴുതിയവര്‍ക്ക് അംഗീകാരം

• ഷ്ട എഴുതിയത് ശരിയായിട്ടാണോ?

• ശരിയായ ക്രമത്തില്‍ എഴുതിയ പഠനക്കൂട്ടങ്ങളേത്?

• ശരിയായക്രമത്തിൽ എഴുതിയ പഠനക്കൂട്ടങ്ങളെ അംഗീകരിക്കുന്നു.

പിരീഡ് മൂന്ന്

പ്രവർത്തനം ഭാവാത്മക വായന

പഠനലക്ഷ്യങ്ങൾ

1. ലളിതമായ രചനകൾ മറ്റുള്ളവർക്കായി അംഗീകൃത ഉച്ചാരണ മാതൃകകൾ പ്രകാരം വ്യക്തതയോടെ വാ യിക്കുന്നു

2. തീമുമായി ബന്ധപ്പെട്ട സംഭവങ്ങൾ ഒറ്റയ്ക്കും സംഘം ചേർന്നും വായിച്ച് അഭിനയിക്കുന്നു.

പ്രതീക്ഷിത സമയം 30 മിനിറ്റ്

റീഡേഴ്‌സ് തീയറ്റർ രീതി

ഓരോ പഠനക്കൂട്ടത്തിൽ നിന്നും പ്രതിനിധികൾ വന്ന് വായിക്കുന്നു. ശരാശരിക്കാർക്ക് അവസരങ്ങൾ നൽകാം.

കൂടുതല്‍ പിന്തുണ വേണ്ടവര്‍ സംയുക്തവായന പഠനക്കൂട്ടത്തില്‍ നടത്തുന്നു.

ചോദ്യോത്തരപ്പയറ്റ്

• പഠനക്കൂട്ടങ്ങള്‍ പരസ്പരം കണ്ടെത്തല്‍ വായനയ്കുള്ള ചോദ്യങ്ങളുണ്ടാക്കുന്നു ( അക്ഷരം, വാക്ക്, വാക്യം ഇവയെ കേന്ദീകരിച്ച് ഓരോ പഠനക്കൂട്ടവും മൂന്ന് ചോദ്യങ്ങല്‍ ഉണ്ടാക്കണം.

• ചോദ്യം മറ്റ് പഠനക്കൂട്ടങ്ങളോട് ചോദിക്കണം.

• ഉത്തരത്തിന് അടിവരയിടണം. ശരിയെങ്കില്‍ പോയന്റ്.

• ചോദ്യോത്തരപ്പയറ്റ് നടത്തുന്നു.

• കൂടുതല്‍ പോയന്റ് കിട്ടിവരെ അഭിനന്ദിക്കുന്നു

നിറം നൽകാം (തുടർ പ്രവർത്തനം)

• വാട്ടർകളർ ഉപയോഗിച്ച് നിറം നൽകുന്നതിനാണ് നിർദ്ദേശിക്കേണ്ടത്. 

• വെള്ളപ്പേപ്പറിൽ നിറം നൽകി രീതി മനസ്സിലാക്കിയ ശേഷമാണ് കുഞ്ഞെഴുത്ത് പേജ് 63 ൽ നിറം നൽകേണ്ടത്. അധികം വെള്ളം ഉപയോഗിക്കാതെയും പടരാതെയും നിറം നൽകണം. 

• ഉണങ്ങുന്നതിന് മുമ്പ് ബുക്ക് അടയ്ക്കരുത്.

• അടുത്ത ദിവസം ചിത്രപ്രദര്‍ശനം

രചനാപ്രശ്നങ്ങളിലുള്ള പരിഹാരം എന്ന നിലയില്‍ വായനപാഠം.

രചനോത്സവ ചിത്രത്തിൽനിന്നും രൂപീകരിച്ച വായന പാഠം നൽകുന്നു .

ചിത്രം പട്ടിയമ്മയും പൂച്ചയമ്മയും തമ്മിലുള്ള സംഭാഷണ വായനാ പാഠം നൽകുന്നു.

പട്ടിയമ്മ ‘:ആഹാ കുറെ നാളായല്ലോ കണ്ടിട്ട്?”

പൂച്ചയമ്മ: ജോലിത്തിരക്ക് കാരണം വീട്ടിൽ നിന്ന് പുറത്തിറങ്ങാൻ പറ്റണ്ടേ?

പട്ടിയമ്മ : കോഴിയമ്മയെ കണ്ടില്ലല്ലോ വാ പോയി നോക്കാം

രണ്ടുപേരും കോഴിയെ കാണാൻ ചെന്നു.

പട്ടിയമ്മ: കോഴിയമ്മേ എത്ര മക്കളുണ്ട്.

കോഴിയമ്മ: പത്തിന് രണ്ട് കുറവാ.

മക്കളേ നിങ്ങള്‍ പോയി കളിക്കീന്‍

കോഴിക്കുഞ്ഞുങ്ങള്‍ കളിക്കാന്‍ പോയി.

കുറേ സമയം കഴിഞ്ഞപ്പോള്‍ കോഴിക്കുഞ്ഞുങ്ങളുടെ കരച്ചില്‍

പട്ടിയമ്മയും പൂച്ചമ്മയും കോഴിയമ്മയും അങ്ങോട്ട് ഓടി.