പെരിന്തല്‍മണ്ണ ബി.ആര്‍.സി. പരിധിയിലെ എരവിമംഗലം എ.എം.യു.പി.സ്കൂളില്‍ നടന്ന കളരിയുടെ അനുഭവങ്ങളില്‍ ചിലത് പങ്കുവയ്ക്കുന്നു. പ്രധാനമായും വിദ്യാലയത്തിലെ പൊതു ഇടപെടലുകളും അവയുടെ പ്രതിഫലനങ്ങളുമാണ് പങ്കുവയ്ക്കുന്നത്.
ക്ലാസ്സ് മുറികളില്‍ പഠന സൗഹൃദ അന്തരീക്ഷം ഒരുക്കുന്നതിനെക്കുറിച്ച് വിശദീകരിച്ചതിന്റെ പ്രതിഫലനം ഈ ക്ലാസ്സില്‍ തൊട്ടടുത്ത ദിവസംതന്നെ പ്രകടമായി -
ആദ്യദിവസമായ ജൂണ്‍ 13-ന് 6 എ ക്ലാസ്സിലാണ് എസ്.ആര്‍.ജി. യോഗം ചേര്‍ന്നത്. പഴയ രീതിയില്‍ നിരത്തിയിട്ട ബെഞ്ചുകളും ഡസ്കുകളും, ചുമരില്‍ നിറയെ അടുക്കും ചിട്ടയുമില്ലാതെ ഒട്ടിച്ചുവച്ച ചാര്‍ട്ടുകളും ചിത്രങ്ങളും, നെടുകെയും കുറുകെയും കെട്ടിയ കയറുകളില്‍ തൂങ്ങിക്കിടക്കന്ന ചാര്‍ട്ടുകള്‍ - ഇതായിരുന്നു അന്നത്തെ ഈ ക്ലാസ്സിന്റെ ചിത്രം.
പഠന സൗഹൃദ അന്തരീക്ഷം
ക്ലാസ്സ് മുറികളില്‍ പഠന സൗഹൃദ അന്തരീക്ഷം ഒരുക്കുന്നതിനെക്കുറിച്ച് വിശദീകരിച്ചതിന്റെ പ്രതിഫലനം ഈ ക്ലാസ്സില്‍ തൊട്ടടുത്ത ദിവസംതന്നെ പ്രകടമായി -
- ചുമരുകള്‍ വൃത്തിയായി; അവിടെ ഡിസ്‍പ്ലേ ബോഡുകള്‍ സ്ഥാനം പിടിച്ചു,
- ബഞ്ചുകളും ഡസ്കുകളും വൃത്താകൃതിയില്‍ ക്രമീകരിച്ചു,
- കുറുകെ കെട്ടിയ കയറുകള്‍ അപ്രത്യക്ഷമായി; പകരം ചുമരുകളില്‍ റാക്കുകള്‍ സ്ഥാപിക്കപ്പെട്ടു.
- ഡിസ്‍പ്ലേ ബോഡില്‍ ഓരോ വിഷയത്തിനും പ്രത്യേകം ഇടം രേഖപ്പെടുത്തിനല്കി,
- പതിപ്പുകള്‍, വായനാസാമഗ്രികള്‍ തുടങ്ങിയവയ്ക്ക് വെവ്വേറെ ഇടം റാക്കുകളില്‍ വീതിച്ചു നല്കി.
ഇങ്ങനെ പഠന സൗഹൃദ അന്തരീക്ഷത്തിലേയ്ക്ക് 6 എ ക്ലാസ്സ് മുക്കാല്‍ പങ്കും മാറി. കഴിഞ്ഞ ദിവസം ഇവിടെ നടന്ന പി.ടി.എ. ജനറല്‍ ബോഡിയില്‍ ഈ വിദ്യാലയം രക്ഷിതാക്കള്‍ക്കുമുന്നില്‍ വച്ച പ്രധാനപ്പെട്ട ഒരു സഹായാഭ്യര്‍ഥന മറ്റു ക്ലാസ്സുകളെക്കൂടി ഇത്തരത്തില്‍ സജ്ജീകരിക്കുന്നതിനുള്ളതായിരുന്
ശുചീകരണ പ്രവര്ത്തനങ്ങള്, ക്ലബ്ബ് പ്രവര്ത്തനങ്ങള്, ക്ലാസ്സ് ലൈബ്രറി നടപ്പിലാക്കല്‍ തുടങ്ങിയ മേഖലകളിലും കാര്യമായ ഇടപെടലുകള്‍ക്ക് സാധിച്ചു.
ഓരോ കുട്ടിയും പരീക്ഷണത്തില്‍
ലിറ്റില്‍ കെമിസ്റ്റിന്റെ ഭാഗമായി രസതന്ത്ര വര്‍ഷാചരണത്തിന്റെ ഉദ്ഘാടനം ഓരോ കുട്ടിയും പരീക്ഷണത്തില്‍ ഏര്‍പ്പെട്ടുകൊണ്ട് ജൂണ്‍ 4 ന് നടക്കാനിരിക്കുന്നു. അധ്യാപകരുമായി ഹൃദയബന്ധം സ്ഥാപിച്ച് അവരിലൊരാളായി മാറിയതുകൊണ്ട് അവര്‍ നമ്മള്‍ മുന്നോട്ടുവച്ച ആശയങ്ങളെയും നിര്‍ദ്ദേശങ്ങളെയും ഏറ്റെടുക്കുകയായിരുന്നു.
ക്ലാസ്സ്റൂം പ്രക്രിയ
സ്വന്തം അനുഭവങ്ങള്‍ കൂടി പങ്കുവയ്ക്കട്ടെ - ആറാം ക്ലാസ്സില്‍ ഹിന്ദിയിലെ ഒന്നാം യൂനിറ്റിലെ രണ്ടാമത്തെ മൊഡ്യൂളാണ് ട്രൈഔട്ടിനായി ലഭിച്ചത്. ആഖ്യാനാവതരണം കുട്ടികള്‍ക്ക് ആശയഗ്രഹണത്തിനുതകും വിധം നടത്താന്‍ കഴിഞ്ഞു. എന്നാല്‍, ഇന്ററാക്‍ഷന്‍ ഘട്ടങ്ങളില്‍ കുട്ടികള്‍ പ്രതികരിക്കുന്നതില്‍ വല്ലാതെ പ്രയാസം നേരിട്ടു. ഈ ക്ലാസ്സില്‍ തുടര്‍ന്നുവരുന്ന ക്ലാസ്സ് റൂം പ്രക്രിയയുടെ പരിമിതികളാണ് ഇത്തരത്തിലുള്ള സാഹചര്യം സൃഷ്ടിച്ചതെന്ന തിരിച്ചറിവാണ് ഇതില്‍നിന്നുണ്ടായത്. മൂന്നുനാലു ദിവസം ക്ലാസ്സ് മുന്നോട്ടു പോയപ്പോള്‍ ഈ സ്ഥിതി മാറ്റം വരികയും കുട്ടികള്‍ ചെറുതായി പ്രതികരിച്ചുതുടങ്ങുകയും ചെയ്തു. വര്‍ക്ക്ഷീറ്റുകളുടെ/വിലയിരുത്
അധ്യാപികയുടെ ആത്മവിശ്വാസം വര്‍ധിപ്പിക്കുന്നതിന് കളരിക്കായി എന്നത് അവരുടെ വാക്കുകളില്‍നിന്നുതന്നെ ബോധ്യമാവുകയും വിദ്യാലയം വിട്ടിറങ്ങുമ്പോള്‍ ഇത് ഏറെ സംതൃപ്തി നല്കുകയും ചെയ്തു.
-മനോജ്‌ കുമാര്‍
പെരിന്തല്‍മണ്ണ ബി.ആര്‍.സി.
1 comment:
thanks........!!!!!
Post a Comment