ചൂണ്ടുവിരലിലെ വിഭവങ്ങള്‍

2010 ജൂലൈമുതല്‍ അക്കാദമിക വിഭവങ്ങളുമായി ഈ വിദ്യാഭ്യാസ ബ്ലോഗ് ...പ്രയോജനപ്പെടുത്തുക, പ്രയോഗിക്കുക, പ്രചോദിപ്പിക്കുക, പ്രചരിപ്പിക്കുക.. ചൂണ്ടുവിരലില്‍ പങ്കിട്ട വിഭവമേഖലകള്‍....> 1.അധ്യാപക ശാക്തീകരണം ,2. വായനയുടെ വഴി ഒരുക്കാം, 3.എഴുത്തിന്‍റെ തിളക്കം, 4.വിദ്യാഭാസ ഗുണനിലവാരം- സംവാദം,5. മികവ്, 6.ശിശുസൌഹൃദ വിദ്യാലയം, 7.സര്‍ഗാത്മക വിദ്യാലയം, 8.നിരന്തര വിലയിരുത്തല്‍, 9.ഗണിതപഠനം, 10.വിദ്യാഭ്യാസ അവകാശ നിയമം, 11.ദിനാചരണങ്ങള്‍, 12.പാര്‍ശ്വവത്കരിക്കപ്പെടുന്നവര്‍, 13. രക്ഷിതാക്കളും സ്കൂളും, 14. കളരി, 15. ക്ലാസ് അന്തരീക്ഷം/ക്രമീകരണം, 16.ഇംഗ്ലീഷ് പഠനം, 17.ഒന്നാം ക്ലാസ്, 18. ശാസ്ത്രത്തിന്റെ പാത, 19.ആവിഷ്കാരവും ഭാഷയും, 20. പ്രത്യേക പരിഗണന അര്‍ഹിക്കുന്ന കുട്ടികള്‍, 21. ഐ ടി സാധ്യതകള്‍, 22. പഠനറിപ്പോര്‍ട്ടുകള്‍, 23.പഠനമാധ്യമം 24. ഭൌതികസൌകര്യങ്ങളില്‍ മികവ്, 25.അക്കാദമികസന്ദര്‍ശനം, 26.ഗ്രാഫിക് ഓര്‍ഗനൈസേഴ്സ്, 27.പ്രഥമാധ്യാപകര്‍.,28. ബാല, 29. വളരുന്ന പഠനോപകരണം,30. കുട്ടികളുടെ അവകാശം, 31. പത്രങ്ങള്‍ സ്കൂളില്‍, 32.പാഠ്യപദ്ധതി,33. ഏകീകൃത സിലബസ്, 34.ഡയറ്റ് .35.ബി ആര്‍ സി,36. പരീക്ഷ ,37. പ്രവേശനോത്സവം,38. IEDC, 39.അന്വേഷണാത്മക വിദ്യാലയങ്ങളുടെ ലോകജാലകം, 40. കലാവിദ്യാഭ്യാസം, 41.പഞ്ചായത്ത്‌ വിദ്യാഭ്യാസ സമിതി, 42. പഠനോപകരണം, 43.പാഠ്യപദ്ധതി പരിഷ്കരണം, 44. ചൂണ്ടുവിരല്‍,45. ടി ടി സി, 46.പുതുവര്‍ഷം, 47.പെണ്‍കുട്ടികളുടെ ശാക്തീകരണം, 48. ക്രിയാഗവേഷണം,49. ടീച്ചിംഗ് മാന്വല്‍, 50. പൊതുവിദ്യാഭ്യാസസംരക്ഷണം, 51.ഫീഡ് ബാക്ക്, 52.സ്റ്റാഫ് റൂം, 53. കുട്ടികളുട അവകാശം,54. കൃഷിയും പഠനവും,55. നോട്ട് ബുക്ക് ആകര്‍ഷകവും സമഗ്രവും, 56.പഠനയാത്ര, 57. വിദ്യാബ്ലോഗുകള്‍,58. സാമൂഹികശാസ്ത്രം, 59. സ്കൂള്‍ അസംബ്ലി, 60.സ്കൂള്‍ റിസോഴ്സ് (റിസേര്‍ച്) ഗ്രൂപ്പ് - ,61.പ്രതിഫലനാത്മകക്കുറിപ്പ്, 62. ബദല്‍പാഠങ്ങള്‍, 63.മെന്ററിംഗ്,64. വര്‍ക്ക്ഷീറ്റുകള്‍ ക്ലാസില്‍, 65.വിലയിരുത്തല്‍, 66. സാമൂഹിക ശാസ്ത്രാന്തരീക്ഷം, 67.അനാദായം, 68.എ ഇ ഒ , 69.കായികവിദ്യാഭ്യാസം,70. തിയേേറ്റര്‍ സങ്കേതം പഠനത്തില്‍, 71.നാടകം, 72.നാലാം ക്ലാസ്.73. പാഠാവതരണം, 74. മോണിറ്ററിംഗ്, 75.വിദ്യാഭ്യാസ ചിന്തകള്‍, 76.സഹവാസ ക്യാമ്പ്, 77. സ്കൂള്‍ സപ്പോര്‍ട്ട് ഗ്രൂപ്പ്,78.പ്രദര്‍ശനം,79.പോര്‍ട്ട്‌ ഫോളിയോ...80 വിവിധജില്ലകളിലൂടെ... പൊതുവിദ്യാഭ്യാസത്തിന്റെ കരുത്ത് അറിയാന്‍ ചൂണ്ടുവിരല്‍...tpkala@gmail.com.

Tuesday, December 6, 2011

പ്രതിഭകളുടെ നാടകപ്പുര എട്ടാം വര്‍ഷത്തിലേക്ക്

ഒരു പറ്റം അധ്യാപകരുടെയും രക്ഷിതാക്കളുടെയും ശ്രമഫലമായി നാടകരംഗത്ത് പുത്തന്‍ ചുവടുമായി കുറ്റ്യാടി എംഐയുപി സ്കൂളിലെ നാടകപ്പുര എട്ടാം വര്‍ഷത്തിലേക്ക്. 
നാടകപ്പുരയുടെ തുടക്കംമുതല്‍ സബ്ജില്ല-റവന്യു ജില്ലാ സ്കൂള്‍ കലോത്സവത്തില്‍ കഴിഞ്ഞ എട്ടു വര്‍ഷമായി എംഐയുപി സ്കൂളിലെ നാടക കലാകാരന്മാര്‍ക്കാണ് ഒന്നാം സ്ഥാനവും നല്ല നടനും നടിക്കുമുള്ള അവാര്‍ഡുകളും ലഭിച്ചത്. ഇക്കഴിഞ്ഞ കുന്നുമ്മല്‍ സബ്ജില്ലാ കലോത്സവത്തില്‍ എ ഗ്രേഡും ഒന്നാം സ്ഥാനവും മികച്ച നടനും നടിക്കുമുളള അവാര്‍ഡും ലഭിച്ചു. 
  • പഠനത്തോടൊപ്പം കലാരംഗത്തും മികവ് പുലര്‍ത്തുന്ന കുറ്റ്യാടിയിലെ ഈ വിദ്യാലയത്തില്‍ ക്ലാസ് റൂം നാടകക്കളരി, നാടകരംഗത്തെ പ്രഗത്ഭരെ പങ്കെടിപ്പിച്ച് നാടക ക്യാമ്പുകള്‍ എന്നിവയിലൂടെ വിദ്യാര്‍ഥികളുടെ വ്യക്തിത്വ വികസനത്തിന് ഊന്നല്‍ നല്‍കുന്നു. 
  • നാടകപ്പുരയിലെ അഭിനേത്രിയായ തന്‍ഹതപസ്സു "പറഞ്ഞില്ലേ...കേട്ടുവോ"-എന്ന സിനിമയില്‍ മാളു എന്ന കേന്ദ്ര കഥാപാത്രത്തെ അവതരിപ്പിച്ച് കുട്ടികളുടെ ചലച്ചിത്രോത്സവത്തില്‍ ഏറെ ശ്രദ്ധ നേടിയിരുന്നു. 
  • മഞ്ച് സ്റ്റാര്‍ സിംഗറില്‍ മികച്ച പ്രകടനം നടത്തിയ സി കെ ആതിരയും നാടകപ്പുരയുടെ സംഭാവനയാണ്.
  • സ്നേഹസദനത്തിലെ അന്തേവാസികള്‍ , അഭയമീ ആകാശം, സ്നേഹപൂക്കള്‍ , നടന്‍ , ആല്‍ബം, സങ്കടക്കൂട്, ബാല്യകാലസഖി, ഉള്ളതുകൊണ്ട് ഓണംപോലെ തുടങ്ങിയ നാകങ്ങളിലൂടെ കഴിഞ്ഞ എട്ടു വര്‍ഷവും സബ്ജില്ലാ-റവന്യു ജില്ലാ കലോത്സവങ്ങളില്‍ എ ഗ്രേഡും ഒന്നാം സ്ഥാനവും കരസ്ഥമാക്കിയിരുന്നു. 
  • സാധാരണക്കാരന്റെ ജീവിതത്തിലെ ഗൃഹാതുരത്വമുണര്‍ത്തുന്ന ഇതിവൃത്തങ്ങള്‍ തെരഞ്ഞെടുക്കുന്നതിലും അവതരിപ്പിക്കുന്നതിലും നാടകപ്പുരയുടെ സംഘാടകരും കലാകാരന്മാരും ഏറെ ശ്രദ്ധ ചെലുത്തുന്നു. മത്സരരംഗങ്ങളില്‍ എണ്ണത്തില്‍ കുറവ് അനുഭവപ്പെടുന്ന കലോത്സവ വേദികളില്‍ എംഐയുപിയുടെ സമൂഹസ്പൃക്കായ നാടകങ്ങള്‍ ഏറെ ശ്രദ്ധേയമാവുന്നു. 
  • നാടകം ഭാഷാ പഠനത്തിലെ ശക്തമായ ഒരു പ്രവര്‍ത്തനം ആണ്. കഥ കണ്ടെത്തുക. നാടകം രചിക്കുക ,നാടകീയ മുഹൂര്‍ത്തങ്ങളുടെ മരമം അറിയുക. ഭാവം ഉള്‍ക്കൊണ്ടു സന്ദര്‍ഭാനുസരണം ആശയാവിഷ്കാരം നടത്തുക. കഥാപാത്രവുമായി താദാത്മ്യം പ്രാപിക്കുക. നാടകം കാണല്‍.അവലോകന ചര്‍ച്ച ..ഇങ്ങനെ ഒത്തിരി സാധ്യതകള്‍ .എല്ലാസ്കൂളുകള്‍ക്കും  ക്ലാസുകള്‍ക്കും  ആലോചിക്കാം .ഇത്തരം പ്രവര്‍ത്തനങ്ങള്‍ക്ക് ഭാവനയും സമര്‍പ്പണ മനോഭാവവുമുള്ള അധ്യാപകര്‍ ഉണ്ടാകണം .. (ഇവയില്ലത്തവരെ അധ്യാപകരെന്നു വിളിക്കാമോ ?)

No comments: