ചൂണ്ടുവിരലിലെ വിഭവങ്ങള്‍

2010 ജൂലൈമുതല്‍ അക്കാദമിക വിഭവങ്ങളുമായി ഈ വിദ്യാഭ്യാസ ബ്ലോഗ് ...പ്രയോജനപ്പെടുത്തുക, പ്രയോഗിക്കുക, പ്രചോദിപ്പിക്കുക, പ്രചരിപ്പിക്കുക.. ചൂണ്ടുവിരലില്‍ പങ്കിട്ട വിഭവമേഖലകള്‍....> 1.അധ്യാപക ശാക്തീകരണം ,2. വായനയുടെ വഴി ഒരുക്കാം, 3.എഴുത്തിന്‍റെ തിളക്കം, 4.വിദ്യാഭാസ ഗുണനിലവാരം- സംവാദം,5. മികവ്, 6.ശിശുസൌഹൃദ വിദ്യാലയം, 7.സര്‍ഗാത്മക വിദ്യാലയം, 8.നിരന്തര വിലയിരുത്തല്‍, 9.ഗണിതപഠനം, 10.വിദ്യാഭ്യാസ അവകാശ നിയമം, 11.ദിനാചരണങ്ങള്‍, 12.പാര്‍ശ്വവത്കരിക്കപ്പെടുന്നവര്‍, 13. രക്ഷിതാക്കളും സ്കൂളും, 14. കളരി, 15. ക്ലാസ് അന്തരീക്ഷം/ക്രമീകരണം, 16.ഇംഗ്ലീഷ് പഠനം, 17.ഒന്നാം ക്ലാസ്, 18. ശാസ്ത്രത്തിന്റെ പാത, 19.ആവിഷ്കാരവും ഭാഷയും, 20. പ്രത്യേക പരിഗണന അര്‍ഹിക്കുന്ന കുട്ടികള്‍, 21. ഐ ടി സാധ്യതകള്‍, 22. പഠനറിപ്പോര്‍ട്ടുകള്‍, 23.പഠനമാധ്യമം 24. ഭൌതികസൌകര്യങ്ങളില്‍ മികവ്, 25.അക്കാദമികസന്ദര്‍ശനം, 26.ഗ്രാഫിക് ഓര്‍ഗനൈസേഴ്സ്, 27.പ്രഥമാധ്യാപകര്‍.,28. ബാല, 29. വളരുന്ന പഠനോപകരണം,30. കുട്ടികളുടെ അവകാശം, 31. പത്രങ്ങള്‍ സ്കൂളില്‍, 32.പാഠ്യപദ്ധതി,33. ഏകീകൃത സിലബസ്, 34.ഡയറ്റ് .35.ബി ആര്‍ സി,36. പരീക്ഷ ,37. പ്രവേശനോത്സവം,38. IEDC, 39.അന്വേഷണാത്മക വിദ്യാലയങ്ങളുടെ ലോകജാലകം, 40. കലാവിദ്യാഭ്യാസം, 41.പഞ്ചായത്ത്‌ വിദ്യാഭ്യാസ സമിതി, 42. പഠനോപകരണം, 43.പാഠ്യപദ്ധതി പരിഷ്കരണം, 44. ചൂണ്ടുവിരല്‍,45. ടി ടി സി, 46.പുതുവര്‍ഷം, 47.പെണ്‍കുട്ടികളുടെ ശാക്തീകരണം, 48. ക്രിയാഗവേഷണം,49. ടീച്ചിംഗ് മാന്വല്‍, 50. പൊതുവിദ്യാഭ്യാസസംരക്ഷണം, 51.ഫീഡ് ബാക്ക്, 52.സ്റ്റാഫ് റൂം, 53. കുട്ടികളുട അവകാശം,54. കൃഷിയും പഠനവും,55. നോട്ട് ബുക്ക് ആകര്‍ഷകവും സമഗ്രവും, 56.പഠനയാത്ര, 57. വിദ്യാബ്ലോഗുകള്‍,58. സാമൂഹികശാസ്ത്രം, 59. സ്കൂള്‍ അസംബ്ലി, 60.സ്കൂള്‍ റിസോഴ്സ് (റിസേര്‍ച്) ഗ്രൂപ്പ് - ,61.പ്രതിഫലനാത്മകക്കുറിപ്പ്, 62. ബദല്‍പാഠങ്ങള്‍, 63.മെന്ററിംഗ്,64. വര്‍ക്ക്ഷീറ്റുകള്‍ ക്ലാസില്‍, 65.വിലയിരുത്തല്‍, 66. സാമൂഹിക ശാസ്ത്രാന്തരീക്ഷം, 67.അനാദായം, 68.എ ഇ ഒ , 69.കായികവിദ്യാഭ്യാസം,70. തിയേേറ്റര്‍ സങ്കേതം പഠനത്തില്‍, 71.നാടകം, 72.നാലാം ക്ലാസ്.73. പാഠാവതരണം, 74. മോണിറ്ററിംഗ്, 75.വിദ്യാഭ്യാസ ചിന്തകള്‍, 76.സഹവാസ ക്യാമ്പ്, 77. സ്കൂള്‍ സപ്പോര്‍ട്ട് ഗ്രൂപ്പ്,78.പ്രദര്‍ശനം,79.പോര്‍ട്ട്‌ ഫോളിയോ...80 വിവിധജില്ലകളിലൂടെ... പൊതുവിദ്യാഭ്യാസത്തിന്റെ കരുത്ത് അറിയാന്‍ ചൂണ്ടുവിരല്‍...tpkala@gmail.com.

Thursday, February 7, 2019

പഠനോത്സവം പ്രവേശനോത്സവമായി


2016-17ല്‍ അര്‍ച്ചനയ്കൊരു കൂട്ടുവേണം എന്ന വാര്‍ത്തയിലൂടെയാണ് സ്കൂള്‍ നാട്ടിലെ ചര്‍ച്ചാവിഷയമായത്. ഇപ്പോള്‍ കേരളത്തിലെ പൊതുവിദ്യാലയങ്ങളാ‍ക്കാകെ മാതൃകയായി ആ സ്കൂള്‍ ഉയര്‍ത്തെഴുന്നേറ്റിരിക്കുന്നു. ചെറിയാക്കര ഗവ.എൽ പി സ്കൂളിലേക്ക് പ്രവേശനം നേടാൻ പഠനോത്സവ വേദിയിലേക്ക് എത്തിയത് 23 കുട്ടികൾ.13 പേർ ഒന്നാം തരത്തിലേക്കും 10 പേർ പ്രീ പ്രൈമറിയിലേക്കും. നിലവിൽ വിദ്യാലയത്തിൽ 13 കുട്ടികളാണ് ആകെയുള്ളത്. കഴിഞ്ഞ അഞ്ച് മാസങ്ങള്‍ക്കിടയിൽ ഭൗതിക സാഹചര്യങ്ങളിലും അക്കാദമിക പ്രവർത്തനങ്ങളിലും വിദ്യാലയം വളരെയേറെ മുന്നേറിക്കഴിഞ്ഞു. ഇതോടെയാണ് പ്രവേശന നടപടികൾ ആരംഭിക്കുന്ന ആദ്യഘട്ടത്തിൽ തന്നെ 23 കുട്ടികൾ വിദ്യാലയത്തിലെത്തിയത്.ജനകീയ കൂട്ടായ്മയിൽ ഒരു പൊതു വിദ്യാലയം നടത്തുന്ന മുന്നേറ്റം ഫലം കാണുന്നതിന്റെ തെളിവാണിത്. മഹേഷ് വിശദാംശങ്ങള്‍ പങ്കുവെക്കുന്നു-
സമീപത്തെ ക്ലബ്ബായിരുന്നു പഠനോത്സവ വേദി.
  • ഇംഗ്ലീഷ് ഡയറി കമ്പ്യൂട്ടറിൽ ടൈപ്പ് ചെയ്ത് ഫോട്ടോ അടക്കം നാലാം ക്ലാസുകാരി ശ്രീനിക സുധീർ പ്രിന്റെടുത്ത് നൽകിയപ്പോൾ നാട്ടുകാരും രക്ഷിതാക്കളും കൈയടിച്ചു. പഠനത്തോടൊപ്പം ഇവിടെ മലയാളം, ഇംഗ്ലീഷ് ഡി.ടി.പി.യിലും കുട്ടികൾക്ക് പരിശീലനം നൽകിയിരുന്നു.
  • കലണ്ടർനോക്കാതെ തീയതികൾ പറഞ്ഞും,
  • വായനക്കാർഡുകൾ മികവോടെ വായിച്ചും കുട്ടികൾ മികവു കാട്ടി.
  • സംഗീത ശിൽപം, നാടകം എന്നിവയും അരങ്ങേറി.
  • പ്രദേശത്തെ നാലാം തരം വരെയുള്ള കുട്ടികൾക്ക് ആകാശ മിഠായി പ്രവർത്തന പുസ്തകവും നൽകി.
  • പഠനോത്സവത്തിൽ പങ്കെടുക്കാനെത്തിയ നാട്ടുകാർക്കും രക്ഷിതാക്കൾക്കും സമ്മാനങ്ങൾ ഒരുക്കിയിരുന്നു.
  • സ്കൂൾ ജൈവവൈവിധ്യ ഉദ്യാനത്തിലേക്ക് സൗജന്യമായി ഇരുന്നൂറോളം സസ്യങ്ങൾ നൽകിയ ദിവാകരൻ കടിഞ്ഞിമൂലയെ ചടങ്ങിൽ കയ്യൂർ-ചീമേനി പഞ്ചായത്ത് പ്രസിഡന്റ് കെ ശകുന്തള പൊന്നാടയണിയിച്ച് ആദരിച്ചു..
 
സംസ്ഥാനത്തുടനീളം പഠനോത്സവത്തെ ഹൃദയത്തിലേറ്റിയ വിദ്യാലയങ്ങളില്‍ നിന്നും ആവേശകരമായ വാര്‍ത്തകളാണ് ലഭിക്കുന്നത്.
കാസര്‍കോഡു നിന്നും മറ്റൊരു വാര്‍ത്ത
"ഈ കഥയൊന്ന് വായിച്ച് കേൾപ്പിക്ക് മോളേ, ''
നാലാം ക്ലാസിലെ കുട്ടിക്ക്  വായനാ മെറ്റീരിയൽ നൽകി രക്ഷിതാവിന്റെ ചാലഞ്ച് .കഥ മനോഹര മായി വായിച്ചു കേൾപ്പിച്ച തിനു ശേഷം  രക്ഷിതാവ് ശ്രദ്ധിച്ചോ എന്നറിയാൻ  തിരിച്ച് ചോദ്യങ്ങൾ ചോദിച്ച് നാലാം ക്ലാസു കാരിയും! എല്ലാ കുട്ടികളും ഇതേ രീതിയിൽ ഗംഭീരമായി വായിച്ചപ്പോൾ നിറഞ്ഞ കയ്യടിയോടെ പ്രോത്സാഹിപ്പിക്കുന്ന സദസ്യർ.. തന്റെ കുട്ടിയുടെ പഠന മികവിൽ ഓരോ രക്ഷിതാവിനും തികഞ്ഞ സംതൃപ്തി. അടുത്ത വർഷം എന്റെ കുട്ടിയെ ഇവിടെത്തന്നെ ചേർക്കണമെന്ന ആവശ്യവുമായി ഒരമ്മയെഴുന്നേറ്റപ്പോൾ അഡ്മിഷൻ ഫോറം വാങ്ങി അടുത്ത വർഷത്തേക്കുള്ള  പ്രവേശനമുറപ്പിക്കുന്ന രക്ഷിതാക്കൾ.
പഠനോത്സവം തീരുമ്പോഴേക്കും വിദ്യാല വികസന നിധിയിലേക്ക് സഹായവാഗ്ദാനം നൽകി മാതൃകയാകുന്ന
പൂർവവിദ്യാർഥികൾ, രക്ഷിതാക്കൾ, കുടുംബശ്രീ പ്രവർത്തകർ, സംഘടനകൾ ! മുക്കൂട് ഗവ: എൽ.പി. സ്കൂളിൽ വെച്ചു നടന്ന ബേക്കൽ ഉപജില്ലാതല പoനോത്സവമാണ് കൗതുകവും ആവേശവുമുണർത്തുന്ന അനുഭവങ്ങളുടെ വേദിയായി മാറിയത്.
            കുട്ടികളുടെ പഠന മികവ് രക്ഷിതാക്കളുമായി പങ്കുവെക്കുന്നതിനും പൊതു വിദ്യാലയ മേന്മകൾ സാമൂഹ്യ മായി വിലയിരുത്തുന്നതിനും, വിദ്യാലയ പ്രവർത്തനങ്ങളിൽ സമൂഹത്തിന്റെ ഇടപെടലുകൾ ശക്തിപ്പെടുത്തുന്ന തിനുമായി പൊതുവിദ്യാഭ്യാസ വകുപ്പ് ആസൂത്രണം ചെയ്ത  പഠനോത്സവം വ്യത്യസ്തമായൊരു അക്കാദമിക കൂട്ടായ്മയുടെ മാതൃകയായി  മാറി.
വിവിധ പഠന പ്രവർത്തനങ്ങളിലൂടെ കുട്ടികൾ നേടിയ അറിവുകൾ വായന, സംഭാഷണം, ഡയറി അവതരണം, ചിത്രങ്ങളെ അടിസ്ഥാനമാക്കിയുള്ള വിവരണം, കൂട്ടപ്പാട്ട്, നാടകം, സംഖ്യാ വ്യാഖ്യാനം, പ്രശ്ന പരിഹരണം തുടങ്ങി വ്യത്യസ്ത രീതിയിൽ അവർ വിനിമയം ചെയ്തപ്പോൾ  രക്ഷിതാക്കൾ കാഴ്ച്ചക്കാരാകാതെ സജീവ പങ്കാളികളായി. ആദ്യമായാണ് കുട്ടിയെയും സ്കൂളിനെയും പഠന രീതികളെയുമറിയാൻ തങ്ങൾക്ക് ഇത്രയും വിപുലവും ഫലപ്രദവുമായ അവസരം ലഭിച്ചതെന്ന് അവർ   പറഞ്ഞു. അതു കൊണ്ട് തന്നെ പഠനോത്സവം തങ്ങളുടേതാക്കി മാറ്റാൻ മത്സരിക്കുന്ന രക്ഷിതാക്കളെയാണ്  കാണാൻ കഴിഞ്ഞത്. സമീപ പ്രദേശങ്ങളിലെ മൂന്ന് അങ്കണവാടികളിലെയും സ്കൂളിലെ
പ്രീപ്രൈമറിയിലെയും കുട്ടികളുടെ കലാപരിപാടികളോടെ രാവിലെ ഒമ്പതരയ്ക്ക് ആരംഭിച്ച പഠനോത്സവം വൈകുന്നേരം  അഞ്ചര വരെ നീണ്ടുനിന്നു.
- ഒയോളം നാരായണന്‍ ( പ്രഥമാധ്യാപകന്‍)
   3
രാജേഷ് വളളിക്കോടിന്റെ കുറിപ്പ്
ആരംഭിച്ച ഇടങ്ങളിലെല്ലാം പഠനോത്സവങ്ങൾ രക്ഷിതാക്കൾക്ക് പുതിയ അനുഭവങ്ങളാണ് പ്രദാനം ചെയ്തിട്ടുള്ളത്. പഠനോത്സവത്തിന്റ പത്തനംതിട്ട ജില്ലയിലെ ഉദ്ഘാടന വേദിയായ നന്നുവക്കാട്  എം എസ് എൽ പി സ്കൂളിൽ നടന്ന ഒരു ചെറിയ അവതരണം വിവരിക്കാം .

നാലാം ക്ലാസിലെ കുട്ടികളാണ് വേദിയിൽ ഉള്ളത്. കാഴ്ചക്കാരായി മറ്റു ക്ലാസിലെ കുട്ടികളും രക്ഷകർത്താക്കളും . നാലാം ക്ലാസിലെ കുട്ടികൾ ഇന്ത്യയുടെ ഔട്ട്ലൈൻ ഭൂപടം ഉയർത്തിക്കാണിക്കുന്നു. ഇതിനുശേഷം ഈ ഭൂപടത്തിൽ ത്രിപുര എവിടെയെന്ന് തിരിച്ചറിഞ്ഞ പറഞ്ഞുതരാമോ എന്ന ചോദ്യമുയർത്തി? രക്ഷിതാക്കളോടായിരുന്നു ചോദ്യം ഏതാണ്ട് പരിപൂർണമായ നിശബ്ദതയായിരുന്നു ആദ്യ കുറെ നേരം അതിനുശേഷം ഒരു അച്ഛൻ വന്നു ഭൂപടത്തിൽനിന്ന് തെക്ക് കിഴക്കൻ സംസ്ഥാനങ്ങളിൽ ഒന്ന് ചൂണ്ടിക്കാണിച്ചു, തെറ്റായിരുന്നു ഉത്തരം. ചെറിയ തിരച്ചിലിന് ശേഷം അദ്ദേഹം ത്രിപുരയുടെ യഥാർത്ഥ സ്ഥാനം കണ്ടെത്തി. ത്രിപുര യെ കുറിച്ച് എന്തെല്ലാം വിവരങ്ങൾ നിങ്ങൾക്ക് അറിയാം എന്നതായി കുട്ടികളുടെ അടുത്ത ചോദ്യം .ഈ ചോദ്യത്തിന് വേണ്ടത്ര പ്രതികരണം രക്ഷകർത്താക്കളിൽ നിന്ന് ഉണ്ടായില്ല .മറ്റ് ക്ലാസിലെ കുട്ടികൾ ചില ഉത്തരങ്ങൾ പറയാൻ സന്നദ്ധരായിരുന്നു .പിന്നീട് രക്ഷകർത്താക്കൾക്ക് ചോദ്യം ചോദിക്കുവാൻ അവസരം ലഭിച്ചപ്പോൾ  ചോദിച്ച ഏതു സംസ്ഥാനവും നാലാം ക്ലാസിലെ കുട്ടികൾ ഇന്ത്യയുടെ ഭൂപടത്തിൽ കൃത്യമായി ചൂണ്ടിക്കാണിച്ചു . എന്ന് മാത്രമല്ല ഏതാണ്ട് നാലാം ക്ലാസിലെ കുട്ടികൾ അറിഞ്ഞിരിക്കേണ്ട സംസ്ഥാനത്തെ സംബന്ധിച്ച വിവരങ്ങൾ സംബന്ധിച്ച് ചോദ്യങ്ങൾക്കും ഉത്തരം പറയുവാൻ ഈ കുട്ടികൾക്ക് യാതൊരു പ്രയാസവുമുണ്ടായില്ല. കുട്ടികളോട് ചോദിച്ചചില ചോദ്യങ്ങൾ രക്ഷകർത്താക്കളോട് തിരിച്ചുചോദിച്ചപ്പോൾ ബഹുഭൂരിപക്ഷത്തിനും ഉത്തരം മൗനമായിരുന്നു. എങ്കിലും ഈ തോൽവി തങ്ങൾക്ക് വരാൻപോകുന്ന വലിയ വിജയത്തിന്റെ അടയാളങ്ങളാണെന്ന തിരിച്ചറിവിൽ നിറഞ്ഞ ചിരിയായിരുന്നു രക്ഷിതാക്കളുടെ മുഖത്ത്!
 4.
ഷൊര്‍ണൂരില്‍ നിന്നും മനോഹരന്‍ എഴുതുന്നു.
ഒരു പൊതു വിദ്യാലയം ഏകമനസ്സോടെ - രക്ഷിതാക്കൾ, അധ്യാപിക മാർ, അധ്യാപകർ, കുട്ടികൾ, ജനപ്രതിനിധികൾ, പൊതു സമൂഹം - പ്രവർത്തിക്കുന്ന കാഴ്ചയാണ് പഠനോത്സവം പരിപാടിയുടെ ജില്ലാതല ഉദ്ഘാടന വേളയിൽ ഷൊർണൂർ യു.പി.സ്കൂളിൽ കണ്ടത്. കുട്ടികൾ അവതരിപ്പിച്ച പഠനപ്രവർത്തനങ്ങളിൽ വൈവിധ്യവും പുതുമയുമുണ്ടായിരുന്നു. എല്ലാ കുട്ടികൾക്കും പങ്കാളിത്തമുണ്ടായി.ഭിന്നശേഷിക്കാരിയായ ഒരു കുട്ടി പോലും ആകർഷകവും ആശയസമ്പുഷ്ടവുമായ ഒരു പരിപാടി അവതരിപ്പിച്ചു.എല്ലാ വിഷയങ്ങളുടെയും ഉള്ളടക്കം പരിഗണിച്ചിരുന്നു. മികവ് കാണിക്കുന്ന സാധാരണക്കാരിയായ - നല്ല വായനക്കാരിയായ - റംല എന്ന രക്ഷിതാവിനെയും പoന പ്രവർത്തനങ്ങളിൽ പങ്കെടുപ്പിച്ചു. ശാസ്ത്ര-സാങ്കേതിക വിദ്യയെയും കലയെയും സർഗാത്മകമായി പരിപാടിയിൽ കൂട്ടിയിണക്കി .ഒഴിവു ദിവസത്തെ അധ്യയനദിവസത്തെക്കാൾ അർഥപൂർണമാക്കി.
റിപ്പബ്ലിക് ദിനത്തിൽ, ഭരണഘടന മുന്നോട്ടു വെക്കുന്ന മതേതരത്വം എന്ന ആശയത്തെ സാക്ഷാൽക്കരിക്കുന്ന പൊതു വിദ്യാലയത്തിന്റെ (മതേതര സമൂഹത്തിന്റെ വ്യവസ്ഥാപിത ആരാധനാലയങ്ങളാണ് പൊതുവിദ്യാലയങ്ങൾ - ഇവാൻ ഇലിയിച്ച്) ഈ നേട്ടം ഏറെ സന്തോഷം നൽകുന്നു.
ഹെഡ്മാസ്റ്ററും അധ്യാപകരും ദിവസങ്ങളായി ഉറക്കമൊഴിച്ച വിവരം വാർഡ് കൗൺസിലർ സൂചിപ്പിച്ചു.

ഇടയ്ക്കു പിണങ്ങണം നിദ്രയോട്
ഉറങ്ങുമ്പോൾ കിഴക്കും പടിഞ്ഞാറും
പൗർണമിയുദിക്കുവാൻ !

                   ഡോക്ടർ.കെ.സച്ചിദാനന്ദൻ
ഈ യുണർവാലുറക്കൊഴിക്കട്ടെ ഞാൻ
ജീവിതത്തിന്റെ രാവെളുപ്പോളവും.

                   വിഷ്ണുനാരായണൻ നമ്പൂതിരി

ഈ മാതൃകയെ നമുക്ക് നെഞ്ചേറ്റാം ----
ഒരു രക്ഷിതാവിൻ്റെ കുറിപ്പ്:
നമ്മുടെ വിദ്യാലയം
നമ്മുടെ മക്കൾ
നമ്മൾ.. അദ്ധ്യാപകർ, രക്ഷിതാക്കൾ, സുമനസ്സുകളുടെ ഒത്തുചേരൽ...... ഒറ്റ ലക്ഷ്യം
പൊതുവിദ്യാഭ്യാസത്തിന്റെ അന്തസത്ത വാനോളം ഉയർത്തുക. "പഠനോത്സവം " ജില്ലാതല ഉദ്ഘാടനം ഈ ലക്ഷ്യത്തിനെ വിജയത്തിൽ എത്തിക്കാൻ കഴിഞ്ഞു. നമ്മുടെ വിദ്യാർത്ഥികൾ നടത്തിയ പഠനപ്രവർത്തനങ്ങൾ അഭിനന്ദനാർഹം തന്നെ. അവരെ സജ്ജരാക്കിയ ഗുരുക്കളെ നന്ദിയോടെ ഓർക്കുന്നു.ഏറ്റവും വലിയ സവിശേഷത ഒരു കുഞ്ഞിനെ പോലും ഒഴിവാക്കിയില്ല എന്ന അപൂർവ മാതൃക. നമ്മുടെ സമീപപ്രദേശങ്ങളിൽ ആയിരങ്ങൾ ചെലവു ചെയ്തു നടത്തുന്ന പരിപാടികൾക്കൊപ്പം നിൽക്കുന്ന, അതിനേക്കാൾ മെച്ചപ്പെട്ട സൃഷ്ടികൾ നമ്മുടെ മക്കൾ നടത്തിയതിന് നാം സാക്ഷികളായി. ഇത് തുടർന്ന് പോകട്ടെ... ഈ വിദ്യാലയം ഇവിടെ പഠിക്കുന്ന വിദ്യാർത്ഥികൾക്ക് നൽകുന്ന അനുഗ്രഹങ്ങൾ നമ്മുക്ക് മറ്റുള്ളവർക്ക് പറഞ്ഞു കൊടുക്കാം. അവരുടെ മക്കളും ഇവിടെ പഠിക്കട്ടെ, അനുഗ്രഹിക്കപെടട്ടെ................
ഒരിക്കൽകൂടി എല്ലാവർക്കും അഭിനന്ദനങ്ങൾ.

                                                                        വിൻസെന്റ് ജോർജ്