ചൂണ്ടുവിരലിലെ വിഭവങ്ങള്‍

2010 ജൂലൈമുതല്‍ അക്കാദമിക വിഭവങ്ങളുമായി ഈ വിദ്യാഭ്യാസ ബ്ലോഗ് ...പ്രയോജനപ്പെടുത്തുക, പ്രയോഗിക്കുക, പ്രചോദിപ്പിക്കുക, പ്രചരിപ്പിക്കുക.. ചൂണ്ടുവിരലില്‍ പങ്കിട്ട വിഭവമേഖലകള്‍....> 1.അധ്യാപക ശാക്തീകരണം ,2. വായനയുടെ വഴി ഒരുക്കാം, 3.എഴുത്തിന്‍റെ തിളക്കം, 4.വിദ്യാഭാസ ഗുണനിലവാരം- സംവാദം,5. മികവ്, 6.ശിശുസൌഹൃദ വിദ്യാലയം, 7.സര്‍ഗാത്മക വിദ്യാലയം, 8.നിരന്തര വിലയിരുത്തല്‍, 9.ഗണിതപഠനം, 10.വിദ്യാഭ്യാസ അവകാശ നിയമം, 11.ദിനാചരണങ്ങള്‍, 12.പാര്‍ശ്വവത്കരിക്കപ്പെടുന്നവര്‍, 13. രക്ഷിതാക്കളും സ്കൂളും, 14. കളരി, 15. ക്ലാസ് അന്തരീക്ഷം/ക്രമീകരണം, 16.ഇംഗ്ലീഷ് പഠനം, 17.ഒന്നാം ക്ലാസ്, 18. ശാസ്ത്രത്തിന്റെ പാത, 19.ആവിഷ്കാരവും ഭാഷയും, 20. പ്രത്യേക പരിഗണന അര്‍ഹിക്കുന്ന കുട്ടികള്‍, 21. ഐ ടി സാധ്യതകള്‍, 22. പഠനറിപ്പോര്‍ട്ടുകള്‍, 23.പഠനമാധ്യമം 24. ഭൌതികസൌകര്യങ്ങളില്‍ മികവ്, 25.അക്കാദമികസന്ദര്‍ശനം, 26.ഗ്രാഫിക് ഓര്‍ഗനൈസേഴ്സ്, 27.പ്രഥമാധ്യാപകര്‍.,28. ബാല, 29. വളരുന്ന പഠനോപകരണം,30. കുട്ടികളുടെ അവകാശം, 31. പത്രങ്ങള്‍ സ്കൂളില്‍, 32.പാഠ്യപദ്ധതി,33. ഏകീകൃത സിലബസ്, 34.ഡയറ്റ് .35.ബി ആര്‍ സി,36. പരീക്ഷ ,37. പ്രവേശനോത്സവം,38. IEDC, 39.അന്വേഷണാത്മക വിദ്യാലയങ്ങളുടെ ലോകജാലകം, 40. കലാവിദ്യാഭ്യാസം, 41.പഞ്ചായത്ത്‌ വിദ്യാഭ്യാസ സമിതി, 42. പഠനോപകരണം, 43.പാഠ്യപദ്ധതി പരിഷ്കരണം, 44. ചൂണ്ടുവിരല്‍,45. ടി ടി സി, 46.പുതുവര്‍ഷം, 47.പെണ്‍കുട്ടികളുടെ ശാക്തീകരണം, 48. ക്രിയാഗവേഷണം,49. ടീച്ചിംഗ് മാന്വല്‍, 50. പൊതുവിദ്യാഭ്യാസസംരക്ഷണം, 51.ഫീഡ് ബാക്ക്, 52.സ്റ്റാഫ് റൂം, 53. കുട്ടികളുട അവകാശം,54. കൃഷിയും പഠനവും,55. നോട്ട് ബുക്ക് ആകര്‍ഷകവും സമഗ്രവും, 56.പഠനയാത്ര, 57. വിദ്യാബ്ലോഗുകള്‍,58. സാമൂഹികശാസ്ത്രം, 59. സ്കൂള്‍ അസംബ്ലി, 60.സ്കൂള്‍ റിസോഴ്സ് (റിസേര്‍ച്) ഗ്രൂപ്പ് - ,61.പ്രതിഫലനാത്മകക്കുറിപ്പ്, 62. ബദല്‍പാഠങ്ങള്‍, 63.മെന്ററിംഗ്,64. വര്‍ക്ക്ഷീറ്റുകള്‍ ക്ലാസില്‍, 65.വിലയിരുത്തല്‍, 66. സാമൂഹിക ശാസ്ത്രാന്തരീക്ഷം, 67.അനാദായം, 68.എ ഇ ഒ , 69.കായികവിദ്യാഭ്യാസം,70. തിയേേറ്റര്‍ സങ്കേതം പഠനത്തില്‍, 71.നാടകം, 72.നാലാം ക്ലാസ്.73. പാഠാവതരണം, 74. മോണിറ്ററിംഗ്, 75.വിദ്യാഭ്യാസ ചിന്തകള്‍, 76.സഹവാസ ക്യാമ്പ്, 77. സ്കൂള്‍ സപ്പോര്‍ട്ട് ഗ്രൂപ്പ്,78.പ്രദര്‍ശനം,79.പോര്‍ട്ട്‌ ഫോളിയോ...80 വിവിധജില്ലകളിലൂടെ... പൊതുവിദ്യാഭ്യാസത്തിന്റെ കരുത്ത് അറിയാന്‍ ചൂണ്ടുവിരല്‍...tpkala@gmail.com.

Sunday, March 24, 2019

ആവേശോജ്വലമായ അനുഭവമാതൃകകള്‍ സൃഷ്ടിച്ച പ്രഥമാധ്യാപകന്‍


ഇന്റര്‍നാഷണല്‍ സ്‌കൂളുകളില്‍ കണ്ടുവരുന്ന അറ്റന്‍ഡന്‍സ് ട്രാക്കിങ് സിസ്റ്റം(.റ്റി.എസ്.)
എന്ന ഡിജിറ്റല്‍ സംവിധാനമൊരുക്കി ഹൈടെക്കാവുകയാണ് ബാലഗ്രാം പട്ടം മെമ്മോറിയല്‍ ഗവ.എല്‍.പി. സ്‌കൂള്‍ എന്ന വാര്‍ത്ത നാടിന്റെ ശ്രദ്ധ പിടിച്ചു പറ്റി
എന്താണ് എ.ടി.എസ്.
.റ്റി.എസ്. സംവിധാനം വഴി കുട്ടികളുടെ ഹാജര്‍, പഠന നിലവാരം, സ്‌കൂള്‍ പ്രവര്‍ത്തനങ്ങളിലെ പങ്കാളിത്തം, മൂല്യനിര്‍ണ്ണയത്തിലെ ഗ്രേഡ്, മറ്റു ശാരീരിക മാനസിക പ്രശ്‌നങ്ങള്‍,സ്‌കൂളില്‍ നിന്നുള്ള അറിയിപ്പുകള്‍ എന്നിവയെല്ലാം തത്സമയം മൊബൈല്‍ ഫോണിലൂടെ രക്ഷിതാക്കള്‍ക്കു ലഭ്യമാകും.
ബാലഗ്രാമിലെ പ്രഥമാധ്യാപകന്‍ നടത്തുന്ന അക്കാദമിക അന്വേഷണങ്ങളുടെ ഭാഗമായിരുന്നു ഇതും . അങ്ങനെ കുട്ടിക്കാനം മരിയന്‍ കോളേജിലെ എക്സ്റ്റന്‍ഷന്‍ ഡിപ്പാര്‍ട്ടുമെന്റിന്റെ സഹകരണത്തോടെ കോളേജിലെ എം.സി.. വിദ്യാര്‍ഥികളായ എമില്‍ ജോര്‍ജ്, ഷില്‍വിന്‍ വര്‍ഗ്ഗീസ്, പി.ടി.ഷെബിന്‍, ജിന്‍സ് മൈക്കിള്‍ എന്നിവര്‍ ചേര്‍ന്ന് വികസിപ്പിച്ചെടുത്ത സോഫ്‌റ്റ്വെയറാണ് സ്‌കൂളില്‍ സ്ഥാപിച്ചു
ഡിജിറ്റല്‍ സംവിധാനത്തിന്റെ ഉദ്ഘാടനം സ്‌കൂളിലെത്തി നിര്‍വഹിക്കാന്‍ തിരിക്കുമൂലം മന്ത്രി എം.എം.മണിക്ക് കഴിഞ്ഞില്ല. എങ്കിലും തന്റെ യാത്രക്കിടിയില്‍ മന്ത്രി കമ്പംമെട്ടില്‍ വെച്ച് മൊബൈല്‍ ഫോണില്‍ നിന്ന് എസ്.എം.എസ്. സന്ദേശം എ.റ്റി.എസ്. സംവിധാനത്തിലേക്ക് നല്‍കി ഉദ്ഘാടനവും ഡിജിറ്റലാക്കി. സ്കൂളില്‍ ഏര്‍പ്പെടുത്തിയ ആ സംവിധാനം ഇപ്പോഴും പ്രവര്‍ത്തിക്കുന്നുണ്ടെന്ന് പ്രഥമാധ്യാപകനായ അഗസ്റ്റിന്‍ കഴിഞ്ഞ ആഴ്ച പറഞ്ഞു.
സ്‌നേഹക്കറി
ബാലഗ്രാം പട്ടം മെമ്മോറിയല്‍ എല്‍.പി.സ്‌കൂളില്‍ 'സ്‌നേഹക്കറി' പദ്ധതി പഴമയുടെ രൂചിപ്പെരുമയിലേക്ക് കുട്ടികളെ കൂട്ടിക്കൊണ്ടുപോവുക എന്ന ഉദ്ദേശ്യത്തോടെയാണ് തുടങ്ങിയത്.
വീടുകളിലും പറമ്പുകളിലും ലഭ്യമായ ഭക്ഷ്യവസ്തുക്കള്‍ മാത്രം ഉപയോഗിച്ച് ഓരോ വീട്ടില്‍നിന്ന് മുഴുവന്‍ കുട്ടികള്‍ക്കും ഓരോ കറി തയ്യാറാക്കി ഉച്ചഭക്ഷണത്തോടൊപ്പം നല്‍കുന്നതാണ് 'സ്‌നേഹക്കറി' പദ്ധതി.
ഈ പരിപാടിക്ക് അമ്മമാരെ സജ്ജരാക്കാന്‍ പാമ്പാടുംപാറ സാമൂഹിക ആരോഗ്യകേന്ദ്രത്തിന്റെ നേതൃത്വത്തില്‍ അമ്മമാര്‍ക്ക് ജീവിതശൈലീരോഗങ്ങള്‍, ആരോഗ്യപരിപാലനം, വ്യക്തി സാമൂഹിക ശുചിത്വം എന്നീ വിഷയങ്ങളില്‍ ബോധവത്കരണ ക്ലാസും നല്‍കി.
ടേം പരീക്ഷ പരിക്ഷ കഴിഞ്ഞു പിറ്റേന്നു ഫലം പ്രഖ്യാപിച്ച് വിദ്യാർഥികളെയും രക്ഷിതാക്കളെയും ഞെട്ടിച്ചു
സ്‌കൂളിൽ പരീക്ഷകൾ അവസാനിച്ചത് വ്യാഴാഴ്ച . വെള്ളിയാഴ്ച തന്നെ സ്‌കൂളിൽ ക്ലാസ് പിടിഎ വിളിച്ച് രണ്ടാം ടേം പരീക്ഷയുടെ ഗ്രേഡുകൾ രേഖപ്പെടുത്തിയ പഠനനിലവാരരേഖയും കുട്ടികളുടെ ഉത്തരക്കടലാസുകളും കൈമാറിയാണ് അഗസ്റ്റിന്‍മറ്റൊരു ചരിത്രം സൃഷ്ടിച്ചത്.
കല്ലുപെന്‍സില്‍ മുതല്‍ കംപ്യൂട്ടര്‍ വരെ
സംസ്ഥാന സര്‍ക്കാര്‍ നടപ്പാക്കുന്ന പൊതുവിദ്യാഭ്യാസ സംരക്ഷണയജ്ഞത്തിന്റെ ഭാഗമായി ബാലഗ്രാം പി.എം.ജി. എല്‍.പി.സ്‌കൂളില്‍ 'കല്ലുപെന്‍സില്‍ മുതല്‍ കംപ്യൂട്ടര്‍' വരെ എന്ന പേരില്‍ വിദ്യാലയ വിഭവസമാഹരണയജ്ഞം നടപ്പാക്കി. എന്തും വിദ്യാലയത്തിനു സംഭാലന ചെയ്യാം. സുമനസുകളെയാകെ ക്ഷണിച്ചു ഇടുക്കി ജില്ലാ പോലീസ് സഹകരണസംഘം സ്‌കൂളിന് സംഭാവന ചെയ്ത ഫര്‍ണിച്ചറുകള്‍ സംഘം പ്രസിഡന്റ് ജോസ് കുര്യനും 'സുജല്‍ 2017' പദ്ധതിയുടെ ഭാഗമായി നെടുങ്കണ്ടം കല്ലാര്‍ ജേസിസ് ക്ലബ് സംഭാവന ചെയ്ത വാട്ടര്‍ പ്യൂരിഫയര്‍ പ്രസിഡന്റ് ജയിസ് ജോസഫും സ്‌കൂള്‍ അധികൃതര്‍ക്ക് കൈമാറി. കെ.എസ്..ബി. തൂക്കുപാലം സെക്ഷന്‍ ഓഫീസ് ജീവനക്കാര്‍ നിര്‍മ്മിച്ചുനല്‍കിയ കുട്ടിപുസ്തകശാല അസിസ്റ്റന്റ് എന്‍ജിനീയര്‍ കെ.കെ.ആദമിയും കേരള സ്റ്റേറ്റ് ബാര്‍ബേഴ്‌സ് അസോസിയേഷന്‍ വക കുട്ടിപുസ്തകശാല ജില്ലാ സെക്രട്ടറി പി.കെ.ശിവദാസനും ഉദ്ഘാടനം ചെയ്തു. സമഗ്ര വിദ്യാലയ വിഭവസമാഹരണയജ്ഞത്തിന്റെ ഉദ്ഘാടനം കമ്പംമെട്ട് ജനമൈത്രി പോലീസ് കമ്മ്യൂണിറ്റി റിലേഷന്‍സ് ഓഫീസര്‍ ടോമി ജോസഫ് നിര്‍വഹിച്ചു.
ബാലഗ്രാം പി.എം.ജി.എൽ.പി.സ്കൂളിലെ മുഴുവൻ കുട്ടികൾക്കും ഉച്ചഭക്ഷണം കഴിക്കാനുള്ള പ്ലേറ്റുകളും ഗ്ലാസുകളും സംഭാവനയായിരുന്നു. വിദേശ മലയാളിയായ സസ്യാസിയോട സ്വദേശി ബ്രൈറ്റ്‌ കളപ്പുരക്കൽ ആണ് സോൺസർ ചെയ്തത്. ബ്രൈറ്റിന്റെ പിതാവ് തോമസ് കളപ്പുരയ്ക്കൽ പാത്രങ്ങൾ ഹെഡ്മാസ്റ്റർക്കു കൈമാറി.
കേരളാ സ്റ്റേറ്റ് റീട്ടെയിൽ റേഷൻ ഡിലേഴ്സ് അസോസിയേഷൻ (കെഎസ്.ആർ.ആർ.ഡി.) ഇടുക്കി ജില്ലാ കമ്മറ്റി.ബാലഗ്രാം പി.എം.ജി.എൽ.പി.സ്കൂളിനു സംഭാവന ചെയ്തത് കുട്ടി പുസ്തകശാല
തൂക്കുപാലം രാജീവ് ഗാന്ധി SH. G ബാലഗ്രാം പി.എം.ജി.എൽ.പി.സ്കൂളിന് സംഭാവന ചെയ്തത് പാവനാടക സ്റ്റേജ്. നാടിന്റെ മുഴുവന്‍ സ്നേഹപരിഗണനകള്‍ ഓരോരോ സംഭാവകനകളായി വിദ്യാലയത്തെ പുഷ്ടിപ്പെടുത്തിക്കൊണ്ടിരുന്നു. സ്നേഹം എസ്.എസ്.എച്ച്‌.ജി.സ്കൂളിന് സംഭാവന ചെയ്തത് പഠനോപകരണങ്ങൾ
ഗ്രീന്‍ പ്രോട്ടോക്കോള്‍ പ്രഖ്യാപന
മറ്റൊരു പ്രഖ്യാപനമായിരുന്നു പരിസ്ഥിതി സംരക്ഷണത്തിലേക്ക് ഉറച്ച ചുവടു വെക്കുന്ന ഗ്രീന്‍ പ്രോട്ടോക്കോള്‍ പ്രഖ്യാപനം. ഗ്രീന്‍ പ്രോട്ടോക്കോള്‍ പ്രഖ്യാപനം ഗ്രാമപഞ്ചായത്തംഗം രാധാകൃഷ്ണപിള്ളയും . എസ് എം സി ചെയര്‍മാന്‍ സി അനില്‍കുമാറും ഒപ്പം കൂടി.
ചൂണ്ടുവിരലില്‍ നേരത്തെയും ബാലഗ്രാം പ്രചോദകപ്രമേയമായിട്ടുണ്ട്. അതിവിടെ ക്ലിക്ക് ചെയ്താല്‍ വായിക്കാം.
1. http://learningpointnew.blogspot.com/2017/02/blog-post_27.html
2. http://learningpointnew.blogspot.com/2018/02/blog-post_13.html
വീട്ടിൽ ഒരു ലൈബ്രറി യജ്ഞം
ബാലഗ്രാം പി.എം.ജി.എൽ.പി.സ്കൂളിലെ മുഴുവൻ കുട്ടികളുടെയും വീട്ടിൽ ലൈബ്രറി സ്ഥാപിക്കുക എന്നതാണ് വായനാ പരിപോഷണ പരിപാടിയുടെ മൂന്നാം ഘട്ടമായി ഏറ്റെടുത്ത പരിപാടി. രണ്ടാം ക്ലാസിലെ ബി നിഷാസ ജിയുടെ വീട്ടിൽ ഹോം ലൈബ്രറി ഉദ്ഘാടനം ചെയ്തുകൊണ്ടായിരുന്നു അതിന്റെ തുടക്കം . മുഴുവൻ അധ്യാപകരും എസ്.എം.സി അംഗങ്ങളും ബിനിഷയുടെ അയൽക്കാരുമൊക്കെ ചടങ്ങിൽ പങ്കെടുത്തു. രണ്ടാം ക്ലാസുകാരിയുടെ പുസ്തക ശേഖരത്തിൽ ഇപ്പോൾ 69പുസ്തകങ്ങളുണ്ട്. പിന്നീട് തുടർച്ചയായ ദിവസങ്ങളിൽ ഓരോ കുട്ടികളുടെയും വീടുകളിൽ ഉദ്ഘാടനം നടന്നു. എല്ലാ പരിപാടികളും അവധി ദിവസങ്ങളിലും അല്ലെങ്കിൽ 4.30-ന്നു ശേഷവും ആയിരുന്നു. കുട്ടികൾ വായിച്ചു വളരട്ടെ. ഒപ്പം സ്വന്തമായി ഒരു ലൈബ്രറി വീടുകളിലുണ്ടാവട്ടെ അല്ലേ.
പ്രളയത്തില്‍ സ്കൂള്‍ ഹൃദയപക്ഷത്ത്
സന്യാസിയോടയിൽ ഉരുൾപൊട്ടൽ ബാലഗ്രാം പി.എം.ജി.എൽ.പി.സ്കൂളിൽ ദുരിതാശ്വാസ ക്യാമ്പ് തുറന്നു.കഴിയുന്ന സഹായങ്ങൾ പ്രതീക്ഷിക്കുന്നു.
അഗസ്റ്റിന്റെ അറിയിപ്പാണിത് .
പ്രളയ ദുരിതാശ്വാസ ക്യാമ്പിൽ സ്തുത്യർഹമായ സേവനമനുഷ്ടിച്ച പ്രധമാധ്യാപകർക്കുള്ള അവാർഡ് ബഹു: വൈദ്യുതി വകുപ്പു മന്ത്രി എം.എം.മണി ബാലഗ്രാമിലെ പ്രഥമാധ്യാപകനു നല്‍കി. മനുഷ്യത്വത്തിന്റെ കാര്യത്തില്‍ അഗസ്റ്റിന് പിന്നോട്ടു പോകാനാകില്ല.

"ശക്തമായ മഴയിൽ തെക്കേ കുരിശുമലയിൽ നിന്ന് ബാലഗ്രാം സ്കൂളിലേക്ക് കുട്ടികൾ വരുന്ന റോഡ് ഗതാഗതയോഗ്യമല്ലാതായി. കുട്ടികളുടെ ബുദ്ധിമുട്ട് മനസിലാക്കി സീനിയർ അസിസ്റ്റന്റ് ജോർജ് സാറിന്റെയും വിനോദ് സാറിന്റെയും നേതൃത്വത്തിൽ രക്ഷിതാക്കളെ സംഘടിപ്പിച്ച് റോഡ് നന്നാക്കി. കല്ല് അടിച്ചു പൊട്ടിക്കുന്നത് ജോർജ് സാറാണ്.ഇത്തരം സഹപ്രവർത്തകരാണ് ബാലഗ്രാം സ്കൂളിന്റെയും എന്റെയും വിജയവും അഭിമാനവും" അഗസ്റ്റിന്റെ വാക്കുകള്‍.
മന്‍സൂറിന്റെ ഡയറി
മൂന്നു വർഷം മുമ്പ് അഗസ്റ്റിൻ മാഷ് പി എം ജി എൽ പി.എസിലെത്തുമ്പോൾ കുട്ടികളുടെ എണ്ണം ആകെ 37. കർമ്മനിരതനായ ഏതൊരധ്യാപകനെയും പോലെ മാഷിനും ആശങ്കയായിരുന്നു. ഒപ്പം അതിജീവിക്കാനാവുമെന്ന പ്രതീക്ഷയും. അവിചാരിതമായ ഒരു മഴക്കാല യാത്രയ്ക്കിടെ ഞങ്ങൾ ഈ സ്കൂളിലെത്തി. 37 കുട്ടികൾ 87 ആയ കഥ കേട്ടിരുന്നു. ഒന്നാം ക്ലാസിൽ ഈ വർഷം രണ്ടു ഡിവിഷനുണ്ടായ കഥ .
പ്രീ പ്രൈമറി ഉൾപ്പെടെ 128 കുട്ടികൾ. കുട്ടികൾക്ക് യാത്ര ചെയ്യാൻ വാഹനം പോലും ഏർപ്പാടാക്കിയിട്ടില്ലാത്ത ഈ അക്ഷരക്കൂട്ടിൽ. ഇടുക്കിയിലെ പാമ്പാടുംപാറ പഞ്ചായത്തിലെ 10-ാം വാർഡിലാണ് സ്കൂൾ . 108 പേജുള്ള 256 പ്രവർത്തനങ്ങൾ മാസ്റ്റർ പ്ലാനിൽ . പ്രവർത്തനങ്ങൾ തുടങ്ങി. ജൈവവൈവിധ്യ ഡയറി യുടെ ഒന്നാം വോള്യം 5o പേജ് പൂർത്തിയായി. ഈ അധ്യയന വർഷം എല്ലാ വീടുകളിലും ഹോം ലൈബ്രറി സ്ഥാപിക്കുന്നു. പത്തെണ്ണം ജൂലായിൽ .വൈവിധ്യങ്ങളേറെയുണ്ട് ഇവിടെ. പോർട്ട് ഫോളിയോ ക്യാരിയർ ബാഗുകൾ, ജനകീയ ഇടപെടൽ. എസ്.എസ്.എ തയ്യാറാക്കിയ വായനാ കാർഡുകൾക്കൊപ്പം രക്ഷിതാക്കൾ തയ്യാറാക്കിയ കാർഡുകളും സ്കൂളിന്റെ സ്വന്തം മെഷീനിൽ ലാമിനേറ്റ് ചെയ്ത് വായനക്ക് ഒരുക്കിയിരിക്കുന്നു.
മറക്കില്ല: പ്രീയപ്പെട്ട അഗസ്റ്റിൻ മാഷിന്റെ വിദ്യാലയത്തെയും
അവിടുത്തെ കലപില കൂട്ടുന്ന കുരുന്നുകളെയും
ജോർജ് സേവ്യർ മാഷിന്റെ സഹപ്രവർത്തകരെയും വാർഡ് മെമ്പർ
രാധാകൃഷ്ണ പിള്ളച്ചേട്ടനെയും എട്ട് മണിക്ക് മുമ്പ് സ്കൂളിലെത്തി അധ്യാപകർ എത്തുന്നത് വരെ കുട്ടികൾക്ക് കാവലാളാകുന്ന പി ടി എ പ്രസിഡന്റ് പ്രീയപ്പെട്ട അനിൽകുമാറിനെയും
പള്ളിക്കൂടച്ചോറിന്റെ കൂട്ടായി ചേർത്ത പച്ചമുളക് ചമ്മന്തിയുടെ സ്വാദും.
അല്ല; ഇതൊക്കൊ എങ്ങനെ മറക്കാനാവും ?
2018 ജൂലായ് 10 ചൊവ്വ
ബാലഗ്രാം
തിരുവനന്തപുരം ജില്ലയില്‍ നിന്നും വിദ്യാലയവിശേഷം തിരക്കി ബാലഗ്രാമിലെത്തിയ മന്‍സൂറിന് ഇപ്പോഴും പറയാനേറെ.
അധ്യാപകര്‍ക്കും ഒരു ലൈബ്രറി

ബാലഗ്രാം പി. എം.ജി.എൽ.പി.സ്കൂളിൽ അധ്യാപകർക്കായി ലൈബ്രറി തയ്യാറാക്കി. അധ്യാപകർക്ക് അധിക വിഭവ സമാഹരണത്തിനാവശ്യമായ റഫറൻസ് പുസ്തകങ്ങൾ ലോക ക്ലാസിക്കുകൾ സെൽഫ് ഹെൽപ് പുസ്തകങ്ങൾ എന്നിവയെല്ലാം ലൈബ്രറിയിൽ ഉൾപ്പെടുത്തിയിരിക്കുന്നു. ഈ വാര്‍ത്ത ഫേസ് ബുക്കിലൂടെ അറിഞ്ഞ മറ്റു പ്രഥമാധ്യാപകര്‍ അത് മാതൃകയാക്കി.
എന്റെ വിദ്യാലയം എന്റെ അഭിമാനം
ഇതാണ് അഗസ്റ്റിന്റെ മുദ്രാവാക്യം. എത്രയെത്ര പ്രവര്‍ത്തനങ്ങളാണ് ഏറ്റെടുത്തത്?
  • ഹലോ ഇംഗ്ലീഷ് ന്റെ ഭാഗമായുള്ള APPLEഇംഗ്ലീഷ് പരിശീലന പരിപാടി.
  • ഓരോ ക്ലാസിനും ഓരോ നിറത്തില്‍ മുഴുവൻ കുട്ടികൾക്കു മുള്ള പോർട്ട് ഫോളിയോ ഫയൽ തയ്യാറാക്കി.
  • ജൈവവൈവിധ്യരജിസ്റ്റര്‍ തയ്യാറാക്കല്‍
  • അവധിദിനങ്ങളില്‍ അധ്യാപകരും രക്ഷിതാക്കളും ചേര്‍ന്ന് ജൈവവൈവിധ്യ ഉദ്യാനം വിപുലമാക്കല്‍ഒരു അക്കാദമിക വര്‍ഷത്തെ പോരായ്മകൾ പരിഹരിച്ച് അടുത്ത വർഷം കൂടുതൽ മെച്ചപ്പെട്ട പ്രവർത്തനങ്ങൾ കാഴ്ചവയ്ക്കാൻ അധ്യയനവർഷത്തിന്റെ അവസാന ദിവസം .സ്കൂളിലെ മുഴുവൻ സ്റ്റാഫും ഒന്നിച്ചിരുന്ന് ഒരു വർഷത്തെ പ്രവർത്തനങ്ങൾ വിലയിരുത്തല്‍.
  • രണ്ടാം ശനിയാഴ്ചയിലെ പഠനയാത്രകള്‍

  • ഓരോ ക്ലാസുകളുടെയും ബിഗ് ബുക്കുകളുടെ പ്രകാശനം
  • 112 പേജുകൾ .16 അധ്യായങ്ങൾ 10 പ്രവർത്തനമേഖലകൾ.6 ഉപമേഖലകൾ. ചെറുതും വലുതുമായ 238 പ്രവർത്തനങ്ങൾ .. ഇതാണ് അവരുടെ അക്കാദമിക മാസ്റ്റര്‍ പ്ലാന്‍
  • സാമൂഹ്യ പങ്കാളിത്തത്തോടെ ബാല ഗ്രാം പി.എം.ജി.എൽ.പി.സ്കൂളിൽ 12 ദിവസങ്ങൾ കൊണ്ടു സമാഹരിച്ച ആയിരത്തോ പുസ്തകങ്ങളുടെ പ്രദർശനം
പൊതു വിദ്യാഭ്യാസ മേഖലനിലനില്‌കാരം വരും തലമുറയോടു നീതി പുലർത്താനും അഗസ്റ്റിന്‍ എന്ന ഈ പ്രഥമാധ്യാപകന്‍ ഈ പ്രതിജ്ഞാബദ്ധതയോടെയാണ് പ്രവര്‍ത്തിച്ചത്.
പ്രിയസ്നേഹിതന്‍ അഗസ്റ്റിന്‍ ഈ വര്‍ഷം ഔദ്യോഗിക ജീവിതത്തില്‍ നിന്നും വിടപറയുകയാണ്
ഈ സന്ദര്‍ഭത്തില്‍ ചൂണ്ടുവിരല്‍ ബ്ലോഗിലൂടെ ഞാന്‍ അങ്ങയെ എന്റെ സ്നേഹവും ആദരവും അറിയിക്കുന്നു
കേരളത്തിലെ പൊതുവിദ്യാലയങ്ങളെ ശക്തിപ്പെടുത്തുന്നതില്‍ പ്രഥമാധ്യാപകര്‍ക്ക് വലിയ വലിയ പങ്കാണുളളതെന്നും ഏതു പ്രതിസന്ധിയിലും മുന്നേറാന്‍ കഴിയുമെന്നും തെളിയിച്ച അഗസ്റ്റിന്‍ പൊതുവിദ്യാഭ്യാസ പ്രവര്‍ത്തകര്‍ക്കെന്നും പ്രചോദനം തന്നെ


Thursday, March 14, 2019

കുരുന്നുകളുടെ വര്‍ത്തമാനം -ആരെയും അസൂയപ്പെടുത്തും ഈ എല്‍ പി സ്കൂള്‍ മാഗസിന്‍

ഫറോക്കില്‍ നിന്നും ഒരു കരുന്നു മാസിക കിട്ടി. അത് വലിയൊരു സംഭവം തന്നെ. എല്‍ പി സ്കൂളിന്റേതാണ് എന്നതാണ് ഒരു സവിശേഷത. കെട്ടിലും മട്ടിലും അതികേമം. കുട്ടികളെയും വിദ്യാലയത്തെയും അഗാധമായി സ്നേഹിക്കുന്ന ഒരു പറ്റം അധ്യാപകര്‍ ഈ വിദ്യാലയത്തിലുണ്ടെന്നതിന്റെ തെളിവ്. മയില്‍പ്പീലി പോലെ സൂക്ഷിച്ചുവെക്കാം.
എല്ലാ കുട്ടികളുടെയും പങ്കാളിത്തത്തോടെയാണ് ഈ മാസിക രൂപപ്പെട്ടത്. കൃത്യമായ ലക്ഷ്യങ്ങളുണ്ടായിരുന്നു. അവ നോക്കിയാല്‍ അക്കാദമിക ഉള്‍ക്കാഴ്ച മനസിലാകും
ലക്ഷ്യങ്ങള്‍
  • ഭാഷാ ബോധന തന്ത്രമായിഭാഷയും സംസ്കാരവും തമ്മിലുള്ള ബന്ധം രൂപപെടുത്താനും.. 
  • കുട്ടികളുടെ സർഗാത്മകത വിവിധ വ്യവഹാര രൂപത്തിൽ ആവിഷ്കരിക്കാനും.. 
  • സ്കൂളിന്റെ സംസ്‍കാരവും ഞങ്ങളുടെ  വിദ്യാലയത്തിലേക്കു കുട്ടികളെ ആകര്ഷിക്കുവാനും 
  •  സമൂഹത്തിനു മുന്നിൽ ബോധ്യപ്പെടുത്താനും..
  • സഹ പഠനവും. സംഘപഠനവും മൂലം കുട്ടികളുടെ ആത്മ വിശ്വാസം വളർത്താനും..
  • ർഎല്ലാവരും ഒന്നാമൻ ആണ് എന്ന്‌ കാണിക്കുവാനും
  • ഭിന്നശേഷിക്കാരെ യും ഉൾപ്പെടുത്തി യാവണം  സ്കൂൾ മാഗസിൻ.എന്ന ആശയം ഉൾകൊള്ളുന്ന ഒരു മാഗസിൻ..അതായിരുന്നു ലക്ഷ്യം.. 
മഗസിന് രൂപപെട്ടത് ഇങ്ങനെ.. 

പ്രക്രിയ ബോധനശാസ്ത്രപരമായി പ്രസക്തമാണ്. ജനായത്ത വിദ്യാലയസങ്കല്പപ്രകാരം പ്രവര്‍ത്തിച്ചിരിക്കുന്നു. കുട്ടികളുടെ ഉടമസ്ഥാവബോധത്തെ ഉജ്വലിപ്പിച്ചും അവരുടെ മുന്‍കൈ അനുവദിച്ചും ശേഷീവികസനത്തിനുളള അവസരമെന്ന നിലയില്‍ പ്രയോജനപ്പെടുത്തിയുമാണ് മുന്നേറിയത്. വിശദാംശങ്ങള്‍ വായിക്കുമ്പോള്‍ നിങ്ങള്‍ക്കത് മനസിലാകും


1: സ്കൂൾ അസംബ്ലിയിൽ മാഗസിൻ എന്ന ആശയം അവതരിപ്പിച്ചു. കുട്ടികളുടെ കാഴ്ച്ചപ്പാടിൽ മാഗസിന്‍ എങ്ങനെ ആവണം എന്ന്‌ചോദിച്ചു..അവർക്ക് അവരുടെ നിലപാട് വ്യക്തമാക്കുവാൻ വേണ്ടി ഒരാഴ്ച സമയവും നൽകി
 2.  കുട്ടികൾക്ക് വിവിധ സ്കൂളിലെ മാഗസിൻ നൽകി. ( 3 '4 ക്ലാസ്സിലെ കുട്ടികളെ ഉൾപ്പെടുത്തി ചർച്ചയുടെ രണ്ടാംഘട്ടം നടത്തി )
3: മുകളിൽ സൂചിപ്പിച്ച ആശയങ്ങൾ തന്നെ ആവണം എന്നും. വ്യത്യസ്‍ത പുലർത്തണം എന്നും കുട്ടികൾ ആവശ്യപ്പെട്ടു..
3:  കുട്ടികളുടെ ഇടയിൽ നിന്ന്  മാഗസിൻ കമ്മറ്റി രൂപീകരിച്ചു.. ഒന്നാം ക്ലാസിലെയും രണ്ടാം ക്ലാസിലെയും കുട്ടികളെ ഉൾകൊള്ളിച്ചു കൊണ്ട് മറ്റൊരു കമ്മിറ്റിയും രൂപീകരിച്ചു.
4. തുടർന്ന് അതിൽ നിന്ന് എഡിറ്റോറിയൽ ബോർഡംഗങ്ങളെ തെരഞ്ഞെടുത്തു.
  എഡിറ്റോറിയൽ ബോർഡ്‌ മാഗസിൻ ഇറക്കുന്നതിനെ കുറിച്ചും. മാഗസിനിൽ വരുന്ന ആശയങ്ങളെ കുറിച്ചും അസംബ്ലിയിൽ വിവരിച്ചു
തുടർന്ന് നോട്ടീസ് തയാറാക്കി ഓരോ ക്ലാസ്സിൽ പതിപ്പിക്കുകയും ചെയ്തു.
5: എഡിറ്റോറിയൽ ബോർഡ്‌ ഓരോ ക്ലാസ്സിലെ പ്രതിനിധികളെ സമീപിച്ചു അവർക്കു ചെറിയ ചെറിയ ടാസ്ക് കൾ കൊടുത്തു.
6:  സ്കൂളിൽ ഒരു ബോക്സ്‌ സ്ഥാപിച്ചു. ആ ബോക്സിൽ കുട്ടികൾ സൃഷ്ടികൾ  ഇടുകയും. വൈകുന്നേരം ആ സൃഷ് ടി കൾ  പ്രഥമാധ്യാപികയുടെ സഹായത്തോടെ പരിശോധന നടത്തി. കുട്ടികൾ സ്വന്തമായി എഴുതിയ കവിതകളും കഥകളും അല്ല എന്ന്‌ ബോധപ്പെട്ടപ്പോൾ ഒരു ചെറിയ കവിയരങ് സംഘടിപ്പിച്ചു.. എല്ലാ കുട്ടികളും പങ്കെടുത്തു.. അതിൽ മികച്ചത് സ്കൂൾ മാഗസിനെക്കു മാറ്റി
കുട്ടികളുടെ രചനകൾ വരുന്ന ഭാഗത്തിന് പേര് നിർദേശിക്കാൻ ഒന്നാം ക്ലാസ്സിലെ കുട്ടികൾക്ക് അവസരം നൽകി.. 
മഞ്ചാടിക്കുരു എന്ന പേര് ലഭിച്ചു
7: കുട്ടികളുടെ വരകൾ ഉൾപെടുത്തുക എന്നതായിരുന്നു അടുത്ത ടാക്സ്.. ഇതിൽ ഒന്ന് ഒന്നിന് മെച്ചം ആയപ്പോൾ കുട്ടികളുടെ ചിത്ര ആൽബം വേറെതന്നെ ഉണ്ടാക്കാൻ തീരുമാനം എടുത്തു
8.  അടുത്തതായി  സ്കൂൾ ചരിത്രം.. സ്കൂൾ മാനേജർ തന്നെ ആവട്ടെ എന്നായി കുട്ടികൾ.. സ്കൂൾ മാനേജർ നെ സഹായിക്കാൻ എഡിറ്റോറിയൽ ബോർഡ്‌ കൂടെ ഉണ്ടായിരുന്നു. അവർ മുൻ അധ്യാപകരെ കാണുകയും അവരുമായി ചർച്ച ചെയ്യുകയും കിട്ടാവുന്ന വിവരങ്ങൾ ശേഖരിക്കുകയും ചെയ്തു.. മാനേജർ നെ ഏൽപ്പിച്ചു..


9: പിന്നീട് സ്കൂളിൽ നടന്ന ഓരോ സംഭവവികാസങ്ങളും കോർത്തിണക്കി കൊണ്ടുള്ള വിഭവങ്ങള്‍ ആയിരുന്നു. നേട്ടങ്ങളുടെ നെറുകയിലെക്കു എന്ന പേരും കണ്ടെത്തി. ഓരോ ക്ലാസ്സിനും കൂടാതെ ഓരോ ക്ലബ്ബിനും വ്യക്തിഗതമായും ഓരോ ടോപ്പിക്ക് നൽകി.. 
10.  കുട്ടികൾ തങ്ങൾക്കു ലഭിച്ച ടോപ്പിക്ക് കൾ ആവശ്യമായ ചർച്ചകൾ നടത്തി ഗ്രുപ്പ് ഉല്പന്നമായി രൂപപ്പെടുത്തി 
11: പിന്നീട് അധ്യാപകരുടെ രചനകൾ കിട്ടുവാൻ വേണ്ടി എഡിറ്റോറിയൽ ബോർഡ്‌ നോട്ടീസ് ഉണ്ടാക്കി. അധ്യാപകരെ കാണിച്ചു. നിശ്ചിത ദിവസത്തിനുള്ളിൽ ഏൽപ്പിക്കണം എന്നും പറഞ്ഞു
12: രക്ഷിതാക്കൾ അറിഞ്ഞിരിക്കേണ്ട കാര്യങ്ങൾ... ചില പക്തികൾ ഉൾപ്പെടുത്തുവാൻ വേണ്ടി ബഹുമാനപ്പെട്ട ഡോ. കെ. കെ. എൻ. കുറിപ്പ്,, ഡോ.റസീന റിയാസ്, കെ. ജയകുമാർ ഐ എ എസ്   എന്നിവരുമായി മായി  ഫോണിൽ സംസാരിക്കുകയും. അവരുടെ ലേഖനം കിട്ടുവാൻ വേണ്ടി  ഹെഡ് മാസ്റ്റർ മുഖാന്തരം e.മെയിൽ അഭ്യര്‍ഥന അയച്ചു
13..അവർ വായിച്ച സ്കൂൾ എന്ന പേരിൽ കുട്ടികളുടെ ഭാവന യിൽ അധ്യാപകരെ പറ്റിയും സ്കൂളിനെ പറ്റിയും എഴുതിയത് . ചർച്ചക്ക് വെച്ചു.. അതിൽ രസകരമായ ചില കുറിപ്പുകള്‍ പ്രസിദ്ധീകരിക്കാൻ തീരുമാനിച്ചു
14.  സ്കൂളിലെ വേറിട്ട താരങ്ങളെ കണ്ടെത്തി.. അവരെ ഉൾപെടുത്തുക എന്നതായിരുന്നു.. ചർച്ച ചെയ്തു  എല്ലാരും ഒരേ സ്വരത്തിൽ പറയുന്ന വേറിട്ട താരങ്ങളെ പരാമർശിച്ചു .സൈബർപള്‍സി ബാധിച്ച രണ്ട് കുട്ടികൾ ഉണ്ടായിരുന്നു. സ്കൂളിൽ. അവരുടെ വീട്ടിൽ ഇടക്കിടക്ക് മറ്റു കുട്ടികൾ പോകുമായിരുന്നു. അങ്ങനെ അവരെയും ഉൾപ്പെടുത്തി.
   നേട്ടം കൈവരിച്ച   അധ്യാപകരെയും, പാചകതൊഴിലാളിയെയും ഉൾപ്പെടുത്തണം എന്ന് കുട്ടികൾ ആവശ്യപ്പെട്ടതും അവരെ ഉൾപ്പെടുത്തി ചെറിയ കുറിപ്പുകൾ തയ്യാറാക്കിയതും

ഘട്ടം 2

കിട്ടിയ  സൃഷ്ടികൾ എഡിറ്റ്‌ ചെയ്യുക എന്നതായിരുന്നു അടുത്ത ശ്രമം. ശനി, ഞായർ അവധി ദിനങ്ങൾ ഉത്സവമാക്കി എഡിറ്റോറിയൽ ടീം എഡിറ്റ്‌ ചെയ്തു
3. എഡിറ്റ്‌ ചെയ്തവ ടൈപ്പ് ചെയ്യണം.. അതിനു വേണ്ടി നാലാം ക്ലാസിലെ താല്പര്യം ഉള്ള കുട്ടികളെ മലയാളം ടൈപ്പ് ചെയ്യാന്‍ പഠിപ്പിച്ചു.. ചില കുട്ടികൾ പഠിച്ചു. പക്ഷെ അതിൽ മൂന്ന് കുട്ടികൾക്ക് മാത്രമേ നന്നായി ടൈപ്പ് ചെയ്യാൻ സാധിച്ചിട്ടുള്ളൂ.. കൂടാതെ ഇംഗ്ലീഷ് കുട്ടികൾ തന്നെ ടൈപ്പ് ചെയ്തു. അറബിക് അധ്യാപകൻ അറബിക് ടൈപ്പ് ചെയ്തു.
4: പരസ്യം കിട്ടുവാൻ വേണ്ടി  ബാങ്കിനെ സമീപിച്ചു.. ഹോസ്പിറ്റലിൽ പോയി ആവശ്യപ്പെട്ടു
5: ലേഔട്ട്. സ്കൂളിൽ ശിപശാലകളിൽ വരുന്ന ഒരു അധ്യാപകന്റെയുസ്കൂളിലെ അറബിക് അധ്യാപകന്റെ യും സഹായം തേടി.


6: മാഗസിന് ഒരു പേര് നിര്ദേശിക്കുവാൻ കുട്ടികൾക്ക് അവസരം നൽകിഅതിൽ തേൻ മൊഴി എന്ന പേര് ഒന്നാം ക്ലാസ്സിൽ ആദ്യമായി ചേർന്ന കുട്ടിയുടേതായിരുന്നു.
7. പ്രൂഫ് റീഡിങ്  അവധി ദിവസങ്ങളിൽ എഡിറ്റോറിയൽ ബോർഡ്‌  തന്നെ നടത്തി
  9. സ്കൂൾ വാര്‍ഷികത്തിനേക്ക് ഒരു കോപ്പി തയ്യാറാക്കി പ്രകാശനം ചെയ്തു.


8:  ഹെഡ്മാസ്റ്ററുടെ പരിശോധനക്ക് ശേഷം അദ്ദേഹം സൈൻ ചെയ്ത ഫൈനൽ pdf  പ്രിന്റിംഗ് ചെയ്തു. 500 കോപ്പി
9: സ്കൂളിലെ മുഴുവൻ കുട്ടികൾക്കും കോപ്പി വീട്ടിൽ കൊണ്ട് പോയി കൊടുത്തു. കൂടാതെ മാഗസിൻ BRC,  AEO OFFICE, അയൽപക്ക വിദ്യാലയത്തിൽ, സ്കൂളിലെ പ്രവർത്തങ്ങളിൽ ഇടപെടുന്നവർ.. അങ്ങനെ മാഗസിൻ  എത്തിച്ചു കൊടുത്തു.
10: സ്കൂൾ തുറക്കുന്ന അന്ന്. പുതുതായി ചേർന്ന് എല്ലാ ഒന്നാം ക്ലാസ്സിലെ കുട്ടികൾക്കും.. നഴ്സറി വിദ്യാർത്ഥികൾക്കും പ്രവേശനോത്സവത്തിൽ. നൽകി.


   ഓരോ ക്ലാസ് ലൈബ്രറി യിലും സ്കൂൾ മാഗസിൻ ഉണ്ട്. വായിച്ചാലും വായിച്ചാലും തീരാത്ത പോലെ കുട്ടികൾ ഇപ്പോഴും അത് വായിക്കും. കൂടാതെ സ്കൂൾ ലീഡർ സ്കൂളിൽ വന്നെത്തുന്ന ഗസ്റ്റ്‌ കൾക്കും നൽകും. മാഗസിൻ അവർ ഒരുപാട് നെഞ്ചിൽ ഏറ്റു എന്നതിന് തെളിവാണ്.. 
    ഇടക്കിടക്ക് കുട്ടികൾ തന്നെ മാഗസിൻ ഉള്ള കാര്യങ്ങൾ സ്കൂൾ ആകാശവാണിയിൽ ചർച്ച ചെയ്യുന്നത്
നാലാം ക്ലാസ്സിലെ കുട്ടികൾ സ്കൂൾ മാഗസിന്റെ മികവും പോരായ്മയും എന്ന വിഷയത്തിൽ ചർച്ചയും നടത്തി.


എന്താണ് എനിക്കുണ്ടായ തിരിച്ചറിവുകള്‍?
  1. അധ്യാപകരും കുട്ടികളും മാനേജരും രക്ഷിതാക്കളുമെല്ലാം ചേര്‍ന്ന് ഒരു വര്‍ഷത്തെ വിദ്യാലയ പ്രവര്‍ത്തനങ്ങള്‍ ഇത്തരത്തില്‍ ക്രോഡീകരിക്കുന്നത് നന്നായിരിക്കും
  2. കുട്ടികളുടെ ഭാഷാപരമായ ശേഷിയെ അതിന്റെ ഔന്നിത്യത്തിലെത്തിക്കാന്‍ അവര്‍ എഡിറ്റോറിയല്‍ ബോര്‍ഡംഗങ്ങളായി പ്രവര്‍ത്തിക്കുന്നതിലൂടെ സാധിക്കുന്നു.
  3. ആശയക്രമീകരണം, ലേ ഔട്ട്, വിഭവങ്ങളുടെ തെരഞ്ഞെടുപ്പ്, തീരുമാനങ്ങളെടുക്കല്‍ എന്നിവയ്ക് അവസരം ലഭിക്കുന്നു
  4. വിദ്യാര്‍ഥികള്‍ തന്നെ കമ്പ്യൂട്ടറില്‍ ടൈപ്പ് ചെയ്തു എന്നത് ആദരിക്കപ്പെടേണ്ട കാര്യമാണ്. പ്രത്യേകിച്ചും ഹൈടെക്ക് രീതിയിലേക്ക് വിദ്യാലയങ്ങള്‍ മാറുന്ന സാഗചര്യത്തില്‍
  5. ഓരോ പേജും വ്യത്യസ്തമായിരിക്കുന്നതിന് വളരെ കരുതല്‍ പ്രകടിപ്പിച്ചതായി കാണാം.
  6. കഴിഞ്ഞ വര്‍ഷത്തെ ഉല്പന്നമാണ്. ഒരു വര്‍ഷം കഴിഞ്ഞാണ് എനിക്ക് കിട്ടുന്നത്. ഇപ്പോഴും നാളെയും ഇതിന്റെ അക്കാദമിക മൂല്യം തിളങ്ങി നില്‍ക്കും.
  7. തീര്‍ച്ചയായും അധ്യാപകരുടെ പിന്തുണയും ഇടപെടലും ഉണ്ടായിട്ടുണ്ട്. മുതിര്‍ന്ന പഠനപങ്കാളി എന്ന നിലയില്‍ അത് അനിവാര്യവുമാണ്. അധ്യാപകരും അവരുടെ പ്രോഫഷണലിസം വികസിപ്പിക്കുകയായിരുന്നു എന്നു പറയാം.
  8. ആധികാരിക പഠനസന്ദര്‍ഭമാണ് വിദ്യാലയം ഒരുക്കിയത്. കുട്ടികള്‍ക്ക് അവരുടെ ഒരു വര്‍ഷത്തെ പ്രവര്‍ത്തനങ്ങള്‍ വിലയിരുത്താന്‍ കഴിഞ്ഞു. തെരഞ്ഞെടുപ്പിന് അവസരം ലഭിച്ചപ്പോള്‍ അവര്‍ നല്‍കിയ മുന്‍ഗണനകള്‍ അനുഭവവേരുകള്‍ പടര്‍ന്നവയാണ്.
  9. സര്‍ഗാത്മക രചനകള്‍ , റിപ്പോര്‍ട്ടുകള്‍, അനുഭവക്കുറിപ്പുകള്‍.... വൈവിധ്യം ഏറെ . അത്രയും വൈവിധ്യം നിലനിറുത്താനായി നടത്തിയ പ്രയത്നം ലക്ഷ്യബോധത്തോടെയുളള പ്രവര്‍ത്തനം എല്ലാത്തിനെയും മാനിക്കണം.
  10. ....................നിങ്ങളുടെ വിലയിരുത്തലിനുളളതാണ് പത്താമത്തെ മുതലുളള ഇനങ്ങള്‍..

അപ്പൂപ്പന്‍താടിയില്‍ നിന്നും പറന്നുണ്ടായതാണോ ഈ ലിപികള്‍? എത്ര മനോഹരമായ ചിത്രീകരണം?










'