252. വിലയിരുത്തലിൻ്റെ പുതുമാതൃക

"ഇത് എൻ്റെ ക്ലാസ്സിൽ ഞാൻ ചെയ്ത ഒരു പ്രവർത്തനമാണ്. പൂവ് ചിരിച്ചു എന്ന പാഠഭാഗവുമായി ബന്ധപ്പെട്ട് അവസാനം ഒരു വിലയിരുത്തൽ പോലെ ചെയ്തതാണ്

• അതിലെ കഥാപാത്രങ്ങൾ ഞാൻ രക്ഷിതാക്കളെ കൊണ്ട് വരപ്പിച്ചു  
• എന്നിട്ട് വെട്ടിയെടുത്ത് കൊടുത്തയച്ചു.
• കഥാപാത്രങ്ങളുടെ പേര് ഞാൻ ചോദിക്കുമ്പോൾ അവര് പറയുകയും അത് എടുത്തു കാണിക്കുകയും ചെയ്തു.  
• ഓരോ കഥാപാത്രങ്ങളുടെ പേര് ഞാൻ പറയുമ്പോൾ അവരെ ചിത്രം എടുക്കുകയും അതിൻ്റെ സംഭാഷണം അവര് സ്വയം എഴുതുകയും ചെയ്യുക എന്നുള്ളതാണ് ഈ പ്രവർത്തനം 
• കുട്ടികൾ വരയ്ക്കുന്നതാണ് ഏറ്റവും നല്ലത്.
• കുട്ടികളെക്കൊണ്ട് ഞാൻ പുസ്തകത്തിൽ വരപ്പിച്ചിട്ടുണ്ട്.  
• ചില രക്ഷിതാക്കൾക്ക് വരയ്ക്കാൻ അറിയില്ലഎന്ന് പറഞ്ഞപ്പോൾ പഴയ പുസ്തകത്തിൽ നിന്നും ഫോട്ടോ വെട്ടിയെടുത്ത് കൊടുത്തുവിട്ടു.
• ഈ പ്രവർത്തനം കൊണ്ട് എനിക്ക് എത്ര കുട്ടികൾക്ക് ചിഹ്നങ്ങളും അക്ഷരങ്ങളും ഉറച്ചു എന്ന് മനസ്സിലാക്കാൻ സാധിച്ചു. ശേഷം

ചറപറ ചറപറ മഴ വന്നു

കുടു കുടു ഇടി വന്നു

ചറപറ ചറപറ മഴ കൂടി

കുടു കുടു കുടു കുടു ഇടികൂടി

മഴ കൂടരുത് ഇടി കൂടരുത്

ഇനി ആരും ഇടി കൂടരുത്

• കുട്ടികളുടെ നോട്ടുപുസ്തകത്തിൽ ഈ പാട്ട് എഴുതിപ്പിക്കുകയും 
• എഴുതിക്കഴിഞ്ഞവർ എന്നെ കാണിക്കാൻ വരുമ്പോൾ  ഓരോ കുട്ടികളെ കൊണ്ടുംഞാനത് വായിപ്പിക്കുകയും 
• വായിച്ച കുട്ടികൾക്ക് സ്റ്റിക്കർ (star)ഒട്ടിച്ചു നൽകുകയും ചെയ്തു.
• ഇന്ന് 22 കുട്ടികൾ വന്നു ആകെ 26 കുട്ടികളാണ് എൻ്റെ ക്ലാസ്സിൽ .അതിൽ 21 പേർ എനിക്ക് മുഴുവനായി വായിച്ച് കേൾപ്പിക്കുകയും ചെയ്തു.
• കൂടരുത് എന്ന് ഭാഗം വരുമ്പോൾ ഇത്തിരി ബുദ്ധിമുട്ട് കുട്ടികൾക്ക് അനുഭവപ്പെട്ടു എങ്കിലുംചിലർ വായിച്ചു ചിലർക്ക് എൻ്റെ സഹായം വേണ്ടിവന്നു .ഈ പാഠഭാഗം അവസാനിച്ചപ്പോൾ മനസ്സിന് വളരെയധികം സന്തോഷം തോന്നി.നമ്മുടെ ഈ ഗ്രൂപ്പിലെ മോഡ്യൂൾ വെച്ചിട്ടാണ് ഞാൻ ക്ലാസ്സ് മുന്നോട്ടു കൊണ്ടുപോയിരുന്നത്.ഈ ഗ്രൂപ്പിൽ ഒരു അംഗമാണ് എന്നുള്ളതിൽ ഞാൻ അഭിമാനിക്കുന്നു

റസ്മിയ. കെ.എം

 എ.എം എൽ പി സ്കൂൾ

പെരുമണ്ണ

202. പൂവ് ചിരിച്ചു ആസൂത്രണക്കുറിപ്പ് 12

ക്ലാസ് : ഒന്ന്

യൂണിറ്റ് : 2

പാഠത്തിൻ്റെ പേര് : പൂവ് ചിരിച്ചു

ടീച്ചർ: ഉഷ. ടി

യുഎസ്എച്ച്എ  ടി

സി.വി.എൻ.എം.എം.എൽ.പി.എസ് വെസ്റ്റ് ചാത്തല്ലൂർ 

അരീക്കോട് സബ് 

മലപ്പുറം

കുട്ടികളുടെ എണ്ണം : .......

ഹാജരായവർ : .......

തീയതി : …./07/2025

വിലയിരുത്തൽ പ്രവർത്തനം

ഈ പാഠത്തിൽ പഠിച്ചതും മുൻ പാഠത്തിൽ പഠിച്ചതുമായ അക്ഷരങ്ങളും ചിഹ്നങ്ങളും പ്രയോജനപ്പെടുത്തി രചന നടത്തുന്നതിനുള്ള പ്രവർത്തനം നടത്തുക

കുഞ്ഞുപുസ്തക നിർമ്മാണം .

ഘട്ടം ഒന്ന്

ഓരോ കുട്ടിക്കും കുഞ്ഞുപുസ്തകം നൽകുന്നു .

ടീച്ചർ തയ്യാറാക്കിയ കുഞ്ഞുപുസ്തകം പരിചയപ്പെടുത്തുന്നു

കുഞ്ഞുചെടിയുടെ കഥയാണ് . കഥ ക്രമത്തിൽ പറയുന്നു

എങ്കിൽ ഓരോ സംഭവത്തിൻ്റെയും ചിത്രം ഓരോ പേജിലായി വരയ്കാമോ ?

ഓരോ സന്ദർശനവും കുട്ടികൾ പറയുന്നു

അതനുസരിച്ച് തീരുമാനിക്കുന്ന പേജിൽ ചിത്രം എല്ലാവരും വരയ്ക്കുന്നു . നിറം നൽകേണ്ടതില്ല . ചിത്രത്തിൻ്റെ ഭംഗി പരിഗണിക്കേണ്ടതില്ല .

ഘട്ടം രണ്ട്

ഓരോ രംഗത്തിലും എന്താണ് കുറിപ്പായി എഴുതേണ്ടത് . ഒന്ന് , രണ്ട് പേജുകളിൽ മാത്രം പൊതുവായി ചർച്ച ചെയ്ത ശേഷം എല്ലാവരും എഴുതുന്നു

ബാക്കിയുള്ള പേജുകളിൽ തനിയെ എഴുതുന്നു . ( കുഞ്ഞെഴുത്ത് , ചാർട്ട് ഇവ നോക്കാൻ പാടില്ല )

സാധ്യത താഴെ നൽകുന്നു . പ്രധാന ആശയം വന്നാൽ മതി .

പേജ് 1 ,2

പേജ് 1 എൽ വിരയുടെ ചിത്രം , രണ്ടിൽ  കുഞ്ഞ് ചെടിയുടെ ചിത്രം , അടിക്കുറിപ്പ്  എഴുതണം . എന്തായിരിക്കും എഴുതേണ്ടത് ? തനിയെ എഴുതൂ . 

സാധ്യത ആരാ നീ / നീ ആരാ ഞാൻ ചെടി 
      
      

പേജ് 3, 4

മൂന്നാം പേജിൽ ചിത്രം - ഇലയിൽ പുഴു .  നാലാം പേജിൽ വാക്യങ്ങൾ . എന്താണ് എഴുതേണ്ടത് ? കുട്ടികൾ തനിയെ എഴുതട്ടെ . സാധ്യത പുഴു വന്നു / ഇല തിന്നു / ചെടി തിന്നു .

    

പേജ് 5.6

ആടിൻ്റെ ചിത്രം ഇടത്തേ പേജിൽ : വലത്തേ  പേജിൽ കുറിപ്പ് :
സാധ്യത ആട് വന്നു / ചാടി വന്നു / ആട് ചെടി തിന്നു 
    

പേജ് 7,8

സൂര്യൻ്റെ ചിത്രം .  വാടി നിൽക്കുന്ന ചെടിയുടെ ചിത്രം : 
കുറിപ്പ് :
     ചൂട് കൂടി / ഇല വാടി /
     ചെടി വാടി

പേജ് 9, 10 

ഇരുപേജുകളിലും മഴയുടെ ചിത്രം 
അടിക്കുറിപ്പ് : 
    /മഴ വന്നു /മഴ മഴ മഴ 

പേജ്11 ,12

വെള്ളത്തിൽ മുങ്ങി നിൽക്കുന്ന ചെടി. 
കുറിപ്പ്
  ആമ വന്നു / മീന്‍ വന്നു /പാവം ചെടി/

 പേജ്13, 14

വെള്ളത്തിന് മുകളിൽ പൂവിട്ട ചെടി. 
കുറിപ്പ്: 
    പൂവ് വന്നു 

പേജ്15, 16. 

പൂവിൻ്റെ ചിത്രം, പാറി വരുന്ന കുരുവി, താറാവ് വരുന്ന ചിത്രം. 
കുറിപ്പ്
    പൂവ് ചിരിച്ചു,
    കുരുവി ചിരിച്ചു,

    താറാവ് ചിരിച്ചു

ചില രംഗങ്ങളില്‍ ഒരു വാക്യം എഴുതിയാലും മതി.

തുടര്‍ന്ന് രണ്ടോ മൂന്നോ പേരുടെ അവതരണം

ടീച്ചര്‍ വേര്‍ഷന്‍ പരിചയപ്പെടുത്തല്‍

എല്ലാവരുടെയും ഉല്പന്നങ്ങള്‍ ശേഖരിച്ച് വിലയിരുത്തല്‍

കുഞ്ഞുപുസ്തക പ്രകാശനം 

കുഞ്ഞുപുസ്തകം വിശദാംശങ്ങള്‍

• ഒന്നാം ക്ലാസുകാരുടെ ഒന്നാം ടേമിലെ കുഞ്ഞുപുസ്തകങ്ങൾ
• കുഞ്ഞുബുക്ക് നിര്‍മ്മാണം വീഡിയോ 

 

വിലയിരുത്തൽ

1. എല്ലാ ചിത്രവും വരച്ച് വാചകങ്ങള്‍ വാക്കകലം പാലിച്ച് അക്ഷരഘടനയോടെ എഴുതിയവര്‍ -

2. അക്ഷരഘടനയോടെ വാക്കകലം ഇല്ലാതെ എഴുതിയവര്‍ -

3. അക്ഷരങ്ങൾ പൂര്‍ണമായി ബോധ്യം ഇല്ലാത്തവര്‍

4. ഒന്നാം യൂണിറ്റിലെ അക്ഷരബോധ്യം ഇല്ലാത്തവര്‍

5. രണ്ടാം യൂണിറ്റിലെ അക്ഷരങ്ങൾ ബോധ്യം ഇല്ലാത്തവര്‍

പിരീഡ് 3

ഉപപാഠവും പിന്തുണയും

കുഞ്ഞുപുസ്തകം തയ്യാറാക്കിയപ്പോള്‍ എഴുത്തില്‍ പ്രയാസം നേരിട്ടവര്‍ക്ക് കൂടുതല്‍ പുനരനുഭവപ്ര വര്‍ത്തനങ്ങള്‍. അതിന്റെ ഭാഗമാണ് ഈ ഉപപാഠം. ആ കുട്ടികള്‍ മാത്രമല്ല എല്ലാ കുട്ടികളും പങ്കെടുക്കുകയും വേണം.

ടീച്ചര്‍ വര്‍ക്ക് ഷീറ്റ് പരിചയപ്പെടുത്തുന്നു

നാല് ഫ്രെയിം. ഓരോ ഫ്രെയിമിലും ചിത്രങ്ങള്‍.

ഫ്രെയിം ഒന്ന്: ഒരു ചെടി. രണ്ടില മാത്രം

ഫ്രെയിം രണ്ട്: വളര്‍ന്ന് മരമാകുന്നതിന്റെ വളര്‍ച്ച വ്യക്തമാക്കുന്ന ചിത്രീകരണം

ഫ്രെയിം മൂന്ന്: നിറയെ പൂവുകളുള്ള മരം

ഫ്രെയിം നാല്: നിറയെ പഴങ്ങളുള്ള മരം, ആകാശത്ത് പറവകള്‍

എ ഫോര്‍ ഷീറ്റിന്റെ ഇരുവശത്തുമായി കുട്ടികള്‍ക്ക് വരയ്കാം. ഒരു പേജില്‍ രണ്ട് ഫ്രെയിം വീതം.

ചെടി പറയുന്ന രീതിയിലാണ് സംഭാഷണക്കുമിള വരച്ച് എഴുതേണ്ടത്. പിന്തുണ ആവശ്യമുള്ള കുട്ടികളും ടീച്ചറും സംയുക്തമായി എഴുതണം. മറ്റുള്ളവര്‍ തനിയെയും

ഫ്രെയിം ഒന്ന്: ഞാന്‍ ചെറുചെടി

ഫ്രെയിം രണ്ട്: ഞാന്‍ വലുതാകും

ഫ്രെയിം മൂന്ന്: ഞാന്‍ പൂവിടും. പൂമരമാകും

ഫ്രെയിം നാല്: ഞാന്‍ പഴം തരും. പഴം തിന്നാന്‍ പറവ പാറി വരും

എന്നിങ്ങനെ കൃത്യതപ്പെടുത്തുന്നു. 

( ഞ, ന്‍, ച, ട, ത, ക, വ, മ, ര, ഴ, ന്ന, റ, ല എന്നീ അക്ഷരങ്ങളും ആ, ഇ, ഉ, ഊ, എ എന്നീ സ്വരങ്ങളുടെ ചിഹ്നങ്ങളും അനുസ്വാരവും പരിഗണിക്കുന്ന ഉപപാഠം)

പഠനക്കൂട്ടങ്ങളായി ഇരുന്ന് പരസ്പരം എഡിറ്റ് ചെയ്യുന്നു. ഓരോ വാക്യവും വായിച്ച് എല്ലാവരും ശരിയായ രീതിയിലാണോ എഴുതിയതെന്ന് പരിശോധിക്കുന്നു. മെച്ചപ്പെടുത്തുന്നു.

അക്ഷരബോധ്യച്ചാര്‍ട്ട്

• ഒന്ന്, രണ്ട് യൂണിറ്റുകളിലെ അക്ഷരങ്ങളും ചിഹ്നങ്ങളും പരിഗണിച്ച് അക്ഷ ബോധ്യച്ചാര്‍ട്ട് തയ്യാറാക്കുന്നു

• അക്ഷരബോധ്യച്ചാര്‍ട്ടും ഹാജര്‍ നിലയും ചേര്‍ത്ത് വിശകനം ചെയ്യുന്നു

• ഇതരസംസ്ഥാനക്കുട്ടികള്‍, ഗോത്രവിഭാഗം കുട്ടികള്‍ എന്നിവരുടെ അവസ്ഥ പരിശോധിക്കുന്നു

• ഭിന്നശേഷി വിഭാഗത്തില്‍ പെട്ടവരുടെ അവസ്ഥ വിശകലനം ചെയ്യുന്നു

• ചെറു വിശകലനക്കുറിപ്പ് തയ്യാറാക്കുന്നു.

വ്യക്തിഗത മാസ്റ്റര്‍ പ്ലാന്‍

• മുകളില്‍ നല്‍കിയ രണ്ട് വിലയിരുത്തല്‍ പ്രവര്‍ത്തനങ്ങളുടെ വിലയിരുത്തലിന്റെ അടിസ്ഥാനത്തില്‍ കൂടുതല്‍ പിന്തുണയും ശ്രദ്ധയും വേണ്ട കുട്ടികളെ പരിഗണിച്ച് വ്യക്തിഗത മാസ്റ്റര്‍ പ്ലാന്‍ തയ്യാറാക്കുന്നു

• ഓരോരുത്തരുടെയും മികവുകള്‍

• ഓരോരുത്തരുടെയും പരിമിതികള്‍

• പ്രശ്നങ്ങളുടെ സൂക്ഷ്മ നിര്‍ണയം. ഇടപെടല്‍ സാധ്യതകള്‍

• അടുത്ത യൂണിറ്റിലെ പുനരനുഭവം കൂടി പരിഗണിച്ചാണ് ഇടപെടലുകള്‍. പിന്തുണ നല്‍കേണ്ട സമയം കൃത്യതപ്പെടുത്തണം.

• നാല് പേജുള്ള കുഞ്ഞുപുസ്തകം ഓരോ ദിവസവും ടീച്ചറുടെയോ പഠനക്കൂട്ടത്തിന്റെയോ പങ്കാളിത്തത്തോടെ തയ്യാറാക്കുന്ന രീതിയുടെ സാധ്യത പരിശോധിക്കാം.

ക്ലാസ് പി ടി എ

ഉള്ളടക്കം

1. രണ്ടാം യൂണിറ്റ് പ്രവര്‍ത്തനാവലോകനം

   1. റിപ്പോര്‍ട്ട് അവതരണം. അക്ഷരബോധ്യച്ചാര്‍ട്ട് വിശകലന റിപ്പോര്‍ട്ട് അവതരിപ്പിക്കുമ്പോള്‍ കുട്ടികളുടെ പേര് പരസ്യപ്പെടുത്തരുത്)

   2. കുട്ടികളുടെ തത്സമയ പ്രകടനം (സാധ്യത: ചാര്‍ട്ട് വായന, രംഗാവിഷ്കാരം, നിര്‍ദേശിക്കുന്ന വായനപാഠം വായിക്കല്‍, തത്സമയ രച)

2. കുഞ്ഞുപുസ്തകങ്ങളുടെ പ്രകാശനം (ഓരോ രക്ഷിതാവും അവരവരുടെ മക്കളുടെ കുഞ്ഞുപുസ്തകം പ്രകാശിപ്പിക്കുന്നു. എല്ലാവരും ഒന്നിച്ച് കുട്ടികളോടൊപ്പം നിന്ന് )

3. സംയുക്ത ഡയറി

   1. സംയുക്ത ഡയറി എന്ത്? എങ്ങനെ? പരിചയപെടുത്തൽ 

   2. കഴിഞ്ഞ വർഷത്തെ ഡയറികൾ പരിചയപ്പെടുത്തൽ

   3. രക്ഷിതാക്കള്‍ ചെയ്യേണ്ടതും ചെയ്യരുതാത്തതും എന്തെല്ലാം?

   4. സംയുക്ത ഡയറിയെഴുത്ത് കൊണ്ട് കുട്ടിക്കുണ്ടായ മികവ് CPTA യിൽ സംസാരിക്കാൻ കഴിഞ്ഞ വർഷത്തെ ഒന്നാം ക്ലാസ്സിലെ രക്ഷിതാവിന് അവസരം നൽകുന്നു

   5. സംയുക്ത ഡയറിയെഴുത്ത് ഉദ്ഘാടനം

4. വ്യക്തിഗത മാസ്റ്റര്‍ പ്ലാന്‍ ആരംഭിക്കുന്ന വിവരം അറിയിക്കല്‍

5. വായനക്കൂടാരം

   1. പുസ്തകശേഖരം വര്‍ധിപ്പിക്കുന്നതിനുള്ള ആസൂത്രണം.

   2. ആഴ്ചപ്പുസ്തകം വായിച്ചുകേട്ടതിന്റെ അടിസ്ഥാനത്തില്‍ വായിച്ച പുസ്തകത്തിലെ ഇഷ്ടപ്പെട്ട രംഗത്തിന്റെ പടം വരയ്കാനും ഒന്നോ രണ്ടോ ചെറു വാക്യങ്ങള്‍ സംയുക്തസ്വഭാവത്തിലെഴുതാനും നിര്‍ദേശിക്കല്‍

   3. രക്ഷിതാക്കളുടെ കുട്ടിപ്പുസ്തകവായനക്കുറിപ്പുകള്‍ ആരംഭിക്കല്‍.

അനുബന്ധം 

ആസൂത്രണക്കുറിപ്പുകള്‍ വായിക്കാം. ക്ലിക് ചെയ്യുക

• പൂവ് ചിരിച്ചു ആസൂത്രണക്കുറിപ്പ് -1
• പൂവ് ചിരിച്ചു ആസൂത്രണക്കുറിപ്പ് - 3
• പൂവ് ചിരിച്ചു ആസൂത്രണക്കുറിപ്പ് - 2
• പൂവ് ചിരിച്ചു ആസൂത്രണക്കുറ്രിപ്പ് - 4
• പൂവ് ചിരിച്ചു ആസൂത്രണക്കുറിപ്പ് - 5
• പൂവ് ചിരിച്ചു ആസൂത്രണക്കുറിപ്പ് 7
• പൂവ് ചിരിച്ചു ആസൂത്രണക്കുറിപ്പ് - 8
• പൂവ് ചിരിച്ചു- ആസൂത്രണക്കുറിപ്പ് - 6
• പൂവ് ചിരിച്ചു ആസൂത്രണക്കുറിപ്പ് -9
• പൂവ് ചിരിച്ചു ആസൂത്രണക്കുറിപ്പ് 10
• പൂവ് ചിരിച്ചു ആസൂത്രണക്കുറിപ്പ് 11
• പൂവ് ചിരിച്ചു ആസൂത്രണക്കുറിപ്പ് 12

കുഞ്ഞുപുസ്തകം

• ഒന്നാം ക്ലാസുകാരുടെ ഒന്നാം ടേമിലെ കുഞ്ഞുപുസ്തകങ്ങൾ

സി.വി.എൻ.എം.എം.എൽ.പി.എസ് വെസ്റ്റ് ചാത്തല്ലൂരിലെ ആദിത്യന്‍ കുഞ്ഞുപുസ്തകം നിര്‍മ്മിക്കുന്നതി്ന്റെ വീഡിയോ 

• കുഞ്ഞുബുക്ക് നിര്‍മ്മാണം വീഡിയോ 

പൂവ് ചിരിച്ചു

വായനപാഠങ്ങള്‍

• വായന പാഠങ്ങൾ - പൂവ് ചിരിച്ചു

അക്ഷരഘടന

• പൂവ് ചിരിച്ചു- അക്ഷരങ്ങള്‍

സംയുക്ത ഡയറി

• സംയുക്ത ഡയറിയും അക്കാദമിക മാസ്റ്റര്‍ പ്ലാനും

 

201. പൂവ് ചിരിച്ചു ആസൂത്രണക്കുറിപ്പ് 11

ക്ലാസ് : ഒന്ന്

യൂണിറ്റ് : 2

പാഠത്തിൻ്റെ പേര് : പൂവ് ചിരിച്ചു

ടീച്ചര്‍ : 

പ്രസന്ന എ പി 

ജി.എൽ.പി.എസ് പലകപ്പറമ്പിൽ , മങ്കട, മലപ്പുറം

കുട്ടികളുടെ എണ്ണം : .......

ഹാജരായവർ : .......

തീയതി : …./07/2025

പിരിയഡ്  1

പ്രവര്‍ത്തനം രംഗാവിഷ്കാരം . 

പഠനലക്ഷ്യങ്ങള്‍:

1. സംഘമായി താളത്തിൽ ചുവടുവെച്ചും താളമിട്ടും പാട്ടുകൾ അവതരിപ്പിക്കുന്നു.

2. പരിചിതമായ പാട്ടുകൾക്ക് അനുയോജ്യമായ താളം നൽകിയും ഭാവാത്മകമായും ഒറ്റയ്ക്കും കൂട്ടായും സദസ്സിനു മുമ്പാകെ അവതരിപ്പിക്കുന്നു.

3. ലഭ്യമായ വസ്തുക്കൾ ഉപയോഗിച്ച് കഥാപാത്രങ്ങളുടെ വേഷം, പ്രോപ്പർട്ടികൾ, രംഗസജ്ജീകരണം എന്നിവ തയ്യാറാക്കി രംഗാവിഷ്കാരം നടത്തുന്നു.

സമയം: 40 മിനുട്ട്

കരുതേണ്ട സാമഗ്രികള്‍. മഞ്ഞപ്പൂമുഖംമൂടികള്‍

പ്രക്രിയാവിശദാംശങ്ങള്‍:

ഘട്ടം 1 (സമയം 15 മിനുട്ട്)

പൂപ്പേര് കളി

കളിനിയമം- നിറം പറഞ്ഞ് ആളെ ചൂണ്ടിയാല്‍ ആ കുട്ടി ആ നിറമുള്ള പൂവിന്റെ പേര് പറയണം.

ഉദാഹരണം

ചോപ്പ് ചോപ്പ് ചോപ്പ് 

ചെമ്പരത്തി ചോപ്പ്

വെള്ള വെള്ള വെള്ള 

മുല്ലപ്പൂ വെള്ള

നീല നീല നീല

………………

നേരത്തെ നിറത്തിന്റെ അടിസ്ഥാനത്തില്‍ തരംതരിച്ചത് ഓര്‍മ്മിപ്പിക്കണം.

മഞ്ഞ മഞ്ഞ മഞ്ഞ

…………………..

കണ്ടിട്ടുള്ള മഞ്ഞപ്പൂക്കളില്‍ ഏതാണ് വലുത്? അനുഭവങ്ങള്‍ പങ്കിടുന്നു.

മത്തപ്പൂ, കുമ്പളപ്പൂവ്, കോളാമ്പിപ്പൂവ് എന്നിവ കരുതിയാല്‍ നന്ന്.

ഘട്ടം 2 (സമയം 15 മിനുട്ട്)

രംഗാവിഷ്കാരം

• ഇനി നമ്മള്‍ക്ക് കുമ്പളപ്പൂവിന്റെ പാട്ട് പാടാം. അഭിനയിച്ചാണ് പാടേണ്ടത്. കുമ്പളപ്പൂവിനോടുള്ള പാട്ടാണ്.

• കുമ്പളപ്പൂവാകണം. അതിനെന്താ ചെയ്യുക? നിങ്ങള്‍ക്ക് നിര്‍ദ്ദേശിക്കാനുണ്ടോ? പ്രതികരണം.

• പൂക്കളുടെ മുഖം മൂടിയായാലോ? മുഖം മൂടി ഉണ്ടാക്കാനറിയാമോ? ഉണ്ടാക്കുന്ന വിധം കാണിച്ചുകൊടുക്കുന്നു. ഇപ്പോള്‍ നിങ്ങളുണ്ടാക്കണ്ട. വീട്ടില്‍ രക്ഷിതാക്കള്‍ സഹായിച്ചാല്‍ സ്വന്തമായി ഉണ്ടാക്കാം. ഇപ്പോള്‍ ഞാന്‍ തരാം.

• മഞ്ഞപ്പൂമുഖംമൂടികള്‍ നാലഞ്ച് കുട്ടികള്‍ക്ക് നല്‍കുന്നു. അവര്‍ ക്ലാസിന് നടുവില്‍ നില്‍ക്കുന്നു. മറ്റു കുട്ടികളും ടീച്ചറും ആ പൂവുകളെ ചുറ്റി നടന്ന കാണുന്നു. അപ്പോള്‍ വായ്ത്താരി ടീച്ചര്‍ പാടുന്നു. കുട്ടികള്‍ ഏറ്റുപാടുന്നു. താളത്തില്‍ ചുവട് വെയ്ക്കുന്നു.

തകത്തെയ്തക തകത്തെയ്തക തകത്തെയ്താരോ

തകത്തെയ്തക തകത്തെയ്തക തകത്തെയ്താരോ

തകത്തെയ്തക തകത്തെയ്തക തകത്തെയ്താരോ

തകതിമി തകത്തെയ്തക തകത്തെയ്തക തകത്തെയ്താരോ

തകതിമി തകത്തെയ്താരോ തകതിമി തകത്തെയ്താരോ

 ടീച്ചര്‍ കുമ്പളപ്പൂവിനോട് വായ്ത്താരി പാടി പറയും. കുട്ടികള്‍ ഏറ്റ് പാടണം.

മഞ്ഞ വാരിപ്പൂശി നില്‍ക്കും

കുമ്പളപ്പൂവേ നിന്നെ

ഇന്നു കാണാന്‍ നല്ല ചന്തം

കുമ്പളപ്പൂവേ…(2)

(അപ്പോള്‍ പൂക്കളാണ് വായ്ത്താരി താളത്തില്‍ തലയാട്ടി ചൊല്ലേണ്ടത്)

തകത്തെയ്തക തകത്തെയ്തക തകത്തെയ്താരോ

തകത്തെയ്തക തകത്തെയ്തക തകത്തെയ്താരോ

തകത്തെയ്തക തകത്തെയ്തക തകത്തെയ്താരോ

തകതിമി തകത്തെയ്തക തകത്തെയ്തക തകത്തെയ്താരോ

തകതിമി തകത്തെയ്താരോ തകതിമി തകത്തെയ്താരോ

വായ്താരി പാടിക്കഴിഞ്ഞ് ടീച്ചര്‍ അഭിനയ സാധ്യത പ്രയോജനപ്പെടുത്തി കുമ്പളപ്പൂവിനോട് പാടി ചോദിക്കും. കുട്ടികള്‍ ഏറ്റ് പാടണം.

നാളെ നീയും ചുളിഞ്ഞാവും

കൊഴിഞ്ഞേ വീഴും പിന്നെ

എന്തിനിങ്ങനെ ചിരിക്കുന്നു

കുമ്പളപ്പൂവേ..? (2)

തകത്തെയ്തക തകത്തെയ്തക തകത്തെയ്താരോ

തകത്തെയ്തക തകത്തെയ്തക തകത്തെയ്താരോ

തകത്തെയ്തക തകത്തെയ്തക തകത്തെയ്താരോ

തകതിമി തകത്തെയ്തക തകത്തെയ്തക തകത്തെയ്താരോ

തകതിമി തകത്തെയ്താരോ തകതിമി തകത്തെയ്താരോ

ടീച്ചര്‍ പൂക്കളുടെ പക്ഷം ചേര്‍ന്ന് മറുപടി പാടുന്നു. പൂക്കള്‍ ഏറ്റ് പാടുന്നു

പൂ കൊഴിഞ്ഞാലതില്‍നിന്നും

കായ് വിരിഞ്ഞീടും കുഞ്ഞേ

ഞാന്‍ കൊഴിഞ്ഞാലെന്നില്‍നിന്നും

കുമ്പളം കായ്ക്കും..(2)

എല്ലാവരും കൂടി പാടുന്നു

തകത്തെയ്തക തകത്തെയ്തക തകത്തെയ്താരോ

തകത്തെയ്തക തകത്തെയ്തക തകത്തെയ്താരോ

തകത്തെയ്തക തകത്തെയ്തക തകത്തെയ്താരോ

തകതിമി തകത്തെയ്തക തകത്തെയ്തക തകത്തെയ്താരോ

തകതിമി തകത്തെയ്താരോ തകതിമി തകത്തെയ്താരോ

ഘട്ടം 3 (സമയം 10 മിനുട്ട്)

• പൂക്കളായി മറ്റ് കുട്ടികള്‍ മുഖം മൂടി ധരിച്ച് നില്‍ക്കുന്നു. രംഗാവിഷ്കാരം തുടരുന്നു. 

വിലയിരുത്തൽ:

• എല്ലാ കുട്ടികളും രംഗാവിഷ്കാരത്തിൽ പങ്കെടുത്തോ?

• ആരൊക്കെയാണ് ഭാവാത്മകമായി അവതരിപ്പിച്ചത്?

പീരീഡ് രണ്ട്

പ്രവര്‍ത്തനം:  ഊഹിച്ചുപറയാം

പഠനലക്ഷ്യങ്ങള്‍:

• പൂക്കളില്ലാതെയായാൽ ജീവജാലങ്ങൾക്ക് എന്തു സംഭവിക്കുമെന്ന് പ്രവചിക്കുക (പൂക്കളില്ലെങ്കില്‍ കായ്കളും വിത്തുകളും ഉണ്ടാകില്ല. ജീവികള്‍ക്ക് ആഹാരമില്ലാതാകും. വിത്തില്ലെങ്കില്‍ പുതിയ ചെടികൾ ഉണ്ടാകില്ല‍)

സമയം: 30 മിനുട്ട്

പ്രശ്നാവതരണം:

പൂക്കള്‍ ഇല്ലാതായാല്‍ അത് ജീവജാലങ്ങളെ എങ്ങനെ ബാധിക്കും?

കുട്ടികളുടെ പ്രതികരണങ്ങള്‍

ടീച്ചര്‍ പാട്ട് പാടാം. പൂരിപ്പിക്കാമോ?

പൂവില്ലെങ്കില്‍ കായില്ല

കായില്ലെങ്കില്‍ ……...

കായില്ലെങ്കില്‍ പഴമില്ല

പഴമില്ലെങ്കില്‍ ……….

പഴമില്ലെങ്കില്‍ വിത്തില്ല

വിത്തില്ലെങ്കില്‍ ………….

വിത്തില്ലെങ്കില്‍ ചെടിയില്ല

..............................

..............................

പൂക്കള്‍ , കായ, പഴം, വിത്ത്, തൈച്ചെടി. സസ്യം, പൂക്കള്‍‍ എന്ന ചാക്രിക ക്രമത്തില്‍ തക്കാളി പോലെയുളള ചെടികളുടെ ജീവിതചക്രം ക്രമീകരിച്ച ചിത്രം പ്രദര്‍ശിപ്പിക്കുന്നു.

പ്രതീക്ഷിത ഉല്പന്നം

• ക്ലാസ് ചാർട്ട്

വിലയിരുത്തല്‍

• ജീവജാലങ്ങളുമായി ബന്ധപ്പെടുത്തി പൂക്കളുടെ പ്രാധാന്യത്തെക്കുറിച്ച് ആശയങ്ങള്‍ പങ്കിട്ടവരെത്ര?

• ഉദാഹരണങ്ങള്‍ നല്‍കിയവരെത്ര?

വായനപാഠങ്ങള്‍

• ഇതുവരെ നല്‍കിയ വായനപാഠങ്ങളുടെ പ്രിന്റ് മേശപ്പുറത്ത് കമഴ്ത്തി വയ്ക്കുന്നു.

• ഓരോരുത്തരും ഓരോന്ന് വീതം എടുക്കുന്നു.

• പഠനക്കൂട്ടത്തില്‍ പരസ്പരം വായിച്ചുകേള്‍പ്പിക്കുന്നു.

• തുടര്‍ന്ന് ഓരോ പഠനക്കൂട്ടവും അവര്‍ക്ക് കിട്ടിയ വായനക്കാര്‍ഡുകള്‍ വായിക്കുന്നു.

സവിശേഷ സഹായസമയം

1. കൂടുതല്‍ പിന്തുണ വേണ്ട കുട്ടികള്‍, ഹാജരാകാത്ത കുട്ടികള്‍ എന്നിവര്‍ക്കായി ഉപപാഠങ്ങള്‍ തയ്യാറാക്കി പിന്തുണ നല്‍കുന്നു

2. പഠനക്കൂട്ടങ്ങളില്‍ കുഞ്ഞെഴുത്ത് പൂര്‍ണ്ണമാക്കുന്നു

3. വായനക്കൂടാരത്തില്‍ മറ്റ് കുട്ടികള്‍ ചിത്രപുസ്തകത്തെ ആസ്പദമാക്കി കഥ ഉണ്ടാക്കി പങ്കിടുന്നു.

അനുബന്ധം 

ആസൂത്രണക്കുറിപ്പുകള്‍ വായിക്കാം. ക്ലിക് ചെയ്യുക

• പൂവ് ചിരിച്ചു ആസൂത്രണക്കുറിപ്പ് -1
• പൂവ് ചിരിച്ചു ആസൂത്രണക്കുറിപ്പ് - 3
• പൂവ് ചിരിച്ചു ആസൂത്രണക്കുറിപ്പ് - 2
• പൂവ് ചിരിച്ചു ആസൂത്രണക്കുറ്രിപ്പ് - 4
• പൂവ് ചിരിച്ചു ആസൂത്രണക്കുറിപ്പ് - 5
• പൂവ് ചിരിച്ചു ആസൂത്രണക്കുറിപ്പ് 7
• പൂവ് ചിരിച്ചു ആസൂത്രണക്കുറിപ്പ് - 8
• പൂവ് ചിരിച്ചു- ആസൂത്രണക്കുറിപ്പ് - 6
• പൂവ് ചിരിച്ചു ആസൂത്രണക്കുറിപ്പ് -9
• പൂവ് ചിരിച്ചു ആസൂത്രണക്കുറിപ്പ് 10
• പൂവ് ചിരിച്ചു ആസൂത്രണക്കുറിപ്പ് 11
• പൂവ് ചിരിച്ചു ആസൂത്രണക്കുറിപ്പ് 12

കുഞ്ഞുപുസ്തകം

• ഒന്നാം ക്ലാസുകാരുടെ ഒന്നാം ടേമിലെ കുഞ്ഞുപുസ്തകങ്ങൾ

പൂവ് ചിരിച്ചു

വായനപാഠങ്ങള്‍

• വായന പാഠങ്ങൾ - പൂവ് ചിരിച്ചു

അക്ഷരഘടന

• പൂവ് ചിരിച്ചു- അക്ഷരങ്ങള്‍

സംയുക്ത ഡയറി

• സംയുക്ത ഡയറിയും അക്കാദമിക മാസ്റ്റര്‍ പ്ലാനും