ടയറിൻ്റെ പുനരുപയോഗം സ്കൂളുകളിൽ

ടയറ് പഞ്ചറാകട്ടെ. ഇത്തിരി പെയിൻ്റിൽ കലാബോധം മുക്കി ഒരു ചെയ്ത് നടത്തണം. ചെറിയ ക്ലാസുകളിലെ കുട്ടികൾക്ക് ഇഷ്ടമാകും. ഒത്തിരി സാധ്യതകൾ. പിന്നെ ഒരു കാര്യം. വൃത്തിയായി സൂക്ഷിക്കണം. ചിലത് ആവശ്യാനുസരണം അകത്തും പുറത്തും ഉപയോഗിക്കാം. 

തീം വാഹനം

തീം: ജീവികൾ

പഠന പരിപോഷണം. കാഴ്ചപ്പാടും കർമമേഖലകളും.

പഠന നിലവാരം ഉയർത്തുന്നതിനായി എല്ലാ വർഷവും വിദ്യാഭ്യാസ മേഖലയിൽ പ്രവർത്തിക്കുന്ന എല്ലാ ഏജൻസികളും പുതിയ പദ്ധതികൾ ഉണ്ടാകാറുണ്ട്. പൊതുവിദ്യാഭ്യാസ വകുപ്പ്, സമഗ്ര ശിക്ഷ, കൈറ്റ്, സീമാറ്റ്, എസ് ഐ ഇ ടി, ഡയറ്റ്, ജില്ലാ പഞ്ചായത്ത്, ഗ്രാമ / മുൻസിപ്പൽ പഞ്ചായത്തുകൾ, പി ടി എ കമ്മറ്റികൾ തുടങ്ങിയവ എല്ലാം ഇതിൽ സജീവമാണ്.

ആവിഷ്കരിച്ച ഗുണമേന്മാപോഷണ പരിപാടികൾ കൊണ്ടുണ്ടായ മാറ്റം കൃത്യമായി കണ്ടെത്താനും വിജയമെങ്കിൽ തുടരാസൂത്രണം നടത്താനും ലക്ഷ്യത്തിലെത്തിയില്ലെങ്കിൽ എന്തുകൊണ്ട് എന്ന് അന്വേഷിക്കാനും കഴിയണം.

പരിപാടി ആസൂത്രണം ചെയ്യുമ്പോൾ ത്തന്നെ വിലയിരുത്തൽ രീതിയും രൂപകല്പന ചെയ്യണം.

1.

പലപ്പോഴും കേന്ദ്രീകൃത പാക്കേജുകളാണ് ഉണ്ടാവുക. അതിൻ്റെ ഫലമായി അധ്യാപകരിൽ സൃഷ്ടിപരമായ അക്കാദമിക അന്വേഷണ മുരടിപ്പുണ്ടായി. മുകളിൽ നിന്നു നിർദേശിക്കുന്നത് അനുസരിക്കുകയാണ് കടമ എന്ന് അവരെ വിശ്വസിപ്പിക്കാൻ സംവിധാനം വീണ്ടും വീണ്ടും ശ്രമിച്ചുകൊണ്ടിരിക്കുന്നു.

ഈ സ്ഥിതി മാറേണ്ടതുണ്ട്.

ജ്ഞാന നിർമിതി വാദം, വികേന്ദ്രീകൃതാസൂത്രണം, അധ്യാപകരെ വിശ്വാസത്തിലെടുക്കൽ, വിദ്യാലയത്തിൻ്റെ അക്കാദമിക മാസ്റ്റർ പ്ലാനിനെ മാനിക്കൽ, പ്രാദേശികത്തനിമകളെ അംഗീകരിക്കൽ, പ്രശ്നത്തിന് ഉറവിടത്തിൽത്തന്നെ പരിഹാര സാധ്യത തേടൽ തുടങ്ങിയവ പരിഗണിക്കണം.

2)

എങ്ങനെ തുടങ്ങണം?

1. കൊവിഡ് വരുന്നതിന് മുമ്പുള്ള പOന നിലവാരവിശകലനം നടത്തണം.

2. കൊവിഡ് മൂലം സംഭവിച്ച പ0ന വിടവ് നിശ്ചയിക്കണം

3. എങ്കിൽ കൈവരിക്കേണ്ട ലക്ഷ്യം (5 വർഷത്തിനുളളിൽ ) വിഷയാടിസ്ഥാനത്തിൽ തയ്യാറാക്കണം

4. വാർഷിക പരിഗണന / ഊന്നലുകൾ നിശ്ചയിക്കണം.

ഈ നാലു കാര്യങ്ങൾ സംസ്ഥാന / ജില്ല/ബിആർസി / പഞ്ചായത്ത് / സ്കൂൾ/ ക്ലാസ് തലങ്ങളിൽ നടക്കേണ്ടതുണ്ട്. 

1. മുഖ്യ പഠനാശയങ്ങൾ, നൈപുണികൾ എന്നിവ നിശ്ചയിക്കണം. (പഠന നേട്ടങ്ങൾ കടഞ്ഞ് എടുക്കണം )

2. കുട്ടികളുടെ പ്രക്രിയാ പരമായ അനുഭവങ്ങളെ വിമർശനാത്മകമായി വിശകലനം ചെയ്യണം.

3. പ്രക്രിയാ നവീകരണ സാധ്യതകൾ കണ്ടെത്തണം.

ഇവ മൂന്നും ചെയ്യുന്നതിന് അധ്യാപകരെ പ്രാപ്തമാക്കുന്നതെങ്ങനെ എന്ന് ആലോചിക്കണം

50 അധ്യാപകർക്ക് ഒരു മെൻറർ എന്ന നിലയിൽ വർഷം മുഴുവൻ സാധ്യമാകുന്ന സഹവർത്തിത പ0ന സംഘം രൂപപ്പെടുത്താൻ കഴിയുമോ?

കേരളത്തിൽ ആയിരക്കണക്കിന് അക്കാദമികഅന്വേഷണ സംഘങ്ങൾ.

അവർക്കായി മാർഗരേഖ തയ്യാറാക്കി നൽകാം

ക്ലാസ് / വിഷയാടിസ്ഥാനത്തിൽ ആകണം ഈ അക്കാദമിക അന്വേഷണ സംഘം

പൊതു രൂപരേഖയ്ക്കുള്ളിൽ നിന്ന് തനതായ രീതികൾ വികസിപ്പിക്കാനാണ് ശ്രമിക്കേണ്ടത്.

50 അംഗ സംഘത്തിന് ചെറുസംഘങ്ങളുമാകാം

ഓരോ ചെറു സംഘവും തയ്യാറാക്കുന്ന പ്രവർത്തന പരിപാടികൾ 50 അംഗ സമിതിയിൽ അവതരിപ്പിച്ച് മെച്ചപ്പെടുത്താം.

ഇതിൻ്റെ അടിസ്ഥാനത്തിൽ ക്ലാസ്സ് / വിഷയ അക്കാദമിക മാസ്റ്റർ പ്ലാൻ തയ്യാറാക്കണം.

ലക്ഷ്യങ്ങൾ

പ്രതീക്ഷിത നേട്ട നിലവാരം

പ്രവർത്തന പരിപാടി ഇവ ഉൾക്കൊള്ളുന്നതാകണം ക്ലാസ് വിഷയ അക്കാദമിക മാസ്റ്റർ പ്ലാൻ.

പൊതുവായ പാഠ്യപദ്ധതി വിനിമയവുമായി ലയിച്ചു കൊണ്ടുപോകാവുന്ന രീതിയാണ് അഭികാമ്യം.

ഇതെങ്ങനെ സാധ്യമാകും?

പുതിയതായിതയ്യാറാക്കിയതും മുൻ വർഷം വരെ പ്രയോഗിച്ചു ഫലം കിട്ടാത്തതും മുന്നിൽ.ഏതൊഴിവാക്കണം.പാഠപുസ്തകത്തിലെയാണെന്നോ അധ്യാപക സഹായിയിലെ ആണെന്നോ ചിന്തിക്കേണ്ട. ഫലപ്രദമല്ലാത്ത പ്രവർത്തനങ്ങൾ ബദലുകൾ കൊണ്ട് നികത്തപ്പെടണം.

3)

ക്ലാസ് പിടിഎയുടെ പുതിയ റോൾ.

തയ്യാറാക്കിയ കർമപദ്ധതി നടപ്പിലാക്കുന്നതിന് വീടൊരുക്കം എങ്ങനെ? രക്ഷിതാവ് എങ്ങനെയെല്ലാം സഹായിക്കണം. കൃത്യമായ ഉദാഹരണ സഹിതം അവരെ ബോധ്യപ്പെടുത്തണം. ഇത് നിരന്തരം നടക്കണം. രക്ഷാകർതൃവിദ്യാഭ്യാസത്തിന്  മൊഡ്യൂൾ തയ്യാറാക്കണം.

4. )

എസ് ആർ ജി പുനരാസൂത്രണം.

ക്ലാസ് / വിഷയ അക്കാദമിക മാസ്റ്റർ പ്ലാൻ നിർവഹണം വിലയിരുത്തണം. തെളിവുകൾ വെച്ചുള്ള പങ്കിടലുകൾ, സ്കൂൾ തല അക്കാദമിക ശിൽപശാലകൾ ഒക്കെ വേണ്ടി വരും

ശരിക്കും റിസോഴ്സ് ഗ്രൂപ്പായി മാറണം.

5 )

സ്കൂൾ അക്കാദമിക മാസ്റ്റർ പ്ലാൻ

ക്ലാസ് / വിഷയ മാസ്റ്റർ പ്ലാനിൽ പെടാത്ത എന്തെങ്കിലും ഉണ്ടെങ്കിൽ അവ മാത്രം പുതിയതായി തയ്യാറാക്കണം.

ക്ലാസ് / വിഷയ അക്കാദമികമാസ്റ്റർ സ്കൂൾ അക്കാദമികമാസ്റ്റർ പ്ലാനിൻ്റെ ഭാഗമാണ്.

6. )

എസ് എം സി എങ്ങനെ പ0ന പരിപോഷണ പരിപാടിയെ സഹായിക്കും? എങ്ങനെ അവർക്ക് ഫീഡ്ബാക്ക് നൽകും? അക്കാദമിക അജണ്ട മാത്രം വെച്ച് ഒന്നിടവിട്ട മാസങ്ങളിൽ യോഗങ്ങൾ ആലോചിക്കാമോ?

എസ് എം സി അംഗങ്ങൾ അവരുൾപ്പെടുന്ന ക്ലാസ് പി ടി എ ശക്തമാക്കാൻ എങ്ങനെ ഇടപെടണം? പ്രവർത്തനങ്ങൾക്കാവശ്യമായ ധന പിന്തുണ, സാമൂഹ്യ പിന്തുണ എന്നിവയൊക്കെ പ്രസക്തമാണ്.

7)

നിരന്തര വിലയിരുത്തലിനുള്ള പ്രായോഗിക രീതികൾ

കുട്ടിയിൽ സ്വയം വിലയിരുത്തൽ ശേഷി വർധിപ്പിക്കാനും ഉത്തരവാദിത്വം തിരിച്ചറിഞ്ഞ് കുട്ടിക്ക് പ്രവർത്തിക്കാനും നിരന്തര വിലയിരുത്തൽ ലക്ഷ്യമിടണം. വിലയിരുത്താൻ ശീലിക്കുക എന്നതും പ0നമാണ്.

കുട്ടിയുടെ പക്ഷത്തുനിന്ന് പ0ന ലക്ഷ്യങ്ങൾ ഓരോ പ്രവർത്തനത്തിലും വികസിപ്പിക്കുമ്പോഴാണ് കുട്ടിക്ക് കൃത്യതയുണ്ടാവുക. ഓരോ കുട്ടിയും യൂണിറ്റാണ് എന്ന് തൊങ്ങലിട്ട് പറഞ്ഞാൽ പോര.

നിരന്തര വിലയിരുത്തലിൻ്റെ ശക്തമായ നട്ടെല്ലുണ്ടാകുമ്പോഴാണ് ദൗർബല്യമില്ലാത്ത പ0നം നടക്കുക. അതിനാൽ പഠന പരിപോഷണ പരിപാടിയിൽ നിരന്തര വിലയിരുത്തൽ നിർണായകമാണ്. കാഴ്ചപ്പാട് രൂപീകരണം, പ്രയോഗ സാധ്യതകൾ കണ്ടെത്തൽ എന്നിവയ്ക്കായി ശിൽപശാലകൾ വേണ്ടിവരും

8).

പി ഇ സി

LP, UP, HS, HSS എന്നിവ ഒരേ ഭൂപ്രദേശത്ത് പ്രവർത്തിക്കുന്നു.പൊതു വിഷയങ്ങൾ തീരുമാനിക്കുന്നതിന് PEC ക്ക് കഴിയും.അക്കാദമിക കാര്യങ്ങൾക്കായി പ്രത്യേകം സമിതി വേണ്ടിവരും. പഞ്ചായത്ത് അക്കാദമിക സമിതിയുടെ പ്രവർത്തന കേന്ദ്രമായി CRC/PRC മാറണം. പ്രാദേശികമായ വിഭവ കൈമാറ്റം, ശിൽപശാലകൾ, സെമിനാറുകൾ, രക്ഷാകർതൃപിന്തുണാ പ്രവർത്തനങ്ങൾ പ0ന പരിപോഷണ പരിപാടിയുടെ ഭാഗമായി ഏറ്റെടുക്കണം. പഠനസാമഗ്രികളുടെ വികാസത്തിനായി ഫണ്ട് തദ്ദേശ സ്വയംഭരണ സ്ഥാപനങ്ങളും നീക്കിവയ്ക്കണം

9. 

പാർശ്വവത്കൃത വിഭാഗവും ഭിന്നശേഷി വിദ്യാർഥികളും

ഏതൊരു കർമപരിപാടിയിലും ഈ വിഭാഗങ്ങളുടെ പരിഗണന എങ്ങനെ എന്ന് ആലോചിക്കണം.ഉപ പദ്ധതികൾ തയ്യാറാക്കാവുന്നതുമാണ്.

10.

പ0നത്തെ സമൂഹവുമായി ബന്ധിപ്പിക്കൽ

പ0നം നിത്യജീവിതവുമായി ബന്ധിപ്പിക്കണം എന്ന് തത്വത്തിൽ അംഗീകരിക്കുകയും അത് നടക്കാതെ പോവുകയും ചെയ്യുന്നതിന് കാരണം വഴക്കമില്ലാത്ത പാഠപുസ്തകവും കേന്ദ്രീകൃതമായി തയ്യാറാക്കുന്ന പ0ന സാമഗ്രികളുമാണ്. നേരത്തെ സൂചിപ്പിച്ച തരത്തിൽ പ്രാദേശിക അക്കാദമിക അന്വേഷണ സംഘങ്ങൾ പഠന സാമഗ്രികൾ തയ്യാറാക്കുമ്പോൾ അതത് പ്രദേശത്തിൻ്റെ സാമൂഹിക സാംസ്കാരിക ഘടകങ്ങൾ പ്രതിഫലിപ്പിക്കാനാകും. ഒപ്പം സാമൂഹിക പ്രശ്നങ്ങളിലേക്ക് ശ്രദ്ധ ക്ഷണിക്കുന്ന പ്രവർത്തനങ്ങളും നടക്കും.സമൂഹവുമായി പ0നത്തിന് പ്രത്യക്ഷ ബന്ധം കണ്ടെത്താൻ കുട്ടിക്ക് കഴിയും

ഇതിന് അധ്യാപകരെ പ്രാപ്തരാക്കണം.

സമൂഹത്തെയും പ്രകൃതിയെയും പ0ന വിഭവമാക്കലും നടക്കണം

11

പ്രൊജക്ടുകൾക്ക് പരിഗണന

കുട്ടിയിലെ അന്വേഷണാത്മക വിശകലനാത്മക ചിന്തകളെ പരിപോഷിപ്പിക്കാൻ LEP വാതിൽ തുറന്നിടണം. ഇതിന് അനുയോജ്യമാണ് പ്രോജക്ടുകൾ. ഉയർന്ന ചിന്താ നൈപുണികൾ പഠന പരിപോഷണ പദ്ധതിയുടെ ഭാഗമാകണം

12

ഡിജിറ്റൽ വേദികൾ പ്രയോജനപ്പെടുത്തൽ

അറിവ് പകർന്നു നൽകാനായാണ് ഭൂരിപക്ഷം അധ്യാപകരും ഡിജിറ്റൽ സാധ്യത ഉപയോഗിക്കുന്നത്. സ്വയം പഠനം, അറിവുകളെ പാകപ്പെടുത്തൽ, കണ്ടെത്തലുകളുടെ പങ്കിടൽ എന്നിവക്ക് ഊന്നൽ നൽകും വിധം ഈ പ്രക്രിയ മാറണം.പ്രഭാഷണരീതിയുടെ മറ്റൊരു പതിപ്പായി പ്രസൻ്റേഷനും വീഡിയോകളും മാറുന്നുണ്ട്.ഇത് മറികടക്കാനുള്ള ഇടപെടൽ നടത്തണമെങ്കിൽ സാങ്കേതിക വിദ്യാനൈപുണിയിൽ കഴിവ് കൂട്ടണം. 

13.

ടേം മൂല്യനിർണയത്തിൽ പ0ന പരിപാഷണ മേഖലകളുടെ പ്രാതിനിധ്യം

പ0ന പരിപോഷണ പരിപാടിയുടെ വിലയിരുത്തൽ സന്ദർഭങ്ങളിൽ ഒന്നായി ടേം വിലയിരുത്തലിനെ കാണണം. കേന്ദ്രീകൃതമായി തയ്യാറാക്കുന്ന ചോദ്യങ്ങൾക്കൊപ്പം പ്രാദേശിക നിർമിത ചോദ്യങ്ങൾ ഉൾച്ചേർക്കാനാകും. ഒന്നോ രണ്ടോ ചോദ്യങ്ങൾ ആകാം. 

14

CRC, BRC ശക്തിപ്പെടുത്തൽ

ഇവ നടക്കണമെങ്കിൽ BRCകൾ ശക്തിപ്പെടണം. രണ്ടോ മൂന്നോ ട്രെയിനർമാരെ വച്ച് നടത്താൻ കഴിയില്ല. റിസോഴ്സ് ഗ്രൂപ്പുകൾ പ്രവർത്തിപ്പിക്കുകയാണ് പോംവഴി. LP, UP, HS, HSS എന്നീ വിഭാഗങ്ങളിൽ ഗ്രൂപ്പുകൾ വേണം. അവ പൊതു ചട്ടക്കുടിനുള്ളിൽ സ്വതന്ത്രമായി പ്രവർത്തിക്കട്ടെ.

പ0ന പരിപോഷണ പരിപാടിയുടെ നേട്ടം ഈ ഗ്രൂപ്പിന് കൂടി അവകാശമുള്ളതാകണം.

15.

വിജയാനന്ദം പങ്കിടൽ.

വർഷാവസാനം നടക്കേണ്ട പ്രക്രിയ. എല്ലാ തലങ്ങളിലും. പ0നാർഹമായ റിപ്പോർട്ടുകൾ, അനുഭവങ്ങൾ, പ0നത്തെളിവുകൾ, പ്രദർശനങ്ങൾ ഒക്കെയാകാം

ഭൗതികശാസ്ത്ര പ0നത്തിൽ കഥകളുടെ സാധ്യത

       സ്വന്തം ക്ലാസിലെ കാഴ്ചാ പരിമിതി നേരിടുന്ന ഒരു വിദ്യാർഥിനിക്കു വേണ്ടിയാണ് നിലമ്പൂരിലെ സുരേഷ് മാഷ് ഭൗതിക ശാസ്ത്ര പാഠങ്ങളെ കഥകളാക്കിയത്. പരീക്ഷണ നിരീക്ഷണങ്ങളിലൂടെ പഠിക്കുന്നവർക്കും ഈ കഥകൾ ഉപകാരപ്പെടും. ശ്രാവ്യ കഥാപാOങ്ങൾ കേരളത്തിലെ കാഴ്ചാ പരിമിതിയുള്ളവർക്കായി സുരേഷ് സമർപ്പിക്കുന്നു. രണ്ടു കഥകൾ വായിക്കാം.

       1. പ്ലവക്ഷമബലം

        വൈദ്യുതി നിലച്ചിട്ട് ഇന്ന് മൂന്നാമത്തെ ദിവസമാണ്.  കഴിഞ്ഞ കുറേ ദിവസങ്ങളായി കനത്ത മഴയാണ് . ഇടയ്ക്കിടെ ശക്തമായ കാറ്റും. മരങ്ങൾ വൈദ്യുതി ലൈനിലൂടെ പൊട്ടി വീണു കിടക്കുന്നു. ഇന്നും വൈദ്യുതി ലഭിക്കുമെന്ന പ്രതീക്ഷയില്ല. വാട്ടർ ടാങ്കിൽ വെള്ളം തീർന്നിരിക്കുന്നു . കയറും കപ്പിയും ബക്കറ്റുമായി കിണറിന് അരികിലേക്ക് നടന്നു. വെള്ളം കോരിയിട്ട് കാലം ഏറെ ആയിരിക്കുന്നു. വെള്ളം കോരി പാത്രം നിറക്കവെ ഓർമ്മകൾ ബാല്യകാലത്തിലേക്ക് ഒഴുകി. 

കരിങ്കല്ലത്താണിയിലെ സ്കൂൾ ഡയറികൾ "

ഒന്നിലെയും രണ്ടിലെയും കുട്ടികൾ എഴുതുമോ? 

അവർക്ക് അക്ഷരം അറിയുമോ?

അക്ഷരമാല പഠിച്ചോ?

എന്തെല്ലാം ഉത്ക്കണ്ഠകളാണ് സമൂഹത്തിന്.

ആ കരുതലുകളെ സദുദ്ദേശത്തോടെ കാണണം.

കുട്ടികൾ ചെറുപ്രായത്തിൽ എഴുതി പഠിക്കണം. എഴുത്തു പഠിക്കണം. എഴുത്തുകാരാകണം.

ആശയാവതരണ രീതിക്ക് പല കൈവഴികൾ ഉണ്ട്.അതിൽ ഒന്ന് ജൈവ രചനയെ പ്രോത്സാഹിപ്പിക്കുകയാണ്

പാഠപുസ്തകത്തിന് പുറത്ത് എഴുത്തു പാOങ്ങൾ കണ്ടെത്തുകയാണ്.

പ്രമേയ ദാരിദ്ര്യമില്ല എന്ന് തിരിച്ചറിയുന്ന കുട്ടികളിൽ വിശ്വാസമുള്ള ഭാഷാ സമീപനം സംബന്ധിച്ച ഉൾക്കാഴ്ചയുള്ള അധ്യാപകർക്ക് പുതുവഴി തെളിയിച്ചെടുക്കാനാകും

എഴുത്തിന് സർഗാത്മക ഭാവം കൂടിയുണ്ടെങ്കിൽ യുട്ടികൾ ഏറ്റെടുക്കും

പാലക്കാട് ജില്ലയിലെ കരിങ്കല്ലത്താണി സ്കൂളിലെ കുട്ടികൾ അവരുടെ കൊച്ചു കെച്ചനുഭവങ്ങൾ ഡയറി രൂപത്തിൽ എഴുതിക്കൊണ്ടേയിരിക്കുകയാണ്

ഒന്നാം ക്ലാസിലെ കുട്ടികൾക്കും എഴുതണം 

അമ്മമാർ അവരുടെ ആശയങ്ങൾക്ക് എഴുത്തുരൂപം നൽകാൻ സഹായിക്കും.ഈ സഹായ രചനാ തന്ത്രം ക്ലിക് ചെയ്തു. 

കൊവിഡ് കാലത്ത് പ0ന വിടവുണ്ടായി എന്ന് വിഷമിക്കേണ്ട കാര്യം ഈ സ്കൂളിന് ഉണ്ടായില്ല.അവർ എഴുതി എഴുതി യുറീക്കയിലും എഴുതി.

ചില രചനകൾ നോക്കാം

സ്കൂളിലെ ധന്യ ടീച്ചർ കുട്ടികളുടെ എഴുത്തിനെക്കുറിച്ച് വിശദീകരിക്കുന്നു

"കോവിഡ്-19 മഹാമാരി പൊട്ടിപ്പുറപ്പെട്ടതിന്റെ പിന്നാലെ ലോകത്തെമ്പാടുമുള്ള വിദ്യാഭ്യാസ സംവിധാനങ്ങൾ നിശ്ചലമായപ്പോൾ അതിനെ ഓൺലൈൻ സംവിധാനം  ഉപയോഗിച്ച് എങ്ങനെ മറികടക്കാം എന്നാണ് ഞങ്ങളുടെ വിദ്യാലയം ആദ്യം ആലോചിക്കുന്നത് . ആ ചിന്തയിൽ നിന്നാണ് മുഴുവൻ രക്ഷിതാക്കളുടെയും നമ്പറുകൾ ഉൾപ്പെടുത്തി കുട്ടികൾക്കായി ഒരു വാട്ട്സാപ്പ് കൂട്ടായ്മ 'ബാല സംഗമം ' എന്ന പേരിൽ ആരംഭിക്കുന്നത് . ഈ പേരിൽ തന്നെ ഒരു ശിശു സൗഹൃദ മനസ്സ് ഞങ്ങൾ തുറന്നിടുകയായിരുന്നു .

അടച്ചിടലുകൾ കാര്യമായി ബാധിച്ചത് നമ്മുടെ കുഞ്ഞുങ്ങളെ ആണെങ്കിലും ഏറെക്കുറെ അതെ അവസ്ഥയിൽ  എത്തിയ  രക്ഷിതാക്കളും കുട്ടികളുടെ മനസ്സു തുറക്കാനുള്ള ഉദ്യമത്തിൽ ഞങ്ങൾക്ക് പൂർണ പിന്തുണ നൽകി . എഴുത്തും വായനയും മറക്കും മുന്നേ കുട്ടികളെ വായനയിലൂടെയും  എഴുത്തിലൂടെയും തുടർന്നും നടത്താനുള്ള പ്രവർത്തനങ്ങൾ അധ്യാപകർ ആസൂത്രണം ചെയ്ത് ഗ്രൂപ്പിൽ നൽകാൻ തുടങ്ങി.

സ്കൂൾ കാണാതെ ടീച്ചറെ കാണാതെ പുതിയ രീതിയിൽ പുതിയ കാര്യങ്ങൾ അഭ്യസിക്കുന്ന ത്രില്ല് ആയിരുന്നു കുട്ടികൾക്ക് . ക്ലാസ്സ് മുറികൾക്കു പകരം  വീടും മുറ്റവും തൊടിയും അവർക്ക് മുന്നിൽ അതു വരെ അനുഭവിക്കാത്ത കാഴ്ചകളും അനുഭവങ്ങളും ഒരുക്കിയപ്പോൾ അതിനെ കൂട്ടുകാർക്കും ടീച്ചർക്കും പരിചയപ്പെടുത്താനുള്ള അവരുടെ ആവേശത്തെ മുതലെടുത്തു കൊണ്ടാണ് ഡയറികൾ എഴുതാം എന്ന നിർദ്ദേശം ഞങ്ങൾ വയ്ക്കുന്നത് . കണ്ടതും കേട്ടതും പങ്കു വയ്ക്കുന്നതിന്റെ ആത്മ സംതൃപ്തി  മെല്ലെ അവരുടെ കുറിപ്പുകളിൽ അതി മനോഹരമായ അക്ഷര കാഴ്ചകളായി വിരിഞ്ഞു. കൂട്ടുകാരും അധ്യാപകരും തന്റെ  കൂടെ തന്നെ ഉണ്ട് എന്നു തോന്നുംവിധം  ഓരോ കുട്ടിയെയും നിരന്തരം  ഫോണിൽ വിളിച്ചും വീടുകൾ സന്ദർശിച്ചും ഞങ്ങൾ

അവർക്കൊപ്പം  ഇടവേളകളില്ലാതെ സഞ്ചരിച്ചു.

അങ്ങനെ ഇത്തരത്തിൽ വിദ്യാലയങ്ങളിൽ എത്തുമ്പോൾ മാത്രം പൂർണ്ണമാവുമായിരുന്ന അവരുടെ ദിവസങ്ങൾക്കു തുല്യമായി തന്നെ അടച്ചിടൽ കാലത്തെയും പരിവർത്തിപ്പിക്കാൻ ഞങ്ങൾക്കായി .അക്ഷരങ്ങളും കഥകളും പാട്ടുകളും കൂട്ട് ചേർന്നുള്ള കളികളും അവർക്ക് അന്യമാകുകയല്ല ഓൺലൈൻ തലത്തിൽ പുതിയ സാധ്യതകളിലേക്ക് അവരെ കൈ പിടിച്ചു നടത്താൻ ആകുമെന്ന് ഞങ്ങൾക്ക് ഉറപ്പുണ്ടായിരുന്നു .സായാഹ്നങ്ങൾ കഥ പറഞ്ഞും

പാട്ടു പാടിയും ചിരിച്ചും കളിച്ചും ഗ്രൂപ്പിൽ കുട്ടികൾ

ഉത്സവം തീർത്തു .ആകുലതകൾ നിറഞ്ഞ വിളികൾ മെല്ലെ  നിന്നു .എങ്ങനെ കുട്ടികളെ കൈകാര്യം ചെയ്യണമെന്ന രക്ഷിതാക്കളുടെ ആശങ്കകളും  താനെ കെട്ടടങ്ങി.

*ബാലസംഗമം *

സ്കൂളിലെ എല്ലാ കൂട്ടുകാർക്കും ഒരുമിച്ചിരിക്കാൻ

ഒരു വേദി എന്നതായിരുന്നു ഈ ഗ്രൂപ്പ് .ആദ്യം വാട്ട്സാപ് ഗ്രൂപ്പും പിന്നെ ഫേസ്ബുക്ക് പേജും

തുറന്നു .

ലക്ഷ്യങ്ങൾ.

*വിദ്യാലയത്തെ മുഴുവൻ പങ്കെടുപ്പിച്ചു കൊണ്ടുള്ള വ്യത്യസ്തവും ആകർഷകവുമായ പഠന പ്രവർത്തനങ്ങൾക്ക് രൂപം കൊടുക്കുക.

*എഴുതാനും വായിക്കാനും കൂടുതൽ അവസരങ്ങൾ ഒരുക്കുക.

*എല്ലാ കുട്ടികളുടെയും സർഗ്ഗത്മക കഴിവുകൾ പ്രകടിപ്പിക്കാനും പരസ്പരം വിലയിരുത്താനും ഉള്ള അവസരം നൽകുക.

*അടച്ചിടലിനിടയിലും ദിനാചരണങ്ങൾ അടക്കമുള്ള വിദ്യാലയ അനുഭവങ്ങൾ ഒരു പരിധി വരെയെങ്കിലും കുട്ടികളിൽ എത്തിക്കുക.

* വിദ്യാർത്ഥികളാേട് മാനസീകൈക്യം പുലർത്തുക

* ഡയറിയിലൂടെ സർഗാത്മക ലേഖനത്തിന് അവസരം ഒരുക്കുക .

പ്രവർത്തനങ്ങൾ.

# വിവിധങ്ങളായ വായനാ സാമഗ്രികൾ കുട്ടികൾക്ക് ലഭ്യമാക്കുന്നു (കഥകൾ, കവിതകൾ, കുറിപ്പുകൾ )

#ചുറ്റുപാടും നടക്കുന്ന വാർത്തകൾ ശേഖരിക്കാനും അവതരിപ്പിക്കാനും ഉള്ള അവസരം ഒരുക്കുന്നു.

#പ്രകൃതി നിരീക്ഷണ പ്രവർത്തനങ്ങൾ നൽകുന്നു.

#അനുഭവങ്ങളെ ,കാഴ്ചകളെ കുറിപ്പുകളാക്കാൻ

പ്രേരിപ്പിക്കുന്നു

# വിജ്ഞാനോൽസവം പോലുള്ള പ്രവർത്തനങ്ങളിൽ രക്ഷിതാവിനൊപ്പം ഏർപ്പെടാനുള്ള അവസരം ഒരുക്കുന്നു..

ഇത്തരം പ്രവർത്തനങ്ങളിലൂടെ കുട്ടികളെ

പാഠപുസ്തകങ്ങൾ ഇല്ലാതെയും പഠനവും വായനയും ലേഖനവും   സാധ്യമാകും എന്ന ബോധ്യത്തിലേക്ക് നയിച്ചു.

വിദ്യാഭ്യാസത്തിൽ കോവിഡ് വരുത്തിയ തടസം ഒരു പരിധിയോളം ഞങ്ങൾ  അനുഗ്രഹമാക്കി തീർത്തു .  ശാരീരിക സാന്നിധ്യമുള്ള ക്ലാസുകളിൽ പങ്കെടുക്കുക, പരീക്ഷയെഴുതുക, മാർക്ക് നേടുക, മത്സരപ്പരീക്ഷകൾക്ക് തയാറെടുക്കുക എന്ന പതിവു രീതിയിൽ നിന്ന് ആനന്ദിച്ചു പഠിക്കുക എന്ന 

അവസ്ഥയിൽ കുട്ടികൾ എത്തി .

ഈ ഘട്ടത്തിലാണ് 

ബാലസംഗമത്തിന് കീഴിൽ 

എഴുത്തോല കൂട്ടം എന്നൊരു ഗ്രൂപ്പു കൂടി വരുന്നത്

എഴുത്തിൽ മികച്ച പ്രകടനം കാഴ്ചവയ്ക്കുന്ന കുട്ടികളെ ഉൾപ്പെടുത്തിയാണ് ഇതു രൂപീകരിച്ചത്

എല്ലാവരുടെയും വീടുകളിലെത്തി പുതിയ ഡയറിയും പേനകളും വരച്ച്നിറം നൽകാൻ ചായക്കൂട്ടും നൽകി അവരെ കൈയിലെടുത്തു ..

എന്തെഴുതും ,എങ്ങനെ എഴുതും ,എങ്ങനെ വരയ്ക്കാം എന്ന് ശങ്കിച്ചു നിന്നവർക്കു മുന്നിൽ  കാസറഗോഡു ജില്ലയിലെ GLPS ഇരിയണ്ണിയിൽ പഠിക്കുന്ന  ജീവൻ എന്ന കൊച്ചു കൂട്ടുകാരന്റെ ഡയറികൾ  നിരന്തരം  അവതരിപ്പിക്കാൻ തുടങ്ങി . ഡയറി എന്ന വ്യവഹാര രൂപത്തിന്റെ സാധ്യതകൾ തേടി അവർ അലയാൻ തുടങ്ങിയത്

അവിടെ നിന്നാണ് .  ഡയറിയുടെ പരമ്പരാഗത  രീതിയിൽ നിന്നും വിഭിന്നമായ എഴുത്തുകൾ തുടർച്ചയായി പരിചയപ്പെട്ടതോടെ ധൈര്യമായി കുട്ടികൾ എഴുതാൻ തുടങ്ങി ..

ഗൃഹസന്ദർശനങ്ങൾ

എല്ലാ കുട്ടികളെയും എഴുതിക്കുക എന്നത് വലിയൊരു വെല്ലുവിളിയായിരുന്നു . അക്ഷരങ്ങളും വാക്കുകളും ആദ്യമായി പഠിച്ചു തുടങ്ങിയ കുട്ടികൾ

എഴുതാനാകാതെ പ്രയാസപ്പെട്ടു നിന്നപ്പോൾ

വീടുകളിൽ എത്തി അമ്മമാരെ കണ്ട് എഴുതുമ്പോൾ കുട്ടികൾക്ക് നൽകേണ്ട പിന്തുണയെ കുറിച്ച് ബോധ്യപ്പെടുത്തി . ഒന്നിലെ കുട്ടികളുടെ മനസിലെ

ആശയങ്ങൾ വാക്കുകളും വരികളും ആക്കാൻ അമ്മമാർ സഹായിക്കുകയും  മെല്ലെ കുട്ടികൾ തന്നെ നേരിട്ട് എഴുതുന്ന തലത്തിലേക്ക് മാറുകയും ചെയ്തു . ഓരോ ഘട്ടത്തിലും അധ്യാപകർ വീട്ടിൽ എത്തി പ്രോത്സാഹനങ്ങൾ നൽകുക കൂടി ചെയ്തപ്പോൾ

എഴുത്ത് ആവേശമായി മാറി . മുതിർന്ന കൂട്ടുകാർ

എഴുതിയ ഡയറികൾ ഗ്രൂപ്പിൽ വായിക്കാൻ ലഭ്യമാക്കിയതും എഴുത്തിന്റെ വാതായനങ്ങൾ അവർക്കു തുറന്നു കിട്ടി .

ചിത്രങ്ങളുടെ ഭംഗി

എഴുത്തിനേക്കാൾ ചിത്രം വരയ്ക്കാനും നിറം നൽകാനും കുട്ടികൾ ഏറെ തത്പരരായതിനാൽ 

എഴുത്തിനൊപ്പം ചിത്രങ്ങൾ വരയ്ക്കാൻ നിർദ്ദേശം

നൽകി . അങ്ങനെ കാഴ്ച ഭംഗിയുള്ള ഡയറികൾ

വരാൻ തുടങ്ങി . ചിത്രങ്ങൾ മടുപ്പില്ലാത്ത എഴുത്തിലേക്ക് അവരെ നയിക്കുകയും ചെയ്തു .

* ഉള്ളടക്കം *

തുടക്കത്തിൽ വളരെ കുറച്ചു പേർ മാത്രമായിരുന്നു എഴുത്തിൽ സജീവമായി വന്നത്. ചിലർ പരമ്പരാഗത രീതിയിൽ തന്നെ എഴുത്തു തുടർന്നു.

കൂടുതലായും മുതിർന്ന കുട്ടികളാണ് ആ രീതി വിടാൻ മടിച്ചു നിന്നത് . വ്യത്യസ്ഥമായ  ഡയറികൾ നിരന്തരം മറ്റ് കൂട്ടുകാര പരിചയപ്പെടുത്തിയതോടെ മെല്ലെ മെല്ലെ സ്കൂളിലെ മുഴുവൻ കുട്ടികളും ഡയറി എഴുതുകയും പരാമ്പരാഗത ശൈലി ഉപേക്ഷിക്കുകയും ചെയ്തു .

അനുഭവങ്ങൾ, കാഴ്ചകൾ, ഓർമ്മകൾ, ചിന്തകൾ എല്ലാം മനോഹരമായ ഡയറികളായി. 

ചില ദിവസങ്ങളിൽ ഡയറിക്ക് പകരം കൊച്ചു കവിതകൾ എഴുതുന്ന ശീലവും തുടങ്ങി. ബാലസംഗമത്തിൽ പങ്കു വയ്ക്കുന്ന കവിതകളുടെയും കഥകളുടെയും മറ്റും വായനാ കുറിപ്പായും ഡയറി പരിണമിച്ചു.

* എഴുത്തുകൂട്ടം യാത്രകൾ *

കോവിഡ് പ്രതിസന്ധി നിലനിൽക്കുന്നതിനിടയിലും രക്ഷിതാക്കളുടെ പിന്തുണയോടെ എഴുത്ത് സംഘത്തെ ഉൾപ്പെടുത്തി പ്രകൃതിയെ അറിയാൻ കൊച്ചു യാത്രകൾ സംഘടിപ്പിച്ചു. പുതിയ കാഴ്ചകൾ കൊണ്ട് മനസ്സ് നിറഞ്ഞപ്പോൾ  ഇന്നെന്തെഴുതും എന്നതിന് ഉത്തരവുമായി .

*പ്രോത്സാഹനങ്ങൾ *

കുഞ്ഞെഴുത്തുകൾ ബാലസംഗമം ഫേസ്ബുക് പേജിൽ സ്ഥിരമായി പങ്കു വയ്ക്കാറുള്ളത് ശ്രദ്ധയിൽ പെട്ടാണ് യുറീക്കാ പത്രധിപ സമിതി അംഗമായ  ശ്രീ: PM നാരായണൻ മാഷ് കുട്ടികളുടെ രചനകൾ യുറീക്കയിലേക്ക് ക്ഷണിക്കുന്നത്. 

റിയ- 4  ഷാസിയ - 2  ഫാത്തിമ സന - 3  ഹർഷ് - 2  തുടങ്ങി പല കൂട്ടുകാരുടെയും ഡയറിയും കവിതകളും വായന അനുഭവങ്ങളും  അങ്ങനെ യുറീക്കയിലൂടെ വെളിച്ചം കണ്ടു. എഴുത്ത് ചില്ലറ കാര്യമെന്ന് കരുതിയിരുന്ന രക്ഷിതാക്കളും ഇത്തരം 

പിന്തുണകൾ കണ്ട് കുട്ടികളുടെ എഴുത്തിനെയും

വായനയെയും ഗൗരവമായി എടുക്കാൻ തുടങ്ങിയതും അങ്ങനെയാണ് .

പാലക്കാട് ജില്ലയിലെ കുട്ടികളുടെ കവിതകൾ ഉൾപ്പെടുത്തി ' കവിത വീട് 'എന്ന പുസ്തകം നാരായണൻ മാഷിന്റെയും വിനോദൻ മാഷിന്റെ ശ്രമഫലമായി ഇറങ്ങിയപ്പോൾ ഈ വിദ്യാലയത്തിൽ നിന്ന് അഞ്ച് കുട്ടികളുടെ രചനകൾ അതിൽ ഇടം നേടിയിരുന്നു ..

* സമഗ്ര ശിക്ഷ കേരളം *

സംസ്ഥാന തലത്തിൽ സ്കൂൾ കുട്ടികളിൽ നിന്നും മികച്ച സാഹിത്യ സൃഷ്ടികൾ ഉൾക്കൊള്ളിച്ച് ലൈബ്രറി പുസ്തകം പ്രസിദ്ധീകരിക്കാൻ ശ്രമം

നടക്കുമ്പോൾ  ഈ സ്കൂളിലെ രണ്ടു കുട്ടികൾക്ക്  അതിൽ രചനകൾ പ്രസിദ്ധീകരിക്കാൻ അവസരം ലഭിച്ചിരിക്കുന്നു എന്നതും ബാലസംഗമത്തിന്റെ

പ്രസക്തിയെ ഉയർത്തിപ്പിടിക്കുന്നു

*ഹോം ലൈബ്രറികൾ *

എഴുത്തിനൊപ്പം വായനയും പ്രോത്സാഹിപ്പിക്കുന്നതിനായി ബാലസംഗമത്തിന്റെ

തുടക്കത്തിൽ തന്നെ ഹോം ലൈബ്രറി എന്ന ആശയം മുന്നോട്ടു വച്ചു . വീട്ടിലെ ചിതറിക്കിടന്ന പുസ്തകങ്ങൾ പെറുക്കി കൂട്ടി വായന സംസ്കാരത്തിനു തുടക്കം കുറിച്ചു . SSK പദ്ധതിയായ വായന വസന്തത്തിലൂടെ വീണ്ടും

പുസ്തകങ്ങൾ അവർക്കു ലഭ്യമാക്കി വായനയുടെ വഴിയിൽ കൂടുതൽ വെളിച്ചം വിതറി .

* നിലയ്ക്കാത്ത എഴുത്ത് *

ഇപ്പഴും ക്ലാസ്സിനകത്തിരുന്ന് പരമ്പരാഗതമായി പാഠപുസ്തകം മാത്രം നോക്കി എഴുത്തും വായനയും പഠിച്ചാൽ മതി എന്നു ശഠിക്കുന്ന കുറച്ചു രക്ഷിതാക്കൾ കൂടി ഉണ്ട്  ഇവിടെ.

ബാലസംഗമം  ഒരു പരീക്ഷണമായിരുന്നു.

എഴുത്തിന്റെ വായനയുടെ  സ്വതന്ത്ര ചിന്തയുടെ വഴിയെ കുട്ടികളെ കൈ പിടിച്ചു ന

ടത്തുകയാണ് .

സ്‌കൂൾ തുറന്നും, എഴുതാനും പഠിക്കാനും ഏറെയുണ്ടായിട്ടും തങ്ങളുടെ പ്രിയപ്പെട്ട ഡയറി എഴുത്ത് അവർ നിർത്തുന്നില്ല.. അവർ എഴുതിക്കൊണ്ടേ ഇരിക്കുന്നു..കാഴ്ചകളും ചിന്തകളും അക്ഷരങ്ങളും ചിത്രങ്ങളുമാവുന്നു..

ഞങ്ങൾ വായിക്കാനും എഴുതാനും അവസരങ്ങൾ ഒരുക്കി പ്രോത്സാഹനം നൽകി അവരുടെ കൂടെ നിൽക്കുന്നു.. "

വർക് ഷീറ്റും പദചക്രം പൂരിപ്പിക്കലും യാന്ത്രികമായ അഭ്യാസങ്ങൾ ചെയ്യിക്കലും ഒക്കെയായി ഭാഷാ പ0നം വിരസമാകുന്ന അവസ്ഥയുണ്ടോ?

എഴുത്തിൽ സ്വയം മെച്ചപ്പെടുന്ന സ്വതന്ത്രരചയിതാക്കൾ ആയി കുട്ടികൾ മാറുന്നുണ്ടോ? അവരുടെ രചനകൾ നിത്യവും പൊതുമണ്ഡലത്തിൽ ലഭ്യമാക്കി അംഗീകാരം നൽകുന്നുണ്ടോ?

ഇല്ലെങ്കിൽ

നിങ്ങൾ സ്വയം തിരുത്താൻ സമയമായിരിക്കുന്നു

കെ ആർ മീരയും ടീച്ചേഴ്സ് ക്ലബ്ബും ഗായത്രിയും

 ടീച്ചേഴ്സ് ക്ലബ്ബ് കോലഞ്ചേരി നടത്തിയ ഓൺലൈൻ അധ്യാപക വായനാ പരിപാടിയെക്കുറിച്ച് ഈ ബ്ലോഗിൽ നേരത്തെ കുറിച്ചിരുന്നു. (അധ്യാപക വായനയുടെ..)

ആ പരിപാടിയുടെ ഉജ്ജ്വലത ബോധ്യപ്പെടാൻ പ്രശസ്ത എഴുത്തുകാരി കെ ആർ മീര FB യിൽ എഴുതിയ കുറിപ്പ് പങ്കിടുന്നു

'ഘാതകൻ' വായനാനുഭവം - 100

നൂറാമത്തെ   ഈ വായനാനുഭവം 'ഘാതക'ന്റെ ആദ്യ വായനാനുഭവമാണ്. 

'ഘാതകൻ' പുസ്തകമായി അച്ചടിക്കുന്ന സമയത്ത് 'ആരാച്ചാർ' നോവലിനെപ്പറ്റി ഒരു ഓൺലൈൻ ചർച്ചയിൽ പങ്കെടുക്കാൻ കോലഞ്ചേരി ടീച്ചേഴ്സ് ക്ലബ് എന്നെ ക്ഷണിച്ചു.  'ആരാച്ചാർ' ഒരുപാടു ചർച്ച ചെയ്യപ്പെട്ടു കഴിഞ്ഞെന്നും 'ആരാച്ചാർ പഠനങ്ങൾ' എന്ന പേരിൽ പ്രമുഖരായ നിരൂപകർ എഴുതിയ ലേഖനങ്ങൾ ചേർത്ത് കേരള ഭാഷാ ഇൻസ്റ്റിറ്റ്യൂട്ട് ഒരു പുസ്തകം തന്നെ പ്രസിദ്ധീകരിച്ചിട്ടുണ്ടെന്നും 'ഘാതകൻ' വായനക്കാർ എങ്ങനെ സ്വീകരിക്കുന്നു എന്നറിയാനാണ് ആകാംക്ഷയെന്നും ഞാൻ അറിയിച്ചു. പുതിയ പുസ്തകത്തിന്റെ ആദ്യ ചർച്ച നടത്താൻ കോലഞ്ചേരി ടീച്ചേഴ്സ് ക്ലബിലേക്ക് എന്നെ ക്ഷണിച്ച കോലഞ്ചേരി പുറ്റുമാനൂര്‍ ഗവ. സ്കൂള്‍ അധ്യാപകനായ ശ്രീ ടി.ടി. പൗലോസ് താൽപര്യം പ്രകടിപ്പിച്ചു. അച്ചടി കഴിഞ്ഞു പുസ്തകശാലകളിൽ എത്തുന്നതിനു മുമ്പു തന്നെ പ്രസാധകരിൽ നിന്നു നേരിട്ട് 'ഘാതകൻ' കോപ്പികൾ വാങ്ങി പരസ്പരം കൈമാറി വായിച്ച് കേരളത്തിലുടനീളമുള്ള ഇരുനൂറ്റിയമ്പതോളം അധ്യാപകർ പങ്കെടുത്ത ഗംഭീരമായ ഓൺലൈൻ ചർച്ച തന്നെ കോലഞ്ചേരി ടീച്ചേഴ്സ് ക്ലബ് നടത്തി. അതെനിക്ക് ഒരു പുതിയ അനുഭവമായിരുന്നു. അതായിരുന്നു 'ഘാതക'നെ കുറിച്ചുള്ള ആദ്യ ചർച്ച. കോവിഡ് രണ്ടാം തരംഗത്തിന്റെ മൂർധന്യത്തിലാണ് ഈ സംഭവം.  ഈ ചർച്ച എനിക്കു നൽകിയ  മാനസികമായ ഊർജ്ജം അളവറ്റതായിരുന്നു.  

സ്കൂളുകളും കോളേജുകളും തുറക്കുമ്പോൾ :

കൊവിഡ് മൂലം ദീർഘകാലം അടഞ്ഞുകിടന്ന വിദ്യാഭ്യാസ സ്ഥാപനങ്ങൾ തുറന്നു പ്രർത്തിക്കുന്നതു സംബന്ധിച്ച് ശാസ്ത്ര സാഹിത്യ പരിഷത്ത് കേരള സർക്കാരിൻ്റെ പരിഗണനയ്ക്കായി സമർപ്പിച്ച നിർദ്ദേശങ്ങളുടെ പൂർണ രൂപം ചുവടെ വായിക്കാം

കേരള ശാസ്ത്ര സാഹിത്യ പരിഷത്തിന് പറയാനുള്ളത്

   

ആമുഖം

സ്കൂളുകളും കോളേജുകളും മറ്റും അടച്ചത് കുട്ടികള്‍ക്കും കുട്ടികളിലൂടെ മുതിര്‍ന്നവര്‍ക്കുമുള്ള വലിയ തോതിലുള്ള രോഗവ്യാപനം തടയാന്‍ വേണ്ടിയായിരുന്നു. എന്നാല്‍ കുട്ടികൾക്ക് രോഗപ്രതിരോധ ശേഷി കൂടുതലാണെന്ന് അനുഭവത്തിലൂടെ തന്നെ വ്യക്തമായിക്കഴിഞ്ഞു. അതിനാൽ വിദ്യാലയങ്ങള്‍ തുറക്കുന്നതുമൂലം കുട്ടികൾക്ക് സാരമായ ആരോഗ്യ പ്രശ്നങ്ങൾ ഉണ്ടാകുമെന്ന് ഭയക്കേണ്ടതില്ല. മറിച്ച് വീട്ടിലുള്ള മുതിര്‍ന്നവരിലേക്ക് രോഗാണുവ്യാപനം നടന്ന് അത്യാഹിതങ്ങള്‍ ഉണ്ടാകുന്നതേ ശ്രദ്ധിക്കേണ്ടതുള്ളൂ എന്ന് ആരോഗ്യവിദഗ്ധര്‍ പറയുന്നു. 

ആൻ്റി ടീച്ചർമാരുടെ അനുഭവക്കുറിപ്പുകൾ

(ആൻറി ടീച്ചർമാരുടെ അനുഭവക്കുറിപ്പുകൾ പങ്കിടുന്നതിന് കാരണമുണ്ട്. രക്ഷിതാക്കളിൽ പലർക്കും ജിവിതത്തിരക്കിനിടയിൽ സ്വന്തം കുട്ടികളെ സഹായിക്കാനാകുന്നില്ല. കലവൂർ ഹൈസ്കൂളിൽ സന്നദ്ധരക്ഷിതാക്കൾ മറ്റു കുട്ടികളുടെ കൂടി പ0ന പ്രോത്സാഹകരായി ചുമതല വഹിക്കുന്നുണ്ടെന്ന് പിടിഎ പ്രസിഡൻ്റ് മോഹനദാസ് പറഞ്ഞിരുന്നു. അങ്ങനെയിരിക്കെയാണ് കായംകുളത്തെ ഗായത്രി ടീച്ചർ മറ്റൊരു മാതൃക വികസിപ്പിച്ചത്.മുൻ ലക്കത്തിൽ ടീച്ചറുടെ കുറിപ്പാണ് പങ്കിട്ടത്. നേതൃത്വം വഹിച്ചവർ അനുഭവം പങ്കിടുന്നതാകും കൂടുതൽ തെളിച്ചം കിട്ടുക.അതിനാൽ മൂന്ന് ആൻ്റിമാരുടെ കുറിപ്പുകൾ ചൂണ്ടുവിരലിൽ പ്രസിദ്ധീകരിക്കുകയാണ്. എഡിറ്റിംഗ്‌ ഇല്ലാതെ.)

1

ഗായത്രി ടീച്ചറും ആൻ്റി ടീച്ചർമാരും കൈകോർത്ത കഥ

 (പ്രാദേശിക രക്ഷാകർതൃ ഓൺലൈൻ കൂട്ടായ്മകളുടെ പ്രായോഗിക സാധ്യത കേരളത്തിനു മുമ്പാകെ അവതരിപ്പിക്കുകയാണ് ഗായത്രി ടീച്ചർ.കൊവിഡാനന്തര കാലത്തും അനുയോജ്യവത്കരിച്ച് തുടരാവുന്ന മാതൃക.)

 *ആശങ്കക്കടലിൽപ്പെട്ട രക്ഷിതാക്കൾ* 

കോവിഡ് കാലം പ്രതിസന്ധിയിലാക്കിയ പഠന പ്രശ്നങ്ങളുടെ  സങ്കടപ്പെടലുകളിലായിരുന്നു രക്ഷാകർത്താക്കൾ.

 ⭕പഠിക്കുന്നുണ്ടന്നോ പുസ്തകം ഉണ്ടന്നോ വിദ്യാർത്ഥി ആണെന്നോ തന്നെ മറന്നുപോയ സ്വന്തം കുട്ടികളെക്കുറിച്ചുള്ള സങ്കടങ്ങളാണ്  ഓരോ രക്ഷിതാവിനും പറയാനുള്ളത്.

⭕