വിജയവും മൂല്യബോധവും ഒരു ഓൺലൈൻ പാഠം

 ലോക ജനതയെ മുഴുവൻ ഇരുത്തി ചിന്തിപ്പിച്ച ഒരു ചിത്രമാണ് ..കാണുന്നത് ...!

ഒരു ഓട്ടമത്സരത്തിൽ കെനിയയെ പ്രതിനിധീകരിച്ചിരുന്ന അത്‌ലറ്റ്  ആബേൽ മുത്തായ്യും, സ്പാനിഷ് അത്‌ലറ്റ് ഇവാൻ ഫർണാണ്ടസ്സുമാണ്ഈചിത്രത്തിൽ.ഫിനിഷിങ്ങ് ലൈനിന്റെ സൈനേജ് തിരിച്ചറിയുന്നിൽ വന്ന ആശയക്കുഴപ്പം കാരണം   താൻ ഒന്നാമതെത്തിയെന്ന തെറ്റി ദ്ധാരണ  മൂലം ഫിനിഷിങ് പോയന്റിന് മുൻപായി ആബേൽഓട്ടം  അവസാനിപ്പിച്ചു....!
 എന്നാൽ തൊട്ടുപിന്നിൽ ഓടി വരുന്ന സ്പാനിഷ് അത്‌ലറ്റ്  ഇവാഫർണാണ്ടസിന് കാര്യം പിടികിട്ടി . അദ്ദേഹം ആ കെനിയക്കാരനോട് ഓട്ടം തുടരാൻ ഉറക്കെ വിളിച്ചു പറഞ്ഞു ....! എന്നാൽ  സ്പാനിഷ് ഭാഷ  അറിയാത്തതുകൊണ്ട് അയാൾക്ക്  കാര്യം  മനസിലായില്ല  പ്രതികരിച്ചതുമില്ല.
ഇത് മനസ്സിലാക്കിയ ഇവാൻ ആബേലിനെ പുറകിൽ നിന്ന് തള്ളി ഫിനിഷിങ്ങ് പോയിന്റിലെത്തിച്ചു....!അമ്പരന്ന് നിന്ന കാഴ്ചക്കാരുടെ ഇടയിൽ നിന്നും ഒരു  പത്രപ്രവർത്തകൻ  ഇവാനോട് ചോദിച്ചു....
"താങ്കൾ എന്തിനാണീ കെനിയക്കാരനെ വിജയത്തിലേക്ക് തള്ളിവിട്ടത്....? 

അങ്ങി ചെയ്തില്ലായിരുന്നുവെങ്കിൽ ഈ വിജയം താങ്കളുടേതാകുമായിരുന്നില്ലേ"....?.... അതിനു ഇവാൻ ഈ ലോകത്തോട് പറഞ്ഞ മറുപടി ഇതായിരുന്നു.

"വിജയത്തിന്റെപാതയിലായിരുന്ന അവന്റെ ആശയക്കുഴപ്പത്തിൽ ഞാൻ നേടുന്ന വിജയത്തിന് എനിക്ക് എന്ത് യോഗ്യതയാണുള്ളത്.... ! ഞാൻ അങ്ങനെ ചെയ്താൽ, ഇതു കണ്ടു കൊണ്ടിരിയ്ക്കുന്ന എന്റെ അമ്മ എന്ത് വിചാരിയ്ക്കും .....?"
വിജയിയ്ക്കാനുള്ള തെറ്റായ വഴികളല്ല സത്യസന്ധതയുടെ മൂല്ല്യങ്ങളേയാണ് നാം മുറുകെ പിടിക്കേണ്ടത്..."

ഈ സംഭവത്തെ ആസ്പദമാക്കി ഇഷ്ടമുളള രീതിയില്‍ പ്രതികരിക്കാനാണ് അലനല്ലൂരിലെ സുമിത ടീച്ചര്‍ നാലാം ക്ലാസിലെ കുട്ടികളോട് പറഞ്ഞത്. കുട്ടികളുടെ പ്രതികരണങ്ങള്‍ ചുവടെ

അർത്ഥന ജി, കൃഷ്ണ.എ.എൽ.പി.എസ്, അലനല്ലൂര്‍.

നവമാധ്യമങ്ങളിലൂടെയാണ് ഈ സംഭവം ഇപ്പോള്‍ ചര്‍ച്ചയായത്. അത് കണ്ട അലനല്ലൂര്‍ സ്കൂളിന് കുട്ടികള്‍ക്ക് നല്‍കേണ്ട പാഠമെന്തായിരിക്കണമെന്നതില്‍ ഒരു സംശയവുമുണ്ടായില്ല. ഇത്തരം പ്രസക്തമായ പാഠങ്ങള്‍ കുട്ടികള്‍ക്ക് നല്‍കണം. പാഠപുസ്തകത്തിലെ പാഠങ്ങളേക്കാല്‍ മൂല്യമുളളവ കാണും. അങ്ങനെയുളളവയാണ് തെരഞ്ഞെടുക്കേണ്ടത്. പാഠപുസ്തകത്തിന് പരിമിതിയുണ്ട്. വളരുന്ന പാഠപുസ്കതമാകാനതിന് കഴിയില്ല. അടുത്ത പരിഷ്കരണം വരെ അത് ശാഖകളോ നാമ്പുകളോ ഉയര്‍ത്താതെ കഴിയണം. പുതിയ പൂക്കളുണ്ടാകില്ല. വാടാത്ത പുഷ്പങ്ങളായിരിക്കാം ഉളളത്. എങ്കിലും ആനുകാലികമാകണം. വളരുന്ന പാഠപുസ്തകം എന്ന സങ്കല്പം ചര്‍ച്ച ചെയ്യണം. ഇത്തരം പാഠങ്ങള്‍ കണ്ണില്‍പെട്ടാല്‍ അത് പഠനപ്രവര്‍ത്തനത്തിനായി നല്‍കാന്‍ അധ്യാപകരെ പ്രോത്സാഹിപ്പിക്കണം. നല്‍കുന്ന സമാന്തരപാഠങ്ങളുടെ പകര്‍പ്പ് വകുപ്പിന് നല്‍കാനും നിര്‍ദേശിക്കാം ( വര്‍ഗിയ വിഭാഗീയ പാഠങ്ങള്‍ തിരുകിക്കയറ്റാനുളള പ്രവണതയെ തടയാനാണേ) മറ്റൊരു കാര്യം സുമിത ടീച്ചര്‍ കുട്ടികള്‍ അവര്‍ക്കഷ്ടമുളള വ്യവഹാരരൂപം തെരഞ്ഞെടുക്കാനാവശ്യപ്പെട്ടതാണ്. നല്ല വായനയും നല്ല പ്രതികരണവും . പോരെ. 

ഇന്നത്തെ പാഠപുസ്തക പാഠങ്ങളോരോന്നും പഠനപ്രവര്‍ത്തനഭാരത്താല്‍ കുട്ടികളില്‍ വിരസതയുണ്ടാക്കും വരെ ഓടിക്കും. നാലും അ‍ഞ്ചും വാരം ഓടി ആളില്ലാതെ വരുമ്പോള്‍ സിനിമ മാറ്റുന്നതുപോലെ പാഠം ഓടിക്കരുത്. ഒരു പാഠം ഒന്നോ രണ്ടോ മികച്ച പ്രവര്‍ത്തനങ്ങള്‍. അതാകട്ടെ കുട്ടികളുടെ അഭിമാന നില ഉയര്‍ത്താനാകുന്ന ആവിഷ്കാരവും ആകണം. കായികരംഗത്തെ ഈ കുറിപ്പ് മത്സരാധിഷ്ഠതി വിദ്യാഭ്യാസദര്‍ശനത്തെ നിരാകരിക്കുന്നതുമാണ്. ഈ സംഭവത്തെ പാഠമാക്കിയ അലനല്ലൂര്‍ സ്കൂളിനും അത് മനോഹരമായി ഏറ്റെടുത്ത നാലാം ക്ലാസുകാര്‍ക്കും അഭിനന്ദനങ്ങള്‍

അനുബന്ധം

സന്ദര്‍ഭം

സ്‌പെയിനിലെ ബര്‍ലാഡയില്‍ 2013 ല്‍  ക്രോസ് കണ്‍ട്രി റെയ്‌സ് .   

ദീര്‍ഘദൂര ഓട്ടമത്സരത്തില്‍  ലണ്ടന്‍ ഒളിമ്പിക്‌സിലെ 3000 മീറ്റര്‍ സ്റ്റീഫിള്‍ റെയ്‌സ് ബ്രോണ്‍സ് മെഡലിസ്റ്റായ കെനിയയുടെ ഏബേല്‍ മ്യുടായി ഫിനിഷിംഗ് ലൈനിനോട് അടുക്കുന്നു, തൊട്ടുപിന്നിൽ സ്പെയിനിൻ്റെ ദീർഘദൂര ഓട്ടക്കാരനായ  ഇവാന്‍ ഫെര്‍ണാണ്ടസ്

അനുബന്ധം രണ്ട്

Actor R Madhavan recently shared heartwarming story about ‘values’ showcased by Spanish racer in competition with Kenyan counterpart. Netizens laud humanity.

"..........Moreover, after the race when a journalist asked Fernandez the reason behind him supporting Kenyan racer and “let him win”. To which the Spanish racer replied that he did not “let” him win as Mutai was “going to win”. When the journalist further pushed Fernandez and stated that the racer could have won. After this Fernandez looked at the reporter and said, “But what would be the merit of my victory? What would be the honour of that medal? What would but my mom think of that? Would my country have felt proud?”

R Madhavan also added a note, “ Values are transmitted from generation to generation. What values we are teach our children today will help them survive tomorrow.”

“Let us not teach our kids the wrong ways and means to win. Just a thought. Think about it. Cheers,” he added.