ചൂണ്ടുവിരല്‍

   പ്രവര്‍ത്തനം - സ്വതന്ത്രവായനാമത്സരം

പഠനലക്ഷ്യങ്ങള്‍

• കഥ വായിച്ച് ആശയം ഗ്രഹിച്ച് ചോദ്യങ്ങളോട് പ്രതികരിക്കുന്നു.

• തന്നിരിക്കുന്ന വായനസമാഗ്രി സ്വന്തമായി വായിച്ച് ആശയം ഉള്‍ക്കൊണ്ട് ചോദ്യങ്ങള്‍ക്ക് ഉത്തരം കണ്ടെത്തിപ്പറയുന്നു

പ്രതീക്ഷിത സമയം - 35മിനിറ്റ്

കരുതേണ്ട സമാഗ്രികള്‍- പാഠപുസ്തകം പേജ് 120

പ്രവര്‍ത്തനവിശദാംശങ്ങള്‍

‌നിര്‍ദേശങ്ങള്‍

1. സ്വതന്ത്രവായനമത്സരമാണ്

2. ഓരോ പഠനക്കൂട്ടത്തിനും ലഭിക്കുന്ന ഭാഗം ആ പഠനക്കൂട്ടത്തിലെ ഒരാള്‍ ഉച്ചത്തില്‍ വായിക്കണം.

3. ഓരോ പഠനക്കൂട്ടത്തിനും മൂന്ന് അവസരമാണ് ലഭിക്കുക. ഒരിക്കല്‍ വായിച്ചവരല്ല പുതിയവരാണ് അടുത്ത അവസരത്തില്‍ വായിക്കേണ്ടത്.

4. 
   
   ഒന്ന്, രണ്ട്, മൂന്ന്, നാല് എന്നിങ്ങനെ പഠനക്കൂട്ടത്തിന്റെ ക്രമത്തില്‍ ആയിരിക്കും ഊഴം

5. വേഗത കുറഞ്ഞാലും തെറ്റില്ലാതെ വായിച്ചാല്‍ മൂന്ന് പോയന്റ് കിട്ടും

6. ഏതെങ്കിലും വാക്കിന് പഠനക്കൂട്ടത്തിനുള്ളിലുള്ളവരുടെ സഹായം വേണ്ടി വന്നാല്‍ ഒരു പോയന്റ് മാത്രമേ ലഭിക്കൂ.

7. സംഭാഷണമാണ് വായിക്കേണ്ടത്. സംഭാഷണം തുടങ്ങുന്നത് വരെയുള്ള ഭാഗം ടീച്ചര്‍ വായിക്കും

8. വായനമത്സരം കഴിഞ്ഞ് ചോദ്യങ്ങള്‍ ചോദിക്കും. ശരിയായ ഉത്തരം കണ്ടെത്തുന്നവര്‍ക്ക് മൂന്ന് പോയന്റ്

വായനമത്സരം നടത്തുന്നു.

പോയന്റ് ബോര്‍ഡില്‍ രേഖപ്പെടുത്തുന്നു

ചോദ്യങ്ങള്‍ ചോദിക്കുന്നു- ഓരോ പഠനക്കൂട്ടത്തോടും ഓരോന്ന്.

1. കുറോ കൃഷി ചെയ്തത് ആര്‍ക്കുവേണ്ടിയാണ്?

2. കുട്ടികള്‍ സമ്മതം എന്ന് പറഞ്ഞു. എന്താണ് അവര്‍ സമ്മതിച്ചത്?‌

3. ചിത്രത്തില്‍ ഒരാളെ മാത്രമേ കാണുന്നുള്ളൂ. വിവരണത്തില്‍ കൂടുതല്‍ പേരുണ്ട്. ആരൊക്കെയാണ്?

4. നായകള്‍ ഒരു ദിവസം പോലും പട്ടിണി കിടക്കരുത് എന്ന ആശയമുള്ള വാക്യം ഏതാണ്?

മത്സരം കഴിഞ്ഞാല്‍ ജേതാക്കളായ പഠനക്കൂട്ടത്തെ അഭിനന്ദിക്കുന്നു

1. ടീച്ചര്‍ ഭാവാത്മകമായി വായന നടത്തുന്നു.

2. ഓരോ പഠനക്കൂട്ടവും ഭാവാത്മകമായി ചങ്ങല വായന നടത്തുന്നു.

3. വായനയില്‍ സഹായം വേണ്ടവര്‍ പഠനക്കൂട്ടങ്ങളില്‍ പിന്തുണ വായന നടത്തുന്നു

വിലയിരുത്തല്‍

1. ഒഴുക്കോടെയും തെറ്റില്ലാതെയും ആശയം ഉള്‍ക്കൊണ്ട് ഭാവാത്മകമായും വായിക്കാന്‍ കഴിഞ്ഞവര്‍

2. ഒഴുക്കോടെയും തെറ്റില്ലാതെയും വായിക്കാന്‍ കഴിഞ്ഞവര്‍

3. തെറ്റില്ലാതെ സാവധാനം വായിക്കാന്‍ കഴിഞ്ഞവര്‍

4. സഹായത്തോടെ വായിക്കാന്‍ കഴിഞ്ഞവര്‍

പ്രവർത്തനം : അഭിനയിക്കാം

പഠനലക്ഷ്യങ്ങൾ:

• കഥയിലെ പ്രധാന സംഭവങ്ങൾ മൈം ചെയ്യുന്നതിനും നാടകീകരിച്ച് അവതരിപ്പിക്കുന്നതിനും

പ്രതീക്ഷിത സമയം : 45 മിനുട്ട്

കരുതേണ്ട സാമഗ്രികൾ : പാഠപുസ്തകം

പ്രക്രിയാവിശദാംശങ്ങൾ:

ഘട്ടം ഒന്ന്- മൈമിംഗ് (സംഭാഷണം വേണ്ട)

• കുട്ടികളെ 4 ഗ്രൂപ്പു കളാക്കുന്നു.

• ഓരോ ഗ്രൂപ്പിനും ബൈ ബൈ കുറോ എന്ന കഥയിലെ ഓരോ സംഭവം നൽകുന്നു.

  • കുറോയും കുട്ടികളും കണ്ടുമുട്ടുന്നു

  • കുറോയും നായകളും

  • ഡ്രോണ്‍ നായകള്‍ക്ക് ഭക്ഷണം കൊണ്ടുവരുന്നു

  • കുറോ കൃഷിചെയ്ത് വിളവ് നല്‍കുന്നത്യ

• ഗ്രൂപ്പുകൾ അത് മൈം ചെയ്യുന്നു.

• ആലോചിക്കാൻ 5 മിനുട്ട് സമയം നൽകണം.

• ഓരോ ഗ്രൂപ്പും അവതരിപ്പിക്കുന്നു.

• ഗ്രൂപ്പിന്റെ അവതരണത്തിന് മറ്റു ഗ്രൂപ്പുകൾ ഫീഡ് ബാക്ക് നൽകുന്നു.

ഘട്ടം രണ്ട്- നാടകീകരണം

• മൈം ചെയ്ത സംഭവം ഓരോ ഗ്രൂപ്പും സംഭാഷണത്തോടെ അവതരിപ്പിക്കുകയാണ് വേണ്ടത്. സംഭാഷണം പാഠപുസ്തകത്തിലെ ആകണമെന്നില്ല. ആശയം വന്നാല്‍ മതി. സംഭാഷണം പറഞ്ഞു പഠിപ്പിക്കേണ്ടതില്ല. സന്ദർഭത്തിന് യോജിച്ച സംഭാഷണങ്ങൾ കുട്ടികളിൽ നിന്നും തത്സമയം രൂപപ്പെടണം.

• റിഹേഴ്സലിന് 10 മിനുട്ട് സമയം നൽകണം.

• ആവശ്യമായ പ്രോപ്പർട്ടികൾ, വേഷവിധാനങ്ങൾ എന്നിവ ഉപയോഗിക്കാനുള്ള സൗകര്യം ചെയ്യണം.

• ഓരോ ഗ്രൂപ്പിന്റേയും അവതരണത്തെ വിലയിരുത്തി മറ്റു ഗ്രൂപ്പുകൾ ഫീഡ് ബാക്ക് നൽകുന്നു.

വിലയിരുത്തൽ :

ഗ്രൂപ്പുകളുടെ പരസ്പര വിലയിരുത്തൽ

• അഭിനയമികവ്

• സംഭാഷണങ്ങളുടെ അവതരണം

പ്രതീക്ഷിത ഉൽപ്പന്നം

നാടകീകരണത്തിന്റെ വീഡിയോ

പ്രവര്‍ത്തനം - ഡ്രോണിനൊരു കത്ത്

പഠനലക്ഷ്യങ്ങൾ:

• കത്ത് എന്ന വ്യവഹാര രൂപത്തിലൂടെ ആശയവിനിമയം നടത്തുന്നതിന്

പ്രതീക്ഷിത സമയം :45 മിനുട്ട്

കരുതേണ്ട സാമഗ്രികൾ : പാഠപുസ്തകം

പ്രക്രിയാവിശദാംശങ്ങൾ:

പേജ് നമ്പര്‍ 121 നോക്കൂ. ആരോ ഡ്രോണിന് ഒരു കത്തെഴുതി. ആരായിരിക്കും കത്ത് എഴുതിയത്?

കുട്ടികളുടെ പ്രതികരണങ്ങള്‍

• നായകള്‍

• കുട്ടികള്‍

നായകളാണ് എഴുതിയതെങ്കില്‍ എന്തെല്ലാം കാര്യങ്ങള്‍ അതില്‍ വരും?

പൊതു ചര്‍ച്ച.

കുട്ടികളാണ് എഴുതിയതെങ്കിലോ?

പ്രതികരണങ്ങള്‍

എങ്കില്‍ കത്തെഴുതാം.

നായകളെഴുതിയ കത്ത് തയ്യാറാക്കാം . കുട്ടികളെഴുതിയതും തയ്യാറാക്കാം. ഇഷ്ടമുള്ള ഒരു കത്ത്. അതല്ല കുറോ ഡ്രോണിന് കത്തെഴുതുന്ന രീതിയും ആകാം.

• വ്യക്തിഗത രചന

• ടീച്ചറുടെ പിന്തുണ നടത്തം

• തുടര്‍ന്ന് നായ കത്തെഴുതുന്ന രീതിയില്‍ കത്തെഴുതിയവരുടെ അവതരണം

• അതിനോടുള്ള മറ്റുള്ളവരുടെ പ്രതികരണം

• മികച്ച ആശയങ്ങളെ അംഗീകരിക്കല്‍

• തുടര്‍ന്ന് കുട്ടികള്‍ കത്തെഴുതുന്ന രീതിയില്‍ എഴുതിയവരുടെ അവതരണം

• അതിനോടുള്ള പ്രതികരണം

• അതിന് ശേഷം കുറോ കത്തെഴുതുന്ന രീതിയില്‍ എഴുതിയവരുടെ അവതരണം

• അതിനോടുള്ള പ്രതികരണം,

• ടീച്ചര്‍ വേര്‍ഷന്‍ വായിച്ച് അവതരിപ്പിക്കല്‍

• രണ്ടു പേരുടെ ഗ്രൂപ്പിൽ തെറ്റുതിരുത്തി മെച്ചപ്പെടുത്തുന്നു. കുട്ടിട്ടീച്ചര്‍മാരുടെ സേവനം പ്രയോജനപ്പെടുത്തണം.

• ഓരോരുത്തരും സ്വന്തം രചന മെച്ചപ്പെടുത്തി നോട്ടുപുസ്തകത്തിൽ എഴുതുന്നു.

ടീച്ചർ വേർഷൻ

പ്രിയപ്പെട്ട ഡ്രോൺ, സുഖമല്ലേ? നമ്മള്‍ അന്ന് കൃഷി ചെയ്തത് നീ ഓര്‍ക്കുന്നുണ്ടോ? നീ എന്നെ സഹായിക്കാന്‍ പറന്നു വന്നു. കൃഷി ചെയ്യാനുള്ള വിത്ത് കൊണ്ടുത്തന്നു. ആവശ്യമായ യന്ത്രങ്ങളും കൊണ്ടുവന്നു. നമ്മള്‍ കൃഷി ചെയ്തു. നായക്കുട്ടികളുടെ വിശപ്പ് മാറി. ഡ്രോണ്‍, നീ പിന്നെ ആകാശത്തുകൂടി അതുവഴി എങ്ങാനും പോയോ? അവരെയെങ്ങാനും കണ്ടോ? ആ കുട്ടികള്‍ നമ്മള്‍ പറഞ്ഞപോലെ ചെയ്യുന്നുണ്ടോ? വിശേഷങ്ങള്‍ അറിയിക്കണേ. നിനക്ക് സ്നേഹമുള്ള നൂറ് ഉമ്മകൾ. എന്ന് സ്വന്തം കുറോ സ്ഥലം തീയതി.

വിലയിരുത്തല്‍

• കത്തില്‍ പ്രസക്തമായ ആശയം വന്നിട്ടുണ്ട്

• വാക്യങ്ങള്‍ക്ക് വ്യക്തതയുണ്ട്

• വാക്കകലം പാലിച്ചിട്ടുണ്ട്

• തെറ്റില്ലാത്ത ഭാഷയില്‍ എഴുതിയിട്ടുണ്ട്

• കത്തിന്റെ തുടക്കം, ഒടുക്കം എന്നിവ പരിഗണിച്ചിട്ടുണ്ട്.

പ്രവർത്തനം: പച്ചക്കറികൾ കൊണ്ടൊരു ചിത്രം

പഠനലക്ഷ്യങ്ങൾ:

• പച്ചക്കറികൾ ഉപയോഗിച്ച് വെജിറ്റബിൾ പ്രിൻ്റിങ്ങ് എന്ന സങ്കേതത്തിലൂടെ ചിത്രങ്ങൾ നിർമ്മിക്കുന്നതിന്

പ്രതീക്ഷിത സമയം : 35 മിനുട്ട്

കരുതേണ്ട സാമഗ്രികൾ : വിവിധ തരം പച്ചക്കറികൾ, പേപ്പർ കട്ടർ, ഫാബ്രിക്ക് പെയിൻ്റ്, സ്പോഞ്ച് തുടങ്ങിയവ

പ്രക്രിയാവിശദാംശങ്ങൾ:

• വെജിറ്റബിൾ പ്രിന്റ്റിങ്ങ് എന്ന സങ്കേതം കുട്ടികളെ പരിചയപ്പെടുത്തുന്നു.

• കുട്ടികളെ രണ്ടോ മൂന്നോ പേരുടെ ഗ്രൂപ്പുകളാക്കുന്നു.

• ഓരോ ഗ്രൂപ്പിനും മുറിച്ചെടുത്ത പച്ചക്കറികൾ, വിവിധ നിറങ്ങൾ ഒഴിച്ച സ്പോഞ്ച്, എന്നിവ നൽകുന്നു.

• കുട്ടികൾ മുറിച്ചെടുത്ത പച്ചക്കറികൾ പെയിൻ്റ് സ്പോഞ്ചിൽ അമർത്തി കുഞ്ഞെഴുത്ത് പേജ് 112 ൽ പ്രിന്റ് ചെയ്ത് (കൂടുതൽ ചെയ്യണമെങ്കിൽ A4 ഷീറ്റോ തുണിയോ ഉപയോഗിക്കാം ) വിവിധ ഡിസൈനുകൾ ഉണ്ടാക്കുന്നു.

• ഓരോ ഗ്രൂപ്പും തങ്ങളുടെ ചിത്രങ്ങൾ പ്രദർശിപ്പിക്കുന്നു.

• ഗ്രൂപ്പുകൾ പരസ്പരം വിലയിരുത്തി ഫീഡ്ബാക്ക് നൽകുന്നു.

വിലയിരുത്തൽ :

ഗ്രൂപ്പുകളുടെ പരസ്പര വിലയിരുത്തൽ:

• ഡിസൈനുകളുടെ ഭംഗി

• ചെയ്തതിലെ സൂക്ഷ്മ‌ത

• നിറങ്ങളുടെ തിരഞ്ഞെടുപ്പ്

കൂട്ടിയുടെ സ്വയം വിലയിരുത്തൽ

• ഈ യൂണിറ്റിലെ പ്രവർത്തനങ്ങൾ തനിക്ക് എത്രത്തോളം ചെയ്യാൻ കഴിഞ്ഞു എന്ന് മുഖഭാവം വരച്ചു ചേർത്തു കൊണ്ട് കുട്ടികൾ സ്വയം വിലയിരുത്തുന്നു.

പ്രതീക്ഷിത ഉൽപ്പന്നം:

• കുട്ടികൾ നിർമ്മിച്ച ചിത്രങ്ങൾ

• കുഞ്ഞെഴുത്ത് പേജ് 17 സ്വയം വിലയിരുത്തിയത്

വായനപാഠം

 

യൂണിറ്റ് വിലയിരുത്തല്‍

ആകെ കുട്ടികള്‍ 

1.  സ്വതന്ത്രവായനാശേഷി നേടിയവര്‍
2. സ്വതന്ത്രരചന നടത്തുന്നവര്‍
3. കുട്ടിപ്പാട്ട് പുസ്തകം തയ്യാറാക്കാനാരംഭിച്ചവര്‍
4. കാര്‍ട്ടൂണ്‍ ഡയറി എഴുതുന്നവര്‍
5. കുഞ്ഞുവര്‍ത്തമാനം എഴുതുന്നവര്‍
6. ലഘുബാലസാഹിത്യകൃതികള്‍ വായിക്കുന്നവര്‍
7. കൂടുതല്‍ പിന്തുണ വേണ്ടവര്‍