യൂണിറ്റ് : 8-ആഹാ എന്ത് സ്വാദ്
ടീച്ചറിന്റെ പേര് : ശ്രീജ എസ്
GLPS കുന്നംകുളം,
തൃശൂർ
കുട്ടികളുടെ എണ്ണം : 10
ഹാജരായവർ:
തീയതി
പീരിയഡ് 1 |
പ്രവർത്തനം : ഡയറി വായന
പ്രതീക്ഷിത സമയം 10 മിനിറ്റ്
കുട്ടികളുടെ ഡയറി വായന:
ഡയറി വായന- സവിശേഷ സ്വഭാവമുള്ള ഡയറി
സവിശേഷ സ്വഭാവമുള്ള ഡയറി ചാർട്ടിൽ പ്രദർശിപ്പിക്കുന്നു. കുട്ടികൾക്ക് വായിക്കാൻ അവസരം നൽകുന്നു. (സന്നദ്ധ വായന, കുട്ടിടീച്ചറുടെ സഹായത്തോടെയുള്ള വായന)
അക്ഷര ബോധ്യചാർട്ടിൽ അക്ഷരം, ചിഹ്നം എന്നിവ ബോധ്യമാകാത്ത കുട്ടികൾക്ക് നിർദ്ധിഷ്ട അക്ഷരം, ചിഹ്നം വരുന്ന വാക്കുകൾ കണ്ടെത്തൽ വായനയ്ക്ക് അവസരം.)
കാര്‍ട്ടൂണ്‍ ഡയറിയുടെ അവതരണം
രചനോത്സവ കഥയുടെ പങ്കിടല്‍
പ്രതീക്ഷിത സമയം 10 മിനിറ്റ്
ചിത്രങ്ങളെ ആസ്പദമാക്കി തയ്യാറാക്കിയ ചിത്രകഥ -അവതരണം.
വായനപാഠവായന 10 മിനിറ്റ്
പഠനക്കൂട്ടത്തില്‍ സഹായത്തോടെ എഴുതല്‍ ( കൂടുതല്‍ പിന്തുണ വേണ്ടവര്‍) 10 മിനിറ്റ്
പരസ്പരം എഡിറ്റ് ചെയ്യല്‍
പീരിയഡ് 2 |
പ്രവർത്തനം സംഭാഷണമെഴുതൽ
പഠന ലക്ഷ്യങ്ങൾ:-
പരിചയപ്പെട്ട എല്ലാ സ്വരങ്ങളും വ്യഞ്ജനങ്ങളും ചില്ലക്ഷരങ്ങളും ഉപചിഹ്നങ്ങളും പ്രധാന കൂട്ടക്ഷരങ്ങളും രചനാ വേളകളിൽ പ്രയോജനപ്പെടുന്നു
പുതിയ സന്ദർഭങ്ങളിൽ ആശയാവിഷ്കരണത്തിനായി പരിചയപ്പെട്ട അക്ഷരങ്ങൾ ഉള്ള വാക്കുകൾ ഉൾപ്പെടുന്ന വാക്യങ്ങൾ എഴുതുന്നു.
പ്രതീക്ഷിത സമയം:-40 മിനിറ്റ്
കരുതേണ്ട സാമഗ്രികൾ:-കുഞ്ഞെഴുത്ത്.
പ്രക്രിയ
കുഞ്ഞെഴുത്ത് പേജ് നമ്പർ 64 പരിചയപ്പെടുത്തുന്നു
പഠനക്കൂട്ടങ്ങൾ ചിത്രം നിരീക്ഷിക്കുന്നു
ഒന്നാമത്തെ സംഭാഷണം എന്തായിരിക്കും? കൂട്ടായി ആലോചിച്ച് എഴുതുന്നു.
ഓരോരുത്തരുടെയും ബുക്കിൽ എഴുതുന്നു.
പരസ്പരം സഹായിച്ച് മെച്ചപ്പെടുത്തുന്നു
ഓരോ പഠനക്കൂട്ടവും പങ്കിടുന്നു. ർ
അവർ പറയുന്നത് ടീച്ചർ ബോർഡിൽ എഴുതണം.
ടീച്ചറെഴുതിയതും അവർ എഴുതിയതുമായി പൊരുത്തപ്പെടുത്തി അവരുടെ രേഖപ്പെടുത്തൽ മെച്ചപ്പെടുത്തണം.
ആശയം വന്നിട്ടുള്ളവയെല്ലാം അംഗീകരിക്കണം
സാധ്യത
എന്ത് നല്ല ഗന്ധം
ആഹോ ഓഹോ കൈതച്ചക്ക
കൈതച്ചക്ക പറിച്ച ആന എന്തായിരിക്കും ചെയ്തിട്ടുണ്ടാവുക?
കൈതച്ചക്ക മുകളിലേക്ക് കൊണ്ടുപോയി. മൈനയെ ഒന്നു നോക്കി. കൈതച്ചക്കയിൽ ഒന്നു നോക്കി. വീണ്ടും മൈനയെ നോക്കി. അം! ( ടീച്ചർ ശരീരഭാഷ പ്രയോജനപ്പെടുത്തി അവതരിപ്പിക്കണം).
മൈനയ്ക് കിട്ടിയോ? ഇല്ല
മൈന എന്തായിരിക്കും പറഞ്ഞത്?
ടീച്ചർ ബോർഡിൽ എഴുതുന്നു. (ഛ, ഷ്ട, ഘ എന്നീ അക്ഷരങ്ങള്‍ക്ക് ഊന്നല്‍. പുനരനുഭവം. കൂടുതല്‍ പിന്തുണ വേണ്ടവരെ പരിഗണിച്ച് എഴുത്തും വായനയും)
പഠനക്കൂട്ടത്തിൽ വായിച്ചുനോക്കി പൂരിപ്പിച്ച് കുഞ്ഞെഴുത്തിൽ എഴുതണം. പരസ്പരം ആലോചിക്കാം.
മൈന: ഛേ, ഛേ നീ മഹാദുഷ്ടനാ
ഉറപ്പ് ലംഘിക്കുന്നോ?
ആനഃ ഞാൻ ലംഘിച്ചില്ല
എഴുതിയ ശേഷം വായന
കൂടുതല്‍ പിന്തുണ വേണ്ടവര്‍ ഭാവാത്മക വായന സഹായത്തോടെ നടത്തണം.
ചേ യുടെ ഉച്ചാരണമല്ല ഛേ ശരിയായി ഉച്ചരിക്കണം. ലംഘിക്കുന്നോ, ലംഘിച്ചില്ല എന്നിവയിലെ ഘയുടെ
ഉച്ചാരണത്തിലും ശ്രദ്ധിക്കണം.
ലംഘിച്ചില്ല എന്നാണ് പൂരിപ്പിക്കേണ്ടത്.
(ഞാൻ ഉറപ്പ് ലംഘിച്ചില്ല എന്നും കുട്ടികൾ എഴുതാം)
കുഞ്ഞെഴുത്ത് പേജ് നമ്പർ 65 പരിചയപ്പെടുത്തുന്നു
പഠനക്കൂട്ടങ്ങൾ ചിത്രം നിരീക്ഷിക്കുന്നു
*എന്തായിരിക്കും മൈന ചോദിച്ചത്??
ആനയുടെ മറുപടി എന്താ?
മൈനക്ക് വീണ്ടും സംശയം.
ആശയഗ്രഹണവായന.
സന്ദർഭം മനസ്സിലാക്കി സംഭാഷണം എഴുണം
പഠനക്കൂട്ടങ്ങളിൽ ആലോചിച്ചാണ് എഴുതേണ്ടത്
>മൈന: എൻ്റെ പങ്ക് എവിടെ?
>ആന: അടുത്ത തവണ നിനക്ക്...തരാം
>മൈന: ഉറപ്പായും നിന്നെ വിശ്വസിക്കാമോ?
> ആന : ഉറപ്പായും വിശ്വസിക്കാം
ആശയം ശരിയായിരുന്നാൽ അംഗീകരിക്കണം.
ഉദാഹരണം
ഒന്നാം വാക്യത്തിൽ ദുഷ്ടാ, ആനേ എന്ന് ചേർക്കാം.
രണ്ടാം വാക്യത്തിൽ നിനക്ക് കുറച്ച്, ഒരു പങ്ക്, തീർച്ചയായും, പഴം എന്നിങ്ങനെ സാധ്യതകൾ. മൂന്നാം വാക്യത്തിൽ ഉറപ്പായും വിശ്വസിക്കാം. തീർച്ചയായും വിശ്വസിക്കാം തുടങ്ങിയ സാധ്യതകൾ)
എല്ലാ പഠനക്കൂട്ടത്തിലും എഴുതിയത് ശരിയാണോ എന്ന് ടീച്ചർ പരിശോധിക്കുന്നു
ഓരോ പഠനക്കൂട്ടത്തിന്റെയും അവതരണം
പീരിയഡ് 3 |
പ്രവർത്തനം സംഭാഷണം എഴുതാം ചിത്രം വരയ്ക്കാം
പഠന ലക്ഷ്യങ്ങൾ:-
വായിച്ചു ഗ്രഹിച്ച പാഠത്തിലെ സന്ദർഭങ്ങൾ സംഭാഷണ രൂപത്തിൽ എഴുതി അഭിനയിക്കുന്നു
പുതിയ സന്ദർഭങ്ങളിൽ ആശയാവിഷ്കാരത്തിനായി പരിചയപ്പെട്ട അക്ഷരങ്ങൾ വാക്കുകൾ ഉൾപ്പെടുന്ന വാക്യങ്ങൾ എഴുതുന്നു
കേട്ടതോ വായിച്ചതോ ആയ കഥകളിലെ കഥാപാത്രങ്ങളുടെ പ്രത്യേകതകൾ കണ്ടെത്തി ചിത്രീകരിക്കുന്നു.
ചിത്രകഥാപുസ്തകങ്ങളിലെ ചിത്രീകരണങ്ങളെക്കുറിച്ച് തന്റെ അഭിപ്രായം പങ്കിടുന്നു.
പ്രതീക്ഷിത സമയം:- 40 മിനിറ്റ്
പ്രക്രിയ
കുഞ്ഞെഴുത്ത് പേജ് 66
ആനയും ജിറാഫും തമ്മിൽ വളരെക്കാലത്തിന് ശേഷം കണ്ടുമുട്ടി. ആനയ്ക് വളരെ സന്തോഷമായി. പഴയ കാര്യങ്ങളെല്ലാം ആന ഓര്‍ത്തു.
അവർ തമ്മിൽ പറയാനിടയുള്ള കാര്യങ്ങളെന്തെല്ലാമായിരിക്കും?
എങ്ങനെയായിരിക്കും ഏറെക്കാലത്തിനു ശേഷം രണ്ടുപേർ കണ്ടുമുട്ടിയാൽ സംഭാഷണം ആരംഭിക്കുക?
ഓരോരുത്തരും ആലോചിക്കു. എഴുതു
ജിറാഫ്: വേദന പോയോ
ആന: വേദന പോയി
ജിറാഫ്: എന്തിനാ ധാരാളം പഴം തിന്നത്?
ആന: കൊതികൊണ്ടാ.
ജിറാഫ്: മറ്റാർക്കും കൊടുക്കാതെ തിന്നരുത്.
ആന: ശരി
വ്യക്തിഗതമായി എഴുതുന്നു (പത്ത് മിനിറ്റ്)
ഗ്രൂപ്പിൽ അവതരിപ്പിക്കുന്നു. (പത്ത് മിനിറ്റ് )
ഓരോരുത്തരും വായിക്കുന്നു. എഴുതിയതെല്ലാം ഒരു പോലെയാകണമെന്നില്ല.
ഗ്രൂപ്പിലെ എല്ലാവരുടെയും അവതരണം കഴിഞ്ഞ ശേഷം ഇനിയും എന്തെങ്കിലും എഴുതുമായിരുന്നോ എന്ന് ആലോചിക്കണം.
കുറച്ച് മാത്രം എഴുതിയവർക്ക് എന്താണ് കൂട്ടിച്ചേർക്കാനാവുക? പിന്തുണയോടെ അതും എഴുതണം
തുടർന്ന് അക്ഷരവും ചിഹ്നവുമൊന്നും തെറ്റിപ്പോയിട്ടില്ലെന്ന് ഉറപ്പാക്കുന്നു.
പരസ്പരം സഹായിക്കുന്നു.
പൊതു അവതരണം ( പത്ത് മിനിറ്റ് )
ഓരോ ഗ്രൂപ്പിൽ നിന്നും വ്യത്യസ്തമായി എഴുതിയ രണ്ടുപേർക്ക് അവതരിപ്പിക്കാം.
അതിനു ശേഷം പേജിൽ സംഭാഷണരംഗത്തിൻ്റെ ചിത്രം വരയ്ക്കണം. ( അഞ്ച് മിനിറ്റ് )
എല്ലാവരുടെയും രചനകൾ വിലയിരുത്തി ടീച്ചർ മികവുകൾ സംസാരിക്കണം. ( അഞ്ച് മിനിറ്റ് )
പ്രവർത്തനം കഥനിർമ്മിക്കാം
പ്രവർത്തനം കഥനിർമ്മിക്കാം
ജിറാഫിനെ കണ്ടു വന്ന ശേഷം ആന കാട്ടിലെ മൃഗങ്ങൾ ക്ക് ഒരു സദ്യ കൊടുക്കാൻ ആലോചിച്ചു. എല്ലാവരെയും വിളിക്കണം. എന്തെല്ലാം കൊടുക്കണം?
പക്ഷേ അവസാനം ബഹളമായി.
എന്തായിരിക്കും സംഭവിച്ചത്?
കഥ എഴുതൂ
പാഠപുസ്തകം പേജ് 68ല്‍ ചിത്രം വരച്ച് ചേര്‍ക്കുന്നു. ആ ചിത്രം അടിസ്ഥാനമാക്കി ചിത്രകഥ വികസിപ്പിച്ച് 69 ല്‍ എഴുതുന്നു. ഓരോ പഠനക്കൂട്ടത്തില്‍ പങ്കുവെച്ച ശേഷം പൊതുവായി കഥ അവതരിപ്പിക്കുന്നു
വായനപാഠം.
ടിച്ചറുടെ വിലയിരുത്തൽ
എല്ലാവർക്കും തനിയെ വായിക്കാൻ കഴിയുന്നുണ്ടോ?
എല്ലാവരും ആശയം ഗ്രഹിച്ചു വായിക്കുന്നുണ്ടോ?
ഋ, ഏ, ഓ ഇവയുടെ ചിഹ്നം വരുന്ന വാക്കുകൾ തിരിച്ചറിയുന്നുണ്ടോ?
…………………………….
