ഭാഷയും തൊഴിലും- മനുഷ്യന്റെ കൈകള്‍

 
ക്ലാസ്: മൂന്ന്

വിഷയം: മലയാളം

യൂണിറ്റ്:4 

പാഠത്തിൻ്റെ പേര്:മനുഷ്യന്റെ കൈകള്‍

ടീച്ചറുടെ പേര്: സൈജ എസ്

ഗവ എൽ പി എസ് കൊല്ലൂർവിള , കൊല്ലം

കുട്ടികളുടെ എണ്ണം:.......

ഹാജരായവർ: .......

തീയതി: ..…../ 2025

കൈപ്പുസ്തകം പേജ് 153

പഠനലക്ഷ്യങ്ങള്‍

• പരിചയപ്പെടുന്ന വാക്കുകൾ അക്ഷരമാലാക്രമത്തിൽ രേഖപ്പെടുത്തി സൂക്ഷിക്കുന്നതിൽ ആനന്ദിക്കുക

പ്രവര്‍ത്തന വിശദാംശങ്ങള്‍ 

ഘട്ടം ഒന്ന്

ചിത്രത്തില്‍ കാണുന്ന തൊഴിലുകള്‍ ഏതെല്ലാം?

ഓരോരുത്തര്‍ ഓരോന്ന് വീതം ബോര്‍ഡില്‍ വന്നെഴുതല്‍. എഴുതിയത് ശരിയാണോ എന്ന് വിശകലനം ചെയ്യേണ്ടത് കുട്ടികളാണ്.

• മീന്‍ പിടുത്തം

• നെല്‍കൃഷി

• മീന്‍ കച്ചവടം

• കരിക്ക് വില്പന

• പാചകവാതക വിതരണം

• ഡ്രൈവിംഗ്

• ………………..

ഇളനീര്‍കച്ചവടം എടുക്കാം. അതുമായി ബന്ധപ്പെട്ട വാക്കുകള്‍ പറയാമോ? പൊതു ക്ലാസ് പ്രതികരണം

• കരിക്ക്

• വെട്ടുകത്തി

• തൊണ്ട്

• തെങ്ങ്

• ദാഹം

• തേങ്ങ

• കരിക്കിന്‍ വെള്ളം

• കരിക്ക് വാങ്ങല്‍

• ……………..

ഘട്ടം രണ്ട്

• ഇതുപോലെ ഓരോ തൊഴിലുമായി ബന്ധപ്പെടാവുന്ന പരമാവധി വാക്കുകള്‍ കണ്ടെത്തണം. മൂന്ന് പേരുടെ ഗ്രൂപ്പിന് ഒരു തൊഴില്‍ വീതം നല്‍കുന്നു. ഭിന്ന നിലവാര ഗ്രൂപ്പായിരിക്കണം. കൂട്ടായി ആലോചിച്ച് എഴുതണം. എല്ലാവരുടെയും ബുക്കില്‍ രേഖപ്പെടുത്തല്‍ വേണം. പരസ്പരം സഹായിക്കണം.

• ടീച്ചര്‍ അക്ഷരമാല ക്രമം പരിചയപ്പെടുത്തുന്നു. (ചാര്‍ട്ട്)

ടിപ് ആക്ടിവിറ്റി

• നിങ്ങള്‍ക്കെല്ലാം പല പേരുകളാണ്. ഹാജര്‍ബുക്കില്‍ മലയാളം അക്ഷരമാലാ ക്രമത്തിലാണ് എഴുതുന്നതെങ്കില്‍ എങ്ങനെയായിരിക്കും ക്രമം ? വന്ന് നില്‍ക്കാമോ?

നേരത്തെ കരിക്ക് കച്ചവടത്തെക്കുറിച്ച് എഴുതിയ വാക്കുകള്‍ അക്ഷരമാലാ ക്രമത്തിലാക്കാമോ?

• ഒരേ അക്ഷരത്തില്‍ ആരംഭിക്കുന്നവ കണ്ടെത്തല്‍ ( ഉദാ- തൊണ്ട്, തേങ്ങ. ) അവ വരച്ച് യോജിപ്പിക്കല്‍

• ആദ്യം അക്ഷരമാലയില്‍ വരുന്നത് ഏതാണ്? ക. കയില്‍ തുടങ്ങുന്ന വാക്കുകള്‍

• ത എപ്പോഴാണ് വരിക ? ക.

• ഇങ്ങനെ ചര്‍ച്ച ചെയ്ത് വാക്കുകളുടെ അക്ഷരമാലാ ക്രമം നിശ്ചയിക്കുന്ന രീതി ബോധ്യപ്പെടുത്തല്‍

• തെങ്ങ്, തേങ്ങ, തൊണ്ട് ഇവയുടെ ക്രമം എങ്ങനെയായിരിക്കും? ചര്‍ച്ച

ഘട്ടം മൂന്ന്

• തുടര്‍ന്ന് ഓരോ ഗ്രൂപ്പും അവരെഴുതിയ വാക്കുകള്‍ അക്ഷരമാലാ ക്രമത്തിലാക്കുന്നു. എല്ലാവരുടെയും ബുക്കില്‍ രേഖപ്പെടുത്തല്‍ വേണം

• എല്ലാ ഗ്രൂപ്പിനും ഓരോ പേപ്പര്‍ നല്‍കുന്നു. അതില്‍ തൊഴിലിന്റെ ചിത്രം വരച്ച് അതുമായി ബന്ധപ്പെട്ട വാക്കുകള്‍ അക്ഷരമാലാ ക്രമത്തിലാക്കി എഴുതണം. എല്ലാവരുടെയും കൈയക്ഷരം നിര്‍ബന്ധം, ഒരാള്‍ ഒരു വാക്ക്, അടുത്തയാള്‍ അടുത്ത വാക്ക് എന്ന രീതി. ( പിന്തുണ വേണ്ടവരെ സഹായിക്കല്‍)

• അവ പ്രദര്‍ശിപ്പിക്കുന്നു.

• ഒഴിവ് സമയത്ത് കൂട്ടിച്ചേര്‍ക്കലുകള്‍ നടത്താം.

ഘട്ടം നാല്

• കേരളത്തിലെ തൊഴിലും ഭാഷയും എന്നൊരു പുസ്തകം തയ്യാറാക്കാനാണ്. എങ്കില്‍ ഏത് തൊഴില്‍ ആദ്യം വരണം? അക്ഷരമാലാ ക്രമത്തില്‍ ആ പുസ്തകത്തിന്റെ പേജ് ക്രമീകരിക്കാമോ? ചെറുഗ്രൂപ്പിനെ ചുമതലപ്പെടുത്തല്‍

• പ്രകാശനം