ക്ലാസ് : ഒന്ന്
യൂണിറ്റ് : 4
പാഠത്തിൻ്റെ പേര് : പിറന്നാള്‍ സമ്മാനം
ടീച്ചറുടെ
പേര് : വിപിൻ വി കെ
പുത്തൂർമഠം എ എം യു പി സ്കൂൾ
മാവൂർ ബി ആർ സി
കുട്ടികളുടെ എണ്ണം :.......
ഹാജരായവർ : .......
തീയതി : ..…../ 2025
പിരീഡ് ഒന്ന് |
പ്രവർത്തനം 1 - സംയുക്ത ഡയറി, കഥാവേള, വായനക്കൂടാരം. വായനപാഠം
പഠനലക്ഷ്യങ്ങൾ:
കഥാവേളകളിൽ ചെറു സദസ്സിനു മുമ്പാകെ കഥ ഭാവാത്മകമായി പറയുന്നു .
കേട്ടതോ വായിച്ചതോ ആയ കഥകൾ ആശയച്ചോർച്ചയില്ലാതെയും ഭാവം ഉൾക്കൊണ്ടും സ്വന്തം ഭാഷയിൽ അവതരിപ്പിക്കുന്നു .
കൂട്ടുകാർ വരച്ച ചിത്രങ്ങളിലെ സവിശേഷതകൾ കണ്ടെത്തി വിലയിരുത്തലുകൾ പങ്കിടുന്നു .
തൻ്റെ അനുഭവങ്ങളും ചിന്തകളും ആശയങ്ങളും പരിചിത അക്ഷരങ്ങൾ ഉപയോഗിച്ച് ലളിതമായ വാക്യങ്ങളിൽ എഴുതി പ്രകടിപ്പിക്കുന്നതിനുള്ള കഴിവ് നേടുന്നു.
പരിചിതാക്ഷരങ്ങളുളള ലഘുവാക്യങ്ങള്‍, പദങ്ങള്‍ എന്നിവ ഒറ്റയ്കും സഹായത്തോടെയും വായിക്കുന്നു
പ്രതീക്ഷിത സമയം - 40 മിനുട്ട്
കരുതേണ്ട സാമഗ്രികൾ - കഥാപുസ്തകങ്ങൾ , വായനപാഠങ്ങൾ ,
പ്രക്രിയാവിശദാംശങ്ങൾ
സംയുക്ത ഡയറി പങ്കിടൽ 10 മിനുട്ട്
തിരഞ്ഞെടുത്ത സംയുക്ത ഡയറി വായിച്ച് വതരിപ്പിക്കുന്നു.
സ്വയം വായിക്കാന്‍ കഴിയുന്നവര്‍ക്ക് ഡയറി വായിക്കാന്‍ അവസരം നല്‍കുന്നു.
ഹാജരായ എല്ലാ കുട്ടികളും ഡയറി എഴുതി എന്ന് ഉറപ്പാക്കൽ.
മറ്റുള്ളവരുടെ ഡയറിക്കുറിപ്പുകൾ ഉച്ചനേരം വായിച്ച് അംഗീകാരമുദ്ര നൽകൽ.ശ്രദ്ധേയമായ കാര്യങ്ങൾ വക്കുന്നു
വായനപാഠം വായിക്കൽ 5+5 മിനുട്ട്
കഴിഞ്ഞ ദിവസം നൽകിയ വായനപാഠങ്ങൾ പഠനക്കൂട്ടങ്ങളിൽ വായിക്കൽ
ഒരാൾ ഒരു വരി വീതം ഓരോ പഠനക്കൂട്ടത്തിൽ നിന്നും പൊതുവായി വായിക്കൽ
വായനക്കൂടാരത്തിലെ പുസ്തകവായന 5 മിനുട്ട്
വളര്‍ത്തുജീവികളുമായി ബന്ധപ്പെട്ട കഥപ്പുസ്തകം വായിച്ചവര്‍ കഥ പറയുന്നു
കഥാവേള പങ്കാളിത്ത ചാർട്ടിൽ അവരുടെ പേര് ചേർക്കുന്നു
പിരീഡ് രണ്ട് |
പ്രവർത്തനം: കിനാവ് ( എഴുത്ത്)
പഠന ലക്ഷ്യങ്ങൾ
കേട്ടതോ വായിച്ചതോ ആയ കഥകൾ ആശയ ചോർച്ച ഇല്ലാതെയും ഭാവം ഉൾക്കൊണ്ടും സ്വന്തം ഭാഷയിൽ അവതരിപ്പിക്കുന്നു.
സചിത്ര പുസ്തകങ്ങൾ വായിച്ച് കഥ മറ്റുള്ളവരുമായി പങ്കിടുന്നു.
മലയാളം ലിപികൾ അംഗീകൃത രീതിയിൽ (അക്ഷരങ്ങളുടെ വലിപ്പം, ആലേഖന ക്രമം,) സഹായത്തോടെ എഴുതി തീമുകളുമായി ബന്ധപ്പെട്ട സന്ദർഭങ്ങളിലെ വാക്കുകളും ചെറുവാക്യങ്ങളും പൂർത്തിയാക്കുന്നു.
അക്ഷരങ്ങളുടെയും വാക്കുകളുടെയും പുനരനുഭവ സന്ദർഭങ്ങളിൽ തെളിവെടുത്ത് എഴുതുന്നു.
പ്രതീക്ഷിത സമയം 30 മിനിറ്റ്
പ്രക്രിയ വിശദാംശങ്ങൾ
സ്വതന്ത്ര വായനയിലേക്ക്
നമുക്കൊരു കഥ വായിച്ചാലോ?
പാഠപുസ്തകത്തിലെ കിനാവ് എന്ന ഭാഗത്തെ ചിത്രങ്ങൾ നോക്കൂ..
ആദ്യത്തെ ചിത്രത്തിൽ ആരൊക്കെയുണ്ട് ? അവരുടെ ബന്ധത്തെക്കുറിച്ച് നിങ്ങൾക്ക് എന്തൊക്കെ പറയാൻ കഴിയും ?
കുട്ടികൾ പ്രതികരിക്കുന്നു.
തുടർന്ന് കഥ പഠനക്കൂട്ടത്തില്‍ വായിക്കുന്നു.
ഒരാൾ ഒരു വാക്യം വീതം (പഠനക്കൂട്ടത്തില്‍പരസ്പര സഹായവായന). അക്ഷരബോധ്യച്ചാര്‍ട്ടിന്റെ അടിസ്ഥാനത്തില്‍ പിന്തുണവേണ്ടവരുടെ അടുത്ത് ടീച്ചറെത്തി സഹപാഠികളുടെ സഹായം കിട്ടുന്നുണ്ടെന്ന് ഉറപ്പാക്കുന്നു. പ്രോത്സാഹിപ്പിക്കുന്നു.
അവാസനം എന്തായിരിക്കും സംഭവിച്ചത്? പഠനക്കൂട്ടത്തില്‍ ഓരോരുത്തരും പറയുന്നു. ഏറ്റവും സ്വീകാര്യമായത് എല്ലാവരും എഴുതുന്നു ( സഹായം വേണ്ടവര്‍ക്ക് സഹായം)
പഠനക്കൂട്ടങ്ങളുടെ പൊതുവായന.
ഓരോ വാക്യം ഓരോരുത്തരെന്ന രീതിയില്‍ പഠനക്കൂട്ടത്തിലെ അംഗങ്ങള്‍ ക്ലാസിന് മുന്നില്‍ വന്ന് നിന്ന് വായിക്കുന്നു. വായനയുടെ റിഹേഴ്സല്‍ പഠനക്കൂട്ടത്തില്‍ നടത്തണം
അവസാനം സംഭവിച്ച കാര്യം ഓരോ പഠനക്കൂട്ടവും പറയുമ്പോള്‍ ടീച്ചര്‍ അത് ബോര്‍ഡില്‍ രേഖപ്പെടുത്തണം.
സാധ്യതകള്‍
പിറ്റേന്ന് വാതിൽ തുറന്നപ്പോൾ മുറ്റത്ത് ആട് നിൽക്കുന്നു.
പിറ്റേന്ന് വാതിൽ തുറന്നപ്പോൾ ആട് നിൽക്കുന്നു.
പിറ്റേന്ന് വാതിൽ തുറന്നപ്പോൾ ആടിനെ കണ്ട കർഷകന് സന്തോഷമായി.
പിറ്റേന്ന് വാതിൽ തുറന്നപ്പോൾ ആടിനെ കണ്ട കർഷകൻ അതിനെ കെട്ടിപ്പിടിച്ചു.
പിറ്റേന്ന് വാതിൽ തുറന്നപ്പോൾ ആട് ഓടി വന്ന് കർഷകനെ മുട്ടയുരുമ്മി.
…………………..
കണ്ടെത്തൽ വായന
പഠനക്കൂട്ടങ്ങളോടാണ് ചോദ്യം. ഓരോ ചോദ്യവും ചോദിച്ച് കണ്ടെത്താന്‍ എല്ലാവര്‍ക്കും അവസരം നല്‍കിയ ശേഷമേ ഏതെങ്കിലും പഠനക്കൂട്ടത്തോട് ഉത്തരം പറയാന്‍ ആവശ്യപ്പെടാവൂ. അവര്‍ക്ക് ആര്‍ക്കും ഉത്തരം അറിയില്ലെങ്കില്‍ അടുത്ത പഠനക്കൂട്ടത്തോട് ചോദിക്കാം. ഉത്തരവാക്യം ചൂണ്ടിക്കാട്ടി വായിക്കണം.
ഭക്ഷണത്തെ പറ്റി സൂചനയുള്ള വാക്യം?
രാത്രിയെപ്പറ്റി സൂചനയുള്ള വാക്യം?
സ്വപ്നം എന്നതിന് പകരം വാക്കുള്ള വാക്യം?
രാത്രിയും പകലും സൂചിപ്പിക്കാൻ ചിത്രത്തിൽ എന്തെല്ലാമാണ് ഉള്ളത്?
ആടിന്റെ എന്തെല്ലാം പ്രത്യേകതകൾ വരച്ചിട്ടുണ്ട്?
കർഷകനും ആടും തമ്മിലുള്ള സ്നേഹബന്ധം ഏതു വാക്യത്തിലാണ് ഉള്ളത്?
പിന്തുണവായന
വായനാപാഠത്തില്‍ പരിചിതാക്ഷരങ്ങളുടെ പുനരനുഭവമാണുള്ളത്. അക്ഷര, ചിഹ്നബോധ്യവിശകലനച്ചാര്‍ട്ടിന്റെ അടിസ്ഥാനത്തില്‍ കൂടുതല്‍ പിന്തുണ ആവശ്യമുള്ളവര്‍ക്ക് സഹായം നല്‍കുന്നതിനും സ്വതന്ത്രവായനപാഠം പരിചയപ്പെടുത്തുന്നതിനും സഹായകമായ പ്രവര്‍ത്തനങ്ങളാണ്.
ടീച്ചര്‍ നിര്‍ദേശിക്കുന്ന വാക്കുകള്‍ കൂടുതല്‍ പിന്തുണ വേണ്ടവര്‍ കണ്ടെത്തി പഠനക്കൂട്ടത്തിലെ സഹപാഠികളെ കാണിക്കണം.
അക്ഷര, ചിഹ്ന ബോധ്യച്ചാര്‍ട്ടിന്റെ അടിസ്ഥാനത്തിലാണ് ഏത് കുട്ടിയോട് ഏത് വാക്ക് കണ്ടെത്തണം എന്ന് ആവശ്യപ്പെടേണ്ടത്. അങ്ങനെ ആവശ്യപ്പെടുമ്പോള്‍ ഏത് പേജിലാണ് എന്ന് സൂചിപ്പിക്കുന്നത് നന്നായിരിക്കും.
അക്ഷരത്തെ കേന്ദ്രീകരിച്ചുള്ള വായനയ്ക് ശേഷം ചിഹ്നത്തെ കേന്ദ്രീകരിച്ചുള്ള കണ്ടെത്തല്‍ വയനയും നടത്തണം
കണ്ടെത്തല്‍ വായനയ്കായി ഓരോ വിഭാഗത്തിലും അഞ്ചോ ആറോ വാക്കുകളാണ് തിരഞ്ഞെടുക്കുന്നത്.
വാക്കുകള്‍ തരംതിരിച്ച പട്ടിക ചുവടെ
പുനരനുഭവ ഇനം |
സ്വരങ്ങള്‍ |
ക, ച, ട, ത, പ |
യ, ര, ല, വ |
ഞ, ണ, ന, മ |
കൂട്ടക്ഷരങ്ങള്‍ |
ചില്ലക്ഷരങ്ങള്‍ |
|||
അക്ഷരപുനരനുഭവം |
അയാള്‍, അന്ന്, ആട് ആ ഒരു ഒരുനാള്‍ |
കര്ഷകന് ആട്ന് തീറ്റ, കിനാവ് കണ്ടു തിരികെ, കൊടുക്കും |
ഒരു വിറ്റു കിനാവ് തിരികെ അയാള്‍, രീവില്‍, വാതില്‍ |
ആടിനെ, കര്ഷകന്, കിനാവ്,
|
അയാള്‍ അന്ന്, എന്നും തീറ്റ, പിറ്റേന്ന്, വിറ്റു, കണ്ടു, വന്നെന്ന്, കൊടുക്കും |
രാവില്‍ വാതില്‍ അയാള്‍ കര്ഷകന് കര്ഷകന് |
|||
|
സ്വരചിഹ്നങ്ങള്‍ |
||||||||
ചിഹ്ന പുനരനുഭവം |
അയാള്‍ രീവില്‍ വാതില്‍, കിനാവ് നാള്‍ |
ആടിനെ തിരികെ, രാവില്‍ വാതില്‍
|
തീറ്റ |
കണ്ടു ഒരു വിറ്റു തുറന്നപ്പോള്‍ |
തുറന്നപ്പോള്‍ |
കൊടുക്കും |
തിരികെ വന്നെന്ന് |
എന്നും കൊടുക്കും |
പിറ്റേന്ന് |
കഥയോടുള്ള പ്രതികരണം.
ഈ കഥയെക്കുറിച്ച് നിങ്ങളുടെ അഭിപ്രായം എന്താണ്?
ഓരോ പഠനക്കൂട്ടവും പ്രതികരിക്കുന്നു
പ്രതീക്ഷിത ഉൽപ്പന്നം: പൂർത്തിയാക്കിയ കഥ
വിലയിരുത്തൽ
കഥ തനിയെ വായിക്കാൻ കഴിയുന്നവരുടെ എണ്ണം കൂടുന്നുണ്ടോ?
പരസ്പര സഹായവായന എത്രപേർക്ക് പ്രയോജനം ചെയ്തു?
ചിത്ര വായനയ്ക്ക് ചോദിച്ച ചോദ്യങ്ങൾ സൂക്ഷ്മനിരീക്ഷണത്തിലേക്ക് നയിച്ചുവോ ?
കഥയുടെ അവസാന ഭാഗം കുട്ടികൾ ചിന്തിച്ചതും ടീച്ചർ ആലോചിച്ചതും തമ്മിൽ വ്യത്യാസമുണ്ടോ ?
കഥയെ വിലയിരുത്തി കുട്ടികൾ പറഞ്ഞത് എന്തായിരുന്നു ?
പിരീഡ് മൂന്ന് |
പ്രവർത്തനം - തരം തിരിക്കാം, നിറം കൊടുത്ത് വരച്ചു ചേർക്കാമോ
പഠന ലക്ഷ്യങ്ങൾ
നിരീക്ഷണങ്ങളുടെയും അനുഭവങ്ങളുടെയും അടിസ്ഥാനത്തിൽ വീട്ടിൽ വളർത്തുന്ന ജീവികളെ മുട്ടയ്ക്ക്, പാലിന്, മാംസത്തിന്, വിനോദത്തിന് എന്നിങ്ങനെ മാനദണ്ഡങ്ങൾ രൂപീകരിച്ച് വർഗ്ഗീകരിക്കുന്നു.
പ്രതീക്ഷിത സമയം - 30 മിനിറ്റ്
സാമഗ്രികൾ - പാഠപുസ്തകം
പ്രവർത്തനവിശദാംശങ്ങൾ
പാഠപുസ്തകത്തിലെ ചിത്രം നോക്കാൻ അവസരം നൽകുന്നു. ചിത്രത്തിൽ ആരൊക്കെ?
നിറം നൽകാമോ?
ഇവരിൽ ആരെയൊക്കെ നിങ്ങളുടെ വീട്ടിൽ വളർത്തുന്നുണ്ട് ?
കുട്ടികൾ അവരവരുടെ വീട്ടിൽ വളർത്തുന്ന ജീവികളുടെ പേരുകൾ പറയുന്നു. അധ്യാപിക ചാർട്ടിൽ എഴുതുന്നു.
പ്രശ്നാവതരണം
എല്ലാ ജീവികളെയും വളർത്തുന്നത് ഒരേ ആവശ്യത്തിനാണോ?/ഒരേ ജീവിയെ വിവിധ ആവശ്യങ്ങൾക്കായി വളർത്തുന്നുണ്ടോ ?
കുട്ടികൾ പഠനക്കൂട്ടങ്ങളാകുന്നു. ഉത്തരം ചർച്ച ചെയ്ത് കണ്ടെത്തുന്നു അവതരിപ്പിക്കുന്നു.
വിശകലനച്ചർച്ച
ഏതൊക്കെ ആവശ്യങ്ങൾക്കാണ് ജീവികളെ വളർത്തുന്നത്? കുട്ടികൾ പ്രതികരിക്കുന്നു.
അധ്യാപിക ചാർട്ടിൽ എഴുതുന്നു.(എഴുതുമ്പോൾ പരിചയപ്പെട്ട അക്ഷരങ്ങൾ ഉപയോഗിക്കാൻ ശ്രമിക്കണം)
മുട്ടയ്ക്ക്, പാലിന്, ഇറച്ചിക്ക് (ആഹാരത്തിന്, ഭക്ഷണത്തിന് എന്ന് എഴുതാൻ ആ, ഹ, ഭ, ക്ഷ എന്നീ അക്ഷരങ്ങൾ പരിചയപ്പെട്ടിട്ടില്ല)
വരുമാനമുണ്ടാക്കാൻ
സന്തോഷത്തിന്
കാവലിന്
.......................
.......................
വരച്ച് യോജിപ്പിക്കാം
പാഠപുസ്തകത്തിൽ തന്നിരിക്കുന്ന ജീവികളെ അവരുടെ ഉപയോഗവുമായി ബന്ധപ്പെടുത്തി പെൻസിൽ വച്ച് വരച്ച് യോജിപ്പിക്ക൪മോ? ( വ്യക്തിഗതപ്രവര്‍ത്തനം)
ഗ്രൂപ്പിൽ കുട്ടികളുടെ കണ്ടെത്തലുകൾ ശരിയാണോ എന്ന് പരിശോധിക്കുന്നു. ആവശ്യമായ തിരുത്തലുകൾ വരുത്തുന്നു. ഗ്രൂപ്പിൽ അവതരിപ്പിക്കുന്നു.
ഓരോ ഗ്രൂപ്പിന്റെയും അവതരണം. വാട്ടില്‍ വളര്‍ത്ത് ജീവികള്‍ ഉള്ളവര്‍ അനുഭവം പങ്കിടാം
സംയുക്തഡയറിയില്‍ വളര്‍ത്ത് ജീവികളെക്കുറിച്ച് എഴുതിയത് പങ്കിടാം.
പ്രതീക്ഷിത ഉൽപ്പന്നം: ജീവികളെ അവയുടെ ഉപയോഗവുമായി ബന്ധപ്പെടുത്തി വരച്ച ചേർത്തത്
വിലയിരുത്തൽ
ഉപയോഗത്തിന്റെ അടിസ്ഥാനത്തിൽ വളർത്തു ജീവികളെ തരംതിരിക്കാൻ കുട്ടികൾ കഴിവ് നേടിയോ ?
പരസ്പര വിലയിരുത്തലിന്റെ സാധ്യത എപ്രകാരം പ്രയോജനപ്പെടുത്തി ?
സ്വയം വിലയിരുത്തലിന് അവസരം ഒരുക്കിയത് എപ്പോൾ ?
പിന്തുണ പ്രവർത്തനം
പ്രവർത്തനം: കഥക്കൂട്ടം
പഠനലക്ഷ്യങ്ങൾ:
കഥാവേളകളിൽ ചെറു സദസ്സിനു മുമ്പാകെ കഥ ഭാവാത്മകമായി പറയുന്നു .
കേട്ടതോ വായിച്ചതോ ആയ കഥകൾ ആശയച്ചോർച്ചയില്ലാതെയും ഭാവം ഉൾക്കൊണ്ടും സ്വന്തം ഭാഷയിൽ അവതരിപ്പിക്കുന്നു .
പ്രക്രിയ വിശദാംശങ്ങൾ
കുട്ടികൾക്ക് കൂടുതൽ കഥകൾ കേൾക്കാൻ അവസരം നൽകുന്നതിനാണ് ഈ പ്രവർത്തനം.
കഥ പറഞ്ഞുകൊടുക്കാൻ താല്പര്യമുള്ള രക്ഷിതാക്കളെ ഉപയോഗപ്പെടുത്തി ഒരു ഗ്രൂപ്പ് ഉണ്ടാക്കുകയും. ഒഴിവ് സമയങ്ങളിലോ, സർഗ്ഗവേള സമയത്തോ കുട്ടികൾക്ക് കഥ പറഞ്ഞ് കൊടുക്കുന്നതിന് അവസരം ഉണ്ടാക്കുന്നു.
ആഴ്ചയിൽ ഒന്നോ രണ്ടോ ദിവസം ഇതിനുവേണ്ടി ഉപയോഗപ്പെടുത്താവുന്നതാണ്.
ഇത്തരത്തിൽ കേട്ട കഥകൾ കഥാ വേളകളിൽ പറയാൻ ക്ലാസിൽ അവസരം നൽകുന്നു.
ഇതൊരു തുടർ പ്രവർത്തനമായി കൊണ്ടുപോകാവുന്നതാണ്.
കേട്ട് തഴമ്പിച്ച കഥകള്‍ അല്ല പറയേണ്ടത്. പുതിയ കഥാപുസ്തകങ്ങള്‍ കഥപറച്ചിലുകാര്‍ക്ക് നല്‍കണം.
വായനപാഠം
കര്‍ഷകനും ആടും വീണ്ടും കണ്ടുമുട്ടിയരംഗത്തിന്റെ സചിത്രസംഭാഷണം
No comments:
Post a Comment